رواية في احضان الذئاب الفصل الخامس 5 - بقلم الكاتبة قمر الجنابي

البارت الرابع🔴✔

بقلمي الكاتبه قمر💁‍♀️💕

لاتنسون النجمه احبكم ⭐💋

وتمر بية طوايف شوگ
‏وأتذكر ضحكتك وأنسى كل حزني

دارت وجهها طلعت ازهار بقينه ثنينه مصدومين كتلها....شسوين هنا

ازهار....انتي شسوين هنا

حور....بيتنه غير

ازهار.....يا عزه يعني صرنه جوارين

حور....اضاهر اي شلون صدفه حلوه تردين اعبر اساعدج

ازهار.... لا شلون تعبيرين ولج حايط عالي

حور....ابتسمت وحطيت رجلي ع الحايط وعبرت

ازهار.....يا موش بت ولد متحول

حور.... طاحضج ولج غير متعوده اني ما كايلتلج بس امي متسمع ولا تحجي وعايشين بس اني وياها فا متعوده من الكي الباب مسدوده اعبر

ازهار.....يا خطيه

ضلينه نشتغل اني او ازهار وننقل بطابوك ونكنس بنفس الوقت لحد ما صار السطح انضف من مستقبلي لشوي وسمعنه صوت رجال اني ارتبكت كلتلي ازهار....لتخافين هذه اخوي فرقد

اجه اخوها ضل يباوعلي بتفاجئ وكال.....منو هاي

ازهار....هاي صديقتي حور وياي بدوام وبصدفه طلعت جوارينه واجتي يمي اساعدني

فرقد بستغراب....ها ماشي يله نزلي حاره هنا وخلي الابنيه تروح لهلها

حور....يله لعد اني اروح

جرتني ازهار من ايدي وشاورتني...الساعه بالتسعه بليل اذا ما عندج شي صعدي للسطح خلي نشاوف ونكعد نسولف

حور ابتسمت وكتلها....ماشي بعد احسن اصلا من الله اجيتي اني وحدي وضوج

ازهار....اوك باي

عبرت السطح ونزلت جوه لكيت امي كاعده ومبينه حيل ضايجه غلست عنها ورحت اخذت ربع من الفلوس المجمعتهن او أشرتلها ....رايحه اشتري

ام حور....شنو بيدج

حور....ربع اليوم انطيتي الي ما اشتريت بي اريد اشتري هسه

اشرتلي بيدها بمعنى...ولي

رحت غيرت ملابسي لبست تراك وطلعت اتمشى رحت الهاي المره ام المحل الصغير لان كله اشتري منها

حور...سلام عليكم

محمد....وعليكم السلام

حور....كبل طفرت من الخرعه ما انتبهت عليه موجود

ام حسن....هلا بنيتي.....هسه وليدي شوكت تزوج خلي نفرح بيك راح اصير شايب

محمد ابتسم وباوعلي ورجع باوع الام حسن وكال....هسه هيه غير تقبل اذا راسها يابس

ام حسن ....يا يعني موجوده سعيدة الحظ شنهي وياك بجامعه

محمد....لا حجيه لا

ام حسن ضحكت وكالت....بيها الخير نشالله تقبل بيك وين تلكه هيج زلمه

حور....خاله راح اخذ اندومي .... ونطيتها فلوس وطلعت
سمعت صوت من وراي التفت كتله....نعم

محمد....نعم الله ضلوعج

حور....شتريد

محمد....شبيج مخروعه

حور....تحجي لو شنو

محمد....انتي ياصف

حور.....اول متوسط

محمد....ادري

حور....لعد شكو تسئل

محمد....لان احاول انبهج ع شغله انتي بالاول يعني جبيره وطالعتلي بشارع مفرعه انتي وشعرج وملابسج اكصف من فرعنه

حور...لا بله وانته شعليك استاذ محمد منو خلاك رقيب عليه

محمد....اعتبريها نصيحه ...ومشه عني

ضليت صافنه شنو شبيهن ملابسي بعدين شلبس هنه عدي بس تراكين وصايرات كصاف ع كولته اكصف من فرعنه لان قديمات وما اكدر اشتري غيرهن جريت حسره ومشيت خيولي شعلي بيه وصلت ع البيت شافتني امي شايله اندومي اجتي عليه جرته مني وذبته بزباله كتلها
بعصبيه....لييييش

ام حور اشرتلي....يسووووي غباء خاف انتي عايزه هو انتي ثوله من كاعج

اجاهلت كلامها رحت اريد اطلعه جرتني من كصيبتي وطببتني جوه ردت اتعارك بس تفاجئت بتلفزون مشتغل رحت عليه بفرح كتلها....شنووو شلوووون صلحتي

ام حور.....من البارحه صلحه محمد جوارينه

حور باوعتلها صفح ....يوو يمحمد لاطش بيه وين ما اروح تطلعلي

كعدت اكلب بتلفزون وكتب اسماء القنوات الاحبهن بالورقه وبصفهم رقم القناة ما جنت اعرف اكو شي اسمه نقل القناة عاد ضليت اكلب وكتب بس بالي يم الوقت كل شوي اباوع للساعه يكلك متواعده ويه رئيس الوزراء مو ويه ازهار عاد صدك صار الليل ونامت امي هيه من الثمانيه تخلي وتنام وطفي الاضويه فرشنه الفراش وكبل نامت كمت حطيت البطانيه ع المخده حتى عبالها اني نايمه وصعدت فوك ردت اصعد الحايط سمعت صوت واحد يسولف ويكول....لاااا يمعود ميندلون مكانه .... اي اي احنه شلنه بسكته محد يدري حتى المختار مال منطقه....لا خوووي اذا دروا الدم يصير للركب دير بالك تفك حلكك لا نروح بيها كلنه او اولهم انته

عاد شوي وصوت تلاشه عرفته نزل جوه مديت راسي ماكو احد كلت خاف ازهار نست لو نامت رحت واحس امالي خابت حرامات ع الانتضار ردت انزل سمعت صوتها تهمس بأسمي درت وجهي رحتلها فرحانه كلتلي....اسفه حبيبتي اتأخرت عليج بس هذه فرقد لزك بسطح مدري شعده

حور....يله عادي ....طبعا هذه الحجي ازهار حاطه طابوكات وصاعده عليهن واني صاعده ع راديو قديم وبقينه نسولف بنص ساعه لهناك كالت ازهار....اكلج ليش منلعب لعبه

حور...مثل شنو

ازهار....شفت ع التلفزون قبل شوي ثنين طباخين يتنافسون ع منو يسوي اكل اطيب فا شنو خلي نسوي مثلهم

حور...اي بس شنطبخ بهل ليل

ازهار...بيض وبصل ونشوف منو مالتها اطيب بس ها ممنوع الغش مو تخلين امج تطبخلج

حور....ماشي بس مو تتأخرين ربع ساعه بس

ازهار...اوك متفقين

عاد صدك نزلت لجوه ردت افتح الثلاجه لكيتها مقفوله بس اني ادري وين تحط المفتاح جوه راسها دائما رحت على كيف مديت ايدي جوه المخده وطلعته

حطيت الطاوه ع النار وثرمت البصل وحطيت الزيت وفوكاه البصل وشوي ملح وحطيت البيضه وخبطتهن عاد خلصت بخمس دقايق ضكتها طيبه صعدت فوك لكيت ازهار متانيتني كتلها خلصت شلت الماعون حطيته ع الحايط اني وجاي اصعد ع الراديو دفرت الماعون براسي وكع كله ع ازهار كتلها ....يا يا عزه بعيني ما ادري

ازهار كامت تضحك وكالت....عادي بس حتلو لازم اضوك اكلتج ....شالت البيضه من شعرها وحطتها بحلكها وكالت....ممم طيب

كتلها...يا خبله شسويتي

عاد ضلينه نضحك ونسولف على ما تعبنه ورحنه كلمن المكانه رحت لفيت راسي ونمت كعدت الصبح ع صوت امي كمت كوه رحت ع الحمام وجان انتبهه ع ملابسي كلهن دم حسيت الدنيا وكفت بيه ياربي شنو هذه الدم معقوله راح اموت شجاي يصير ضليت بمكاني ما ادري شسوي وشنو هذه الدم كبل غسلت وكلت اكيد رب العالمين جاي يعاقبني لان البارحه وكعت نعمة الله ع ازهار ياربي والله اسفه مو بقصدي اني غبيه بس سامحني ما اريد اموت بعدني ممحقه احلامي كل انجازاتي دخلت متوسطه غسلت وطلعت بره بس احس الدم مستمر ينزل كمت طلعت وصله غسلتها وحطيتها سئلتني امي..... شبيج

ما كتلها بس اكلها هسه تكتلني وتكلي انتي عورتي روحج عاد بدلت ورحت للمدرسه شوي واجتي ازهار بقيت متردده اكلها ع الصار وياي لو لا خاف فشله بعد المعاناة الطويله كتلها....اكلج ازهار اني يمكن راح اموت هيج حاسه

ازهار....يا اسم الله شبيج

حور....ما ادري شبيه بس شوفي اوصيج بأمي ترى مالها احد غيري اذا متت ساعديها وديها الدار الايتام

ازهار....ولج دار العجزه قابل امج صغيره ووديها الدار الايتام

حور ودموعي تنزل....اكو عدي خمس الالف مجمعتهن من السادس ابتدائي من الرباعه انطيهن الامي خطيه خاف تحتاج فلوس ما اوصيج بعد

ازهار...شبيج انتي تخبلتي سولفيلي شبيج خلي افهم

حور...سولفتلها كلشي

ازهار....يا عزه خاف حامل

حور صحت بيها.....هاي شبيج شلون صرت حامل قابل بايسه ولد ترى بس التبوس ولد اصير حامل

ازهار....جا شنو هاي

حور....ما ادري البارحه من شلت الطابوكات وياج ضهري كام يموتني من الالم

ازهار....زين ليش منسئل المرشده

حور...يا عيب

ازهار....لا مو عيب هيه كالت شعجن تعاللي

وبعد الصراع الطويل رحنه ع المرشده وسولفتلها كلشي وخدودي حمر من الخجل كامت تضحك وشرحتلي عن كلشي وكالت هل شي طبيعي يصير ويه كل البنات حتى وياي وكلتلي لازم اسولفين الامج لان هل شي جدا طبيعي كلتلها ازهار....شو اني ما صاير وياي

المرشده....تختلف من بنيه لبنيه اكو تجيها من وكت او اكو تتأخر

اشكرنه منها ورجعنه ع الصف واني الخجل كتلني يكلك شو شمسويه عاد خلص الدوام ورجعنه نتمشه اني وزهار وصلنه ع البيت وكلمن راحت البيتها دخلت جوه لكيت امي جايه تخيط رحت يمها وضليت احوص كامت دفرتني وشرتلي بمعنى...شبيج تحوصين

سولفتلها كلشي صار وياي هيه شلون الفرحة وكتلها اجيبلي هذني الي كلتلي المرشده جيبيهن حتى متتدمر ملابسج

كلتلي بعصبيه....تردين اذب فلوسي على هاي السوالف حطي وصل وغسليهن بس ديري بالج الكه نقطه دم بملابسج لو بالكاع

حور كتلها بخنكه....ماشي ...ردت اروح صاحتلي

كتلها...هاااا

ام حور....العصر عرس هدى بيت ام وسام

حور...اي شبيها

ام حور....اي خلي نروح فشله منها

حور....شروح واني شعدي ملابس اروح بتراك مثلا

ام حور....لبسي اي شي المهم نروح بلكي اشوفج مره وتخطبج الابنها

رحت عنها واني ادردم ع حضي المصخم بس بنفس الوقت فرحانه لان راح اطلع وشوف عرس بس شلون شلبس ضليت اكلب بملابسي ماكو شي حلو واكدر انسقه ضليت حايره عاد شوي وصعدت بسطح كلت بلكي الكه ازهار بس ماكو ضليت اندعي تصعد وفعلا رب العالمين ما خيب ضني اجتي يمي وكالت....شعدج هنا بهل حر

حور....همزين اجيتي جنت منتضرتج

ازهار....اكلج حور انتي ما عندج موبايل نتواصل بي اني وياج

حور....لا والله اصلا ما اعرف شنو موبايل ولا كامشته بيدي جان عدنه موبايل ارضي بس كطعوا الخط علينه لان مندفع الفاتوره

ازهار....يا شنو القصه ارضي شنو انقرض من زمان المهم شنو ليش جنتي منتضرتني

حور....جوراينه اليوم عرسها العصر وحايره شلبس

ازهار....شتلبسين يجنن عليج

حور...حبيبتني عيونج الي اجنن بس بصراحه ما عندي شي مال عرس واجيت اخذ رأيج شتكولين شلبس غير البدله

ازهار....زين ليش ما انطيج من عندي

حور...امج تقبل

ازهار...يا عيني وليش متقبل بالعكس تفرح انتضريني هسه اجيج

عاد راحت خمس دقايق واجتي شايله تلاث بدلات وحده احلا من الثانيه

ازهار....اختاري التعجبج

حور....والله مستحيه منج جاي اتعبج هواي

ازهار....انجبي بابا غير اختي انتي ترى اني عندي اخت وحده ومزوجه خلي اعرفج عن عائلتي لسه ما عرفتج عليهم عدي اربع اخوان وامي ربة منزل وابويه عنده محل مال تصليح سيارات وخواني يشتغلون كلهم كبار اني اصغر وحده

حور...الله يحفضهم
شتكولين هاي البنفسجيه احلا مو

ازهار....اي راح تطلع اجنن عليج

حور....ليش متجين وياي للعرس

ازهار....والله اتمنى بس اهلي مدري شبيهم ميخلوني اطلع بس للمدرسه

بقينه نسولف شوي ونزلت وراويت البدله الامي هيه هم فرحت عاد للعصر بدلت ولبست البدله صدك طلعت اجنن عليه واني ضليت متفاجئه وافتر بيها لان هاي اول مره بحياتي اللبس بدله عاد فتحت شعري وامي مشطته الي وشرتلي بمعنى...طلعتي اميره

ضليت صافنه اول مره امي تكول كلمه حلوه عاد اطتني جبه كلتلي لبسيها فشله من الجوارين

شوي وطلعنه همه مقابيلنه صايرين طبينه للبيت وشوف تكرمون كوام احذيه يم الباب نزعت حذائي وحطيتها ع جهه ودخلنه جوه النسوان ضلن يباوعن سلمت عليهن كلهن اكو اعرفهن او اكو لا من كملت كعدت ع جهه ونزعت الجبه ضلن يباعولي النسوان بس اكو وحده ولا شالت عينها ضلت اشخصني من فوك لجوه صفنت عليها اذكرتها هاي ام محمد شوي واجتي كعدت يمي وكلتلي

بأبتسامه ....انتي حور بت الخرسه

كتلها ....اي

ام محمد....يا حبيبتي كبرانه هواي ما عرفتج صدك لو كال جمال ما الله

حور...منو الي كال

ام محمد غلست ع سؤالي وكلتلي....يا صف انتي

حور....اول

ام محمد....يا بعدج كتكوته
اكو بنيه جانت تركص اجتي كعدت يمنه تلهث كالت الامها....شنو هيه هاي حور مو

كلتلها...اي هيه

الابنيه ....يا فدوه صدك حلوه

هذه الحجي كله وامي تكرص بيه عود كليلي شنو يحجن كتلها الفضول شوي وكامت المره واني ضليت كاعده

لهناك شوي ورجعنه للبيت لان امي كالت راسي يوجعني واني هم مليت وحدي سئلتني من وصلنه للبيت شكللج كتلها....سئلني ياصف وهاهيه

عاد صار المغرب كعدت اكلب بتلفزون وشوي وكمت اقره بس بطني موتتني من الالم لهناك جعت طلعت التوزيعه مال العرس كلتها وامي نامت واني لحكتها نمت بصفها ورحت بعالم الاحلام

شوي وفزيت مرعوووبه ع صوت الطلق صار ع بيتنه من كل الجهات وصوت دوريه مال شرطه

يتبع....

وهل يعود زمان طاب ماضيه ؟!!