رواية في احضان الذئاب الفصل الرابع 4 - بقلم الكاتبة قمر الجنابي

البارت الثالث🔴✔

بقلمي الكاتبه قمر💁‍♀️💕

لاتنسون النجمات احبكم 🌟💜

آنـي اللي اعوف بساع
شنو لخله رغبتي ويآك
اكثر مِـن سنه تطول
شنو لجابرني بيك
وهيج متحمل
اذا ؏ لشكل شفت احلى
واذا ؏ اللي يعزوني
أدري بروحي يم غيرك
هواي أغلى

عاد خلص الدوام شلت جنتي اني وجاي اطلع صار بوجهي محمد عيونه حمر ومبين حيل معصب اول ما شافني اجه بتجاهي وجرني من ايدي بعصبيه وكال....انتي ليش عنوديه

بقيت صافنه من تصرفه جريت ايدي وكتله .....شبيك انته عيب عليك هل تصرفات

محمد....لج انتي غير صلفه

حور....ما اسمحلك تجاوز عليه شسويتلك

محمد....كتلج لتمشين وحدج اكو ولد حرام وانتي صغيره وحلوه يرحون يسوولج شي

حور....اني مو طفله افتهمت واعرف اصرف

محمد....لا الضاهر عاجبج الوضع وتردين يسوولج شي

فتحت عيوني بتفاجئ من كلامه وكتله ....مو كل الناس مثلك يله ولي عني

ورحت اركض عنه ودموعي وراي وصلت ع البيت همزين لكيت الباب مفتوحه دخلت جوه ذبيت جنتي بالكاع وشمرت حذائي باوعتلي امي وصاحت بيه

غلست عنها ورحت ادردم همزين متسمعني اكدر احجي براحتي شويه واجتي يمي وصاحت وشرتلي بمعنى....شبيج

صفنت شويه وقررت احجيلها وصدك حجيلتها كلشي عن محمد من يوم الي ضرب ذوله رادوا يتحرشون بيه لحد هذه اليوم هيه ضلت صافنه كل ضني راح تكتلني لو تعصب بس حسيتها فرحت اشرتلي بمعنى .....ديري بالج اضيعي من ايدج

حور....ليش

ام حور....خوش ناس زناكيل وهوه مبين يحبج خلي نستفاد منهم بلكي الله يهدي امه وتزوجج اله وتكعدين ابيتهم وتعيشين عيشه احسن من هاي العيشه

حور عصبت وكتلها ..... اني موووو للبيع وهوه مو بحالي لا يحبني ولا شي وهناك بجامعه وياه اشكال بنات احلا مني بالف مره واني احب دراستي وما اريد ازوج

كامت دفرتني برجلها وشرتلي....اذا شفتج بعد طارته لو مصيحه عليه اموتج بيدي فتهمتي يله ولي غبيه

كمت عنها ورحت كعدت بالمطبخ وضليت ابجي بعلوا صوتي يمكن هل شي الوحيد الحلو اكدر ابجي وصيح وطلع البداخلي بدون ما احد يسمعني لان احس اكو بداخلي خريف ما راح يزهر ابد احس روحي ضايعه واكو الف والف سؤال براسي وما ادري منو الي ينطيني جواب الهاي اسئلتي منو هاي المره معقوله امي؟ زين اذا امي ليش ما حسيت بيوم بحنان الام زين ابويه وين ليش ما سئل عني كل هل سنين وليش مو مثل العالم ما عندي لا خوال ولا عمام يفزعولي ويساعدوني وكت الشده ميلت من هل وحده اربعه وعشرين ساعه كاعده بين هل حيطان حتى الحطيان ملن مني اقوه شي اسوي اكعد اقره لو اطلع بالحديقه ما اكول غير الحمد الله وما ضاقت الا لتفرج

ثاني يوم رحت بدلت وكلت الامي توصلني للمدرسه كامت دفعتني وشرتلي .....روحي وحدج بلكي يشوفج محمد ويوصلج

ردت اتعارك بس كلت مو محلها اعكر مزاجي طلعت بره اتمشى نص الطريق وما احس غير حذائي نشلعت لا هاهيه كملت دنكت شلتها بيدي وضليت امشي وكل شوي اتعورلي بشغله بالكاع عاد كوه وصلت للمدرسه وجواريبي البيض صارن كلهن طين او وصخ استحيت من البنات فا كبل دخلت للصف وكعدت بمكاني حتى محد اشوف رجليه

شافتني ازهار كلتلي....هلوووو حوري شلونج

حور....هلو ازهار زينه انتي شلونج شخبار بيتكم الجديد شوكت تكعدون بي

ازهار.....والله اهلي همه الي اخرونه باوعوا نص غراضنه ونص الثاني ميقبلون ينقلوا الا بليل حتى محد يشوفهم ومن اكلهم ليش ميقبلون يحجون

حور.....اي يمكن ميردون يسوون هوسه

ازهار....ولج هاي شنو جواريبج

حور دنكت وحجيت بنبره خنكه.....انكطعت حذائي

ازهار....يا لعد ما رجعتي للبيت تبدلها

صفنت شكلها ما عندي اصلا غير هاي الحذاء كتلها....ها مو ما لحكت كلت خاف يروح عليه الدرس

كامت ازهار نزعت حذائتها ودنكت تريد تلبسنياها كبل جريت رجلي وكتلها.....شجاي اسووين

ازهار.....اخذيها اني وياج واحد

حور.....لا ميصير وانتي

ازهار .....عادي ابقه بدون حذاء لان جواريبي مابيهن شي انتي ادمرن بالطين

حور.....هاج فرده الج فرده الي

ازهار ضحكت كتلها.... والله مخابيل

جاي نسولف وسمعنه عيطه بره طلعن البنات والمدرسه كلهن يركضن يردن يشوفن شكو وجان نشوف بنيه صاعده فوك السطح وتريد تنتحر والمدرسات والمدريه يتوسلن بيها تنزل

حور....يا هاي شبيها تخبلت

ازهار....ليش تريد تنتحر

ردت عليها وحده من البنات....خاينها حبيبها

جاوبتها الثانيه ....بس لا هذه السايق ابو الخط

ردت عليها....اي لج خانها ويه فاطمه الي بصف الثالث متوسط

حور....يا شكد خبله واني اخسر روحي علمود ولد وهوه يروح يكمل حياته يربي هذني شلون يفكرن البنات

ازهار....خطيه عاد كون يقنعوها تنزل لا سوينه فضيحه بهل صبحيه

عاد حجايه منا حجايه مناك صاعدلها الحارس بدون متدري وجارها منزلها اول ما نزلت اجتها ضربه ع ضهرها من المدريه

شوف هاي الثانيه بدل متهديها تضربها شكد همج كامن المدرسات خذنها للاداره وحسب الي فهمنا خابروا اهلها اجو اخذوها

رجعنه الصفنه بس بالجذب ندرس بالنه كله يم هاي الابنيه والمدرسه كلها ضلت تحجي بسيرتها اما اني ضليت صفنه اجيبني وصفنه توديني معقوله الحب هيج اعمى يخليك تخسر حياتك علمود شخص زين شنو هذه الحب شو بس اسمع عنه ما فد يوم جربته او حسيت بي ولا اريد احس اصلا

عاد خلص الدوام رجعت ع البيت اتمشى الضهريه قريب ما اوصل بيتنه شفت هوسه يم بابنه يا ساتر استر رحت اركض وجان الكه ابو الايجار واكف بنص الشارع وشاهرنه شهيره كدام الجوارين وامي ادردم عليه وهوه ميفهم عليها بس اسمعه يكلها اذا متنطيني الايجار هسه تكومين

منا اجيت اني كتله....اي عمو شبيك متستحي كدرتك بس ع النسوان شنو ماكليك احنى اول وتالي فلوسك ترجعلك

رد عليه .....انطيتكم مهله سبوع كافي بعد حقي اريده

منحس غير اجه واحد جره من وره وكله.....نصي صوتك واحجي عدل

باوعت طلع محمد اهوو شجابه هذه هسه شنو يريد يشمت بينه

رد عليه ابو الايجار....الشغله مو يمك جاي احجي ويه هاي الخرسه خلي تنطيني فلوسي

محمد....شكد فلوسك

ابو الايجار.....ميتين وخمسين
كام محمد طلع فلوس من جيبه حسبهن ونطاهن اله وضرب ع كتفه وكله ....توكل حبيبي

باوعنه صفح وراح اني كبل كتله.....وانته منو كلك تدفع عنه ها شنو مكدين منك

محمد ....انتي مره عيب عليج ترفعين صوتج وبالخص كدامي واني ما عاطف عليكم اعتبريها مساعدها او دين

ردت ارد عليه جرتني امي لان افتهمت جاي اصيح عليه وما راضيه ع تصرفي اشرتلها بمعنى.....اذا انتي ترضين بذله اني ما اقبل افتهمتي لو لا عندي اطلع اشتغل ابيع كلينس ولا واحد يصدق عليه

كامت تريد تضربني وكف كدامي محمد وكلها بنبرة تهديد.....ديري بالج تمدين ايدج عليها مو صغيره هيه واذا بعد شفتج تردين اضربيها اندمج افتهمتي معتبرج بكبر امي ومحترمج لهل سبب

بس اذا تجاوزين حدودج هنا لا نوكف وانعل ابو الاحترام..... ودار وجهه عليه وكلي فهميها خاف ما افتهمت وراح

كامت جرتني طبينه جوه ركضت وراي تريد تضربني كبل شردت منها وصعدت للسطح وضليت ابجي ما اعرف هذه الولد مين طلعلي وليش صاير يدخل بحياتي بقيت بسطح للعصر دكتني الشمس احس صار بيه ضربة شمس بس شسوي ما اريد انزل يمها ابد شوي وسمعت صوت طكطكه بالبيت الي بصفنه اني كبل نشف الدم بيه لان الي ادري بي هل بيت فارغ هوه والي بصفنه ثنيهن متروكات

اخذني الفضول صعدت ع الطابوكه مديت راسي وجان اشوف بنيه جاي تغسل بالسطح ضليت صافنه هذه كفاها اعرفه كلت بصوت ناصي ....يبنيه !
دارت وجهها طلعت ازهار بقينه ثنينه مصدومين

(حبايب ادري البارت قصير بس حبيت افاجئكم ابارت لان جان الفروض باجر ينشر مو اليوم المهم بالجايات اعوضكم ابارت اطول وشكرا + احبكم )

انت تضحك وانه اگل للغربة هانت

يتبع....