رواية في احضان الذئاب الفصل الخامس عشر 15 - بقلم الكاتبة قمر الجنابي

البارت الثالث عشر🎉❤

بقلمي الكاتبه قمر💁‍♀️💕

لاتنسون التصويت بالضغط على النجمه🌟

حبايب هاي لعيون الي طلبوا بارت ثاني وتدللون

معـدان بعـشگنه وشـوگنه خـبالات
وطبــع بينه ألنحـبه نـريده بس ألنـه

تارة◇◇

دخلت وضليت واكفه يم الباب اول ما شافني كام من مكتبه واجه بتجاهي وكال....تاره بدون لف ودوران شوفيلي موعد ويه اهلج حتى اجي اخطبج

كلش انصدمت ابد ما توقعت دكتور فهد يخطبني وبهل سرعه خذتني الصفنه من قارنته بمرتضى لان مرتضى ابد ما فتح وياي موضوع الزواج بس فهد كبل اجاني من الباب

فهد.... تفضلي كعدي بالاول

رحت كعدت ع الكرسي وهو ضل يفتر فوك راسي وكال.....ليش ساكته جاوبيني

تارة.....بصراحه استاذ

فهد....لتكولين استاذ من نكون وحدنه كليلي فهد

تارة....لا ما اكدر ممتعوده وبعدين انته شعرفت وشفت عني حتى تريد تخطبني

ابتسم وحط ايده ع الكرسي الكاعده عليه وكال.....تارة ترى الكدامج مو طفل اني عيني عليج من المرحلة الاولى بس ما جنت اخليج تحسين راقبتج وراقبت تصرفاتج والناس التمشين وياهم وسئلت عنج هوووواي وما شفت ولا سمعت الا الزين وهل شي خلاني اتعلق بيج اكثر واني مو من النوع اليدورون حب وعلاقات وسوالف مراهقين لان ما اريد أذيج ولا اخلي حجاية تجيج بسببي لذلك بعد ما اخذت وقتي بتفكير قررت اخطبج كبل

تارة..... انته تحبني بس اني مو بالي هل شي

فهد....اي حقج اخذي وقتج بتفكير بس اتمنى متتأخرين وثقي متلكين شخص بكدي يحبج ورايدج لان سنة ونص واني مصبر نفسي وما احاجيج ولا ابيلج بس هسه كلبي طك وكلت لازم تعرفين

كمت من مكاني وكلبي يدك او اديه يرجفن وكتله....تمام مع السلامه ...وطلعت بره رحت المرتضى لكيته واكف اباب الجامعه اول ما شافني اجه بعصبيه جرني من ايدي وكال..... وين جنتي

بسرعه نترت ايدي عنه وكتله....ترى ما اسمحلك تتقربلي ولا تحجي وياي بهل طريقه

مرتضى.....ها هيج صار الحجي لكيتيلج واحد جديد ومرتضى صار كخه

تارة.....عيب عليك هل كلام اني اهلي مربيني وتعبانين عليه مو مثلك

مرتضى....لعد شعندج خاتله نهاية الدوام بمكتب الدكتور فهد

وجهي صار اصفر كتله.....وانته ما عندك موضوع غيري ومراقبني اربعه وعشرين ساعه

مرتضى....تاااااره لتخليني اشووووفج وجهي الثاني كليلي اشجنتي اسوووين يمه

حجيت حجايه وما اعرفت راح تكلفني هواي كتله......اولا مدخلك بحياتي وثانيا دكتور فهد احس منك بألف مره الرجال كلي اريد اخطبج وطلبيلي موعد من اهلج مو مثلك ساعه دزيلي صوره ساعه خلي نطلع او ولا فد يوم جبتلي طاري الزواج

وجه مرتضى صار احمر احسه يريد يكتلني اني شفت الوضع هيج طلعت فلوس مال الايام الوصلني بيها وشمرتهن بوجهه وأجرت تكسي

من صعدت بتكسي فتحت موبايلي والغريب لكيت بي شحن لعد شلون انطفه ومن اتصلنه طلع مغلق ضليت اكلب بي لكيت فهد داز رساله من البارحة بس حاذفها وماكو شي ثاني مهم

ابو التكسي رجال جبير ضل يسولف ع السياسة والحكومه والوضع بالعراق واني مطفية كله اكله صح واي والله

مسافة الطريق او وصلت ع البيت نزلت من التكسي طبيت جوه لكيت جايين كرايب مرة ابويه سلمت عليهم من بعيد وصعدت لان ما اعرفهم معرفه شخصيه اني وجاي اصعد سمعت مره كالت.....ما شاء الله هاي الدكتورة بت احمد

ايمان....لتغرج المضاهر ترى كلشي مسوي ولا اساعدني بس نايمه بغرفتها

ردت عليها المره....دسكتي الابنيه دكتورة ودراستها صعبه

ايمان....ديله عاد بس هيه دكتوره بهل دنيا

عفتهم ورحت الغرفتي خلي يحجون براحتهم حسانات ابلاش

ردت ادخل الغرفتي صار بوجهي عمي كال....ولج تارة

تارة...خير ان شاء الله

لؤي....ليش البارحة موبايلج مغلق

تارة....جان مابي شحن

لؤي....زين اكلج اكو بنات حلوات جوه

تارة....لا كلهن عجايز

لؤي....ها خوش لعد خلي ارجع الغرفتي احسلي

ردت اروح كلي....زين اكلج رحايتي توجعني شوفيلياها

حور....عمو شسالفه شعرفني اني

لؤي.....جا شنو انتي دكتورة خرة

حور.....ونعم عمو اني شعرفني بعدني مرحلة ثانية

فريت ايدي وطبيت الغرفتي كبل هاجمتني الافكار فتحت موبايلي وجرئت ودخلت ع صفحة الدكتور فهد مدري احس اكو شي مميز بي بشخصيته بكلامه بأسلوبه شي جذبني اله عكس مرتضى ابد ما دك كلبي اله معقوله هو هذه الحب لو مجرد اعجاب

كعدت اكلب بصوره ما عنده ولا صوره مو حلوه كلهن يجنن والبنات كوام معلقاتله وهو يرد عليهن بلايك شكد احب ثكله

ابتسمت وسديت موبايلي وخليت ونمت بملابس الجامعه من التعب

مرة الايام وماكو شي يذكر مرتضى اختفه من حياتي وهل شي فرحني اما بنسبه الدكتور فهد فا مجاهلني ولا عبالك خطبني وكلي احبج عادي يعاملني حالي حال كل طالبه حتى ميحط عينه بعيني

بس اني صرت احبه تعلقت بي هواي بس بنفس الوقت ما بينتله هل شي اما زهره فا علاقتي بيها هواي قوة وكمت اسولفلها عن فهد وهيه فرحانه وشجعني حتى اوافق عليه

بيوم عيد ميلادي طبعا هل يوم بس ابويه يذكرني بي

ومن رجعت من الدوام توقعت محضريلي مفاجئه بس خاب ضني محد ذاكرني كلت عادي حقه مشغول ونسه لحد ما صار الليل اجه ابويه انطاني هديه وباسني وكال....كل عام وانتي اميرتي

اني كلش فرحة وشكرت منه وكال حضري روحج حتى نطلع وفعلا بدلت واني طايره من الفرحه وفعلا شوي وطلعنه اني ومرة ابويه والتؤام

رحنه ع مطعم تشعينه وشوي وجابونه كيكه ونفاخات كلش فرحت بهل مفاجئه واكيد لازم اصور ونشر ودائما كل ما انشر شي فهد اول واحد يشوفه

بس الي ضوجني شاف المنشور وحتى ما كلي كل عام وانتي بخير والله غريب هل رجال

بعد ما خلصنه رجعنه للبيت وطريق كله ابوس ابابا وشكر منه ومرة ابويه احس طلعت ريحة دخان منها

رجعنه ع البيت واني كبل ذبيت روحي من التعب كعدت ثاني يوم لبست بدي للركبه وبنطرون ومكياج طلع يجنن

ونزلت ما لكيت احد جوه كلت همزين مالي خلك اسمع محاضره من الصبح تانيت الخط يجي لان اني عفت مرتضى وصرت ويه زهره بالخط والي يوصلنه رجال جبير وملتزم كلش ارتاحيت وياه

شويه وسمعت صوت الهورن طلعت صعدت بسيارة وصبحت عليهم جان مطلع دعاء الصباح وجو بارد وجواء حلوه ضلينه ساكتين حتى ما سولفت ويه زهره ما اعرف ليش صايره هل فتره هواي افكر ابفهد عاد شوي وصلنه للجامعه ردت ادخل بس سمعت موبايلي يدك طلعته شفت رقم غريب جاوبت وكلت.....الو

.....حضرتج تاره

كتله...نعم تفضل

....وصلت الطلبيه الطالبيها

تارة....بس اني ما طالبه شي

....ما اعرف وصوني اوصلها الج والهذه العنوان اني واكف اباب الجامعه ابو الدراجه الحمرة

بس التفت شفته وراي رحت خذت منه العلاكه ودخلت للجامعه

زهره....شنو متعرفين هاي مين

تارة....لا والله

رحت ضميتها باللوكر استحيت افتحها بجامعه

ونفس كل يوم بين المحاضرات وسوالفنه وضحكنه اني وزهره خلص اليوم ورجعت ع البيت جنت حيل متحمسه افتح الهديه وفتحتها لكيت ساعه ذهبيه وكلاده بحرفي وسوار بحرفي هم انتبهت عليهن عزه ذني ذهب معقوله منو يجيب هيج هديه دورت بالعلاكه لكيت كارت مكتوب بي ....كل عام وانتي احلا بنيه شفتها بحياتي ودخلت كلبي
ومكتوب بطرف فهد

كبل فتحت موبايلي وراسلته تقريبا ربع ساعه ورد كتبلي....اهلا وسهلا

تارة.....انته ليش مكلف نفسك هيج لو جايبلي ورده جان فرحت اكثر

فهد....بالعكس هذه شي كلش بسيط بحقج وماكو شي يغله عليج بعدين زين من راسلتي وذكرتي اكو شخص منتضر منج جواب بس تعاي اكلج هذه كله تفكير

تارة.....لا بس انته تعرف كلش زين شكد دراستنه صعبه واني ما مستعده للزواج احس روحي بعدني صغيره ع هاي المسؤوليه

فهد....ولايهمج بس نخطب وشوكت ميعجبج نزوج

احس خدودي صارن حمر بكلبي طرت من الفرحه بس اسوي روحي ثكيله كباله رجعت كتله....ها ميخالف لعد اشوف ابويه وردلك خبر

وسديت موبايلي وضليت افكر بي ولبست الي جابهن صدك ذوقه يجنن معقوله راح يبقه هيج يحبني لو يجي شي يوم ويتغير عليه

كلت خلي ابشر زهره شوي وخابرتها وكتلها راح يجي دكتور فهد يخطبني وهيه هواي فرحت وضلت اتباركلي

تقريبا لليل واجتني رساله من رقم غريب فتحتها وشفت مصيبة عمري صوري بملابس البيت وفديوهاتي كلهن وكلشي يخصني كتبت بأدين يرجفن احس شوي ويغمه عليه....منوووو انته

رد عليه....حذرتج اني بس انتي راسج يابس ومثل مكتلج الا اخليج تبوسين اديه ورجليه

حور ◇◇

قبل ما انزل كلته....محمد

كال....ها يروحه

حور....احبك

وسديت باب السيارة وركضت للبيت دخلت جوه ووجهي احمررر دم ويطلع حراره يبووو شبيه اني شكتله هسه يكول هاي شكد خفيفه لا بس اني صدك احبه وهوه هم يحبني شكو بيها مسويت شي غلط اي اي مسويت شي غلط

مرة الايام وحبي المحمد يكبر وايامي الحلوه صارت بس وياه هواي علمني اشياء عن هاي الدنيا جنت غافله عنها بديت اتعلق بيه لان لكيت بي الاب والام والاخ والحبيب والصديق كمت ما اتخيل حياتي بدونه وما انام اذا ما اسمع صوته

اما ازهار فا ما ادري كلش تغيرت عليه ومن وكتها ما حجينه بعد صح عدي هواي صديقات بس مكانتها بكلبي تختلف هواي تختلف

جنت كاعده بصف اراجع واجتي المعاونه كلنه وكفنه كالت بصوتها المزعج....باجر اجتماع اولياء الامووور والي ميجي ابوها تتعاقب ....وطلعت

ضلت حسبه اجيبني وحسبه توديني شكلهم واني ما عندي ابو ضليت اسمع البنات هاي الي تكول ابويه عنده شغل وذيج تكول ابويه يجي لان ما عنده اغلى مني والثانيه تكللها اصلا بابا هو يوصلني كل يوم للمدرسه ضليت صافنه وبعيني دمعة

شنو شعور انو الابنيه يكون عدها اب او اخت او اخ بعدين اذكرت اني عندي محمد ابتسمت من بين دموعي جني خبله

ثاني يوم صار اجتماع اولياء الامور والبنات كلها اجتي ابهاتها الا اني وبعد وحده ابوها متوفي واني ابويه ما محسوب لا على العدلين ولا على الميتين بس حاسه يجي شي يوم التقي بي وابد ما راح اسامحه لان عافني كل هل سنين ويه هاي الماعدها رحمة وماسئل عني عبالك طالعتلهم من فطر الحايط

عاد من وره الاجتماع كضينا اليوم كله شواغل ضليت ويه البنات يسولفن ويضحكن واني اشاركهن بشكل رسمي ما صدكت خلص هذه اليوم كبل رجعت للبيت حتى احاجي محمد لان حيل مشتاقتله اول ما طبيت للبيت بعدني بملابس المدرسه اتصلت ع محمد شوي وجاني صوته الخشن بس مليان حنيه ....ها حوريتي

رديت عليه بصوت مخنوك....محمد اني ليش ما عندي ابو

محمد....منو مزعل اميرتي وبعدين تعاي اكلج شنو ما عندج ابو لعد اني وين رحت مو كتلج اني كلشي بنسبه الج

حور....لا بس اليوم جان عدنه اجتماع اولياء الامور والبنات ابائهم كلها اجتي الا اني

محمد....ميخالف حبيبي انتي لا اول وحده ولا اخر وحده ابوها ومها ينفصلون بعدين الله ياخذ شي وينطي شي صح هذني البنات عدهن اباء بس منو يكول عايشين حياة حلوه فا يا حبيبي دائما كولي الحمد الله

حور....شكرا انته دائما اصبرني ع هل دنيا

محمد....مو تدللين جم حور عندي

حور....ما ادري يمكن هواي

محمد....ها ولج مو توبتج من اللسان الطويل

ضحكت وكتله....يله استاذ محمد ميصير نشاقه

محمد.....انتي مو بس تشاقين انتي تأمرين

ضلينه نسولف وشوي وترخصت منه ورحت اريد ارتاح بس سمعت الباب اندكت رحت فتحتها طلعت زينب جوارينه الكعدوا قبل فتره تفاجئت من جيتها وكتلها ....تفضلي

زينب....شلونج حبيبتي حور

حور....الحمد الله زينه وانتي

زينب ....اني زينه بشوفتج اكلج متكولين عدنه جوارين شجاج حق الجار ع الجار متجين يمي نكعد نسولف نضحك ترى بس اني وامي بالبيت واخوي صغير

حور...ان شاء الله كل ما اصير فرصه امرلكم .............تعاي نكعد جوه

زينب....لا حبيبي جايج بطلب شوفي امي متخليني اطلع مكان بعيد وانتي اشوفج دائما اطلعين تشترين فا اذا تكدرين تشتريلي هاي الشغلات كاتبتهن الج بورقه وهاي الفلوس

خذت الفلوس والورقه منها وكتلها ...ماشي بس خلي اكول الامي

رحت كتلها اشرتلي بمعنى.... روحي

لبست نعالي تكرمون وطلعت وزينب رجعت البيتهم لكيتها كاتبه بالورقه جدر خبز وشموع وبخور رحت اشتريت الشموع والبخور من المحل والجدر اشتريته من ابو الالمنوم ورجعت فرحانه يكلك مسويه انجاز

وصلت البيتهم اول ما دكيت الباب طلعتلي زينب انطيتها الغراض اشكرت مني وطلعت علاكه انطتنياها كتلها....شنو هاي

زينب....هذني ملابس ما لابستهن بس مرة وحده امانة الله وما صارن عليه اخذيهن اكيد يصيرن عليج

حور.....لا حبيبتي ميصير ملاتج

زينب....اعتبريني اختج والخوات مو وحده تنطي للثانيه

استحيت اردها خذتها منها وشكرتها ردت اروح كلتلي....اكلج حور تذكرين بيوم الكتلتج امج وجه ولد شالج وخذاج للمستشفى منو هذه تعرفي

عكدت حواجبي وكتلها....اي هذه محمد جوارينه

محمد.....شعدج هنا بنص الشارع واكفه اسولفين

كبل فزيت ومن الخرعه وكعت العلاكه بالكاع اما زينب صارت وره الباب لان هيه محجبه عود حتى ميشوف شعرها كتله....جاي احجي ويه صديقتي

خرزني وكال.....للبيييت كدامي

باوعتله صفح وطبيت للبيت وسديت الباب ردت ادخل جوه ومدتلي راسها زينب من الحايط كلتلي....لجججج خرب يومه شهل جمال الشايله اويليييي راح اتخبل جنه هذوله الشيوخ لج يمصكوعه مين تعرفي

طبعا استحيت اكلها حبيبي فا كتلها....هو جوارينه وعلاقتنه قويه بيهم

زينب....يارب تقوه وياي هم

ابتسمت بس بداخلي محتركه معقوله هو هذه شعور الغيره

ترخصت منها ودخلت جوه فتحت العلاكه لكيت بيها هواي ملابس حلوه من ضمنها بديات وبنطرونين وجاكيته كلتلي امي مين جبيتهن كتلها جوارينه انطتنياهن

ومر باقي اليوم بشكل طبيعي ثاني يوم بدلت ورحت ع المدرسه جان عدنه اصطفاف شويه ونصدمت من سمعت اسمي اصيح بي المديره طلعت وكفت بساحه وجسمي يرجف وطلعن وياي بعد خمس بنات وستلمتنه المديره حاصل فاصل انواع الرزايل لان ما اجو اهلنه للاجتماع من حركتي كتلها....اني معندي ابوووو ابويه مات من زمان

ردت عليه....بطول النعال ولسانج شطوله اذا ابوج مات جبيلي شهادة الوفاء وفضيها

حور...معندي

ردت عليه بصياح....انتن على منو تضحكن على مديرجن ردن المكانجن بسرعه واذا اتكرر هل شي مشوفن خير بعد

رجعت المكاني وحس الدنيا واكفه بعيني اتفشلت كدام المدرسه كلها وكدام المدرسات هم اففف شيصير بيه بعد

بقيت طول اليوم ضايجه وما احجي ويه احد نهاية الدوام طلعت من المدرسه وتفاجئت من شفت سيف واكف بالباب اول ما شافني اجه بتجاهي وكال....اني اعلمج على الي سويتي ذاك اليوم عبالج ناسيلجياها بس ترى ما فارغلج خلي افرغ وراويج سيف منو

احس الله طلعه كبالي حتى اطلع حركتي بي كمت ضربته راشدي وتفلت عليه ورجعت للمدرسه ركض دخلت جوه وبقيت كاعده بمكاني والمدرسه خلصت كل الطلبات طلعن واني اخاف اطلع يبووو يحور ليش اسوين شي وتدرين بروحج مو كده شوي وجاني الحارس كال....يله عمو مطلعين شماتنيه راح يبدي دوام المدرسه الثانيه

حور...عمو اخاف

رد عليه....مين خايفه

حور....عمو عادي اخابر من موبايلك ع اهلي يجون ياخذوني

وصدك ما قصر طلعلي موبايله خذته وحطيت رقم سيف شوي وجاوب ....الووو منو

.....اني حور

محمد....وين انتي وميلج هذه الرقم

حور....رقم الحارس تعال اخذني من المدرسة

محمد....خير خو مصاير شي

حور....لا ابد

محمد.....جايج

بقيت منتضرته وفعلا عشر دقايق واجه صعدت بصفه باوعلي وكال....متأكده مصاير شي

حور.....اشتاقيتلك هذه الصاير

ابتسم وكال....واني ميت عليج وريد اكلج شي ادري راح يقهرج بس لازم تعرفي حور اني.....