رواية في احضان الذئاب الفصل السادس عشر 16 - بقلم الكاتبة قمر الجنابي

البارت الرابع عشر🎉💕

بقلمي الكاتبة قمر💁‍♀️❤

لاتنسون التصويت بالضغط على النجمة🌟

❥
اصيحن أخ يا كلبي..... #وجرحاي
وعاين بالوكت كوه.... #وجرحاي
جروح الناس تشافه. .. #وجرحاي
اخيط هاي تنزف هاي بيه

ابتسم وكال....واني ميت عليج وريد اكلج شي ادري راح يقهرج بس لازم تعرفي

احس كلبي لعبني كتله...اي كول عساه خير

محمد....حور حبيبي عن قريب نخلص الكورس الاول ونكعد عطلة سبوعين واني طلبت اجازة سبوع ثاني حتى اسافر لمدة شهر

كبل طفرت وكتله.....شنوووو محمد وين تروح وتعوفني

محمد....حبيبتي شسوي هو هذه شغلنه

حور....ليش شنو شغلكم

محمد.....اروح الدبي مرات تركيا مرات امريكا اجيب سيارات بسعر اقل وهنا نبيعهن اكثر ونستفاد منهن وكل فترة اني اروح اجيبهم واجي لان ابويه يعتمد بس عليه

رديت عليه والعبره خانكتني....بس راح اشتاقلك زين متكدر ترجع من وكت

محمد.....والله حبيبي لو بيدي الشغله اصلا ما اروح اكعد وكابل عيونج الحلوه

بهل اثناء دك موبايله رد وكال...الو منو الووو منووو متحجووون هلا منو انتي شنووو اي وشرايده هسه معجة ههههه لا عيني اني مزوج وهياتها مرتي يمي ....وضحك وشمرلي الجهاز او اشرلي احاجيها

اني ارتبكت بس هذه حبيبي شنو معجبه بي ادوووس بطنها والله عود صرت عصبيه وكذا كتلها.....الووو ولج منو انتي ترى الي تدنه يم زوجي احركها

ردت عليهبصوت مألوف.....انتي صدك مرته اني عبالي ممزوج بس ما مطول يمج اخذه منج لتخافين ...وسدته

ضليت صافنه هذه الصوت سامعته بس وين مجاي اذكر

اخذ الجهاز مني وباوعلي وبتسم وكال....شوكت اصيرين صدك مرتي والله لاكون اسعد انسان بدنيا

حور....اكلك هاي احضرها عود

ضحك وكال.....اويلي اني فديت الي تغار ...ونطاني موبايله وكال...هاج حضريها وحذفي الرقم هم

وصدك سويت مثل مكلي شويه ورجع كال....اي فا اني ما كملتلج تدرين راح اسافر وبالي كله يضل يمج خاف هاي الي اسميها امج تروح اسويلج شي واني مموجود فا اريدج تجين تكعدين انتي وياها بشقه مالتي واختي المزوجه بيتها بصف الشقه كل يوم تجي تطمن عليج حتى اني ارتاح وبالي يرتاح

حور....لا محمد انته هواي الك فضل علينه كافي الي سويته النه

عقد حواجبه وباوعلي وكال....اكسر سنونج هسه انجبي بابا قابل انتي غريبه مو يوم العلم اني ابوج وخوج وصديقج وحبييج وهسه تكليلي مسوي فضل ليش احنى بينه افضال

حور...زين وامي

محمد...خليها عليه هسه اخليها تقبل وهيه الممنونه

حور....اوك بس صدكني مالها داعي اني ما راح اسوي شي يضوجها وهيه اكيد ما راح تضربني

محمد....سكتي حور

شويه او وصلنه باوعتله بنضرة مليانه حزن وشوك وحب وسديت الباب ع الصامت حتى محجينه شي رحت ع البيت

دخلت وضليت طول الوقت افكر بمحمد شلون ما راح اشوفه لمدة شهر والله خايفه لان كلشي احبه يروح وخاف محمد هم يروح كطعت صفنتي صوت زينب مدة راسها من الحايط وكالت....حوووور وين جنتي

حور....بسم الله خرعتيني وين يعني بالمدرسه

زينب....شنو تأخرتي جنتي طالعه ويه احد

حور....شبيج زينب ويامن اطلع قابل اشو امي وكاعده هنا

زينب....هسه عوفينه امي تكول تكدرين اجيبين بطانية انا احبك

حور....هاي غاليه

زينب...ميخالف امي قافله الا مكتوب عليها انا احبك

انطتني فلوس كلت الامي وطلعت رحت ع ابو البطانيات هيج سياره جبيره ويبيع بيها بطانيات وكفت يمه كتله بكل ثقه ....عمو انته تحبني

الرجال ضل صافن كلي ...شنو بابا

حور...عمووو اريد بطانية انته تحبني

ضل يدور بالطانيات وكلي....ماكو بس انته روحي

حور...لا عمو اريد انته تحبني

كلي...يا عمو ماكو فرق هيه بطانيه تحبني انته روحي انته صخامي

حور...يله انطينياها

حطها بجنطه مالتها ونطانيها خذته ورجعت اتمشى وصلت يم بابهم دكيت الباب ونطيتها البطانيه رجعتلها الباقي مقبلت تاخذه

حور...ليش فلوسكم

زينب....انتي رحتي وتعبتي اعتبري مال خدمة التوصيل

حور....لا عفيه ميصير

زينب.....عليج الله اذا رجعتيهن ...حطتهن بيدي وسدت الباب رجعت للبيت مالتنه ضميت الفلوس حتى مشوفهن امي وكعدت اتغده طماطه وخبز افيييش احس الطعم فد شي

من كملت رحت يم امي شفتها جاي تكلب بالتلفزون مطلعه هاي القناة الي بيها واحد يأشر الي يحجوا حتى يفيد الي ميسمعون مثلها

ضليت احوص يمها باوعتلي صفح خفت واشرتلها...اكلج يمه هذه محمد يكول تعالوا بشقه مالتي هيه قريبه ع بيتنه

كامت بسرعه جرتني من كصيبتي وضربتني راشدي واشرتلي بعصبية.....وانتي شمدرررريج بمكان الشقه مالته بس لا رايحه وياه

كمت ابجي وكتلها ....لالالا والله بس بيوم الي انتي ضربتيني راد ياخذني الها واني ما قبلت

اشرتلي بمعنى....كليله باقين بهذه البيت ومنكوم منه تردين روحي ازوجي وعيشي وياه

حور....ليش مو اني اريدج وياي وبعدين احسلنه نكعد ابلاش لا ندفع اجار ولا شي

ام حور .....لااا منكدر الاكبر منج ومني يريدنه بهذه المكان

حور....ومنو هذه بله

ام حور....مو لازم تعرفي بس شخص ميصير نندك بي ونكسر حجايته لان مو بصالحنه

ضليت صافنه شبيها هاي متأثرة بالمسلسلات كمت من يمها كعدت بالحديقه انطي اكل للدجاج وسولف وياهن ....اي دجاجات اتن شهامجن تاكلن وتنامن وتكعدن تلعبن....كام الديج يعوعي طفرت ع صوته وكتله....اعصااابك عمي اعصابك مو وياك احجي ويه الحايط....خفت ليروح ينكرني غير يشلع اللحمه

شويه وطلعت موبايلي حاجيت محمد وكتله ما قبلت امي وضليت احجي وياه انو هذه بيتنه مرتاحين بي وهو شبه الاقتنع

راحت ايام وجتي ايام وماكو شي جديد غير حبي الي جاي يزيد لمحمد

وجتي امتحانات نص السنة واني دفنت نفسي بالكتب ومحمد هم يقره لان هو هم هندسة طيران وحسب كلامة صعب هل قسم

وامتحان وره امتحان اني اجاوب وفرحانه بس ازهار ولا تحجي وياي وهل شي حيل قهرني

لحد ما وصلنه الاخر امتحان الي هوه باجر ودنيا ليل وجايه موجة برد كلش قويه شغلة امي الصوبه وحطتها يمي وفوكاها القوري بي جاي

واني كاعده بصف الصوبه اقره وساعه بال11 بليل رغم صوبه ولابسه ملابس هواي بس ميته برد لان بابنه مكسوره متنسد زين وطبب هوى

وشبابيج هم واحد منهن مكسور وحاطيله كارتونه ويطبب هوى

عاد شوي وكملت لحد ما انكسرت ركبتي من التدنيك سديت كتبي وفرحانه باجر اخر امتحان

رحت فرشت فراشي ووصيت امي اطفي الصوبه لان اني حيل نعست ورحت نمت بفراشي تقريبا بال3 بليل فزيت كمت عبالي حلمانه رحت للحمام ورجعت لكيت الصوبه يم رجل امي وبعدها ممطفيتها رجعت ذبيت روحي جوه البطانيه لان موت برد

ما ادري شكد مر وقت بس فزيت ع ريحة دخان وحرارة كلششش قويه فتحت عيوني ولكيت النار ماكله البيت وامي ماهيه

تارة◇◇

رد عليه....حذرتج اني بس انتي راسج يابس ومثل مكتلج الا اخليج تبوسين اديه ورجليه

تارة....منوووو انته

.....تعرفيني كلش زين منو

تارة....اكيد مرتضى لك انته شلون هيج اسوي تبوك موبايلي وتاخذ صوري واني الي انطيتك ثقتي وحتى طلعت وياك

مرتضى....لالالا دكتورة تارة اني ابوك لا عيني اني ايدي مو طويله انتي ادزين بصورج الطلاب القسم ممخليه واحد يعتب عليج وهمه دزولياهن

فتحت عيوني ع وسعهن وحس الحرارة كامت تطلع من راسي لو يمي جان صدك حطيته موته كتله.....شوف ما راح اكلك شي غير بس الله يطلع حوبتي بيك

مرتضى....سمعي لج اريد مليونين ومو هنا وتوكف لا هاي بس حتى اسكت عنج كم يوم

تارة....شنووو مليونين مين اجيبلك قااابل

مرتضى....مو مشكلتي ابوج دكتور وخير من الله قابل توكف كدامج ولي بوكي منه

تارة.....الله ياخذك انطيك مليونين نعال...وحضرته

وجسمي يرجف حتى احس الضغط صعد عدي لان عيوني صارن حمر دم شويه وجتني رسالة من حساب ثاني فتحتها ونصدمت من شفت حساب عمي وكاتبلي بي....حسبي حسابج منا الاسبوع اذا ما وصللي الفلوس اعتبري الصور كلها يم عمج

اني شفت هل كلام وبعد محسيت ع نفسي كبل صارت الدنيا ضلمه بعيني

من كعدت لكيت روحي بنفس المكان الماعت روحي بي اي طبعا قابل منو يدري بيه لو اموت هم محد يدري كمت مخروعه يربي عمي والله يذبحني مثل ما ذبح اختي حور واني ما اريد اموت ع ذنب ما ارتكبته طفرت ع الموبايل لكيت موبايلي ع الكاع خذته ورديت عليه.....ميخالف احاول ادبرلك هل مبلغ

مرتضى....لا حبيبتي لا مو تحاولين انتي لازم ادبري

تارة.....يارب تطلع بعرضك

مرتضى....ما اعتقد بصالحج هل كلام

ما رديت عليه وبقيت حايره معندي اني هيج مبلغ ابويه يطيني الفلوس منا اصرفهن منا ع الاكل والملابس ما اعرف اجمع رحت فتحت كنتوري لكيت بي كم فلس كعدت احسبهن طلعن 200 الف يربي هذه حتى مو ربع المبلغ

وكعت عيوني ع الكلاده وتراجي الذهب ملاتي هذني هدية من بابا من جان عمري 12 سنة ولسه اني ما انزعهن ابد كلش مستعزه بيهن

نزعتهن وحس كلبي يوجعني خذتهن حطيتهن ع جهه وطلعت محبس ذهب اشتريته قبل فتره وضميتهن بعلاكه وحطيتهن بجنطه مال جامعه

وكعدت ابجي اصعب شي تتعرضله الابنيه انو واحد يبتزها بشرفها وبالخص اذا جان مو ذنبها

ضليت افتر بالغرفة وابجي مثل المخبله يربي هذه اذا فضحني حتى فهد يعوفني ويكوم يكرهني من وره التفكير كامت تجيني افكار سوده والله اني انتحر قبل ميكتلني عمي زين وابويه الي وعته ارفع راسه وصير من احسن الدكتورات ياربي شسوي ساعدني كبل فرشة سجاتي ودعيت ربي يخلصني من مرتضى الي عرفته راح يصير كابوسي

بليل ما كدرت انام لحد ما دك المنبه واني بعدني كاعده كمت كوه غسلت وبدلت واني كارهه روحي شويه واجه الخط اول ما صعدت كلتلي زهره....بشري اشصار ع فهد شوكت تخطبون يله عمي استعجلي نريدنه حفله ضاااايجين

تارة.....زهره وين لكيتي موبايلي

زهره....شبيج تارة كتلج جوه الطاولة وخذته ضميته

تارة...شوكت لكيتي

زهره....انتي ضيعتي نهايه الدوام واني ثاني يوم دوامت من وكت ولكيته بسنتر خذته بس ليش خير صاير شي

تارة....لا ماكو شي

ضلت اتلح عليه بس مكتلها شبيه لان جنت كلش مالي خلك وصلنه ع الجامعه كبل دخلت جوه ضليت ادور ع مرتضى لكيته كاعد يم قسمنه اول ما شفته انقبض كلبي وودي املخه رحت يم طلعت العلاكه ونطيته الذهب وكتله....بيع هذني وشكد ميصيرن اخذهن

مرتضى....اي عمي مو اكلج انتو ناس اثكال بس واذا طلعن اقل من مليونين

تارة....لا يطلعن اكثر

راد يرد عليه سمعنه صوت يكول ....تاره تعاي شوي

التفت شفته دكتور فهد مبين معصب رحت وياه كتله....تفضل استاذ

عكد حواحبه وكلي....منو هذه

تارة....طالب ويانه

فهد....شنو طالب وياج مين تعرفي حتى مووو من قسسسمج

تارة....انته ليش عصبت جان ابو الخط مالتي حاجيته حتى انطي الفلوس

فهد....ها والفلوس تنطيهن بعلاكه سوده زين والله خاف هذني فلوس مال اربع سنوات لكدام

ضليت ساكته رجع كلي...خوش تارة بس مكتيلي شكال ابوج شوكت ادز اهلي

تارة....اعتقد لا المكان ولا الزمان مناسب نحجي بهل موضوع

فهد....لعد نهاية الدوام خلي نروح اني وياج للمطعم الي بصف الجامعه

تارة....لا اني اروح وحدي وانته تعال

باوعلي صفح ومشه اني هم رحت ع محاضرتي لكيتها باديه فوكاها علينه دكتور عمار وهذه كلش غثه اذا احد يتأخر لو يرزله لو يطرده كلت يله هيه خربانه خربانه رحت دكيت الباب ودخلت باوعلي وأشر بيده بمعنى طلعي

تارة....العفو استاذ جان ازدحام بطريق وتأخرت

كال بعصبيه....تدرين بنضامي ممنوع طالب يدخل وراي طلعي بسرعه

باوعتله بطرف عيني وسديت الباب وكعدت وحدي كل شوي اريد ابجي وكول لا تارة انتي اقوى من هيج لتبجين وخليج قوية

طلعت ملازمي وسويت روحي اقره شويه وسمعت صوت يكول....هاي العيون الحلوه جرم ع الدنيا تبجي
رفعت راسي طلع ولد ما اعرفه من شكله مبين مرحلة اولى....كتله تفضل

انطاني بطل ماي وكلي ....تفضلي

كلت خاف اخذه منه ويلطش كافي عليه مرتضى العار كتله......لا شكرا

رد عليه....شنو القصه منطيج ذهب قابل هو بطل ماي

اشرتله براسي بمعنى لا كال براحتج ومشه

جانت عدنه محاضرتين المحاضرة الاولى انطردت منها والثانيه خذانه الدكتور شوي وطلع

نهاية دوامنه ترددت بين اخابر فهد لو لا بعدين كلت فشلة اخابره لان انطيته كلمة اتصلت عليه انطاه رفض كلت بكلبي مو صوجك ردت اطلع دك موبايلي باوعت لكيته فهد رديت عليه كلي....اعتذر جنت بالمحاضره وما كدرت ارد

تارة....لا عادي هسه اروح للمطعم

فهد....اي اكيد انتضريني بالباب جايج

تارة....لا ترى قريب هسه اتمشاله تلاث دقايق ووصل

كام سده بوجهي يرررربي شكد مزعج طلعت من باب الجامعه لكيته واكفلي رحت صعدت وكلبي يدك ع المليوووون عاد هو مدري ليش احسه بارد مدري ثكيل مدري طبعه هيج شوي ولتفتلي وكال....شنو انتي تتمشيله هيه بكيفج وتفترين بشوارع

تارة....لا بس قريب

فهد....لا هاي ترى ابد ممقبوله منج

ضليت ساكته شبي هذه شو يصيح عاد كبل وصلنه نزلت ودخلنه جوه اول ما كعدنه اجه الكارسون كال ششربون اني طلبت كوكتيل وهوه طلب عصير برتقال بنفس الوقت ضليت احوص مثل الحامل وتطلك كلش مستحيه منه اول مره ايصير هيج قريب عليه وبوجهي شوي وكال.....اي مكتيلي شكال ابوج

تارة.....ابويه هل فتره مشغول عدنه مشاكل عائليه وما كدرت اكله

فهد....ويعني شفهم من كلامج مترديني

تارة....لا محد كال هيج بس اتمنى تصبر عليه واذا متكدر فا براحتك الف من تتمناك

فهد.....انتي شبيج بس اجفصين ودوسين بكلبي بهذه كلامج بابا انييي اريدج انتي مو الالف

تارة...لعد انتضرني

فهد....اي ننتضر ونشوف تاليتها وياج

شويه واجه العصير واني من كثر ما متوتره شربت بس شوي منه هوه هم انتبه عليه خلينه وكمنه وسكوت جان سيد الموقف اعتقد ضاج مني لان كتله ما اكدر اووف شسوي غير من وره مرتضى العار

رجعت ع الجامعه تانيت زهره تخلص محاضرات حتى نرجع للبيت وفعلا شوي وخلصت ورجعنه

ومرة الايام بشكل طبيعي ومرتضى ماكوخانس وفهد احسه يحاول يجنبني وكلشي جان هادئ ماجنت اعرف هذه هدوء ما قبل العاصفه

جنت كاعده بغرفتي اقره ودك موبايلي رقم غريب رديت كلت ...الو

مرتضى....تارة اريدج باجر بشقه

اكو بنات طلبوا صورة تشبيهيا للدكتور فهد ولكيت هذه كلش ينطي شبهه

يتبع...