رواية في احضان الذئاب الفصل السابع عشر 17 - بقلم الكاتبة قمر الجنابي

البارت الخامس عشر 🎉💕

بقلمي الكاتبة قمر💁‍♀️❤

لاتنسون التصويت بالضغط على النجمه🌟

تنويه!!!

حبايب جدا اعتذر ع التأخير بس مو مني من صاحبة الراويه تعرفون هاي دنيا ويصير ميصير بس ان شاء الله احاول كد ما اكدر بعد ما اتأخر عليكم وشكرا الصبركم❤

ترحين ما ترحين انتِ وياية
النهر باقي شما يسافر ماية
هو الهوى شما يمشي ما چنة يروح
و شما مشت ما تنقص المشاية

تارة◇◇

مرتضى....تارة اريدج باجر بشقه

احس دمي فار كتله بحركة كلب.....ولك شنو انيييي بت ليل وتكلي اريدج بشقه خاف الله يمعود باجر وراك حساب وكتاب

مرتضى....اش اش وسوي الي كتلج بي ترى انتي التخسرين

تارة....مستحيل اسوي الي تريده لو تذبحني اهلي تعبوا عليه وكبروني ووصلوني مو تجي انته من الشارع تضحك عليه......وسديته بوجهه

ضليت ارجف بمكاني احس شويه وصير بيه جلطه ياربي اذا جان هذه اختبار منك فا ارجوك انطيني الصبر حتى انجح بي وما اعترض على حكمك .....شويه وسمعت صوت رسالة

فتحت موبايلي لكيتها رسالة من مرتضى مكتوب بيها.....شوفي باجر تنتضريني نهاية الدوام نطلع اني وياج نروح للشقه او ما انحسب ع الزلم اذا سويتلج شي او اذيت شعرايه من راسج بس اريد اتفاهم وياج وحدنه

رديت عليه....شلون اثق بيك بعد

مرتضى....لثقين بس انتي كدام نارين لو تموتين لو تعيشين بذلة وياي

تارة.....ليش دسوي هيج وياي بشنو اذيتك

مرتضى.....لتغشمين نفسج تردين اضحكين عليه وسوين نفسج بريئة عبالج ما ادري بعلاقتج ويه دكتور فهد

تارة.....ترى ما بينه اي علاقه هو بس خطبني واني كتله ما اكدر

مرتضى....لا انتي تردي اصلا وين لاكيه هيج واحد مال وجاه وشخصيه وجمال بس تبيعين ثكل عليه وتاليتها توافقين ومرتضى برجلين لان موووو بمقامج حضرة الدكتورة بس اني الج الا ما اخليج تتهنين واذا حضرتيني بعد اعتبري صورج بأنكس البيجات بالفيس وقبلها العمج وبوج

ضليت صافنه لا بيه احضره لابيه ارد حتى ثقتي انكسرت بكل الناس

ضليت كاعده وابجي لحد ما تعبت وغفيت كعدت ثاني يوم غسلت وباوعت لعيوني بالمراية حمر ومورمات كلش حاولت اخفي اثار ضعفي بالمكياج

ضليت اباوع بالمرايه وكول اني قويه وراح اتخطه هل شي غيرت ملابسي ونزلت جوه ما لكيت احد اكيد ابويه طالع والباقي نايمين رحت ع المطبخ طلعت سجينه وضميتها بجنتي كلت اذا اضطر الامر ورحت وياه ع شقه وحاول يسويلي شي اكتله ولا اخسر شرفي شويه وسمعت صوت الهورن طلعت وركبت بسياره وكلت.....صباح الخير وضليت صافنه اباوع للطريق والف فكره براسي

زهره....يمعوده شبيج صالي ساعه اصيحلج وين صافنه

تارة....اسفه ما انتبهت شنو كولي

زهره....عمو السايق جاي يحاجيج

تارة....ها عمو كول

السايق....بنيتي ابوج دكتور شنو

تارة....جلدية ليش عمو خير

السايق....والله يابنيتي هاي بت ابني جاي تطلع طكع زرك بجسمها وخايفين عليها واحنى ما عدنه امكانية نفتر بيها بدكاترة

تارة....ولا يهمك عمو هسه انطيك رقم ابويه وهوه يتكفل بكلشي ونشالله اصير زينه

رديتله رقم ابويه ضل يشكر مني ساعتين

لحد ما وصلنه نزلت واجتي يمي زهرة كالت.....اني مو صديقتج وبمقام اختج احجيلي الحقيقه شبيج ما احسج ع بعضج

ضليت صافنه وبديت احجيلها كلشي ع مرتضى وعن اذا فضحني شيسوي بيه عمي لان جنت صدك محتاجه احجي الاحد ويسمعني وينصحني لان احس روحي مخنوكه بعبرتي لهناك كالت....ياااا شكد حقير الله لينطي بس تارة انصحج روحي وياه للشقه وستري على روحج

تارة....وين الستر اذا رحت وياه

زهره....اي لعد احس الج تموتين وابوج يخيب ضنه بيج وبعدين هو كلج ما اسويلج شي واني هم حاسه ميريد يسوي شي لان جبان

تارة.....ماشي راح اروح وياه بس بعدها ما اسكتله ابد اكول كلشي الابويه وخلي اموت ولا اعيش بذله

ضلينه نسولف وهيه تنصح بيه بعدين راحت كلمن المحاضرتها واني من خلصت المحاضره طلعت اريد اتريك بنادي وصار بوجهي فهد باوعلي بحدة وكال......انتي شنووو تلعبين عليه لو هاي لان ادور حلال وياج ترى ميصير هيج صالي قرن اكلج خلي ادز اهلي وانتي بس تلفين ودورين

ما ادري ليش من اشوفه كلبي يكوم يدك والابجديه تتخربط عندي وحاجيتين ما اعرف ارتبهن ضليت صافنه رجع كال....ماشي افهم من كلامج مترديني واني ما راح اضغط عليج

من سمعت كلامه ما ادري ليش عيوني خانني ومطرن والله حتى مجنت حاسه ع نفسي من بجيت مرات كثر الضغط هيج يسوي صفن بوجهي وكال...ليش تبجين

مارديت عليه خليت ورحت لان فشله من الطلاب شيكولون عليه جاي تبجي الدكتور فهد علمود درجه اعرف تفكيرهم

ضليت امشي وكول عادي يريد يطلع من حياتي الله ومحمد وعلي وياه هيه بقت عليه بس ما ادري ليش احس كلبي رافض هل شي

رحت ع النادي خذت كلاص كهوه ردت اكعد ما لكيت مكان

كلت بعد احسن اطلع بره اشتم هوى اول ما طلعت صار بوجهي مرتضى باوعلي وبتسم ابتسامه مستفزه وكال....لتنسين موعدنه اليوم....وغمزلي

اني من حركة كلبي شلت الكهوه وذبيتها عليه وهيه شلون حاره تسمط حتى هو صاح ....اخ

الطلاب والطالبات كلها التفت تباوعنه واني كتله....ياااا اسفه ما ادري

ومشيت احس ريحت كلبي شويه

بعد ما خلص الريست بدت محاضره دكتور فهد دخلنه كلنه للمحاضره متاني يجي بس هاي اول مره يتأخر هل كد بالعاده يجي ع الوقت شويه وجانه دكتور ثاني وكال دكتور فهد يعتذر منكم ميكدر اليوم يحضر

هدور اني ضل بالي كله يمه شبي هذه قبل شويه حاجاني عاد بالكوه خلصن المحاضرات وكل ما اذكر مرتضى كلبي ينغزني وجسمي يكوم يرجف

من كملنه طلعت بره ووصيت زهره تكول للسايق اهلي يرجعوني وضليت واكفه اباب الجامعه تقريبا ربع ساعه كلت يمكن هذه بطل ميجي حتى ما لحكت افرح لان اجه وطبك كدامي وأشرلي اصعد بسرعه

رحت صعدت وره وضليت ساكته كلي....تعاي كعدي يمي وبسرررعه ولتناقشيني

حسيته شراني كلش خفت ورحت كعدت بصفه والله لو اذبحوني قطرة دم متلكون بيه شويه وما حسيت غير اجاني راشدي ضليت فاكه عيوني وصحت بي وكتله.....انته شلوووون تضربني تايهتلك اني

مرتضى....شلون اتبدين الكهوه عليه لعد شكد صلفه انتي

تارة....ولك هذه اقل شي لو بيدي اموتك واني اعلمك ع هل راشدي اذا ما اندمك ميطلع اسمي تاره

ضحك بصوت عالي وكال.....يله نشوف هل كتكوته شتكدر اسوي ....وضل يتلمس بأصابيعه ع خدي

كبل دفعت ايده وكتله ....لتكيسني ابدددد

شويه وصلنه يم عمارة مبينه من بره جنها مهجورة وشكلها ابد ميطمن باوعلي وكلي.....نزلي

تارة....ما انزل

مرتضى....كتلج نزلللي لتخلني انزلج بالقوه احنى اتفقنه تجين وياي وانتي قبلتي

فتحت الباب ونزلت بس كلبي كلش لاعبني دخل للعماره واني دخلت وراه اباوع للغرف بيها بردات حتى مو بيبان وصلنه يم غرفه بيها باب فتح الباب ودخل واني دخلت وراه باوعلي وكال.....اريد خمس ملايين

تارة.....مييين اجيبلك فهمني مين

مرتضى....مشكلتج بوكي من ابوج المهم تنطيني

تارة.....اصلا ما ادري وين ضام فلوسه حتى ابوك منه

مرتضى....المهم اريد الفلوس اني شلون ومين ميهمني

تارة....ماشي احاول بس خلي نطلع ما ارتاحيت للمكان

اجه بتجاهي نبت اصابيعه بوجهي وكلي....اني مو كتلج اللعب بنار يأذي

كتله من بين دموعي .....كافي عوفني شنو انته ما ضلت رحمه بكلبك كتلك راح اسويلك كلشي اطلبه بس طلعني من هاي الشقه كامت تخنكي بعد ما اتحمل

رد عليه بأبتسامه مستفزه.... ما اعوفج اذا ما اخليج تتمنين الموت ....تقرب عليه باسني بوسه خفيفه بشفايفي تخبلت ودفعته

باوعلي بنضرة كلها شر وطلع وقفل الباب ضليت ابجي ودك بالباب بس لاحياة لمن تنادي احس الدنيا وكفت بيه ولعنت ابو اللحضه العرفت بيها مرتضى

هيه ثواني مرة والباب اندفرت ودخلوا شرطه واحد بيهم عدنه تلاث نجمات ع جتفه اجه بتجاهي سحلني من ايدي وكلبجني هنا تهسترت كمت اصيح.....شكووو ليش شسويت

رد عليه.....انتي متهمه بدعارة

حور◇◇

ما ادري شكد مر وقت بس فزيت ع ريحة دخان وحرارة كلششش قويه فتحت عيوني ولكيت النار ماكله البيت وامي ماهيه

الخوف اكلني كلت هاهيه راح اموت الحراره صارت قويه وما اسمع غير صوت النار الجاي تاكل بالغراض والي راح تاكلني اني هم

فجئه واحس اجتني شجاعه وكلت لو بالهدف لو بنجف شلت البطانيه ذبيتها ع النار وعبرت من فوكاها احس لحمه من ايدي ورجلي انشلعت وكامت تفووور مثل الماي المغلي طلعت بره اركض وشفت الناس تنكل بالماي حتى اطفي بيتنه وامي واكفه تلطم وتحجي كلام محد يفهمه

اول ما شافوني طلعت كاموا يصيحون معجزه معجزه

هبوا الجوارين يساعدوني وكعدوني ع طابوكه ما جنت حاسه اي شي حتى الوجوه الكدامي مجاي اشوفها كل الي اشوفه بيتنه الي جاي يصير رماد هذه البيت الي ربيت وكبرت بي صح مريت بأيام مو حلوه بس تبقه عندي بي ذكريات حلوه

زينب....هاج حور شربي ماي

ما رديت عليها رجعت كلتلي.....ولج حور جسمج نار وملابسج محتركه وايدج ورجلج هم لازم ترحين للمستشفى

ضليت اون من الالم حتى اريد ابجي ما اكدر دموعي نشفن كلتها....محمد وين

زينب....شبيج حور محمد منو

ضليت ادك ولطم ع راسي....ليش محد بحالي ردت احترك جوه ومحد ساعدني

زينب....حبيبتي جا شسوي الناس تريد روحها اسكتي راح تموتين ترى شكلج ميطمن

عاد فوك هل ضيم كله اجه ابو الأجار ضل يلطم ع راسه ويصيح....حركتوووووا بيبتي يالمتخافووون الله ولكم اطلع عار ع الزلم اذا ما اذبجن بسجن ثنينجن

امي هدت عليه ادردم وهوه كلشي ميفهم ضل يحجي عليها ويكول.....اذا متخسرووولي الاضرار الصارت من وراكم شواربي مو عليه اذا ما اسجنكم ياكح....ب

هو كال هل كلمة ومنحس غير واحد جره ونام عليه وضل يضرب بي ويكول.....ولك يشرفنك ذني ويشرفن عشيرتك

الناس بالكوه فاككتهم وضلت ادردم عليهم ويكولون يمعودين نطفي النار لو نحير بيكم

من ركزت طلع محمد شافني اجه يركض عليه وكال....حوريتي خو مابيج شي

هنا كدرت ابجي وخليت الغيوم تمطر ع خدودي كتله....وييين جنت انته ولا سائل عليه ردت اموت وانته ماكو

محمد....الله شاهد صديقي مسوي حادث وجنت وياه بالمستشفى وامي خابرتني وكلتلي سويتلج الطريق خطوتين وجيتج طاير يا بعد طوايف هلي

بهل اثناء اجتي الاطفائيه كعدوا يطفون بالبيت ومر على هل شي كله نص ساعه وبعدين كلمن راح البيته بقينه احنى بشارع عبالك مسولين

اجه محمد يمي وكال......امشج اخذج للمستشفى جسمج كله محترك

حور....لا ما اريد

ما حس غير جرني من ايدي حيل احسها رادت تنخلع وصعدني بسياره وسد الباب حيل وأشر الامه تجي ويانه وجيبلي ملابس لان ملابسي احتركت

وهو صعد وسد الباب وعدل المرايه عليه وكال.....كافي عنااااد مو بكلشي تعاندين كتلج تعااااي بشقه مالتي انتي وصخامج ما قبلتي لو رايحه مجان صار الي صار

حور....واني شمدريني هيج راح يصير وامي الي ما قبلت تجي

محمد....فهميني شلووون صار هيج

حور.....ما ادري فزيت لكيت البيت محترك وامي ماكو

رد عليه بحدة....والله مو بعيده هيه الحركتج

بقيت ساكته وابجي ع الصامت من الم ايدي ورجلي شويه ووصلنه ع المستشفى حطولي مرهم ونطوني ادوية وكالوا لتخافون ماكو شي خطير وام محمد طول الوقت ساكته بس احسها ممرتاحه الوجودي عاد رجعنه البيت محمد اول ما وصلنه دخل السياره للكراج وكال....اليوم ابقي يمنه منا لمن نشوف حل

حور....لعد ومتحاني

ام محمد....شوووف هاي رادت تموت وتفكر بالامتحان

حور....مو اخاف يرسبوني

محمد....اكو دور ثاني لشيلين هم كلشي ينحل

واجه الجهتي فتح الباب وسندني ونزلي هاي اول مره بحياتي هل كد اصير قريبه عليه وطخ جسمي بجسمه

صوت انفاسه ودكات كلبه نساني كلشي صار وياي تمنيت ابجي بحضنه لان مالي احد يساعدني ويسندني غيره

فتح باب الاستقبال ودخلني لكيت امي كاعده والوجه مطعون احمر اول ما شافتني اجت بتجاهي وشويه وتريد تبجي وضلت تطمن عليه اني ضليت صافنه ع تمثيلها كدامهم الي يشوفها يكول معيشتني ملكه

محمد....اي شي تحتاجوا كلولي وثواني ويصير يمكم وانتي حور شلون صارت ايدج ورجلج

دنكت وكتله....احسن

محمد....يله هسه ارتاحوا ولتفكرون بالي صار كلشي يتعوض

وطلع هو وامه شويه واجتي اخته جايبلتي تراك كلتلي....هذه جديد ملابسته اخذي الج ملابسج يفشلن ...خذته من عدها ولبسته البجامه كوه طبت بيه لا كصيف كلش

ضليت كاعده بمكاني احوص ولا كدرت انام تقريبا ساعه ونفتحت باب الاستقبال طفرت عبالي محمد من باوعت طلعت اخته باوعتلي صفح وكلتلي....هاي صديقتج بالباب

ضليت صافنه يا صديقتي وساعه راح اصير بالخمسه الصبح كمت من مكاني اتجه ع الحيطان وامشي لحد ما وصلت للباب الخارجي فتحتها شفتها زينب فتحت عيوني وكتلها.....عزه العزاج شعندج هنا شطلعج بهل وقت

زينب....مو صوجج والله صوجي اني اجيتج لان بالي يمج

حور....لا اطمني صرت زينه

زينب...لعد شعندج هنا ومنو نايم يمج

حور....هاي شبيج منو نايم يمي غير امي وبعدين جوارينه وفزعونه وكالوا ضلوا يمنه اليوم

زينب....لعد ما اجيتي يمنه هو بس اني وامي وخويه صغير

حور....حبيبتي متقصرين ماكو فرق

محمد....ويامن تحجين

طفرنه ثنينه من الخرعه لان محمد صوته خشن وجانت الدنيا ضلمة وهدوء

حور....شبيك خرعتني ويه صديقتي قابل ويامن

محمد....وشعدها صديقتج من غبشية الله

حور.....هاي شبيك محمد

زينب ضلت تباوع لمحمد وعيونها تلمع كالت....ها يله براحتكم اجي بعدين ....وخلت وراحت

سديت الباب ولتفت اريد اطب صار محمد بوجهي كال.....لتفترين بالبيت بهاي ملابسج وخواني موجودين

حور....ما مفتره ترى بس اختك صاحتلي وكلتلي صديقتج ع الباب وطلعت اشوف منو

محمد....تدرين حوري شتمنه هسه احطج بحضني ونام وانسى الدنيا كلها حور افهمي لج والله من تتأذين كانو مأذيتني الي لان روحي بيج

ردت احجي جرني حضني احس راد يغمه عليه ما ادري بس شعور جان كلش حلو حسيت روحي فوك الغيم وهو طويل واني كصيره دكيت بصدره وعطره اخذ كلبي ودكات كلبه صرت اسمعهن

تقريبا ضل بالعشر ثواني حاضني وابتعد عني وكال.....احبج واتمنى اجيبج الحضني اليوم قبل باجر وجيبلي بنوته اجنن مثلج بوقتها راح اكون اسعد شخص بدنيا كلها

ضليت صافنه ما اعرف شأرد عليه هو هم حس بيه كلي....يله دخلي جوه ولو تنكلب الدنيا لطلعين بعد

اشرتله براسي ودخلت جوه واني مسطوره من الي صار تقريبا الصبح الساعه بسبعه فزيت ع صوت حجي شبه عالي حطيت اذاني ع الباب وأسمع ام محمد تكله.....اكلك احنى شنو مبتلين بيهن هيه وبتها واكثر من مره ساعدناهن لزكن خو ما لزكن

محمد....هاي عود الرسول موصي بسابع جار بعدين انتوا مالكم غرض اني اتكفل بيهم بفلووووسي

ام محمد.....منو ساعدك بالفلوس ووصلك غير اهلك وهسه جاي تنكرنه علمود وحده من الشارع

محمد....لا هاي فلوسي جايبهن بتعبي وحور ترى مو من الشارع وماكو بتربيتها وبأخلاقها

ام محمد....عساك تروح لجهنم وياهن بس ابيتي بعد ما اريدهن

محمد....هاهيه عد عيناج ارجع من الدوام واخذهن الشقتي ....وسمعت ركعت باب قوية

ما ادري افرح لان محمد يدافعلي ويحبني لو انقهر لان ضكت الذله بكل انواعها

رجعت لفراشي حاولت انام بس مكدرت هدور احتاجيت ادخل حمام بس ضليت خايفه اطلع خاف اشوف اخوانه لان ابو محمد مموجود من يوم يومه مكضيها سفر وبالدول ويجي العائلته كلش قليل ومحمد لان هو الجبير عليه كل مسؤولية اهله والبيت

ضليت احوص بمكاني بعدين خذتلي صفنه هستوني يله انتبهت ع الصالة القنفات ذهبيات يكلك مال ملوك يمكن بس صالتهم بكبر بيتنه وطاولات والغراض البيها صدك اصفن المايصفن

لشويه وكلت خلي اكعد امي وتوكفلي حتى اروح للحمام رحت اهز بيها بالكوه يله كعدت وحسها تريد تبسطني طلعنه بره وكفتلي واني رحت بيب بيب ورجعت بيب بيب

شويه واجتي اخت محمد جابتنه الريوك وحطته كدامنه وكالت....لتوصخن ترى منشتغل عجن ونضف وراجن

ضليت صافنه خفت ارد وتروح اذبنه بشارع اني وامي وهدور وين نطي وجهنه

ضلينه ناكل اني وامي لهناك انتبهت ع علاكه امي حاطتها جوه رجلها تكوم اشيلها تكعد تحطها باوعتلها بشك وكتلها...شلون احتركنه

ردت عليه.....نسيت الصوبه مشتغله يم رجلي ويمكن دفعتها اني ونايمه وحركتنه

حور....لعد شوكت لحكتي تلبسين عبايتج وتلمين ذني الغراض يم رجلج مدري شنو

كامت كرصتني ع الجويه الي برجلي من الالم حطيت ايدي ع حلكي وصحت وطفرت دمعتي وياها.....كتلها شبيييج شكتلج اني

ما ردت عليه تقريبا مر يومين واحنى ابيت محمد احس الهوى انكطع عليه كلش اضايقت وما ارتاحيت ابيتهم واحد ميرتاح الا بيته عسه ما خيمه

لليوم الثالث ومحمد كال ....كملت تجهيز الشقه للعصر ووديكم الها

امي كبل طفرت عليه باسته براسه وهو عينه عليه وكل شوي يكلي شلون صرتي واني صح هواي توجعني بس اكله مابيه شي

للعصر وجهزنه نفسنه وطلعنه حتى ما سلمنه على اهله وشكرنه منهم لان جانو طالعين

ركبنه بسيارة محمد وتوجهنه للشقه تقريبا تلاث دقايق ووصلنه لان كلش قريبه علينه

نزلنه ومحمد فتح الباب كبل صار بوجهنه درج صعدنه فوك واني هنا انسطرت الشقه عباره عن قصر مصغر شنو الاثاث شنو الترتيب شنو النضافه

اباوع الامي ضلت فاتحه حلكها اني صح تعجبت بس ما حبيت افشل نفسي كتله....ها شبسرعه جهزت هذه كله

محمد...لعيون اميرتي كلشي اسوي

حور....نشالله فد يوم اكدر اردلك هاي افضالك كلها

محمد....واني اليهمني راحتج وساعتج

واجه يمي كمش ايدي حتى اني استحيت من امي بس امي ولا يمنه ضلت ملتهيه بشقه

خذاني ع غرفة فتح الباب راد يغمه عليه من شفت الاثاث غرفة كامله ومجهزه وكلها باللون البنفسجي لان يدري بيه هذه لوني المفضل ضليت صافنه

شويه وكلي ....حبيبي هاي غرفتج صارت و اني عدي شغل لازم اروح واي شي تحتاجي بس اتصلي عليه ....ونطاني موبايل

ضلت امي كوام تشكر منه بعدين خله وطلع واني وامي سوينه جوله استكشافيه يعني فرق من السما للكاع عن المكان الجنه عايشين بي حتى امي اشرتلي وكالت.....همزين احترك بيتنه ...وتضحك

تقريبا لليل رحت الغرفتي وطفر ع الجربايه ممصدكه لان بصراحه احنى فقره وجنت كله انام بالكاع وذبان فوك راسي ومشايفه هيج غير بس بالمسلسلات عاد من الفرحه تعبت وغفيت

ما ادري شكد مر وقت بس فزيت نص الليل ع صوت طكطكه فتحت الباب مال غرفتي ورحت ع غرفة امي لان صارتلي خوفه بعد الصار كلت خاف هم احتركنه

فتحت باب غرفت امي على كيف ونصدمت من شفت رجال بالغرفه

مثل العود من يذبل ....بلاية وداع
ومثل الماي من ينشف .......بلاية وداع
تدريني هرش واوجرت بية الكاع
يا رخص العشك من ينشره وينباع

جنت بليل المحبين ....شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك
خلك الكاع للكيض .... وصبر شاعر
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع

شلون الماي......
يكدر ينكر اجروفة
شلون العين تكدر .....شوفها تعوفه
وابو جفوف الحنينة.... شلون يرضى
اتبيعنا جفوفه ......
وبلا جلمة التنكال
كل ذاك الفرح ينشال
وظنون المحبة تظل بلاية وداع

يا رخص العشك من ينشره وينباع

يتبع....

حبايب باجر هم راح انشرلكم بارت وتدللون😍❤