رواية في احضان الذئاب الفصل الثامن عشر 18 - بقلم الكاتبة قمر الجنابي

البارت السادس عشر🎉🌸

بقلمي الكاتبة قمر💁‍♀️💕

لاتنسون التصويت بالضغط على النجمة🌟❤

من أجيلك
گلبي يسبگني بمسافه
ومن أرد منك يظل گلبي وراي
شلون بيه

حور♧♧

فتحت باب غرفت امي على كيف ونصدمت من شفت رجال بالغرفه

الرجال الموجود كبل التفت عليه بصراحة من شفته ابد ما ارتاحيت شكله يخوف شواربه ثخان وطويل وضخم واسمر وعيونه اطلع شر

باوعلي من فوك لجوه واجه بتجاهي تفل بالكاع وطلع سد الباب حيل

ضليت متفاجئه من الموقف الصار ركضت ع امي كتلها ....منووو هذه وشيسوي هنا

كامت كرصتني من ايدي وشرتلي بمعنى.....شعدج تفترين بنصاص الليالي

حور....اني شعدي لو انتي شعدج مدخله هذه الرجال الغريب البيتنه

ام حور....هذه عمج مو غريب

حور....ما شاء الله شنو من عم لا اعرفه ولا يعرفني وشيسوي جاي هنا

ام حور...وانتي شعليج لتدخلين بسوالف الكبار وطلعي برى لا ابسطج

باوعتلها بحقد وطلعت رحت الغرفتي وسديت الباب حيل

فتحت موبايلي وضليت اكلب بصور محمد ياربي شكد كمت احبه واني صافنه بصوره دك عليه ما شاء الله عمره طويل

رديت بسرعة كتله ....ها حبيبي

محمد....اموت ع كلمة حبيبي من لسانج

ابتسمت بخجل وسكتت رد عليه بهيام....وعشكج اكثر من تخجلين المهمم حوريتي طلعي برى فتحيلي الباب

حور....شعندك جاي بهل ليل

محمد....فتحي الباب ولج

سديته وطفرت باوعت الوجهي بالمراية وعدلت شعري ونزلت فتحت الباب لكيته واكف ووجهه احمر من البرد كبل دخل وراح الغرفتي واني امشي وراه واتلفت لا امي اشوفني ونبسط

دخلت وراه للغرفه وكتله....خير خو ما صاير شي

محمد....لا ماكو شي بس اجيت اطمن عليج....ودخل ايده بسترة مالته وطلعلي علبة ...فتحها طلعت بيها حلقة باوعلي وكال....لبسيها

حور....قابل مزوجه ولبسها

محمد....اي تلبسيها لان انتي مالتي ومسجلة بأسمي يله حتى بالي يرتاح

خذتها منه ولبستها طلعت فيت وعدل ع قياسي باوعتله وكلت.....ليش وين رايح

محمد....جاي اودعج لان تأخرت ولازم اسافر

عيوني كبل دمعن دنكت وكتله....ماشي براحتك بس دير بالك ع نفسك

حط ادي ثنينهن ع وجهي ورفع راسي وكال.....راح اشتاقلج هواي وريد منج الهوى التتنفسي تخابريني وتكليلي تنفست مفهووووم كلامي

حور.....ماشي بس عفيه لطول

محمد....لا اطمني راح احاول اكمل الشغل بسرعه ورجع الاميرتي

للحضه هو سكت واني سكتت ضل يتمعن بيه احس عيونه تحجي

ما احس غير جرني الحضنه وحضني حضنه قويه حسيت ضلوعي اتكسرت واني ضليت صافنه مثل الطلي

ابتعد عني ومسح وجهه بأيده وكال....اللهم انعل الشيطان

وفتح الباب وطلع احس اخذ كلبي وياه بقيت كاعده بغرفتي وضايجه كلش ما ردت ابجي كلت خاف اعرضله ويصير بي شي لا سامح الله حتى عيني ما غمضة الا وجهه الفجر

كعدت ثاني يوم بال2 الضهر غسلت ورحت الغرفة امي لكيتها مقفوله عجيب ليش تقفلها قابل شراح ابوك منها كلت بكلبي اكيد طالعه واني كتلني الجوع رحت فتحت الثلاجه لكيت محمد حاط بيها الاكو والماكو انواع الاجبان والعصاير والنساتل كمت اطلع وحط بحلكي عبالك وحده اول مره تاكل بحياتها

ضليت اطب منا اطلع منا متت من الضوجه قبل بيتنه ذاك جان بي حديقه وسطح شويه يونسني

هدور بالي يم محمد طلعت موبايلي اتصلت عليه طلعلي خارج نطاق التغطية ضل بالي يمه بزايد

بعدين كلت خلي اطلع اروح يم زينب هو بيتهم قريب رحت غيرة ملابسي ونزلت فتحت الباب وطلعت اتمشى اول ما وصلت شفت بيتنه صاير عباره عن سواد مخيف كلبي نخزني وحسيت روحي ردت ابجي

بعدين انتبهت ع سيف الحقير كاعد ويه ولد مبينين من شكلهم من راحه حاطين نراكيلهم ويشربون بشارع

بسرعه رحت ع بيت زينب ضليت ادك بالباب حيل سمعت صوت زينب تكول....ايييي اييي جايه شنو القصة فلشتوا الباب

فتحتلي الباب كبل دخلت وكلبي يدك ع الالف باوعتلي وكالت .....شبيج ولج فلشتي الباب اليشوفج يكول يركض وراج مطي

حور....هم لو مطي احسن بهواي ع الاقل ينطيني رفسه ويروح

زينب....تعاي خبله طبي جوه

رحت طبيت جوه كعدت بصاله بس لفتتني ريحة غريبه اول مرة بحياتي اشتم هيج ريحة سئلت زينب كتلها.....زينب شنو هاي الريحه

زينب....ها هذني بخور امي تحبهن دائما انشغلهن بالبيت

حور.....ريحتهن غريبة اول مرة اشتمها

زينب....هسه عوفينه وين كعتوا بعدكم ابيت هذه الولد الزنكيل الصاك

حور.....لا كعدنه بشقه

زينب....صدك مالت منو

حور....مال كرايبنه

زينب.....اي ع الخير فد يوم اجيج

لهناك اندكت الباب راحت زينب فتحتها و طبن تلاث سنوان لابسات عبي مبين عمرهن بالثلاثين رحبت بيهن زينب وطببتهن جوه

ورجعت يمي ضلينه اتسولف شويه وسمعت صوت ضرب قوي ووحده اصيح كتلها....ولج شنو هذه الصوت

زينب....ها هيج هاي وحده مخبلة اصيح

حور....اكلج يله اني اروح لتجي امي ومتلكاني

زينب....الله وياج

كمت طلعت بسرعه لان خفت من هذني النسوان رحت اتمشه للبيت اول ما وصلت لكيت هذه الرجال نفسه الكالت عليه امي هذه عمج واكف ابابنه ووجهه احمر وشكله يخوف اول ما شافني اجه عليه جرني من كصيبتي ودخلني جوه للبيت

شافتني امي ضلت ادردم وصيح عليه هو كلها ....اششش اني اربيها اضاهر ماكو رجال هنا يضبها

نزع الحزام من بنطرونه ونزل عليه يضرب بيه واني كل صوت اصيحه لو يمي ميت جان كعد ويضرب ويغلط انواع الغلط حتى كال كلمات اول مره بحياتي اسمعهن واني ضليت اتلوه مثل السمجه

وامي واكفه تباوعلي بكل برود رحت ركضت ختلت وراها حتى احمي نفسي بس هيه كامت دفعتني عليه

ويا كبر خيبتي بوقتها ردت احمي نفسي من وحش بوحش ثاني

لؤي....ولج كحب.... تردين تنزلين راسنه وين جنتي ويه منوو وشسووووين هسه تحجين لا اقتللللج خلااااص عبالج نسيت عملتج السوده بس جنت ما فارغلج وهسه الا انسيج حليب امج اذا متحجييين

حور....والله جنت ابيت صديقتي واللله ما سويت شي غلط

وضليت احلف بس لاحياة لمن تنادي ضل يضرب بيه لحد ما تعب وتفل عليه ورجع ع امي ضل يرزل بيها وكال....هاي اذا شفتها بره بعد اكسر رجلها

وطلع وركع الباب ضليت بالكاع ابجي وون من الالم حسيت بوقتها شكد هاي الدنيا قاسية ومترحم بالضعيف والكلبه طيب

ضليت نايمه بالكاع بالنص ساعه لحد ما سمعت موبايلي يدك كلت اكيد محمد لان بس هو يتصل عليه ضليت ازحف زحوف اريد احاجي بلكي صوته ينسيني هذه الالم كله

كمشت الموبايل لكيت رقم غريب ومكتوب يمه الامارات العربية المتحدة رديت عليه بصوت مبحوح ....الووو

محمد.....الوووو حوريتي شلونج شبي صوتج بس لا مريضه

ما تحملت ضليت ابجي كتله......والله كلشي ما سوووووويت حتى هيج يضربني

محمد.....شنوووو حورررر منو ضربج لتخبليني احجييي

من كثر ما بجيت ضليت اشهك والحجي كوه يطلع الكلام من لساني....ع عم عمييي ضر ضربني

تارة♧♧

رد عليه.....انتي متهمه بدعارة

هنا اني نهاريت حسيت الدنيا وكفت بيه كتله واني الطم.....شنوووو يا دعاره والله هذه طالب وياي قشمرني وجابني لهنا

الضابط.....انتي لو شريفه متجين الهيج مكانات

تارة....سيدي والله هو قشمرني كلي اريد احاجيج بمكان وحدنه عفيه خليني ارجع للبيت والله ابويه رجال جبير واذا سمع يصير بي شي

الضابط.... لو هيج هامج ابوج جان فكرتي بي قبل مسوين هاي عملتج

وصاح ع مره اجتي حطت الكلبجات مو بيدي احس حطتهن ع ركبتي وجرتني واني احس الا شوي يغمه عليه

شكد كرهة روحي وكرهة مرتضى واني اشوف نفسي ويه هذني البنات المو زينات وذنبي طاهر

بوقتها الموقف النحطيت بي ما اتمناه العدوي وجان كل همي ابوية شراح يصير بي من يسمع بته كمشوها الشرطه بشقق مال دعارة

صعدوني بسيارة ويه هذني البنات واني الوحيده ابجي ودموعي ما وكفن وهنه ولا عبالك بس يتمضحكن وسمع وحده تكول نونس العميد ويطلعنه

تقريبا ربع ساعه ونزلوني يسحلون بينه وناس تباوع علينه تمنيت الكاع تنشك وتبلعني ولا هل موقف دخلونه جوه بسجن شويه واجتي مره شكلها يخوف كالت....تارة احمد

كمت ع حيلي اجتي عليه جرتني وضلت تمشي وتسحل بأيدي وصلنه يم غرفة مكتوب عليها النقيب جلال دكت الباب ودخلتني جوه وطلعت اني بقيت مدنكه ورجف حتى ما شلت راسي اجاني صوت خشن يكول....تعاي كعدي

رفعت راسي وكتله بتوسل....سيدي والله اني مسويت شي حباب طلعني

جلال.....تعاي كعدي بالاول خلي نتفاهم

رحت كعدت وجسمي من فوك لجوه يرجف شويه وموت من الخوف باوعلي بعيونه الحاده وكال..... اذا ممسويه شي لعد شعدج بمكان مو زين ومشتبه بي

تارة....غبيه وضحك عليه طالب وياي اسمه مرتضى هو
جابني الهاي الشقه

جلال....احنى لكينه سجينه بجنطتج شسوين بيها خاف اطلعين متورطه بشغلات اكبر بعد

تارة....الله شاهد كلت ادافع بيها عن نفسي خاف يسويلي شي او يعتدي عليه

ضحك وكال....اي مبين من شكلج بريئه واني انقهرت عليج وراح اخليهم يطلعوج بس عندي شرط

كتلها بفرحة......الله ينطيك ويفرحك مثل ما فرحتني وسترت عليه تفضل كول شتريد

جلال.....شويه نتونس اني وياج وطلعج

فتحت عيوني بصدمة....يا حقيييير انته شلووون هيج تكلي واني بت عائله واهلي مربيني وتعبانين عليه

جلال....احجي عدل لج ساق.... لا اكسر سنونج بحلكج لو شريفه ما كمشوج بهيج مكان

تارة....اشرف منك ومن عشيرتك كلها لو بيك حظ متستغل رتبتك بأشياء قذرة وتستقوي ع بنات العالم

جلال....ادري بيج ما مزوجه لتخافين اخذ الاريده بدون ما أذيج

من حركتي تفلت عليه باوعلي بنضره حسيت راح يغمه عليه من الخووف اجه بتجاهي ركعني راشدي فر راسي فر وكال....اني اعلمج اذا ما اخليج تعفنين بالحبوووووس رتبتي مو عليه يا كح.... لج اني الي الزلم توكفلي وحده ساق... مثلج تتفل عليه اني الج اذا ما افركه الحلكج

صاح للمره اجتي طلعتني ورجعتني بالسجن ضليت ارجف بمكاني وحاطه راسي بين رجليه وأبجي بصمت

وحده من هذني البنات كالت.....اسكتين لا اجي اخنكج لحد متموتين دوختينه بس تعووووين من اجيتي لسه

اني من خوفي كمت ابجي ع الصامت للحضه اذكرت من انخطف جاد ومرتضى كلي صديقي ضابط راح اخلي يساعدكم حتى نلكاه زين معقوله هذه نفسه جلال ومتفقين عليه اي كلشي يطلع من هذه الكلب الله لينطي ويطلع حوبتي بي

مر يوم كامل واني بسجن كاعده وحدي ومعزوله حتى لكمه ما خليت بحلكي كل بالي يم ابويه شنو شعوره هسه وجاي يسوي معقوله نسوني وتخلوا عني وفهد راح يبقه يريد يزوجني بعد ما يعرف لكوني بشقه مال دعارة كمت اندعي اموت وخلص من هل عيشه

ثاني يوم اجتي وحده صاحت بأسمي كمت بالكوه كتلها...اني

اجتي عليه طلعتني وكالت....يله حمدي ربج طلعتي برائه

اول ما طلعت شفت عمي تمنيت ارجع للسجن ولا اشوف وجهه المليان شر

رحت يمه واني مدنكه انتبهت ع ضابط واكف يمه اول ما شافني عمي جرني من ايدي حيل وعصرها احس عضامي تكسرت وكال للضابط....ونعم منك هاي وكفتك ما انساها طول عمري ونشالله اوكفلك بيوم عرسك

اسد....لا يخوي كول غيرها غير احنى اخوان وما سويت شي هذه واجبي

لؤي....يبعد اخوك مثل ما وصيتك الشغله تبقه بينه الحايط ما اريد يعرفها

اسد....افااا عليك لتوصي حريص يله اودعناكم

كام عمي طلعني يجر بيه ويغلط انواع الغلط

لؤي.....اندعي الربج اخليج عايشه اليوم

تارة.....عمووو حباب بس خلي افهمك والله بريئه اني

هو وديسوق ضربني بأيده ع حلكي بسرعه خشمي طك دم حطيت ايدي عليه حتى اوقف الدم

لؤي...ولج فضحتينه كدام اليسوه والميسوه انتي بهااااي عملتج فتحتي ع نفسج ابواب جهنم اخخخخ كله من وره ابوووج كتله لدخلها جامعة وطلع عينها

تارة....والله عموو اني كد الثقه ومسويت شي غلط بس هذه طالب ويانه قشمرني وكلي اريد احجي وياج بموضوع مهم وحدنه

لؤي.....ولج اسكتي طفل كدامج وتقشمرين عليه ادرررري دازيج ادرسين لو اتكوووودين

تارة.....ياربي لييييش محد مصدكني والله مسوووويت شي واللله مو ذنبي

لؤي....اسكتي ولج خلي اوصل للبيت وطلع عار ع الزلم اذا خليتج عايشه

ضليت ساكته وحس روحي استسملت عادي خلي يكتلني قابل شراح يصير اكثر من الي صار شويه وصلنه ع البيت دخل السيارة ع الكراج واني فتحت الباب وركضت بس هو اسرع مني كمشني من شالي وطببني للصالة وجه عليه الله شاهد جان بيده زنجيل حديد

قفل باب الصالة وضل يضرب بيه مثل الوحش كل ضربه اشيل روحي وركعها وماكو ع لساني.... غير بابا ماما لحكووووولي راح اموت

ومرة ابويه ادك بالباب وصيح.....ولك عوووفها يا ضالم تارة بنية مؤدبه مسوي هيج خلي نفهم منها لييش تضلمها

لؤي....اسكتيييي خلي اغسل عارها

تارة....ولك بابااااا وينك تعال الحكلي

اخر ضربة اجتي ع راسي وبعد ما حسيت ع شي ما ادري شكد ضليت نايمه بس كعدت وفوك راسي المغذي عرفت روحي بالمستشفى اول ما فتحت عيوني سمعت صوت يكول....الحمد الله ع السلامة

ضليت ساكته لان ما اكدر احجي رجعت كالت هاي الابنيه نفسها....اني الممرضه وحضرتج متعرضه التعنيف تردين تقدمين شكوى

هزيت راسي بمعنى اي

الممرضه....تمام شويه ويجي الضابط وسولفيله كلشي

شويه ونفتحت الباب طبت مرة ابويه وجهها اصفر ومبين عليها التعب باوعتلي بنضرة اسف وكالت....شلون صرتي

كمت ابجي بحركه وكتلها.....جروح جسمي اطيب بس جرح كلبي شيطيبهن

رادت تحجي طب عمي مثل الاعصار اجه عليه ضغط ع حنجي وكال....ولج والله لو ما ايمان جان عفتج تموتين ولج وبعد عندج جرئه تشتكين على عمج

ضليت ساكته ما كدرت احجي رجع كلي....هسه اسحبين الشكوى لا والله احط طلقه براسج

اجاهلت كلامه وباوعت المرة ابويه وكتلها....بابا وين معقوله الهل درجه كرهني وميقبل يشوف وجهي

رد عليه عمي بحركه ....ابوج بعد ما سمع بعملتج السوده ضربته جلطة وراد يموت

طشت..!
اسنين المحبة
ومن بگاياهن شلم..؟

مرة تغفه جروحي بيه
ومره احن وانلچم..!
لــِ عريان السيد خلف

يتبع.....