رواية في احضان الذئاب الفصل الثامن 8 - بقلم الكاتبة قمر الجنابي

البارت السابع🎉🔴

بقلمي الكاتبه قمر💁‍♀️💕

لاتنسون النجمات😍🌟

والسكوت اليمشي بيه
سفر و احلام وحزن !

حور♡♡

كبل اجه بتجاهي وسحبني من ايدي وكال..... حور اني احبج

جنت اعرف انو هو يحبني بس ما ادري ليش تفاجئت يمكن لان حسيتها صارت صدك

جريت ايدي منه وكتله.....شبيك انته تخبلت منا الناس هسه شيكولون علينه

محمد ....انعل ابو الناس شبيج حور ليش صديني دائما شناقصني اني فهميني

حور......ما ناقصك شي بس اني ما اناسبك بعدني طفلة وما افهم بهاي السوالف

محمد....لا اني اشوفج اكبر من عمرج بهواي وانتي طفلتي واخاف واحد يحط عينه عليج ولج والله اغار من الهوى اذا لعب بشعرج ليش متفهميني انتي

حور....رجاء محمد عوفني اني مو مال هيج سوالف

رد عليه بعصبيه.....لا ما راح اعوفج افتهمتي لو لا راح اضل وراج منا لمن توافقين واذا ما وافقتي اخذج غصب
ابتعدت عنه ومشيت بسرعه واني ابالي الف حسبه وحسبه

وصلت ع المدرسة وعيوني ادور ع ازهار بس ماكو ملكيتها خلصت اليوم كله وحدي وبس ضايجه واليحاجيني ابجي بوجهه

من خلص الدوام اني وبطريق الرجعه
شفت سيارات هووواي يم باب بيت ازهار ضليت اتلفت بلكي اشوف ازهار بس ماكو اي شي بس زلم معكله اطب وتطلع

وصلت ع بيتنه طبيت جوه لكيت امي بعدها نايمه كلبي وكف كلت خاف ماتت رحت اهز بيها اريد اكعدها ما احس غير كعدت وجاني راشدي كتلها....ليش

ام حور....اكو واحد هيج يكعدوا

حور....خفت عبالي بيج شي

كامت دفرتني برجلها كتلها بكلبي..... مو صوجج

مرة الايام وزهار ماكو وامي صارت زينه بس من وره عمليتها فتحت بوجهي ابواب جهنم بعد متكدر تشتغل ولا تخيط يعني بعد ما عدنه كل فلوس بس راتب الرعايه مالتها ويا دوب يكفي من وره الايجار

وصايره ع اقل شي تضربني وتهيني وحتى اكل متنطيني بطلاع الروح تنطيني وجبه لو وجبتين باليوم وشكد مرة عليها ايام كوه انام من الجوع

مرة رجعت من المدرسة هيه بالعاده من تطلع تسوك تقفل الباب واني اضل بره بس هل مره يمكن ناسيه تقفلها حتى اني كلش تفاجئت فتحت الباب وطبيت جوه ركعتلي صفنه يا ترى ليش تقفل الباب من تطلع من البيت اشو فلوس وما عدنه

مدري ليش خذاني الفضول فتحت كنتورها وضليت اكلب بغرضها وجان اشوف جنطه سوده ضامتها جوه الملابس فتحتها ولكيت بيها كووووام فلوس حتى لونهن حمر اول مره اشوف هيج اني متعوده ع الرباعه

ضليت صافنه ذني شنو ومين اجيبهن وليش هيج معيشتني بالفكر وعدها كل هاي الفلوس رجعت الجنطه المكانها خفت لا اشوفني وتموتني كتل بس قررت اراقبها اريد افتهم شضامه عليه

عاد غيرت ملابسي وصعدت فوك للسطح لان هذه مصدر الونسه عندي ضليت افتر وتخيل روحي اميره وناس تحترمني وعايشه اللحضه وجان اسمع صوت ازهار اصيحلي التفت والي شفته صدمني هواي

تاره♡♡

حسيته ارتبك وكلي.....ليش متدرين ميساء ازوجت

تاره....شنوووو

مرتضى .....اي ليش مصدومه

تاره.....لان اني صديقتها المقربه ومكلتلي

مرتضى....عوفج منها تعاي كعدي يمي بصدر

رديت بتوتر .....ليش

مرتضى.....اريدج اصيرين قريبه عليه وتأمل ملامح وجهج الطيرت عقلي

تاره....لا عفيه ما اكدر خاف يشوفني احد

مرتضى....هاي شبيج تاره تخافين من خيالج اني يمج فنه اليوصلج اكسر رجلي

تاره....لا مرتضي اسكت حباب

ما حس غير طبك السياره ع جهه ونزل وجه يمي جرني من ايدي وكلي صعدي هنا كتلج وفعلا صعدت واني ساكته وضجت من تصرفه

مرتضى....لزعلين مني مو انتي تعاندين ومتجين بالعيني وغاتي

تاره....اني مو حيوان افتهمت وما اقبل هيج تصرف وياي

باوعلي بطرف عيني وضل يمشي بنضره ع جسمي كله صدك خوفني كتله ....شبيك هيج تباوع

مرتضى....شنو ميصير اتأمل هذه الجمال كله

تاره ....لا انتبه ع طريقك لسوي بينه حادث

ضحك وكلي ....انطيني ايدج

تاره.....مرتضى اذا اضل هيج بعد لتمر عليه ما اقبل اني بهل تصرفات اهلي مربيني وتعبانين عليه ما اجي انزل راسهم بتصرفات المراهقين هاي

مرتضى....علكيفج عيني هسه شكتلج اني بعدين اول وتالي اخطبج وصيرين بحضني

تاره....اي عود لكل حدث حديث

بقينه ساكتين قريب منوصل للبيت رجعت كعدت وره من وصلت نزلت وسديت الباب بدون ما اكول شي دخلت جوه ردت اصعد فوك تلكتني مرة ابويه كالت....عفيه تاره هذه صوت ابو الغاز لحكي جيبينه قنينه محد بالبيت وغاز ماكو

تاره.....خاف ابويه ميقبل

ردت عليه وهيه اطلع الفلوس من صدرها....دمشي صغيره انتي قابل وين دازتج

خذت الفلوس منها وكفت ابو الغاز كتله اطيني قنينه وطلعتله قنينتنه انطيته الفلوس كلي....اطببلج القنينه لجوه

تاره....لا اني ادفعها برجلي

انطاني القنينه بس شو مرر ايده على ايدي كلت خاف مو بقصده

طببت القنينه جوه ردت اسد الباب بس واحد دفعها من باوعت شفته عمي لؤي ومبين معصب اجه بجتاهي جرني من شالي وطببني جوه وكام يغرد بانواع الفشار....ولج ساق.... متستحين متواعده ويه ابو الغاز عاد شوفيلج واحد بي خير مو هذه
تردين تعيدين السوته عمتج والله اذبحج بيدي كتله الابوج يذبحج ويخلصنه من عارج بس ابوج ميتعاند كبرج ودخلج جامعه ومخليج اطبين وطلعين براحتج ام الولد

اجتي ع صوة صياحنه مرة ابويه كالت..... شبيك يمعود دكول يالله اني دزيتها وطيتها فلوس

لؤي...اي طبعا انتي تكوديلها من جوه لجوه

ردت عليه.......والله عيب عليك هيج تكول عابن تربيتك سكط خلي يجي ابو تاره وهوه يشوف شغله وياك

اجه بتجاهي يريد يضريني منحس غير واحد صاح بصوت عالي ....لؤؤؤؤؤي

التفتنه شفنا ابويه كال وعيونه ناطات من العصبيه.....الايد التنمد على بنتي تنكسر لؤؤؤي تنكسرررر ضيعت وحده من وره تخلفكم ماراح اضيع الثانيه

لؤي.....اي تعال خويه اكسرها اني جاي اربيها وانته تريدها تطلع عن الطريق مشفتها متواعده ويه ابو الغاز ويكمش بيدها كدام الجوارين شيكولون علينه

باوعلي وكال.... صحيح بابا هذه الحجي

كتله ودموعي تجري وجسمي كله يرجف....والله بابا خاله ايمان هيه كلتلي جيبي قنينة غاز اني شعليه وشعرفني بالولد

باوعلها وكال...صح ايمان

كالت مرة ابويه....ها اي اني دزيتها وخوك يكلي تكوديلها من جوه لجوه

عاد كبت العطيه بين ابويه وعمي وصياحهم مله البيت وخواني ضلوا يتراجفون ويبجون رحت حضنتنهن وسكت بيهم

شوي وهدئ الجو وعمي زعل وطلع واني صعدت لفوك من خوفي طلعت رقم مرتضى وحضرته
وبقيت بغرفتي لليل اخاف انزل بعد الي صار شويه وصعدلي ابويه دك الباب ودخل باوعتله وكتله....بابا خو ما زعلان مني

ابو تاره....لا بابا ليش ازعل منج انتي اشلعين عيوني شعدي غيرج بس بعد لطلعين وحدج لان اخاف عليج الدنيا مو أمان

تاره....بابا انته تدري ما اسوي شي من وراك بس خاله ايمان كلتلي روحي

ابو تاره....اني احجي وياها بعد ممنوع ادزج المكان وهذه عمج لتحاجي بعد شوفي منا ديري وجهج لهناك ماشي بابا

تاره....من عيوني

وخله وطلع بقيت اقره وساعه اعزل بالغرفه وهيج مر اليوم لحد ما صار الليل رحت اريد انام مكدرت ضليت اتكلب بمكاني ساعه افكر بمرتضى ساعه بأهلي تقريبا بال2 بليل وسمعت واحد سد باب البيت الخارجي طفرت اباوع من الشباج لان شباج غرفتي صاير ع الشارع وشوفلك عمي يطوطح وبيده بطل عرك

حور♡♡
شفت وجهه ازهار كله مخرمش وعيونها حمر دم ركضت عليها وكتلها....منو سوه بيج هيج كسر بيده وين جنتي اشتاقيتلج وبالي يمج

ازهار.....اسفه حور سمعت امج ضربتها طلقه من ورانه شلون صارت

حور....لا انتوا شعليكم وزينه هسه صارت الحمد الله انتي شبيج ليش هيج صار بيكم

ازهار....والله سالفه طويله اخاف احجيلج لان اهلي محذريني

حور....احجيلي قابل المن احجي بس انتي صديقتي وامي خرسه بس قبلها من سوه بيج هيج الله يكسر ايده

ازهار....اني سويت هيج من اللطم شوفي من جنه بذاك البيت اخويه كتل واحد واحنى شردنه الهذه البيت وبعدين اندلوا مكانه وسووا هيج حتى يخوفونه وبعدين كعدوا كبارية العشيره وكالوا لو ابنكم ينعدم لو تنطونه فصل ومره

حور......يعني راح تنطون امج

ازهار....ولج امي شنو اني يردون ينطوني فصليه

حور....وانتي يمته مره انتي طفله

ازهار.....هاي بعد عاداتهم الهمجيه

حور....لاعفيه لتعوفيني

ازهار كامت تبجي وكالت.....اني هم ما اريد اعوفكم اخاف من ذولاك الناس يكتولني ويبطلوني من المدرسه بس همه انطونه مهمله سبوع وبعد ما ادري حايرين بزمانه

ضلينه نسولف بالساعه ونبجي سوه لحد ما خافت وكالت خلي انزل لان ميقبلون التقي بأحد راحت وخلتني وراها ابجي نزلت جوه واني كارهه الدنيا شويه واجتي امي اول ما شافتني ضلت تكتل بيه هسه اريد اعرف شكو ليش متحجي كوه خلصت ايدي منها كتلها ....شبييييج ليش اضربين بيه

ام حور....اني مو كايلتلج اذا طالعه ممنوع اطبين للبيت

حور...شمدرينييييي شفت الباب مفتوحه وبعدين جنت فوووك بسطح

كرصتني من ايدي احسها شلعت اللحمه وشرتلي بمعنى.....حتلو طررررمه وما اسمع ممنوع تعلين صووووتج ويله روحي بدلي وغيري هاي جردوج راح يجونه خطار

حور.....منو وشلبس ما عندي ملابس

كامت فتحت الكنتور طلعلتي ثوب طويل وردي فتحت حلكي صدك يجنن بحيث نسيت الكتله خذته ولبسته طلع يجنن عليه وهيه مشطتلي شعري وكل ما اسئلها منو الراح يجي متحجي عاد شوي وندكت الباب

كمت حتى افتحها اجتي امي وراي اول ما فتحت الباب طلعلتي ام محمد وياها بتها وثنين نسوان تفاجئت امي جرتني وشرتلهن بأبتسامه يدخلن جوه عاد صدك طبن جوه وعيونهن عليه كامت ام محمد كالت.... شحلاتج جنج حوريه

كتلها بأبتسامه ....شكرا خاله

النسوان ضلن وحده تكول للثانيه بس بعدها مبينه طفله

كلتلهن ام محمد....شسويله يكول اربيها ع ايدي

وحده من النسوان كلتلي..... ماما انتي تغسلين

كتلها بعصبيه.....اشفتيني وصخه قابل

كامن يضحكن كالت ام محمد لا ماما يعني....بالغه انتي

كتلها ....صح اني مرات اصير غبيه بس اني جبيره وكدر اتحمل مسؤوليه

اشرتلي امي شكو شيحجن كتلها الي كالنه كامت كرصتني وشرتلهن بمعنى ....اي تغسل

واني مثل الاطرش بزفه عاد كالت ام محمد ....ما اطول عليكم حبيبتي حور احنى جايين نخطبج الابنه محمد على سنة الله وروسوله

بلكي ارهم عتب لشفاك
لبيهن مدري جم زمزم تبدة
وذاب