رواية في احضان الذئاب الفصل الثالث والعشرون 23 - بقلم الكاتبة قمر الجنابي

لاتنسون التصويت بالضغط على النجمه لدعمي⭐💖

غازلني
إعله طول الليل
خل يلبس كمرنه بتوت
ترى هوه العمر لحظات
باجر عكبه بعده نموت

تارة♤♤

اول ما ردت ادخل للنادي اجمدت بمكاني من شفته وكلت بشفايف يرجفن ....فهد؟!!!!!

مرام...شنو ولج يا فهد

جان واكف يسولف ويه دكتور وابتسامته واناقته وصوته الرجولي وطوله حتى وكفته ممكن تخلي اي بنيه توكع بحبه يعني سبحانه الخالق ولا غلطه

مرام....يمعوده شبيج انسطرتي ادخلين للنادي لو نروح الغير مكان

ما ادري اصالي بقيت جامده بمكاني وكلبي يدك وانفاسي اسارعت

ما ادري شلون شخص واكف بعيد وحتى ما منتبه الوجودي يكدر هيج تحكم بيه

تارة....عفيه امشينه راح اتخربط

مرام...يا داده شبيج شلون بدايه عام مزهره سعيده بالصباح والهواء المنعش

صحت بيها...ولج امشي شنو جاي تنطين النشره الجويه

مرام...جاا والاكل

تارة...يربي بس بطنها تهمها

مرام...اي البطون تعمي العيون وبعدين اكو اهم من الاكل فديته

عفتها تحجي ومشيت سريع مدري اصالي احس وضعي تخربط يمكن لان صالي اربع سنوات منتضرته فا من طلع كدامي فجئه انصدمت مدري فرحت ما ادري مشاعر مخربطه

رجعت اجمدت بمكاني من سمعت اسمي بصوته.....تارة لحضه

وهنا لازم عقلي والاحرف والابجديه كلهم يكلولي باااي

درت وجهي شفته واكف بكل ثقه وعيونه تتمعني من فوك لجوه هل شي خلاني اتوتر اكثر

كلي...شلونج

تارة...ز ززين زينه

باوع المرام هيه افتهمت وكالت...يله اني اروح اكل من تكملين لحكيني

رجع باوع بعيوني دنكت وضليت اللعب بأديه كلي...هاي لسه من تتوترين اسوين هيج

تارة....شسوي

فهد...تلعبين بأديج

تارة...هااا

فهد...حليانه هواي

تارة...شكرا

فهد....شفتج من دخلتي للجامعه بس ما صارت فرصه احاجيج

تارة...ها زين

فهد...ما راح تكولين شي بعد كل هل سنوات

ردت احجي انتبهت ع حلقه بأيده اليمنى كبل كتله...اني ارووح عندي محاضره

مشيت بسرعه كبل ميحجي شي وضليت ادردم بيني وبين نفسي معقوله معقوله خطب ونساني اييي منو اني اصلا حتى ينتضرني كل هل سنين اكيد لكاله وحده حلوه وخطبها واني مجرد لعبه زين لا خاف لابسها ع المديل ياربي راح اتخبل احس راسي صدع

رحت المرام لكيتها كاعده تاكل اول ما كعدت استلمتني بالاسئله

مرام...ولج منووو هذه الصاك مبين معجب بيج من نضراته يله نكول مبروك كليلي شكلج اكيد اعترفلج

تارة...يمعوده وين رحتي حقج انتي مرحله رابعه ومتعرفين فهد منو

مرام....لا لتكوليها بس لا هذه النفسه صالج سنين تبجين عليه

تارة...للاسف

مرام...وليش ضااايجه يحضي واخيرا لكيتي لو اني منج اطلع ساجده عبيد مال اجيبك للدرب كتلك اجيبك تتراهن عليك اصبح حبيبك وهز للصبح

تارة...شفت حلقه بأيده

مرام...ها زين لحضه لتستعجلين وتحكمين بالاخير انتوا صاركم هواي محاجين ولا شايفين بعض فا الاحسن تفتهمين منه قبل متحكمين

تارة....ما ادري بس احس كلبي انكسر وحتى ما فرحانه بشوفته

مرام...لا ادري كلبج يكول غير شي

تارة...ما ادري يا مرام خايفه لا يطلع مزوج وعنده جهال هم

مرام....يبو وين رحتي بعد اشويه اسوي مزوج اربعه دكولي يالله تحكمين من يمج وانتي كلشي ممفتهما

تارة...ما ادري بس خايفه يطلع انتضاري كل هاي السنين يروح هبائا منثورا وانتي بعينج شفتي كم واحد صارحني وشكد خطبوني من ابويه واني ارفض علموده ولسه هم اذا احد يحاجيني هم ارفض اني لو فهد لو ما ازوج

مرام....لا ممزوج هسه اشوفين

تارة...اوف انشالله ...ويله عاد خلصني خلي نولي المحاضراتنه محلوه نتأخر بداية السنه

مرام...يله خلصت بس هل لكمه

تارة...يله اني راح انتضرج برى النادي يخنك متروس طلاب

طلعت برى انتضر مرام وجان يجني فرات اول ما شافني كلي ....شوفي اني وياج خربنه اني بطريق وانتي بطريق

ضحكت وكتله...ليش ولك شسويتلك

فرات...يابه راح اتخرج وبعدج ما دبرتيها وحاجيتيلي مرام

تارة....يابه غير جاي امهد الموضوع شوي شوي

فرات...هاي عود اني صديقج وخوج وهيج اشلعين كلبي خلف الله عليج ترى والله اذا عصبت اجرها من شعرها وكلها احبج هاي ام كفشه

ضحكت وكتله....يابه شتريد بضبط شو تتعارك ويه روحك

فرات...بويه احبها احبها والله كلبي طك اني رجال وتخبلت من ورها

مرام...منو هاي التحبها

باوعت الفرات وجهها صار احمر اصفر ومرام مثل الطفل الامه تنطي ربع ويضيعه كمت جريتها من ايدها وكلت الفرات.....الف مبروك شايف كل الخير...وغمزتله

مرام...ولج شنو راح يزوج

تارة....ايباااخ وانتي شعليج مو اكلج الولد يحبج وانتي ميبسه راسج

مرام...اي يا عيني تدرين بيه اموت عليه بس غير اصير ثكيله مو كبل اذب روحي عليه

تارة...ولج صاله سنه يحبج والولد شاريج ما بايعج

مرام...اذا اني سنه لعد انتي شتكولين صالج اربع سنين تحبي وهوه خمسه مدري شكد

تارة...وهل شي متعب صدكيني متندمه لو يرجع بيه الوقت ما ارفضه لان بقيت متعذبه بحبه كل هل سنين

ضلينه نسولف وبعدين كلمن راحت ع محاضرته واني بالي كله يم فهد كل ما اذكره اكوم ارجف وكلبي يكوم يدك سريع

من خلصت المحاضره طلعت وعيوني ادور عليه بلكي اشوفه زين شعده جاي معقوله رجع يدرس هنا لو جاي بشغله ويرجع يختفي اني وبوسط افكار اجتني مرام طايره وكالت....ولج هذه الحقير

تارة...لا والله فرات خوش ولد

مرام.....مو تبعي تبعك

تارة...يا لعد ليش حقير

مرام....شوفي ما اريد اضوجج بس بنفس الوقت ما اريد اضم عليج

تارة...احجي مو وكفتي الكلبي

مرام....هسه شفت دكتور فهد حجه ويه وحده ومن كمل صعدوا ثنينهم بسياره وراحوا

تارة....واني الغبيه منتضرته زين شلون شكلها حلوه لا

مرام...مو احلا منج

تارة...اوووف شسوي مرام كليلي

مرام....انتبهي لدروسج هاي اخر سنه الج وبنسبه الفهد افندي بعدين نفهم شنو قصته

مر باقي اليوم واني بس ضايجه وبالي الف فكره لو ما طالع كدامي هواي احسن ولا هل عذاب الهسه جاي احس بي

من خلص الدوام خابرت ابويه كلي ما اكدر اجي شوفي عمج رجعت خابرت عمي ميشيله تالي جزعت وخذت تكسي وعيني ع جامه ودموعي تنزل بدون ما احس حتى السايق كلي شبيج بنيتي

وصلت ع البيت اول ما دخلت صار بوجهي عمي كال...منو جابج هسه خابرني ابوج وكال روح اخذها عدي شغل

تارة....عمو مو خابرتك مرديت عليه فا اجيت بتكسي

لؤي...ومنو يكول حجيج صدك

تارة...رجع الكامرات وتأكد

وخرت عنه عفته يحجي وحده وصعدت فوك بقيت بغرفتي متانيه باجر يجي ع احر من الجمر بلكي اشوفه والكه اجوبه الاسئلتي

ثاني يوم الصبح طلعت احلا ملابس عندي لبستهن ومتحمسه بس بنفس الوقت خايفه قبل ما اطلع باوعت بالمرايه وكلت....شوفي تارة كافي خوف كافي اصيرين جبانه صيري شجاعه ولو مره بحياتج وجربي ما راح تخسرين شي

لؤي....شجربين

كبل طفرت وكلت...من شوكت انته هنا

لؤي...شبيج تخوزرين بالمرايه من الصبح....المهم يله اني متانيج من تخلصين نقاشج المهم ويه المرايه نزلي

وسد الباب اني غميت نفسي ورشيت عطر وطلعت وكلبي يدك اكثر كل ما نقترب للجامعه

وصلت ع الجامعه دخلت اتمشى الكليتي وعيوني ادور عليه طبعا كلية الاسنان شويه بعيده والاغلب يركبولها حافله بس اني احب اتمشلها لان حتى سيارات خاصه متدخل بس الاساتذه يكدرون يدخلون سياراتهم فا اثناء مجاي امشي سمعت واحد يدك هورن وراي التفت ما عرفته لان سياره غريبه من صار يمي نزل الجامه وطلع فهد لو كلبي صار بجواريبي

فهد...صعدي

تارة...لا راح اوصل

فهد...كتلج صعدي لا انزل اصعدج بيدي

تارة...وليش وبعدين شيكولون علينه اذا شافونه الطلاب

فهد...بابا صعدي شنو جاهل كدامج وخاف من الطلاب

تارة...اذا انته متخاف فا اني اخاف ع سمعتي

فهد...لا لتخافين بالاخير انتي راح اصيرين الي

ردت احجي عاط بيه ...شنو نضل هيج نسولف صعدي كتلج

فتحت الباب وصعدت كبل كتله...شنو تقصد راح اصيرين الي وين جنت كل هل فتره

فهد....المفروض اني اسئلج هل سؤال بربج جم مره حاجيتج وحضرتيني وللدوام متجين حتى بسببج تركت الدوام ورحت ادرس بجامعه اهليه وضليت اركض وراج واني رجال مشورب والله البنات يتلزكن بيه تلزك بس اني ولا معبرهن لان كلبي اختارج وجيتج من الباب والف مره كتلج خلي اخطبج بس انتي تتهربين

تارة....اني مريت بضروف كلش صعبه والدليل حتى راحت سنه من عمري ودفعه مالتي تخرجوا واني بعدني بس انته الي اختفيت اربع سنين

فهد....اكو هسه احد بحياتج

تارة...لا وانته

فهد....اني خطبت

حور♤♤

لحد ما طردهن وطببني بغرفته وسد الباب وجرني اله وكال بهيام ....احبج

طبعا اني ضهري ع الحايط وهوه حاط ايده ع الحايط ونازل المستواي ووجهه كلش قريب عليه ويباوع ع شايفي ويرجع يباوع بعيوني

محمد...انتي تدرين صالي شكد منتضر هاي اللحضه مو

حور....واني هم

محمد...لا اني احبج من جنتي صغيره وكل يوم اراقبج من بعيد منتضرتج تكبرين

حور....جذاب اصلا ما جنت تطلع بوجهي هيه اول مره من رادوا ذوله يأذوني وانته كتلتهم

محمد...اني جنت دازهم

حور....شنوو

محمد...اي لا انتي غبيه شكد حاولت الفت انتباهج وانتي حايره بس اطفرين مثل الطفله

حور...يله هسه كبرت والكدامك بنيه عمرها 18 سنه ترى

محمد....اني كبرتج بأيدي بس مع ذلك تضلين طفلتي

ردت احجي ما احس غير شفايفه صارت ع شفايفي ويبوسني بطريقه كلش غريبه ردت اوخر حط ايده وره راسي ودفعني عليه لحد ما اختنكت يله عافني

ضليت خجلاني وما ادري شكول وعيني بالكاع كام رفع راسي بأيده وجرني الحضنه اكثر شي احبه هو من يحضني كلش ارتاح واحس بالامان احس اكو سند بحياتي

ما ادري ليش اجه براسي هل سؤال وكتله...محمد

محمد...شبيج جنج طابه بعركه دكولي حبيبي صخام

حور...حبيبي وحياتي وعمري وكلشي عدي سؤال

محمد...اي كولي

حور....هم يجي يوم تعوفني

محمد....من اموت يله اعوفج وهم يمكن اجرج وياي

ضحكت وكتله....هسه شكلك

محمد...لتكولين شي بس قربي شفايفج

دفعته بأيدي ...اكولك دروح شو تهيلكت

وفتحت الباب وطفرت راد يكمشني بس ما لحك

لكيت امي منتضرتي بس جنها ما راضيه اول ما شافتني كالت.... يله امشينه

واني هم جنت تعبانه سلمت ع اهل محمد وطلعنه

لحكنه محمد كال اوصلكم امي كيفت لان مابيها حيل تمشي

عاد صدك وصلنه وامي كلتله تفضل يمنه شو هذه كيف كبل نزل دخل للبيت وكعد بالصالة وامي سوتله جاي واني رحت الغرفتي شويه ودك الباب عرفته هو لان امي مدك الباب تدفرها وطب

جنت اريد انزع الجبه بس شفته طب صعدتها كبل هو افتهم السالفه كلي ....ادري المن لابسته غير اشوف

حور....لاحك

محمد..لا معندي صبر اني ...كبل اجه بتجاهي فتح السحابه مال جبه وذبها بالكاع وضل يباوعلي من فوك لجوه وكال...عاد كون اصبر للعرس اللهم انعل الشيطان ولج شنو هل بياض الشايلته

حط ايده يم ايدي وباوع وكال...حليب وكاكو

اني ضحكت وهو ابتسم وكلي...اروح فدوه الهل ضحكه المهم حبيبي اني جاي احجي وياج بموضوع

راح كعد ع الجربايه واشرلي اكعد بصفه رحت يمه كتله...كول قلقتني

محمد...اريدج تتحجبين

حور....بس انته اخذتني سافره المفروض تتقبلني مثل ما اني

محمد....حوريتي هاي اول مره اطلب منج طلب معقوله ترديني

حور...مين طلعتلنه بهاي السالفه

محمد...حوووور لضوجيني انتي صرتي خطيبتي وما اقبل اطلعين شعرج بس الي اني اشوفه وشوف تفاصيلج مووو الناس وبعدين اليوم شفتج لابسته بالامام وكلش لايكلج وانتي صرتي جبيره واني ما اريد الله يعاقبج

حور....ماشي افكر

محمد....لا مو تفكرين تنفذين ترى الناس تحجي ومالي خلك اتعارك ويه هذه وذاك

حور...اهلك حجوا عليه

طلع باكيت الجكارين وحط جكاره بحلكه وشغلها وكال....اصلا محد يجرئ يحجي عليج كدامي

اني بس اشتميت الدخان كمت اكح

محمد...شبيج حور

حور...اختكت محمد راح اموت طفيها

كبل طفه الجكاره واجه يركض عليه بلهفه...شبيج حوري

ضحكت وكتله...مابيه شي اجذب عليك حتى متشرب جكاير

ضربني راشدي بشقه وكال...حياله يله اني خلي اروح بس قبلها صيحيلي امج احجي وياها

حور...ماشي ...ردت اطلع جرني اله وطبع بوسه بركبتي او ع شفايفي

وطلع واني طلعت وراه صحت الامي اجتي كعدت يمه كللها....كليلها العقد والعرس الاسبوع اليجي

حور....يا ليش مستعجل

محمد...ولج لتخليني احجي يا مستعجل صالي خمس سنين متانيج

كلت الامي كالت ...اي ميخالف بالي يعجبك

بعد ما اخذنه الموافقه طلع محمد واني رجعت الغرفتي لان التعب يقره الف

باوعت للمرايه انصدمت شفت دائرة بركبتي زركه يمه هاي شنو بس لا تمرضت لهناك اذكرت محمد من باسني شنو هاي معقوله البوسه هيج اسوي

ضليت افكر بالي صار اليوم والابتسامه شكت حلكي كلش فرحت لان واخيرا راح اصير للشخص الحبيته

لحد ما غفيت كعدت ع صوت الموبايل باوعت الساعه بال12 بليل رديت وكلت...الو

محمد....حبيبي اكو خبر مو حلو

حور....خير انشالله

محمد....خابرونه بشغل من دبي ولازم اسافر اكو سيارات طلع بيهن خلل وشحنه واكفه ميرضون يوصلوها للعراق والا اني اروح

حور...وشكد تبقه وشوكت تروح

محمد...بالثلاثه بليل طيارتي وابقه شهرين او اكثر

حور...شنوووو لعد وعرسنه

محمد...حبيبي وعد اول ما ارجع نزوج وهسه نزليلي يله اني جوه خلي اودعج

سديت الاتصال وما اتحملت كبل بجيت ورحت ع المرايه مسحت دموعي وعدلت شكلي ونزلت فتحتله الباب اول ما شافني حضني وكال...حبيبي اوعدج ما اطول

حور...ما ادري بس كلش ضجت

محمد...يله يروحي قابل اول مره اسافر

حور....ماشي انتضرك ترجع سالم

باسني براسي ورجع باسني بوسه خفيفه ع شفايفي وكلي...اول ما اوصل اتصل عليج

حور...ماشي انتضرك

ركب بسياره وجان اخو الي سوق وراح واني اباوع للسياره هيه وجاي تبتعد وعيوني ادمع كبل دك موبايلي رديت وكتله..ها

محمد...طبي جوه

حور...طبيت

سديته منه ورحت الغرفتي ردت ابجي وبطلت كلت ما اريد اولفله بالشر

ثاني يوم كعدت ع صوت امي تكح وكحتها كلش قويه كمت بسرعه رحت الغرفتها لكيت وجهها اصفر وسواد جوه عيونها ومبينه كلش تعبانه كتلها...شبيج اخذج للدكتور

اشرتلي بمعنى...لا تعاي اريد احجيلج الشغلات الصالها سنين ضامتها عنج

حور...شنو شضامه

ام حور...اني مو امج الحقيقه امج الحقيقه ماتت وره ما ولدتج وابوج الحقيقي عايش ويشتغل دكتور بالمستشفى وعندج اخت اسمها تاره واخوان ثنين من غير ام وعمج لؤي جان مزوجني وطلكني وابوج كل شهر يدزلي مليونين بس اني جنت معيشتج بالفكر واضم الفلوس عنج وحتى من احترك البيت الجنه كاعدين بي عفتج نايمه ورحت لميت الفلوس وشردت وابوج اكثر من مره يطالب بيج ويريدج تجين تعيشين يمه بس اني وعمج سوينه سالفه وكناله اغتصبها واحد وصارت بيها حالة نفسيه وتكرهك وبس اشوفك تكتل روحها ولهل السبب ابوج ما سئل عنج كل هل سنين وضل بس يدزلج فلوس

يتبع....