رواية في ارض الغرام انت دولتي الفصل السادس عشر 16 - بقلم ﮼الاميره،الموسويه 👑

بقلمي (هدى الموسوي ) الاميره الموسويه👑

ما احلل لأي شخص ياخذ كتاباتي وينشرهم (ذمه)

ام اسيد .. بصوت حاد وعصبيه .. هااااااي شنوووو .. شدتسوين بغرفة اسيد؟

داليا .. من شفتها كدامي حسيت جسمي كوله خدر من الفشله .. اريد اتحرك مااكدر .. اريد احجي ماكوو الكلام صوتي ميطلع .. بقيت صافنه بوجهها والدم يبس بعروكي!!

الحجيه .. ولج اني مو دااحجي وياج  .. شدتسوين بحظن ابني جاوبيني؟!

داليا .. ردت اجاوبها لان صوتها كان عالي رعبني و شكلها معصبه والغضب مبين عليها .. ولا ع بالك نفسها الحجيه الي كل يوم اخدمها انكلبت شخص ثاني .. معقوله بلحظه وحده الانسان هيج يتغير؟!!
قبل ما تطلع الكلمات من عندي .. حجه هو...!

اسيد .. بصوت همس تعبان .. اني كلتلها تبقى يمي.

الحجيه .. معقوله ولك اسيد .. انت تسوي هيج لا مستحيل مااصدك!

اسيد .. يووم لخاطر الله انتي فاهمه الموضوع غلط .. البارحه بالغلط ضربت ايدي طلقه .. وهي الي ساعدتني!

الحجيه .. شنوووو ؟!!
هنا كل شكلها وكيانها تغير ، ركضت ركض الابنها .. وين انضربت يمه خو ما بيك شي .. خو ما اتأذيت .. رحت للمستشفى .. شافو جرحك .. طلعو الطلقه ..اشكالولك .. ..

اسيد .. يمه .. يمه .. يمه ... اهدي ما بيه شي لتخافين كلشي ما صارلي .. مجرد جرح بسيط وداليا هي الخيطته وداوتلي ياه.

الحجيه .. اشلون ما بيك شي وانت ضارب روحك طلقه .. خلي اتصل بأخوك يجي ياخذك للمستشفى يشوفون ايدك.

اسيد .. يوووم فدوه اروحلج اسمعيني .. و روح ابويه ما بيه شي لتخافين .. وايدي زينه داليا البارحه خيطت الجرح وعالجتها يعني لتخافين من شي .

الحجيه .. التفتت لداليا باوعتها من فوك ليجوه .. كأنها دتتفحصها اخاف اكو عليها شي .. وملامح الغضب والانزعاج بعدها على وجهها .. بصوت حاد ..

_وشعدها نايمه يمك؟!!

اسيد .. داليا روحي لغرفتج .

داليا .. بدون اي كلام طلعت بس احس گلبي حيوكف من السرعه الي يدك بيها .. نظرات الحجيه حيل قهرتني حسستني اني رخيصه و ع بالها كنت نايمه ويا ابنها !
هسه اني الغبيه شجاني ونمت يمه .. لا وكعدت لكيت روحي بحظنه !!
ياااااا ربي اشون فشله .. الحمدلله ما كعد هو وشافني نايمه بحظنه جان متت!
اوووووف من حظي .. لويش يا الهي كولما اسوي شي زين ينكلب عليه؟!!
رحت لغرفتي اباوع ع شكلي بالمرايه صايره فلم هندي كفشتي منثوره وملابسي مخربطه .. وعيوني تعبانات حتى ملامحي تعبانه .. من الهبطات الي اكلتهم البارحا واليوم!
دخلت للحمام بوجهي سبحت وبدلت .. لبست تراك رصاصي  كولش ،خليت راسي ع المخده ورحت بسابع نومه لانو منايمه البارحه !

الحجيه .. اسيد فهمني داليا شجانت تسوي يمك .. اشصار بينكم؟!!

اسيد .. ااااوف يا يمه من تفكيرج .. البنيه البارحه طول الليل سهرانه وياي منامت ابد خيطت جرحي وعالجتني .. بقت كاعده يمي تسويلي كمادات لحد ما صرت زين .. اكيد تعتب وصار عدها ارهاق فنامت وين المشكله؟!!
شنو قابل هي مو بشر .. نزلتي بيه تحقيقات وأستجواب بأفكارج هاي .. حتى البنيه خطيه رعبتيها وحقرتيها.

الحجيه .. حست بندم على تصرفها .. شتتوقع اكول يعني؟!
الي يدخل ويشوفها نايمه يمك وغافيه بحظنك شنو يفكر بلا فهمني؟!

اسيد .. خلص هسه انتي فهمتي الموضوع بعد ماكو داعي لهذا الكلام الله يخليج ، ترى تعبان وايدي دتموتني من الوجع .. سدي الموضوع .

الحجيه .. اووف منكم راح تموتوني انت بصفحه واخوك ومرته بصفحه!

اسيد .. صدك انتي وين كنتي من البارحه لليوم؟!!

الحجيه .. اخذت ساره لبيت رجلها .. وكعدت اقنع واترجى بأخوك يتصالحون وترجع لبيتها .. شلع گلبي شلع يلا وافق ، وشرط عليه ابقى يمهم حتى اشوفها اتغيرت لو لا .. واذا بقت نفس اسلوبها اوديها لبيت اهلها .. بتت يمهم البارحه وعود اجيت اليوم اخذ ملابسي حتى اروح خوش لكيت مفاجئه كدامي!

اسيد .. ليش ما اخذتيها لاهلها .. اني مو كلتلج خلي تروح لاهلها حتى تتأدب؟!

الحجيه .. ولك يمه وين اوديها لاهلها .. منو يحمل جهال اخوك؟!
هسه عوفنا من اخوك ومرته خلي اخابرهم واكللهم ما اجي بعد مااكدر.

اسيد .. وليش متكدرين شكو؟!!

الحجيه .. شنو شكو تريد اعوفك وحدك وانت بهاي الحاله؟!!

اسيد .. يا حاله يمه ليش محسستني راح اموت ترى هو كله خدش طلقه مو اكثر ، ولخاطر الله روحي لان اذا مرجعتيلهم مليون بالميه ابنج راح يطردها لهاي الحيه وتجي لهنا .. واذا شفتها و روح ابويه ادفنها قبل متعتب باب البيت.

الحجيه .. اويلي عليه اثنين وشالعين گلبي؟!
هسه اني المن اصير الك انت وصوابك .. لاخوك ومرته ومصايبهم؟!
كون الله ياخذ عمري ويريحني.

اسيد .. يمه الله يخلج ما له داعي هذا الكلام ، اني ما بيه شي والله العظيم كله خدش بسيط وكم يوم واداوم حتى تصدكين ما بيه شي .. انتي روحي لبيت كرار ولتخافين عليه .. اذا صدك تردين راحتي لتخلين جنتج السگط توصل لهنا.

الحجيه .. اوووف .. امري لله اروح واشوف تاليها وياكم .

اسيد .. وهاي تاخذيها وياج؟!

الحجيه .. وين اخذها انت تعرف مرت اخوك متطيقها اليكول ضرتها .. واذا اخذتها انت منو الك وهاي ايدك مضبره؟!
خليها هنا .. واني رايحه اوصيها عليك واعتذر منها لان زودتها وياها .. بس شسوي من المنظر الي شفته.

اسيد .. ماشي كم يوم وترجعين؟!!

الحجيه .. لحد ما اخوك يفوت حال مرته ويهدأ ، وان شاء الله مااطول.

طلعت الحجيه من يم اسيد وراحت الداليا .. لكتها بغرفتها..!
حجت وياها واعتذرتلها ع الي صار ..

الحجيه .. يمه اعذريني عصبت عليج بس الي شفته مو قليل.

داليا .. حجيه ماكو داعي تعتذرين واني صح يتيمه بس عندي اخلاق وتربيه .. مستحيل اسوي هيج شي وبالحرام سواء ويا ابنج او غيره فـ لتخافين من عندي!
بس كل الي اتمنى منج او من اي شخص منكم ليحكم عليه قبل ليفهم شنو الموضوع لانو حيل اذتني نظرة استحقارج الي.

الحجيه .. حقج عليه بنيتي .. واشكرج على الي سويتي لو ما انتي جان ابني هسه ميت لو بي شي.

داليا .. ههه لا شدعوه حجيه ترى هو جرح بسيط واني مسويت شي ، الحمدلله على سلامته.

الحجيه .. الله يسلمج ويوفقج بنتي.

داليا .. هسه اسويلج اكل لو تاخذين حمام بالاول؟!!

الحجيه .. لا يمه يا اكل خليني الحك احظر غراضي قبل لا يجيني السايق.

داليا .. لويش وين رايحه حجيه؟!!

الحجيه .. رايحه لبيت ابني كرار ابقى يمهم كم يوم تدرين يمرته ولسانها.

داليا .. هاا .. زين حجيه اني مكدرت اكلج لما رحتى البارحا لان ملحكت احجي وياج قبل لتطلعين .. اني مااكدر ابقى وحدي بالبيت اذا ممكن تكولين لام عادل تبقى وياي على ما ترجعين.

الحجيه .. بتردد .. ها .. اي اني هم كلت ميصير تبقين لوحدج ويا رجال .. انتي بنيه حليوه والشيطان شاطر .. هسه احجي ويا ام عادل واخليها تبقى وياج لحد رجعتي.

داليا .. كلامها مثل السجاجين بگلبي ولا كأنو قبل اشويه اعتذرتلي .. ولا كأنو فهمتها اني مو من هذا النوع .. اوووف لو عندي احد اروحله لحظه وحده ما ابقى هنا ، بس شسوي لازم اتحمل حتى اعيش.
سكتت مجاوبتها ورحت حظرت جنطتها وملابسها .. كالت كم يوم واجي اشو اخذت جنطه شكبرها!!
بعد الظهر نزلت جنطتها ونزلت ليجوه .. لكيتها كاعده هي وبناتها .. الظاهر كالتلهم على ابنها والي صار .. البيت صاير مدرسه من الهوسه !
هو مشفته .. سلمت عليهم ورحت للمطبخ يم ام عادل .. ساعدتها بالغده!!
حضرنا السفره واتغدو كلهم .. هو ماكو!!
غريب .. اشون مينزل ع الغده واخواته جايات حتى يشوفو؟!!
مهتميت ولا سألت اصلاً بس الفضول كتلني .. لويش مموجود وياهم ، لويش متغده؟!!
دنعزل بالسفره اني وأم عادل .. وجان يدخل هو واخو كرار؟!!!!
بقيت صافنه ، هذا البارحا متصوب بأيده وحالته حاله اليوم طالع مدري وين؟!!
مبدل وكاشخ طالع يجنن .. ولا ع بالك نفسه الي البارحه كان يهذي وديموت؟!
هسه اني شعليه بي .. طبه طوب هو وكشخته ، ممحصله من ورا بس المذله والكلام الي يغث .. خلي اكمل شغلي و اروح لغرفتي.
طبعاً واني انظف بالطاوله مالت الطعام .. شفت اخو يباوعلي بنظرات مااعرف اشونها .. محبيتها ابد!
كولما ارفع راسي الكى صافن عليه ويبتسم بوجهي!!
كلت احتمال هو شكله هيج بشوش ويبتسم .. لانو اني محاجيه ويا ابد على كد السلام .. ولا مباوعه بوجهه نهائياً..!
يا ربي شنو هذا من بشر معقوله  متزوج وعنده كومه جهال ويبصبص ع غير مرته؟!!
لا لا اكيد اني غلطانه .. كملت شغلي بسرعه ودااروح لغرفتي .. جان تصيحني الحجيه!!!

الحجيه .. تعالي يمه داليا خلي اوصيج قبل مااروح!

داليا .. من بعيد مرحت للصاله لان الكل كاعد واستحيت ادخل بالتراك مالتي وهذا نظراته ضوجتني .. مع العلم هو عريض ومرتب عليه .. نعم حجيه تفضلي!!

الحجيه .. بنتي حجيت ويا ام عادل وكالت ان شاء الله اذا كدرت تبقى وياج هاليومين على ما اجي.

داليا .. ماشي حجيه تسلمين.

كرار .. عليش شارده داليا متجين لهنا ترى مناكلج!!

داليا .. كلبي كام يرجف من حجه هذا ..  انحرجت انوب كدامهم معرفت شنو احجي حسيت الكلام اتخربط بعقلي .. بصوت ناصي وملعثم .. العفو ابو زين مو قصدي هشكل بس كنت رايحه لغرفتي.

كرار .. لا عيني براحتج .. اهم شي راحتج.

بقيت ارجف بمكاني مجاوبت شي ..  بسرعه كام اسيد بس حسيت من صوته مثل الي معصب مااعرف لويش؟!
اسيد .. يلا كرار اخذ الحجيه وروح قبل لتصير ليل حتى ترتاح .

كرار .. اي هم يلا طريقنا طويل ..

صدوك كامو كولهم .. اني ودعت الحجيه ورجعت بسرعه خفت يرحون وابقى اني ويا بره .. مااريد احط عيني بعينه بعد الموقف الي شافته الحجيه الصبح وشهرتني شهر !
هو بقى واكف يسلم على امه واني دخلت للبيت .. دخلت وجان اشوف ام عادل دتلبس عبايتها دتروح لبتها ....!!!!

داليا .. هاي وين رايحه؟!!

ام عادل .. رايحه لبيتي غير!!

داليا .. مو كالت الحجيه حتبقين وياي كم يوم على ماترجع؟!!

ام عادل .. والله بنتي مااكدر ابقى بيتي فارغ وجهالي محد الهم .. واني كلت للحجيه اذا كدرت ابقى مكلتلها اي ابقى!!

داليا .. يعني شنو حتعوفيني لوحدي؟!!

ام عادل .. اويلي عليج يا داليا اشكد تتعايرين .. اليسمعج يكول عايفيج بالغابه ، شحال لو ما وياج اسد بالبيت ، شو وخري عن طريقي خلي اروح جهالي كتلهم الجوع.

عافتني ام عادل وراحت .. زين هسه اني شسوي اروح لغرفتي اخاف هذا يريد شي ،حتى غده متغده وياهم؟!
وايده ميكدر يحركها اشون يسوي اكل ؟؟
بقيت محتاره وصافنه بمكاني .. جان يدخل .. شطوله !
رفعت راسي باوعت عليه عيونه كولها غضب  شافني دار وجهه وراح حتى محجه وياي!
هذا اشبي الصبح كان زين ويايه ودافعلي كدام امه .. هسه شصار يريد ياكلني بنضراته؟!!
رحت للمطبخ كلت انتظره هنا واذا يريد شي اسوي له!
سويت جاي وكعدت اشرب ... شفته اجه للمطبخ .. اني بقيت بمكاني بس احس كلبي ديرجف مااعرف اشبيه؟
دخل شافني دار وجهه وراح فتح الثلاجه وطلع اكل ديسوي غده؟!!
اني كمت كلت خلي اسويله خطيه ايده ميكدر يحركها ..

داليا .. اسويلك غده؟!!

اسيد .. الصبح اجاني كرار ورحنا للمستشفى شافو ايدي ورجعو ضمدوها من جديد ، الدكتور كال الحمدلله الجرح مو حيل عميق و زين خيطته لانو لو باقي مفتوح ممكن يلتهب ومن هذا الكلام .. ع باله اني مااعرف الغبي .. من كلتله دكتور استغرب !
المهم .. من رجعنا للبيت كرار شافها لبلوة حياتي .. هو شافها لو اتخبل!!
سحل روحه سحل عليها .. صح هي كانت لابسه تراك عريض بس طالعه حلوه جداً ، بس شعرها قصه !
فهذا من شافها اتخبل .. خبصني والله قطعه ، والله حاته ، كرهني روحي!
مااعرف ليش انزعجت من كلامه عليها ، حسيتها ديحجي ع شي يخصني حيل تضايقت من كلامه ، بس حاولت ما ابين هذا الشي .. سويت نفسي ممهتم بس اني من اشوف نظراته الها احس شي بداخلي يغلي!!
حتى غده متغديت من ورا كلتلهم مااشتهي .
والي زعجني اكثر من حجه وياها ، مبين من اسلوبه شنو غايته ، خصوصاً كرار يموت ع البنات اذا شافله وحده حلوه لو يدفع روحه ياخذها اعرفه كلش زين ، فمن كالي هيج عنها عرفت شنو ديفكر تجاها .. ردت اخنكه بوقتها مااعرف شصارلي!
المهم ..
ما صدكت من راحو احس نفسي مخنوك واني اراقب تصرفات كرار .. من راحو رجعت للبيت بس اعصابي نار اريد الزمها اموتها .. هي السبب هي الي طلعت كدامه بتراكها وشعرها .. شكو تحجي ويا اساساً؟!
هي الي دتخليني احس هذا الاحساس الحقير بسببها !
ما ادري ليش اتذكرت علياء .. اي هي نفسها .. نفس الشي ماكو فرق .. كلهن نفس الشي.
كرهتها حييييييل وكرهت نفسي اكثر لان داافكر هيج ودااحس هالاحساس اصلاً.
دخلت للبيت شفتها واكفه يم المطبخ وصافنه عليه .. عفتها ورحت للصاله بس معدتي دتتكطع من الجوع !
انتظرتها تروح لغرفتها واروح للمطبخ اسويلي شي اكله .. بس المشكله دخلت للمطبخ وبعد ما طلعت!!
انتظرت انتظرت .. ماكو الظاهر نامت هاي ..!
كلت خلي اروح اسويلي شي اكله شعليه بيها واذا بالمطبخ .. دخلت لكيتها كاعده ع ميز الطعام وصافنه!!
من شافتني كالت اسويلك اكل؟!!
محجيت وياها اتجاهلتها .. وبقيت ادور شي اكله بالثلاجه..

داليا ..بصوت اعلى .. دكتور اسيد .. اسويلك غده؟!!

اسيد .. شكو دتصيحين ، احد كايلج اني اطرش؟!

داليا .. لانو دااحجي وياك وحضرتك متجاوب .. ع بالي مداتسمعني!

اسيد .. سمعتج ومااريد منج شي ، روحي من يمي .

داليا .. لا انت متكدر ايدك مجروحه ، روح ارتاح واني اسويلك الغـ...

اسيد .. بصوت جامد .. انتي ثوله لو متفهمين عربي؟!!
دااكلج امشي ولي من وجهي.

داليا .. صاح بوجهي ع بالك ارتكبت فد جريمه لو غلطت عليه .. فشلني  و حسيت العبره خنكتني ، باوعت بوجهه حيل معصب وعيونه مظلمه!
ردت اجاوبه بس من شفت ملامحه المتشنجه وشرايينه الي ناطه خفت .. سكتت محجيت شي ردت اروح لغرفتي .. بس شفت ايده دتنزف!!
بصوت خايف كلتله..

_ايدك !

اسيد .. من عصبت عليها اديه تشنجت وضغطت على الجرح حيل فنزف .. هي خافت!

_بصوت غاضب وعالي .. لزمتها من وجها بقوه ودفعتها بره المطبخ .. لتشوفيني خلقتج بعد افتهــ ....

داليا .. متحملت بعد صحت انفجرت بوجهه وبصوت عالي .. كااااااافيييييي .. كافي انت شنو متكولي .. لويش دتصيح عليه .. شسويتلك .. لانو كولتلك اسويلك غده ..  24 ساعه كالب خلقتك ع بالك انت الي خالقنا .. شنو شايف نفسك انت متكولي .. اذا وحده خانتك او كسرت بيك شي مو معناها الكل نفسها ، لا .. لاااااا .. اسمعني زين مو كلنا متشابهات .. ولا كلنا خاينات مثل ممفكر حضرتك .. وحتى اذا عندك عقده من البنات ممجبور تحاسب الكل على غلطه وحده .. ولا من حقك تطلع عقدك النفسيه بالكل .. اني ما عندي شي وياك ولا بينا اي شي .. ولا ميته عليك اصلاً كل الموضوع امك كالتلي ادير بالي ع البيت بغيابها واذا تريد شي اسوي الم لانك مريض .. ماكو داعي لكل هذي التحقير والاهاين .. بس تعرف مو صوجك صوج الي باقيه يم واحد مريض ومختل مثلك .

ما ادري شصارلي بلحظه وحده انفجرت .. كلت كل الي بعقلي وعفته ورحت منطيته حتى مجال يحجي كلمه وحده ، اباوع عليه وجهه صدمه تعتلي وعيونه كولها غضب واستغراب .. ركضت لغرفتي وسديت الباب .. احس كلبي حيطلع من صدري من كد القوه الي دينبض بيها ..!
جسمي كوله يرجف .. بس اكو شي من صدري انزاح .. الكلام هذا كان كاتم على گلبي  ومن حجيته ارتاحيت!
بقيت ثواني مرتكيه ع الباب واتنفس بقوه اريد بس جسمي يهدء والرجفه تروح!!
لما انتظمت نبضات گلبي .. اجتي الافكار لعقلي؟!!
اني كلتله محبقى هنا بعد؟!!
زين وين اروح .. واشون ابقى بعد؟!
لا مستحيل ابقى بعد كل هذا الكلام الي كلته حتى اذا بقيت هو يطردني بعد الرزاله الي رزلتهيا ، فخليني اطلع بكرامتي احسن .. والله كريم !
نزلت الجنطه وخليت بيها ملابسي وغراضي .. بس اني قطعه اخليها وقطعتين اطلعهم ، متردده مااعرف وين اروح والدنيا صارت المغرب حـتظلم .. !
بتفكير وخوف وقلق ... بدلت ملابسي وسديت الجنطه وطلعت .. نزلت بسرعه من الدرج شفته كاعد بالصاله يدخن والغضب مبين على ملامح وجهه الشرير!
سويت نفسي ما اشوفه اصلاً .. نزلت الجنطه وفتحت الباب الرئيسي دااطلع جان يحجي!!

اسيد .. مو كلتلكم كل مره تفاجأني بجرأتها .. كولما اتوقع هذا حد جرأتها تصدمي بالاجرأ..!
كالت كلام اكبر من راسها صفنتني .. شعرفها بموضوع علياء وخيانتها ..!!
من وين عرفت بهذا الشي .. واشلون تحجي وياي بهذي الصلافه..؟!
بقيت افور من جوه اشلون ما طيحت حظها ع الي كالته .. بس صدمتني بكلامها الي عن الخيانه سطرني .. بقيت جامد بمكاني ومتفاجئ.
طبعاً متوقعتها تروح من صدك لان اعرف ما الها احد تروحله والدنيا راح تليل .. يعني مستحيل تطلع ع الاقل بهذا الوقت!
كعدت بالصاله وبقيت ادخن من حركتي والتفكير بكلامها موتني .. جان اشوفها بنطرونها وهي .. والشعر شطوله .. نازله من الدرج وجنطة الملابس بأيدها...!
شافتني وما عبرتني اصلاً طلعت بوجهها للباب .. بلا تفكير صحت بيها ..

_وين رايحه؟!!

داليا .. ميخصك.

اسيد .. بصوت مليان غضب وحاد ..  وين رايحه ومراح اعيد كلامي بعد!

داليا .. من نبرة صوته مبين الخبال فول عنده .. خفت اني لان اعرفه لما يعصب ميشوف كدامه بعد اكبر واحد .. بصوت جامد جاوبته

_ما ابقى بعد هنا اني مو عبده ولا خدامه عند حضرتك .

اسيد .. سألتج وين رايحه مكلتلج ليش رايحه!

داليا .. وانت شنووو علاقتك بيه؟!!

اسيد .. جاوبيني اخر مره اسألج!

داليا .. مااعرف.

اسيد .. امشي ارجعي لغرفتج.

داليا .. ما ارجع وما ابقى ثانيه وحده بعد.

اسيد .. مشيت بتجاها بخطوات ثابته .. دا اكول امشي ارجعي لغرفتج.

داليا .. درت وجهي عليه لكيته قريب عليه .. خليت عيني بعينه وبكل تحدي .. ما ا ر ج ع.

اسيد .. اتقربت منها حيل ، بحيث انحصرت بيني وبين الباب .. بصوت همس كلتلها .. ترجعين وغصباً عليج.

داليا .. صار قريب مني حسيت گلبي حيوكف .. من يتقرب مني انسطرت بقيت صافنه بوجهه !

اسيد .. سمعتيني؟!!

داليا .. ممكن تبتعد عن طريقي؟!

اسيد .. واذا ممبتعدت شتسوين؟!

داليا .. هو مخلي ايده ع الباب .. دفعته عني بكل قوتي متحرك من مكانه!

اسيد .. هه كل عقلج انتي؟!

داليا .. رجاءا وخر عني!

اسيد .. بصوت جامد .. ترحين لغرفتج وبلا اي كلام مفهوم لو لا؟!!

داليا .. ماشي بس ابتعد عني.

اسيد .. بقيت صافن بوجها .. عيونها لونها غريب مو طبيعيات يدوخن .. بعدت عنها درت وجهي جان تفتح الباب بسرعه وتطلع!!!
هاي من صدك راح تخبلني كل اشويه تصدمني بتصرفاتها .. هي طلعت واني بقيت واكف بالباب اباوع عليها .. اشون تركض وتجر الجنطه .. سحبت الموبايل اتصلت بالحرس كلتلهم لتخلوها تطلع ..!

داليا .. طلعت بسرعه باوعت عليه متحرك من مكانه واكف يباوعلي وابتسامه خبيثه ع وجهه!!
طلعت ركض وصلت للباب الخارجي .. جان يوكفني الحرس !!
كال دكتور اسيد ميقبل تطلعين!!
بقيت احجي ويا واتوسل بي يخليني اطلع مقبل!!
بعدين كلتلهم اذا مخليتني اروح هسه اصيح والم الناس عليكم .. واكول خاطفيني !
الحرس باك هوا من كلامي خصوصاً الشارع كان مليان ناس دتروح وتجي خاف من كلامي .. طلع موبايله وديريد يخابر يمكن لاسيد .. اني استغليت الموقف بسرعه وركضت .. اخذت الجنطه ومشيت بسرعه .. طلعت شارع شارعين 3 شوارع بسرعه .. ما احس الا سياره تمشي ورايه ويدك هورن؟!!

اسيد .. الغبي كلتله لتخليها تطلع .. بس ضحكت عليه وشردت منه .. من خابرني وكال راحت !!!!!!
مااعرف شصارلي نار واشتعلت بيه احتركت .. بقيت اصيح عليه واغلط .. انت غبي حيوان ، اشلون تخليها تطلع .. ؟!
اخذت السويج وطلعت وراها بسرعه .. شغلت السياره دااريد اطلع جان شافني جيرانا .. رجل محترم ويعرفني .. بقى يسلم ويسولف ، هو يحجي واني بالي كله مو يمه .. افكر بيها ماادري اشبيه اتخبلت يمكن!
قطعت كلام الرجال بسرعه ، شغلت السياره وطلعت وراها .. بقيت امشي بالشوارع الدنيا بدت تظلم .. هي صح طلعت قبلي واني لتهيت ويا الرجال بس ممعقوله تبتعد هواي لانها دتمشي .. الا اذا صعدت سياره!!

افكر واعصابي تلفت من الافكار الي دتخطر ع بالي .. الدنيا ليل وهي وحدها بالشارع!!
اني الي كاره النسوان من اشوف شكلها ادوخ .. اشلون اذا واحد شافها وحدها نص الليل؟'
اووووف منك اسيد هسه شيخلصني من امي .. ع بالها اني طردتها .. وهو صدك من بسببي راحت!
هسه انت الا تخلي عقلك ويا عقلها .. شسوتلك هي ؟!!
افكار افكار .. نخرت عقلي .. بهالاثناء جان اشوفها دتمشي كدامي!!
وصلت يمها دكيت هورن .. التفتت .. بس من شافتني كامت تمشي سريع!
بقيت ادك هورن بلكي تكوف خبلتني .. ولا  ع بالك تسمع اصلاً!
نزلت الجامه وصحتلها بصوت حاد.

_اصعدي بسرعه وبلا كلام.

داليا .. باوعت عليه ودرت وجهي .. لا بلا خفت'

اسيد .. بصوت اعلى .. دااحجي وياج اوكفي.

داليا .. ضوجني حيل منو شايف نفسه يتأمر عليه .. درت وجهي عليه وبصوت جامد كلتله ..

_ حضرتك تعرفني شي؟!'
اكيد لا .. ووح عني احسن ما اسويلك فضيحه.

اسيد .. هاي ميفيد بيها الكلام .. نزلت من السياره و وكفت كدامها .. بصوت جامد ..
_امشي ارجعي وياي وبلا هوسه العالم منا.

داليا .. ولويش ارجع وياك شنو علاقتك بيا اصلاً.

اسيد .. مميت عليج فهمتي لو لا ، بس ما الي خلك امي وتحقيقاتها .. حتفكر اني الي طردتج .. متدري بيج وحده خبله .. واكطع ايدي اذا مطلعتي متواعده ويا واحد وما صدكتي لكيتيلج حجه.

داليا .. احترم نفسك احسنلك اني مو مثلك ومثل الاشكال الي تعرفها .

اسيد .. امشي اصعدي السياره بلا كلام  دوختيني تعبان وما الي خلك لغوه.

داليا .. كلتلك ماارجع لو اموت .

اسيد .. ترجعين وغصباً عنج.

داليا .. خلي اشوف بلا اشون غصباً عني!

اسيد .. علي وسلمى راح يتزوجون هذا الاسبوع!

داليا .. الجنطه وكعت من ايدي .. شنوووووووووووووووو؟!

.........

للحكايه بقيه❤️
البارت بلا مراجعه يعني اي غلطه غلسوا .. و باجر ان شاء الله بارت مفاجأه 🙈😍
شكراً جزيييييييييييييلاً لكل الكلام الطيب ودعواتكم الحلوه لوالدتي ربي يحفظ امهاتكم جميعاً ويخليهم خيمه على راسكم ❤️