الفصل السابع والعشرون

رواية في قلب القريه الجزء السابع والعشرون 27 بقلم نوسة حمد في قلب القريهرواية في قلب القريه الحلقة السابعة والعشرون

بعد استلمت المبلغ حولتو طوالي لي اشتياق وقلت ليها خلال اليوم لو م جيت اعرفي انهم بلغو الشرطه اول حاجه اعمليها كلمي ابراهيم وخلي يفهم احمد عشان ما ينخلع علي قال لي يلا يا نوسه امضي قلت ليهو ما بمضي انت مدير الحسابات هنا وكل مره بتمضي انت الجدا شنو لمن امضي انا و حلفت ستين يمين ما امضي وبنتناقش كده اظنو عماد مفتكر انو علي عمل الخطه عشان أوقعوني للنهايه جا نافش ريشو وقال لي دا شنو الفساد العملتيهو في الشركه دي من دخلتي

الشركه كل يوم الايردات بقت في النازل ندمت علي اني شغلتك قلت ليهو انت متاكد انو من يوم نزلت ما من زمان قال لي ايوا من يوم عينتك انتي دمرتي الشركه وعندي ما يثبت يا هسي ترجعي كل ما شيلتي يا اطلب الشرطه طبعا هم مفتكرين اني ح اخاف وح اقول ليهو ح ارجعن قلت ليهو لا ما شيلت حاجه انا وبلغ الشرطه طوالي ولا صدق بلغ الشرطه عزام قام علي حيلو بقا يترجا فيهو وقال ليهو لو في زول فاسد فاسد علي وانا من زمان ساكت عليهو علي قعد يتناقش

ويكورك فيهو عماد قال لي عزام م تدخل قال ليهو كيف ما ادخل الزوله دي مكسوره وح ادافع عنها لو في نصب النصاب علي وما تابع كلامو الشرطه جات وقبضو علي وانا كنت برجف في واحد عسكري زول طيب قال لي مالك ي بت الناس شكلك محترمه قلت ليهو انا ما شيلت جنيه واحد لي صالحي وما ح اتكلم الا قدام المحامي دقايق ودخلنا القسم وانا حسيت انو روحي عايزه تطلع اتندمتا قلت. جبتو لي نفسي براي في النهايه اسمي ح يتسجل من قايمه المجرمين دخلت القسم

وودوني لي ظابط شكلو صعب صعب شديد بقا يسال فيني اسئله نكير وانا جزء اجاوب وجزء اتمتم قلت ليهو عاوزه المحامي وادوني تلفوني اتصلت لي ابراهيم قلت ليهو انا في القسم الفلاني قال لي م تتكلمي الا اجي انا بقيت ما برد علي الضابط لمن دخلني السجن واول مره في حياتي اشوف السجن من دخلت حسيت بكتمه نفس بقيت واقفه جنب الباب وما عاينت وراي وسامعه البنات اتكلمن معاي بس اتبكمتا وفجاه جاني صوت مهاد قالت ليهم دي خلوها علي انا وانا قلبي بقا

ادق اتلفت عليها قالت لي المجرمه المتخفيه ورا النقاب اخيرا وقعتي و ختت يدها في كتفي وهجرتني زحيت يدها وقلت ليها ما تفرحي وتفتكري اني جايه في جريمه ولا دعاره زيك ادتني كف ووقعت فيني ضرب واتلمن فيني بنات السجن خربشني ودقني دقه من الله خلقني م ضوقتا وبقيت اكورك زول جانا ماف لغايه ما جات واحده ساقتني وانا حالي بالبلا وشعري منكش ونقابي جدعنو وين ما عارفه واللابسه في رجليني ما لقيتو وكنت برجف من الخوف ساقوني مكان دخلت اول

لقيت ابراهيم واشتياق لمن شافوني لمن انخلعو ابراهيم قال للضابط كيف تعملو فيها كده هي عملت شنو وبقا جايط فيهم وانا مافيني حيل اتكلم ومنهاره اشتياق قعدت تبكي علي بكا قالت لي اعفي لي انا السبب والله انتقم من عماد الحرامي الضابط قعد اكورك فيهم قال ليهم ماعايز اي جوطه

ابراهيم قال ليهم ليه تعملو فيها كده الضابط سكتهم وقال لي منو العمل فيك كده في السجن قلت ليهو مهاد قلت ليهو ابراهيم هم ماعملو فيني شي دي مهاد ربنا انتقم منها لمت فيني هي والسجينات قال لي معليش يا نوسه نحنا معاك وقعدوني واشتياق كانت ضاماني عليها ومغطياني بي طرحتها وابراهيم حكا للضابط اي شي ووراهو الدليل بتاع تسجيل علي سمعو وكتبو في المحضر وبقا يسال فيني انا واشتياق عزام جا داخل ومعاهو اوراق وقال لي الضابط انا جيت اثبت

براءه نوسه بالادله العندي قال ليهو علي هو الحرامي وحساباتو كلها فروقات من قبل نسيبه تجي تشتغل معاهو ولمن نسيبه جات تشيل حق صاحبتها اتفقت معاهو انو اي فروقات تكون بينهم بالنص ولمن بقا يقسم ليها فرقت معاهو وحاول يوقعها ودا تسجل انا سجلتو مؤامره علي مع عماد علي نوسه الضابط استدعاء علي وعماد ونحنا كلنا واقفين عماد لمن شاف اشتياق ماسكاني لمن انخلع وبقا يتمتم وعلي ما جا معاهو والضابط بقا يسال فيهو قال ليهو ح اسالك وترد بي

اجابه واحده بدون لف ودوران اشتياق دي طليقتك قال ليهو اي قال ليهو شيلت حقها واسست بيهو شركتك ابا يرد ساكت بس قال ليهو بسال فيك رد قال ليهو ما شيلتو منها غصبا عنها شيلتو بي ارداتها قال ليهو في النهايه دا حقها واشتياق عملت فيهو محضر وطالبت بي قروشها بالفوائد وعماد بدل اوقعني واكتفي بالشيلناهو وقع روحو وعلي اختفي وما جا المحكمه والضابط طلعني واعتزر لي وقال لي عماد ترجع لي طليقتك حقها وابراهيم مسك القضيه وقال لي اشتياق ح

اخلي يدفع دم قلبو واندمو. رجعنا البيت ولحسن حظنا احمد اخوي اظنو بات مع صاحبو لقيتو متصل علي كتير لمن رجعت ليهو قال لي انتي وين شفقتيني عليك قلت ليهو كنت نايمه قال لي لا لا تمام المهم م تنتظروني قفلو البيت واشتياق جات من الشغل قلت ليهو اي حسيت احمد مهتم بي اشتياق وسبحان الله احمد اخوي اتغير الطلاق غيرو زمان كان صعب وما بتفاهم بس هسي بقا طيب وبتعامل بي احترام اشتياق اعتزرت لي قلت ليها اشتياق انا م موجعني السجن بس

وجعتني دقه مهاد لي ربنا انتقم منها بتكلم معاها كده ابراهيم جا داخل وطبعا هو ما شاف وشي الا في السجن لبست توبي واتكمكمتا قال لي كيفك احمد اتصل عليك قلت ليهو كويسه اي قال لي لانو لقيت منو اتصال ورجعت ليهو كان بسال منك قلت ليهو اي هسي قفلت منو قال لي م تكوني حكيتي ليهو بالحاصل قلت ليهو لا قال لي كويس عشان اخوك دا صعب قلت ليهو هو البركه الكان مافي قال لي سلامه دي واها انتي كيف عملتي شنو للجروح الفي وشك قلت ليهو م عملت

ليها شي قال لي ح امش اجيب ليك مرهم من الصيدليه قلت ليهو لا لا ما تتعب نفسك قال لي تعبك راحه وحسيت انو بعاين لي في عيوني لمن بقيت اغير في الموضوع واتوترتا لمن هو حسا بي قال لي انا اسف ي نوسه حقك علي وطلع جيت داخله لي اشتياق حكيت ليها قالت لي نوسه والله اهتمامو واضح شكلو وقع في حبك قلت ليها سبحان الله انا اتمنيتو من لحظه امي كانت قاعده وامي حست بي وشاكلتني طوالي صرفت نظر ولمن طرح علي فكره الزواج عشان امو رفضتا لاني

مانفسي اخاطر بس هسي حاسه بي اهتمامو زاد شديد قالت لي ظاهر ودي فرصه ما تضيعيها قلت ليها لسه يا اشتياق باقي لي سنه عاوزه اكملها ع خير ومن الان تاني ح اخلي بالي من شغلي وبس قالت لي احسن شي قلت ليها انتي فشنو ولا احمد اخوي قالت لي مالو قلت ليها يعني ما عارفه مالو ما تعملي فيها رايحه قعدت تضحك قالت لي نوسه فشنو قلت ليها انا العاوزه اسالكم فشنو قالت لي والله مافي شي قلت ليها حاسه انو احمد معجب بيك ابتسمت قلت ليها كنتي حاسه

قالت لي بالعكس يا نوسه نهاي م حسيت بس عارفه اول ما شفتو اقسم بالله دعيت في صلاتي قلت يارب تجعلو من نصيبي قلت ليها انتي جاده وليه م كلمتيني قالت لي اكلمك اقول شنو هو ماف شي قلت ليها ياخ كان تعتبريني صديقتك ما اختو قالت لي خجلتا بس سبحان الله ربنا كريم قلت ليها اي والله ان شاءالله ابراهيم يكسب القضيه وتشيلي كل حقك وكده تكوني خلصتي حقك وما استسلمتي لي عماد الكلب وربنا يجمعك انتي واحمد بالحلال واوعك تغلطي غلطتك مع عماد

موش هدا احمد اخوي بس اوعك تديهو جنيه هو راجل يكون نفسو وانتي قروشك البسيهن دهب اديهن اهلك قالت لي نوسه مفكره امش اهلي قلت ليها انا جاهزه قالت لي ح تمشي معاي قلت ليها كيف ما امشي معاك امشي ونص وعشره ما تمينا ونستنا ابراهيم اتصل علي قال لي انا جنب الباب تعالي طلعت لقيتو جايب لي علاج من الصيدليه وجايب لينا اكل قلت ليهو ليه تاعب نفسك قال لي ماف تعب اخدمك بي عيوني انا بقيت ما بعرف ارد لاي كلام حلو قال لي نوسه ع فكره

اخواتي جايات قلت ليهو متين قال لي الجمعه قلت ليهو احلي خبر عشان امك تبل شوقا قال لي اي والله ربنا يوصلهم بالسلامه وتتعرفي عليهم

تاني يوم لاقيت وليد والبت العاوز يخطبها وباركت ليهم بت صغيره وحلاتا والنوع الطيب لمن اعقد ديك سبحان الله ربنا اداهو علي حسب نيتو قال لي عقبالك قلت ليهو انا عاوزه اكمل جامعتي الكلها درامات دي والعرس ملحوق ما بعيد قال لي اي والله الاهم التخريج اها عرسي ما ح تجي قلت ليهو عرسك ح يكون وين قال لي في صاله هنا وبعد شهر ح اعزم كل اهلي وامي واخواتي باجر ليهم شقه مسافه العرس ويرجعو قلت ليهو قرار سمح والله وهي من وين قال لي من الخرطوم هنا قلت ليهو كويس والله اخدنا ونستنا وقلت ليهو وليد دا الوحيد الوقف معاي بتمني ليهو سعاده من قلبي وابقي عليهو عشره قالت لي ان شاءالله

رجعت البيت لقيت احمد جا قال لي انا خلاص شبه اموري ظبطت في المحل الجديد بس جيت اقول ليك انا ماشي الحله اول شي اطمن امي علي لانو الفتره الاخيره امي كانت زعلانه مني بسبب الكنت بعملو وابشرها اني طلقت مهاد واطمن قلبها واوريهم بشغلي الجديد وعندي موضوع كده تاني عاوز اقولو ليهم بس انتي ما تعرفي هسي خلي مفأجأه قلت ليهو كويس والله وسلم علي امي انا عندي امتحانات لو ما كده كان مشيت معاك قول لي امي ادعي لي انا محفوظه بي دعواتك

قال لي ان شاءالله محتاجه لي اي شي قلت ليهو لا لا خلاص امش بدري قال لي سمح النودع اشتياق قعدت اضحك قلت ليهو ما جات من الشغل قال لي بنتظرها وكان جادي ورقد في السرير وانا م مصدقه دا احمد اخوي وغلبني البقولو اشتياق جات داخله قام علي حيلو سلم عليها وقال ليها انا مسافر وخلي بالك من اختي دي وابقي علي روحك عشره وانا بس بعاين محتاره وفات بعد المغرب قلت ليها اشتياق ماقادره اصدق قالت لي شنو قلت ليها احمد دا جادي قالت لي والله

يا نوسه انا مافاهمه اي شي وشايفه تعاملو عادي عاوز اطمئن عليك قلت ليها اي اي ماتعملي لي فيها نفسك ما فاهمه ولا حاسه قالت لي والله ماف شي قلت ليها سمح نشوف عدم احساسك دا قعدت تضحك قلت ليها اسمعيني ارح بيتكم بكره قالت لي نوسه خايفه خايفه ارجع لحالتي النفسيه تاني قلت ليها انا متاكده ح يفرحو بيك ما تخافي ولا تختي في بالك قصص زي دي قالت لي تمام ان شاءالله بستاذن من ناس الشغل وبنمش قلت ليها ميه ميه اشتياق استاذنت من ناس

الشغل وتاني يوم مشينا بيتهم واهلا لمن شافوها ما صدقو ابكو معاها ساعتين وامها دي قطعت قلبي واخوانا الرجال ابكو لمن بكوني معاهم قالو ليها بركه الشفناك كويسه وعرفتهم علي وحكت ليهم بي قصتي قالو لي حمد لله على السلامه وبركه الاشتياق وقعت فيك امها قعدت تحكي لي بي اشتياق انها زوله مسالمه والناس بستغلوها وحكت لي بيها من هي صغيره صاحباتا بستغلنها يشيلن قروشا ويضحكن عليها وتاني عماد الاستغلا حبو ليها قالت ليها يمه بمناسبة عماد

واستغلالو لي نوسه رجعت لي كل حقي العندو وبقت تحكي ليها بالحاصل امها قالت لي الحمد لله بتي وقعت فيك كان تقوي لي قلبها دا وقالت لي خلاص بدل قاعدات براكن اقعدن معانا قلت ليهم م بقدر انا اخوي جاي اشتياق قالت ليهم ما بخليها براها الا اخوها يجي قالت ليها م مشكله المهم ترجعي وتتلمي علينا قالت ليهم سمح وضبحو لينا واهلهم كلهم جو سلمو علي اشتياق واتعرفو علي سبحان الله عكس توقع اشتياق رحبو بيها شديد حسيت الخوف انزاح من قلبها

مرت الايام واحمد اخوي جا واشتياق قالت ح تمشي اهلا وفراقها كان صعب علي انا يوم كامل ابكي واهلا من عرفوها ما بطلو اتصال ولمن جات تمشي الشارع كلو ابكي وصلنا ابراهيم بي عربيتو ومعانا احمد واحمد طلب يدها واشتياق طارت من الفرحه اهلها قالو يسالو مننا ويردو علينا دي الاصول احمد قال ليهم اخدو راحتكم لمن رجعنا قلت لي احمد دي شنو المفاجاه دي قعد اضحك قال لي البت محترمه وعجبتني قلت ليهو ومسكينه قال لي اي ظاهر عليها واهلا شكلهم

محترمين ادعي انهم يوافقو قلت ليهو ان شاء الله ح يوافقو قال لي لو وافقو بعرس طوالي وبعمل العرس هنا بجيب ناس امي وبأجر لي بيت كبير عشان دا ما ح يشيلنا قلت ليهو تمام ابراهيم جاب امو وجات باركت لي احمد قالت ليهو ربنا عواض وعوضك البت دي طيبه ومسكينه وعقبال نسيبه قال ليها ان شاء الله نسيبه تاني ما بنوقعا ساي كفايه المره الفاتت قالت ليهو لخير يا ولدي وانا والله جيتك هسي عشان الموضوع دا عاوزه نسيبه لي ابراهيم ولدي انا غلبني

قومتا منهم طوالي احمد اخوي قال ليها ابشري والله ابراهيم راجل ولد رجال نسيبه اختي ما بتلقا احسن منو بس برضو ما ح اغصبها نشوف رايها شنو قالت ليهو م مشكله بي راحتكم واخواتو جايات للعرس قال ليهم ان شاءالله خير فاتو مننا وانا بقيت خجلانه احمد قال لي ابراهيم دا ما بتلقي زيو قلت ليهو بس انا ما عاوزه اتزوج عاوزه اكمل قرايتي قال لي ابراهيم زول متعلم بخليك تكمليها استخيري قلت ليهو طيب قلت ليهو بكره عرس وليد عزمني ووليد دا ما

قصر معاي اكيد ناس ابراهيم وامو بمشو رايك شنو نمشي معاهم قال لي امشي انتي انا ما فيني طريقه قلت ليهو م مشكله بعزم اشتياق قال لي لو اشتياق مشت انا ماشي قلت ليهو طيب اتصلت كلمت اشتياق بي انو ابراهيم خطبني قالت لي اوعك تضيعي الفرصه دي قلت ليها ان شاء الله كلمتها بس عرس وليد قالت لي تمام بجيكم في الصاله احمد قال لي تمام بمشي

تاني يوم لبسنا ووصلنا الصاله اول زول يلاقينا محمد وامو انا لمن جاني طمام…….