في فيلا الدكتور محمد
رجعوا من الحفلة
لمياء بعصبيه : ازاي الكلام دا؟.... فيروز اتجوزت من غير ما نعرف
ليالي بعصبيه : ومش اي حد
د. محمد بصوت عالي : تعرفوا تسكتوا؟
مازن بصدمه: معقول فيروز تعمل كده؟.... انا لو حد قالي مكانتش هصدقه
مالك : يا بابا هنعمل ايه؟
د.محمد بعصبيه : انا كنت خايفه عليها من اهلها.... تروح وتتجوز ولدهم
مازن : لازم نروح تكلم مع فيروز
د. محمد بصوت عالي : هنروح نقول ايه بعد اللي حصل ؟
مازن : نروح نفهم ليه عملت كده؟
مالك : مش وقته دلوقتي.... بكره انا وانت نروح نتكلم معها
مازن : لا انا هروح لوحدي لأنها مش هترضى تقابلك
د. محمد : مازن روحوا وقولها لازم ترجع ألمانيا مفهوم......وكمان تلغي موضوع الجواز ده
مازن : حاضر
مالك : ولما هي ترجع ألمانيا.... انت يا بابا هتعمل ايه؟..... انت ناسي انك ممنوع تسافر ألمانيا
د. محمد بحزن : المهم تسافروا انتوا وبقي مطمن عليكم والباقي مش مهم
ليالي : هطلع انام انا
لمياء : خديني معاكي
وطلعوا أوضة لمياء
ليالي : شفتي امي البت فيروز اتجوزت واحد غني زي لا وكمان وسيم ورجل اعمال كبير ..... و خطفته من خطيبته وسط الناس كلها
لمياء بدون وعي: انا طول عمري اقول البت فيروز زي امها.......امها زمان خطفت مصطفى مني هي كمان خطفته من خطيبته
ليالي بصدمه : ايه ازاي؟...... هو انتي مش كنتي بتحبي بابا؟
لمياء بعد ما استوعبت اللي قالته: اه طبعا كنت بحب ابوكي بس.... قبله اتعرف على مصطفى ابوفيروز
ليالي : وبعدين؟
لمياء بكذب : كان معجب بيا وعايز يتجوزني من ورا اهله زيها.... بس انا رفضت......وبعدها فيروز اكلت بعقله حلاوه واتجوزته....عشان كده مش بحب فيروز لأنها زي امها
ليالي : تمام.... المهم انا عايزه اطلق من مالك
لمياء بصدمه : انتي اتجنتي.....بعد كل دا عايزة تسيبيه بسهوله لملك
ليالي : ملك مستحيل ترجعله لان ابوها هيرفض
لمياء : وانتي عايزه تطلقي منه ليه؟
ليالي بمكر : لاني مستحيل اتجوز واحد اقل من فيروز
لمياء : بتفكري في ايه؟
ليالي بمكر : اسد القناوي هيبقى جوزي وكل حاجه ليه تبقى ليا
لمياء : وده هتعمليه ازاي يا فالحه؟
ليالي : مالكيش دعوه انا هتصرف..... المهم اني اطلق من مالك
لمياء بمكر: هتعرفي تتجوزي اسد
ليالي : دي لعبتي انا يا لولو اتفرجي انتي بس
.....................................................................
في بيت علي
علياء : معقول فيروز تعمل كده.... تروح وتتجوز في السر
ملك : انا مش مصدقه....فيروز مستحيل تعمل كده
على بهدوء : فيروز بتعمل الصح
ملاك بصدمه : ازاي؟
على : ابو فيروز مات مقتول
ملاك و ملك اتصدموا
علياء : يبقى تروح تتجوز ابن اللي قتل ابوها
على بعصبيه : مش قاسم اللي قتل مصطفى
علياء بصدمه : اومال مين؟
على : معرفش
ملك : وحتى لو اللي بتقولوه صح ليه تتجوز اسد في السر؟
على : مصطفى أبوفيروز قبل ما يموت بشهر كان خايف على فيروز اوي فكتب ورقه جواز سنة وانا كنت شاهد عليها..... يعني اسد جوز فيروز من ١٥ سنه
ملك بصدمه : اومال انكل محمد ليه كان عايز يجوزها من الدكتور ياغيز؟
على : هو كان خايف على فيروز لتنزل مصر وتدور على اللي قتل ابوها.... دا غير انه مكانش يعرف بجوازها من اسد
علياء بعصبيه : وليه ماقلتليش ليا؟
على : لأنك كنت هتقولي لرحاب.....و اوعى تكوني فاكره اني مش عارف انك قلتلها ان فيروز عايشه
علياء بصدمه : انت كنت عارف؟
على : اه.....انا عارف انكم أصحاب و انك بتقولها على اللي بيحصل
علياء بخوف : على انا.....
قطع كلامها وقال : انا عارف ان نيتك خير
ملاك : و ازاي فيروز هتعرف اللي قتل ابوها؟
على : فيروز لما كان ابوها في مصر هي كانت عند جدتها في روسيا..... ولما مات مصطفى.... الناس اللي قتلوه حاولوا يخلصوا منها ويقتلوها زي ابوها بس شاء القدر انها تعيش.... ومحمد وخالتكم ملاك وانا اتفقنا نقول انها ماتت
ملك بقلق: فيروز لما ظهرت دلوقتي اكيد عرفوا انها لسه عايشة وممكن يقتلوها
ملاك : فعلا
على : دي خطة فيروز عشان تعرف اللي اقتل ابوها تظهر قدامهم
ملاك بصدمه : بس خطتها دي فيها حياتها
على : فيروز هتعمل اي حاجه حتى لو كان موتها بس توصل للي قتل ابوها
ملاك : دا جنون
ملك : فيروز ذكيه جدا واكتر مما تخيل ياملاك ... انا متأكد انها هتعرف اللي قتل ابوها.... فيروز بتحب ابوها اوي... ومستحيل تسيب اللي قتله مهما كان
علياء :ربنا يحميها وينجيها
الكل : آمين
........................................................................
قصر القناوي
الكل عائلة القناوي في الصاله و معهم فارس
فيروز قاعده قدامهم بهدوء والكل منتظر كلامها
فيروز لداده بابتسامة : كوبايه ميه لو سمحتي
الداده جابتلها كوبايه ميه و فيروز قعدت تشرب الميه باستمتاع ولا كاني حاجه حصلت
الحاج مصطفى بعصبيه : ممكن تفهميني اللي حصل في الحفلة؟
فيروز تركت الكوبايه على الترابيزه اللي قدامها
وقالت ببرود بابتسامه : اللي حصل في الحفلة كتب كتاب فريده و حمزه
فارس بابتسامة : لا يا شيخة
فيروز بابتسامه : اه والله
فارس ضحك وقال : الدكتورة دي مجنونة رسمي
فيروز بحزن مصطنع: عيب عليك يا باشمهندس تغلط فيه بس هعديها بمزاجي
الحاج محمد بعصبيه : ممكن تفهميني اللي جلتيه في الحفله ده معناته ايه؟
فيروز بابتسامه : انا قلت كتير..... ممكن تفهمني اي حاجه بالظبط اللي مضايقك ؟
حياه : انك بنت مصطفى
فيروز بابتسامه : ما انا فعلا بنت مصطفى القناوي يا مرات ابويا
صفيه : انت جايه تتبلي على اخويا؟
فيروز بابتسامه : عيب عليكي يا عمتو.... لما تقولي حاجه زي كده.... ما تقولي حاجه يا خالتو رحاب
رحاب : فيروز بنت مصطفى
حياه بعصبيه : انتي بتقولي ايه؟
رحاب : فيروز بنت مصطفى من الدكتورة فيروز زميلته في المانيا
فيروز بابتسامه : تصدقي يا خالتو رحاب تستاهلي بوسه على الكلام ده
وقامت وباستها ورجعت مكانها كأني ولا حاجة حصلت
الكل مصدوم
حياة قامت وقالت بعصبيه : ابنك كان متجواز عليا يا عمي ؟
فيروز : لا حضرتك غلطانه... بابا اتجوزك على مراته...انتي التانيه...مش كده يا انكل قاسم؟
الكل بص لقاسم بصدمه
فيروز بابتسامه : ما تقولهم انك كنت شاهد على عقد جواز بابا وماما
الحاج مصطفى : الكلام اللي بتجولوه ده صح؟
قاسم نزل رأسه وقال في سره : الله يخرب بيتك يا بنت مصطفى وديتيني في داهيه كان لازم يعني تقوليه إني كنت شاهد
فيروز بابتسامه : ما ترد يا انكل ولا قولك يا حمايا العزيز عشان ترد اسرع
قاسم رفع راسه وبص على فيروز وقال : فيروز بنت مصطفى من مراته الأولى
فيروز بابتسامه : قولولي بقى عايزين تفهموا ايه تاني؟..... انا فاضيلكم ماورايش حاجة
فارس ضحك وقال لاسد بهمس : حبيت المجنونه دي علي ايه؟...... دي بتتكلم عادي ولا كاني حاجه حصلت ولا القيامه هتقوم بعد شويه
قاسم بهمس : اسكت خليني افهم
الحاج مصطفى :انت كنت عارف يا قاسم وخبيت علينا
حياه : برضه تعمل كده يا اخويا تروح تشهد على عقد جواز ضرتي؟
فيروز بغضب : يا حاجة هو انتي مبتفهميش بقولك ابويا كان متجوز امي قبل ما يتجوزك.... ثم قالت بمكر : دا غير انه كان متجوزك شفقة.
فارس بصوت واطي لا يسمعه الا اسد: اوبا ولعت
فريده قامت وقالت بعصبيه : انتي بتقولي ايه؟
فيروز : الحقيقه اللي كلكم تعرفوها كويس... ان ابويا اتغصب عن الجواز من امك لانها انتحرت
الكل انصدم ماعدا الحاج محمد و مراته و الحاج مصطفى و قاسم و احمد لأنهم كانوا عرفيني
فريده بصدمه لامها : الكلام دا صح؟
فيروز بابتسامه : صح... ومش كده بس لا كمان جدك مصطفى قال لابويا لو ماتجوزتش بنته.. هيمنعوا من السفر لالمانيا
الكل انصدم ماعدا الحاج محمد و الحاج مصطفى وقاسم
فيروز : وطبعا بابا وافق عشان يسفر لأن ماما كانت تعبانه
حياه : انتي كدابه ابويا ميعملش كده؟
فيروز : زي انتحارك مثلا... وبعدين هنتكلم بعيد ليه اهو عندك ابوك ارسالية بنفسك
فارس بهمس : البنت دي مستفزه اخر حاجه
حياه بدموع : بابا انت عملت كده؟
الحاج مصطفى بحزن : خفت عليكي لا تنتحري تاني... وانا عارف انك بتحبي مصطفي
فيروز بابتسامه : السؤال اللي بعده بقي
فارس بصوت عالي : هو انتي قاعده في لجنه امتحانات؟
ضحك كلنا من فيروز و معاذ و سميحه و حلا و حمزه وقاسم ورحاب والحاجة فاطمة
احمد بتوتر : وايه يثبت انك بت مصطفى؟
فيروز : عيب عليك يا عمو... عندك من الشهود ما يكفي انكل قاسم و خالتو رحاب و الدكتور محمد المهدي والباشمهندس علي صاحب بابا اصله برده كان شاهد على عقد الجواز
الحاج محمد بصدمه : على ومحمد كانوا عارفين
فيروز : الكل كان عارف بجواز بابا وماما بس انتوا اللي ماكنتوش تعرفوا
سميحه : وايه حكايه جوازك باسد؟
فيروز : تعرفي يا سمسم يا مرات عمي ...انتي سألت السؤال اللي هو بجد برافو عليكي... ثم بصت على فارس وغمزتله وقالت: سجل الإجابة دي عندك
فارس بابتسامة : اشطا قولي
الكل مستني ردها
فيروز : قبل ما بابا الله يرحمه يموت بشهر خلى اسد يمضي على ورقه جوازنا اللي كانت مكتوبه بالسنه عشان انا وقتها كنت لسه ماكملتش سن القانوني
وانكل قاسم برضه كان شاهد مش كده يا انكل
قاسم بابتسامه : كده
فيروز : حلو اوي خليك معايا علي السكه
فارس بهمس لاسد : كنت بتقولي لقيت مجنونتي فين؟.... اتاريها متطلعش حاجه في مجنونتك
ثم ضحك
دلال بغضب : ووجفت كتب كتابنا ليه؟.......ولا انتي زي امك غاويه تبجي مراته التانيه
فيروز بصتها بغضب والكل خاف منها حتى دلال
فارس بهمس : هي هتتحول ولا ايه؟
فيروز بابتسامه وبنفس النظره قالت: هعديها بمزاجي عشان مقدره حالتك بس لو سمعتها تاني صدقيني مش هتقدري تقومي من على السرير لمده سنه كامله
سميحه في سرها : ياريت تتكسح بت***** دي
فارس بهمس : خاف على نفسك يا اسد دي طلعت شريسه
فيروز بابتسامه : بس هاجاوب على سؤالك... لاني فتحت باب الديموقراطيه انهارده رغم اني ما بحبش حد يسألني.... بصت على فارس وقالت : وصلنا لاهم نقطة سجل عندك
فارس بابتسامة : معاكي على الخط
فيروز : واضح انك الوحيد اللي بتفهم هنا بسرعه... ثم وجهت كلامها لقاسم وقالت: انا مولوده فين؟
قاسم : في ألمانيا
فيروز بابتسامه : حلو.... يعني انا المانيه من اصل مصر مش كده؟
قاسم بابتسامه : كده
فيروز بابتسامه : واحنا عندنا قانون في ألمانيا بقول ايه؟
فارس : ايه؟
فيروز بابتسامه : وضح انك معانا في السكة برافو... بيقول انه مش مسموح اللي يتجوز المانيه يتجوز عليها يعني ايه ؟
فارس : ايه؟
فيروز بابتسامه : يعني اسد ميقدرش يتجوز عليا طول ما انا مراته... اما بقى لو طلقني فمش هيقدر يتجوز الا بعد شهور العدة دا لو حصل لا قدر الله
فارس بهمس لاسد : لا ياختي متخافيش مش هيحصل الولد بيموت فيكي
اسد بهمس : اسكت خليني افهم
فارس بهمس : تفهم ايه بس؟..... انت طلعت براءه من جواز دلال وفيروز اللي عايزها بقيت مراتك دا خالك متوصي بيك اوي
اسد بهمس : غور ياض اطلع بره
فارس بهمس : ابدا مش هاطلع الا لما افهم كل حاجه
اسد بهمس : طب اسكت
الحاج مصطفى : خلاص اسد يطلقك ونخلص من الموضوع ده واللي عايزه نديهلك
فيروز : حلا حبيبتي فهمي جدك اني مش محتاجه منه فلوس واني عندي اللي يكفيني وزياده كمان ولو هو محتاج فلوس اديله
الحاج مصطفي : عايز ايه يا بنت مصطفى ؟
فيروز بابتسامه : واخيرا وصلنا للنهايه..تصدق الواحد تعب من الصبح..... من العمليات للحفله وقاعده افهمكم فيكم بقيلي تلات ساعات.... الواحد تعب الصراحه
الحاج محمد بعصبيه : ما تجولي عايزه ايه؟
فيروز بابتسامه: عيب جدا يا جدو تكلمي بالطريقه دي...... ده انا حتى بنت ابنك الله يرحمه
فريده بعصبيه : ما تقولي عايز ايه وخلصينا
فيروز: انا مبحبش الصوت العالي..... وطالما مش محترمني مش هتكلم
فارس بابتسامه : عايزة ايه؟
فيروز بابتسامه : هرد عليك عشان انت شخص محترم
فارس : ربنا يخليكي
ضربه اسد في بطنه
فيروز : اسد لو هيطلقني الشرع بيقول اني اقعد في بيته طول فتره العده
الحاج مصطفى بابتسامة : بس انتي ملكيش عده...لانه مجرد كتب كتاب
فيروز : دا لو كان مجرد كتب كتاب
فارس بهمس لاسد :واد انت دخلت بيها
اسد بهمس : هو انا عارف اشوفها اصلا
فارس بهمس : اومال؟
اسد بهمس : اسكت خلينا نفهم
الحاج مصطفى باستغراب: قصدك ايه؟... دا لو مجرد كتب كتاب
فيروز بابتسامه : افهمك.... بصت على فارس وقالت :اكتب دي عندك عشان محدش يسألني تاني؟
فارس هز راسه
فيروز : في قاعده فقهيه بتقول (الطلاق بعد الخلوة الصحيحة يوجب العدة ولو لم يحصل دخول)
الكل انصدم من كلامها حتى قاسم مكانش يعرف
اسد : بس انا ماختلتش بيكي
فيروز بصت علي اسد وقالت : ازعل منك ازاي مش فاكر....تحب افكرك؟
اسد هز راسه
فيروز : فاكر لما كنا في الملجا في مكتب المديره وقعدنا لوحدنا نص ساعه
فارس : يابن اللعيبه
الحاج محمد : دي مش خلوه صحيحة
فيروز : مين اللي قال كده؟
الحاج محمد : انتوا كنتوا في مكان شغل
فيروز بابتسامه : الخلوة هي انفراد بين شخصين في غيبة عن أعين الناس، في مكان ساتر، يمكنهما الوطء وإن لم يفعلاه
الكل اتصدم من كلام فيروز
.فيروز :واحنا كنا في مكتب مديره لوحدنا نص ساعه... دا مش بعيد اكون حامل يا راجل
فارس : ايه الثقافه دي كلها؟
فيروز بابتسامه : ميرسي....مبحبش اتكلم عن نفسي كتير...... وطبعا العده اكيد عارفينها مفيش داعي اشرح عشان معانا اطفال..... ندخل بقى في المهم.... انا بقي هقعد عندكم هنا سواء انا مرات اسد او في العده
فارس بهمس : اللي سمعته ده صح ولا انا مبقتش اسمع
اسد مردش عليه
فريدة بعصبيه : انتي اكيد اتجنتي؟
فيروز : والله اللي عنده بطحه يحسس عليها
حمزه لحلا بهمس : بجد دي اول مره تنزل مصر
حلا بهمس : اه
حمزه بهمس : شكلنا هنعيش ايام زي الفل في القصر الفتره الجايه
فيروز : بصوا بقى انا مش فاضي اتكلم معاكم رغم الصراحه الكلام معاكم ميتشبعش منه .... انا هطلع انام عشان تعبانه ونتكلم الصبح واسالوا اللي انتوا عايزينه اشطا...ونادت بصوت عالي : يا رعد
ودخل بودي جارد كبير الحجم طويل القامة وقال :نعم
فارس : هو انت جايباه من فين ده؟...ممكن اتصور معاه؟
فيروز بسخريه : لما ينام... رعد طلع شنطتي فوق علي جناح اسد ...لو سمحتي يا داده وريهلهم الجناح
رعد والبودي جاردات دخلوا بحقائب فيروز اللي كان عددهم عشرين شنطه
حمزة بصدمه: ايه دا كله؟
فيروز : دول بس هدومي... لسه في حاجات تانيه هجيبهم بكره... تصبحوا على خير يا عيلتي الغالية
وطلعت على السلم
حمزة بصدمه :هدومها بس... هي ناويه تفتح محل في الجناح
فارس بسخريه : قول مول
الحاج مصطفى : مش عايز اسمع صوت حد
الكل سكت
الحاج مصطفى : ممكن تفهمنا يا استاذ قاسم مين دي؟
قاسم : ما قلتلكم بنت مصطفى؟
الحاج مصطفى : ولما هي بنت مصطفى ايه اللي خلاها تظهر دلوقتي بذات؟
قاسم بتوتر : معرفش اسالها انت؟
الحاج مصطفى : ماشي..... وانتي يا رحاب عارفه من زمان وعايشه وبتشوفيها في ألمانيا مش كده؟
رحاب : دي تالت مره اشوف فيروز
الحاج مصطفى : اومال هي عرفتك من فين؟
رحاب بتوتر : معرفش
الحاج مصطفى : ماشاء الله محدش يعرف حاجة.... وانت يا أسد ماجلتش ليه ان خالك جوازك بنته؟
اسد : خالي طلب مني ان امضي على ورقه معرفش ايه هي؟
الحاج مصطفى بعصبيه : يعني محدش يعرف حاجه غيرها..... ما شاء الله عليكم يا عيله القناوي
حياة : معقول هتسمحلها يا بابا انها تقعد معانا هنا؟
فريده بعصبيه : لازم تتصرفي يا جدو وتمشيها من هنا... دي فضحتني قدام اصحابي وفي كتب كتابي
الحاج مصطفى : امشيها من فين؟.....دي مشهوره وكمان المانيه يعني ممكن تجيبلنا مشاكل احنا مش قدها
حياة : والحل يا بابا هنسيبها هنا؟
الحاجة فاطمة : انا هاخد حفيدتي معايا البلد
الحاج محمد : انتي اتجننتي ياك؟
الحاجة فاطمة : دي مهما كانت بنت ولدي يا حاج وعمري محرميها في الشارع زي ما انتوا عايزين
الحاج مصطفى : يا حاجة دي لو عايزه خير..... انا اشيلها فوج راسي... لكن دي جايه وناويه على الشر
الحاجة فاطمة : بس برضة بنت ولدي
صفيه : وانا كمان معي امي في كلامها
حياه بعصبيه : واولع انا مش كده؟
الحاجة فاطمة : يا بنتي اهدي.... احنا غصبنا مصطفى يتجوزك لما انتحرتي...هو كان متجواز ساعتها وخبي علينا ورضي يتجوزك على مرته
حياة بعصبيه : وانا الوحشه بقي اللي فرقت الراجل ومراته مش كده؟
الحاج محمد : الحاجة متجصدش كده
حياه بعصبيه : لا تقصد يا عمي
الحاجة فاطمة بعصبيه : ايوه اجصدي لو ماتغصبش عليكي كان جالنا انه متجوز وعنده بنت.... وماكانش جاعد في ألمانيا وبعيد عني.... اللي هيجرب لبنت مصطفى ملهوش عندي غير الدم.... انتوا السبب في موت ولدي... مش هسمحلكم تاذوا بنته
وطلعت تشوف فيروز و وراها صفيه
الحاج محمد : معلش يا اخويا متزعلش من فاطنه انت عارف ان موت مصطفى ماثر عليها لحد دلوجتي
الحاج مصطفى : عارف.... ومعنديش شك انها بنت مصطفى بعد كلامها معانا بس
الحاج محمد : متزعلش يا اخويا من مصطفى الله يرحمه ... انت عارف ان هو دماغه ناشفه وبيعملش غير اللي في دماغه واحنا غصبنا عليه
الحاج مصطفى بعصبيه : كان يجول ان هو متجواز يا محمد
قاسم بعصبيه : عشان تعملوا فيها زي ما عملتوه مع غادة
فارس بهمس : مين غادة دي؟
اسد بهمس : معرفش
حياه : لازم البنت دي تطلع بره البيت في أسرع وقت.... انا مش هسمح بالمهزله دي
وطلعت ووراها بنتها فريده
الحاج مصطفى قام وقال : تعال يا محمد عايزك في المكتب
وخرجوا الي المكتب
حلا : خالتو ليه ما قلتليش ان فيروز تبقى بنت عمي مصطفى
رحاب: مش وقت الكلام دلوقتي... عن اذنكم هطلع انام
وطلعت وهي بتقول في سرها : ازاي قاسم كان عارف بجواز مصطفى.... معنى كده انه مش هو اللي قتل...... ولو مش هو يبقى مين؟...... لازم افهم من فيروز بس.... الوقت دلوقتي مش مناسب
....................................
في جناح اسد
فيروز امرت الحرس ان هم يسيبوا الشنط وينزلوا
فجاة رن تليفونها باسم زين... ردت
زين بابتسامة : ايه لسه عايشة؟
فيروز : اه ..... سيبك مني انت مسافر بكره الساعه كام؟
زين : بعد المغرب... ليه ؟
فيروز : بفكر اطلع من بيت الأشباح ده واجي اسلم عليك
زين بضحك : قصر القناوي بيت اشباح هههههه.... انتي مصيبة..... طردوكي من البيت ولا لسه؟
فيروز بغرور: محدش يقدر يطردني دا انا فيروز مصطفي
زين : لا الكبير كبير
سمعت طرق الباب
فيروز : بقولك ايه... اقفل دلوقتي وهكلمك بعدين
زين : تمام ابقى طمنيني عليكي... لو قدرتي تطلعي من البيت تعالي وشوفيني قبل ما اسافر
فيروز : تمام سلام
وقفلت مع زين ولقيت الباب اتفتح ودخلت الحاجة فاطمة و معها صفية
الحاجة فاطمة : معلش لما مرديتيش قلقت عليكي فدخلت على طول
فيروز بابتسامه : لا عادي اتفضلي
قعدوا في صاله صغيره معمول في الجناح
الحاجة فاطمة مسكت ايد فيروز وقالت بدموع : انا اول ما شفتك في المستشفى قلت انك شبه مصطفى ولدي... لما قعدت تهزر معايا حسيت ان مصطفى لسه عايش وانا هو اللي قدامي مش انتي... ولما حضنتك كنت عايزه احس بمصطفى في حضنك
فيروز نزلت قعدت تحت رجلين ستها على ركبها و مسحت دموعها وقالت بابتسامه : متقولي انك طمعانه في حضن مني يا بطوط
ضحكت الحاجة فاطمة و صفيه
صفيه : انتي في طبعك شبه ابوكي لخالج الناطج
الحاجة فاطمة : ايوه صوح انت شبه ابوكي حتى اكتر من فريدة.... ابوكي الله يرحمه حتي في عز ما يكون مضايج الابتسامه متغيبش عن وشه.. زيك اوعى تكوني فاكره مش عارفة اني جواكي نار جيده.. افتحيلي جلبك يا بنتي وجولي ايه اللي مضايجك
فيروز بابتسامه : حمل كبير محدش ينفع يشيله غيري
الحاجة فاطمة : بس انا عايزة اسمع حتى لو مش هجدر اشيل عنك.... على الاجل اخفف عنك
فيروز بابتسامه : تخففي عني بانك تخليني انام في حضنك انهاردة... زي ما بابا كان بيعمل لما يبقى مضايق وتقعدي طول الليل تلعبي في شعره
الحاجة فاطمة بفرح : اوه حتى دي جالك عليها
فيروز : انا عارفه كل حاجه عنكم.... بس انتوا لا.. وبعدين بقى انا بنام بدري هتنوميني في حضنك ولا لا؟
الحاجة فاطمة بابتسامة شدت فيروز في حضنها وقالت : تعالي يا بنت ابوكي
صفيه بابتسامة : هنيالك يا ست فيروز هتاخدي الدلع كله.... زمان كان ابوكي ودلوجتي بجيتي انتي
فيروز بابتسامه : اللي غيران مننا يعمل زينا مش كده يا بطوط
الحاجة فاطمة : كده يا نور عيني
صفيه : الظاهر جعدتي ما فيهاش فايده هنزل انا
فيروز بعدت قليلا عن الحاجة فاطمة : خليكي نامي معانا
صفيه : لا هنزل اشوف قاسم و اسد يا مرات ولدي
فيروز ابتسمت و قالت بمكر بلهجه صعيديه : ابجي بوسيلي جوزي وجوليله مراتك بعتهلك
صفيه بصدمه : يا جليله الحياه اتحشمي
فيروز بابتسامه : الله مش جوزي ولا انتي مش بتبوسي عمو قاسم وغمزتلها
صفيه وشها جاب الوان
الحاجة فاطمة شدت ودن فيروز وقالت : يا بت عيب تكلمي حماتك كده
فيروز ضحتك بصوت عالي البيت كله سمعه ثم قالت: الله مش بنورها عشان جوزها ما يبصش بره
صفيه بحزن :انا سايبهلكم وماشية يا بنت مصطفى
وطلعت
فيروز بصوت عالي : تعالي يا صفصف
الحاجة فاطمة : ينفع اللي عملتيه ده؟
فيروز بجديه : عمي قاسم عايز يتجوز عليها
الحاجة فاطمة بصدمه : انتي بتجولي ايه؟
فيروز : بقولك اللي هيحصل بعد ٤ ايام
الحاجة فاطمة : لازم اجول لمحمد عشان يتصرف
فيروز : غلط
الحاجة فاطمة : اومال ايه الصح يا بنت مصطفى؟
فيروز بابتسامه : متدخليش في اللي هعمله... وسيبي كل حاجه عليا
الحاجة فاطمة : هتقدر توجفي الجواز؟
فيروز : واكتر كمان اصبري عليا بس......وشوف انا هعمل ايه؟....... ولو ما غيرتش نظام القصر ده في أقل من شهرين مابقاش انا فيروز مصطفى
.....................................................................
تحياتي كوكي بهجوري
انتهى الفصل ( التصويت لو سمحتوا)
ياترى فيروز ناويه على ايه ؟ومعقول هتسيبي القصر وترجع تعيش في المانيا زي ما عايز الدكتور محمد؟
و ياترى القصر الايام الجايه هيكون فيه ايه؟
هل احمد هيسيب فيروز تعيش في القصر ولا هيحاول يقتلها زي ابوها؟
هل ليالي هتقدر تبقى مرات اسد زي ما بقت مرات مالك؟
فيروز هتقدر توصل لاخوها واللي قتل لابوها ولا لا؟
اسد هيعمل ايه بعد ما فيروز بقيت مراته؟
ودلال و الحاج محمد و الحاج مصطفى و حياة و فريدة يا ترى هيسكتوا على وجود فيروز في القصر؟
انتظروا كل ما هو جديد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!