رواية جارنا الثامن الفصل الأول 1 - بقلم دانيا

رواية جارنا الثامن

الفصل الاول1

بقلم دانيا

وانا جايه من بيت استاذتنا في طرف الحله ، الدنيا مغرب....قلت لأختي خوله يا خوله الماشي داك منو ؟ حاساهو غريب م من القريه هنا اول مرة اشوفو ،، خوله عاينت ليهو بتمعن وبعدها عاينت لي وقالت انا زاتي م عرفتو يا خديجه بس يمكن ضيف لواحد من ناس الحله م تشتغلي بيهو وصلنا البيت خوله دخلت الغرفه وانا مشيت المطبخ امي وخنساء كانوا قاعدين يجهزوا في الغداء.

امي من شافتني قالت لي وينو العيش؟ عاينت ليها بدهشه وختيت يدي في راسي ، قلت ليها نسيتو والله ياامي.....قالت لي ااي انتي اصلك م نافعه منتظرنك من قبيل تجي فاضيه ، انتي عارفه خالد بتأخر في الشغل م بجي بدري ،، ارجعي جيبيهو سريع ما تمشي بعيد امشي دكان عمك موسى دا بس وتعالي ؛ ياامي انا تعبت تاني ارجع كشرت وشي ودنقرت راسي وطلعت .

ماشه على الدكان لمن قربت ، شفت زول واقف قدام ثامن بيت مننا...وقفت مستغربه قلت بيت عمي محمود دا فاضي م مسكون طيب الزول الواقف قدامو دا منو ،، خليت الدكان ومشيت على إتجاه بيت عمي محمود بس قبل اصل الزول اختفى ،، جيت وقفت جنب الباب قلت هسي كان هنا اختفى وين الزول .

او يمكن عشان الدنيا ضلام انا م شفت كويس؟! لفيت كدا عاوزة امش اتصدمت بالزول لمن اتخلعت ورجعت ورا....عاينت ليهو بخلعه لقيتو دا نفس الزول الشفتو قبيل لمن كنت جايه مع خوله ،، بقيت اعاين ليهو م ادى اي ردة فعل ولاا كلمه م قالها مشى مني فتح الباب وقبل يدخل عاين لي نظره حسيها غامضه كدا وبعدها خشى وقفل الباب.

مشيت من قدام البيت وانا كلي حيره واسئله في راسي ،، شلت العيش ورجعت البيت امي قالت لي مالك اتأخرتي؟ قلت ليها بتاع الدكان مشى الصلاه ، مشيت الغرفه ل خوله قلت ليها شفتي الزول القبيل شكله سكن في بيت عمي محمود ، قالت لي لكن عمي محمود م عندو اولاد قلت ليها بكره إلا امشي بيت ناس خلود منها بسلم عليها وعلى اولادها ومنها بشوف الزول دا منو