رواية جارنا الثامن بقلم دانيا | كاملة
قيّم الرواية:
لا توجد تقييمات بعد
من أحداث الرواية
الفصل الاول1 وانا جايه من بيت استاذتنا في طرف الحله ، الدنيا مغرب....قلت لأختي خوله يا خوله الماشي داك منو ؟ حاساهو غريب م من القريه هنا اول مرة اشوفو ،، خوله عاينت ليهو بتمعن وبعدها عاينت لي وقالت انا زاتي م عرفتو يا خديجه بس يمكن ضيف لواحد من ناس الحله م تشتغلي بيهو وصلنا البيت خوله دخلت الغرفه وانا مشيت المطبخ امي وخنساء كانوا قاعدين يجهزوا في الغداء. امي من شافتني قالت لي وينو العيش؟ عاينت ليها بدهشه وختيت يدي في راسي ، قلت ليها نسيتو والله ياامي.....قالت لي ااي انتي اصلك م نافعه منتظرنك من قبيل تجي فاضيه ، انتي عارفه خالد بتأخر في الشغل م بجي بدري ،، ارجعي جيبيهو سريع ما تمشي بعيد امشي دكان عمك موسى دا بس وتعالي ؛ ياامي انا تعبت تاني ارجع كشرت وشي ودنقرت راسي وطلعت . ماشه على الدكان لمن قربت ، شفت زول واقف قدام ثامن بيت مننا...وقفت...
