رواية جارنا الثامن الفصل السادس 6 - بقلم دانيا

رواية جارنا الثامن

الفصل السادس6

بقلم دانيا

غمضت عيوني واتلفتت وراي فتحت لقيتو دا خالد ،، عاين لي بعين حاره قال لي انتي يابت جاريه زي الشفع في الحله دي....انتي الخفه دي جايباها من وين خشي اتلمي جوا سريع ؛ بقيت مدنقره راسي م بقدر اقول ليهو الحصل شنو لأنو هو من غير شيء معصب لو قلت ليهو دخلت بيت جارنا رقم 8 ح يقتلني ح يقول لي هو عزابي البوديك هناك شنو؟.

اثناء ماانا واقفه ومدنقره وبفكر جات خوله فتحت الباب من غير ما اتكلم معاها ،، دخلت جوا طوالي قالت لي بسم الله مالك راجعه من الصباح تقول مشاكلنك م اشتغلت بيها مشيت عاوزة اخش الغرفه امي قالت لي تعالي هنا مالك جايه داخله زي الحرامي ، قلت ليها كيف اصبحتو سلمت عليهم ودخلت الغرفه نمت في السرير وبقيت افكر قلت هسي الزول دا بنات شنو وجايبهم من ياتو قريه وقصدو شنو من اكتمال القمر؟ .

قاعده كدا سمعت صوت خوله بتناديني طبعت برا قالت لي تعالي الفطور ، مشيت اثناء ما قاعدين نفطر سألت امي قلت ليها ابوي قاعد ول إلا خالد براهو ؟ قالت لي الأتنين طلعو الصباح بدري قالوا ماشين يسقوا المزرعه....من قالت كدا حسيت اللقمه خنقتني قلت ليها لالا خالد قاعد هسي لمن جيت دا كان معاي في الباب خوله انتي م شفتيهو مشى على وين؟ .

عاينت لي بتعجب قالت لي انتي كنتي واقفه براكي....قلت ليها بإستغراب كيف براي مجنونه انتي كنا واقفين جنب الباب سوى ،، قالت لي عيانه انتي والله كنتي براكي هسي بتصل لأبوي بتلفون امي ونتأكد ، اتصلت لأبوي وفتحت الإسبيكر قالت ليهو اها لسه م خلصتو عشان تجو الفطور خالد وين؟ قال ليها خالد ياهو جنبي ،، من قال كدا انا حسيت جسمي كله رجف ، قمت على حيلي وقلت ليهم والله خالد هسي كان معاي جنب الباب .

اثناء ما بنتناقش الباب دق ، قلت ليهم كملوا اكلكم انا شبعت ح افتح الباب مشيت فتحت الباب لقيتو ياهو نفسه جارنا....حسيت نفسي جمدت في محلي