رواية جارنا الثامن الفصل السابع 7 - بقلم دانيا

رواية جارنا الثامن

الفصل السابع7

بقلم دانيا

فتحت الباب لمن رجفتة من الخلعه لمن لقيتو دا هو زاتو جارنا ،، قبل افتح خشمي معاهو قال لي الحاج موجود ؟ من غير ما يتلفت على الباب او يشوف الفتح الباب دا منو ، قلت ليهو ابوي في السوق ؛ طوالي مشى وم اتكلم تاني ولااا اتلفت مشى طوالي ، انا اتزكرت اخو صاحبتي مأب الضابط الشغال في القسم طوالي طلعت مشيت ليهم في البيت.

لقيت مأب قاعده وامها مافي سلمت عليها ،، اظنها لاحظت إنو ملامح وشي باين عليها القلق والتوتر قالت لي انتي كويسة؟ قلت ليها كويسة عاوزة احكي ليكي حاجه ويمكن تستغربي شوية بس الموضوع خطير....نططت عيونها وبقت تعاين لي قالت لي احكي يابت خوفتيني ،، قلت ليها مش في اخبار على إنو في قريه ود زاهر في بنات اختو وليهم اسابيع م لاقينهم؟ قالت لي ااي مالهم إتلقوا؟ قلت ليها بصوت متردد كدا م اتلقوا لكن انا بعرف محلهم .

كانت قاعده جنبي قامت على حيلها قالت لي انتي؟ بتعرفي من وين طيب هم وين هسي؟ قلت ليها لو وريتك م ح تصدقي البنات هنا معانا في حلتنا دي وكمان في بيت جارنا الثامن ، عاينت لي بإستغراب قالت لي قصدك شنو جاركم الثامن منو بيت عمي محمود ،، تاني جات قعدت قالت لي قصدك الزول الجديد خطاف ؟ عاينت ليها بتوتر وخوف قلت ليها ااي.

كانت ماسكه يدي فكتها وبقت تضحك قالت لي جنيتي انتي دا خطيبي ،، انا من الخلعه لمن قلبي عمل شح قلت ليها كيف يعني خطيبك ؟ دا اصلاً م إنسان طبيعي انتي جاده دا خطيبك ليه م وريتيني ؟ قالت لي انتي ليه بتقولي كدا م طبيعي كيف وانتي بتعرفي من وين اصلاً انا م وريتكم لأنو الموضوع حصل فجأه عشان كدا .

قلت ليها والله يا مآب الزول دا م كويس وهو الخاطف البنات وكمان بحسو م بنتمي لجنس البشر يااختي ابعدي منو ،، انا هسي جيتكم عشان اتكلم مع اخوكي مرتضى في الموضوع لازم يسوق عناصر ويمشو يطلعوا البنات من بيت الراجل دا ويقبضوا عليهو ويودوه السجن..... قالت لي خديجه انتي شكلك جنيتي رسمي وحلامك دا إتهام خطير لو م عارفه اعرفي ، وكمان م تنسي لو طلع دا مقلب او كذبه منك انتي ح تتحملي العواقب وم ح تكون ساهله عليكي واول زول ح تخسريهو انا صديقة عمرك واختك الماولدتها امك.

هسي انا بتصل ل مرتضى يجي ونمشوا كلنا ونشوف صحة كلامك دا ،، عاينت ليها بنظرة ثقه قلت ليها جداً يااختي انتي بتعرفيني حاجه م متأكده منها م بقولها ، اثناء ما بتكلم معاها عمي