تحميل رواية غرام تحت الرماد بقلم اسماعيل موسى pdf

وسط القعده والناس كلها حاضره وكل اكابر البلد ،محروس قال انا مش هاخد دية ابويا ولا تاره من عيلة النجعاوى

لكن هاخد بنتهم تكون مراتى.

زينة العقل يا ريس محروس والله، الدم مش بيجيب غير دم

والنسب هيحل المشكله من أساسها، كل أكابر البلد شافو اقتراح محروس مقبول جدا ولا يمكن رفضة

النجعاوى ربت على كتف أبنه الوحيد بعد ما اطمن عليه

وقال وانا قدام البلد كلها بقول انى موافق على كلامك يا معلم محروس، عندى تلت بنات شاور على اى واحده منهم تكون مراتك ويا دار مدخلك شر.

نفخ محروس دخان الشيشه ، انت عندك واحده رابعه يا نجعاوى انا بختار اميره بنتك تكون مراتى ونكسر الشر.

اميره همس النجعاوى بنته الدكتوره إلى بتدرس فى الخارج؟

اميره حبيبة قلبه ؟

لكن مكنش ممكن يرفض رغم ان حس بوجع فى صدره

عشان ابنه صدام كله يهون، النجعاوى قال وانا موافق

هبعت اجيب الدكتوره والفرح يتعمل قدام كل اهل البلد

محروس قال لا مفيش فرح، حزنى على والدى لسه أخضر

انا هكتب هيها وتدخل بيتى من غير ولا زغروته.

انفضت القعده وكل واحد راح على حاله، نفيسه اخت محروس قابلته على عتبة الدوار بتندب ،بعت دم ابوك يا محروس ؟ ليه يا محروس ؟

المال مش ناقصنا والعزوه مش ناقصنا وعندك بدل الراجل عشره تحت امرك ،بعت ابوك ليه يا محروس ؟

يا مرارى الطافح تعالى يا ابوي شوف ابنك باع دمك قصاد ايه ؟ وكمان هتجيب بنتهم عندنا هنا فى الدار؟

محروس مين الى اتجوزو دا يا بابا؟ انت بجد عايزين اتجوز حتتة فلاح قروى بعد ما تعبت وشقيت وتخرجت فى أعظم جامعه فى أوروبا ؟

همس النجعاوى، الفلاح دا يا بتى بيملك نص اراضى البلد ومترشح فى انتخابات مجلس الشعب.

مقدرش يا بابا مقدرش اتخلى عن حلمى وادفن نفسى بالحياه

وبعدين ؟ همس النجعاوى بضيق ،دم اخوكى متعلق فى رقبتك يا اميره وانا اديت الراجل كلمتى قدام كل اهل البلد

عايزة تصغر ابوكى يا اميره ؟

أطلع عيل بعد ما شعر راسى شاب ؟

انت بتحكم عليه بالموت يابوى، طيب مكنش ليه لازمه تسفرنى بره واتعلم طالما ناوى تبعنى لراجل جاهل.

بتى حبيبتى لازم تعرفى ان كل الى بعلمه دا عشانك وعشان اخواتك وبعدين متقلقيش انزلى مصر وانا هتصرف

الجوازة لازم تتم وبعد الجواز انا هيكون ليه تصرف تانى

بس اخلص من المصيبه إلى اخوكى حطنا فيها.

اول ما اميره رجعت كان المأذون فى انتظارها ،محروس كان مجهز كل حاجه ،كتب الكتاب تم فى بيت النجعاوى ومحروس اخد مراته على بيته فى اول يوم رجوع ليها من السفر

أهلا بالعروسة نورتى دارك يا بت النجعاوى همست نفيسه وهى بتجز على اسنانها

وصلى العروسه غرفتها يا نفيسه ومش عايز كلام كتير

الدكتوره ملهاش ذنب فى إلى حصل.

ملهاش ذنب ؟ ومالو يا اخويا اصل اخوها مقتلش ابوك بدم بارد

نفيسه ؟ صرخ محروس بغضب قلت الكلام ملوش لزوم

خلى الدكتوره تطلع تستريح فى غرفتها لسه واصله من سفر طويل.

تنام ولا عنها ما نامت انا مش خدامه عندها يا محروس انا بت ابويا

حمل محروس الحقيبه بنفسه وطلع بيها السلم وصل اميره شقتها فتح الباب ونزل الشنطه وقال خدى راحتك يا دكتوره متزعليش من اختى، عقلها على قدها والى حصل مش حاجه هينه.

غير مصدقه دخلت اميره شقتها

قبل ٤٨ ساعه كانت فى إنجلترا، نضافة وتقدم واناقه

دلوقتى هتعيش وسط البهايم ،مع نفيسه بعد ما كانت عايشه مع ارقى شخصيات المجتمع

لا وكل دا مش كفايه مضطره تتعايش مع جوزها إلى لابس جلابيه صعيدى ذى تجار المواشى ،كل دا بسبب مختار

ابن النجعاوى المدلل ،إلى طلباته كلها مجابه حتى ولو على حساب اخواته البنات، ادركت ان آيامها فى دار محروس هتكون جحيم ومش بعيد بعد شويه يدخل عليها ويقول ان جوزك وقتها هتعمل ايه؟ هتسمح لذلك الهمجى يلمسها ؟

همست اميره الوضع دا لا يمكن يستمر

انا هشوف طريقه تخلصنى منه ،لكن لما تذكرت شباب هجرس وقوته حست بغم مفرط ،دار فى عقلها جرائم الاغتصاب إلى بتسمع عنها المنتشره على مواقع الشوشيال ميديا ،احست ان دا قريب الحدوث لها ،شخص بعقلية هجرس وخلفيته المحدوده قصاد رفضها مش هيلاقى حل غير العافيه وهى ضعيفه، نحيله وخفيقة فى خفة الريشه

وفوق دا كله جميله وجذابه، حست بورطه ،جسمها ارتعش غضب عنها ،كل دقه داخل البيت كانت أنذار خطر

كل صرخه كل كلمه جسمها كان بيتنفض، نطت بسرعه من فوق السرير وقفلت الشقه على نفسها من جوه، لو هجرس وصل هتحجج بأى حاجه لازم أول ليله تعدى على خير

عارفه ان هجرس مش هيتأخر لو مكنش عشانها، يبقى عشان ينتقم من عائلتها فيها ،ينتقم من اخوها

وسمعت صراخ هجرس مع نفيسه اخته ،نفيسه ؟

بتوزه عليها، بتقولو على الاقل خليك راجل وانتقم من اختهم

بدل ما انت ساييها ذى الاميره المدلله جوة شقتها

سمعت اميره خطوات هجرس على السلم وقفت ورا الباب مرعوبه فى ايدها سكينه، ههرب اروح فين ؟

سمعت خبط على باب الشقه، ردت مين ؟

انا هجرس يا دكتوره

عايز ايه ؟

صمت بعدها همس كنت جاي أسألك لو محتاجه حاجه!؟

فيه حاجه ناقصاكى ؟

استغربت اميره لكن الدور دا مش هيخيل عليها، مش عايزه حاجه وتعبانه من فضلك ممكن تنام بعيد النهرده؟

من غير ما تقولى يا دكتوره انا مش ممكن أقرب من واحده مش طايقانى غير لأسباب معينه

اسباب معينه ؟ حبت اميره تسأل ايه الأسباب المعينه

دى لكنها اكتفت بمكاسبها ،هجرس سابها ومشى

الدنيا مشيت افضل من تخطيطها، كانت معتقده ان الليله دى هتكون نهايتها

نامت عنيها مفتوحه لحد الصبح الباب خبط، من ورا الباب سألت اميره مين ؟

كانت الخدامه جايبه الفطار ،اميره اخدت الاكل وقفلت على نفسها مره تانيه

بعد شويه الباب خبط مره تانيه كان هجرس، طلب منها تفتح الباب لكن اميره رفضت

انتظرت هجرس يمشى لكنه فضل واقف فى مكانه

وقال من ورا الباب، بصى يا دكتوره انا قلتلك انى مش هلمسك، لكن عشان الوضع دا يستمر لازم حياتنا تبان طبيعيه

مش هينفع تقفلى باب شقتك وجوزك ينام بره

لازم حياتنا تمشى طبيعيه ومحدش يعرف أسرارنا

انا عندى رجاله كتيره واخت لسانها ذى السم مش عايز الناس تمسك سيرتى وافقد سيطرتى

افتحى الباب من فضلك

افتحى الباب؟ كرر هجرس طلبه بنبره جافه وأكثر قوة وبدا ان صبره كاد ينفد

دكتوره أميرة مش عايز أضطر اتعامل معاكى بوش مش هتحبيه ، حطى الكلمتين دول حلقة فى ودنك يا بنت النجعاوى ،لو كنت فاكره انى مقدرش افتح الباب بالعافيه

تبقى غلطانه، لو كنىتى فاكره بعدى عن الشقه عشيه

تاخدى راحتك فيها ضعف منى تبقى غلطانه، أنا أقدر اعمل حجات كتيره متجيش فى بالك، خلينا متحضرين وافتحى الباب.

اطلق هجرس كلمته الاخيره بنبره صارمه متحكمه وجدت اميره نفسها منصاعه لها تماما

فتحت اميره الباب، كانت مأخدتش بالها انها مغيرتش ملابسها

وجود هجرس نساها كل حاجه

دخل هجرس وقفل الباب وراه بهدوء، مبصش على اميرة وقعد على الكنبه.

اقعدى واسمعينى كويس، كلامى مش بحب اكرره

قعدت اميره مرتبكه حانقه لكن من غير ما تبين حاجه.

سواء برغبتك او غير رغبتك انتى بقيتى مراتى ،دا امر منتهى وعليه توابع كتيره ،لأنى جوزك مش هينفع انام بره الشقه

ومش هينفع تقفلى الباب بالقفل كل ما شخص يخبط عليكى

وكمان مش هينفع اقولك يا دكتوره فى الرايحة والجايه

من دلوقتى انتى اميره وبس، بقائك فى الشقه ليل نهار مش هينفع، لازم تنزلى البيت تحت وتخرجى قدام الناس

انتى متجوزه هجرس عمران مش إى شخص عادى

وحتى وانتى مرغمه مش لازم الناس تعرف كده

لما تنزلى تحت هتلبسى عبايات ،إى لبس تانى مش مقبول

احنا مش فى بلاد بره هنا، اشترى العبايات إلى تعجبك حتى لو كانت الواحده بمية الف جنيه ،حاولى تتعاملى مع نفيسه

نفيسه اختى مخهها على قدها ونظرتها تحت رجليها وكل إلى يهمها تشوفك مكسوره ،انا قولت كلامى ومعنديش كلام تانى اقوله غير حاجه واحده

دلقوتى قوليلى رأيك يا بت النجعاوى ؟

همست اميره انا عندى بعض التحفظات لكن هحاول اعديها

فى مقابل انك متحاولش تقرب منى ولا تغتصبنى كزوجه

رفع هجرس حاجبه وهز رأسه ،فكرك انا ممكن أقرب منك وانتى قرفانه منى ؟ حتى لو كنتى أجمل واحده فى الدنيا

هجرس مش قليل

دلوقتى نيجى للملاحظه الاخيره ،بتقولى مش عايزانى أقرب منك؟

متلبسيش اللبس دا مره تانيه قدامى، انتى جميله اصلا

مابالك مع جاذبيتك الطافحه دى ؟ ادينى مبررات تخلينى ابعد عنك ومتحلويش فى عينى.

الباب ميتقفلش تانى يا اميره، أمرها هجرس وهو خارج من الشقه.

حست اميره براحه بعد كلام هجرس، قد يكون قروى همجى لكن لديه بعض المنطق

المهم ميقربش منها ولا يحاول يلمسها دى اهم حاجه عندها

ولقيت نفسها من غير ما تشعر وقفت قدام المرايه

وبصت لانعكاس صورتها قدامها وشها تورد بقى كل احمر

نسيت اميره تماما انها كانت قاعده مع هجرس بلباس النوم المغرى.

لامت اميره نفسها ،لكن لما تذكرت كلام هجرس متلبسيش اللبس دا قدامى مره تانيه قعدت تضحك.

لأول مره طلعت اميره من الشقه ونزلت صحن الدار

سلمت على نفيسه والخدم وقعدت فى ركن وحدها

وصلت مسامعها همسات الخدم ،عن ليلة الدخله وعن هجرس وعمل فيها أيها

حست بالخجل ،بعدها تغير وشها، لازم يعرفو ان مفيش حاجه حصلت، لازم يعرفو ان هجرس مقربش منها ،ان هجرس ميقدرش يقرب منها غير مزاجها.

ان يعرفو انها المتكمه من اول لحظه

انتى يا بت انتى فز قومى اعمليلى قهوه همست اميره من مكانها وهى بتشاور على الخدامه إلى قاعده تحت رجلين نفيسه.

نفيسه رفعت دماغها بأستنكار، حاجبها اليمين صعد ولم ينزل

لا دكتوره فعلا والله قالت بعد شوية صمت.

ابتسمت اميره ومشيت بعض خطوات ناحيت سعديه الخدامه مش قولتلك يابت قومى فزى اعملى قهوة ؟

بصت سعديه تجاه نفيسه مستنيه أمرها ،لكن اميره مصبرتش

ما تقومى يا بت ولا اقلع الشبشب واديكى بيه فوق دماغك ؟

ثم قبضت على وسطها النحيل بايديها ،انا دكتوره صحيح

لكن بت النجعاوى ومطرح ما يحطنى أسد.

نفيسه مستحملتش الكلام، طول عمرها كبيرة البيت وكلمتها بتمشى على كل الخدم الصغير قبل الكبير

وكانت مخنوقه من اميره اصلا ،وترى انها سبب فى ضياع حق والدها الميت،

صرخت وكان ليها صرخه مسموعه ،كبيره هناك فى دوار ابوكى لكن هنا انا الكبيره وكلمتى تمشى عليكى قبل الخدم

واحمدى ربنا انى سبتك تمشى على رجليكى وتدخلى الدار

اميرة قالت لا بقا، هجرس يشوف حل فى الموضوع ده انا مش جايه هنا عشان اتبهدل بيت ابويا أولى بيا

وتمنت اميره ان صوتها يوصل هجرس جوزها ويدخل غاضب ويطردها إلى بيت ابوها حتى لو مد ايده وضربها قلمين.

اميره دايما بتحقق إلى هى عايزاه بأى طريقه.

هجرس دخل على صوت الزعيق، لقى نفيسه واميره واقفين قدام بعض والخدم بيتفرجو مين الى هيحكم الايام إلى جايه

هجرس فصل ما بينهم وبص لنفيسه اخته

نفيسه! ؟ اميره مراتى مش واحده من الخدم، وكلامك مش هيمشى عليها غير فى الحق، انا مش هسمح بصراعات داخل البيت والرجالة قاعده بره

وقبل ما نفيسه ما تفتح بقها صرخ هجرس محدش يتكلم

انا لسه مخلصتش، وبص على اميره

نفيسه طول عمرها كبيرة البيت ،وحضورك مش هيغير حاجه

نفيسه ادرى بشغل البيت وحافظه الخدم اكتر منك

تعرف البهايم عايزه تنزقى إمتا ؟ إمتى عايزه تنحلب

وحافظه الأرض ذى اسمها إمتا نروى وامتا نحصد

الخدم خدمك يا اميره لكن نفيسه مش خدامتك

نفيسه اخت الكبير واخت الكبير كبيره ،وانتى مراة الكبير

اثبتى انك جديره بالكبارة من غير زعيق وافتعال مشاكل

خلص الكلام وكل واحد يقعد فى مطرحه

نفيسه حافظه هجرس وعارفه لما يغضب بيعمل ايه

لكن اميره متعرفش حاجه وكرامتها نقحت عليها

انا كبيره من بيت ابويا يا هجرس، ابويا علمنى الكباره من وقت كنت طفله، متنساش انت متجوز مين وانا ابقى مين؟

لما اتكلم يا مره تقولى حاضر، زعق هجرس وقبض على ودن اميره وفركها ،اياكى يغرك حلمى ،منحتك اكتر مما تحلمى وانت فاهمه اقصد ايه كويس، متطرنيش اسحب كل كلامى

حاولت اميره تتملص من ايد هجرس هجرس شالها بسهوله

كأنها طفله وطلع بيها السلم وهى عماله تقاوم وترفص

هتعمل ايه يا مجنون، سيبنى، هعورك ؟

فتح هجرس باب الشقه ودخل بيها رماها على السرير

اسمعى يا بنت النجعاوى، وعدتك مقربش منك رغم ان دا حقى، عاملتك بالحسنى لان دا طبعى لكن اقسم بالله

لو عقلك مرجعش ليكى هتشوفى وش تانى خالص

هتشوفى الفلاح الهمجى السوقى إلى كنتى حاطاه فى دماغك

الاختيار ليكى يا دكتوره لو مش عايزه نقطة دم تنزل منك.

انسحب هجرس من الشقه وساب اميره نايمه على السرير

لحد الان قبضته، عصرت لعضمها لسه بتوجعها

مش متخيله انها هربت منه، عقلها صورلها انه هيعمل حجات كتيره، لكن هجرس اثبت انه قد كلمته

يامرارك الطافح يا اميره لو كنتى قولتى هجرس مقربش منك

لو لسانك اتسرع واتكلم قدام الخدم، هجرس كان زمانه شقك نصين.

راجعت كلام هجرس فى عقلها، انا منحتك اكتر مما تستحقى

هجرس كان يقصد كلامه انه مش هيلمسها او يقرب منها

بيمن عليها هجرس بيه، فاكر انه ممكن يقرب منها وتسيبه كده بسهوله.

حست بالهزيمه ، نفيسه انتصرت عليها ،الخدم مش ممكن يحترمو ها عرفت انها اتسرعت كلام لازم تصبر شويه لحد ما هجرس يلين، هجرس لسه محمل من ابوها وكل عيلتها

لكن اميره متعودتش على الوضع ده، انها تكون مهزومة

انها تقعد فى بيت وهى مش الكبيره فيه ؟

هتتكلم مع هجرس بالعقل، هجرس لازم يفهم أن سلطتها داخل البيت مطلوبه، وأن الخدم بعد إلى حصل نظرتهم ليها هتكون محتقرة، هجرس لازم يرجع ليها هيبتها قدام الخدم

فتحت باب الشقه ونزلت لكن المره دى بهدوء ومن غير عصبيه، لو هجرس منفذش إلى فى دماغى هفضحه لكن بطريقتى

همست الخادمه سعديه عندما لمحت اميره نازله السلم مره تانيه وكانت بتتكلم مع نفيسه !!

هى ليها عين تنزل وتورينا وشها تانى ؟

رفعت نفيسه عينها ،ناس معندهاش دم بعيد عنك

اميره من فوق اخر درجه فى السلم، ياريت إلى يقصدنى بحاجه يقولها فى وشى، بلاش شغل النسوان دا مش حلو

فين القهوة يا سعديه ؟

ولا اقولك خليها شويه، ناديلى سيدك هجرس عايزه اتكلم معاه.

دخل هجرس الدوار يحمل بعض الغضب، فيه ايه تانى ؟

همست اميره كل خير عايزه اتكلم معاك شويه ولا ممنوع؟

لا مش ممنوع لكن انا قاعد مع رجاله وميصحش كل شويه اسيبهم وادخل هنا

اتفضلى قولى فيه ايه؟

رفعت اميره ايدها، الصراحه انا متعودتش اكتم حاجه جوة نفسى ،انا معنديش اعتراض نفيسه تبقى كبيرة البيت

لكن انا كمان كبيره ذى ما قولت ولازم الخدم تسمع الكلام دا من بقك، انا طلبت قهوه وتصور مفيش حد عبرنى لحد دلوقتى والكبير إلى انت قولت عليها موافقه على الكلام ده

هل دا يرضيك ؟

ميرضنيش طبعا، صرخ هجرس نفيسه حلى المشكله دى وبلاش شغل العيال ده

وكل الخدم يسمعونى اميره كل اوامرها تتنفذ طالما مش حرام ولا ممنوعه

رجع هجرس لرجالته ونفيسه أمرت سعديه تجهز قهوة اميره

لكن اميره طلبت القهوه على غرفتها

وانتظرت وصول سعديه ،سعديه خبطت على الباب

صرخت اميره ادخلى

دخلت سعديه اسيب القهوه فين يا ست اميره +؟

بصتلها اميره بنظرة فاحصه ،حطيها على الترابيزه واقعدى معايا شويه.

لينت اميره كلامها مع سعديه، كلمتها كأنها صحبتها فهمتها ان انفعالها كان غصب عنها لأنها لسه غريبه على بيت هجرس

وسألت سعديه هو هجرس جوزى على طول كده؟

كده ازاى يا ستى ؟

تمطعت اميره، اقول ايه بس مسكوفه فيكى من يحفظ السر ؟

طبعا يا ستى همست سعديه والكلام بداء يعجبها

هو هجرس مش بيقرب من الستات ولا ايه

تصورى محاولش يقرب منى وبيقولى احنا هنفضل كده ذى الأخوات، انا معنديش حد افضفض معاه غيرك يا سعديه

تلاقيه تعبان شويه يا ستى لكن هجرس بيه صحته ذى الفل

او يمكن مش عايز يضغط عليكى فى اول ايامك

ممكن همست اميره بسخريه، لكن انا مراته ولا انا مش حلوه يا بت ؟

انتى ذى القمر والله همست سعديه يا اختى بصى لنفسك فى المرآيه دا انتى حتتة لوز

كنت خايفه اكون مش عجباه يا سعديه لكن دلوقتى اطمنت

تقدرى تمشى.

نفيسه عرفت كل كلمه من سعديه وبدل ما كانت عايزه هجرس يعمل إلى هو عايزه ويبعد عن بنت النجعاوى

رأيها اتغير، أرادت ان يثبت هجرس رجولته ويكسر تلك الزنانه المغروره.

هجرس اخويا ؟

وقفت نفيسه هجرس اول ما دخل البيت ،انا عايزه افرح بدخلتك وارقص مع الخدم

رفع هجرس دماغه ومن امتا انتى مهتمه بحاجه تخص بت النجعاوى ؟

من دلوقتى يا اخويا لازم البلد كلها تعرف انك راجل ولا انت عايز البت دى تعك فى الكلام ومحدش عارف الحقيقه فين ؟

الناس هتقول ايه ؟

الحريم مش بيتبل فى بقهم فوله

رغم كل شيء أدرك هجرس ان كلام نفيسه موزون لكنه منح اميره كلمته ووعده وهجرس لا يخلف وعده

كان نسى تماما كلام الناس، طلع الشقه واخد حمام بعدها قعد فى الصاله صامت يفكر

اميره كل شويه تطلع تمشى قدامة، متعمده تلبس الحجات إلى هجرس نهاها عنها فى حضوره

اسمعى يا اميره انا عارف انى اتكلمت معاكى ووعدتك مقىربش منك ،لكن لما والدتك تزورك او تروحى عندها هتقولى ايه ؟

بصوت ثابت قالت اميره هقول انك مقربتش منى يا هجرس

فتح هجرس عنيه، وكانت عيون بنيه واسعه حلوة ،ورثها عن والدته كما ورث جمالها ، بينما ورثت نفيسه أنف والده المدببه

دققت اميره فى هجرس ،ان وجهه صافى مثل اللبن ملامح بكر وفكرت للحظه ،لو ارتدى هجرس بلوزه وبنطال لكان اشبه بالممثل الأميركى هنرى كافيل.

بقا انتى هتقولى كده اميره ؟

ايقظها صوته الجش من احلام اليقظه فهمست ايوه

هقول الحقيقه.

رفع هجرس ايده بصبر، إى حقيقه يا بنت الناس؟ احنا اتفقنا على كده عشان نمشى الموضوع ،انتى خايفه وانا مش عايز اضايقك او ازعجك ومقدر جدا انك متجوزانى غصب عنك

رفعت اميره رأسها ،رغم كل شيء يقول هذا الكائن كلام جميل ،ما كانت تتخيل ان يمتلك احد من فلاحى القريه حكمته وصبرة

انت هتفضل كل شويه تفكرنى وتزلنى بموقف رجولى عملته؟

طالما انت عارف انى مرغمه عليك

وافقت ليه تتجوز وأحده مش بطيقك ؟

اطلق هجرس تنهيده طويله ،عشان عيلة النجعاوى لازم تدفع التمن ،ووجود بنتهم عندى فى دوارى بداية انتقامى

ومش إى بنت ؟ نوارة عيلتهم.

أحست اميره بنغزة فى صدرها، هذا الرجل يمدحها ويوبخها فى نفس الوقت

خايف ليه اقول الحقيقه يا هجرس؟

مرعوب ان الناس تقول عليك مش راجل؟

طبعا كبير عيلة مدكور مينفعش يتقال عليه كده

لكن ينفع يجوز واحده غصب عنها هى دى الرجوله صح ؟

همس هجرس، متعجنيش الدنيا ببعضها يا دكتوره ،اخوكى قتل والدى

وانا طلبتك ديه

والدك وافق يبيعك وانتى وافقتى تكونى التمن ،مفيش حد مننا احسن من التانى يا دكتوره

بص هجرس فى عنين اميره فى كل مره كان يلمح تمردها

طيشها ،شبابها ويكبح رغبته فى ترويضها

عملت حجات كتير عشان راحتك وتنازلت عن حقى فيكى

لكن لما الموضع يمس رجولتى وكبريائى انتى الى هتدفعى التمن ،لو إى كلمه اتسربت او اتقالت حتى ولو بالغلط هضطر اتعامل يا دكتوره.

سمعت اميره اخر كلمه التى أوقفت تفكيرها لبعض الوقت

كيف سيتعامل هذا المتوحش ؟

ماذا يخفى خلف هذا الوجه الجميل؟

كنت متأكده ان تنازلاتة ليست فضيله وانه بأى حال من الأحوال لا يمكن أن يكون أفضل من رجال الغرب الذين يبتذونك نظير إى خدمه ،كيف بربى فكرة ان هذه القريه

البلده اللعينه من الممكن أن تحوى انسان افضل من غيرة ؟

نهاية الكلام يا دكتوره ولو انه كلام محرج لكن لازم يتقال

بعدى عندك مش نتيجة ضعف عندى

ولكن بسبب كلمه منحتهالك وعد وعهد واتمنى انتى كمان تكونى قد توقعاتى!

عايزنى اكذب، همست اميره بحقد، كل إلى هامك رجولتك ؟

نهض هجرس، انتى الى هتحددى الايام إلى جايه بتحمل ايه ليكى يا دكتوره انا منفتح على كل الاختيارات

ومعنديش إى مانع اتعامل مع مراتى الجميله ذى اى زوجين فى الدنيا

أدار هجرس ظهره وهو يبتسم، لم يرغب ان يتعدى حدوده

لكن احيان لابد أن تكون صارم

فلتختار بنت النجعاوى مصيرها بيدها ومقدىش هجرس يمنع تخيلات غزت عقله وجسده

بيزنقنى ،بيحشرنى جنب الحيطه ،صرخت اميره وهى بتهشم فنجان القهوه ،كل ما أحاول اروضه ،اكسره يجينى من ناحيه تانيه، لكن اخر حاجه ترغب بيها ان هجرس يلمسها

ان كان ولابد فربما على ان أغلق فمى مؤقتأ ،همست اميره محدثه نفسها وهى تنظر للانعكاس وجهها على المرآه الكبيره

احيان تسأل نفسها ما الفرق بين امرآه و امرآه أخرى ؟

ربما لا شيء لكنه كل شيء، عندما كانت فى أوروبا كانت تترك شعرها وتلبس جيبه ضيقه وبلوزه ،بنطال احيانا وبلوزه واسعه ،لكن الآن محبوسه داخل حق مصنوع من الأسمنت

ما يزيد حنقها ليس جدران الشقه بل جدران عقل هجرس

حياتها معه بلا آمل ولا احلام، لن تلبس ما تريده ولا تتحرك كيفما تريد ،كانت تتحدث مع الرجال وكانو يحترمونها لكن هنا ،ما هنا؟ شوية حقول وبيوت طينيه وبيئه ريفيه عقيمه

اين العدل ؟

مكانها ليس هنا

مكانها فى جامعة القاهره فى مدرج يجلس امامها مئات الطلبه ينتظرون كل كلمه منها بتركيز

كله يهون يا اميره طالما بعيد عنك، حدثت اميره نفسها وهى بتمشى فى الشقه ،هجرس مش هيلمسك، لطالما بحثت عن شعورها اذا اقترب منها هجرس ولما تفلح آبدآ فى تخيله.

لما هجرس رجع اخر الليل اميره قالت انا مش هتكلم يا هجرس، هحط لسانى جوه بقى واتمنى انك انت كمان تحفظ وعدك ليا

رفع هجرس عيونه البنيه الواسعه آلتى تشبه البندق وكان قد تخلى عن عمامته وساح شعره الناعم الذى يبدو هائل الجمال على جبهته والتصق بها

عيون تشبه غيمات متراصه تعبر السماء فى نهار شتوى لطيف

كنت متأكد انك هتعملى كده !!

شعرت اميره بالفضول يلتهمها ،رغم كرهها لذلك الوسيم الذى لا يدرى بنفسه ويجلس أمامها مباشرتا ولا تستطيع مداعبة شعره الامع الناعم

ليه ؟

ابتسم هجرس وتحركت احشاء اميره وتكورت ،خوفك منى

من قربى، عارف انك تقبلى بعدى ولو على حساب اى شيء

المهم ان اتركك فى حالك ان لا المسك وهذا ما أنتوى فعله

تأملته اميره ودت لو أن تضربه بحذائها ،ان تغرس اظافرها الطويله فى وجهه وصدره العفى ان تشرح وجنتيه كمشرط جراح غبى.

كويس انك عارف كده يا هجرس، ودى يديك سبب تانى تلتزم بوعدك

نفخ هجرس دخان سيجارته وبدا مثل جورج كولونى

الراجل إلى يقرب من ست مش عايزاه ميبقاش راجل يا اميره

خاصه لو كانت مرته

لو اى وحده ممكن عادى لكن مرته لا

وجدت اميره نفسها تجلس إلى جوار مختطفها وسارقها يتسامران كعشيقان فى اخر ساعات ليله شتويه

حتى هذة اللحظه لم تفلح فى فك شفرات هجرس

لكنها تعرف وان كرهت ذلك انه مختلف، ليس فلاح فوضاوى غشيم معتز بذكوريته بل رجل محاور جيد مفكر ولديه كرامه وفلسفه ومنطق

وسألت نفسها ما الفرق بينه وبين رجال الغرب؟

لو كانت فى شقة رجل اجنبى ما تركها آبدآ حره كريمه ولا احترم كلمته ووعده

لكنه بكل بساطه يثبت لها دون أن يقصد انه افضل من كل الرجال الذين عرفتهم طوال حياتها.

هجرس مفكرتش يوم تلبس بنطال وقميص ؟

او بدله

وجد هجرس السؤال غريب من امرأه تكرهه وتحتقره وتتمنى زواله ،الدولاب عندك مليان ملابس متنوعه، هو انتى فاكرانى ايه! ؟

انا بس بحب البس لما يكون فيه سبب، بس بلاقى راحتى فى الجلابية

تحركت اميره، نهضت وكأن شيء دفعها ان تدخل غرفة النوم وتفتح خزانة الملابس

هناك قمصان بالوان مختلفه ،سترات، بناطيل ماركات متعدده

سحبت قميص موف وبنطال ازرق وطوحتهم على السرير

أغمضت عينيها ذهاء نصف دقيقه

ايه إلى بتعمليه دا يا اميره ؟ انتى اتجننتى ؟

كومت كل الملابس داخل الدولاب مره اخرى وعينها تراقب الباب تخشى ان يكون هجرس لاحظها

كان هجرس كما هو فى جلسته على الأرض جذعه مسنود على الأريكه ودخان يتصاعد من فمه.

كانت طلقة رصاص واحده شقت صمت الليل ثم تبعتها طلقه أخرى ثم طلقات كثيفه

انهض هجرس جسده بسرعه ركض على الدولاب طوح الملابس على الارض وأخرج بندقيه اليه علقها فى كتفه وسحق عقب السيجاره وودع اميره بنظره قصيرة قبل أن يختفى على درجات السلم.

فيه ايه يا هجرس ؟صرخت اميره برعب بعدما اختفى هجرس وكان لسانها انعقد لدقيقه.

خارج الدار ازداد ضرب النار ،رصاص كثيف من كل ناحيه

حست اميره انها فى حرب

حطت إيديها على ودانها ،قعدت وسط الاريكتين مزهوله مرعوبه.

سمعت صوت هجرس بيصرخ، من الناحيه إلى هناك أجرى يا زكريا وانت سد الطريق من الناحيه التانيه، الضرب جاى من هناك يا رجاله.

حاولت اميره تفتح الشباك وتبص منها ،لكن خافت رصاصه طايشة تقتلها

فتحت باب الشقه ونزلت كام درجة سلم شافت نفيسه ماسكه البندقيه وبتمشى فى المنضره كأنها جندى مشاة

فيه ايه يا نفيسه ؟

صرخت اميره بكل صوتها

مش عارفه يمكن مطاريد او حراميه او ناس مزقوقه علينا

من اول الثوره وكل شوية ايام بيحصل كده

كان نفيسه تتحدث كأنه امر عادى وليس ضرب نار وقتل ودم

رجعت اميره قفلت باب الشقه وكان صوت النار بداء يخفت

الرصاص تفرق وأصبح بعيد ناحيت النهر والحقول المقطوعة

لما صوت الرصاص توقف فتحت اميره الشباك، وبعد شويه شافت هجرس راجع بندقيته فى إيده

لابس الصديرى الأبيض بعد ما قلع جلبابة ولابس كلسون رمادى ،خلفه رجاله مغبرين من التراب والوحل

وقف هجرس وبص على الحقول ثم بسرعه وزع رجاله

انت هنا

وانت هناك

وانتم قدام البيت

وركز بصره على نقطه بعيده قبل ما يدخل البيت

تمنت اميره لأول مره ان يصعد هجرس إلى الشقه

رغبت برؤيته ،الاطمنأن لحضوره لكن هجرس تلكع

فضلت تمشى داخل الشقه وبعدها ملقيتش فايده

قعدت فى نفس مكانها مزهوله نحيله متكومه على نفسها

لما فتح هجرس الباب شافها جنب الجدار

مثل طفله صغيره تنتظر حضور والدها من السفر

ساب البندقيه على الكنبه وبص عليها، صغيره

هشة، رقيقه ودقيقه ،قرب منها وهمس مالك؟ متخفيش جمدى قلبك شويه ؟

لكن اميره كانت فى حاله أصعب من ان تهداء بعض الكلمات

قعد جنبها وفرد إيده على الأرض ،إلى حصل دا بيحصل دايما

مش عايزك تخافى ولا تقلقى وعندما نظر إلى عينيها التقت بعيونه الواسعه الصافيه وتعلقت باهدابه

حاضنه ركبيتها بيديها وشعرها يغطى وجهها دقيق الملامح

متخفيش !!! زحفت يده نحو يدها ثم توقفت

فتحت عيونها بضعف وقلق لكن بلا كلام.

هل تتخلى عن كبريائك لمجرد لحظه ؟ نترك عدائنا وصراعنا لدقيقه تأخذنى فى حضنك تعصرنى تطمأننى ثم نعود لعدائنا القديم ؟

وكان شعر صدره الثائر قد فارق أرضه ،منتصب مثل حراب برؤس مدببة ،رفع يده وربت على كتفها

احست بكل جسدها يرتعش ،أرادت ان تصرخ ابتعد عنى وضمنى بقسوه ،امال هجرس رأسه وبدرت منه ابتسامه جميله، مكنتش فاكر ان قلبى خفيف كده يا دكتوره

خفيف ايه يا عم؟ همست اميره بضعف، دا فيه حرب كان شغاله بره

دفع يده نحو شعرها المتمرد وأعاده لمكانه حتى ظهر عنقها ثبت بصره فى عيونها ثم فجأه مد يده وحملها

انت لازم تستريحى شويه فى سريرك أعصابك تعبانه

تعلقت اميره بعنقة باستسلام لأول مره لا تصرخ ابتعد عنى ولا تلمسنى كانت نحيله خفيفه بين يديه القويتين

تركها على السرير رفع ااغطاء فوق جسمها وهم بالرحيل

لكنها قبضت على يده

شعر هجرس ان جسده كله يرتعش ،كانت قبضتها الناعمه راحت تتسلل لما هو أبعد من مجرد لمسه، إلى قلبه

سحبت اميره يدها كأنها احست بخطاء لا يمكن غفرانه

ملامحها تغيرت واصبحت حاده ،عدائيه كأن شيء لم يحدث

انت بتعمل ايه؟

استغرب هجرس سؤالها ،لكنه عرف للتو انه أستيقظ من أحلامه وان أحلامه الجميله لا يمكن أن تكتمل.

هكون بعمل ايه يعنى؟ خاطبها بثبات وصرامه ،قلبك الضعيف مستحملش سماع صوت الرصاص وكنتى هتفقدى الوعى

وكان واجبى ان اساعدك وانقلك سريرك

مشتكرة ،ردت اميره بسخريه ومن فضلك متقربش منى تانى

عايزاك تبقى راجل وقد كلمتك.

احس هجرس ان احشائه تتقلص ،تعتصره من الداخل، لقد منحها وعده ،تطالبه ان يكون رجل ولا تعرف ما يعنى ذلك؟

الرجل لا يترك زوجته الجميله تعانده، تتحداه او تسخر منه

نهض هجرس وأشعل سيجاره ،كان صدره عارى وغابات الشعر بازغه بين عضلاته

سحب من سيجارته وقال دون أن يلتفت ليها ودخان سيجارته يعبق الجو

بعد كده متطلبيش منى اكون راجل، لأن رجولتى هتتعبك

اطلبى منى اكون انسان.

مشى تجاه الباب والقى نظره خاطفه على اميره ثم صفع الباب بقوه هزت السرير.

تنهدت اميره بعد رحيلة، ياااه هم وانزاح ،سحبت الغطاء واختفت تحته وهى تهمس هو يقصد ايه بأن رجولته هتتعبنى ؟ لو كان مفكر انى ممكن اسمح ليه يضربنى او يشتمنى يبقى غلطان ،انا اميره النجعاوى.

فى الخارج دبر هجرس كل شيء ،عاين الأضرار ورد على اتصالات النقطه والمركز وزع أفراد الحراسة

وانتشر الخبر فى البلد كلها ان المطاريد هاجمو بيت هجرس

ولم تكن اول مره، منذ اسبوع سرق المطاريد جاموسة فتحى متقال ،كان نائم عندما استيقظ بعد الفجر ليجد الجدار محفور وبهيمته اختفت.

وقبلها سرقو مواتير المياه من على ضفة النهر، خمسة مواتير

ومع كل ظلام يهبط على القريه يشعر الناس بوجودهم.

_______

قلتلك يا ولدى هجرس عضمه ناشف ،همس النجعاوى بضيق وقلق، هنعمل ايه لو حد اخد باله منكم ؟

متخفش يا ابوى همس خاطر محدش شاف حاجه وهجرس نجا من الرباط باعجوبه.

ورجالتك مالى ايدك منهم يا فالح ؟ سألة النجعاوى بغيط

ابتسم خاطر، هو الواحد من المطاريد ليه ديه ؟

انا مش هسيب اختى فى بيت هجرس ،انا طاوعتك يا ابوى ومرضتش اكسر كلمتك قدام رجالة البلد لكن ورحمة جدى اميره لترجع بيتها وهجرس هيحصل ابوه

انت مش عارف يا ابوى نظرات أهل البد لينا ايه ؟

بيقولو النجعاوى باع بنته لهجرس

بيقولو بنت النجعاوى بتبات فى حضن هجرس كل ليله

صرخ النجعاوى وضرب عصاة فى الأرض

اسكت يا كلب، اختك مش عاهره ولا بنت ليل، أختك مراة هجرس على سنة الله ورسوله

مراته؟

ارتفع صوت خاطر بسخريه، دا واخدها غصب يا ابوى

يا ريته قتلنى كان احسن.

فى شقتها قطعت اميره الورقه إلى وصلتها من خاطر

كانت خادمتها فاتن احضرتها لها من بدرى

خاطر بيقول انه كان هيقتل هجرس لكنه نجا منها

لكن المره إلى جايه يا اختى وعزة ربنا لتحضرى جنازته وانتى ارمله.

أغمضت اميره عيونها، حاولت أن تتخيل نفسها تمشى فى جنازة هجرس وكيف سيكون ح ال ها، كيف تخفى ابتسامتها وفرحتها ،لم تكتفى اميره بتقطيع الورقه، مسكت ولاعة سجاير هجرس وحرقة الورقه.