تحميل رواية غرام تحت الرماد بقلم اسماعيل موسى pdf

١١

تعرف يا فرغلى ؟ المطاريد لا يمكن يتجرأو يهاجمو بيتى من غير دليل من أهل البلد، همس هجرس وهو بيسحب من لى الشيشه التى تطقطق.

إلى محيرنى يا معلم هجرس انهم عارفين انت مين كويس

ورغم كده عملو عملتهم

استدار هجرس بيعونه الواسعه بلون البندق وفرك شعر رأسه بيده

مستغربش يا فرغلى لأن إلى وراهم اكيد مجمد قلبهم

تقصد ايه يا معلم؟ صرخ فرغلى وهو يرقص فى مكانه

رفع هجرس ايد ،مستعجلش يا فرغلى خلى الرجاله صاحيين الايام إلى جايه مش هتكون سهله ولو كانو فاكرين ان هجرس عضمه طرى يبقو غلطنين ويمين الله اطربقها فوق دماغ الكل.

عمليه نضيفه، غمغم هجرس بغيظ ،مسابوش حاجه وراهم تدل عليهم لكن بسيطه الصبر حلو..

العين على النيل متغفلش يا فرغلى ،حمدى لازم يكون صاحى

ويبلغنا اول بأول بكل حاجه تحصل.

كان هجرس نايم على الكنبه بيتقلب يمين وشمال ، علاقته باميره مقطوعه من الليله اياها

بت النجعاوى مقاطعاه حتى السلام مش بتقولو، لكن انت عايز منها ايه يا هجرس ؟

لم تكن عين هجرس غفلت لما سمع خبط على باب الشقه

يا معلم هجرس، يامعلم هجرس

خير يا واد فتح هجرس باب الشقه

فتح فرغلى فمه وبانت أسنانه المسوده هو انا جيت فى وقت غير مناسب يا معلم؟

اتنيل اسكت دفعه هجرس فى صدره فيه ايه ؟

المطاريد يا معلم، طالعين غاره جديده لكن بعيد عننا

استل هجرس بندقيته ،مفيش حاجه اسمها بعيده عننا بعد إلى حصل مش هخليهم يتهنو بحاجه

وسط الحقول المظلمه انطلق هجرس ورجاله ،قرب الساقيه كان المطاريد يهاجمون بهايم متولى

اضرب يا ولا، اضرب، انطلق الرصاص ،حاوطوهم من كل جهه أمرهم هجرس

رد فرغلى عددهم كبير يا معلم

يبقى نصيد منهم الى نقدر عليه يا فرغلى صرخ هجرس وهو بيصوب بندقيته ،الضرب فى المليان يا رجاله.

بعد نص ساعه هرب المطاريد تاركين خلفهم رجل مصاب وأخر ميت.

سمعت اميره صراخ الراجل قادم من الحوش، هجرس يصرخ ويعذب والراجل رافض يتكلم

انطق يا ابن ااكل_ب هقطع لسانك وايدك ،غرس هجرس أصبعه فى جرح الرجل المدمى مين كان وراكم ياض ؟

مقدرش انطق يا معلم هيقتلونى !!

انت كده كده ميت مين قالك هتطلع حى

فرغلى ادبحه زى البهيمه

هقول، هقول صرخ الرجل، خاطر، خاطر هو الى اتفق معانا

خاطر ؟

صمت هجرس

بعد كل إلى عملته عشانهم، عشان احقن الدم عايزين هيقتلونى ؟

سلموه للشرطه يا فرغلى والكلام إلى اتقال هنا محدش يعرف عنه حاجه.

رزع هجرس باب الشقه، وبعدها فى النجعاوى وابنه ؟

خرجت اميره على صوت صراخ هجرس

كان عيونه مليانه غضب ،ابوكى واخوكى عايزين يتخلصو منى ؟ عايزين يقتلونى ؟

ارتعش جسد اميره وردت ببرود وانا مالى. ؟

يعنى انتى متبريه منهم ؟

لما اقتل اخوكى هتكونى مرتاحه ؟

صرخت اميره لو قتلت اخويا هقتلك

خايفه على اخوكى ومش خايفه على جوزك يا هانم ؟

انت مش جوزى ولا عمرك هتكون جوزى يا ولد مدكور

صمت هجرس لحظه يزن الأمر

انا فعلآ مش جوزك لحد الان ،لكن

استدار هجرس يدارى غضبة الوضع دا مش هيستمر

الكلام إلى كان بينا ملغى يا دكتوره ومن اللحظه دى انتى مراتى بحق وحقيقى

بتقول إيه ؟ صرخت اميره وفزعت، انت كده مش راجل!

لا بقول ولا بعيد ،نزع هجرس جلبابه وقبض على جسد اميره

حملها فوق كتفه ودخل بها غرفة النوم

غرست اميره اظافرها الطويله فى ظهر هجرس ،بتعمل ايه يا حيوان يا مجرم؟

لم يخبرها هجرس ان نغزات اظافرها تثير رجولته وان عليها ان تتوقف عن المقاومه لانه لم يحسم أمره بعد

انت عارف ان إلى بتعمله دا لا يمت للرجوله بصفه ؟صرخت اميره وهى ممدده على السرير.

تركها هجرس تتأمله، انا عملت معاكى الأصول يا بنت حمدان النجعاوى ،دمى ابويا كان لسه مبردش ورغم كده منعت نفسى عنك ،اتحملت كلام نفيسه إلى ذى السم وعملت بأصلى

إلى عملته معاكى يخليكى تبوسى التراب إلى بمشى عليه

لكن للأسف ديل الكلب عمره ما يتعدل، من الليله يا بنت حمدان هتتعلمى تحترمى جوزك غصب عنك وعن عين إلى خلفوكى إلى هما باعوكى وانا اشتريت

دينك فى رقبة ابوكى حمدان مش انا

انا مش مضطر اقدملك إى تنازلات تانيه ،انتى عارفه لو قولتى لابوكى حمدان هجرس مقربش منى لحد دلوقتى وسايبنى براحتى مش هيصدقك ولا امك هتصدقك، بس انتى مشكرتيش النعمه إلى ربنا انعم بيها عليكى، لا وكمان بتعلنى كرهك ليه وبتتمنى موتى.

أنا مش مضطره اعمل اى حاجه من إلى بتقول عليها يا هجرس، انا دكتوره وبنت...

صفعها هجرس صفعه طيرت الكلام من فمها

دكتورة دى فى بيت ابوكى، انتى هنا مرتى

عارفه يعنى ايه مرتى ؟ يعنى كل مسؤوليتك وهمك رضاى

سال الدم من شفة اميره ،وشعرت بزغلله فى عيونها وطنين

فى أذنها كأنها تلقت بلطه

يلا يا مره هاتى مايه واغسلى رجليه ،برقت عيون هجرس بنظرة رعب كبيره جعلت اميره ترتعش تحركت شفاهها ترفض لكن يد هجرس القويه التى امسكتها ودفعتها تجاه المطبخ اخرصتها.

جلس هجرس على المقعد فى الصاله وهو يتمنى ان يتمادى

كان قرر ان لا يتراجع وكل ما يحتاجه محفز

كان مقتنع تماما ان امرأته لن تحترم سوى قوته

جلست اميره تحت قدمى هجرس ،رفعت قدمى هجرس وعيونها تطلق شرار مثل إشارات المرور

شعر هجرس بنعومة يدها وعشوائية حركتها ،ادعكى قوى يا مره!!؟ لكزها هجرس فى كتفها وجذب شعرها لكن برفق

وبعد لحظات صفعها صفعه خفيفه على ظهرها

كان جسد اميره مع كل حركه يتحول لبركان ،رفعت وشها

بشدغها المجروح النازف ،على فكره انت بتتعمد تعمل حركات متصحش

ليه؟ قرب هجرس من وشها ،هو انتى مش مرتى ولا ايه ؟

كاد فمه ان يلمس فمها ثم ابتعد ببطيء وملامح وجهه قاسية لم تتبدل

وكان جسدها النحيل يساعده فكلما لكزها اهتزت وكلما لمسها

اقشعر جسدها

وحياة ابوى ما هسيبك يا هجرس ولتدفع التمن

قبض هجرس على عنقها كملى وابقى ورينى هتعملى ايه

تنهدت اميره انا تعبت، ايديا وجعتنى

ايديكى تعبتك ؟ دى الواحده عندنا بتحلب تلت واربع بهايم ورا بعض ولا يندهلها تعب

قالت اميره بنبره رفيعه بتشبهنى انا بالستات دول ؟

انا مش زيهم

تفرقى ايه عنهم ؟ صرخ هجرس فى وشها عن قرب

اانا، انا ، واصل هجرس تركيز بصره على عيونها ،انا متعودتش على المجهود الجسدى ده ،انا مدلله من يومى

طيب كملى يا مدلله ،دللى رجليه أصلها وجعانى

مش قادره همست اميره بضعف، ثم القلم لسه واجعنى وودنى فيها طنين ،شايف الدم يا متوحش يا مجرم يا نرجسى انت كنت هتموتنى

شيلى البتاع ده وتعالى ورايا على اوضة النوم

هسمت اميره ليه ناوى تعمل ايه؟

رجع هجرس خطوات هو احنا إلى هنقوله هنعيده ونزيده ؟

ولما اقتربت إيده من اميره صرخت لا خلاص خلاص

حاضر

القاعده الأولى __ستقومين بكل واجباتك كزوجه إلا آلتى لا أرغب بها.

إلى هسيبه، هسيبه بمزاجى والى هاخده يكون حقى الطبيعى

اعتقد كلامى مش عايز شرح كتير، ومش محتاج اعتراض كمان

ولما اقول كل واجباتك كزوجة، يعنى كل واجباتك بما فيها

سرير الزوجيه.

احتقن وجه اميره بتقلصات عديده، لكن صرامة هجرس دفعتها للمواطأه

كلامى مفهوم يا دكتوره ؟

مفهوم همست اميره بلا اقتناع لكنها كانت مجبره، كانت تعرف أن هجرس مستعد للتمادى فى غضبه وعصبيته وسيطرتة للحد الذى قد تفقد معه عذريتها.

كويس، همس هجرس من اللحظه اانتى مراتى

مبروك يا عروسه ،تحرك هجرس ،ارتدى جلبابة، دخن سيجارته وودعها بقبلة هوائيه مسحتها اميره عشرين مره بعد اختفاء سحنته.

كان رجال هجرس فى انتظاره ،لكل واحد منهم رأى

هناك إجماع على تلقين عائلة النجعاوى درس يرد اعتبار

هجرس مدكور ، هنزق عليهم رجاله يا معلم هجرس ،عشان لما يتقتل تكون بعيد عنا.

جبان __ صرخ هجرس فى فرغلى ،مش هجرس إلى يدارى ورا شوية مجرمين او مطاريد

هجرس لما يعمل حاجه يعملها فى وش الشمس وميستخباش ورا حد

النجعاوى وولده خاطر غلطو فى حقى بدل المره مرتين

قتلو ابويا وكرو رجاله تقتلنى انا كسرة الشر اول مره

لكن المره دى هاخد حقى تالت ومتلت وقصاد عين التخين

جهز الرجاله يا فرغلى ،تسليح كامل.

_________

هجرس عرف انى عملتها يا ابويا، صرخ خاطر بعصبيه

المطاريد اولاد الكل_ ب كشفو سرنا

ضرب النجعاوى عصاه فى الأرض ،مش وقت ولولولة حريم دلقوتى ،انا عايزك منتبه وصاحى ،هجرس مش هيتأخر

ومش هيخاف ولا يعمل اعتبار لحد ،انا بعت شيخ البلد مع كباراة البلد يتكلمو معاه.

همس خاطر ودول هيقدرو يعملو حاجه يا ابوى ؟

هجرس هيسمع ليهم ؟

هجرس مش هيسمع لحد يا خاطر، انا علمت كده عشان اكسب وقت ،طلبت منهم ياخدو هدنه يومين من هجرس

وهجرس مغرور هيوافق

جهز الرجاله وخليهم مستعدين ،هجرس مش بعيد عن هنا

هجرس جاى ياخد الكل

بس فيه حاجه ،بنتنا اميره مش لازم تكون هناك وقت العركه

مش عايز ايدينا تبقى تحت ضرسه

اميره لازم تخرج من دوار هجرس قبل العركه

ومين هيخرجها يا ابوى ؟

بيت هجرس متحاوط برجالته من كل جهه، رجالته مترشقين فى كل حته

عارف، همس النجعاوى بغل ،بس احنا مش هنحارب هجرس وحدنا ،فيه ناس ليها تار عند هجرس هتكون معانا

المطاريد مش ناسين هجرس عمل فيهم ايه وجاهزين ياخدو تارهم.

ودا ايه علاقته بأميره يا ابوى ؟

هو انا مقلتلكش ؟ احنا إلى هنهاجم هجرس والليله

لكن يا ابوى انت قلت فيه هدنه ؟

نخر النجعاوى ،إلى عمل الهدنه يتحمل نتيجة كسرها مش احنا ،فى نص الليل المطاريد هيتحركو واحنا هنتحرك

عندما افقد الذاكره لا اتذكر كل شيء مثل الماضى، الأسماء تضيع من عقلى لكن الأحداث نفسها تستمر لأنها محفوظه من زمن بعيد.

الرجالة جاهزة يا معلم هجرس منتظرين اشاراتك

تسليح كامل يا فرغلى ؟

كامل يا هجرس بيه، الاسلحه الممنوعه والى بالى بالك يا معلم.

طلعت الرشاش الشرقى يا فرغلى ؟

حصل يا هجرس بيه ونضفته بالزيت وحشيته بالزخيره وثبته فى مكانه

تمام همس هجرس بارتياح ،الليله مش هتكون ليله هتمر كده وخلاص ،الليله كل إلى عنده دين هيدفعة

محدش يتحرك غير لما اديكم الأمر ومن باب الحرص خلى الواد شحاته يكمن ورا غيط متولى ولو شاف حاجه يضرب رصاصتين فى الهوا.

طلع هجرس الشقه اخد حمام واتطهر، طلع الصديرى المضاد للرصاص لبسه تحلت الجلابية ولف عمته

وسحب بندقية زيت تعمير حرك الأجزاء بتاعتها

ناوى تعمل ايه يا هجرس؟

سألته اميره وكانت التزمت الصمت من لحظة دخوله

معايا عركه هخلصها وارجع يا دكتوره

مع المطاريد ؟ سألته اميره بنبره حذره

لا مع ابوكى واخوكى يا دكتوره

صرخت اميره، نسيت انها دكتوره، يا مرارى، يا مرارى

هتقتل بوى وخى يا هجرس ؟

انت قلت انه فيه هدنه ؟

رفع هجرس دماغه عن البندقيه ،ومن امتا ابوكى النجعاوى بيهمه هدنه ؟

ابوكى ضلالى يا مره ،واكل نص اراضى البلد فى بطنه بالزور

واخوكى قتل بوى فى عز الضهر بدم بارد

بس انت اخدتنى يا هجرس ،انا الديه، عايز تفتح أبواب الدم ليه من تانى؟

وقف هجرس، بص من الشباك، إياكى تكونى فاكره انى مش واخد بالى من الورقه إلى وصلتك ليلة محاولة قتلى ؟

الورقه إلى انا اخوكى كتبها بأيده يبشرك بالحريه

صعقت اميره ،معرفتش ترد

بلاش والنبى يا هجرس ،هديك كل إلى انت عايزه لكن بلاش بوى واخوى

إلى انتى هتدهونى يا اميره دا حقى اصلا، والى انا هخده من بوكى واخوكى برضه حقى.

اترمت اميره على رجلين هجرس تبوس فيهم، عشان خاطرى بلاش يا هجرس، الا بوى واخوى

ولما يقتلونى هتكونى مبسوطه ؟

مش هيحصل يا هجرس، ابويا مش مجنون اكيد عارف قوتك

وخاطر مش بيخرج من تحت طوعه

اوعدنى انك متبقاش البادى يا هجرس ؟

صمت هجرس دقيقه، فكر ووزن الأمور بعقله ،تمام

انا مش هبداء الرصاصه الأولى

لكن ورحمة بوى لو النجعاوى ابوكى عملها لجيب عاليها واطيها.

تحرك النجعاوى مع رجالته تحت جنح الظلام ،وقبل ما شحاته ما يضرب الطلقه التحذيريه خاطر قتله

حاوط بيت هجرس من كل جهه، ولما اطمن ان كل راجل فى مكانه صرخ ،مش عايز اى شخص يخرج من البيت حى

لا إنسان ولا حيوان

واميره يا بوى ؟ سأله خاطر، أميره جوه الدار

ملكش دعوه باميره اميره تعرف تحمى نفسها كويس

دى بت النجعاوى ودمى بيجرى فى جسمها.

وقف هجرس فى الشرفه ،مكنش مطمن للهدوء الغريب إلى فى المكان، صرخ فى فرغلى من فوق ،فرغلى الرجاله فى

مكانهم ؟

رفع فرغلى دماغه متقلقش يا معلم كل واحد فى مكانه

نضرب يا ابوى ؟

بص النجعاوى على خاطر ابنه ،لا

اتحرك انت وكام راجل معاك زحف تحت الزرع وكل إلى يقابكلم من رجالة هجرس اقتلوة بالسكاكين مش عايز رصاصه وأحده تطلع

تسحب خاطر مع رجالته رصد رجالة هجرس المتوزعين

قتلهم واحد واحد ومبقاش غير شوية قدام الدار

رفع ايده لابوه المهمة نجحت.

تنهد النجعاوى استعنا على الشقا بالله ،اضرب ياد منك ليه

سمع هجرس صوت الرصاص ،ركض على بندقيته

عملها النجعاوى الخسيس وابنه خاطر ،بص على اميره بغضب

قلتلك ابوكى وسخ ومعندوش إى شرف.

فين الرجاله يا فرغلى ؟ صرخ هجرس بغضب

همس فرغلى النجعاوى عمله يا معلم اتسحب ذى الحراميه وقتل معظم الرجاله

والرشاش ؟ فيه حد عنده

لا يامعلم للأسف محدش قادر يوصله

صرخ هجرس لو موصلناش للرشاش يبقى علينا العوض

يا فرغلى

اضرب نار على طول مش عايزهم يقريو من الدار ولا الحريم

نفيسه اخت هجرس كسرت الشباك وطلعت بندقيته

صرخت ياروح ما بعدك روح

ضربت على الزرع وعلى الضلمه لكن رشقه من الرصاص اجبرتها تختفى خلف الجدار

انا هاخد بتار بوى يا هجرس قلتلك ميت مره إلى يسامح فى دمه ميستحقش يعيش.

تساقط رجال هجرس ،الهجمه كانت كبيره وكل حاجه كانت مدروسه ومتخطط ليها بدقه

اماكن الحراسه كانت معروفه حتى التسليح كان معروف

كان فيه جاسوس مندس داخل بيت هجرس

أضطر هجرس للزحف ،ضرب الرصاص كان كثيف بيمر فوق جسمه وجنبه وبيقطع أعواد الذره فوق دماغه

بس هجرس كان عارف ان فرصته الوصول إلى الرشاش

الرشاش إلى كان محشور وسط الحجاره وشكاير الرمل

سلم نفسك يا هجرس مفيش داعى ندخل البيت وناخد النسوان أسرى

كان النجعاوى كثف ضرب النار على باب البيت وفرغلى وحده مش قادر يقاوم

بداء رجالة النجعاوى يقربو من باب الدار ويستعدو لدخولة

بس اعترضه ضرب نار متفرق طالع من جوة البيت

نفيسه كانت بتضرب رصاص بندقيتها وأميره بنته كمان

حاوط رجالة النجعاوى البيت ،محدش فيهم لاحظ هجرس إلى تمدد داخل الحقل المظلم مت غير ولا حركه

صرخ النجعاوى بتباهى ،بقا وصلت انك تخلى الحريم تدافع عنك يا هجرس ؟

فين مرجلتك يا سبع البرمبه ؟

نزلى سلاحك يا مره منك ليها، كل حاجه خلصت.

فجأه انطلق الرصاص بحصد رجال النجعاوى إلى قربو من البيت ،الرصاص كان جاى من الخلف

النجعاوى صرخ خيانه يا غجر، خاطر خد معاك كام راجل وشوف مين بيضرب نار ورا

احكم النجعاوى قبضته على البيت ،نفيسه اتصابت واترمت على الأرض غارقه فى دمها

لكن هجرس سحق كل حاجه قدام الرشاش، الرجال والزرع

كل حاجه ،سقط الرجال على الأرض واختلطت دمائهم بالتراب

ولما خاطر قرب من مكان الرشاش هجرس ضربه بالرصاص

صرخ واحد من الرجاله خاطر وقع ،خاطر وقع يا معلم نجعاوى

خاطر ؟ صرخ النجعاوى وطلب من رجاله التجمع حوله

مشيو فى صفين متباعدين ناحيت الرشاش بيضربو على الدشمه المحصنة.

هجرس ساب مكانه ووسط اللخبطة سحب بندقيه وتقهقر ناحيت البيت ،كان خلاص هيوصل الأمان

لما ضرب الرصاص انطلق فوق دماغه واجبره ينزل على الأرض، رجالة النجعاوى شالو خاطر وبدأو فى التراجع

وسط الهلع دا كله وهجرس بيضرب رصاص عشان ميسمخش لحد يقرب منه انطلقت رصاصه من بعيد اخترقت كتفه

خفت صوت ضرب الرصاص ،انسحب رجال النجعاوى

وكان هجرس بيكافح بأيده السليمه يحاول يدافع عن نفسه

من بعيد ظهر ظل يحمل بندقيه.

تنهد هجرس عرف ان لحظته الاخيره حانت ،حاول أن يرفع بندقيته لكن الشخص الملثم ركلها بقدمه ،وصوب البندقيه نحو رأسه.

لو كنت فاكر انى هتستجدى لحياتى تبقى غلطان ،اضرب الرصاصه يا نجعاوى خلينا نخلص

ارتفع صوت صارخ من بعيد خاطر حى، خاطر حى

بصق هجرس على التراب وكمان ولد النجعاوى لسه عايش ؟

البندقيه المصوبه على رأس هجرس بعدت وتمدت ايد جذبته بقوه ،كانت ايد ناعمه، ايد اميره

هجرس ؟ انا كنت فاكراك واحد من رجالة ابوى

اميره ؟ همس هجرس بسعاده وهو ينهض ،بنت أصول صحيح، استند هجرس على كتف اميره ودخل الدار

كانت نفيسه مرميه على الأرض ،بندقيتها فى ايدها والدم سايح منها.

وقف هجرس فوق جثتها، قتلوكى يا نفيسه ؟ مت يا اختى ؟

مت يا بت ابوى ؟ بس مت ابرك من ميت راجل

انحنى هجرس جنب اخته، خدها فى حضنه ،كان نفسى افرح بيكى يا نفيسه واشوف عيالك واشيلهم فوق كتفى والف بيهم البلد كلها، سبتينى لمين يا اختى ؟

هجرس مش هيقدر يعيش من غيرك ،لأول مره ترى اميره هجرس يبكى وعندما يبكى رجل بحق تعرف أن المصيبه أكبر مما تتصور

وحد الله يا هجرس ،همست اميره، خلينا نداوى جروحك

مش هطبب ولا اعمل شيء قبل ما ادفن اختى

هجرس ؟ لو كنت بتحب اختك بحق وحقيقى لازم تتعالج

اختك مش هتستفيد حاجه لما تدفن جنبها

جذبت اميره هجرس وقفته وأثناء صعودها السلم ركلت يد نفيسه.

الرجاله كلهم ماتو صرخ هجرس داخل الشقه، ماتو بسبب غبائى ،مكنش لازم آامن النجعاوى ابوكى

إلى حصل حصل خاطبته اميره بنبره صارمه ،مش وقت حساب دلوقتى، لازم تتعالج وتشوف رجاله جديده

مفتكرش بوى ممكن يهاجم مره تانيه دلوقيت، كمان الشرطه خدت خبر ،والبوليس مترشق فى كل حته.

داوى الطبيب جروح هجرس ،وعند سؤاله من الشرطه

أكد انه ميعرفش مين الى هاجم بيته

قال ضابط المباحث بغضب ،النجعاوى بيقول نفس الكلام

ميعرفش مين ضرب نار عليه وعلى ابنه

هيكون مين يعنى؟ شيطان جاب بندقيته ورجاله وقتل كل الناس دى؟

همس هجرس انا قلت إلى عندى يا بيه ومن فضلك ذى ما انت شايف ان مضروب برصاصه ومحتاج ارتاح.

ذى ما تحب همس ضابط المباحث لكن يكون فى علمك انت والنجعاوى انا مش هسمح بالتار ولا الدم يقود البلد

وهواجه إى خروج عن القانون بقوة وصرامه.

قانون همس هجرس فى سره، ابقى سلمى على القانون بتاعكم.

خطف غراب البين على بيت هجرس وتحرك الموت بين جدران داره ،فى كل ركن كان هجرس يرى الموت

موت والده، موت نفيسه وموته الوشيك

بعد أيام استطاع ان يمشى ،ان ينزل الحقل، ان يعين رجال جدد يحمون البيت ،صرف لعائلات رجاله القتلى من حر ماله ما يكفيهم لكن داخله كانت هناك نار مستعره كفيله لحرق عالم بأكمله.

قعدت اميره فى غرفتها ،كانت لسه حاسه ان الدم مغرق إيديها رغم أنها غسلتها اكتر من مره

دم نفيسه وهى بتتوسل ليها ودم هجرس لما ضربته بالرصاصة ،كانت فاكره انها قتلته وارتاحت من قرفه

لكن الرصاصه خابت ،مكتش مفروض الليله تنتهى كده

شعرت اميره بالاحباط، لكن مش اميره إلى يتلوليها دراع

اميره أكبر من كده ولى خططتله لازم يحصل مهما طال الزمن

سعت أطراف كتيره تصلح بين عيلة النجعاوى وعيلة هجرس عشان يحقنو الدم ،هجرس رفض لأن النجعاوى خاين وكسر الهدنه إلى بينهم وان المفروض كل كباراة واعيان القريه ياخدو موقف ضده ويوقفو فى صف هجرس

والنجعاوى رفض الصلح لأن هجرس ضخ ولده بالرصاص

ابنه الوحيد ومش هيقبل الديه ولازم ياخد تاره

النجعاوى اتهم هجرس بمهاجمة بيته وارضة وحريمه ولما أطراف الصلح اعترضت ان الضرب كان عند بيت هجرس وان رجالة هجرس إلى ماتو ودا ينفى ان الضربه الأولى كانت من طرف هجرس

لكن النجعاوى صرخ ،يعنى عايزين هجرس يضرب ولدى قدام دارى واقعد ساكت ؟

هجرس جاب رجالته وضرب ولدى ودمه لسه سايح على الأرض ،انا عملت إلى كان هيعملة إى راجل شريف

دافعت عن بيتى وارضى وولدى انا روحت لبيت هجرس بطولى عشان اخد بتار ولدى إلى افتكرته مات

بقا يا بلد بتلومونى على رد الفعل وسايبين إلى داير يستقوى على خلق الله؟

كل طرف كان معاه شهود، وصوت النجعاوى كان أقوى وولده مرمى فى المستشفى بين الحي والموت

نفيسه كمان ماتت، لكن النجعاوى كان بيصرخ عايزين تساوى ولدى خاطر ببنت بايره ؟

كان واضح ان الصلح بين العيلتين ملوش طريق، بس الشرطه مسكتتش، مأمور المركز اخد تعهد على النجعاوى وهجرس

بعدم ضرب النار او التعدى على أرض وبيوت الآخر.

برافو عليكى يا اميره قال هجرس وهو بيدخن سيجارته

انا مكنتش فاكر انك بنت أصول وجدعه بالشكل ده

همست اميره وهى بتغير على جرح هجرس !

انت الى مش بتعرف تحكم على الناس يا هجرس

صوابع ايديك مش ذى بعضها

اسف، اعتذر هجرس بنبره صادقه، انتى انقذتى حياتى

انا مدين ليكى بروحى يا اميره

همست اميره ،يعنى مش هتعمل إلى فى دماغك وتاخدنى غصب بذنب بوى واخوى ؟

هجرس قال إلى يقابل فعل الخير بالنكران ميبقاش راجل يا اميره ،انتى هتعيشى هنا معززه مكرمه

وانا اعتبرينى مش جوزك ولا هقرب منك

حطت اميره رجل على رجل ،وناوى تعمل ايه مع بوى واخوى ؟

قال هجرس، كنت ناوى اعمل كتير لكن أفعالك غرقتنى يا اميره ،لو قابلت معروفك بجحود مبقاش هجرس

انا هسيبهم عشانك.

بالعكس همست اميره بنبره غريبه، انا عارفه بوى ومش هيهدى ليه بال غير لما يقضى عليك

انا الغشاوة إلى كانت على عنيه انقشعت لما شفت كل إلى حصل الليله اياها

لازم تبقى قوى يا هجرس ،والى يبص عليك يخاف يهاجمك

لازم ترجع رجالتك وتسلحهم وتستعد لأى هجوم وانا فى ضهرك.

غريبه ؟ همس هجرس ، إلى يشوفك من يوم الفرح لحد دلوقتى ميصدقش التغير إلى حصلك ؟

أنتى كنتى بتكرهينى وواخده صف بوكى واخوكى

بعد إلى شفته اتغيرت يا هجرس انا بكره الظلم، وبوى لازم حد يوقفه قبل ما يطربقها على الكل، والحد دا انت يا هجرس

قوتك هتحميك وتحمى بوى من تهوره، انا مش عايزه حد فيكم يصيبه شي والحمد لله خاطر هيعيش ونفيسه ربنا يرحمها.

سمع هجرس صوت العقل فى كلام اميره لأول مره، بعد ليلة ضرب الرصاص وكل حاجه بتعلمها بتأكدله انها اتغيرت

أصبحت انسانه تانيه.

خليك انت هنا مرتاح يا هجرس انا هنزل بنفسى اطل على الأرض والدار

ابتسم هجرس كمان يا دكتوره هتنزلى الأرض ؟

بصت ليه اميره بنظره مشاكسه ،مش انا برضه مرة الكبير ؟

مرة الكبيره كبيره يا هجرس

لبست اميره العبايه السوده ونزلت من الشقه لأول مره مش عايزه تهرب، مش عايزه تركض على بيت ابوها إلى باعها بالرخيص ،حست نفسها حره وهى ماشيه وسط الزرع والخضره.

يا دكتوره ؟ يا دكتوره، دى رساله من بوكى الحج النجعاوى

مسكت اميره الرساله ،بصت حواليها وصرخت طيب يلا غور لحسن حد يشوفك.

١٨

قعدت اميره وسط الزرع على صنيف يابس وفتحت الرساله ،لازم تخلصى من هجرس بطريقتك مش هينفع إى حركه من ناحيتك دلوقتى واخوكى راقد فى المستشفى بين الحيى والموت.

مزقت اميره الرساله وبصت على الحقول وبيت هجرس إلى ظاهر م بعيد

انا عملت كل المطلوب منى واكتر يا بوى لكن انت وابنك بوظتو كل حاجه بس اميره مش هى الانسانه الضعيفه إلى انتو متخيلنها ، المفروض كل حاجه كانت هتخلص فى الليله أياها لكن قلبى الضعيف خذلنى

وبعدين عدم موت خاطر فى اللحظه إلى وقفت فيها فوق دماغ هجرس بوظت كل حاجه

اه يا هجرس مش كنت تموت وتريحنى ؟ واصلت اميره جولتها وسط الخضره ،الزرع والهواء النقى بيساعدها على التفكير بطريقه منطقيه، وصلت النهر، المكان إلى قررت تبنى فيه فيلتها الجديده الفيلا إلى هتكون قبلة كل أعيان وكباراة البلد ،داعب شعرها نسيم عليل وقررت تأجل أحلامها لبعض الوقت.

رجعت على البيت الكبير، كان فيه كان حارس هجرس استأجرهم لحراسة الدار

رمت السلام عليهم وطلعت من جيبها رزمة فلوس وزعتها عليهم ،امرتهم بكل صرامه عايزة عنيكم منفجله يا رجاله

الكبير تعبان لسه جرحه ملمش وانا الى هدى التعليمات من دلوقتى فاهمين ؟

فاهمين يا كبيره!!

استطعمت اميره الكلمه ذى قطعة سكاكر حلوة تذوب فى الفم

الكبيره !!!

طلعت السلم ودخلت على هجرس، عامل ايه يا كبير؟

انهض هجرس جذعه ،بخير الحمد لله هبقى كويس كلها كان يوم وانزل اطل على الزرع والبهايم.

متشغلش بالك بالزرع يا هجرس ،انا مرتك، مراة الكبير وكل حاجه هتمشى ذى ما انت عايز واكتر

عفارم عليكى يا دكتوره والله همس هجرس بامتنان

انا شفت الرجاله ولبيت طلباتهم يا هجرس لكن العدد مش كافى، انا بستأذنك اعين ناس تانيه

مفيش حاجه مضمونه يا كبير

كلها يومين تلاته وهعين حراس كتير يا اميره متقلقيش !!

وش ضمنك ابوى النجعاوى هيستنى يومين ولا حتى يوم؟

انا هتحرك من دلوقتى يا هجرس ولا انت مش واثق فيا ؟

واثق، رد هجرس بلا تردد، لكن مش حابك تختلطى بالرجالة !!!!

هجرس؟ صرخت اميره بغضب، مرتك بمية راجل ولو مش واثق فيا هقعد عنا جنبك ومش هطلع من الدار خالص ؟

ابتسم هجرس، وانا مش قد زعلك يا دكتوره اعملى إلى يريحك

تمام همست اميره ايوه كده متعصبنيش امال !!

عينت اميره رجال من طرفها، رجال ارسلهم والدها

لكن اميره كانت اكثر حرص

تأكدت ان ولاء الرجال لها، صرفت من جيبها نقود

رزم من المال ووعدت بفلوس اكتر

عايزاكم عينى وودانى يا رجاله، ملكمش صالح بهجرس والنجعاوى شغلكم معايا انا

ومع اول اعتراض كشرت اميره عن انيابها، صفعت الرجل بكل قسوه وصرخت ارجع للنجعاوى ،خليك شغال عنده بالملاليم إلى بيتفضل بيهم عليك.

عرف الرجال من يخدمون، واصلت اميره اغداق النقود بلا حساب ،قدام هجرس الرجاله تبعه لكن فى الخفاء هم رجال اميره وتحت سيطرتها.

كل شيء يبداء صغير يا هجرس الا الحب يا ولدى، الحب من يومه ينولد كبير جوة القلب من جوة

انقلب هجرس على جانبه ، فى داخله لا يؤمن بالتغيرات الكبرى ولا الصغرى فكل شيء يحدث لسبب،وكل شخص لديه غايه قبل أن يمنح

بين يوم وليله قسى قلب اميره على عائلتها، ربما لو كان رجل اخر غير هجرس لشعر بالسعاده

لكن شخص يملك قلب مثل قلب اميره لا يمكن توقع تصرفاته

قلب جب من صخر، إلى يبيع اهله يبيع إى انسان تانى

كانت الأفكار تأكل عقل هجرس ،الحنان الذى بذلته اميره فاق توقعاته ،ينظر هجرس من الشرفه على الرجال

يراهم يحترمون اميره ،لا نظرات خارجه ، زرعت داخلهم احترامها ،آمر ليس هين ولا سهل

لكن هجرس يعرف الرجال ويعرف اين يضعون ولائهم

وهولاء الرجال الملتفين حول اميرة ليسو رجاله القدامى

بل رجال لديهم اعتبارات أخرى ولا يمكن الاعتماد عليهم.

شرحت اميره لهجرس كل ما فعلته بدقه، الرجال الذين وظفتهم، عددهم، اصلهم ،فصلهم ،عائلاتهم ،أميرة متعرفش ان هجرس يحفظ اصل كل شخص داخل البلد ويعرف من يعتمد عليه ومن يمكن شرائه.

اخضرت حقول هجرس إلى احترقت فى المعركه واثمرت من جديد ،كان وقت الحصاد على الأبواب وهجرس لسه مش فى صحه جيدة ،ليس تماما لكن قوته عادت، أصبح يمشى بين الناس ويرفع الفأس مع احساس طفيف بالألم.

كان يقضى وقت طويل فى المقهى ،بيرم اتفاقات ويستدرج رجال يعملون تحت سلطته فى الخفاء.

لم ينسى أهل القريه ان هجرس هولى مسؤلية العائلات إلى فقدو رجالهم فى المعركه ،رجل أصيل لا يتخلى عن اتباعه

والكثير يتمنى خدمته والعمل تحت يده ،واصبحت سهرتهم فى المقهى كل ليله، جلسه يشرح فيها هجرس خططه ودور كل رجل ،اذا كان النجعاوى يمتلك رجال كثيرين فهجرس ليس اقل منه، لديه نقود وعزوة وارض ،أصبح الكثير من الرجال اتباعه، رجال يعيشون بين أهل القريه ولا يعرف عنهم احد اى شيء وكان هذا ما يريده هجرس

حرس قليل يجلس آمام داره وجيش اخر لا أحد يعرف عنه شيء.

خرج خاطر ولد النجعاوى من المشفى واقيمت الأفراح عند بيت النجعاوى عشرة أيام بلياليها، وزعت فيها اللحوم والمشروبات وضرب الطبل البلدى من العصر وحتى الصبح

&&&&&&&

ايه الاخبار يا بوى؟

عال العال رد النجعاوى وهو يدخن الشيشه، اختك اميره دى بمية راجل ،وكل رجالة هجرس تحت سلطتنا

وهنستنى لميته يا ابوى ؟

انا لازم اخد بتارى، الحكايه طولت قوى وبقى منظرها بايخ

هجرس ضرب عليه النار ومش هقدر امشى فى البلد مرفوع الراس غير لما اكتله.

رفع النجعاوى راسه، مش عايزين نكرر غلطنا يا خاطر

المره إلى فاتت كنا واثقين من الفوز وأديك شفت إلى حصل

انا عايز اخطط على الرايق

وكمان المعلم يوسف رجع رجالته وقوته رجعت ليه مره تانيه

همس خاطر يعنى مطاريد الجبل فى صفنا ؟

نفخ النجعاوى دخان الجوزه ،ولاء المطاريد للى يدفع اكنر

من حسن حظنا ان ليهم تار مع هجرس

ومن الناحيه دى انا مطمن يوسف حلفلى ليقتل هجرس حتى لو كانت آخر حاجه يعملها فى حياته

أرض هجرس هتكون لينا، هجرس ملهوش وريث ،واميره مطمنانى انه ملمسهاش

رفع خاطر حاجبه وحتى لو لمسها ما برضه الأرض هتكون لينا يا بوى، ابنه هيكون من نسلنا

ضرب النجعاوى لى الشيشه فى الدكه ،مش من الهلس النجس دة ،نسلى لازم يكون شريف وولد مدكور مش شبهنا

بعد ما نقتل هجرس وناخد كل حاجه انا محضر جوازه سقع لاختك

فخرى ولد شيخ البلد جاهز ومنتظر اليوم ده بفروغ الصبر

ابتسم خاطر، فخرى يملك الربع البحرى ،لو حطيناه على أرض هجرس يبقى ملكنا نص البلد

صح يا واد ومع ارضنا يبقى فاضل حجات بسيطه ونقش الكل ،بس كل ده مرهون بقتل هجرس والشرطه مركزه معانا

اليومين دول بس انا خلاص عرفت هعمل ايه كويس

همس خاطر، فطمنى يا ابوى على الليله ؟

فى الوقت المعلوم هتفهم كل حاجه يا خاطر

بوى ،صرخ خاطر بغضب، انت مش واثق فيا ولا ايه؟

نطر النجعاوى لى الشيشه على الأرض

ياواد افهمنى ،انت آبنى الوحيد معنديش أغلى منك

بس انا لسه الخطه بتمخمر جوة دماغى

لما نهجم على هجرس لازم الشرطه ميكونش ليها وجود هنا فى البلد خالص.

المطاريد بقيو كارت محروق الشرطه عارفه انهم بيهربو على الجبل، وسايباهم يسرقو المواشى ،انا عايز حاجه أكبر

حاجه تخلى البلد كلها تولع

والليله انا هقابل واحد كبير يقدر يعمل كده واكتر

سأل خاطر ناوى تعمل ايه يا ابوى؟

ثبت النجعاوى عنيه على باب دارة، لما اميره تكون جاهزة

وماليه ايدها من رجالتها هعمل إلى يخلى الشرطه تفضل فى مكانها ومتتجرأش تخطى خطوه بعيد عن مركز الشرطه.