رواية غريب في وطنه الفصل الثالث 3 - بقلم الكاتبة : جيّـم

في الفجر، في أحد الأحياء الراقية بالسعودية
تحديداً بـمنزل أقل ما يُقال عنه قصر، متعدد الأدوار والغرف، بغرفة الطعام
الجد سحب الكرسي وجلس وهو يحط سبحته بجيبه، جات الجدة ومعها زوجة ولدها سلمان تساعدها بترتيب السفرة
الجد : هذا عساف متى يقوم يا لطيفة؟!
لطيفة : أرسلت له تميم أكثر من مره يقومه
الجد : استغفرالله لا صلاة ولا عبادة هذا الولد كيف يبغى التوفيق بحياته
دخلت بنت ببداية العشرينات لابسة بنطلون اسود وبلوزة صفراء شيفون ومعها شنطة ظهر ولاب كوت وقالت : صباح الخير
الجد بابتسامة : صباح النور يا عيوني!!، ابتسمت من مديح جدها وقربت تسلم عليه الا وهو يقول : خذي هذه لك مصروف، - جات بترفض قاطعها الجد - والله ما ترجع يا ملاك
ملاك ابتسمت وهي تناظر الخمسين اللي بيدها وحضنت جدها وقالت : الله لا يحرمني منك
الجد : ولا منك، تعالي افطري قبل دوامك
ملاك جلست تفطر
-
بالطابق العلوي، بغرفة نجم
لطيفة وهي تعدل لنجم يونيفورم المدرسة : نجم حبيبي، تنتبه لنفسك، واذا أحد ضربك ايش تسوي؟!
نجم بصوته الطفولي : اروح للاستاذ
لطيفة بابتسامة : ايه، يا حبيبي، ما نضرب أحد، واللي صار مع أحمد ما يتكرر
نجم كشر من سيرة أحمد : بس هو ضربني اول
لطيفة بعتاب : اللي يضرب يصير شرير، انت تبغى تصير شرير؟!
نجم هز رأسه بنفي، حضنته لطيفة وقرأت عليه الاذكار تحصنه، قاطعها صوت جاءها من خلفها : الناس تتحصن من ولدك مو العكس!!
لطيفة التفت وشافت ولد ببداية الثلاثينات يرتدي اللباس المخصص للممرضين وبيده لاب كوت مُتكئ على الباب يحاول يصحصح تنهدت وقالت : روح افطر ووصل اخوك للمدرسة، واياني واياك اسمعك تعلم الولد على البلطجة، سامع يا عساف!!!
عساف وهو يضحك : انا ما علمت احد هذا الشيء بالجينات
لطيفة هزت رأسها بيأس من ولدها وتمتمت بـ "لا حول ولا قوة الا بالله" قالت بصوت عالي : روح لدوامك خلصني، نزل عساف لغرفة الطعام وقال : صباحو
الجد : لا إله إلا الله وش ذا النوم؟! لا صلاة ولا عبادة
عساف : صليت الفجر اول ما قمت
الجد : ايه تصلي بالبيت كما الحريم!!
عساف تنهد وقال : ابشر يا جدي مره ثانية بصلي بالمسجد
الجد : ما أقول الا الله يهديك ويصلحك
عساف هز رأسه وبدأ يفطر
التفت لـ أخوه جالس بجواره و قال : صباحوو تميم، وأخذ الشاهي حقه وشربه بسرعة
تميم وبفمه أكل : يا حيوان يا عسّـاف رجع الشاهي
عسّـاف رفع الشاي لفوق وأكل جبنه وحبات زيتون وقال : كُل، لازم تتغذى عشان تصير رياضي مثلي
تميم وهو يضربه على كتفه المليء بالعضلات : حيوان، نذللل!!
سلمان بصوت عالي : تميمم!!
تميم فهمه وقال : طيب يبه، ومد لسانه لـ عسّـاف اللي ابتسم بانتصار
عسّـاف وهو يقوم : يلا مع السلامة، توصون على شيء؟!
سلمان : أبد انتبه لنفسك ولمرضاك
لطيفة : في حفظ الرحمن، خذ أكلك حطيته بالمدخل، ولا تنسى توقف البقالة لأخوك اشتري له بطاطس عشان عنده حفلة بالمدرسة
عساف هز رأسه، وأخذ الأكل وخرج
-
شاف اخته جالسة في السيارة بكرسي السائق وتدور على شيء، جاء وقال : رايحة؟!
ملاك بصدمة : عسافف!!!
عساف : لو انك شايفة بعبع ما انفجعتي كذا
ملاك : الواحد يتحمحم، يطلع صوت، اي زفتت!! مو كذا فجأة
عساف : والله انك مو بعقلك اليوم
ملاك تنهدت : ايه ادعيلي عندي اختبار
عساف ضحك وقال : الله يوفقك يا روح أخوك، والمفتاح بيدك
ملاك ضحكت وقالت : يلا ابعد
عساف أبعد عنها وحركت ملاك وخلفها عساف
-
في المساء، في فرنسا
فتح عيونه على صوت ازعاج بسيط بالغرفة، وكانت مادلين جابت أكل لهم، فهد بصوت مبحوح : خلصتِ؟!
مادلين تركت اللي بيدها وقالت : كيف حالك؟! تشعر بألم؟!
فهد هز رأسه بنفي، لكن لاحظ عيون مادلين المنتفخة دليل على بكاءها، مادلين من بعد وفاة أمها أصبحت مُنغلقة على ذاتها ولم تُظهر له ضعفها تنهد وقال : ماذا لديك؟!
مادلين وهي تجر عربة الطعام : طلبت من المطعم العربي الذي تحبه
فهد ابتسم بشهية وكان بالصحن، بعض الأرز، والمشاوي
مادلين : تقدمت بطلب نقلي لـ مستشفى بالسعودية، سوف يصلني الرد خلال يومين
فهد : تمام، - ناظر ابنته التي لم تأكل وقال - مادلين، افتحِ فمك، مادلين ناظرت والدها الذي يمد لها المشاوي بيده وأكلتها بهدوء
فهد قال بدون ما يناظرها : لا تقلقي الأمور سوف تُصبح بخير، أعدك بذلك، سوف نرجع لـ فرنسا
مادلين ابتسمت بخفة وقالت : أتمنى أن تكون الأمور بصالحنا
فهد مسك يد بنته وقال : اهدأي، الأمور ستكون بخير
مادلين ناظرت والدها بـ نظرات مليئة بالخوف وقالت : لا تتركني، سوف أذهب معك لأن لا أريد أن... - خانتها دموعها - أن أراك جثة ممدة على السرير، اليوم اصابة بكتفك والمرة الآخرى لا أعلم ماذا سيحدث لكن لا أُريد أن أراك جثة باردة، أنهت كلامها وذهبت للـ شُرفة ودموعها على خدها
فهد تنهد وأرجع ظهره للخلف وهو يرى ابنته تبكي، لو ذهب إليها لن يرى وجهها مرة أخرى لذلك تركها بـ راحتها تُفرغ ما بداخلها من مشاعر
-
٥ تصويت يا حلوين، وقراءة ممتعة 🤍🤍