رواية جنيه غزت قلبي(الجزء الاول كامل) للكاتبه/آيه سيد قرني الفصل الرابع والعشرون 24 - بقلم Aya Sayed

الحلقه 24

وقفنا لما رنيم طردت باسم من المكتب...

عادل وهو يهتف به بغضب: هي مين دي اللي بتحبها .
باسم بهيام: البت بتاعت الكافيه.. فاكر اليمو ده ولا نسيته.. كنت بدور عليعا وفحأه وانا جايلك لقيتها...
عادل: فاكره يا اخويا هو ده يوم يتنسي..بس يا باسم دي بتكره راكان وبتكره اي حد من ناحيته...
باسم:طب وانا مالي. هو راكان يعمل المصيبه وانا اللي اقع فيها...
عادل: علي العموم هي مش مناسبه ليك لا اجتماعيا ولا فكريا.. دي ساكنه في حاره قد الحق وغير كده مش معاها غير شهادة الثانويه.. يعني مش مناسبه ليك من كل المقاييس...
باسم: بس انا لما حبيتها حبيتها بقلبي مش بعقلي... وبعدين امتي هتبقيبني ظادم زيي كده وتحسبها بقلبك مش بالفلوس الحب يا عادل مش بيفرق بين غني وفقير او جاهل ومتعلم.. انا حبيتها كده وهفضل احبها ..وكلامك ده مش هينقص حبي ليها بالعكس ده هيزوده....
عادل: سيدي يا سيدي ع الرومانسيه كنت فين من زمان....
باسم: عقبالك يا سيدي....
عادل: بعد الشر ..انا يا اخ باسم ولله الحمد قافل قلبي بالمفتاح في وش اللي ما يتسمي الحب.. بلا وجع قلب وقلبة دماغ.... وبعدين كفايه انت وراكان علي الاقل يكون واحد من الشله دي عاقل ...
باسم بعدم فهم: راكان.. طب هو ماله ومال الحب...
عادل: ماله ايه ده غرقان فيه لشوشته..
باسم بصدمه: ايه... لا مش معقوول.. راكان يحب.. لا مش معقووول... مش مدقك ياااد انت. ده الحيوانات تحب بس راكان لأ...
عادل وهو يضحك: ليه بس هو مش بنى ظادم زيينا....
باسم: هو بني ءادم آه... بس مش زيينا..
عادل: ههه.. بس يخربيتك ليسمعك...
باسم: لأ بجد راكان بيحب

عادل: ايوه ده حتي مكوي بناره..
ثم دندن باستمتاع: ناااار يا حبيبي نااااار..

باسم بفكاهه: بس ياااد صوتك وحش. الله يخربيتك بوزتلي المود اللي منت داخل بيه...

عادل باستفزاز: هو انت تطول...
باسم: دا انا اصول واقصر واخس واطخن...
عادله: والله رخم ودمك ارخم منك...
باسم وهو يخرج له لسانه: علي ثلب ناس تانيه زي العسل..بس قولي مين دي بقي اللي خلة راكان الشافعي بجلالة قدره يقع في حبها..
كان يقول وهو يتناول الكوب الذي بجوار فنجان القهو امامه ليرتشف منه قليلا من الماء..
ليقول عندها عادل: مرررراته..
فيبخ باسم مل ما شربه امامه ثم ينظر بذهول وصدمه لعادل: ايه.. مراته... طب ازاي وامتي..
عادل: هو موضوع يطول شرحه.. بس مش هحكيلك دلوقتي كل اللي اقدر اقوله انه اتجوزها اديله شهر......

باسم: بقي اغيب عنكم شويه ارجع الاقي الحوت اتجوز... طب وانت خطبت ولا لسه في السليم.... قول ما ده رقت الصدمات...
عادل بابتسامه: لا يا عم انا لسه في السليم... معقول بردوا اخطب من غير ما اعزمك...

باسم وهو يهم بالوقوف: ندل وتغنلها.. طيب انا همشي بقي عشان عندي سفر كمان تلات ساعات....
عادل وهو يقف ايضا: ايه هو انت كل شويه تسافر.. مخدش غيرك بيشتغل في الشركه دي ولا ايه...
باسم بحزن: دا عيب انك تبقي الابن الوحيد للعايله... كل شغل الشركه علي دماغي انا...
عادل: معلش ربنا يكون في عونك....
باسم: ياااارب...

وقبل ان يغادر ابشركه نظر بحزن لرنيم الجالسه منهمكه في الملفات امامها ولا تشعر به... زفر بضيق ثم غادر......
.........................................
في غرفة روبا....
مانت بسمه تجلس بجوارها وهي تقول بترحي: يلا بقي وافقي عشان خاطري عشان خاطري..
روبا بضيق من اصرارها: مش هينفع يا بسمه... ما انتي عارفه الظروف اللي حصلتلي... يعني يرضيكي اروح وانا كده..
بسمه: ما انتي زي الفل اهووووو... وبعدين مش احنا اتفقنا ما نزعلش ونصبر..
روبا: والله صابره وراضيه بس انا مش حابه اروح مكان وانا كده....
بسمه: وانا مش ماشيه من هنا غير ورجلي علي رجلك.. ها قولتي ايه.
روبا: اووووف منك يا بسمه.. دا انتي رخمه اوي.. حاضر يا ستي هروح ..بس اختاريلي لبس علي ذوقك بقي عشان البسه...

بسمه: لا اختارلك ايه.. دا انا شاريلك درس هيعحبك اووي ....يلا هساعدك عشان تلبسيه

لحظات وكانت بسمه تضع لمساتها الاخيره لروبا.. بعد ان انتهت ..ظلت بسمه تنظر لروبا الواقفه امامها بمنتهي الرقه والجمال...
كم تبدوا رائعه بذلك الفستان الوردي ...
فأمسكتها من يدها وهي تقول: يلا بقي عشان منتأخرش علي تيم.. ده زمانه خلل من الوقفه بره.....
روبا بذهول: ايه ده هو تيم مستنينا بره...
بسمه: اومال مين اللي هيوصلنا للفرح غيره.

كان تيم ينتظرهم وهو واقف امام سيارته ويستند عليها بظهره مكتف ذراعيه امام صدره

وما ان رآها واقفه امامه حتي خلع نظارته الشمسيه وظل ينظر اليها بهيام بدون حركه

كم تبدو جميله رقيقه كانها احدي حوريات البحر...
اخذ يتفحص كل تفصيله في وجهها الذي بدي اجمل بدون زينه كما السابق..
قطعت بسمه تأمله وهي تقول بلؤم: هو احنا هنستني كده كتير...
تيم وهو ينظر لها بملل فوجدها تضحك : لا يا اختي مش هتستني كتير.
ثم فتح لهم باب المقعد الخلفي وهو يقول: اتفضلوا.
قامت بسمه بامساك روبا من كتفيها وجعلها تسير معها لتقعدها علي المقعد الخلفي وتستدير للجهه الاخري لتجلس جوارها...
اما تيم فاخذ مكانه خلف مقود السياره لينطلق بهم نحو حفل الزفاف الخاص باحدي اقاربهم..
..............................
وقفت امام السكرتيره لتقول:لو سمحتي عايزه اقابل خليفه بيه..
السكرتيره وهي تنظر لها بحيره فهي اول مره تراها فيها....
السكرتيره: اقوله مين يا فندم..
الفتاه: قوليله: واحده عايزاك في موضوع مهم اووي. وصدقيني هيندم لو رفض يقابلني..
السكرتيره وهي تنظر لها بدهشه من طريقة كلامها: نعمممم..
هي بثقه: قوليله انتي بس كده..
السكرتير وهي تقف بحيره: حاضررر.

فتبتسم الوقفه بشطانيه... وتاتي اليها السكرتيره بعد قليل وهي تقول: اتفضلي.. خليفه بيه منتظر حضرتك جوه...

بعد قليل كانت السكرتيره تغلق باب المكتب خلفها..
اما خليفه فظل يتفحص الواقفه امامه بثقه من راسها لاخمص قدميها.. اول مره يراها فلماذا اتت اليه وماذا تريد منه...
اما هي فقالت بثقه: هفضل واقفه كتير.. مش هتقولي اقعدي...
خليفه بذهول من جرأتها: اتفضلي اقعدي..
لتحلس بثقه وهي تضع ساق فوق الاخري
ثم قامت بخلع نظارتها التي تخفي خلف عدساتها تفاصيل وجهها ...ووضعتها امامها علي الطاوله....
فبدت بالحديث قائله: طبعا انت مستغرب انا عايزه منك ايه وليه جتلك خصوصا انك مش تعرفني...

خليفه: واضح انك ذكيه ومش هتلفي ودوري معايا.. انت بقي مين وعايز مني ايه..

هي: انا مين دي مش هتعرفها دلوقتي...هتعرف في الوقت المناسب انا مين..وجايه ليه فانا جايه عشان صفقه فينيس بتاعة الشركه الالمانيه.

خليفه بعدم فهم : مش فاهم. .وضحي اكتر قالت وهي تبتسم بثقه:هي مش شركة الشافعي هي المنافس الوحيد ليك في الصفقه دي... انا بقي معايا نسخه من الملف اللي هيقدموه للشركه الالمانيه عشان يكسبواالصفقه زي كل مره.. بس المره دي بقي مش هيكسبوا زي كل مره.. لان انت اللي هتكسبها...
خليفه: طب وازاي بقي هكسبها منهم...
هي بابتسامه: انا هديلك الملف وانت بقي تقدم عرض للشركه الالمانيه احسن منهم..
خليفه: وانا ايه يضمني ان دي مش لعبه بتلعبوها عليا

هي بثقه: اولا انا مش ليا اي مصلحه اني اكدب عليك...
ثم قالت وهي تهم بالوقوف: بس خلاص لو مش عايز بلاش...
ليوقفها قائلا: طب وايه المقابل
لتبتسم بشيطانيه وهي تعاود الجلوس: اهو انت كده تعجبني.. 2مليون جنيه مقابل اني اديلك الملف..
خليفه: بس ده مبلغ كبير اووي ومش متوفر حاليا..
هي: بالعس ده مبلغ. صغير قووي قصاد ال10 مليون اللي هتكسبهم من الصفقه. '
خليفه: دا انتي عارفه كل حاجه بقي .
هي :مش قولتلك ااني معايا الملف.
خليفه : طب ممكن اكتبلك بيهم شيك.
هي: سوري يا خليفه بيه.. ا انا مش بقبل ششيكات.. لو المبلغ مش موجود دلوقتي..هتصل بيك بكره عشان نتقابل وتسلمني الفلوس كاش اسلمك الملف.
خليفه: ماشي بس هسلمك مليون وانا باخد الملف وبعد ما اتاكد اني هكسب الصفقه هسلمك المليون التانيه.
كانت واثقه بانه سيقول ذلك فاردفت قائله: تمام وانا موافقه..
وبعدها ذهبت ككما اتت..
تلك كانت ندي فعندما علمت ان خليفه هو الد اعداء راكان من المعلومات التي وجدتها في الملف ذهبت اليه..
فالخطوه الاولي في الانتقام هو ان تقرب منن اعداء عدوك..
............
بعد ساعتين .
وصلت اخيرا للفيلا.. حيث كانت يمني بانتظارها
زفرت يمني باريحيه عندما وجدتها تقف
امامها

يمني: الحمد لله انك جيتي قبل ما سة ناديه وراكان بيه ييجوا.. الا لو جم ومش لقوكي كانوا طينوا عيشتي وراكان بيه كانع بهدلك لانك خرجتي من غير غير اذنه..
ندي ببرود: يعمل اللي يعمله ما بقتش فارقه معايا.. انا هدخل اغير الهدوم دي قبل ما حد يشوفني بيها.. وبجد مش عارفه اشكرك ازاي يا يمني علي مساعدتك ليه..

يمني: متقوليش كده يا سة ندي دا انا
اخدمك بعيوني.
ندي بابتسامه واهنه: تسلمي يا يمني..

ثم ذهبت لتبدل ملابسها في الحمام الذي بالاسفل.. فهي استعارت ملابس يمني.. كي تتمكن من الخروج دون ان يشك بها احد..

بعد قليل كان جرس باب الفيلا يرن فذهبت يمني لتفتح الباب فتجد امامها شاب طويل مفتول العضلات فتقول له يمني بتساؤل: مين حضرتك
الشاب: انااا
ليوقفه مجئ ندي وهي تقول ليمني: يمني انا حطيتلك هدومك في

فتتوقف عن الكلام وهي تنظر بصدمه للواقف امامها وهي تهمس قائله: اسااامه!!! ..وو

خلصت الحلقه...
يا تري مين اسامه ده وايه حكايته😍😍

.