رواية جنيه غزت قلبي(الجزء الاول كامل) للكاتبه/آيه سيد قرني الفصل السادس والعشرون 26 - بقلم Aya Sayed

الحلقه(26)

روبا بضيق: ايه ده يعني مفيش ولا بنسيون فاتح عشان نبات فيه... طيب احنا كده نعمل ايه.. بالشكل ده هنبات في الشارع...

تيم: انا بدور اهو يمكن الاقي بنسيون فاتح..
روبا: ياااارب تلاقي بجد انا جسمي تلج من البرد....
تيم  وقد وجد احدهم يسير في الشارع فأقترب منه ليساله: لو سمحت مفيش بنسيون قريب من هنا يكون لسه فاتح لحد دلوقتي...

الرجل: فيه بنسيون ( وانا بس كان مالي) هتلاقيه علي اول الشارع اللي بعد ده..
تيم بتعجب: اسمه إيه..
الرجل: وانا بس كان مالي...
تيم بفكاهه: طب وده من إيه ان شاء الله...
الرجل بملل: وانا مالي  ما تروح تسأل اللي سماه كده....
ثم تركه الرجل وذهب وهو متعصب..
تيم: طب وده اتعصب ليه كده...

اما روبا: كان لازم يعني تعرفه ان دمك خفيف
تيم: الله ما الاسم غريب بردوا فيه حد يسمي وانا بس كان مالي... ده لا محصل محل بقاله ولا اسم اغنيه...
روبا: واحنا مالنا هو احنا هنشتريه... مش تحمد ربنا اننا لقينا بنسيون فاتح... بتتشرط كمان علي الاسم يا برودك يا اخي...

تيم: طب يلا يا اختي يااارب بس نلاقيه لسه فاتح.....

وذهبوا للمكان ووجدوا البنسيون مازالت ابوابه مفتوحه...

في داخل البنسيون

روبا: يعني ايه مش ينفع
الحاج ابراهيم وهو صاحب البنسيون: يعني مفيش غير اوضه واحده فاضيه ومش هينفع انتي والاستاذ تباتوا فيها لوحدكوا....

روبا: بص يا استاذ.. اللي اسم الكريم ايه..
الحاج: حج ابراهيم...
روبا: بص يا حج اسماعيل انا وتيم اللي هو واقف ءدامك ده ولاد عم ومتربيين مع بعض وزي الاخوات... وبعدين احنا مجبورين نبات هنا لأن العربيه عطلت بينا والمكان زي ما انت عارف بيبقي مهجور خاصة واحنا في نص الليل والناس في بيوتها.... ولفينا علي كل بنسيون بس كنا بنلاقيه مقفول.. فمفيش غير ده هو اللي لسه فاتح.. احنا بس هنقعد فيها لحد الصبح مش هنام حتي...
حج ابراهيم: يا بتي كلامك ع العين والراس..  بس اعذزيني انا شفت كتير والله ومبجتش اصدجك اي حد.... انتي وهو ولادم يعني تجوزوا لبعض يعني كده انتوا مش خوات زي ما بتجولي... لو عايزين تباتوا في الاوضه لازم تكونوا متجوزين وتجبولي ورقه تثبت الكلام ده.... اعذريني اصل متعرفيش الاشكال اللي كانت بتيجي هنا عشان يقضوا ليله اعوذ بالله.. وكان بيجولوا انهم متجوزين وفي الاخر بيبجي واحد جايب عشيقته يقضي معاها ليله.... وانا يا بتي مش الكلام ده.. انا مش فاتحها للمسخره وجلة الادب....

تيم: ياحج هو احنا بردوا وش الكلام ده.. احنا بس هنقعد فيها لحد الصبح عشان بس الجوه بره  تلج و الدنيا مش مضمونه ....

حج ابراهيم: انا جولت اللي عندي يا تيجيبوا ورقه تثبت انكم متجوزين يا بلاش... انا مش ناجص بلاوي....

روبا بصدمه: انت بتقول ايه عشان نبات في الاوضه نتجوز انت شكلك اتجننت..بلاها خالص ان شاء الله حتي نبات في الشارع يلا يا تيم.....

وبالفعل خرجت روبا تتحسس الطريقه امامها وبجوارها تيم

روبا : ده ايه الجنان ده يعني عايزنا نتجوز عشان حتة اوضه... رجل مجنون صحيح.  .
تيم: احنا كده هنبات الليل بطوله في الشارع..
روبا: وايه يعني عادي...
تيم وهو يجلس بجوارها علي بعد مسافه: طيب علي راحتك وادي قاعده....

...........................

تلمس جبينها فكان في غاية السخونه وايضا تلمس باقي وجهها خديها  مقدمة راسها وتلمس يدها فوجد حرارتهم مرتفع للغايه...

راكان بقلق وهو يحاول ايقاظها: ندي فوقي يا ندي.. نددددي...
ولكن ما كان منها الا ان زادت ارتجافة جسدها وتسارعت وتيرة انفاسها...
اخرج علي الفور هاتفه من جيب سترته واتصل بالطبيب وطلب منه ان يأتي علي الفور غير آبه بالساعه التي دقت منتصف الليل

بعد مرور وقت ليس بطويل

خرج الطبيب من الغرفه وخلفه راكان

الطبيب: انا عطتها حقنه عشان الحراره تنزل شويه ..بس لازم حد يسهر جنبها ويعملها كمادات عشان الحراره تنزل....

اعطاه روشته وهو يكمل: العلاج ده لازم بتجاب فورا وتدهلها كمان ساعه... ولازم ترتاح ومتعملش مجهود وكمان تتغذي كويس ...
اومئ له راكان بصمت وهو يتناول منه الرشته
بعد ان ذهب الطبيب  اتصل راكان بعادل وطلب منه ان يحضر الدواء بعد ما ملاه اسمه

بعدها دخل راكان الغرفه....

اقترب منها جلس علي ركبتيها بجوارها تناول كفيها بين يديه ظل يتأمل ملامح وجهها الحزينه مطولا.... كم قسي عليها كم اتعبها واحزنها... هي لا تستحق منه ذلك.....

ثم نهض وهبط للأسفل وطلب من يمني ان تحضر له الكمادات...
فأومأت له وذهبت علي الفور لتحضر له ماطلبه...

اما ناديه فسمتعه وهي تهبط درجات السلم فاقتربت منه قائله: لمين الكمادات يا راكان وليه الدكتور كان هنا انا تعبان ولا حاجه يا حبيبي...
راكان: دي ندي يا خالتي.. انا خايف عليها اووي  خايف يجرالها حاجه... ادعيلها بالله عليكي يا خالتي

ناديه وهي تصك اسنانها بغضب ولكن لا تبين ذلك فتحدثه بعدها بلهجه مصطنعه: خير يا حبيبي ان شاء الله...ربنا يطمنك عليها...

اتت يمني له بعد قليل وهي تحمل بين يديها وعاء وبه تلج وكماده

همت ان تصعد بالوعاء
ليقاطعها راكان قائلا: هاتي انا هطلعه خليكي انني هنا.....

وبالفعل اخذ منها الوعاء وصعد به
تعجبت يمني من فعلته فهي اول مره تراه هكذا بهذا الحنان والقلق  بهذا الضعف والخوف ماذا حدث ليتبدل حاله هكذا
لكنها بذات الوقت فرحه بهذا التغير...

علي عكس ناديه التي يأكل الغيظ قلبها اكلا هي قطعا ليست سعيده بهذا الراكان الذي تبدل لعاشق ولهان.. هي تريد الوحش القاسي وليس العاشق المحب.....

..............................

روبا بضيق  وهي تشعر  ببرد شديد: ايه بقي احنا هنفضل قاعدين كده..
تيم: ادامك الحل بس انتي اللي مش راضيه
روبا: يعني عاجبك كلام الراجل المجنون ده..
تيم: وفيها ايه يعني.. ده هيكون حل مؤقت

روبا : قصدك ايه
تيم: يعني نتجوز عشان نجيبله الورقه اللي تثبت كده ..وبعدين نبقي نطلق عادي...
روبا بسخريه: والله.. هي بسهوله كده..
تيم: اه... يلااا بقي وافقي  مفيش ادمنا حل غير كده... بدل ما نتلج هنا...
ترددت كثيرا قبل ان تقول اخيرا: انا موافقه بس جوازنا هيكون  جوازمؤقت  واول ما يبجي الصبح ونمشي من هنا تطلقني أوكيه..
تيم وهو يزفر بمكر: انا موافق...
روبا: بس هنلاقي فين مؤذون دلوقتي..
تيم: متشليش هم انا هتصرف.. انا هدخل اساله عن مؤذون وراجعلك علطول...
روبا: لأ هخاف اقعد لوحدي خدني معاك..

في داخل البنسيون

تيم بأبتسامه: احنا الحمد لله يا حج ربنا هدانا وقولنا نتلم ونتجوز بقي..

لتضربه  روبابقدمها في منتصف ساقه بغيظ فيصرخ بألم وهي يتحسس مكان الضربه..
حج ابراهيم: مالك يا ولد بتصرخ ليه..
تيم: لأ مفيش اصل حبيت اجرب صوتي في الصريخ واشوفه حلوه ولا لأ.... بس الحمد لله طلعت ولا العندليب في زمانه... شوفلنا انت بس مؤذون كده عشان ييجي يخلص الليله دي من غير خساير تانيه...

حج ابراهيم: حظك حلو يا ولدي وربنا بيحبك ..اه والله.. عشان جوز اختي يبجي مؤذون..

تيم: طب وجوز اختك ده نجيبه منين..

حج ابراهيم: ده جررريب منينا.. في الشارع اللي ورانا طوالي... استني هرنلك عليه عشان ياجي دلوجيت...
تيم بمرح😂😂: رن يا حج رن.. ربنا يسترها معاك دنيا وآخره.........

==========================
خلصت الحلقه رأيكم بقي فيها...
فيه احداث كتير مشوقه لسه هتعرفوها في الحلقات الجايه.. وحقايق كتير هتتكشف.. تابعوني وانتوا تعرفوا😍😁