رواية جوائح الدهر الفصل السادس 6 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

بعد الخطوة الأخيرة لم يعد شيء كما كان.
الحقائق التي خُفيت بدأت تظهر
والقرارات القديمة تحمل صدى لم يُسمع من قبل

في هذا البارت
كل شيء على المحك،
واللعبة لم تنتهِ بعد

ـــــــــــــ⊰ ـــــــــــــ

سلمان:: هاي اخر كلمه عندي وسام يعقد على وهجَ فرات يعقد على جوائح..

::- لا اردياً شهگت
عفت كلشي واتقربت من الباب أكثر دخل مسمعي صوت أبويه.

محمد:: بناتي ما ازوچهن وغير هذا الحچي ماعندي ماكو الگم حق تقررون بكيفكم.

::- خليت ايدي على اذني من صوت جدي يعياط بصوت عالي ما تفهم شي  انواع المساب والفشاير وصلت بي يكفر .

  مكدرات اوگف أكثر طول وگفتي علي منتچي على الباب ويفشر بصوت ناصي.

دخلت  وهو ورأي  رأساً انفتح الباب وطلع عمي فارس لازم ابوي وعمي  يهدي بجدي  مجرد شافني ابوي أشر العلي برأسه.

لزم ايدي علي وصعدني فوك   فرات وايان يتعاركون وبس صوتهم طالع  هزيت ايدي وگلت.

وهجَ:: بيتنا صاير عباره عن عرك ادري وين كاعدين احنا وهذا سلمان  كون الله يأخذه ويخلصنه منه گول امين.

علي:: أمين أمين بس روحي الغرفتج واني خليني اشوف هذولة شبيهم يتعاركون.
  كمل كلامه وراح باتجاه غرفتهم صعدت فوك حيلي رايح وكل طاقه ماعندي

دخلت وسديت الباب
خذلتني دموعي ونزلت گعدت بالكاع مجرد اسمع موضوع الزواج يتخربط وضعي
رغم اتعالچت لاكن ماكدرت اتخطى خوفي ولا اكدر اتخطى الأفكار الي تجي بالي كل ما انام
شعور صعب وصفه.

رغم وجودي وي العالم لكن  احس بالوحده
بداخلي طفلة كل يوم جانت تتعرض للاعتداء

عشت أسوأ ايام  ممكن تعيشها بنيه مثلي  كبرت واني بداخلي  رعب وخوف.

التفتت على صوت الباب دخلت رحمه ملامح وجهها ما تتفسر صدت عيونها عليه اجت باتجاهي كعدت كدامي سحبتني الحظنها.

::- ماكدرت اخفي دموعي ولا صوت شهگاتي

رحمه:: اسم الله امي شبيچ
::- رفعت راسي من حظنها وهمست
وهجَ:: جوائح وينهاا!

رحمه:: راحت تحچي وي سلمان
بيچ شي

وهجَ:: للااا مابيه شيء.
رحمه:: ليش تبچين

- صفنت عليها ماكو احد يعرف هالموضوع غير اهلي مسحت دموعي
وهجَ:: درچاتي مو زينه وضچت.

::- عقدت حواجبها ما مقتنعة
رحمه: بس علمو درجاتج!!
وهجَ:: اي

::- طبطبت على گتفي
رحمه::  ماتستاهل تبچين  امسحي دموعج.

:خلصت كلامها وابتعدت عني بس نظراتها چانت مليانه شك..
گعدت على قنفة تنتظر جوائح تچي

القلق والتوتر واضح عليها كل خمس دقايق دگوم توصل الباب وترجع تگعد نصف ساعة واحنا نفس وضعنا نتنظرها

طفرت من مگانها  من سمعت صوت خطوات على درچ ثواني انفتح الباب
دخلت استبرق وراها ايڤار شايل غفران
قبل لا نحچي أشرت استبرق بمعنى اسگتوا .

خلاها على چربايتها واشر النا نطلع
گمت من مگاني  سبقوني استبرق ورحمه
سديت الباب بهدوء وهمست.

وهجَ:: شبيها غفران!.
رحمه:: احچي!!!

استبرق:: شحچي يمعودات اگلت هبطه تسوه عمري أول شيء تخربطت وما قبلت ناخذها للمستشفى أخر شي فقدت

رحمه:: احچي استبرق لا تخوفيني شبيها

استبرق:: اسامه چان موجود هو أخذنا   اخذها للمستشفى ضغطها  صاعد تعرفين شنو  تفكر  موتتني احچي وياها ما يفيد.

::- التفتت رحمه تريد تروح الغرفة غفران رأساً صاحت

استبرق:: لا تروحين عوفيها ايڤار يحچي وياها.

رحمه:: ليش طلعتوها استبرق ليش!
- شسوي هي ما تقبل واسامه خابر ايڤار يچي وهم ما اقتنعت آخر شيء طلعنها .

::- ضلت عين على درچ  وعين عليهن
مجرد لحظات صعد ايان النا ورا وسام بيده علاج  ثنينهم التفتوا علينا ايان ثبتت عيونه على استبرق  اتقدم وسام باتجاه استبرق ورحمه انحنى كدامهن وهمس

وسام:: شبيچن صدك چذب ياهو ما يتمرض هسه تأخذ علاجها وتصير زينة گومن بعد اخوچن الگسره مو الچن السلمان الخايس ابو چرب .

نرسمت ابتسامة على ثغر استبرق
مد ايده يريد يمسح دموعها صاح بي بصوت عالي .

ايان:: گومممم  چيب  العلاچ .

::-  رأساً گام وسام يباوع اله صفح ابتسم بتلاعب وگاال

وسام:: استبرق تعالي وياي ننطي علاج الغفران.

رحمه:: وسام چيب العلاج وانتِ استبرق أخذي وهجَ وادخلن بالغرفه ثانيه وانتٓ ايان أخذ وسام وراحوا شوفوا شصار.

إيان:: ماشي تعال وسام تعال.
::- تغيرت ملامح وسام التفت عليه .

وسام:: وهجَ صيحي اخوچ اريد الفزعه مو اطلبه الفين خلي يفزعلي.

وهجَ:: بشنو يفزعلك!

ايان:: صارن هواي عليك وسام
وهجَ روحي صيحي ايڤار گليله ايان يگول يروح يشوف اخته يا مصيبه راح تسوي.

رحمه:: اصبر وينها هي
ايان:: طلعت وي ابوي

رحمه:: اخخخخ منها اخخخ واني انتظرها شراح تصخم هسه.

ايان:: مادام ابوي وياها يعني إيسي لأن ثنينهم نفس التفكير

وهجَ:: وحق علي وأولاده صدك ابوي يفكر وهي تنفيذ وابن امه يوگفهم .

راحت رحمه وهي تسب بسلمان لحگتها استبرق مد ايده ايان سحب وسام بحركه سريعة دفره وسام ونزل بسرعة لحگه ايان

::- رمشت مرتين أحاول استوعب رغم وسام ثلاثيني  وايان ثلاثيني بس تصرفاتهم عكس عمرهم

هزيت ايدي ودخلت بالغرفه شغلت البنكه وفتحت باب البلگونه  ضربتني نسمات الهوا
اخذت نظره سريعة على  الحديقة كل جزء بيها وكل مكان وكل شجره بالحديقة الها ذكرى خاصه تمشيت للجهة ثانيه سندت نفسي على حايط  مر الوقت واني ضايعه بأفكار.

طلعت من صفنتي على اثر دخول جوائح
دخلت من بره سدت الباب التفتت تتأكد اذا اكو شخص بالحديقة ما شافت احد مشت باتجاه الشجرة اي مثل ما گلت كل شجرة بالحديقة الها ذكرى خاصه وهاي شجرة بذات الها معنى خاص الجوائح.

اخذت زاويه گعدت بيها رفعت كفها تمسح على رگبتها وصدرها وكانما مختنگة
ضلت على وضعها هذا أتأكدت چانت تبچي لان بگل مره تبچي تختنك وتتعب حالتها

استبرق:: شسوين هنأ.

وهجَ:: گلبي راح شبيچ
استبرق:: جبت ملابس الج لسه بملابس الدوام
المن تباوعين چنتي .

::- اتقربت مني مدت رأسها تباوع لمحت جوائح بنفس مكانها ولحد الان  تمسح على رگبتها.

استبرق:: شبيها!
وهجَ:: چانت بره تعرفين واچت خليها ترتاح.

::- سحبتها ودخلنا
مر اليوم هيج ماكو صوت عياط فجأة كلها سگتت  إذن صلينا ونزلنا جوه  الكل موجود ما عدا علي وايان وغفران.
كل وحده بينا أخذت مكان بالسفره والغريب جوجو  گعدت ويانا وفرات گذالك التفتت على استبرق باوعتلي بنفس النظره ورجعت تراقب الوضع بنظراتها

سلمان::  ابنك وين!!
::- ردة علي ابويه بنبرة هادئة.
محمد:: صاحبه بالمستشفى وأدخل وياا

::- رأساً اجت عيني بعين ابويه ابتسم ودنك يخفي ضحكته لأن كذب وگال علي وي صاحبه وهو أصلا علي ماموجود بغداد كلها.

سلمان ::- باچر فرات يعقد على بنت محمد.

::- نطق آخر كلمه وعم الهدوء بالمكان الكل جان متوقع هذا شي ويعرفون بي بس الصدمة فرات ما انطه ردت فعل

زهره:: اللهم صل على محمد وال محمد
بس  منو من بنات محمد

- جوائح.

::- مجرد نطق اسمها جدي الكل صفن حسيت وجهي اتشنچ من  الصدمة وهي نفس فرات ما بدر منهم ردت فعل ولا حتى نطقوا كلمه..
ترخصت منهم وگمت رأساً گامت استبرق وراي.

زهراء:: ماما استبرق خلي الجاي على طباخ.

::- بدون لا تجاوبها سحبتني ودخلت المطبخ
استبرق:: شصايررر وهجَ
وهجَ:: علمي من علمج شمدريني شصاير

::- زفرت نفس بغضب وضلت تركع بالمطبخ
شويه ودخل ايڤار

استبرق:: شبيها هاي ها شبيها ؟
ايڤار:: عقلها مو برأسها.
وهجَ:: يعني كلامه صح

ايڤار:: اكيد صح محد حچه ولا حتى ابوچ كال شي وهي واضح تعرف لان ما انصدمت  مثل الأطرش بزفه.

::- التفتن على صوتها.
واگفه باب المطبخ أيدها على خدها تباوع علينا دخلت  سحبت كرسي گعدت وهزت رأسها بمعنى احجوا

استبرق:: خبله انتِ خبله شلون تسگتين .

جوائح:: الوضع عاجبني وسگتت
ايڤار:: عاجبج تردين رجل!
- اي
:- صفله مو بيدج اخوچ اني اخوچ احترميني

::- ابتسمت ابتسامه واسعه بوجه ايڤار خلته يصفن حقه والله آخر مره شنفنها تضحك لحظه أصلا ما أذكر شوكت أخر مره

استبرق:: تضحك لو اني اتخيل!
ايڤار:: تضحك

::- قطع كلامنا دخول فرات رأسا حچه بدون مقدمات

فرات:: احمم اعتذر اذا راح اقطع حديثكم بس عندي موضوع مهم وي اختك.

ايڤار:: لا عادي.

::- گامت ورا جوائح ايڤار عينه عليهم لمن طلعوا اخذ ماي يشرب صفن علينا شويه مثل الي اتذكر شي شرك بالماي

ايڤار:: شكال هذا ؟
استبرق:: عندي موضوع مهم وي اختك
- واني گتله عادي!!!
استبرق:: اي والله

::- شمر الكلاص وطلع وراهم

وهجَ:: امداني شبي اخوي.
استبرق:: خاف ماخذ حبابه من أسامه.
:- يمكن والله

ـــــــــ⊰ ــــــــــ

:عيوني عليهم وهمه يحچون الغيرة واضحه بعيون ايان كذالك وسام يخطف نظرات الوهجَ الي مركزه وياا بدون ما تحس على نفسها اتحرگت من مگاني اخذت استبرق وتوچهت الغرفتنا بعد ما راحوا ايان أو وسام.

:دخلنا بهدوء لمحت ايڤار لازم ايد غفران ويحرك إبهامه على الوريد حتى المغذي ينزل
التفت علينا وهمس

ايڤار:: تعالي رحمه خليچ يمها لازم اطلع
رحمه:: صاير شيء!
ايڤار :: لا بس لازم اطلع ساعة وارجع

  كمل كلامه دگ تليفونه رأساً فتح خط حتى لا تگعد  غفران همس بصوت ناصي وهو يطلع من الغرفة.

ايڤار:: چايك حمزه مسافة طريق.
سدت الباب استبرق اتقربت من غفران گعدت بصفها ركزت عليها ترمش عرفتها گاعده
خليتها براحتها واشرت الاستبرق نطلع.

استبرق:: ليش نطلع!

::- سحبتها من أيدها وطلعنا.
رحمه:: خليها تأخذ راحتها لو تريد تحچي چان حچت بس انطيها مساحه خليها تنفرد وي نفسها.

استبرق:: وعلاچها !
رحمه:: من تاگل انطيها هسه روحي يم وهجَ هيه هم تعبانه.

::- هزت راسها وراحت تمشيت باتجاه الدرچ ثواني وذكرت المغذي بس يخلص يسحب دمها.

::- رجعت للغرفة ومازلت تسوي نفسها نايمه ضليت انتظر المغذي يخلص مجرد خلص رأساً شلته وطلعت نزلت كل عماتي مجتمعين بغرفة زهره اكيد اكو مصيبة تنتظرنه.

غلست عليهم وطلعت للطارمه فتحت تليفوني دزيتله رساله وقفلته انتظرته يچي لكن أتأخر التفت على صوت الباب اتوقعته اجه بس طلعت جوائح رأساً صرت ورا حايط بمجرد شفتها تتلفت بالحديقة .

::- ركزت على حرگاتها واضح تعبانه ضليت راقبها من بعيد مرت دقايق وهي على نفس وضعها رفعت راسي على أثر صوت وشوشه
لمحت استبرق وهجَ واكفات ويبسبن بيناتهن
رجعت التفتت أتأكد اذا اكو شخص ثاني وفعلاً لحمت غفران واكفه اصبروا هاي مو مريضه شطلعها هسه! المشكله كلهن يباوعن على جوائح الي غافله عن وجودهن

::- هزيت ايدي ادري بزازين كل وحده صاعده بمكان وتباوع أثناء صفنتي عليهن صار صوت هورن بره عرفته اجه رجعت باوعت على البنات  موجودات

::- انفتح الباب دخل لازم السويچ ويفر بي
طلعت من مكاني تمشيت بهدوء لمحني كدامه تغيرت نظراته خله السويچ بچيبه وگال بنبرة حادة.

انمار:: خير ياطير شصاير هاي المره
رحمه:: وعليكم السلام الحمدلله بخير اني شكرا على سؤالك.

::- قلص عيونه مستغرب صوتي العالي
رحمه::تعال هنأ
::- اشرت على مكان جوائح اتقربنا منها وهيَ تراقبنا بعيونها هزت راسها وگالت

جوائح:: أكو شي
انمار:: مادري اختج گالت محتاجتك بشغله تعال واني اجيت

جوائح:: طبعا تچي واكيد سويت طريق خمس دقايق
انمار:: لا شسالفة
::- يحچي وهيَ تهز برأسها ما مقتنعة حمحمت وهمست.

رحمه:: اي اطربيني شنو تنازلات الي راح تقدميها هاي المره!

جوائح:: ما اقدم شيء بدون مقابل.
رحمه:: احچي شنو سويتي؟
انمار:: اني اگلج راح تتزوج هي وفرات بشرط محد يفتح موضوع زواج وهجَ

رحمه:: وانتِ شمدريك
انمار:: فرات چان وياي وهو حچالي .
جوائح:: وهسه فهمتي!

رحمه:: ومعقولة سلمان قبل بسهولة؟
جوائح:: اكيد لا طلب مني اجيب معلومات
بخصوص موضوع العقرب واعرف منو يراقبه
واني اكيد وافقت بس اذا ما لگيت شي عن العقرب شسوي مثلاً!

انمار:: هم حقج سوده بوجه زياد
رحمه:: صحيح صحيح ماراح تلگين شي
وانتِ معقولة راح تقدمين هيج تنازلات وتخضعين القرارات سلمان ؟

::- ابتسمت وهي تحرك رگبتها يمين ويسار.
جوائح:: لا اكيد راح راح أضرب عصفورين بحجر واحد  مثلاً وهجَ محد يوصل الها ثانياً زواجنا اني وفرات اتفاق ثالثاً راح اكسب سلمان الصالحي رابعاً الضربه الاقوه.

::- نهت كلامها وهيَ تباوع النا بنظرات صعب وصفها لكن سرعاً ما انرسمت ابتسامه واسعه على ثغر انمار وكانما عرف البالها..

كتفت ايدي الصدري وابتعدت عنهم
طخ براسي شنو بالهم ثواني واجت ورأي رأساً غيرة نظراتها اختفت ابتسامتها المصطنعة ورجعت الشخصيتها  بش دخلنا للبيت

عفتها تحچي وي امها وامي تباوع ألهم بحزن بوستها وصعدت فوك  اشتغل  مر اليوم وقت العشه فتح الموضوع سلمان حاولت أنصدم بس شسوي ما اعرف اجذب

اخذتلي زاويه ارقب تحركات الكل لمحت عمتي تطلع باتجاه الحديقة الخلفية التفتت على فرات رأساً راح باتجاه المطبخ اخذ جوائح وطلع وراها الكل ملتهي بموضوع عقد حوائح وفرات وغافلين عن الحياياه الي جاي تذب سمها بكل أنحاء البيت.

::- ربع ساعة دخلت عمتي وجهها ما يتفسر راحت الغرفتها والعقارب ثنينهم ماكو اي  اكيد قصدي فرات جوائح .

انسحبت بهدوء وصعدت فوك استبرق وهجَ  بالمطبخ اكيد يحچون على عالم.

فتحت الشباك لمحت حوائح واكفه بصف فرات وكدامهم ايڤار  اخذت نفس براحه تمدتت بمكاني والف فكره براسي الله يستر من الچاي .

من تعب نمت رأساً للفجر گعدت  كلهن نايمات بمكانهن بس هاي البلوه ماكو بمكانها
كعدت البنات يصلن وطلعت اشوفها وين دورت بكل مكان ماكو أثر الها فص محل وذاب

رجعت صليت حتى أشوف وينها  بس سبقتني ودخلت هيَ وعلي  الي لابس ملابس شبه قديمه ومخلي شماغ  على وجهه بس عيونه طالعه .

جوائح:: اسم الله شكو كاعدة هنا!
رحمه:: هذا سوال موجهة الج وين جنتي!
علي::  وياي يأبه شبيج رحوم

رحمه:: وانتٓ ولك وين جنت الي يشوفك يكول جنت بالبواتين
علي:: يجوز صدك شمدريج انتِ.

::- مر من يمي وهو يندند بأغنية

هوايه غيبتك طالت عليه

هوايه غيبتك طالت عليه

انقهر من أسمك اسمع

اذگرگ وعيوني تدمع

فدوه اروح القلبك
ارجع هوايه غيبتك طالت عليه
حالي حالي حالي حس بحالي يالغالي

يندند بالكلمات ويركص على درچ

جوائح: وسم العالم دگول يالله  من صبح انتٓ تغني

دزلها بوسه وركض على درچ

زفرت نفس بغضب عفتها تدخل لان واضح تعبانه بعدين استلمها وهذا شبي ثاني لبسه مو طبيعي استغفرالله ليش اكو واحد طبيعي بعائلة سلمان 

رجعت نمت للتسعه الكل گعد مخبوص انشغلنا بالبيت  طلعت امي وعمتي نيرمين للسوك والبنات كل وحده بيهن لازمه شغله حتى كوثر الي فرحانه كانوا عقدها طايره من الفرح وتشتغل بحماس

:: مو گتلگم ماكو واحد صاحي هنا لا حول ولا قوه الا بالله
اصبر يا صاحب صبر.

للعصر بعد ما نظرنا كلشي اجه شيخ حتى يعقد ألهم. اقارب سلمان الخايس كلهم موجودين والبيت فوضه منهم .

نص ساعة صاحوا راح يدخل الشيخ.
وفعلاً دخل  گعد مقابل جوائح وفرات الي ملامحهم ما تتفسر بلش الشيخ يعقد ألهم رغم اكو شعور بداخلي غريب
طلعت من صفنتي على أثر صوتها
من اول مره همست

جوائح:: نعم انتٓ وكيلي .

::- تعالت أصوات الهلاهل مسح على وجهه فرات رغم يحاول يخلي نفسه طبيعي بس اكو لمعه بعيونه نرسمت ابتسامة واسعة على ثغره
لاكن اختفت بسرعة ورجع يمثل أنو هو مو فرحان.

::- أما جوائح كانت هادئة اول مره احسها كيوت صراحتاً نظرات عيونها حرگاتها كلشي بيها جان مميز.

استبرق:: الله يخبلون
رحمه::  شبيچ كمزتيتي

::-  ورا ساعات العالم بلشت تروح والي بقوا  تعشوا عمو محمد وابويه  همه جابوا الأكل من المطعم محد طبخ

جوائح:: صعدت الغرفتها دخلت سبات عميق وإني التهيت بهوسه البيت النص اليل خلصنا شغلنا طفيت الإضاءة وطلعت للاستقبال دخل مسمعي صوت ايان وهوا يحچي وي زياد وانمار.

ايان:: شبيهم انچلبوا
زياد:: الواضح هيچ لو مو موجودين هناك چان واحد كتل ثاني.

انمار:: اصوچ بأيهاب هو الي اچه يسب ويفشر
ايان::  *****

حمحت رفعوا رأسهم باتجاهي
ايان:: لا تسألين شكو لأن ادري سمعتي.

رحمه:: للأسف سمعت وراح اصعد انام وباجر أستفسر منگم طلعت من يمهم واني افكر شنو سبب خلاف فرات وايهاب رغم صداقتهم قوية.

صعدت فوك لمحت شخص طلع من غرفة البنات ملابسه سود لابسه ستره سوده والكبوس على رأسه ما واضح شي من غير السلاح الي بيده حسيت كل أطرافي جمدت
بمجرد رفع السلاح بوجهي و.....

⊰ مشهد من البارت القادم⊰

رگضت بسرعة احاول اخلص نفسي لكن كل محاولاتي فشلت بحركه سريعة طوق خصري بيده خله گلنس على خشمي مجرد ثواني اختل توازني غوشت عيوني وبعد ما حسيت بشي

ظنوا أن الأمور ستسير كما يشتهون
لكن شيئًا غريبًا بدأ يلوح في الأفق لا يُرى لكن يُحس كل خطوة وكل ضحكة كانت تمهّد لما لم يتوقعوه وفي تلك اللحظة، شعروا بأن حياتهم على وشك الانقلاب إلى ما لا يعرفون

يـتـابـع

ـــــــــــــ⊰ ـــــــــــــ