رواية جوائح الدهر الفصل السابع 7 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

توقفت أنفاسها حين ظهر فجأة في الأفق، لا أحد يراه قادم نظراته كانت كالسهام تخترق كل شعور بالأمان
كل ما ظننته واقعا مجرد بداية لما لم تتخيّليه
وانطفأ كل شيء حولها تاركاً صدى القادم ينتـــظر

ـــــــــــــ⊰ ـــــــــــــ

رحمه:: صعدت فوك لمحت شخص طلع من غرفة البنات ملابسه سود لابسه ستره سوده والكبوس على رأسه ما واضح شي من غير السلاح الي بيده حسيت كل أطرافي جمدت
بمجرد رفع السلاح بوجهي .

علي:: سلاممم
::- رفع رأسه الي رمشت مرتين أحاول استوعب

رحمه:: اليوم احرك جد جدك يا علي ولككك بشرررر انتٓ كل شويه مهبطني.

علي:: احرگيهم عيناي وشرفي اخذت سلاحي أختي ضامته يمها عبالها اروح افرغه براس سلمان اهدي وأخذي نفس روحي خلي راسج على مخده تغطي ونامي اذا انچلطتي الله يرحمج واذا ماصار بيج شيء بيها الخير وبعد بقت يم الله بعد يلا سلاممم.

::- كمل كلامه آخر شيء نزل رگض خاف اغرد هبطني الغبي عليمن يطلع ما شاءالله كلهم لا عقل ولا صخام .

جوائح:: لا تعممين رحمه
وبعدين شصار هسه مو بعدج عايشه

رحمه:: وخري عني مو صوچچ صوچ اليحجيلج.

- شبيچ عيني شبيچ

رحمه:: ارجعي انطمري خليني انطمر
سحبت الغطه ونامت ربع ساعة أتأكدت منها نامت گمت بهدوء فتحت الباب ونزلت للطابق ثاني تمشيت بهدوء الغرفة ايان رفعت ايدي افتح الباب لكن استوقفني صوته.

فرات:: الولد كلهم بهاي الغرفة وين داخله.

::- التفت اله منتچي على حايط مثبت عيونه باتجاهي.

جوائح:: اچيت الك مو ألهم.
فرات:: واني هنا واكف انتظرچ

::- أشر الي تعالي مد ايده يلزم ايدي
استغربت من حركته خليت ايدي بيده عصر گفي حيل.

نزلنا جوه وهو ما عاف ايدي.
فرات:: نگعد هنا لو بالحديقة
جوائح:: لا بالحديقة احسن هاي زهره هسه تطلع من غرفتها تصلي.

::- انرسمت شبه ابتسامة على ثغره على طريقة كلامي واني اقلد عليها.
طلع گدامي واني ورا.

بدون لا يسألني راح گعد بنفس المكان الي اگعد بي دائماً والي زاد استغرابي اشر بالمكان الگعد بي بكل مره انزل بالحديقة وهمس.

فرات:: هذا مگانج تعالي هنا

جوائح:: شو انت ماخذك الواهس تلزم ايدي وترديني اكعد يمك وبعدين تعال اگلك منين تعرف هنا اگعد اني

فرات :: شوگت تلزمت ايدج هنه اربع مرات
ثانياً اشوفج تگعدين هنا

:- اربع مرات شوگت
- مره من تصاوبت واليوم من لبستج الحلقة.
ومره قبل شويه والمره ما اذكر.

::- نهى كلامه فتح تليفونه يحاول يضيع الموضوع اتقربت منه گعدت بصفه .
ركزت على حلقة بيده رفعت ايدي اباوع على الحلقة البيدي باوع الي بطرف عينه وکال بنبرة غريبة

فرات:: احسها مضايقتج
جوائح:: للا واذا مضايقتني ما ألبسها بس اني ما اختار شيء يضايقني.

::-ابتسم بستهزاء
فرات:: الي يسمعج يگول قرارنا هذا زواج

:- اممم حتى لو قرارنا بس الصالحنا وماكو احد راح ينظر بسبب هذا شي

-: منو گال محد ينضر
جوائح:: اني

::- التفت بكل جسمه الي  .
فرات:: تحچين بثقه وانتِ جاي تضرين نفسج بيدچ.

::- سكتت ثواني ينتظر جواب مني بس غيرت الموضوع فوراً.

جوائح::- خلينا نگون صريحين انتٓ اكو بنيه بحياتك

::- مسد بكف ايده على لحيته زفر نفس بحسره
فرات:: اي اكو.

- حلو اگدر اعرفها!

- حالياً لا وما أتوقع راح تعرفيها بيوم.
- ليش
::- صفن بوجهي سحب باگيت الجگاير ورث جگارته أخذ نفس منها.

فرات:: الاحبها تحب اعز اصدقائي.
:- وهو
:-: يحبها واني عاشگها من زغر

جوائح:: وانتٓ بعدك ساكت !
فرات:: مثلاً شسوي
:- مادري بس مثلاً لو اني بمگانك راح اسحب نفسي من الطرفين ابتعد عن صديقتي أما الحب ما ينسى بسهولة بس اذا تختار نفسك تكدر تمحي كلشي.

فرات:: تفگيرج يختلف عن تفگيري
- يمكن يختلف بس شنو الي يخليك تحب انسانه تعرف بيها تحب غيرك

:-: وانتِ عليمن ضايجة
-: ضايجة شنو فرات انتم غربين الى ابعد الحدود

التفتت اله بكل جسمي وكلت.
جوائح:: بله هيَ تعرف بيك ؟
فرات:: اكيد تعرفني
:- حلو زين اذا تعرفك وتعرفها ليش ما حچيت وياها!

فرات:: احچي وياها شنو چانت تعرف اسمي
ماكو حديث جمعني وياها.

:: لا حول ولا قوة الا بالله شلون حبيتها!!!
::- ضحك بخفة .
حبيتها بطفولة وچنت أضن حب مراهقة فترة ويروح.

جوائح:: وماراح
فرات:: لا قنعت نفسي هي طفلة وآخر مره شفتها چان عمرها اربع سنوات وكل فترة اسمع عنها من أخوها سنه ورا سنه كملت دراستي ومن رچعت من سفر اول وحده شفتها بالم.....

::- قطع كلامه مثل الستوعب شيء.
جوائح:: ليش سكتت كمل!

فرات:: انسى وبعدين ما عندج غيرة زوجج يحچي كدامج على وحده ثانيه وساكته!

- بعدك ما صر...
فرات:: ادري ادري ما صرت زوجج حفظتها كملي
- اي أو زواجنا
: ادري زواج مو حقيقة فهمت
جوائح خلينييي احچي فرات راح اخنكك وحق علي

فرات:: كملي عزيزتي كملي
- اي المهم ماعندي غ...
- صحيح ما عندج غيرة لان ما تحبيني فهمت

جوائح:: شوف راح انفجر فرااااتتت.
- اششش صوتج لچ

- ليش تقاطعني ليش
- لان سمعت هذا كلام هواي

نطق آخر كلمه والتفت على صوت الباب.
طلع ايان من البيت يتلفت اذا اكو احد يشوفه
رأساً سحبني فرات رفع كف ايده على حلگي وهمس.

فرات:: اششش ولا حرف هسه يلزمنه.
باوعت اله صفح قبل دقايق كال اني زوجج وهسه خايف أحد يشوفنه .

رجعت التفتت على ايان صعد على سياج يباوع على شباك غرفة البنات من الجهة الي يباوع عليها عرفته يشوف استبرق .

::- بنفس الحظة درت وجهي على فرات مقلص عيونه ويهز راسه بمعنى بسيطة

جوائح:: هذا مو اخوي يمكن مضروب على راسه

فرات:: لا اخوج هذا وماگلني حاصل فاصل.
ضلينا نراقب بي الى أن دخل فلتنا الغرفتا بهدوء تمدتت بمگاني سارحه بأفكاري كلام فرات ضل بالي وحاسه اكو شي واحساسي ما يخيب

ـــــــــ⊰ ــــــــــ

وهجَ:: حسيت اكو حركة بالغرفه رفعت الغطة باوعت بكل الغرفة ماكو احد التفتت عليهن كلهم موجودات بالغرفه ما عدا جوائح .
هزيت راسي بأس اكيد راح تطلع لو تجرح أيدها ماكو شيء يخليها تطلع بهيج وقت غير هالشي

ضل بالي يمها طار نوم من عيني نص ساعة او اقل طلعت اشوفها وين نزلت جوا طلع بوجهي عمي باوعلي بنظرات بمعنى شنو منزلج بهيچ وقت

وهجَ:: ها عمو رايد شي.
:- لا عمي شنو مگعدج لحد الآن.
:-: نمت من وقت وگعدت اقرأ تعرف اني سادس ولازم أقرا

::- هز راسه مبتسم مر من يمي مسح على راسي وراح الغرفته.
ماكدر أنكر عمامي كلش حبابين بس هذا سلمان اخخخ لو اگدر اقطعة قطع صغيرة

استغفرالله لازم احافظ على انوثتي الله ياخذك سلمان.

- امين يارب.

::- شهگت مصدومة خليت ايدي على گلبي

وهجَ:: صدك جذب كل شوية واحد طالع مو وكفتوا گلبي .

وسام:: سالم گلبج بنت محمد.
وهجَ:: شسوي هنا!

وسام:: جنت بالاستقبال گاعد سمعت صوت عمي فاضل اچيت

وهجَ:: اي راح الغرفته وبعدين شبيك واگف بصف الباب هيج

::- حك ارنبة خشمه وهمس.
وسام:: انتظر اخوي يچي.

- اهااااا وينه ابو نسب شعده بره بهيج وقت واختي المسكينة ما تدري بي وين غاط.

-

المسكينة اختج وي اخوي خاتلين بالحديقة

استغفرالله استغفرالله الله اعلم شيصير هناك.

وهجَ:: أختي وي اخوك بره!!
وسام:: استغفرالله اي ثنينهم بره

- لا صدك استغفرالله يمكن جاي يحجون بموعد زواجهم.

- صحيح اخوي خوش رجال
وهجَ:: اختي هم خوش رجال
::- ضحك بصوت ناصي ثواني واستوعبت شنو جفصت .

وهجَ:: ط اقصد خوش بنيه خاني التعبير.
وسام:: ههههه واضح ولو فعلاً اختج مو هينه.
تعالي لا توگفين هنا خلينا نگعد

- راح للمطبخ كدامي ما شاء الله شكو واحد يريد يگعد يروح للمطبخ رحت ورا گعدت على كرسي وهو وگف يسوي چاي.

وسام:: صحيح وهجَ أي مادة صعبه او عندج شيء تحتاجين مساعده بي اني موجود.

وهجَ:: حالياً ما محتاجه شيء بس اذا احتاج اگلك .

::- هز راسه مبتسم سگت ثواني عينه طباخ وعين على باب حسيته خايف احد يدخل ويشوفنه سووا بنص الليل وما شاء الله تفگير العالم الي هنا مثل العسل.
صب الچاي واجه باتجاهي اخذت الگوب منه سحب كرسي وگعد كل شوية يلتفت نزعجت من تصرفه.

وهجَ:: اني راح اصعد فوگ شكراً على چاي.
وسام:: العفو.

::- نطق آخر كلمه بابتسامة شويه وحلگه ينشگ كد ما يبتسم درت وجهي اريد اطلع لمحت ايان ينزل من فوگ من الخوف حتى نسيت شلون احچي رأساً التفتت على وسام اشرت
اله يطلع باوعلي مستغرب

::- همست بصوت ناصي
وهجَ:: اجه اجه.

::- ماعرف منو اقصد بس بسرعة أخذ كوب چاي وطلع من الباب الي هو أصلا مفتوح.

::- طلعت بسرعة لمحني كدامه قفل تليفونه
ايان:: وهجَ؟
وهجَ:: ها اخي العزيز.

-: شسوين كاعده بابا شگتلج اني
:-: اخي عزيز گلبي نمت وگعدت وهسه انتظر الأذان اصلي واكعد أقره.

:- عفيه حبيبتي يلا روحي الغرفتج ولا تطلعين وحدج بهيج وقت البيت مو فارغ مثل قبل .

::- لا ارادي ابتسمت على حنيته بوسته وفلتت الغرفتي وادعي كون ما يشوف وسام جوه
لحظه جوجو والنسيب بره يلا يدبرون وضعهم هسه تلف الموضوع بسهولة.

فتت خليت مخدتين مگاني وغطيتهم تحسباً تچي جوجو وتضل دور عليه ولو ما تمشي عليها بس اضحك على نفسي.

اخذت الكتب وتليفوني ورحت للغرفة ثانيه.
قفلت الباب حتى اخذ راحتي صار عندي فضول اشوفهم شنو يسون برا استغفرالله لا يروح تفكيركم بعيد قصدي شريف
طلعت للبلگونه اخذت نظره مطوله لمحت ايان يدخل للبيت استغربت وينهم همه .
دخل ايان طلعوا من جهة المخزن واگفه كدام فرات وهو يسولف وياها

عفت كلشي وركزت على فرق طول بينهم
الفرق كلش واضح هيَ ناعمه وهو طويل بس منظرهم يجنن والزاد استغربي ضحگة جوائح تضحك ومندمجه بالحديث ويا عكس وجودها وي الباقيه دائماً هادئه نادراً اشوفها هيچ .

::- ضلت عيني عليهم لمن دخلوا اخذت نفس زادت حيرتي همه على أساس زواجهم اتفاق بس الي يشوفهم يگول العكس  درت وجهي اباوع على شباك غرفة زهره لمحت عمتي انعام تباوع عليهم  وتليفون على أذنها كأنها تحجي مكالمة وي شخص....

ـــــــــ⊰ ــــــــــ

فاطمه:: اخذت جنطة غفران  وراهن
لكن لمحت نفس الشخص الي صارت اشوفه اخر فترة بالگلية صدت عيوني علي مجرد التفت الي درت وجهي الستبراق مجرد گالت ابن عمها زادة حيرتي ليش هذا انسان فجأة صرت أشوفه بكل مكان استأذنت من استبرق ورجعت للكلية

خلصت وقت الدوام بدون تركيز طلعت من القاعة أروى واديان ينتظروني بالباب هرولت الهن شمرت جنطتي على اديان.

اديان:: شبيج فاطمة
فاطمة:: راسي يوجعني وين احمد.
أروى:: ينتظرنه بسيارة واحنا ننتظرج هنا.

::- هزيت راسي وتوجهنا للسيارة الطريق كله يتشاقون وي احمد اما اني كنت فاصله عنهم
وصلنا للبيت سلمت على الكل ودخلت بغرفتي.
شمرت نفسي على جرباية شارده بأفكاري

نص ساعة انفتح الباب دخلت مرت اخوي وگالت.

سما:: تعالي فطم يسألون عليج.
فاطمة:: منو هنا!
سما:: بيت عمو رسول كلهم هنا.

::- گمت من مگاني اغير ملابسي
صفت ثواني استوعب باجر عقد قران اديان
بدلت بسرعة وطلعت

فاطمة:: مساااء الخيررر.

الكل:: مساء النور.
سلمىت عليهم التفتت على سيلين كاعده بصف زوجها التفتت اليه سوتلي مكان بصفها اشرت تعالي گعدت بصفها همست.

سيلين:: شبيج وجهج مخطوف لونه!
فاطمة:: مخطوف لو رايح
::- لا ارادي ابتسمت ضربتني بخفه ورجعت تركز بحديث خاله حمديه بخصوص العقد.

آخر شي اتفقوا على كلشي طلعت سيلين وسما واديان للسوك شهرزاد استلمت البيت ترتب وترزل بينا مجرد خلصت فلتت الغرفتي فتحت تليفوني دزيت رسالة الوهجَ أكد عليها تچي.
قفلت تليفون تمددت بمگاني مستسلمه للنوم.

صحيت ثاني يوم ضربت الدوام بعرض الحايط والتهيت بترتيب توزيعات العقد
وشهرزاد راحت وي اديان للصالون اما الباقيه يساعدون سما قبل لا تچي أديان بنصف ساعة
دخلت وهچَ وياها استبرق وغفران من الفرحة ضليت اكمز استقبلتهم سيلين
تعرفوا على سالي وسيلين أما استبرق اجت بصفي.

استبرق:: شبيج شارده هنا!
فاطمة:: تعبانه ومالي خلك
استبرق:: عقد اختج يمصخمه صخام الصخمج گومي ارگصي.

::- ضحگت بصوت ناصي مجرد وصلت اديان بلشوا بمراسم العقد إلى أن تم عقدهم .

سحبتني وهجَ واستبرق يرگصون رگصن من كل گلبهن ساعة ساعتين واحنا مندمجين اتصل شخص على استبرق هزت ايدها وگالت.

استبرق:: يلا خلينا نطلع ابو حبايه گاعد ينتظرنه استأذنو وطلعوا ركضت اجوان ورا وهجَ طلعت ركض وراها لمحتها واگفه يم سيارة لازمتها وهجَ

::- اتقربت منهن شلت اجوان بيدي بحركه سريعة سحبت شعري تفلت عليها وصارت تبجي من صدمة ضليت صافنه عليها انفتحت جامه سيارة

مد رأسه اخر شخص توقعت اشوفه التفت على اجوان صاح عليها.

أسامه:: بنت الحيوان شبيج.
اجوان:: تفف عليك.

::- ضحگت وهجَ تصفق بيدها نزل الها يسب بيها من بعيد لمحت زياد اجه بتجاهي بلعت ريگي بتوتر ابتعدت عن اجوان اتقرب اخويه وكال.

زياد:: ماكو غيرك خايس تعالي بابا
- شال بنته وبعده مستمر يحجي ويا أتأكدت يعرفه لان اكو ميانه بينهم.

::- طول الحديث يسرق نظرات
اخر شي لزم أيدي أخوي والتفت يمشي  اجت عيني بعينه اكو شي ما عرفت افسره بنظراته دخلت جوا.

::- ضلت براسي نظراته خلال آخر فترة شفته يتواجد بالكلية هواي رغم حسب كلام احمد مكمل دراسته هوا.

رجعت اتذكر اخر موقف صار بيناتنة.

قبل يومين.

ساره:: وين رايحه فطم.
فاطمة:: اشوف احمد وينه نسيت تليفوني عده.
ساره:: اجي وياج عفيه.
::- زفرت نفس وهي ورا مستمره اخذت تليفون اديان اتصلت علي طلب من انتظره وفعلاً عشر دقايق اجه الي.

شمر تليفون وراح مستعجل رجعت للقاعة لمحت مريم واگفه وي ابليس تحچي
اي احسه شيطان بسبب الوشم  لا تستغربون.

ركضت ساره الهم واني وراها.

ساره:: مرحبا مريم تعالي محتاجتج.
::- مجرد لمحتمني مريم تغيرت ملامحها حسيتها توترت.

ما أعرف ليش حسيت بشعور غريب كانوا أكو شي دا يصير من وراي.

مر من يمي هو وعيونه تتنقل بين ملامح وجهي.

ضلت عيني تراقبه الى أن اختفى تركت البنات ودخلت بنفس الحظه اجتني رسالة بس قبل لا اشوفها نخذفت

مجرد فتحت رسالة حظرني المرسل زاد الوضع غرابه.

::- طلعت من صفنتي على أثر صوت زياد.

زياد:: بيج شيء روح اخوج
فاطمه:: لا حبيبي بس اريد ارتاح تعبت.
::- مسد على رأسي ودخلت قبله ضلت الأفكار برأسي طول الليل گاعده للصبح سحلت نفسي أروح للدوام لكن كنت جاهله الي ينتظرني ما كنت اعرف راح اروح برچلي الدماري.

حظرت نفسي بوست اختي وطلعت مستعجله مثل كل اليوم الفرق هاي اخر مره اطلع من هذا البيت فرحانه وگفت بدايه الفرع انتظر يچي احمد

::- ثواني وحسيت اكو احد وراي رچف گلبي حسيت أطرافي جمدت بمجرد سمعت صوت غريب گفختني ريحه عطر مو غريبة اي اعرف هذا العطر بنفس الحظة انمدت ايد على گتفي

بدون تفگيرر رگضت بسرعة احاول اخلص نفسي لاكن كل محاولاتي فشلت بحركه سريعة طوق خصري بيده خله گلنس على خشمي مجرد ثواني اختل توازني غوشت عيوني وبعد ما حسيت بشي.

::- اصوات غريبة ريحه قويه صوت خطوات يرن بأذني وجع براسي مو طبيعي فتحت عيوني استرجع الصار گمت من مكاني مفزوعة بنفس الحظة اختل توازني وگعدت بالكاع لا حول ولاقوة فرگت عيوني بكف ايدي أحاول اشوف المكان بوضح.

::- مكان مليان براميل گبار بكل مكان التفتت بكل زاوية مكان أشبه بالمخزن كل أطرافي جمدت بمجرد شفت أثر الحرق على حيطان صخام اسود على كل حايط كزاز مطشر بالكاع ريحه نفط قوية هذا المكان مو غريب عليه هذا.
::- سندت نفسي على حايط أحاول اوصل للفتحه الفوگ مره مرتين احاول صعد بچيت بدون صوت آخر محاوله رفعت نفسي على برميل باوعت من الفتحه الفوك لمحت البيت المقابيل المكان هذا البيت بيتنا القديم
لزمتني الرجفة بچيت من خوفي وين اخوي اختي وين شرجعني هنا.

::- حسيت اكو حركة قريبة مني قبل لا التفت اندفر البرميل طلعت صرخه مني بدون لا احس وگعت من فوك لجوا على الكزاز صرخت بصوت عالي من الوجع .

انفتح الباب بسرعة دخل أسامه ثبتت عينه على الشخص الي دمر طفولتي وحياتي الشخص الي چنت احتمي بي من العالم رغم أكثر شخص دمرني هو اتقرب مني بخطوات بطيئة حركت نفسي زاد الوجع أكثر رفعت ايدي اريد احد يخلصني بس اتقرب مني سحك برجله على ايدي صرخت بصوت رچ المكان الإسم الوحيد الي جان على الساني
هو اسم اخوي

بحركة سريعة اندفع عني حسيت روحي طلعت انرفعت من الگاع بحضن اسامه هو بيده چابني إلهنا

:: صرخ بصوت عالي.
عادل:: وين ماخذهااااااااا.
اسامه:: حسابك بعدين انتِ مو هيج اتفاقنا
عادل:: اتفاقنا تچيبها الي ولا تنسى اني ابوها ومالك حق تدخل..

حلّ الهدوء فجأة وكأن المكان توقف عن كل حركة أصوات خافتة تعالت بين الظلال وشيء غامض كان يقترب بلا سابق إنذار شعرت أن اللحظة القادمة ستقلب كل شيء رأسًا على عقب وأن ما سيحدث لن يسمح لها بالعودة كما كانت

يـتـابـع

ـــــــــــــ⊰ ـــــــــــــ