رواية جوائح الدهر الفصل الثامن 8 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمه منكنّ تمنح القصة روحًا أجمل 🌿

ملاحظة من تابعني في قصة الانقطاع 5 يعرف تفاصيل حياة فاطمة أمّا البقية فلا تتعجّلوا فكل شيء سيتّضح في وقته فالغموض أحيانًا هو أجمل ما في الحكاية

ـــــــــ⊰ ــــــــــ

عادل:: اتفاقنا تچيبها الي ولا تنسى اني ابوها ومالك حق تدخل.

أسامه:: اطلع گدامي نتفاهم عااادل.

::- كمل كلامه وثبت عيونه على ايدي خلاني بمكان بعيد عن الكزاز ألتفت عليٌ طلعوا ثنينهم اريد أصرخ بس صوتي راح رفعت كف ايدي حاولت احرگها زاد الوجع أكثر
ظهري يوجعني صرت ما اميز الوجع منين وبيا مكان غصب عني نزلت دمعتي.

شرجعني هنا شيريد مني هذا الكلب منين يعرف عادل بمجرد اذكر اسمه جسمي يرجف لا اردي مسحت دموعي وي دخوله.

::- رفعت عيني علي دخل بيده علاگه بيضه.
التفتت صفح اكو علبة بيها أدوات تصليح سحبت منها الدرنفيس وصحت بي.

فاطمة:: وحق علي خطوة وحده انوم الدرنفيس بگلبك .

::- وگف بمگانه خله العلاگه على برميل .
اسامه:: صوتج رايح تلعلعين شگوو!

فاطمة:: تسأل شكووو ياحقيررر انتٓ چبتني هنااا ياااا نذل شتريدددد منييي.

::- باوعلي بنظرة بارده أتقدم باتجاهي لا اردياً رجفت ايدي رفعت الدرنفيس ردت احجي بس قاطعني.

اسامه::  ذبي هذا من ايدج ما يفيدج ثانياً صوت واحد ما اريد.

::- مجرد وصل يمي ضربته بالدنرفيس وفعلاً ما فادني اجه على خاصرته گعد گدامي رجعت لي ورا ضرب ظهري بالحايط شاطت روحي من الوجع عفست وجهي متوجعة.

اسامه:: ما أسوي شيييء شبيجج
فاطمة:: وخر عنيييي وحق علي زياد يموتككك تعرف شنو يموتككك.

::- ما بدر منه ردت فعل أخذ بطل ماي مد ايده بچيبه طلب شريط حب طلع حبابه منه واجه باتجاهي بسرعة دفرته برجلة لزم ايدي حيلل
رفعت ايدي التوجعني رگعته على عينه

رأساً  لزم فگي بقوه حيلي انهد واني اضرب بي وما اتحرك خله الحبايه بحلكي وضغط على فگي رفع بطل الماي ضربته وكع البطل  على ملابسه  تفلت بوجهه

أسامه:: لا يا بنت الگلب شووو تعالي.
::- جرني حيلي ثبتني كدامه رغم مقاومتي  ماكدرت اله  خله قطعة على خشمي ضغط بيده على وجهي الحظه حسيت نفسي راح اموت صار غوش بعيوني آخر شي حسيت علي من همس.

اسامه:: چاي تچبريني أستخدم هذا الأسلوب وياچ .

::- ما اعرف شكد مر الوقت فتحت عيوني    الوجع البراسي مو طبيعي اجت عيني على سقف يختلف مو نفس المكان الچنت بي فتحت عيوني بصدمة مجرد حسيت نفسي بدون تشيرت رفعت أطراف الغطة وادعي البالي مو صح

كل أطرافي جمدت ولا قطعة ملابس على جسمي  من بشاعت المنظر الچنت بي رجف گلبي  رفعت الغطة كله استر كل جسمي لزمتني الرجفة دموعي صارت تنزل بدون ما احس على نفسي ماكو كلمة تعبر عن شعوري

التفتت على أثر صوت الباب بدون وعي مني طفرت من مگاني خايفة أحد يشوفني بهذا الوضع  انفتح الباب مجرد دخل صارت عينه عليه واني واگفه  بنهاية الغرفة .

::- لمحني ابجي ابتسم وهو يقفل الباب من الرعب الي عشته ماگدرت اوگف على حيلي سانده نفسي على حايط

::- نزع ساعته شمرها على جرباية وعينه على المكان الچنت نايمه بي زادة ابتسامته
وزاد وجع گلبي واني اشوف الدم بمگاني

::- اجه باتجاهي حسيت نفسي گوا اجر النفس
وگعت بالگاع سحبت رچليه الصدري لازمه الغطه وگف قريب مني مجرد انحنى يگعد نزلت راسي.

اسامه:: ارفعي راسج بنت عادل
موو احچيييي وياچ

::- جرني من كتفي رفعت راسي  فتح الموبايل مالته شغل فيديو بدون ما اباوع بالفيديو بس سمعت صوت عرفته عادل كل كلمه سمعتها ضلت ترن بأذني .

اسامه:: كد كلمتك انتٓ؟
عادل:: كدها سلمني الگتلك علي واخذها
****** واشمرها على اخوها الك***** واذا تكتلها احسن
أسامه:: واذا عرف اخوها يسويك قطعتين
عادل:: طيارتي باجر

أسامه:: هاي هيَ  ما عندك كلمه ثانيه
عادل:: كتلك كلمتي وحده روح*** وهاي اذا اكو نيشان خلي وصله ألهم
::- نطق آخر كلمه وضحك بصوت عالي

::- تنزل دموعي تحرگني حرگ اني الباعني ابوي الرخصني والكسرني هو يا كسرتي الأب سند بنته واني ابوي يببع بيه.

اسامه:: گومي البسي عندي حچي وياچ
::- آخر مرة احچييي ويااااجج گتلجج

::- چرني حيل من ايدي  لزم فگي بيده ثانيه
أسامه::  شبيجججج سااااكتههه ما تحجين احجي اكووو بشر يبجي بدون صوت شبيجج

::- دفعته حيل اريد أصرخ اريد اصيح بس ماكدر صوتي ماكو

::- رفعت راسي  باوعتله ردة بس يكول ماكو شيء رغم وضعي وملابسي وحالتي بس اجذب عيوني وادعي .

أسامه:: ما تحچين خوش
رجع سحب تليفون  ثواني وقربه مني لازمه بيده يگلب بالصور ويضحك كل الصور چانت الي واني بحضنه كلشي واضح

::- ضربت على وجهي من قهري اصرخ واحجي بس صوتي اختفى  عاف التليفون بعد ما شاف شفايفي تتحرك وصوت ماكو

اسامه:: عجيبة انتِ وين صوتج ؟
دقيقه ما تگدرين تحجين

::- هزيت راسي بس اريد يوخر عني كام طلع بدون لا يقفل الباب  سحبت تليفون ما ينفتح ثواني ودخل  ركعت تليفون بالحايط بكل طاقة عندي ما اهتم واجه شمر دفتر ملاحظات وقلم وگال .

اسامه::  شبي صوتج اكتبي! او اصبري هاج
::- سحب ملابسي شمرها بصفي

-  البسي لا تضلين لازمه الجرجف على أساس ما شايف

- گمل گلامه وراح يشيل  الموبايل  أخذه وگف بالباب وصاح

اسامه:: اذا تسوين ايشي اقسم كل صورج توصل اخوج  واخلي يشوف اخته الايحبها

شنو اسوي!
بچي كل هذا الصار بيه وصوتي راح
باوعت على مگاني سحلت نفسي گوا وگفت
اني ينكسر ظهر اخوي بيه هاي تاليتي اخسر اغلى شي بسبب  نذالت ابوي وبالحرام!!!!

لملمت ملابسي البسهن امسح دموعي وترجع تنزل على خدي مثل الجمر ما خليت دعوة وما دعيتها بگلبي

چاي البس آخر قطعة دخل گعد مقابلي

اسامه::- هسه خلصيني تعالي
::- ما تحرگت من مگاني عيني على أثاث الغرفة اريد شي حاد ماكو

أسامه::- آخر مرة احجي راح اتصرف غير تصرف أقسم

::- يقسم الگلب يا حقير اذا ما اموتك بيدي
رفعت ايدي امسح على رگبتي حتى واكدر احچي بس ماكو فايدة سحبت الدفتر والقلم
گتبت

فاطمة:: الله يحرگ حرگ بنار جهنم يا عاااار
صديقهم وبنص بيتهم موجود وتغدره ياااحقيررر حسبي الله ونعم الوكيل بيك وحق ابو فاضل بس يعرف يگسر ضهرك مو بس يگسر يموتك.

::- اكتب بحركة اريد اطلع البگلبي نااار بصدري
بعدي اگتب سحب الدفتر مني بسرعة

::- يقرأ ويضحك وكل ما يضحك اريد اموته

اسامه:: عچيببب بعد الچ عين وتحچين خوش  اقنعني شلون يصدگج اخوج نفترض ما گتلتچ هسه وخليتچ تروحين ألهم شراح دگولين الهم وين مختفية اربع ايام وهمه مخبوصين يدورن عليج وشلون طلعتي من بغداد شوصلچ هنا والصور! احچي شلون تفسرين هذا كله

::- اربع اياااام اربعه!
كلماته مثل الجمر اني شوصلني لهذا الوضع غير ابوي  زياد واديان شلون راح يسمعوني شلون راح اكدر اوگف گدامهم ارچع ألهم مگسروه ! وهو الي يگول أخواتي رافعات راسي اخخخ باربي ابجي اصرخ احچي كلهم ماكدر لييشش هيچ

عضيت ايدي چسمي كله يرچف خفت تچيني النوبه زادة الرجفة أكثر جسمي صار ينفض بشكل مو طبيعي ضغطت على ايدي اكثر طعم الدم صار بالحلگي لعبت نفسي
گلهن التمن عليه

حسيت نفسي فصلت شوگت وشلون وصل يمي سحب ايدي ضغط على رچليه يثبتني اريد ادفعه عني ماكو رجله على رجليه ولازم ايديه حيلي  كلشي كدامي صار أبيض فصلت عن گلشي دقايق او ثواني مادري شگد بس حسيت شي بارد على وجهي شوية يلا ركزت

  يمسح على راسي ورگبتي صاح على شخص ماگدرت اميز بين الأصوات وشوشه بأذني بنفس الحظة انفتح الباب بسرعة ماگدرت التفت لمحتها بطرف عيني  بنيه تچي بعمري مجرد شافتني بالكاع وبهاي الطريقة لازمني خلت أيدها على حلگه  أشر الها تسگت اچت

بصفنا رفع راسي بيده لزمتني وياا راح الخدر من ايدي رفعتها شوي سحبتها منه لزمت البنيه من ايدها گومتني رغم وأصح الخوف بعيونها خلتني على قنفة وطلعت تركض هو يلم بالغراض الي بالكاع وعينه على الباب  رجعت بيدها بطل مي فتحته تشربني منه أخذت وقت يلا گدرت اصحه حمحمت طلع صوت مني على أثره التفت إلي باوع الها گامت تريد تطلع لزمت أيدها گوا طلعت الكلمة مني.

فاطمة:: اللا
ميلا:: محتاجة شيء
أسامه:: اطلعي اني يمها
ميلا:: بسس..
- لا بس ولا غيرها اطلعي وشوفيها كاعده

هزت راسها طلعت گام قفل الباب سحب الطبله گعد مقابيلي.

اسامه:: الف مرض بيچ  ابتليت اني المهم خلينا نختصر الحچي ارجعج واحل الموضوع كله ومحد يشك  واخوچ ماراح يعرف شيء بس بشرط واذا لعبتي من وراي اقسم بدون تردد ادز صورج على ارقم عائلتج كلها حتى خطيب اختج هاي بس اذا فكرتي تحجين او تبينين شيء

فاطمة:: االله ياخذ...ك
اسامه:: من يرجع صوتج طبيعي ادعي هسه خليني أكمل  اذا تروحين تحچين شي ألهم ولو حرف واحد ساعتها  الصور  توصلهم مو بس تنفضحين حتى عائلتج تنفضح كلها.
والأهم اختج بالمستشفى ما شآء الله كلهم مرضه

فاطمة::- شبيها
- نطقة الكلمة بصعوبة مسحت دموعي باوعت اله اريد احجي بس قطع كلامي.

أسامه:: اولا اختاري ترجعين ألهم لو تودعين ؟
فاطمة::- شتريد انت... مني .

::- سكتت ماكدرت أكمل ضربت على وجهي بحركة كام من مكانه وگف گدامي يحچي.

اسامه:: ترچعين ألهم بس قبل كلشي تصيرين على ذمتي.

::- ماكدرت أخفي صدمتي ولا خوفي هزيت راسي بنفي بدون لا يچاوب فتح تليفونه خفت يسوي شي لو يدز الصور
ثواني وطلع صوت من تليفونه كانوا يتصل على شخص مسحت على وجهي أصبر روحي بس على ياهيه منهن!!

::- ثواني وسمعت صوت احمد من تليفون  مو مجرد سمعت صوته حسيت نفسي بأمان ولو ثواني وگفت اريد احچي سبقني اسامه وگال.

اسامه:: ها احمد شصار وياكم
:- رد علي بصوت تعبان واصوات يمه عالية.

احمد:: فص ملح وذاب ما خلينا ما خلينا اسامه  مادري شسوي وين الگاها اني ضيعتها.

اسامه:: راجع اني  لا تخاف نلگها هاي اذا سالمه.

:- كمل كلامه وغمز الي ردة احجي أشر بمعنى اششش رجع حچة احمد وي شخص يمه اكدر اميز صوتهم صوت ضياء هذا اعرفه.

احمد:: اسامه اذا ترجع مر على مستشفى ***
زياد هنآك ومحد ويا بس اياد وهم وضعه تعبان

أسامه:: هسه اخلي ولد عمامي يمرون عليهم بين ما ارجع بس زياد شبي على الصوت أكثر علمود يسمعني بوضح

احمد:: اخته ثانية اتخربطت عبالنا ضغط او شي بس طلع ذبحه صدريه .

مجرد كمل كلامه شهگت بصوت عالي رأساً اجه باتجاهي خله ايده على حلگي نبت اضافره بوجهي بس صوت ونيني يطلع خلص المكالمة  وخر ايده ما حسيت غير براجدي فر وجهي صرخت رغم صوتي رايح.

أسامه:: اطيتج مجال زايد واجيت وياج بكل الطرق بس بنات عادل متعودين على الضرب.
آخر مرة احجي تختارين تموتين لو تنفضحين.
ل

و اني اكلج الموت أفضل من الفضيحة.

-: بدون لا أفكر  هزيت راسي اي
م

اكو عندي غير هالخيار بالحالتين اذا فعلاً متت محد راح يتحمل بيهم واذا شافوا صوري نفس النتيجة وبعد أسوأ

اسامه:: شفتهمممم هسه تهزين راسج شفتهم  احجي

فاطمة:: رجعني... والله العظيم ما.. احجيي
اسامه:: ترجعين وما تحجين هاي منتهين منها بس ما طلعين من هذا البيت اذا مو على ذمتي وهذا اخر كلام.

فاطمة:: فهمني.. ليش تسوي ليش شوكت نعرفك جريت حسره وأيدي على عيوني
اخذت.. كلشي

أسامه::  اششش حچي زايد ما اريد فهمتي
هسه گومي غسلي وخاف عندج نية تحجين كدام وحده من الموجودين هنا ولا***** يطلعج راح اخليهم يچبون الشيخ
گومي عدلي خلقتج.

::-  طلع من الغرفة كلها  جريت شعري بكل حركة شسوييي  ياالله ضربت نفسي جريت شعري صحيت بچيت كلهن وما طفت نت ناااار گلبي  چاي احترگ لو  ميته يا الله.

ضليت على وضعي سمعت صوته بره رأسا وگفت على ثبتت نفسي على القنفه حسيت نفسي اكدر امشي مشيت خطوتين وبس الدعاء بطرف الساني  .

دخلت نفس البنيه باوعت الي بنظرات شفقة كرهت نفسي وكرهت روحي لزمتني تريد تساعدني اشرت الها لا

ميلا:: الحمام  من جهة ثانية بدون ما اجاوب طلعت اسحل بنفسي سحل ماكو ولا احد غيرها واكو صوت مره او بنيه ثاني  اجت عيني  على الباب غرفة الي يطلع منها الصوت انخطف لونها اشرت تعالي وراي رحت وراها دخلت الحمام صارت المرايا كدامي  ولا چنهم

اربع ايام خلتني وحده ثانيه ملامحي عيوني وجهي اثر الضرب  كلشي واضح فتحت الماي اغسل وجهي افرگ وجهي وركبتي بكل قوة عندي هاي الحاله الوصلت الها اني ما أتمناها العدوي  نزعت ملابسي انضف نفسي من قذارته لمحت خط دم على طول رجلي  .

اسامه:: اطلعيي راح يجيبونه
::- طفرت من مگاني بسبب صوته  غسلت كل جسمي لبست ملابسي لميت شعري والدموع تارسعة عيوني

::- مجرد فتحت الباب صار بوجهي شكد تمنيت اشرب من دمه بهاي الحظه
وخرت عنه اريد اطلع خله ايده من الجهتين دنگت وطلعت من جوا ايده مدت الي  البنيه ملابس  ما أخذتهن بس گتلها .

فاطمة:: اريد حجاب
راحت تركض دقيقة رجعت بيدها الشال مالتي بس مغسول خليته على راسي وهو وراي ما اعرف شنو يسوي بس هي جانت ترفع عينها علي وترجع تباوع الي.

::- عفتهم ورحت اريد ادخل صاح اكعد هنا.
التفت گعدت ماريد اجادل ولا اريد شي غير أشوف اخواني اريد احضنهم بس بيا عين اباوع الهم بعد .

::- بكل الحظه اعض اصابع ايدي ندم على وكفتي بنص الشارع بهذاك اليوم  دقيقة تجر دقيقة ساعة وأكثر دخل يحجي وياها التفتت تباوع إلي واضح عليها تريد تحجي بس تخاف منه 

ميلا:: اوگفي بصف الباب الشيخ يعقد الكم .
::- نفضت نفسي وگمت من ورا الدموع صرت ماكدر اشوف بوضح  وگفت  بنفس المكان  الكالت علي  اسمع صوت الشيخ وبگلبي ادعي احد يخلصني بس للأسف محد موجود منهم .

نطقة الكلمة الجنت أتمنى اگوله الشخص يسندني بس كل البالي ما صار الصار ابشع شي ممكن يصير الوحده راسمه أحلامها وكل همها تحققهم  مجرد نطقتها نزلت دمعتي

فاطمة:: نعم انت وكيلي..

ـــــــــ⊰ ــــــــــ

رحمه:: بعد الموقف الصار بيني وبين علي  ما شفته بالبيت والكل ملتهي الوضع بالبيت طبيعي عكس الأيام الفاتت مليانه مصايب ومشاكل

رجعت الاغراض مگانهم وقفلت الكنتور نزلت چوا اتفقد الوضع صار ساعتين استبرق أو وهجَ من نزلن جوه شعجب مصارت مشكلة رحت للصالة ماكو غير امي وعماتي سألت عليهن طلعت للحديقة هم ماكو رچعت اريد ادخل طلعت ميلا من البيت بيدها جنطة ملابس عقدت حواجبي وگلت.

رحمه:: وين رايحه ؟
ميلا:: عمتي ام أسامه ترديني اروح إلها وابنها ينتظرني بره
::- خلت وراحت بسرعة ما اقتنعت بكلامها بس غلست شعليه بيها من الأساس.

بعدي ما دخلت وسمعت عياط زهره بدون لا أعرف شصاير عرفت من ورا عياطها.

هرولت بسرعة امي واگفه باب الغرفة دخلت دخل ورا عمتي لمحت زهره واگفه شعرها المشيب منگوش وتحگ برأسها وتصيح

زهره:: يبوووووووو ولكم براسي يمشيي
نيرمين:: بس اوكفي شبيج عمه اوكفي

انعام:: شو وخري انتِ  شبيج يمه
زهره::وغمه ولچن مدري شنهوووو براسي يأكل

انعام:: شياكل يمه شجاج
زهره::وخري بنت الزفره ولككك سلمان
::- تعيط بصوتها العالي خبصتهم خبص يردون يفهمون شبيها ماكو بس ترعص

::- هزيت ايدي وطلعت خليتهن وياها امي واگفه على الباب لازمه ضحكتها وعينها على على درج  لمحت استبرق أو وهج واگفهات يرگصن على صوت عياطها هسه هذني شسوي بيهن عرفتهن راح يسون شي من صبح يبسبسن بصوت ناصي.

ماكو فايدة منهن خليت ورحت استغل الفرصة دخلت غرفة عمي فاضل طلعت المفتاح رجعتهم المكان هم اخذت نفس براحه وطلعت من الغرفه سديت الباب والتفتت اكمل طريقي مجرد سمعت الصوت تبسمرت بمكاني

فاضل:: خلصتي لو بعدج ست رحمه ؟..

مع اقتراب ختام هذا البارت تبدأ الخيوط المتشابكة بالانكشاف رويدًا لكن ليس كما يتوقّع أحد هناك خطوة واحدة فقط كانت كفيلة بقلب كل الموازين خطوة لم تُحسب ولم تُفهم بعد لكنها ستفتح الباب لمرحلةٍ جديدة أشدّ غموضًا، وأعمق أثرًا ما ينتظر الشخصيات بعد هذا الحدّ الفاصل ليس سهلاً وليس عابرًا.

يـتـابـع

ـــــــــــــ⊰ ـــــــــــــ