رواية جوائح الدهر الفصل الرابع عشر 14 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

لم يكن حضوره متوقّعًا بعد ذلك الغياب الطويل ولا الوقت مهيّأً لاستعادة ما ظُنّ أنّه انتهى. ظهرت ملامحه كذكرى أبت أن تموت محمّلة بأسئلة لم يُجب عنها أحد. توقّف الزمن عند تلك اللحظة وتزاحمت المشاعر بين حذرٍ قديم وحنينٍ لم يُعترف به شيء ما عاد من الماضي لا ليطمئن القلوب بل ليوقظ أسرارًا ظنّ الجميع أنّها دُفنت إلى الأبد

ـــــــــــــ⊰ ــــــــــــ

مجرد ذكرت اسم ايڤار وغفران طلعت وراها ركض وهنا استقبلت صدمة ثانيه وشفت توأم ايهاب راجح موجود وايهاب موجود عفتهم ورحت الغفران شبه منهارة وحقها محد يكدر يلومها اخذها ايڤار وراح وهنا اني صرت ما أعرف شنو اتصرف غير اعيط واضرب بيهم طلعت شكو شي بداخلي بيهم طلعهم اسامه وگال..

اسامه:: مسودنه ؟ عقلج شبي
::- التفتت يمي سحبت حجاره او حصو ردت اركعه صاح
- اشاقه عوفي الحجار رحمه الربج وانت فواطم اقصد فاطمه تعالي اخذيها.

-:- التفتت عليها ورجعت باوعت اله وگلت.

جوائح:: منين تعرفها ؟
::- صفن ثواني وطلع حجه او عذر المطي ما يقتنع بي رغم اني اعرف كلشي من البداية بس ما جنت متوقعه هيه نفسها.
::- اخذت نفس ودخلت جوه بدون اي مقدمات رحت كلت الوهچ عن غفران وانطيت علم الاهلنا صعدت الغرفتي قفلت الباب وفتحت شباك حسيت كلها التمت منين ما التفت الگه مصيبة وشنو يحلهن مادري حسبي الله ونعم الوكيل بس عزلت نفسي عنهم طلعت كتاب وقلم كعدت اكتب وأخذ صفنات اخذت نفس وسديت الكتاب رجعته بمكانه وادري بوهج ما فتحته ولا حتى اخواني تركت الغرفه وطلعت اريد أشوف هذاك الخبيث شصار بي بس قبل لا أدخل غرفته طلع بوجهي عمي فاضل قلص عيونه عليه وسحبني من ايدي ما حجيت شي أخذني للممر وگال.

فاضل:: شنو الي خلاج تسوين هيج ؟
جوائح:: مو مهم شسوا المهم يستحق الي سويته بي اني وهذا لا شيء بنسبه للي راح اسوي بالايام جايه وإذا عندك اعتراض وما تقبل على ابن اخوك اوكف بصفه وهم تجيك فد مصيبه.

فاضل:: وحمس الحمسج خمس خياطات براسه وما مكتفيه ؟

- خمسه بس!! عبالي أكثر حرامات والله قليل.
- اعوذ بالله منج ومن تربية محمد اذا الزمج واصله اله اطبككم ثنينكم ودك وين اليوجعكم.

- عمييييي.
- عمه العماج انتِ وعمج المهم هيه نفسها ؟
جوائح:: اي نفسها وهيه كالت الي اسمها بس شلون عرفتها

فاضل:: شخص جان موجود بهذاك البيت
جوائح:: يابيت ؟
- البيت الجانوا بي.
- حسب كلامك محد جان موجود غير ميلا وهيه ما حجت شي الك ؟
- صح حاولت وياها وماكو فايدة بس بهذاك اليوم جان اكو شخص ثالث موجود...
- مثلاً منو ؟
- تعرفين بعدين هسه عوفي العالم ولا تضلين تطلعين حركتج بيهم وامشي حاولي تتقربين منها وبأي طريقة وصلي الها فكرة معينه حتى هيه تتصرف.
- فكرة شنو عمي ؟
- بعد عمج ماكعد أشرح بتفاصيل عقل عندج وتعرفين شنو اقصد روحي تصرفي لا تنكتلين.
::- قلصت عيوني وتحركت من مكاني بدون اي تردد مشيت للغرفة اخذت فاطمه او وطلعت حاولت اوصل الها الفكرة مثل ما طلب عمي فاضل بس الغريب ارتاحيت نفسيتي واني احجي وياها شي بداخلي أرتاح الها خلصنا حديث وطلعنا من المطبخ صعدنا فوك استقبلنا اسامه نبرة صوته وعيونه وتوتر إلي بي هو يبين شكد متأثر بوجود فاطمه هنا او بين قوسين خايف عليها من أهل البيت ويمكن مني الله اعلم

اشوفج حاطتها وتفترين خير ؟,
::- كتفت ايدي وكلت
جوائح:: اي أن شاء الله عندك اعتراض
- شدخلني حتى اعترض.
- صحيح وها حبيتها فاطمه ويمكن اخطبها الواحد من اخواني.
::- شهكة فاطمه واسامه واضح شكد جان متنرفز ولو بيده يشيلني ويشمرني والحمدلله مو بيده فتحت الباب الها دخلت واني طلعت

رحت الغرفتي جنت متأكدة اكو شي مخفي بهذا البيت واكو شي مضموم عني بس ما جنت أعرف هو شنو بضبط حاولت افكر وتفكير ما جاب نتيجة بعد ما تخلصت من كل القهر والعصبية البداخلي حسيت بوجع ايدي طفيت الإضاءة ونمت بمكاني متجاهلة كل الي صار الفكرة الوحيدة الي براسي هي الانتقام وخلص وقت العب.....

ـــــــــــــ⊰ ـــــــــــــ

رفعت أطراف فستاني والكعب بيدي البنات سبقوني لا اني مثل الصخله افتر صعدت الدرج واحس جسمي تكسر من كمية رگص الي رگصته صعدت للطابق ثاني شمرت الكعب بالكاع وكفت مستنده على حايط غمضت عيوني الهث الدرج طويل ورجلية تعبت من كمية الحركة من صبح افتر مثل الصخل استغفرالله فتحت عيوني وباوعت للكعب ما شلته دفعته بأصابع رجلي وشلت فستاني أكثر امشي وادفر الكعب إلى ان وصلت الغرفه دنكت افتح الباب بس مجرد شلته لمحت وسام گاعد على بايات الدرج عيونه ما شالها عني رغم فستاني جان فاضح إلى ابعد حد من الإحراج ومن كلام جوائح عن فرات لا ارادي حقدت عليه أكثر من سابق نزلت فستاني ورفعت ايدي على صدري وعطت بي.

وهجَ:: اياااا سريري ما تستحي على نفسك ؟
وسام:: ماكو واحد سرسري هنا غيرج عليمن استحي شمسوي قابل لابس صلوخ وافتر .
- جان استحيت على نفسك تباوع على عرض ابن عمك إذا ما اكللهم ابن عمك السرسري كاعد على درج يباوع عليه بسيطه.
- روحي احجي ما مسوي شي وبعدين كلج على بعضج بيضه وفاهيه عليمن اباوع ؟

- فتحت الباب وإني اريد انفجر دخلت الغرفة ورجعت طلعت رأسي وكتله.
وهجَ:: اكبر سرسري انت ابو نسوان الما تستحي راسك بطول سرسريه انت واخوك احفاد سرحان وسلمان شترجه منكم سريرية صخوله.
::- ركعت الباب حيل واني افور افور بمكاني خليت ايدي على حلكي وصرخت اطلع حركتي شرت روحي وركعتها بالكاع ضليت اكمز بمكاني على جربايه والطم أثناء التكمز والطم مالتي انفتح الباب ومن فتحه غير وسام جلب مد راسه فاتح عيونه مصدوم شافني بنص جربايه ولازمه شعري اجر بي رأسا سد الباب وطلع درت وجهي اباوع على مرايه شفت نفسي جني صخله نزلت ابجي من الإحراج الله وكيلكم ما أحب الدراما بس الموقف يفشل حسبي الله ونعم الوكيل على حضي الخايس
نزعت الفستان الصخام احسن لبست دشداشة وعفت شعري مفتوح وما مسحت المكياج طلعت الغرفة الي بيها البنات فتحت الباب عليهن مجرد شافوني انخلسوا يمكن لان نفشت شعري الله اعلم كعدت بنصهن وگلت.

وهجَ:: لا تباوعون بهاي النظرات راسكم افلشه الكم.

سيلين:: اكعدي وانطمي لا تخليني احركج.
::- ضربتها على كتفها رجعت الضربه رفعت ايدي اضربها بس انفتح الباب دخلت جوائح ردات فاطمه دقيقة بس دقيقة هيه ما تحب تحجي وي وحده غريبة شعدها وي فاطمه اخذتها وراحت باوعت على رحمه بنظره والتفتت على سيلين حسيت تفكر مثلي ردنا نكوم وگالت رحمه.

رحمه:: خلوهن سوه لا تروحون وراها.
أديان:: خلوهن وكعدن بمكانجن.
::- كعدنا لام نعرف رحمه ما راح تقبل ضلينا نسولف ومر الوقت انفرد الباب ودخلت استبرق كل ضني جوائح بس اجتنا المسعدة وجها احمر وتضحك فرحانه غمزت الها وگلت.

وهجَ:: ها بشري
استبرق:: انجبي.
سيلين:: تغلطين عليها وهيه اخت زوجج لا مو حلوه منج هاي لازم تتعاقيبين
رحمه:: استقرن راح أروح شويه واجيكم.

مجرد كامت رحمه طلعت من الغرفه طفرت استبرق يم اديان وسيلين تحجي الهن لان هنه حصرنها ورا شويه أشرت السيلين تلهيهن بين ما أطلع طلعت وراساً نزلت جوه لكيت عمامي وسلمان وزهره يتناقشون بموضوع وعماتي وامي كاعدات بجهة يسولفون رحت بصف امي وسألتها عن جوائح گالت.

نيرمين:: شفتها صعدت وي البنوته طويلة.
::- عرفتها تقصد فاطمه درت وجهي صعدت اول درجة بس ثواني وصارت اصوات عالية التفتت اشوف دخلوا ولد عمامي وياهم ايهاب وبصفه رجال يشبه سلمان نسخ لصق انسطرت بمكاني اباوع الهم وراها بثواني دخل شخص يشبه ايهاب بيده جنط هواي دخلوا يسلمون على الكل وزهره حضنت الرجال إلي يشبه سلمان وتبجي من كلامهم عرفته واحد من عمامي بس انصدمت من صاح عمي حسين الواحد منهم وگال.

حسين:: تعال راجح.

::- عرفته نفس الشخص الحجوا عنه رفع عينه باتجاهي ونزلها انزلت بهدوء سلمت على عمي رغم ما اعرفه بس مو لهل درجة صلفه اباوع اله وما اسلم سلمت وأخذت مكان بعيد عنهم شويه حتى أسمع كلامهم هاي احاديثهم اهم من حياتي المهم أكلوا بسلام ويسألون عن صحته والكل تجمع حرفياً صاله صارت مليانه ربع ساعة أو نص ساعة دخل ايڤار لازم بيده أكياس ورا غفران لابسه عبايه على رأسها وبيدها كانونه والايد ثانيه لازم بيها دب على صوت سلام ايڤار الكل التفت عليهم ومن ضمنهم راجح عفت كلشي وركزت علي باوع الهم بنظرات كأنه مستغرب او كأنه مصدوم كامت عمتي زهراء الغفران بس قاطعها ايڤار وكال الها شي نوعاً ما ارتاحت دخلوا يسلمون على الكل كام ابو ايهاب من مكانه يسلم على غفران اخذها بالاحضان وكال.

ابو ايهاب:: بعد عمها الكبرانه.
::- يمسد على رأسها بيده ويضحك الها وهذا كله راجح ما نزل عيونه من ايڤار خازره وأخوي توأمي ما مهتم وحاير ينطي الأكياس العمتي اترخصت منهم غفران وراحت للدرج باوعت اله ورجعت تباوع عليه كأنها تريدني اساعدها كمت من مكاني لزمت أيدها وهيه رأسا لزمتني حيل صعدتها فوك ودرت وجهي اباوع الراجح عيونه ورانا .

غفران:: عيونج وين وهج.
- ها يمج بس جنت اباوع خاف وكع شي.
::- غلست وإني هم غلست دخلتها الغرفتنا إلي انام بيها مجرد شغلها الإضاءة لمحنا جوائح نايمه بمكانها أشرت الي غفران اطلع وما صدكت طلعت وسديت الباب ركضت اريد اصيح ايڤار بس وكفت مكاني لان حسيت نفسي شفت شي رجعت خطوتين باوعت للممر واكف اسامه وكدامه شخص ما واضح منه شي لحد ما اندفع وطلعت فاطمه رادت تروح بس لزمها من خصرها بيده فتحت عيوني مصدومه خفت البالي صح وجاي يحاول يعتدي عليها بس انمدت ايدي من ورأي سحبتني وهمست.

- لا تطلعين صوت واسمعي شنو يحجون.
::- خزرتها وهي مستمره لزمتني رجعت كررت وكالت اسمعي توقفت عن الحركة حتى أسمع.

اسامه:: بنت جلب خرمشتيني.
فاطمه:: ماكو غيرك جلب وخر عني.
::- مد ايده عصر فكها وگال.
اسامه:: لا تغلطيننننن لا تغلطيننننننن دورين رجوله تردين تتزوجين وفرحانه مو ؟
فاطمه:: وخررررر عني وين لگيتها اتزوج شلون رهمتها ماعليه اني هيه گالت اخطبج مو يعني فرحانه.
اسامه:: اسمعي زين بيت عادل إذا اشوفج هنا بعد ادفنج بيدي وما يرف گلبي وحق الخلقج لا تجين هنا .

:- فاطمه شعليكككككك جايه يم صديقاتي شدخلك حتى بطعتي تدخل عوفني بحالي بزعتني دمرتني مجاي اكدر أرتاح لا انام ولاااا اختلط بناس ولاااا اتحرك انت بلوه خربت حياتي كلها تعرف شنو كلها فوك هذا كلها جاي تريد دكلي وين أروح وين اجي مالك دخل مالك دخل .

اسامه:: اسك......
::- ما خليته يكمل ورجعت تحجي بحركة وتضرب بصدره.
- انت شتريدددد مني بضبط أريد اعرف شنو الموجود عندي وما أخذته ؟
كول ورغم كلشي سويته لحد الآن مخليني على ذمتك مقيدني بكلشي انت تعرف إذا أخوي عرف متزوجه بسر وبدون علمه تعرف شيسوي اني اكلك شيسوي يذبحني وما يرف اله جفن تعب علينا تعب وسواااا كلشي علمود نوصل هاي المرحلة وتجي انت وهذاك جلب...

:؛- شهكة بدموعها رفعت كفوف ايدها على وجهها تبجي ماعرفت شنو احجي عن إلي سمعته لو عن الي ما فهمته

- اسامه متزوج فاطمه وبسر
::- سحبتها من أيدها ابتعدت عن المكان وگلت
وهجَ:: شمدريج انتِ؟
ميلا:: ادري بكلشي لان جنت موجودة وياهم.
::- فتحت عيوني بصدمه منين تجيني صدمات ما أعرف صدمه ورا صدمه أثناء حديثنا سمعنا صوت كوثر تعيط على أختها راحت ميلا بسرعه قبل لا تكمل كلامها ركضت للغرفة خاف يشوفني احد.

::- فتحت الباب لمحت رحمه بنصهن اتنفست براحه وكعدت ما علقت ولا حجيت من صدمه ضليت ساكته الموضوع أكبر من ما توقعت زواج وبسر ومن منو من اسامه إلي يشرب ويتعاطه ياربي دخيلك بيت تريد واحد صاحي بي ماكو كلهم صخوله كل وحده اخذت مكان ونامت اديان سألت عن أختها وجاوبتها..

رحمه:: وي جوائح هناك تنام.
أديان:: اها لعد عادي اروح أشوفها ؟
::- هزت راسها رحمه بس راسا طفرت وكلت.
وهجَ:: دخلت الهم لكيتهم نايمات إذا تدرين تشوفيها تعالي بس لا طلعين صوت.

أديان:: نايمه ؟
وهجَ::اي
- لعد عوفيها اخذت نفس براحه ورجعت نمت رحمه جانت تباوع على تليفونها وسيلين واستبرق يشوفون الصور نمت واني افكر شنو راح يصير إذا عرف احد وأخذت قرار احجي كلشي ال...

ـــــــــــــ⊰ ـــــــــــــ

رحمه:: عيوني على وهجَ حسيت بيها شي غريب قفلت تليفوني بعد ما دزيت رساله الغفران طلعت التفتت يمي ويسار ماكو احد الكل انطمر لان ساعة وحده ونص دخلت غرفة غفران كاعدة وجوائح نايمه وبصفها فاطمه اتاكدت كلام وهجَ صح ارتاحيت وعفت غفران لان ما تحب أحد يحجي وياها بشي هسه بس متأكدة راح تصدم الكل بالايام جايه وحتى انتم راح تصدمكم أي اي اقصدكم انتم اكو غيركم اكيد لا.

رجعت نمت مكاني خلصت الفوضه وهسه وقت راحه نمت براحه ثاني يوم كعدت على صوت أغاني قوي شلت رأسي كلهن صافنات مستغربات من صوت سحبت حجابي وكمت اخذت الكيبل مال شاحن وراساً صعدت للطابق إلي بي الولد بدون لا أسأل منو عرفته هو ماكو غيره فتحت باب الغرفة وكف على جرياية يهز كتفه او اسامه مطنكر بصفه وسام يركص وراي شافوني كدامهم طفوا الصوت وگال وسام.

وسام:: سوالف علي مو إني.
رحمه:: وخر منا انت تعال علي تعال.
::- رفعت الكيبل طفر اسامه وسام شردو من الغرفة ايان فتح الباب يباوع فرات طلع لازم راسه ويباوع بتك عين وانمار فاتح عيونه مصدوم ركعت علي على ايده وعطت.

رحمه:: علي آخر مره هاي المره جايه اكطع كيبل على أيدك والحسن.

::- رجع يضحك بصوت عالي خزرت انمار بسرعه نطق.

أنمار:: وسم حتى سم شبيك سالب راحتنا انزل بمكانك بسرعة.
::- نزلت وإني والكيبل راح عمي فاضل بيده عودة الماسحه ما حجيت رجعت للبنات وهنه يضحكن محد رجع نام كمنا كلنا من ورا سوينا ريوك واكلوا للتعسه راحوا البنات بس لاحظت فاطمه جانت تعبانه إلى ابعد الحدود وكالت بسبب البارحه رغم ماقتنعت بس شعليه بالعالم وبما انو اليوم عطله الكل كعد بالبيت للعصر سوينا جاي وكعدنا جنا مرتاحين بس حجه سلمان وگلب البيت على روسنا من گال ..

سلمان:: سرحان يريد يجي هو وشيخ عمار.
محمد:: محد يدخل بيتي منهم وانت يابه ما تبت ؟
::- رفع سبحته وگال
سلمان:: الشيخ خابرني وجايني من مكان بعيد ما ارده الخاطر الشيخ استقبلهم واشوفن شيريد.

::- ضلوا يعرفون ويكبسون الى ان وافقوا بس الخاطر شيخ كلنا نعرف شيخ عمار سلمان ما يرفض اله طلب بس معقوله راح تعدي جيتهم على خير..

بعدنا ما تخطينا الخبر الاول گال سلمان موجهة كلامه الجوائح.

سلمان:: احنا سألنا عريس بس ما سألنج موافقة على موعد عرسكم

::- رفعت رأسها بدون لا دكول ايشي ابتسمت ابتسامه عريضة وهزت راسها بمعنى أي .

سلمان:: خير أن شاء الله خير مادام ماعدكم اشكال بلشوا من اليوم تحظرون .

حسين:: مرخصتكم حجي اريدنك بشغلة انت ومحمد وفارس..

::- بدون نقاش كاموا واحنا نباوع بوجه جوائح الي كاعدة بصف فرات وتضحك ولا كأنها ضربته محد حجه وياها لأن طكه ونص للمغرب غفران ما نزلت واستبرق يمها وقت العشه دز عليها جدي ورا شويه نزلت تضحك ولا كانوا بيها شي وراها وهج تهفي على وجهها وتهز بحلكها ..
::- درت وجهي على راجح شافني باوعت اله دنك بالكاع رتبنا الأكل وكعدنا كلنا بعدنا ما خلصنا نطق جدي وگال ..

سلمان:: بعد الحجي بيناتنة طلب حسين ابنه يفصح خطوبة من بنت عمه بسبب خلاف واكيد ما اجبرهم وشفنا الاخير الأفضل اسامه يخطب بنت عائلة عدهم منصب مهم بال.......

::- مجرد كمل كلامه الكل صفن وعلامات الاستفهام تركض بيناتنة مايريد يجبر أحد ليش ياهو غيرك ضليت صافنه بس سرعان ما نطقة ام أسامه وگالت.

ام اسامه:: البنيه خوش بنيه تصير صديقة البنات تحجي وتاشر علينا عقدت حواچبي وگلت .

رحمه:: ياهيه ؟
ام اسامه:: البنيه هاي العيونها ملونه.
وهجَ:: فاطمه ؟؟
::- رفع رأسه أسامه وگال.
اسامه:: اي.

::- كام من الاكل خلانا بصدمتنا اسامه يريد يخطب فاطمه منا وموضوع سرحان منا وتصرفات جوائح الغربية منا راح ينگلب البيت على راسنا من ورا المصايب الي جايتنا..

يـتـابـع

ـــــــــــــ⊰ ـــــــــــــ