رواية جوائح الدهر الفصل الثامن عشر 18 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

لم يبدأ كل شيء حين اعتقد البعض أن البداية كانت هناك بل في هذه اللحظة الخفية  حين مرّ الحدث بهدوءٍ مضلل بينما كان في جوهره الشرارة الأولى لسلسلة تحوّلات ستغيّر المعنى وتكشف وجهاً لم يكن مستعداً للظهور بعد

ـــــــــــــ⊰ ـــــــــــــ

تجاهلت كلشي بأخر الفترة كل عروس تهتم بتفاصيل عرسها إلا أني تركت كلشي وراي وحاولت اكمل شغلي بأسرع وقت  موضوع فرات وإلي صار جان مجرد شك بس مع مرور الأيام صرت متأكدة مو مجرد شك حاولت الگه مبرر التصرفه شنو غايته وليش خلاني اثق وآخر شي غدرني معقولة چان عنده هدف معين اوصل إله بسببي اتقرب مني ومن عائلتي حتى يلعب بكيفه

- ما اتوقع هيج ممكن اكو شي ثاني بس أنتِ ذكية شلون ما حسيتي ؟

جوائح:: فرات تقرب مني بحجة الانتقام وشوي شوي صرنا مرقبين بعد الخطوبة ولا مره حسسني عنده غايه تجاهي ساعدني باشياء اخذت اراضي سلمان حركة تعب سرحان خليتهم واحد يشك بثاني إلى أن ابتعد سلمان عن سرحان والعائلة اجتمعت من جديد كلشي سويته فرات جان وياي  خلاني اثق بي.

شيلان:: اذا سووا كل هذا علمودج لا تتسرعين وانطي فرصة العلاقتكم واذا صار الي بالج فـ انصحج تتصرفين بهدوء إذا تستعجلين ممكن تنضرين توقعي كلشي.

- أن شاء الله هسه اني راح ارجع للبيت وانتِ سلمي الملف المحقق ثاني

شيلان:: تمام روحي ولا تخلين بالج يمي وباجر أخذي رحمه وياج اني ماكدر اجي بس تلگيني بالقاعة انتظرج.

::- نزلت من السيارة وإني كملت الطريق لحد ما وصلت البيت حسيت بتعب بس دخلت كلشي جاي يصير غصب عني اختصرت الحديث وياهم اخذت وقت واني اكتب بدون ما أحس سديت كتابي اخذت نفس حسيت نفسي كتمت هواي وبأي لحظه او موقف انهار بچيت شويه بعدها رحت الغرفتي ماكدرت انطق حرف واحد لأن بس احجي راح انهار تمدتت مكاني حسيت وهجَ اجت بصفي مسحت دموعي وغمضت عيونها حسيت بنفسي مو وحدي الاول مره الكل جان موجود يمي بالغرفه منين ما التفت الگه وحده من اخواتي بس اكو نقص جبير بداخلي عجزت افهم هذا الشعور بعد معركة طويلة بيني وبين أفكاري نمت بعد مدة طويلة او قصيره مادري حسيت

نفسي امشي بشارع طويل وخالي من الناس مكان مابي أي احد فقط شارع طويل مشيت واني ما اعرف وين راح يوصلني
كل ما اتقدم خطوة أشوف شخص واكف بعيد كأنه يسولف ويضحك بس ماكو غيره اسمع اصوات العالم بنفس الوقت ماغيره غمضت عيوني وفتحتهم عسى ولعل اكدر اشوف

الناس بس مجرد فتحت عيوني شفت نفس الشخص بس بلبس مختلف ومكان مختلف وي كل ثانيه اشوفه بلبس مختلف وإمكان مختلفه
إلى أن لمحته لابس دشداشة بيضه وكاعد

بيده قران التفتت متجاهلة وجودة بس سرعان ما دخل مسمعي صوت شخص يقرأ القرآن ويرتل بصوت حلو لفتني صوته وكمية الهدوء الي موجوده بي حاولت أعرف مصدر الصوت التفتت على الجهة الي يجي منها صوت ومثل ما توقعت صوته هو صوت الشخص إلي شفته باكثر من مكان بلحظات
هذا صوته هو...

::- فتحت عيوني التفتت على يميني ويساري اخواتي موجودات يعني هذا حلم رفعت عيني على ساعة لم 4:50 دقيقه صوت الاذان مسموع بسبب قربنا من الجامع

::- اسنغفرت وكمت جان حلم غريب إلى أبعد الحدود بس منو هذا شخص والأغرب بعد ما صحيت اختفت ملامحه من بالي اذكر كلشي إلا ملامحه كأني انمحت حاولت انسى الموضوع لأنه مجرد حلم

استوعبت اليوم العرس الاكشر مجرد ساعة  والكل كعد البيت كله مخبوص كذالك ما اهتميت بين ما خلصت طلعت انتظر رحمه تچي أثناء انتظاري الها لمحت فرات يحجي مكالمة بالحديقة ومنفعل وكفت مكاني ارقبه مجرد حس بوجودي سد المكالمه واجه باتجاهي..

فرات:: كعدتي ؟
- شنو تشوفني نايمه.
- مو وكت تحشيش جوائح ليش وجهج اصفر ؟
- لان تعبانه لا تهتم.
:-: اتقرب مني ماكو مسافه بيني وببنه رفع ايده يبعد خصلات شعري عن وجهي .
فرات:: اليوم راح ينتهي كلشي وتعيشين بعيده عن المشاكل انتقامنا وخلص حق اختج واخذتي وكل الي سبب اذيه الها اخذ الي يستحقه اخواتج مرتاحات ابوج وي اخوانه والعائلة كلها تحت سقف واحد اكو شي تردينه بعد ؟

:-: صفنت بوجه فعلاً كلشي ردته صار بس اكو جزء ناقص ماحبيت ابين إله شي رفعت ايدي على وجنته وهمست..

جوائح:: صحيح
فرات::  غريب
- شنو الغريب ؟
- اني خططت وياج بالوقت الي انتِ موجودة واني موجود الي نخطط اله يصير
- اممم صح
- معقوله عندج شخص ثاني ينفذ كلشي ويخليج بعيدة عن الأنظار ؟

::- آخر كلمه نطقها واضح اله قصد بيها
جوائح:: اذا اكو راح تعرفه اليوم او باجر او بعد مدة طويلة المهم بالآخر كلشي يتوضح وحبل ال.......
::- قطع كلامي صوت رحمه

- اكو واحد يوكف هيج بنص الحديقة ؟
::- ابتعدت عن فرات وگلت
جوائح:: محد شاف غلسي.

رحمه:: امشي ياعروسه.
::- سبقتها للسياره أما فرات واكف بمكانه
قبل لا نروح للصالون رحت الصيدلية اخذت كم شغلة ورجعت اول ما شافتني رحمه گالت.

رحمه:: شنو جبتي بيج شي ؟
- لا بس راسي يوجعني وجبت علاج.
- ما مقتنعة بس يلا راح امشيها الج.
- رحمه الله والديج عزيزتي
:-: اكتفيت بسكوت بعدها ساعة تجر ساعة إلى أن خلص المكياج والعرس ولا اهتميت الشكلي جنت أريد اخلص من هاي الفوضة ومخلية براسي فكرة الطلاق بعد الزواج بأشهر حتى أخلص منه بس ما جنت ادري ما راح اخلص من هذا الكابوس......

- بعد يوم طويل ومتعب انتهى بيه واني لازمه ايد فرات دخلنا للفندق محد موجود ويانا وهذا احسن شي صار  أول ما دخلنا طلع وسد الباب نزلت البدله التفتت على كل زاوية بالغرفه حسيت بتعب مو طبيعي كعدت على طرف الجرباية عشر دقايق ودخل اول ما وكعت عينه عليه ابتسم وگال ..

فرات::  ليش كاعدة ؟
- شنو ليش اكوم اركصلك مثلاً ؟
- تسوين فضل بس قصدي ليش ما لبستي شي مريح حتى ترتاحين.
- تعبانه شوي واكوم.
- تمام

:-: التفت ينزع ملابسه وراح للحمام
انتظرته يطلع وفعلاً اول ما طلع لبس ملابسه وراح يجيب اكل كمت  فتحت شعري وخليت البدله على جهة فتحت الجنطه كل الي مخلينه ما مستور اخذته قابل شسوي أمري الله  دخلت غسلت ورفعت شعري لبست واول ما طلعت انفتح الباب دخل بيده الاكل ما استحيت منه ورحت كعدت بنفس مكاني خله الاكل وگال.

فرات:: تعالي.
- مو جوعانه.
- چا خلينا نصلي.
- صلي انت وإني اصلي وراك
::- مجرد كتله هيج حسيته أنصدم وكأنه جان متوقع شي ثاني مني ما رد وراح يصلي..
الرسائل ما وكفت من تليفونه كل شويه تجي رساله اول ما كمل صلاته قفل تليفونه نزلت فتحت الاكل اكلت وما انتظرته وهو يباوع صفح .

جوائح::, ليش تباوع هيج ؟
- شنو هذا البرود إلي عندج ؟
- أي برود ماكو برود.
- شبيج جوائح شبيج ؟
- ههههه مثلا شدكول انت شبيه تراني لحد الآن مغلسه على تصرفاتك امانه الله إذا اركز عليك انهيك..

::- كام خله السجادة مكانها واجه كعد مقابيلي
فرات:: تشوفيني سويت شي غلط ؟
- لا ما سويت لان انتٓ الغلط بحد ذاتك.
- بنظرج بس بنظري ما سويت غلط
- اختصر وكلي شنو غايتك ؟
- ماعندي غايه بس انتِ شنو إلي عندج ؟
- مثلاً شنو عندي شو هواي تحجي انتٓ بس حچيگ بدون معنى..

::- خزرني وگال بنبرة حادة.
فرات:: لحد الآن ساكت هواي تجاوزتي.
- رفعت حاجبني.
جوائح:: راح امشيها الك هاي المره

::- سكتت ثواني ورجع كال.
- ليش ما صليتي ؟
-  ليش هلكد تلح كتلك أصلي وراك وهسه اكوم اصلي.
- جوائح لا تخليني اطلع عن طوري شبيج ؟
- شوف خلص اكلك ولف راسك ونام لو تموت البالك ما يصير

::- ضغط على أسنانه حيل وگال.
فرات:: مو هذا قصدي ماكو هيج شي بالي.
- لعد شنو بالك ؟
-: ركز بعيوني ثواني جان متردد يحجي آخر شي نزل عينه وهمس كلمه

::- فتحت عيوني مصدومه من كلامه.
جوائح:: شو انتٓ ما تستحي ؟
- جاوبي اي او لا ؟
- شعليك هذا شي ما يخصك.
::- هز راسه وسكت ليش يسألني هيج شي وشنو يستفاد اذا عرفني معذورة او لا ؟
شنو باله حرت من تصرفاته..

::- بين ما خلصت الأكل راح يغسل بنفس الوقت وكفت كدام المرايه ركزت على نفسي خدودي كلش مبينات جسمي شوي شوي يسمن خصوصاً اخر شهر .
::- وكف ورأي تماماً حاوطني بيده وايده الثانيه على بطني حسيت بشعور غريب إلى أبعد الحدود دفعته عني ورحت تمدد على جربايه طفه الاضاءه ونام بصفي ابتعد كلش النهايه الجرباية ما مد ايده ولا حاول يلزمني بعد حرامات ردت ادفره..

::- تركت كل الأفكار الي براسي ونمت
ثاني يوم كعدت على صوته هو يكعدني باوعت إله فتحت ايديه اول ما نمت على ضهري وكعت من جرياية بالكاع حسيت ضهري نكسر صحت بصوت عالي من قوة الضربه رأسا رفعني من مكاني لا .

فرات:: شبيج غير تنتبهين ياعيوني.
- عمت عيونك اخخخ ضهري
:-: اكتفه بسكوت رفعني الصدره وايده الثانيه على ضهري يحركها حسيت روحي طلعت من الوجع.
جوائح:: دائماً ااوكع بس شو هاي المرة قوية.
فرات:: هسه يروح الوجع اصبري.
-: صار يمسد بهدوء حسيت الوجع خف.
خليت راسي على صدره منتجيه علي  ضل كاعد ما نطق بحرف بس ارتاحيت ابتعدت عنه حضرت نفسي وهو كذالك طلعنا للمطعم اكلنا وكتله خلينا نرجع ما اعترض طول الطريق ساكت ويصوق بهدوء وكل شويه يلتفت يسأل ضهري يوجعني او لا  لحد ما وصلنا للبيت نزلنا سوه التفت إلي وگال .

فرات::  انطيني ايدج.
::- بسبب كمية العالم واخواني الي مستحيه اباوع الهم لزمت ايده وصرت ورا تماما صوت الهلاهل استغربته أكثر من صوت الرمي سلمنا على الكل وراح ضليت افتر وي رحمه مثل الضايعة  والوجع كل شوي يزيد أكثر ما كلت الأحد حاولت بقدر الإمكان ما ابين الهم بس اول ما صعدت الدرج حسيت روحي تطلع من الألم بنفس الوقت ماكدرت اوكف على رجلي رحمه الوحيده الي شافت وضعي ونخبصت ببه حسيت البيت يفتر بيه حاولت اكوم بس كل محاولاتي فشلت ودخلت بظلام..

::- ريحه مستشفى وتعقيم اصوات عالية بدون ما أفتح عيوني عرفت نفسي بالمستشفى  فتحت عيوني ورجعت غمضت بسبب الاضاءه واول مر فتحتهم لمحت رحمه كاعدة على كرسي وايدها على راسها التفتت على جهة ثانية علي واكف ويباوع على حايط حركة نفسي رأسا التفتوا إلي ثنينهم بس علي جان خايف بحيث نبرة صوته بيها رجفه..

::- رحمه تهمس كلمات بصوت ناصي وعلي كال.

- الله الحمدلله كعدتي زينه انتِ يوجعج شي ؟
جوائح:: مابيه شي.
:-: حسيت روحي ضعت شيكولون هسه شبيها هاي.

رحمه:: علي اطلع خليني احجي وياها ؟
علي:: لا اريد أعرف منو وكعها .
- كتلك إني افهم منها مانريد مشاكل
::- باوع إلي هزيت إله رأسي بمعنى أي رفع ايدي باسها وطلع من الغرفه

رحمه::  الحمدلله على سلامتج حبيبتي شلونج تحسين بشي ؟

:- لا ما أحس بشي بس دوخة خفيفه
- الحمدلله هاي ولا غيرها.
- خلينا نرجع
- لا ماكو رجعة لهناك تروحين البيتكم
-  ليش ؟
- تعرفين شبيج انتِ؟
- إلي أعرفه وكعت وصار عندي وجع بعدها فقدت بس
- رحمه والنزيف ؟
- عادي إني إذا أتعب أو اضوج يصير عندي نزيف تتحسن تفسيتي يتوقف.
- خرب يومج وين تفكرين انتِ خلينا نرجع ونحجي هناك.
::- دعيت الف مره ما يطلع أكو شي خفت البالي صح خمس دقايق واجت الممرضة ساعدتني هيه ورحمه اكعد على كرسي متحرك استغربت أكثر من ما خلوني أمشي
طلعوني من المستشفى كلها فرات چان واكف بره ويا اخو اجه باتجاهي حجت ويا رحمه بس بنتر وعصبية شالني خلاني بسياره صعدت بصفي وگالت.

رحمه:: سوق بهدوء.
::-وهو ما رد عليها وسام وعلي يرجعون وحدهم للبيت اما احنا رحنا البيت الثاني اكرهه بس مجبوره اسكن بي كذالك أول ما وصلنا شالني لحد ما خلاني على قنفة وطلع يجيب الأغراض ركعت الباب ورا رحمه حيل وكفت كدامي تخوصرت وگالت .

رحمه:: ادري بيج تعبانه بس خلينا نحجي هسه لأن راح انفجر.

جوائح:: احجي شبيج شصاير.
- جوائح صار بينج وبين فرات شي قبل عرسكم ؟.

::- دگ گلبي بقوة حسيت الحرارة صعدت براسي بلعت ريگي وگلت.

جوائح:: ليش؟
- چاي أسألج جوائح جاوبي.
- رحمه هذا هم سؤال بربج؟
- اي سؤال هذا تدرين بنفسج حامل لو لا تعرفين لو ما لحگنا عليج چان  صار عدج إسقاط نفرض لو واحد عرف تدرين شنو ممكن يصير  راح يطلعون ألف سالفه.

-: ما انطيت اي ردة فعل بس الرؤية تشوت عندي بسبب دموعي عيوني كلها دموع صارت ليش بجيت ما اعرف ماكدرت انطق بحرف كل الكلام ضاع مني

- بس شافت دموعي اتقربت مني حضنتني دموعي تنزل بلا صوت ضلت حاضنتني لحد ما ابتعدت عنها وگلت ..

جوائح:: شصار علي ؟
- لازم ترتاحين وما تتحركين من مكانج فد كم يوم
- يعني موجود بطني ؟
- اي لعد وين بطني اني المهم ما راح اضغط عليج الصار صار بس اريد افهم شغلة وحده قبل عقدكم لو ورا عقدكم ؟
- ورا العقد
- متأكدة ؟
- اي.

::- اتنفست براحه وكعدت على قنفه شبكت اصابع أيدها.
رحمه:: اعذريني انفعلت بس من خوفي عليج ماريد احد يمسكم بكلمه وهسه مادام بعدج بالبداية راح نطلع حجة وابقي بيتج ومن يتحسن وضعج وبطنج تبلش تبين البسي واسع واذا تحبين اني أجيب الج ؟

::- تحجي بسرعة بسرعة اكتفيت اهز راسي وهيه فهمت ماكدر أحجي هسه بوستني وفهمتني على موعد العلاج وراحت.
خليت ايدي على بطني شكيت لان وضعي ما جان طبيعي بس كلت مستحيل هذا شي بس جان لازم اتوقع كلشي بنهاية ماكو شي مستحيل وي فتحت الباب  حركت نفسي شويه دخل يباوع الي بيده اغراض خلاهم على ميز وگال

فرات:: جوائح...
::- مخليته يكمل كلامه وصحت.

جوائح:: دنعل روحك لا ابو روح قندرة ياحقير يا نذل يا حيوان ياش***** الله ياخذك ولا يخليك يا****

::- عطت بصوت عالي سبيت لحد ما سكتت وهو صافن بوجهي ما كال ولا حرف قفل باب البيت ورجع اتقدم باتجاهي راح يشيلني يمي الكوشة ركعتها بوجهه رجع شالني ولا كاني ضربته.

فرات:: كافيييي شبيج تردينه تخبليني مو زين عليكم اثبتي مو طفلة انتِ فكري زين وإذا ما تفكرين بنفسج فكري بطفلنا جوائح
::- دخلني الوحده من الاغرف خلاني على جرياية أول ما نزلني لزمت ياخة التشريت مالته گلبي
يفور بلحظه غضب رفعت ايدي وضربته راشدي على وجهه....

ـــــــــــــ⊰ ـــــــــــــ

:: الصوت يتكرر وعيوني انملت بالدموع ريحته وريحه عطره قريبه مني كأنه بصفي كاعد خفت افتح عيوني واشوفه كدامي ما حركت اي جزء من جسمي مجرد حسيته قريب مني  ودموعي على خدي غمضت عيوني اتصنع النوم قرب مني أكثر وأكثر رفعني من الگاع خلاني بالمرجوحه ودقيقة او اقل حسيت علي غطاني وابتعد حسيت بي يبتعد عني خمس دقايق وإني نايمه فتحت عيوني أتأكد إذا راح او لا بس أول ما فتحت شفته واگف ومنطيني ضهره عينه على الحديقة من فوك او يراقب شخص وي كل حركة ارجع اغمض عيوني وقبل لا يلتفت ويروح نزل رأسه وگال.

راجح:: كـلـشي يـبرد إلا الـشوگ إلـچ يـضـل يـولّـع بــگـلبي

::- نفخ الدخان بوجهي راح أول ما راح وخرت الغطه وكمت اكح بسبب الدخان مدري شلون طلعت مني وگلت.

غفران:: امداك وامده جگايرك يا ابو اشوگ

راجح:: امداج انتِ ام الجذب تسوين نفسج نايمه.

::- من صدمه ضليت ارمش بعين وحده كمت سحبت الغطه ومريت من يمه اسحب بالغطه وراي بس فتت جوه مديت راسي وهمست

غفران:: محد غيرك جذاب لا تستهتر زايد وتنفخ الدخان بعد والله اطفي جكارتك بوجهك وبعد لا تجيني وتضل تشغل أغاني كرهتك من زمان.

::- طبكت الباب حيل وضليت اكمز من العصبية جفصت هواي بس يستاهل
ومن هذا الحديث لحد اليوم ما صار شي ثاني.

وهجَ:: عفيه عليج بردتي گلبي بي
استبرق:: أي والله خوش سويتي تربيتي بعد.
::- كل وحده تعلق شكل التفتت على بنات عمي ساكتت.

غفران:: جُواهر اخواتج خانسات
- لا جيهان كارثه ما تسكت بس بوقت الأكل أما جَلنار نسخه منج بس بعدهي ما متعودة بس تأخذ ميانه احتمال تطردكم من البيت.

::- ضحكة بصوت مسموع اندمجن بالحديث لحد ما خلصنا شلنا المواعين ودخلنا جوه لگينا الكل مجتمع راحت وهجَ على ايڤار تحضنه خليت مواعين بالمطبخ وطلعت اني وجَلنار استغربت منها لان اچت بدون اخواتها وياي سوالي مكان ايڤار ما منتبه على وجوده جَلنار أشرت اله عليها وگلت.

غفران:: تذكر مره حجيت الك عن وحده تشبهني هاي هيه جَلنار نسختي ثانيه
::- التفت الها ونزل رأسه بنفس الحظه رجع التفت الها مقلص عيونه وكأنه أنصدم بيها..
صار صوت بره رأسا گاموا وهو وياهم باوعت الها اني وهجَ كلنا بنفس الوقت.

- منين يعرفج ؟
جَلنار:: مره طلعت وي صديقاتي ورحنا المكان علمود نشوف شخص واخوج چان موجود وي الشخص إلي رحنا نشوفه..
وهجَ:: ومنو هذا الشخص ؟

::- منتظريها ترد بس  اجو العرسان وصارت فوضه لحد ما قدمنا الضيافه صعدنا فوك نشوفها بس ماكو اثر الها فوك دورنا بكل البيت ماكو وجود الها
وهجَ:: خاف صاعدة للطابق ثالث ؟
- يمكن.
::- صعدنا وأول شي وكعت عيونا علي ايڤار وجَلنار سوه واحد بصف ثاني ايڤار رافع إصبعه بوجهها ومنفعل وهيه ساكته ردت اصعد بس استوقفنا كلام ايڤار

ايڤار::  اني شفتج طالعه من بيـــته

يـتـابـع

ـــــــــــــ⊰ ـــــــــــــ