رواية جوائح الدهر الفصل السابع عشر 17 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

لم يكن السكون علامة انتهاء بل تمهيداً لانفجار المعنى، حيث انقلبت القناعات وبرز ما كان محظوراً قوله

ـــــــــــــ⊰ ـــــــــــــ

بس وصلنا البيت نزلت قبل الكل ودخلت لمحت ايات تبجي وامها واسراء بصفها أتأكدت اكو شي بينها وبين فرات.

::- دخلت رحت الهن مجرد شافوني مسحوا دموع ايات.

وهجَ:: خير أن شاء الله ليش تبجي ؟
إسراء:: شي خاص شعليج انتِ؟
- إسررررراء
:- عاطت بيها امها رجعت التفتت إلي وگالت .
- عدها ألم وتبجي هسه انطيتها علاج يروح يخف الألم..
::- هزيت راسي رغم ما مقتنعة دخلوا البنات ورأي كعدت على قنفه ارقب الوضع الكل راح البيته إلا ايات وامها واختها سلمان رفض يروحون ويبقون هنا

زهره:: شتريد منهم خليهم يروحون البيتهم.
سلمان:: كلت يبقون كلمه زايده ماريد
::- رجع التفت على عمامي الي كاعدين يحجون بينهم وگال.

سلمان:: تخلص هوسة العرس وتاخذون نسوانكم وبناتكم وبنات إخوانكم وترحون على مزرعة خلوا بنياتنا يغيرون جو.

::- كمل كلامه والتفت على آيات وبعدين غفران بدون ما انطق اي حرف باوعت على استبرق هي كذالك جانت تنتظرني التفت الها فهمتني وفهمت قصدها متأكدين إله غايه بسوالفه هاي وشنو ياترى ليش بعد العرس وليش هسه بذات
مالكيت جواب على كلامي أشرت النا رحمه نكوم لزمت ايد غفران وصعدت احنا وراها الغرفة جانت ضلمه وبيها ريحة عطر قويه شغلت الإضاءة رحمه ولمحنا جَواهر وجُلنار وجيهان نايمات على قنفات بفساتينهم..

استبرق:: دقيقه ذني شوكت رجعن ؟
رحمه:: صوتج نصي.
::- تقربت منا وهمست بصوت شبه مسموع
رحمه:: ابوهن موصلهن ورايح سلمان عنده شغلة مهمه وابو جَواهر راح يكملها ويرجع الهن.

وهجَ:: ابوهن خوش لو لا
استبرق:: اكبر*****
::- شهكة غفران رحمه لطمت استبرق على حلگه من صدمتها

جيهان:: ليش تضربيها ما جذبت بشي.
::-توسعت عيوننا واحنا نشوفها رافعه راسها تباوع النا واخواتها كذالك وعود يابه إحنا نحجي بصوت ناصي محد يسمعنا وحتى انتم سمعتوا.

رحمه:: عيب جيهان ابوج هذا
جَواهر:: انجبي واسكتي جيهان..
::- اههوووو بلشنا.
- غلسوا عليها وبدلن احنا راح نام وياكم مانريد بغرفة ثانيه..

استبرق:: ليش تره هنا امان
جَواهر :: مو قصه امان بس ما أثق بكوثر وهاي غبية خاف يسوالها شي.
::- أشرت على جُلنار إلي توزع صفنات جنها صخله نسخه من فهاوة غفران..

::- عفتهن يسولفون طلعت ملابسي ورحت
للغرفة ثانيه بدلت ملابسي فتحت الكنتور طلعت المفتاح وقفلت الباب الغرفة ورجعت للطابق الأخير فتت الغرفة اخواني ما لگيت احد بيها ولا الهن أثر عفتهم لان اعرف شكد يحبوها والله يعلم بوضعهم هسه فتت نمت بغرفتنا البنات يسولفون نمت على جرياية جوائح ماكدرت اسكت بجيت وقت طويل آخر شي نمت من كمية التعب او البجي...

ـــــــــــــ⊰ ـــــــــــــ

-كلشي چاي يصير خلاني احس راح تصير اشياء هواي والمشاكل راح تكثر واني ماعندي طاقة جسمي متكسر تكسر مرات احس محد غيري شايل هموم ومشاكل الناس الي موجودين بحياتي غيري كل الحمل عليه رغم تعبي ما نمت ولا غمضت عيوني ضليت أفكر لان أن صار الاذان توضيت وصليت واهم شي دعاء العهد بدونه أحس نفسي ضايعه خلصت ونزلت ارتب وانضف البيت من ناحية الطبخ مرتاحه لان طباخين موجودين اقل الساعتين والكل كعد وبلشت الفوضه صعدت لبست فستان مستور ولبست حجابي واكيد لازم خفايف على وجه التفتت بالغرفة كلشي يخصنا موجود بيها قفلتها ونزلت وإني انزل لمحت إسراء واكفه يم انمار واياد ما اهتميت بس مجرد شافتني زهره گالت.

- نزلت المسعدة تكشخت وتحمرت وحطت الطحين على جهرتها تردن تسودنن زلم انتن بنات فارس.
::- ابتسمت على غمزتها وتعض شفتها ادري بيها من يوم يومها تكره بنات يحيى وما تحبهن بس مال تمدحني هاي حبيتها منها صراحه كعدت بصفها انمار يباوع الي اياد مدنك بالكاع لازم ضحكته واسراء تباوع صفح..

رحمه:: شلوني بالله
- جنج العافيه يرحولج فدوه هذوالك الناس.
اياد: ها صار هيج الحجي
زهره:: انت ولا كلمه اسمع منك انطم.
- ما مرجيه منج هاي زهيره مو انا الدافع الج كدام ضرايرج.

::- كامت تكلب بعيونها عود تسكته ثواني وگالت صخمان.

إسراء:: صدك حلوه حرامات طلكتها اياد..

::- مجرد سمعها انمار كام من مكانه متوجه الغرفة الولد اياد لحگه باوعت عليها قبل لا احجي اجانا صوت استبرق من المطبخ بيدها سجينه كلها دم.

استبرق:: شعليجججججججج طلكها طلكته انتِ شكوووووو حاشره نفسج.

اسراء:: هي عليمننن ترفعين صوتج
- عليج وعلى خلفج سوالف البربكه هاي بطليها من البارحة تفترين ورا انمار ياحيه وهسه تحشرين نفسج.

::-حطيت رجل على رجل ما نطقت بحرف واحد.

إسراء:: اي ديله بالله حاطه عيني عسى ما عيوني ثنينهم انتِ شدخلج بس لا عبالج ياخذ اختج المطلكه وين اكو واحد ياخذ مرت اخو فوكها طليقة اخو.

استبرق:: ايا***** يا بنت******
::- نزلت دك غلط طفرت من مكاني اسكتها حطيت ايدي على حلكها دفعتها بعيد غردت زهره.

زهره:: امشي البين يلفج كون بجاه هاي صبيحه.
::- رفعت طرف شيليتها تدعي على اسراء وهي دفرت القنفه وكامت لمحت عماتي خانسات بالمطبخ دفعت استبرق وگات.

رحمه:: كافي صوتج
- وخري خلي اربيها هاي عديمة التربيه الساقطة.
رحمه:: عوفيها راسي كام يوجعني.

::- أشرت العمتي تسكتها رجعت كعدت يم زهره ما حجيت ولا نطقة فعلاً كلامها صح مو استنقص من نفسي بس مستحيل ننجمع كل الأطراف ضدنا لزمت دمعتي غصب ضليت صافنه نزلوا لحد ما نزلوا الولد علي وايڤار ثنينهم مطنكرين واياد ما يتحاجه حتى صباح الخير ما كال بس يدخن ويشرب چاي اما الباقيه يضحكون عليهم باوعت على انمار اجت عيني بعينه رأسا التفت على راجح يسولف ويا بهل أثناء اجن البنات من الحديقة وبيدهن صينيه الريوك وهجَ شافت اخوانها موجودين انطت كوبها الغفران وركضت باتجاه ايـڤـار مـا كـسـر بـخـاطـرها ضـحـك وفـتح ايده يـلمـها بحـضنـه كـأنهـا طـفـله

-كلهم نزلوا عيونهم عنهم غفران وباقي البنات راحوا للمطبخ ثواني وطلعت غفران وياها جَلنار ضلت واگفه ما تحركت بس غفران وكفت ورا ضهر ايڤار رفع عينه راجح يباوع الها حس عليها

::- التفت الها مبتسم لزم أيدها وخلاها تكعد بصفه زهره ما حجت ولا واحد علق بس راجح يباوع على الكل شلون محد علق على تصرفاتهم مايدري غفران اخت ايڤار برضاعه
الخزرات صارت بفلس ساعة تقريباً وطلعوا بره يستقبلون الخطار وي عمامي وسلمان ساعة عشره ونص وصلوا العرسان من الفندق صوت الرمي يركع لحد ما دخلوا عنبت البيت الكل صار يطش جگلية عليهم فرات لازم أيدها وهيه ضامه نفسها ورا مادري ليش ضحكت اول مدخلوا عافته وراحت الامها وهو طلع يم الولد بره وجماعته ويا كعدت دقايق بالاستقبال حست أمي راح ببلشون بسوالفهم ويبدون تحقيق رأسا اشرتلي بعيونها يعني صعديها فوك عمتي نيرمين كذالك.

رحمه:: مرخصتكم راح اخذ اختي ترتاح بين ما يجون العالم.
::- ما انتظرت ردهم لان جوائح كامت بسرعة صعدنا والفيلق ورانا فاتت للغرفة حطت أيدها على صدرها وگالت.

جوائح:: هسه تنفست شنو هذا الوضع اختنكت..

جُواهر:: اكيد لان كل الأنظار عليج تتوترين وما تكدرين تتصرفين طبيعي.

جوائح:: شو بعدكم هنا..
جيهان:: كاعدين على گلبگم هنا.
- اهلا بيكم بس مو تكعدون بدون غثه غثولي الجماعة.

::- نطقة آخر كلمه وكعدت على قنفه ركزت عليها اكو شي متغير كلش واضح هذا شي بس شنو ماكدرت اميزة ساعة ساعتين كاعدات يسولفون حتى وهج گابلت اختها بس صار وقت الغدا كلهم نزلوا يشوفون اكو شي يساعدون بي اني ما طلعت بقيت كاعدة بس فرغت الغرفه باوعت إلها وگلت..

رحمه:: شبيج ؟
::- خلت أيدها على بطنها وگالت.
جوائح:: بطني توجعني البارحة نايمه ومادري بنفسي وكعت من جرياية والوجع قوي بس ساكته.

رحمه:: وكعت من جرياية صدك تحجين شلون نايمه ما دكليلي زين فرات ما اخذج للدكتورة

- ياخذني شنو غير الفجر وكعت.
- هسه عندج وجع!
- اي بس يخف ويرجع اقوى
-خلي تخلص الفوضة بره وناخذج بعدين امج دكتورة نسائيه كولي الها.
- لا رحمه عمري كله ما خليتها تعالجني ما احب هيج بعدين ما بيه شي بس ارتاح يخف الوجع..

::- ما لحيت عليها جان بالي اسألها شي بس ماحبيت احرجها مو طبيعي من وكعه بطنها توجعها بدون ما يكون صاير شي..

::- ورا شويه نزلت ضليت يمها خاف وحده تحرجها بسؤال ساعتين وأكثر يلا دخل فرات راد يأخذها ويروح البيتهم بس بسبب سلمان قرروا بليل لزم أيدها يحجي وياها بهمس وهيه ما تباوع بعيونه بس تهز راسها اخر شي خزرته وهو ضحك وراح..

- رحمه تعالي نصعد وانتِ وهجَ عوفي البيت تعالي فوك

رحمه:: لا عوفي الفيلق جوه خلينا نصعد بس اني وياج..

وهجَ: انكلعوا يلا.
:- وفعلاً صعدت جوائح واني وياها للطابق ثاني ما كملت وكفت غمضت عيونها متوجعه خلت أيدها على بطنها وگالت.

جوائح:: بطني رحمه.
::-- لزمتها رأساً
رحمه:: وجع قوي ؟
- هزت راسها التفتت اريد اصيح الخاله نيرمين بس قاطعتني.
جوائح:: لاا ماريد امي لا تحطيني بهيج موقف رحمه.

::- أثناء كلامها كعدت بالكاع ما كدرت توكف لمحت خط دم على طول رجلها فتحت عيوني مصدومه عفتها مكانها وكفت بداية الدرج صحت الستبرق اجت وهج بس شافت جوائح بالكاع ركضت الها..عفتهن يمها ونزلت بسرعة

وكفت باب البيت ضربت الباب مرتين لحد ما اجاني علي راساً كتله..

رحمه:: صيحلي فرات علي بسرعه..
::- راح وما سأل ايشي وهذا أفضل شي اجاني فرات كتله عن وضع جوائح طلب من اخو يشغل السياره ويخليها بالباب الثاني صعد يركض كدامي خله الكل ينتبه اله مجرد صعدت ورا لمحت جوائح فاقدة تماماً رفعها الصدره وشالها أشر الي اغطيها بشي فتت للغرفه سحبت أي غطه وخليتها عليها نزل واني وراهم أصواتهم صارت عالية ما جاوبت احد طلعت ويا ركض طوال الطريق فاقده وفرات ولا نطق بس واضح الخوف بعيونه اخذنها الأقرب مستشفى علينا حسيت ايديه ميته ماعندي طاقة اوكف خزرت فرات وضليت واكفه أنتظر مجرد شفت الدكتورة كمت من مكاني وگلت .

رحمه:: شلون صارت دكتورة ؟
- لو متأخرين ربع ساعة اقل شي جان صار عدها إسقاط لان بداية الأسابيع الأولى حملها مو ثابت ومهدد بالاسقاط.........

ـــــــــــــ⊰ ـــــــــــــ

اگتله بيدي سنتين واني ادور إلا أن عرفت اسمه لان جان يهدد بيهم وكدرت اوصل الابوج سبع سنوات وإني بهاي الأعمال حتى اكدر أخذ حقها

::- وي كل كلمه ينطقها گلبي ينغزني أكثر هذا مو مبرر التصرفاته ولا مبرر للسوا وياي..

فاطمه:: ورغم كلشي شفته وشفت شصار لأختك علمود تأخذ حقها رجعت خطفتني واعتديت عليه وهددتني وما اكتفيت ساومتني وانجبرت اقبل بيك هيج تريد تأخذ حق اختك تأخذه على حساب كسرتي ؟
وهسه ترديني أوفق لو انفضح بين الناس ما أوفق مستحيل أنسى إلي سويته بسببك ماكدر انام ولا أكدر أثق بأحد بأحلامي بكل مكان موجود انت لو تعرف كمية الكره إلي بداخلي تجاهك ما توكف كدامي والخلقك لو ما مخليني على ذمتك ومقيدتي چا من زمان خلصت منك بس خليها بالك مستحيل بيوم اتقبلك وانسى الصار وهسه روح منا ...

:- التفت الي مجرد شفت لون عيونه وحركة راسه حسيت گلبي رجف من الخوف عيونه لونهم احمر كور ايده وضغط عليها حيل ضليت خازرته تقدم باتجاهي قريت الفاتحة على روحي خفت فعلاً خفت بس ما بينت اله هو اطول مني بهواي مجرد صار كدامي نزلت عيوني رفع ايد غمضت عيوني وخليت ايدي على وجهي خاف يضربني بس انسطرت بمكاني من حط ايده على ظهري وسحبني الحضنه من صدمتي ما نطقة بشي ولا ابتعدت..

اسامه:: ما راح اهتم الكلامج لان حقج وشنو تحجين حقج بس اذا ترفضين صدكيني ما مسؤول عن إلي يصير لحد هذا يومنا اني مخلي ابوج بعيد عنكم ولو بيده يدمر كلشي يخصكم من بيت عمج البيت اخوج لهذا يا فواطم فكري زين ترفضين لو عائلتج تروح
باجر يجون الكم والج وقت فكري زين...

::- ابتعد عني وراح ما التفتت اله فتح باب غرفتي ومشى تحركت وكفت يم شباك فتحته باوعت إله طلع من البيت يمشي طبيعي ولا كأنه داخل البيتنا مثل الحرامي صعد على حايط وباوع على ناحية الشباك شافني وطفر ضليت واكفه بمكاني الورطة إلي بيها إني مستحيل الگه حل الها عادل ما راح يعوفنا بحالنا إذا احجي الاختي راح دكول الزياد وراح تصير مشاكل ويمكن تنتهي بموت احد الاطراف بعد تفكير طويل اخذت قراري سمعت باب البيت يندك نزلت فتحته كلهم دخلوا عفتهم وفلتت الغرفتي نمت ثاني يوم الصبح اتصل اسامه على زياد سويت نفسي ما اعرف شي وضليت أكل فتح خط يحجي ويا اخر شي كام طلع بره دقيقة دقيقتين صاح على سما راحت اله ضليت اكل ولا كانوا اكو شي .

اديان:: راح تأكلين المواعين كليلي شمسوية.
فاطمه:: شمسوية ؟
- أندري غير دا أسأل من تسوين مصيبة لو تضمين شي تأكلين هواي .

- لا لان البارحة نمت بدون اكل وبعدين كلشي ماعندي أفرغ مني ماكو.
::- قلصت عيونها عليه غلست دخلت سما باوعت علينا وگالت.

سما:: راح يجون النا خطار.
اديان:: منو ؟
- أهل صديق زياد.
- شعدهم جاين!
- الله أعلم خلصوا اكل واخذي اجوان ورحي فوك وانتِ فاطمه كومي رتبي نفسج خلي ترد روحج شويه..

فاطمه:: شقصدج هامله نفسي اني ؟
- اي لعد اني كملي وحركي نفسج.
::- كملت وراحت ترتب البيت غسلت وصعدت لبست شي مرتب رفعت شعري وخليت مرطب وكعدت ولا تحركت للعصر سمعت أصوات جوه ضليت خاتله لحد ما دخلت اديان تخوصرت.
اديان:: مو اعرفج ضامه شي هذوله مو شفناهم بيت وهجَ وجاين بخطبونج.

- صدك ؟
- اي ما تعرفين عود
- وداعة ابوج ما اعرف.
- هاي هيه وضحت سالفه دكومي حطي شي خفيف بوجهج او اكلج تعالي..
::- سحلتني سحل من جرياية ضلت ترتب شكلي حسسوني وصخه اني حسبي الله على حظي.

::-بين ما خلصنا اخذت الضيافه وكفت باب المطبخ مترددة ادخل بس دفعتني اديان اول ما دخلت.سلمت قدمت الضيافه وگعدت بص سما حتى ما ركزت شنو يحجون من كمية التوتر لحد ما أشرت إلي سما اكوم كمت واني ادعي السما بالخير..

- وجع شبيج تمشين اعوج
- راح اكتلج خليني اتنفس
::- رجعت ختلت وما حجيت وي احد أعرف زياد ما يحب يحجي بهاي المواضيع لهذا يدز سما علينا وأول ما دخلت إلي عرفت دزها الي..

سما :: كاعد
- اي تعالي فوتي.
- حابه نسولف شويه.
- سوالفي يا زوجة أخي.
- تعرفين العالم اليوم اجونا اليوم.
- شفتهم بيت صديقتي بس.
- وهمه اجو بخطبونج الابنها.
- كالت اديان
- حلو زين تعرفين الولد ؟
- لا ما اعرف منو هو أصلا.
- تذكرين شخص إلي لگاج ورجعج النا ؟
- لا.
- هو نفسه الي رجعج دز أهله يخطبونج.
- وشنو يعني
- شوفي فاطمه زياد يثق بصديقه كلش هواي وهمه عائلة زينه وسمتعهم حلوه وكلهم يحسبون الهم حساب وما شاءالله عليج ما ناقصج شي اذا تردين تشوفين شكل الولد اجيب الج صورته والموضوع يخصج بعد فكري زين وشنو قرارج هذا شي راجع الج لان بتالي انتِ إلي راح تعيشين ويا مو احنا ومادام صديقتج ويا بنفس البيت اكيد تعرف كلشي عنه والباقي يمج..

::- مسدت على راسي وطلعت مبتسمه ابتسامتها خلتني احس بأمان رغم اعرف أسامه شنو بس كلامها زرغ بداخلي شعور مادري ليش راح توتر مني جنت اعرف قراري شنو وانتظرت منه رساله بس ذكرت إني حاضرته من كل مكان دخلت الواتساب فتحت
البلوك منه وما راسلني صفنت شويه طخت بالي أرسله بس واني افكر اجتني رساله منه

اسامه:: مادام فتحي البلوك يعني الوضع زين.

كتبت.

فاطمه:: غلطان مو زين.
:- بدون اي مقدمات اتصل كمت قفلت الباب
اول ما فتحت خط اجاني صوته يرعد رعد
اسامه:: وتاااالييي وياج
- صوتك صوتك تره اسده بوجهك
- شوفي وين ما اشوفج اركعج على راسج.
- جرب بس وشوف شسوي بيك
- يارب الصبر
- زين تعرف ربك
-سدي حلكج وكليلي شصار ورا ما راحوا اهلي.
مو احجي وياج شبيج سكتي ؟
- انت كتلي سدي حلكج
- ماعليج بيه ارجعي احجي شكالوا الج
- رفضوك
- فواطم
- هاا
-وجعا شكال اخوج
- توجعك ما كال شي دز مرته وكالت فكري
-وانتِ شكلتي ؟
- ما كلت شي كالت فكري
- مايحتاج اعيد كلامي صح
- اصبر منين احظرك
- سويها وشوفي اعلگج باب بيت اخوج
- دورح دورح خلي انام
:- سديت تليفون بوجه بنفس الحظه رجع اتصل فتحت خط قبل لا انطق أي كلمه سدا بوجهي سويتله بلوك ونمت الثاني يوم كعدت ومحد فتح الموضوع وياي مر أكثر من ست أيام سما جابت إلي صورته على أساس ما شايفته اني استغفرك وراها كل الي موجودين سألوا عنه بس محد حجه على اسامه ولا ذكروا عده سوالف مو خوش بالعكس الكل مدحه وهذا شي خله زياد يرتاح بس وكلامه هو داخل بنص العصابات شلون كدر يخفي هاي الأمور ومحد يعرفها ألف سؤال براسي بس رغم كلشي بكل صلافة كعدت على الأكل اكلت وقبل لا اكوم گلت كلمه الهم وطلعت الغرفتي راساً فتحت البلوك عنه وكتبت..

فاطمه:: انطيت موافقتي الأخوي.....

بدأت الرياح تتحرك بصمت ومعها تغير كل شيء تدريجياً لحظة صغيرة حملت في طياتها بداية سلسلة من الأحداث التي ستقلب كل الثوابت وتكشف ما كان مخفياً طوال الوقت

يـتـابـع

ـــــــــــــ⊰ ـــــــــــــ