رواية جوائح الدهر الفصل الرابع 4 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

كل شيء عاد للاشتعال… أسرار خرجت عن صمتها ووجوه سقطت أقنعتها.
هذه المرة لا عودة للوراء فالنهاية بدأت تُكتب بالنار.

ـــــــــــــ⊰ ـــــــــــــ

اصعب شيء بالحياة تعيش بنص عائلة بنظرهم المطلقة عار عليهم  الغلط مو بينا الغلط بتفكيرهم المقرف وتفكيرهم المحدود.
انچبرنا نعيش حياة عكس الي ردناها

::- اخذا نفس عميق رفعت خصلات الشعر عن جبيني وكتبت اخر سطر.
غفران:: بعدج تكتبين ؟
رحمه:: اي وانتِ ركزي بكتابج.
::- هزت راسها بقلة حيلة وإشرت على استبرق الي واكفة على قنفة وتباوع الشگلها بالمراية.

رحمه:: شبيج انتِ ما شايفه وجهج ؟

استبرق:: شايفته بس طالعه حبابه بوجهي .

::-  رحمه  احتاج طاقة حتى اتحمل استبرق الصبر يا صاحب الصبر.

::- كمت من مكاني طلعت من الغرفة تاركهن يتجادلن وكفت بالممر رفعت حجابي على راسي وانزلت الهم ماكو مهرب اليوم اجلطكم اجلطكم لمحت زهره كاعده على قنفة لافه راسها بقطعه سوده وكوب جاي كدامها عماتي مجتمعات حوليها كذالك ولد عمامي.

رحمه:: مساء الخير .

::- التفتوا كلهم الي نظرات الحقد نظرات الصدمه اي نعم كل شخص موجود هنا رمقني بنظرة تختلف عن نظرات الباقيه.

الكل -: مساء النور.

كعدت بصف فرات الي لازم جگارته بيده وعينه بتليفونه يراسل رفع عينه الي مبتسم ورجع يراسل.

زهره:: ها يالمسعده بس لا حاطه عينج على ابن علي.

:-- رفع عينه فرات يباوع الها صفح لان هو ابن عمي علي وبس كعدت بصفه أخذوها بغير نظرة

وسام:: اني الي أعرفه الولد يحط عينه على البنيه مو البنيه تحط عينها على الولد چنج فاهمه الموضوع غلط زهيره.

أسامه:: أضن عبالج العالم مثل زهيره السوده ؟

::- صفگت ايدها على رجلها وصاحت بصوت عالي.

زهره:: وين اروح وين   تعال شوفهم
تعال يا سلمان شوفهم.

::- أنتجه اسامه على الحايط يباوع الهم واحد واحد نظراته تخوف بحيث عماتي يباوعن اله من جوه الجوه خلسهن خلس بس كالعادة زهراء ما تخاف  اي صحيح زهراء أمي خزرت أسامه وكالت

زهراء:: عمه اسامه أحترمنا

::- رفع عينه على امي سكت بس ما يتوب ابد اخذ كوب جاي من ايد كوثر وسام كذالك تگمع منه شوي ويطلعون اصوات مقرفه

وسام:: اححح شلون جاي.
أسامه:: عاشت ايده الي سووا.

كوثر:: إني سويته عچبكم؟
::- شهگ وسام فتح عيونه مصدوم رجع الكوب مكانه.

وسام:: لا حول ولا قوه الا بالله إذا انتِ سويتي جاي هذا چا موسى شهير وين راح بس لا عزل ؟

أسامه:: أستلم جاي موس شهير راح اجانا جاي كوثر شهير.

وسام:: إسمه موسى مو موس شبيك ابني.

كوثر:: عمه صيحي بيهم.

ام اسامه::ماما حبيبي عوف البنوته.
أسامه:: بنوته ؟؟؟؟
وسام:: بنوته هاي بنوته استغفرالله.
فرات:: وهرش شبيكم تلغون دسكتوا.

رحمه:: شنو يسكتهم بعد هذوله انهدو
::- رجعت ضهري مركزه وي فرات بعيد عن حديثهم قفل تليفونه ورجع فتحته ركزت على خلفية تليفونه صورته وهوه بحدود الخمس طعش سنه بيده طفلة لابسه فستان شذري غامق من خلال الي شفته عرفت الصورة قديمه بس الي جذبني عيون طفلة صح طفلة لاكن نظراتها الحاده تشرح شي ثاني
وسؤال ثاني يا ترى منو هاي الطفلة ؟؟؟

فضولي قاتل لازم اعرف منو هيه باسرع وقت.

رفعت عيوني عليهم واحد واحد كل ثنين يتهامسون بيناتهم
انتظروا چايتكم أخبار تچلطكم وتفرحني.

ـــــــــــــ⊰ ـــــــــــــ

مر شهر حياتنا طبيعية كل واحد بينا ملتهي بحياته ايهاب استقر بيت ابو  بدون ما نعرف السبب المهم خلصنا منه والغريب راح بس دائماً يتواصل وي جوائح

مستغربة الوضع اختي مو من عوايدها تأخذ وتنطي بالكلام بس وي ايهاب الوضع يختلف
هزيت راسي اتجاهل أفكاري لاكن احساسي دائماً ما يخيب جنت متأكدة ورا هذا الهدوء
كارثة راح تصير.

رفعت ايدي ادگ باب غرفة أهلي استوقفني حديث ابويه.

محمد:: هوه گالي هذا الأسبوع قابل شنو اطرده!!!.

نيرمين:: محد گال اطرده بس انتٓ فكر بيها شويه شلون راح يستقرون ويانا وبيت واحد بناتي ماخذات راحتهن بالبيت شلون راح يعيشون بنص عائلة كلها شباب وما تعرف شي منها.

محمد:: ماينخاف عليهن هاي عود اذا سلموا منهن

::- فتحت الباب بدون ما ادگه قلصت عيوني عليهم .

وهجَ::  محمدنا شقصدك.

::- التفت على امي اشر إلها بمعنى شوفي.
نيرمين:: شبيج ولج اني كم مره حذرتج من تصرفاتج هاي.

::- هرولت اله كعدت بصفه وامي تباوع صفح.

وهجَ:: گلولي شنو جاي يصير بغيابي.

محمد:: والله يا بابا كوارث لأن اختج وراها.
وهجَ:: أختي شعليها فقيرة إني ادري بيها .

نيرمين:: حبيبتي بيت جدج راح يستقرون ويانا فترة محدوده.

وهجَ:: وشلون ما اشوف هاي الفترة المحدوده راح تصير سنوات متعددة

محمد:: عدهم مشاكل حبيبتي فترة ويرحون ماكو سنوات.

وهجَ:: شوكت يجون ؟
محمد:: ما حددو يوم بس هذا الأسبوع يمنا همه

::- صفنت عليّ الوضع ما يعجب لاكن ماكو باليد حيله.

::- طلعت امي صاحتلي راحت وراها
دخلت غرفة جوائح الي نايمه او تتصنع نوم.

نيرمين:: ماما حبيبتي گومي.

::- رفعت راسها مقلصة عيونها اجت عيني بعينها مكدرت الزم نفسي ضحكتي بصوت عالي على أثر ضحگتي ضحگة ويايه

كعدت امي على جربايتي وگالت بدون مقدمات.

نيرمين:: اتنقلون غراضگم للطابق ثالث.
جوائح:: ليش ؟
نيرمين:: اكيد تعرفين ليش حبيبتي جوجو هاي الشغلات ما تخفى عنج.
وهجَ:: اتفق وحق علي وا أولاده.

::- رفعت خصلات شعرها البرتقالي وهمست.

جوائح:: عجبني مديحگم او ذمگم المهم غرفتنا شعليها بيهم ؟

نيرمين:: ولد عمامگم خير من الله لهذا سبب البنات بطابق ثالث والشباب بطابق ثاني والغرف الي جوا العمامگم.
وهجَ ::خو طابق ثاني النا وطابق ثالث الهم ؟
نيرمين:: هذاك ابوج روحي گليله هذا الكلام واتفاهموا ويا.

::- مادام مدام نيرمين كالت هاي الكلمة خلاص يعني محمدنا راح يگول سووا الي امكم دگوله

::- ردت احچي بس جوجو خزرتني وهزت رأسها بمعنى اسگتي بلعت الساني دار حديث طويل بين امي وجوائح إلى أن طلعت طفرت من مكاني.

وهجَ:: راح انفچر ليش انعوف غرفتنا ليش ومنو يگعد بيها ها منو أحفاد سلمان الخيخة.

جوائح:: الصمي ننطيها الوسام وأخو.
::- مجرد ذكرت اسمه أخذت صفنه استوعب الوضع اصبروا لحظه هسه يعني هوه هم راح يعيش ويانا !.

وهجَ:: راح يعيش ويانا همين
جوائح:: اكيد ويانا

::- الزمت نفسي حتى ما اجفص

جوائح:: گتلج اثگلي ولج اذا يعرف ايان يسويها سوده مصخمه علينا.

::- اتجاهلت كلامها وكمت اكمز مجرد ثواني انفتح الباب علينا دخل علي لازم الفرجه وايڤار لازم الماسحه التفت علي بالغرفة كلها وصاح بصوت عالي.

علي:: اني تالي عمري اجي انضف غرفتچن

جوائح:: وانتٓ الممنون حبيبي
ايڤار:: خلينا نشتغل كلنا حتى انخلي غراضگم فوگ.
وهجَ:: امي گالت الگم؟.
ايڤار:: اي لو طالع وي وسام ولا هاي الدگة الناقصة.
علي:: نكبر وناكل غيرها

::ــ كامت جوائح من مكانها وطلعت
من الغرفه كلها صفن علي عليه رجع باوع على باب ركض بسرعة قفله وكال .

علي:: ممنوع طلعين بره خلينا نشتغل
ايڤار:: ماكو مهرب أختي بدم
::- هزيت راسي للمره الألف دنگت رفعت أطراف بچامتي وفتحت الكنتور صرت اشيل بالملابس واخلي على جرباية وهمه يطلعون بالغراض ساعة ساعتين الوضع مستمر
كعدت على كرسي اجر النفس بصعوبة.

وهجَ:: تعبت يمعودين عفوني بحالي.
ايڤار:: اتگسرت وياكم طيح الله حظك وسام
علي:: طيح الله حظكم كافي بعدين نكمل.
::- عفتهم يتنگرون وطلعت لمحت جوائح طلعت من المطبخ بيدها ماي نزلت أطراف بچامتي وهرولت وراها.

مجرد مديت راسي من الباب لمحتها  واگفه بصف واحد منطيها ضهر كانوا يغسل اي فعلاً تصب ماي اله وهو يغسل  التفت الها كممت  فمي اخفي صوت شهگتي  فرات واكف مقابيلها وهيَ  مستمرة تحجي وياا وفرات يستمع الها ومركز بيها .

::- من حركات جوائح واضح الموضوع مهم تحچي بعصبية.
هرولت للترك دخلت المخزن صرت بصف الشباك استمع الحديثهم..

فرات:: الي عليج بس تختفين يومين او أكثر.
جوائح:: مثلاً اختفي يومين شنو اگول الأهلي ؟
فرأت:: بكل بساطة وسهولة تگدرين تحلين هذا الموضوع بذكائج.

جوائح:: گتلي سهولة
فرات:: اي عزيزتي بسهولة ادري بيج كدها
جوائح:: راح اجرب وأشوف.
فرات:: أنتظر رسالة منج.

::- صار صوت حركة عرفته فتح باب 
طلعت من المخزن جوائح واكفه بمكانها وعينها على باب دخلت جوا وهي متبسره بمكانها ثواني التفتت على مكان فرات اتقدمت رفعت شاش مليان دم.

علي::شسوي هنا لج.

::- شهگت مصدومة التفتت اله خليت ايدي على حلگه  وهمست.

وهجَ:: اش اش ولك هسه تلزمنا تعلگنا بالمروحة تعال ندخل جوا.

::- مد راسه يباوع على جوائح لزمت ايده اجرجر بي دخلنا جوا كعدت على كرسي.

علي:: ليش جنت واگفه بعيد عنها ؟
وهجَ:: شفتها واگفه وحدها ما ردت ازعجها كلت خطيه.
علي:: والحسن أكبر جذابة
وهجَ:: خليني محترمتك لا انزع أخلاقي.

::- دفر رجلي وراح الغرفتهم

::- أخذت نفس براحه بس بالي ضل يم هذولة الإثنين شنو وراهم يلا مو مشكلة الأيام گفيلة توضح كلشي وتگشف المستور.

::- وهيج خلص الاسبوع واحنا نرتب بالبيت
الوضع هادئ او هدوءا ما قبل العاصفة
اخذ المخدة مالتي وسويت مداهمة الغرفة اخواني كلهم رفعوا رأسهم يباوعن الي ايان وجوائح واحد بصف ثاني علي نايم على ايد جوائح ايڤار  سوالي مكان بصفه .

ايڤار:: تعالي .
::-اتمددت بصفه مر الوقت وأحنا نسولف بدون ما احس نمت

فتحت عيوني على صوت حركة لمحت ايڤار طلع من الغرفة باوعت بمكان جوائح  عرفتها راحت ويا ترى شراح تسوي هاي المره  اخذت  دقايق بفراشي أفكر شويه وسحلت نفسي كمت طلعت ملابسي طلعت
ا

لبيت هادي عرفتهم طالعين باوعت لساعة سته ونص الصبح أكيد وابويه بالدوام واخواني الشرفاء طالعين.

ايڤار:: صباح الخير.
::- التفتت على صوته دخل من بره بيده صمون واجبان.

وهجَ:: صباح النور اخي العزيز اين كنت.
ايڤار:: رحت اجيب ريوك

::- دخل المطبخ يحظر الريوگ عفته ورحت احظر نفسي ربع ساعة كملت رتبت حجابي اخذت جنطتي ونزلت اكمز من درج طلع ايڤار وعلي من الغرفة واحد عابس بوجه ثاني

وهجَ:: منو يأخذني اليوم!
ايڤار:: تعالي اتريگي اول شي
::- صب كوب جاي الي سويت لفه وهمه مستمرين يحجون العفو أقصد يتعارگون

::-مجرد عشر دقايق كام ايڤار كمت ورا.
وهجَ:: ليش ما البس ملابس دوام!
ايڤار:: اليوم ماكدر اوصلچ اني وعلي اريده وياي.

وهجَ:: لعد منو يأخذني!!!
::- سكت بدون لأ يچاوبني فتح باب البيت واشر بيده اطلعي مديت راسي من الباب لمحت وسام منتچي على سيارته

ايڤار:: هو يوصلچ ويا
وهجَ:: وين ايان هسه ينوم الطابوگة براسك

ايڤار::  للا شبيج هوه وصاني اكمل كم شغلة بين ما يرجع هسه روحي وسام أعرفه خوش ولد  وتره مثل الاخوان أنتم.

::- هزيت راسي ما مقتنعة طلعت وايڤار سبقني ماعرف شنو حچه ويا صعدت بسيارة وهمه يسولفون ثواني وصعد وسام بلعت ريگي بتوتر.

وسام:: صباح الخير
وهجَ:: صباح النور.

- انطلق بسيارة واني مرگزه بطريق.
كسر الهدوء وگال بنبرة هادئة.

وسام:: شلونه دوام وياج ؟
وهجَ:: زفت بزفت
وسام:: ليش زفت.
وهجَ:: المدرسات خبيثات
-: شبيهن وياج

وهجَ:: شحجي ومنين ابدي
وسام:: من البداية

::- نسيت نفسي ونسيت وي منو احجي اتحرگت من مگاني مديت راسي اله وانطلقت

وهجَ:: هاي ست مريم فد خبيثة وحق علي وأولاده فد نذلة تعرف شنو نذلة.
وسام:: اي اعرف
وهجَ:: قمه الخبااثة تشد وياي بداية الدوام ومن اشتگي عليها تزود ما تنقص والمديرة ست هيفاء يوميه حامل چنها بزونه وتأخذ أجازه وتخلي المعاونه ست بشرى لو اني بمكانها وعلي مااخلي بيدها دجاجة مو مخلية عدها كومة صخلات

وسام:: صخلات ؟؟
وهجَ:: اي صخلات يعني صخله الطالبات المدرسة صخلات.
وسام:: امممم كملي كملي
وهجَ:: اي وست مريم تحب أستاذ احمد ويومين جايه خابصتنا استاذ أحمد حچه هيج وكال هيج وهوه چنه صخل

::- قطع حديثي صوت ضحگته اي نعم مثل الي بالكم يضحگ على سخافتي شلون نسيت نفسي إني

وسام::  ههههه شعدج وي الصخل ؟
وهجَ:: تضحك عليه؟
وسام:: لا على صخل مو عليج
- لا تضحك عليه.

::- حسيت على نفسي رجعت المگاني كل شوي تصد عيني علي لازمته الضحگة
وصلني للمعهد انتظرني ادخل وراح
التهيت بدوامي ناسية المصيبة الي راح تچي البيتنا اليوم خلص وقت الدوام طلعت أركض لمحت سيارته من بعيد صعدت بصفه وهوه عينه على طريق سلم عليه رديت سلام بس الغريب مزاجه يختلف اليوم تماماً

عوذه كلهم عدهم انفصام بشخصية .
::- وصلني للبيت نزلت ركعة الباب حيل ودخلت للبيت ما يحتاج احجيلكم المنظر الي كدامي شلونه امي كاعدة تباوع على ساعة وابوي لازم تليفونه يخابر سلمت عليهم كالعادة صعدت الغرفتي شمرت جنطتي وطفرت على جرباية بدون لا اغير ملابسي دخلت بسبات عميق يمكن هاي اخر نومه اتنهى بيها..

ـــــــــــــ⊰ ـــــــــــــ

وي كل خطوة تتسارع دگات گلبي شعوري مختلف تماماً عن كل مره اليوم بذات حسيت نفسي وصلت للشي الي جنت أتمنى يصير
تمشيت بخطواة متوازنه رغم خايفه من المجهول فرحه على خوف.
اكيد صار عدكم فضول وين رايحه!.

لمحتها من بعيد تماماً مثل ما وصفها الي
اتقربت منها مبتسمه التفتت الي نظراتها غريبة وكانما مصدومة او يمكن جانت تنتظر شخص ثاني
::- مديت ايدي اصافحها وگلت.

رحمه:: مرحبا وياچ  المحاميه رحمه فارس.
::- مدت أيدها تصافحني.
جوائح:: وياچ المحققة جوائح محمد.

ها هو اللقاء الذي حيكت له الخيوط في الخفاء قد وقع أخيرًا
تصادمت النظرات فارتجف الصمت بينهما، وكأن الليل نفسه يخشى ما سيأتي.
قوتان لا تنحنيان اجتمعتا في لحظةٍ لا تشبه سواها
حيث البداية امتزجت بالنهاية واشتعلت الأرض تحت أقدام الأقوى

يـتـابــع.

ـــــــــــــ⊰ ـــــــــــــ