رواية جوائح الدهر الفصل الخامس عشر 15 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

ـــــــــــــ⊰ ــــــــــــ

كام من الاكل خلانا بصدمتنا اسامه يريد يخطب فاطمه منا وموضوع سرحان منا وتصرفات جوائح الغربية منا راح ينگلب البيت على راسنا من ورا المصايب الي جايتنا راح تچلطنه..

::- رفعت عيوني عليهم واحد واحد ماكو ردة فعل بالعكس مبتسمين الا جوائح تباوع على عمي فاضل الي عيونه على جوائح مصدوم من شي بس شنو ما عرفت الكل ضل ساكت بس كام سلمان وعمامي انطلقوا عماتي وي ام اسامه انسحبنا  من سرفه بحجة غسل المواعين اول ما فتت دخلوا وراي حتى الي فوك نزلن.

وهج:: اذا اشوف الجلب سرحان اذبحه.
رحمه:: استقري ام الذبح وانتِ استبرق عليج المواعين ومو بس كاعدة فوك وغفران اذا اشوفج فوك وما تنزلين جوه اطبكج وي واستبرق..

::- عفتهن وصعدت اجيب تليفوني هرولت بسرعة أخذته وطلعت  مريت من غرفة ايڤار رفعت عيوني على الباب بسبب صوت راجح إلي طالع منها بدون أي مقدمات فتحت الباب راجح ماخذ كرسي وكاعد اما ايڤار يكوي قميصه ويرد على كلام راجح على إثر دخولي باوع إلي ايڤار مبتسم غمز ورجع يكمل كوي.

راجح:: محتاجه شي رحمه ؟
رحمه:: حتى لو محتاجه شي قابل اجي الك وانت مصار الك يومين من اجيت وانت ايڤار خلص وتعال عندي شغلة وياك.

::- مارد لان جان لازم ضحكته يعرفني ماعندي شي ويا بس خباثه وي راجح ويستاهل فعلاً يستاهل غفران أكثر وحده حساسه بينا وهو علقها بي من طفولة مرت سنوات طويلة على ذاك الموقف بس ما نسيته لحد الآن براسي....

⊰ فـلاش بـاك ⊰ 

- ويـنـهـا !
- مـنـو!
زهراء:: غـفـران وينها ؟
رحمه:: يـم اخـواتـي ويــن يـعـنـي ؟
-  اخـواتـج نـايـمات كـومـي شــوفـيـها ويـن راحـت راح تـخـبلنـونـي .

::- شمرت القلم وگمت رحت الباب البيت مجتمعين ولد عمامي وي ولد الجيران واستبرق شايلها وسام على ركبته ركعت الباب مرتين التفت عليه أشرت اله تعال اجه وقبل لا اغرد گال.

وسام:: ابوج طلع وكامت تبچي ورا واني شلتها اسكتها .
رحمه:: وسام الف مره كتلك لا تعلمها هيج.

استبرق:: سعليج أنتِ.
::- ضحك على نبرة صوتها جنها نتفه عمرها اربع سنوات والسانها اطول منها.
خليها  يمك بس گلي غفران هم شفتها ؟

وسام:: اي شفتها بغرفتجن.
- ما موجودة
- وين تروح يعني مريضة ما تطلع.
::- قطع حديثنا صوت استبرق.
- وي خاجح.
- غفران وي راجح ؟
:: هزت راسها بمعنى اي.
::- ردت وجهي وصعدت للسطح بس هنا ممكن الگه راجح روحه بسطح وفعلاً بس صعدت تمشيت بهدوء إلى أن وكعت عيني على راجح فارش فراش ومتمدد وغفران نايمه على ايده وهو بيده ثانيه قطعة قماش يسوي كمادات الها  رغم هيه عمرها ما يتجاوز الخمس سنوات بس دائماً احاول اخليها تبقى بعيدة عنه بس من اروح للمدرسة يستغل الفرصة وياخذها وياا..

ضـلـيـت ارقـبـه مـن بـعـيـد يمـسـد عـلى رأسـهـا ويـرجـع يـخـلي كـمـادات وهـيـه نـايـمـه عـلـى ايـده الـثـانـيـه.
ومن طفولتها تعودت على وجوده وياها وبدون وداع سافر  وتركها ورا ضايعه..

-: وين صفنتي ؟
::-  رجعت ضهري على كرسي فتحت تليفوني  وگلت.
رحمه:: هـنـا ما صفنت.

استبرق:: مـبـين
::- ماكدرت اخفي ابتسامتي واني اشوف استبرق كبرت بس لحد الان محد يكدر للسانها وغفران عدها السان بس هيه خانسها ولازم نخاف من الخانس لان يچي يوم ويصدمنا..

::- دزيت رساله الانمار لأن اليوم ماله أثر اما زياد هو من زمان دايح..
دقيقه اني ما خايفة على انمار بس اريده يجي لان محد يكدر يجيب اخبار غيره ..

جوائح:: صدكت
رحمه:: شو ما احسج صدكتي ؟
- لا صدكت
- متأكدة!
- اي.
رحمه:: اي بله شنو راح تسوين مابقى شي العرسج.
::- التفتت إلي بكل جسمها لوت شفتها السفليه وهزت أيدها.

جوائح:: والله تسوالفين عشره بشهر امي وامج وانتِ حضروا مالي دخل اني والي يجي يكلي اختاري شي اركع راسه بالحايط اخلي دمه بطوله.

رحمه :: انجبييييي عرسج عرسج تعرفين شني عرسج ؟

وهجَ:: عوفيها اني اعرف ذوقها واختار إلها

::- مجرد نطقة وهجَ طلعت جوائح من المطبخ  خلتني مثل ثوله.
استبرق::  لا تحجون وياها عوفوها ما تشوفونها اعصاب صايرة.
وهجَ عفيه عوفوها واذا شفتوها تضحك والوضع ما يسمح للضحك بس هيه تضحك اشردوا ولا دكولون ليش .

::- مشيت وراهن وعفتها رحت اتفقت  وي امي وعمتي نيرمين من باجر نبلش نحظر العرس جوائح ومحد اعترض.
انطاني انمار جريدة اخبار  ابتسمت واني اشوف اخر كلمه  بهاي الحاله  الأمور تمام.....

ـــــــــــــ⊰ ـــــــــــــ

-الترتيب عليج
- اممم
استبرق:: شنو اممم كولي اي
غفران:: اي بس صوتج راسي يوجعني.
وهجَ::  هنه مواعين صار ساعة تغسلون بيهن ؟
::- التفتت الها استبرق متخوصره قبل لا تحجي سمعت صوت ايان بالبيت نزلت أيدها من خصرها وگالت .

استبرق:: المواعين هواي وغفران فاهيه محد نادر غيري  اخواتي كلهن فاهيات

غفران:: امـمـم صــدك ؟
:: غمزت الي ورجعت تغسل مواعين وتضحك وهجَ حاطه سماعة صوت الأغاني طالع تباوع على حايط وصافنه ذكرتيني بنفسي 
نشفت ايدي ورحت سحبت السماعة منها وگلت
غفران:: شعدنا من صبح أغاني وكذا كومي حركي نفسج.

وهجَ:: دجيبيها
غفران:: لا عوفيها كومي تحركي شبيج .
استبرق:: اصبري شو بعدج لا اشتريتي ملابس ولا حظرتي شي
::- عقدت حواجبها وگالت
- المن أشتري ؟
-  شبيج وراج جامعة وانتِ مرحلة أولى اذا تعيدين البسه يسونج مضحكة.
غفران:: لا ماعليج بيها محد يحجي بس فعلاً لازم تشترين لان ملابسج الي تلبسيها كلها مشلتحه مو مال جامعة.
استبرق:: اي صح واذا عمي حسين او وسام يشوفونج تلبسين مشلتح يعلگونج باب الجامعة يشهد الله.

وهجَ:: عمي حسين على راسي بس هذا السريري فنه يحجي سوي قطعتين وحق علي واولاده
::- التفتت استبرق تنشف ايدها اجت سحبت كرسي وكعدت وبلشت تغرد.
استبرق:: لاااا كلشي ولا وسام  ما اقبل تحجين علي.
- بناقص أنتِ وياا دافعين اله اطبكج وياا

غفران::  دخيلك ياعلي شبيجن صدك تحجون
وهجَ:: انجبي أنتِ
استبرق:: اخوج هنا لهذا راح اسكت خلي يطلع واغرد براحتي.

غفران:: اني اروح الحجي وياجن ضايع.
::- لفيت سماعة على ايدي وطلعت افتريت بالبيت كله ما خليت مكان يعتب عليه اخر شي صعدت الدرج صار بوجهي ايڤار يحجي مكالمة ومبين وي شخص مهم لأن اول ما لمحني كدامه اشر لا تحجين. صعدت بايتين صرت بصفه كلش دار وجه عني خلص مكالمته قوس ضهره وگال.

ايڤار:: اصعدي.
::- بدون تردد لفيت ايدي على ركبته وصعدت على ضهره رفعني ماكدرت الزم نفسي ضحكت بصوت عالي ويمكن اول مره اضحك بهشكل صعد بقية البايات واني على ضهره لحد ما وصلنا اخر طابق وهمس .

ايڤار:: يلا انزلي مو اخذج الواهس.
غفران:: تره كم بايه مو هواي
- اي بس طابق الاول 18 بايه ضهري نكسر
::- نزلني وحط ايده على ضهره ويسوي نفسه موجع ضربته على ايده .

- شنو جاي يصير هنا ؟
::- اتجمدت كل أطرافي واني اسمع صوته
التفت اله ايڤار وگال اله.

ايڤار:: مافهمت ؟
راجح:: شنو جاي يصير هنا ؟
::- بلعت ريگي اكره ضعفي هذا اكره نفسي واني بس اشوفه كدامي يتخربط وضعي كله مد ايده ايڤار يلزم ايدي حسيت بنفسي اكدر اخلي عيني بعينه واحجي التفتت بكل جسمي اله خليت عيني بعينه الرجفه برجلي كوه مسيطره قطعت حديثة وي ايڤار وكلت.

غفران:: مايخصك
راجح:: غفرااان!
ايڤار:: لا ترفع صوتك عليها راجح
::- ركع الباب حيل وصاح.

راجح:: وين كاعدين انتم تشيلها وتلزم ايدك اخوها عمها ابوها ز....
:: ما نطق آخر كلمة بسبب صوت رحمه الي قطعت كلام راجح.

رحمه:: كلهن هو راجح مثل ما كالت غفران ما يخصك ولا الك الحق تجي تسأل وتحاسب عدها اهل يحاسبوها..

:: أشرت الي اروح باوعت اله بنظره محد يفهمها غيره وتركت المكان كله دخلت الغرفة
كعدت على جرياية رفعت رجليه ادلكهم بسبب عصبيتي ورجفتي ماكدر اوكف على رجلي بدون لا اوكع واحيانا اوكع وافقد الوعي بأي مكان وبدون ما احس من طفولتي واعاني من هذا شي وأكثر من مره افقد الوعي بمكان محد يعرفها غيري ويضلون يوم كامل يدورون عليه ولحد هذا يومي افقد بدون ما احس..

اخذت نفس وضليت أتحرك بالغرفه من اجينا لليوم حياتنا تغيرت والكل مجتمع بمكان واحد وهذا أفضل شي صح يسبب مشاكل بس افضل بين تحظيرات عرس جوائح وفرات وفوضه البيت مرت الايام الكل جان مشغول واسامه يخطط الشي لأنه دائماً يغيب ويرجع  يروح الابو وصواتهم عاليه وأضح اكو شي مخفي من جهته اما استبرق تفتر بالبيت وتوزع طاقة إيجابية بسبب ضحكتها وهج تفتر وتسب بسام جوائح ملتهيه بشغلها وما مهتمه الخطوبتها حاولت أعرف السبب بس ما انطت أي جواب عفتها ورحتت الغرفة فرات دگيت الباب ودخلت ما لگيته بالغرفه باوعت من شباك جنت متأكدة بالحديقة وفعلاً طلع جوه طلعت من الغرفه نزلت ركض مجرد طلعت للحديقة تمشيت بهدوء رفعت أيدي اريد اصيح حتى اكمزهم بس لفت انتباهي صوت وسام إلي جاي من جهة ثانية ..

وسام:: اذا عرفت لو واحد منهم عرف يركعونك بمية جلاق ويطلعونك بره  عزيزتهم هاي فرات بشنو جاي تورط نفسك.
فرات:: لا تحشر خشمك من البداية اني وحدي وراح اكمل وحدي شوف حياتك وانطم.

وسام:: ما انطم اذا جوائح تدري بيك متزوج تذبحك والكافل تذبحك

::- من صدمتي عيوني حسيتهم راح يطلعون من مكانهم ماكدرت انطق اي حرف فرات متزوج ؟ منو وشوكت وليش محد يدري وهو مو عرسه بعد كم يوم
ضحك وگال بنبرة مليانه استهزاء.

فرات:: ذبـحتـنـي مـن زمـان وصـار الـوقـت اذبـحـهـا بـنـفـس الـطـريـقـة سـنيـن واني انـتـظـر الـيـوم الي اخـطـبـهـا بـي بـس گـلـبهـا دگـ الاعـز صـديـق الـيه يـدري بيه هـاويـها من الـزغـر بس حـط عـيـنـه عـلـيهـا ..

وسام:: هو حط عينه مو هيه وشمدريها بيك تحبها جوائح مالها ذنب بحقارة ايهاب لا تغدرها احچيلها كلشي قبل لا تتزوجون هيه ذكيه وراح تعرف كلشي وإذا عرفت من غيرك تمحيك من حياتها لا تخسرها وتخسر نفسك اذا تمشي ورا تفكيرك بالانتقام راح تخسر نفسك محد يخسر غيرك .

::- رفع رأسه باتجاه وسام ما شال عيونه عن اخو وكأنه يريد يحجي شي بس مايكدر يحجي رجعت نفس ما اجيت ايدي على گلبي لزمتني الرجفه من إلي سمعته  الي يحبها فرات هيه جوائح وسبب خلافه وي ايهاب هيه جوائح وإلي جاي يصير كله علمود ينتقم اذا عرف عمي محمد لو واحد من اخوانها يكتلونه.
::- كعدت بصف امي ماعرف وين أروح والمن احجي وإذا حجيت راح تصير مشاكل شسوي بهاي الحاله!!!

- بيج شي ؟
::- رفعت راسي من كتفها باوعت على ابويه الي متمدد ويباوع علينا أشر براسه بمعنى شبيج وگال.

فارس:: شصاير وياج ؟
زهره:: يوجعج شي ماما ؟
غفران:: لا مابيه شي بس اجيت يمكم شويه
::- هزت راسها مبتسمه رجعت تقرا بالكتاب متجاهلة بابا خنست بمكاني أفكر شنو لازم اسوي بس بعد تفكير طويل اختاريت اسكت لان اذا حجيت راح تسبب  بمشاكل مالها حل مثل ما كالوا جوائح ذكية إذا عرفت راح تتصرف بدون ما تسبب أي مشكلة  اخذت هذا القرار واني خايفة من الچاي بس ما جنت أعرف هذا القرار راح يكون سبب دمارنا.....

::- مجرد نام ابويه عفتهم وطلعت الكل نايم مريت من غرفة ايڤار لكيته نايم هم طلعت للبلكونة التفكير دوخني كعدت وانتچيت على المحجر  بدون ما احس غفيت واني على هذا وضعي  سمعت صوت لحن او أغنيه قريب مني او بعيد ما جنت أحس بشي بس اسمع الصوت ما فتحت عيوني حتى من كفختني ريحه عطره ضليت مغمضه خاف اشوفه كدامي وأضعف بس كلمات الاغنيه اجت على جرح...

احـلـفـك بالـمـحبـة
وعــشرتـي ويــاك
تــحــن لإيـامـنـا
وتــرجــع عـلـيـنا
حبـيـبـي وداعـتـك
  مــن يـوم فـركـاك
مــن كــد البـجـي بـعـدك عـمـينـا  خـطـيـه الــروح  بـس تـريـد مـلـكـاك تـتـانـي  يمتى  حتـى انـت تـجـينـه  مـنو كـلـك كـدرنـا بـيـوم نـنـسـاك  يـاهـو كـدر يـنـسـه  بـيـوم

:: الصوت يتكرر وعيوني انملت بالدموع ريحته وريحه عطره قريبه مني كأنه بصفي كاعد خفت افتح عيوني واشوفه كدامي ما حركت اي جزء من جسمي مجرد حسيته قريب مني نمت ودموعي على خدي

ـــــــــــــ⊰ ـــــــــــــ

بعد آخر موقف جمعني بوسام ما فكرت اختلط بي خلصت وقتي واني اساعد امي باختيار الملابس ومثل ما كالت غفران اشتري ملابس اشتريت وبدل العرك صرت اهتم بكلشي يخصني وفرحانه شعور بداخلي جان حلو جزء مني فرحان الاختي وجزء لا بسبب إلي حجته الي واذا فرات اغ**** مثل ما گالت يعني هاي كارثه بحد ذاتها طردت الأفكار من راسي  وأخذت عهد على نفسي راح اكون دائما وراها واذا حاولوا يكسروها راح اكسرهم بنفس الطريقة وأكثر هم .
على طاري العرس  بقه اله يومين بس صح صح مرت الأيام بسرعه بدون ما نحس حتى لاكن شي وأحد جذب انتباهي الي هو تغير اختي تحولت من انسانه ما تأكل أي شي إلى انسانه تأكد أي شي كدامها وإذا تضيعها بليل تلگيها بالمطبخ..

وهجَ:: صار ساعة ادور عليج ؟
::- رفعت راسها باوعت إلي صفح بيدها بطل دبس قمر دين والتفاح الاخضر مقطعته وحاطه علي دبس قمر الدين وتأكل عقدت حواجبي وگلت.

وهجَ:: معدتج راح تنفجر من كمية الحوامض إلي تاكليها!!

جوائح:: لا تهتمين وكليلي شتردين ؟
وهجَ::  اليوم زهره وام اسامه راحوا يخطبون فاطمه وكالوا لا تحجون لمن ناخذ الموافقه..

::- نزلت الصحن من أيدها وگالت
جوائح:: ومن رجعوا شگالوا؟
- ما كالوا شي بس وراهم اسامه طلع ومن رجع چان مبين تعبان وشبه منهار بحيث من صعد على درج راد يوگع بس لزمه علي وصعدوا فوك إلي يشوفه يكول شايل هموم الدنيا على كتفه

جوائح::, تمام هسه روحي نامي ولا تهتمين.
::- مجرد نطقت آخر كلمه عفتها وطلعت رفعت شعري طلعت قلم الحمره من  المكان السري رسمت شفتي بالحمره ورشيت عطري إلي احبه  ورحت الغرفة الرسم اخذت الاغراض إلي احتاجها وطلعت لبره خليت الاغراض وجبت كرسي فتحت تليفوني وهاي أول مره ادزله رساله كتبت اله.

وهجَ:: اذا فارغ تعال للحديقة الخلفيه.
:: سديت تليفوني ونثرت شعري على اكتافي ابتسمت مجرد شفته جاي باتجاهي بـلـشنـا نـلـعـب بـنـار.....

عندما هدأ كل شيء ظاهرياً كانت الحقيقة تتهيأ للظهور معلنة أن ما انتهى لم يكن سوى وهم

يـتـبـع