جوائح الدهر الفصل الأربعون 40 - بقلم دعاء رزاق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

هناك حكايات أُغلقت أبوابها بهدوء
وانسحبت من الأيام كما ينسحب الضوء آخر المساء
لا تترك وراءها سوى أثرٍ باهت وحنينٍ لا يجد طريقًا للعودة.
صفحاتها طُويت قبل أن تشبع من الكلام
واكتفت الصمت شاهدًا أخيرًا عليها
كأنها لم تكن يومًا أكثر من حلمٍ مرّ سريعًا ثم ذاب
ومن هنا
حيث تتوقّف النبضات عند الذكرى
سيفهم الجميع أن بعض الحكايات
لا تُكتب لها فصول أخرى مهما طال الانتظار

ـــــــــــــ⊰ـــــــــــــ

::- بعدهي تحجيي وما أحس اله بصوت طلق من رچ البيت رچ اتكسر الجام وكع بالكاع وصوت الصريخ ماله والي من بين كل أصواتهم سمعت صرخة منى وبعدها اختفى صوتها.

::- طلع اسامه يركض وصوت طلق مستمر اخذت طفل يصرخ حضنته وطلعت وكعت عيوني على حمزه حاضن منى وجوائح كاعدة هي والبنات كلهن بالكاع خاف توكع طلقة بيهن الولد كلهم يركضون والنسوان تصرخ
توقف الرمي رفعت راسها جوائح على صوت الطفل باوعت اله وكامت من مكانها اتقربت أخذته مني رجعت كعدت مكانها حاضنته الصدرها وسبحان الله سكت بحضنها

::- اصوات الولد عاليه طلعوا كلهم حتى ابو اسامه ورا دقيقه دخل علي وراجح يركضون صعدوا فوك أقل من ثواني ونزلوا بيدهم أسلحة طلعوا بسرعة وبس صوت سيارات تنسمع دخل فاضل عيونه على حمزه إلي حاضن منى وجسمها يهتز عرفتها اجتها الحاله لهذا سبب بقى حاضنها اشرلي اروح الها اتفربت منهم اريد احجي وياها كال

حمزه:: عوفيها شوفي الحجية
- سبقني فاضل ودخل الغرفتها طلعها من الغرفه كلشي ما بيها ركعت عكازتها وصاحت

زهره:: كومن منبطحات شكو هنه طلقات كومن

جوائح:: زهره ما تسكتين مو احسلج

فاضل:: الرمي من كل جهات البيت محد صار بي شي

- لا من ورا الحيه طلعن للصاله
- الحمدلله لو باقين بغرفكم دمكم يصير بطولك
::- باوعت على درج ذكرت البنات إلي صعدن فوك التفت عليهم وگلت

فاطمة:: اكو بنات ثنين ما نزلن!!
فاضل:: يا بنات ؟

زهره:: عزه بعيني ولك يمه بنات يحيى فوك مالهن حس
::- مجرد كالت هيج صعد يركض مشيت ورا
حاول يفتح الباب بس ما فتح ابتعدت شويه دفره أكثر من مره اخر شي ركعه بكتفه وما فاد سحب المسدس ضرب طلقتين ودفر الباب انفتح فتحت عيوني على وسعهن واني اشوفهن واكعات ثنينهن بالكاع ودمهن تارس الغرفة انحنى فاضل يحير شنو يسوي رفع وحده منهم والدم ينزل منها طلع بيها شلون نزل مادري خطواته مو ثابته باوعت على الثانيه نفسها الجانت شايله طفل خفت اروح الزمها مجرد ثواني وسمعت صوت خطوات على درج دخلت رحمه وياها علي ما خافت ولا ترددت راساً شافتها تتنفس او لا

علي:: بيها نفس ؟
- اي شيلها علي زوجها وين استغفرالله
::- دنگ علي يشيلها ورحمه ساعدته حتى يرفعها دم ينزل من رجليها باوعتلي رحمه وگالت

رحمه:: بيج شي ؟
فاطمة:: لا مابيه شي بس خطيه ابنها
- أن شاء الله مابيها شي انزلي لا تبقين هنا
::- نزلت ونزلت وياها طلعت رحمه وي علي
باوعت على جوائح حاضنه الطفل وتباوع على باب

::- دخلوا نسوان عمامهم وبنات عمامهم الغرفة الحجية بعد ما شالوا الكزاز ابتعدت منى من حضن حمزه عدل حجابها الها التفتلي

حمزه:: خليها يمج ابد لا تعوفيها
فاطمة:: ماشي
-: لزمت أيدها عيونها على ايد حمزه بيها اثر اضافر منى ابتسم الها وطلع ورا شويه صاحوا ندخل جوه اخذتها وفتت يم الباقيه
سدوا الباب سمعنا صوت سيارات الشرطة كالت

زهره:: فرحتنا ما گملت حسبي الله ونعم عساهم بالموت
استبرق:: علي گال جماعة يحيى هذولة هو دازهم

ام اسامه:: راد يگتل ولدنا تالي گتل بناته هو هذا الي الله غاضب عليّ.

::- التفت الها منى وگالت
منى:: آخر شخص اله حق يحجي هو أنتِ
حالج حالهم ماكو فرق بينج وبينهم نسيتي نفسج شسويتي يا بنت سرحان

::- حطيت ايدي على حلكها اسكتها تدفع بأيدي
تصيح بصوت عالي على إثر صوتها انفتح الباب دخل اسامه سد الباب كعد مقابيلنا سحب منى الحضنه يسكتها

رفعت عيوني عليً ملامحه تعبانه ضعفان شكله يوضح شكد متعوب
سكتت منى بحضنه كالت الحجية

زهره:: شسويتوا شرطة شسوي هنا

اسامه:: ما سوينا شي بس رمينا على بيتهم ولدج راح يتصرفون وعمي محمد جاب الشرطة مادري شيريد يسوي

ام اسامه:: ياحبيبي ما لحگنا نفرح بيك سوده بوجهم

-: ما رد عليها اسامه وهي تخزر بيه وبمنى
ضل يمنا لحد ما الوضع صار تمام
جوائح خلت عهد يم زهره واستبرق وطلعت
ورا اذان المغرب رجعت رحمه وياها جوائح ملامحهم ما تتفسر كامت منى تحجي وياهن

منى:: شبيجن ؟
رحمه:: منو هنا ؟

فاطمة:: محد بس ولدكم يسون بالجام
::- أشرت النا تعالن فتنا للغرفه جوائح عينها على الطفل

رحمه:: زهره راح أسأل سؤال وجاوبي بصراحة

زهره:: خير أن شاء الله اسألي
- طفل هذا ابن منو ؟
- يااا غير ابن الحيه
:- ضحكة بستهزاء
رحمه:: ايات متصاوبه باسفل بطنها ومن خلال الفحوصات كالت الدكتورة الرحم مستأصل ومن سنوات هم شلون هذا أبنها وهي حتى رحم ماعدها!

::- تغيرت ملامح الحجية رفعت عيونها على جوائح الي خازرتها وعيونها كلها شر

زهره:: ما ادري اني علمي من علمكم حتى ما جنت ادري بي متزوج

رحمه:: تقنعيني سلمان ما حجالج يالله نكول ما تعرفين هاي زين تعرفين تأريخ ولادته!!!

- كتلج ما ادري لا تلحين
::- ركعت رجلها بالكاع
رحمه:: اريد اعرف شغلة وحده هذا ابن منو نفترض ابن جوائح شلون ورا اشهر من حادث جوائح نشروا صور العهد وهو حديث ولادة!!

منى:: يمكن صورا الصور وانتظروا يمر كم شهر وينشرون حتى محد يشك بشي وهذا احتمال!

::- التفتت رحمه فاتحه عيونها ضربت على كصتها وگالت

رحمه:: شلون راحت من بالي!!!
منى:: محاميه ز*****

::- خزرتها حتى تسكت بس هي صلفة ما تخاف
- كعدت جوائح بالكاع عيونها كلها دموع بس ما نزلت دمعه منها

:- طلعت رحمه وإني ومنى خلينها يم الحجية

فاطمة:: اني متأكدة أبنها والله اكو نسخه منها
رحمه:: لا يشبه ابو بس بي لمحه منها إذا صدك ابنها اخليها تخلعه وتأخذ أبنها والباقي عليها

منى:: ليش يسوي هيج زوجها!
- لو اعرف جان ارتاحيت انمار مو هنا لو موجود خليته يجيبلي تأريخ ولادة العهد

استبرق::وينجن انتن

رحمه:: ها
- تعالن ساعدني ضهري يوجعني ماكدر أشتغل وحدي
:- ما كلنا لا صعدنا فوك نخلي المعجون على أطراف الشبابيك حتى يثبت الجام علي او اسامه بغرفه وراجح ويا واحد يشبه حمزه تماماً باوعتله منى ملقصه عيونها عليّ

فاتت للغرفه متخوصرة لحكتها أريد اطلعها كالت

منى:: شو باوعلي انت
::- التفت الها الولد كال

ايان:: ها خويه ؟
- عزااا يحجي مثله نوب انت ابن عمي محمد صح ؟

راجح:: اي يشبه حمزه مو
- كلش
استبرق:: زوجي هذا
منى:: اي اسود مثل اخو
:-: لطمت على خدي ضحك راجح واخو حمزه هز راسه يضحك طلعتها واستبرق لحكتنا

استبرق:: اخوج الاسود لا تحجين على زوجي
منى:: منو الاسود ولج ؟
::- رفعت الفرجه رأسا كالت رحمه

- لا تضربيها حامل استبرق
فاطمة:: حامل!
- اي
- اللهم صل على محمد وال محمد
الله الله راح تصرين ام

استبرق:: صوتج لا يسمع احد ايان
- ما يدري ؟
- اي ما يعرف أريد اسويله مفاجأة

منى:: ابنج زلمه من هسه حماج عفيه عليّ
::- ضحكت استبرق التوجهنا الشغلنا نشتغل ونسولف وكل شويه منى تريد تروح تضرب علي لان يمد راسه ويكول

علي:: ها اخت خريج السجون
منى:: تاج راسك خريج سجون اليوم اموتك اصبرلي
- مو غريبة عليج اخوج خريج سجون شترجه منج

اسامه:: راح اكوملك والله
- ولا يسكت خريج س.....
::- بعد ما كمل كلامه ركعه اسامه معجون الشبابيك

علي:: اخ ولك راسي يا خايس فوك ما الله مطيح حضك صرت خريج سجون

اسامه:: اياااااننن
::- اجاه صوت ايان من الغرفة ثانيه

- خيرر
- تعال اخذ اخوك لا اجرم بي
::- بنفس الثواني اجه راحج طرد علي ودخل يشتغل وي اسامه

::- صار هدوء كملنا كلشي بقى الكنس رحت اريد أجيب الفرجه من الغرفه ثانيه طلع ايان وعلي من الغرفه نزعوا الكفوف وگالوا

ايان:: استبرق عوفي البيدج خلينا نرجع
رحمه:: وين ترجعون ؟
علي:: البيتنا حتى أنتِ امي تريدج
- صاير شي ؟
- لا بس عدها شغل مهم وتحتاجج

::- هزت راسها بمعنى اي التفتت علينا ترخصت وراحوا جبت الفرجه ومنى نزلت جابت وحده ثانيه نضفنا الفوك وعدلنا الفرشات لفت انتباهي كلام راجح واسامه

راجح:: الوضع امان بيها

اسامه:: متأكد؟
- ورح امي

منى:: على شنو تحجون
اسامه:: مادام انتِ هنا راح يبقون وراج افضل شي اخليج بعيدة عنهم

::- لكشني گلبي من كلامه باوعت اله اريد يكمل كلامه

فاطمة:: شراح اسوي ؟

اسامه:: خلال هاي اليوم اضبط الوضع الج وتسافرين وي عمي فاضل خارج العراق تكملين دراستج وتبقين بأمان هناك

منى:: خارج العراق وحدي!!
أسامه:: وياج عمي فاضل مو وحدج وبس اضبط الوضع اجيب فواطم واجيج

- وحمزه!!
اسامه:: كوم راجح عندي حجي وياها
:- كام طلع التفت عليها وگال

أسامه:: حمزه وهو عنده اهل ودوام احجز الج واكمل كلشي وتطلكين منه متفقين!
::- التفتلي تباوعلي بعيونها هواي كلام

فاطمة:: لا ليش يطلكون شبيك اسامه !

- فواطم من البداية هو شرط عليه يعقد عليها ومن ارجع يطلكون أروح اكله لا طلكها شبيه خبل!
منى:: صحيح كلامه هاي هيه
راح اروح يم زهره
- روحي بس لا تتعاركين

::- ما ردت سدت الباب وراحت كمت من مكاني اتقربت منه

فاطمة:: مقتنع بكلامك شلون تخليها تروح شلون اني متعلقة بيها لا تسوي هيج ماكدر بدونها

:- وكف كدامي حضن وجهي
اسامه:: مو بيدي فواطم والله يكتلونها لو اضمها بروحي هم يكتلونها منى تعرف مصيابب عنهم وعرفوا بيها وين راح يرجعون أكثر من مره ومادام موجوده الكل بخطر حتى انتِ واني ماكدر اخسر أحد منكم خصوصاً أنتِ
اخليها تسافر هم تعيش حياتها طبيعي وتتعالج وتكمل دراستها

::- وجعني گلبي بجيت لمجرد سمعت كلامه كلشي كاله صح بس شلون بيه واني تعودت انام اكعد على صوتها وقتي كله وياها شلون بيه اذا راحت!!

فاطمة:: حمزه يدري ؟
- لا بالمستشفى وي عمي فاضل بس يجي احجي ويا

::- ابتعدت عنه اريد اطلع بس سحبني الصدره حاوطني من خصري
اسامه:: كالولي انتقلتي ومحد يعرف اخبارج يشهد الله روحي راحت

- رفعت ايدي على خده
فاطمة:: عفت اهلي واجيت البيتك ضليت يم منى حاولت بكل الطرق اخليها تتحسن وترجع طبيعي انتظرتك تجي حتى تشوفها شلون صارت انتظرتك هواي ردت اعوفك بالبداية بس ماكدرت

انتَ كسرتني بس اني ما هان عليه اكسرك

- ما كسرتج يشهد الله خطفتج واني ناوي اسلمج الهم بس ماكدرت اكسرج عفت اختي بيدهم وضليت يمج سويت كلشي الخاطر اطلعج منهم وهمتج اتقربتلج او وهمتهم بهذا شي وطلعتج وجنت متأكد تحجين الهم واخوج اذا عرف بوقتها يگتلني ويدفني بيده ما خفت من الموت خفت اندفن وحق اختي ضايع جبت شيخ وعقدت عليج وهددتج بالصور المفبركة حتى ما تحجين شي ورجعتج
الهم بيدي
رجعتج ورحت بس گـلبـي ضل يـمـج خـطـفتـج اني بس انـتِ خـطـفـتـي گـلبـي وعـقـلـي مـا رحـتـي مـن بـالـي وداعــة اعــزاز گـلـبـي

::- وي كل كلمه ينطقها تخنكني العبره أكثر
كلامه مو مقنع ولا يبرر السووا ضربني وجردني من ملابسي دفعته وگلت

فاطمة:: تذكر من ضربتني لو من دخلت عليه واني كما خلقني ربي شنسى كلي ورغم كلشي حتى من رجعتني ضليت تلحگني !!!

اسامه:: وداعة منى ما ردت اضربج بس عادل جان يسمع لو ما سمع صوتج جان خله شخص ثاني يضربج افهميني

-: نزلت راسي بالكاع ماكدر احجي عادل الي هو ابويه المفروض يسندني بس هو من صغر يضربنا وبكل الطرق يحاول يجرفنا للطريق الغلط لدرجة يمارس اشياء مقرفة وي امي كدامنا واذا نحجي شي يعاقب اخوي ويخلي بغرفة بيها حيايه وهذا سبب الي خله اخوي يتاجر بالحيايه ويخليهم ويا كأنهم بزونه او حيوان اخذت نفس مسحت دموعي شلت راسي اباوع اله لا إرادياً طلعت شهكة مني وإني أشوف خشمه ينزف وعيونه حمر

فاطمة:: خشمك اسامه!
- مابي شي
- شلون مابي شي خشمك ينزف اوكف
::- التفتت اريد شي ما لكيت طلعت من الغرفه فتحت غرفة البنات اعرفها سحبت كلنس من ميز التواليت ورجعت للغرفه انطيته الكلنس

فاطمة:: خلي على خشمك وارفع راسك هسه اجي
::- عفته ونزلت بسرعة وكفت بداية الدرج لكيت وحده من بنات عمهم صحت الها اجتني

جيهان:: رايده شي ؟
- شوفيلي اكو جهاز ضغط هنا ؟
- اصبري اشوفلج
:-: راحت باتجاه الغرفة الحجية من كد ما يروحون الها اول ما دخلت سمعت صوتها تصيح عليهم ورا دقيقه طلعت بيدها كرتونه الجهاز أخذته منها

فاطمة:: مشكورة حبيبتي
::- صعدت اركض حتى كلاتي كامت توجعني فتت للغرفه لكيته رافع راسه وكاعد على كرسي سحبت كرسي ثاني

- انطيني ايدك
- شسوين بيها ؟
- اكصها شسوي يعني اقيس ضغطك
-: مدلي ايده مبتسم لفيت الجهاز على ايده اشرت اله ما يحجي بس شفت الرقم صفكت ايد بايد

فاطمة:: ضغطك صاعد 16 اسامه
- علگ ضغطي من جمالج

- سوالفك تفيدك ما تمشي يمي كوم خلي امك تسويلك عصير ليمون واشرب

- ماريد من امي اريد منج
- ما اسويلك اني
- چا ما اريد
::- زفرت نفس بقلة حيلة كمت التفتت اريد اروح كام وراي الكلنس على خشمه نزلت وهو مستمر يلحكني ما اهتم الأحد فتت للمطبخ لكيت امه او وحده من عماته

فاطمة:: مرخصتكم أريد اسوي عصير ليمون
انعام:: البيت بيتج لا تترخصين من أحد
::- ابتسمت إلها فتحت ثلاجة اطلع ليمون وهو طلع الخلاط قشرتهم وشلت الحبوب خليتهم بالخلاط وي شوي ماي انخلطوا بسرعة صبية اله راح يغسل وكفت اغسل المواعين گالت امه

ام اسامه:: لو ادري هيج تخلينه محبس بيدج ما خطبتج اله ساعة سوده

::- رفعت حاجبي
فاطمة:: محد ضربج على ايدج وگالج تعالي اخطبيني إلي يجي من ايده عسى الله يزيده

- ادبسزز قليلة أدب
::- ردت ارد عليها بس دخل اسامه باوعلها
أسامه:: منو قليلة الادب ؟

::- حطت ايد على ايد رافعة راسها ما تجاوب سحب الكلاص شرب العصير كله والتفت لزم ايدي

اسامه:: هاي التحجين عليها سوت الما سويتي انتِ وكفت وي بنتج وصارت الها كلشي بغيابي والمفروض هذا واجبج فـ إذا مرتي قليلة أدب انتِ عديمة المسؤولية لا ذمه ولا ضمير

::- نهى كلامه وطلعنا تستاهل يحجي وياها هيج بعد تصرفها وي منى مستحيل ينكسر خاطري عليها خليته يصعد وعباله أروح ويا بس فلتت الغرفة الحجية دخلت وكعت عيوني على منى نايمه بالكاع وجوائح بصفها منتچيه على حايط ومغمضه باوعت على زهره صنينة الاكل كدامها بس ما ماكله ايشي تمدت وحطيت راسي على رجل جوائح ما فتحت عيونها ضلت مثل ما هي حسيت بيها كاعدة

وضعها ابد مو تمام اذا هو ابنها فعلاً شلون كدر يخلي بعيد عنها والطفل يزحف ويكوم يمشي خطوة ويوكع ويحجي كلمات ما مفهومة واضح عمره سنتين وأكثر يمكن بس حجمه صغير وضعيف ناقصة تغذية.
ضل بالي موضعها وموضوع منى ما حسيت شلون نمت للصبح كعدت على اثر صوت عهد
رفعت راسي بمجرد شفت جوائح لسه بمكانها ابتسمت وكالت

جوائح:: ما ردت اكعدج بس لازم اكوم
فاطمة:: اعذريني نمت بدون ما ادري
-: التفتت اله كامت شالته وطلعت منى هم كاعدة تباوع على صقف مديت ايدي على شعرها

فاطمة:: ما تردين تروحين ؟
منى:: مادري
- لا دكولين ما ادري احجيلي تردين تبقين هنا ؟
- اريد أكمل دراستي فاطمة بس ماريد ابقى بعيدة عنكم
- ولا احنا نريد بس شفتيهم شلون يلحكونج ما راح ترتاحين إذا درستي هنا
- اذا اروح تنسوني!
- شنو هذا الحجي منى انتِ اكبر مني بس اعتبرج بنتي ومتعلقة بيج إلى أبعد الحدود لا تفكرين هيج انتِ عزيزة گلب اسامه وعزيزة گلبي حتى لو ابتعدتي عنا هذا شي ما يمنع تواصلنا وياج او مل فترة نجي نشوفج

::- لزمت ايدي وگالت
منى:: اسامه ماله احد غيرنا احنا الإثنين لا دگليلي عنده ولد عم وعمام كلهم ما يفيدون بس انتِ مرته وراح تبقين ويا لآخر العمر لهذا لا تعوفي لا تخلينه وحيد والله اخوي يحبج والحمزه ميت بيج ابقي وياا

فاطمة:: اذا مكتوب النا نبقى سوه راح ننجمع بكل الطرق لا اني اعوفه ولا هو يعوفني لان إني نصيبه وهو نصيبي من البداية

::- ابتسمت كأنها ذكرت شي
- صح كلشي قسمه ونصيب والكاتبه الله يصير

زهره:: شكثر تسولفن دوختني كومن لا اكسرجن

منى:: ارجعي نامي خلينا نسولف
::- رجعت غطت رأسها الحجية ضحكة لان تخاف من منى عدلت حجابها وطلعنا مدينا راسنا لگينا رجال جبير كاعد عرفته جد اسامه هذا ويا زلم كبار كلهم ولده من بينهم لحمت ابو جوائح صاير مقابيلنا تماماً أشرت اله منى بيدها ماكو اخر شي ركعت طرف الباب التفتهم كلهم باتجاه الباب من الفشلة صرت وراها صاح واحد بيهم

فارس:: تعالن عمي
- ما ردت اطلع بس منى صلفة طلعت كدامهم گالت

منى:: شلونك عمي فارس
- الحمدلله بعد عمج شلونج زينه
-: هزت راسها مبتسمه تجاهلت البقيه كلهم سلمت عليهم ومشيت وياها لحد ما فتت للحمام ركعتها على رأسها بكل قوتي وهي تضحك

فاطمة:: صلفة صلفة بطلي صلافتج
- شبيج مو مال واحد يسلم عليهم كلهم جلاب بس عمي فارس ومحمد احبهم شرفاء اما البقية برابيك

- السانججج راح ننفضح
- ما جذبت كلهم برابيك
:- احط ايدي على حلكها وهي مستمره تحجي اخر شي اندك باب الحمام فتحته مدت رأسها بنت عمهم گالت

جيهان:: اكو واحد صاروخي بره ينتظركم يكول خليهن يجن

منى:: صاروخي ؟
- اي يشك شك وعلي
- ياهو ؟
- هذا اليشبه ايان ذكرت حمزه إسمه اي حمزه
- اليوم اشكج اصبريلي
::- بهتت بوجها البنيه دفعتها وسديت الباب

منى:: وخري خليني اكتلها
فاطمة :: ولججج منى كافي عيب محد يدري بي زوجج اسكتي لا تنفضحين روحج راح نطلع إذا تحجين شي زايد اكول الإخوج

- دطيروا انتِ وأخوي
- التفتت تغسل غميتها فتحت حجابي غسلت ورتبت حجابي سويتلها حجابها وفتحت الباب مشينا الغرفة الحجية اخذنا جنطنا او وسلمنا عليها صعدت تشوف اخوها هنا او لا ورا دقيقه نزلت

منى:: طالع مو هنا
- تمام تعالي نروح
::- طلعت كدامها لمحت حمزه واكف يم اسامه يحجي
- هذا اسامه ما طالع
- هذا علي البربوك جذب عليه
- منى لا تحجين هيج استغفرالله
::- هزت راسها ما عاجبها كلامي راحت يم اخوها اتقربت منهم استمع الكلامهم

اسامه:: مثل ما كتلك وصلهن وابقى يمهم بين ما ارجع
حمزه:: ماشي
::- اندار عليه اتقرب مني همس

اسامه:: احلى صباح شافته عيني
- وخر عيب
- عليمن عيب بايسج كدامهم مثلاً
- وخر لا ادفرك دفره الزكك بسياره
- سوالف منى انسيهن عليج علي

منى:: كلت شي ؟
أسامه:: لا روحي اصعدي بسياره اميرتي

::- كمل كلامه وياها التفتلي لزم ايدي يبوسها
اسامه:: راح اكمل شغل مهم وارجعلج لوعة گلبي الاحبها

- شنو شغلك اسامه اذا ترجع....
- لا تخافين ما ارجع اشتغل وياهم بس أريد
اتفق وي عمي فاضل واضبط كلشي
- تمام دير بالك على نفسك
::- انرسمت ابتسامه على ثغره سحبت ايدي صعدت يم منى أخذنا حمزه للبيت وصلنا ونزل فتح الباب البيت دخلت منى نزعت حجابها والبشت شمرتهم كعدت على مرجعه ضهرها على قنفة

منى:: هسه اتنفست
:- باوعت على حمزه واكف يباوع عليها حمحم وگال

حمزه:: منى تعالي وراي
::- راح باتجاه الغرفة راحت ورا سدوا الباب واني لسه واكفه كدامي ضل گلبي يمها شلت ملابسها فتت الغرفتي بدلت وطلعت انضف البيت اشتغل وعيوني على باب أكثر من ساعتين همه جوه كملت شغلي اخذت تليفوني وطلعت للحديقة كعدت على مرجوحة اتصلت على سما حجيت وياها وقبل لا انهي المكالمة گالت

سما:: شوكت ترجعين ؟
فاطمة:: بس تسافر منى ارجع لا يضل بالج
-: اختصرت الحديث وياها سديت التليفون
ضليت كاعدة اذن أذان الضهر وهمه بالغرفة خفت يجي اسامه وهمه جوه صليت وكعدت حارس بصاله كل ما اسمع صوت سياره اطفر اباوع من شباك إيست منهم سويتلي لفة وكوب جاي كعدت شغلت مسلسل اندمجت وبدون ما أحس مر الوقت التفتت على صوت باب الغرفة طلع حمزه مدنگ بالكاع راح باتجاه غرفته وكأنه شايل هموم الدنيا

- خليته يدخل وكمت دخلت غرفة منى لگيتها نايمه انتبهت الها لابسه ملابس جديدة والجت بيهم مشورات على قنفة عفتها وطلعت گلبي يوجعني عليهم بس ماكدر اسوي شي

ضلت طول اليوم بغرفتها كل ما اروح الگاها نايمه وحمزه طلع العصر بليل رجعو هو واسامه اول ما دخلوا اجه اسامه للمطبخ جان مبين التعب عليّ ما حجه ايشي كعد ساكت حمزه دخل الغرفة منى كدامه هو ما نطق
ضليت ساكته سويت اكل كملت كلشي دگ تليفونه كام من مكانه مسح على وجه وهمس

اسامه:: أتمنى الچاي اسوي صح
- شسويت ؟
- عمي فاضل حجز وطيارتهم باجر بسبعه بالليل
- صدك تحجي بهاي السرعة ؟
- ماكدر فواطم الصبح واصل تهديد العمي
- تهديد شنو ؟
- يتهديد قتل
- انتم هواي محد يسوي شي
- علي راح يجيب الشيخ حتى حمزه يطلك منى

::- بهتت مصدومه كلشي صار بسرعة!
عفت كلشي وحاولت اخلي ينسى موضوع التهديد بس محد چان متوقع راح يموت شخص بسبب التهديد هذا

::- اجه الشيخ ويا عمي فاضل وعلي طلع حمزه من الغرفة ماكدرت اروح للغرفه لان همه بصاله ورا دقايق طلعت منى لابسه حجاب وعباية

كعدت بصف اسامه وحمزه قريب منهم هي تفرك بيدها من توتر وهو يحرك برجله حسيت نفسي اختنكت صعبه ادري بيها عدها مشاعر تجاه وهو كذالك رغم ما حجت الي شي بس واضح من عيونهم

:- شهگة من گال
حمزه:: زوجتي منى بنت حسين طالك
:-: شهدوا فاضل وعلي كامت منى مكانها تمشي بهدوء فاتت للمطبخ باوعتلي دموعها عشرة عشرة شمرت نفسها بحضني كاتمه صوت بچيها مسدت على ضهرها

فاطمة:: كلشي بي صالح
وعسى أن تكرهو شيئًا وهو خير لكم

منى:: ما ابجي لان طلگني
- لعد عليمن هذا البجي ؟
- ليش يريدني اروح باجر ؟
- علمود مصلحتج مفروض تعرفين اخوج يسوي كلشي علمود تبقين بخير

::- سكتت تبجي حاولت اتماسك ما انهار وياها بس طلعوا كلهم اخذتها غسلت الها انطيتها ماي وصبيت الاكل خليت اسامه يرجع هو وعلي وفاضل صبيت الهم حتى يسون الها واهس وتاكل حمزه رايح البيت يرجع الشيخ

كعدوا يسولفون ويضحكون وياها خلصوا انطيت الهم جاي وغسلت المواعين ورحت كعدت يمهم ضلينا الوقت متأخر نسولف وهي حاطه راسها على كتف اسامه النص الليل يلا راحوا فتت الغرفتها طلعت جنط باوعتلي

منى:: شراح تسوين ؟
- الم ملابسج
- عوفيهن إني اسويهن
- لا إني اليوم اكعد على گلبج
:- ضحكة ودموع بعينها كامت طلعت الملابس هي ترتب بجنطه وإني بجنطه انتبهت الها تصفن

فاطمة:: حابه تحجين شي ؟
- اي
- سولفي اسمعج
::- اخذت نفس وگالت

" قبل ساعات "

دخلت ورا سديت الباب وهمست

منى:: شبيك ؟
حمزه:: تعالي هنا بصفي
::- اشرلي بيده على مكان رحت كعدت بصفه بدون تردد حك طرف حاجبه وگال

حمزه:: حابه تكملين دراستج ؟
- تريد الصدك؟
- اكيد
- اريد أكمل واصير دكتورة
- واني متأكد تصيرين انتِ غالية عليه اريد اشوفج بمكان تستحقي حققي احلامج وعيشي مثل ما تردين

- تريدني أروح ؟
-: ابتسم عيونه بعيوني رفع ايده يبعد خصلات شعري
حمزه:: اريدج تروحين حتى تكملين دراستج وتبقين بأمان حاولنا نحميج منهم بس ما انتبهنا مخلينج بين أربع حيطان وهذا شي غلط كال اسامه تسافرين وي عمي فاضل وإني أثق بي متأكد راح تكونين مرتاحه

منى:: تنساني ؟
- وجودج دايم بگلبي امنيه
::- الأول مره اريد احضنه بقوة ردت ابقى قريبة منه نزلت عيوني عنه

منى:: ا... اريد تحضني
- تعالي امنيه
::- فتحلي ايده شمرت نفسي بحضنه حاوطني بيده لفيت ايدي على رگبته دگ گلبي بقوة حسيت نفسي ضعت بحضنه وبداخلي شعور غريب اتمنيت ابقى بين اديه بس ابتعدت عنه مسح وجه وگال

حمزه:: نعسان ما نايم بليل
- نام
- راح انام هنا
::- سكتت كام نزع تشيرته بقى بالكمونه تمدد على جرباية كتله

منى:: غمض عيونك أريد ابدل
- راساً غمض عيونه
::- طلعت ملابس الي نزعت وبدلت وهو مغمض خلصت تمشيت باتجاه الجربايه نمت على بطنه ضحك رفعت راسي اباوع اله

منى:: طلكني؟
- تردين اطلكج ؟
- جاوبني تريد طلكني
- اي اخوج يريد اطلكج
- خوش حجي وروح تزوج جيب جهال اترس بيت امك بيهم

- منى تعبان اني
- نام وارتاح راح اعوفك واطلع يم فاطمة
::- نهيت كلامي ابتعدت اريد أنزل من جرباية بس رأساً سحبني عليّ يبوسني رجف گلبي خفت حيل سحبت نفسي بسرعة درت وجهي عنه

- اسف
- ماكو داعي حمزه اني اسفه تعبتك هواي
- التفتيلي
::- اخذت نفس درت وجهي عليّ فتحلي حضنه حطيت راسي على صدره وايدي على ركبته ضليت ساكته وافكر بالصار مررت ايدي على صدره وهمست

منى:: الحصان ما تروح اله بعد اذا رحت ؟

- لا اروحله
- كل ما تشوفه اذكرني
- ماكو داعي اذكرج لانچ عايشه بگلبي
- اوعدني تبقى تروح تشوفه
- وعد
::- ابتسمت فرحانه بكلامه نمت واني احجي ويا ورا كم ساعة حسيته طلع من الغرفه رجعت كملت نومتي ولا وقت طويل انفتح الباب ما فتحت عيوني لحد ما سمعته يهمس

حمزه:: امنيه
- همم
- اكعدي كافي نوم اخوج هنا
:- كعدت اباوع اله عيونه حمر دم عقدت حواجبي مستغربة

منى:: شبيك ؟
- مابيه شي شبيه ؟
- عيونك حمر ؟
- لان ما نمت هواي يلا كومي البسي شي مستور راح يجي شيخ

::- صار صدى بأذني بس سمعت كلامه رفعت شعري وكلت
منى:: راح طلكني ؟
- طيارتج باجر
- خليني استوعب بس دقيقه يعني هاي هيه راح نطلك وينتهي كلشي ؟

::- هز راسه بمعنى أي عجزت أفهم مشاعري بهاي الحظه بذات كمت من مكاني طلعت ملابس الي وهو عيونه عليه اشرلت اله يدور وجه التفت بدلت وكفت مقابيلة وگلت

منى:: آخر يوم إلي واني مرتك!
- امينه الآخر مره اسمحيلي
::- سكتتت محتاره واني اعرف قصده زفرت نفس هزيت راسي انطي الموافقة بنفس الحظه سحبني اله يبوسني بلهفة حسيت نفسي اختنكت ابتعد عني يهمس

حمزه:: اليوم راح تتحررين من كل القيود هاي بداية جديدة وأتمنى الج أيام حلوه
::- نهى كلامه بوسه ثانيه بعدها طلع من الغرفه

::- ماردت ابجي ضليت أحاول اخفي دموعي لبست حجابي وعباية الموجودة بس سمعتهم يحجون طلعت كعدني اسامه يمه التفتت اباوعله مدنك وما التفتلي
::- ضليت اضغط على ايدي لحد ما گال

- زوجـتـي مـنـى بـنـت حـســين طـالـك

تحجي ودموعها تنزل ضليت احجي وياها لحد ما كملنا الملابس دخل أخوها يحجون سوه ويشرح الها شلون راح ترتاح هناك ضلينا وياها حتى ما تبچي ثاني يوم ضلت نايمه للعصر كعدت سبحت وحظرت نفسها
اختاريت الها شي مريح تلبسه بعدها انتظرنا الاذان صلينا سوه وبس خلصنا اجه ابو جوائح وفاضل حمزه ينتظر بره اسامه طلع اغراضها ولازم نفسه لا يبين الها شكد مكسور التفتت تباوع على كل مكان بالبيت

منى:: احلى ذكريات عشتها وياكم هنا اني كلشي محظوظة لان عشت وياج الله عوضني بيج كل لحظه عشتها وياج جانت احلى شي بنسبه إلي

فاطمة:: راح ابجي كافي
- هههههههههههه تذكرين اول يوم شسويت بيج ؟
- اذكر واحلى يوم چان
- ههههه المره جاية بس ادخل الهذا البيت راح اگتلج متفقين

- إذا طلقة وحده راضيه
:- نضحك ونبجي بنفس الوقت طلعت من البيت اخذت نضره مطوله عليّ وصعدنا بسياره طول الطريق عمو محمد يدعي إلها وحمزه ساكت ما نطق بحرف لحد ما وصلنا نزلنا صارت عيونه عليها حضنت عمو طلبت منه يسلم على بنات والحجية بعدها

دخلنا المطار وعيونه عليها اتمنيت ما يخليها تروح بس انتهت كل امالي من ودعته وعيونها كلها دموع اتقرب الها باسها برأسها وهمس

- بأمان الله
- لا تنسى الوعد
- ما أنسى كد الوعد اني..
::- ابتعدت عنه وي كل خطوة تخطيها يضغط على ايده حيل طلع من المطار ومن هاي اللحظه أتأكدت قصتهم انـتـهـت

مَو بَدينا!
نِودَعِ عيون الحَبايَب
مَو بدِينا،
والعَشِك لحَظَة عُمّر
وتمَر عِلينَا

:-, حضنتها وابتعدت ودعنهم لحد ما صعدوا للطياره التفتلي اسامه بعيونه مدمعه ادري بي مكسور بس يريد يخليها تعيش بمكان افضل

::- طلعنا من المطار لمحنا حمزه منتچي على سياره اتقرب منه ربت على گتفه ما ألتفت ولا اتحرك گال عمو محمد

محمد:: شد حيلك بابا شجاك
أسامه:: عوفه عمي تعبناك ويانا اليوم المفروض تبقى بعقد بنتك واجيت ويانا

- ميخالف حبيبي ابوكم اني
::- بعدهم يحجون دگ تليفون حمزه طلع تليفون من جيبه فتح خط يحجي

حمزه:: ها علي
::- تغيرت ملامحه عقد حواجبه وگال

- دقيقة احجي على گيفك ياهو بس فهمني منو ماااتتت

ـــــــــــــ⊰ ـــــــــــــ