جوائح الدهر الفصل الحادي وأربعون 41 - بقلم دعاء رزاق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

رحل بصمت كما لو أنّ العالم لم يعد يستحق وجوده
وغابت الشمس في عيون من بقي تاركةً وراءها ظلاً ثقيلاً يلتهم كل لحظة
لم يكن مجرد فراق
بل انفجارٌ صامت قلب الزمن وجعل الصمت يصرخ داخل القلوب
كل ذكرى أصبحت كجرحٍ مفتوح وكل مكان يعرفه صار يئنّ من فراغه
حين غاب أدرك الجميع أنّ بعض الوداع ليس انتهاءً فحسب
بل موتٌ صغير يحدث داخل كل من أحبّ
ويترك أثرًا لا يزول مهما طالت الأيام

ـــــــــــــ⊰ـــــــــــــ

- لعد يا حبيبتي ابوج فكر بالموضوع وسأل عن الولد الي خطبج وعالم زينين ماكو حجايه عليهم وكال كولي الوهجَ انطيت الهم الموافقة

وهجَ:: دقيقة موافقة شنو اني شكو هنا ؟
- ابوج فكر وسأل عنهم والعالم زينه وهو يعرف مصلحتج

- مصلحت شنو اني ما ارييدددددد اتزوجججج ما اريد اتزوج افهموا
- صوتج نصي واحجي بهدوء دا اگلج ابوج وافق وانطاهم الموافقة وخلال هاي الفترة العقد

::- شعر راسي وكف من الصدمه دمي يفور من العصبية دخلت غفران تباوعلنا مستغربه صوتنا الطالع

غفران:: شبيكم عمه ؟
وهجَ:: تعالي شوفي ابوي موافق على هيثم ومتفقين على موعد العقد وإني هسه يجون يكولون الي ينطون الموافقة بدون ما يسألوني!!!

نيرمين:: دا اكول ابوج ادره بمصلحتج

غفران:: مصلحت شنو تحجون عليه تتزوج واحد ما تعرفه هاي مصلحتها تردون تسودنوني انتم وينه عمي وينه!!!

وهجَ:: صدك وينه ابوي اني احجي ويا

::- ضلت فاتحه عيونها مصدوم بكلامنا أشرت بيدها وگالت

نيرمين:: بالغرفة موجود
::- دفعت الباب غفران وطلعت كدامي تمشي وتصيح

غفران:: عميييي محمد عمييييي
وهجَ:: يسمع بس يغلي خلينا نروح للغرفة
::- أثناء كلامنا طلع من الغرفه او طلع ورا فرات
استغربت وجوده هنا اترخص من ابوي وطلع التفت علينا

محمد:: ليش صوتكم طالع بابا ؟

غفران:: موافقة شنو عمي توافق وتتفق بدون علمها !

- عرفت كلشي عنهم اصلهم ناسهم وخوش ناس ليش ما اوفق ؟

- ليش مثلاً عمي انتِ راح تكمل حياتك وياهم لو تعيش يمهم ناس زينه مو زينه هذا ما يهمم المهم تسأل وهجَ وتشوف رأيها شنو يالله توافق

وهجَ:: اني ما موافقة وماريد اتزوج

محمد:: جايات تحسبوني ؟
اني من اختار شي اختاره لأنه هو الاحسن الكم وكلمتي ما أتراجع عنها ورفعة الصوت هاي
بطلنها

::- خلانا بصدمتنا وطلع من البيت امي واكفه باب غرفتنا تباوعلنا بنظرات غريبة وعلى ثغرها شبه ابتسامه

غفران:: شو ضحكين عمه خير أن شاء الله بنتج ما ارضيه وانتم تتمضحكون

نيرمين:: بعد عمتج شو لسانج طالع جنتي خانسه علمنج هذني الصلافات

وهجَ:: اسمعي يمه وحق علي وأولاده إذا عرفت جوائح ما تسكت زواج ما اتزوج
- مو بكيفج احترمي نفسج واسكتي وباجر مثل الحبابه طلعين وياي نجيب احتيجاتج

غفران:: ما تطلع بعد شتردون
- أي والله ما أطلع
- كلامكم ما يمشي عندي ثنينجن تروحون وخل أشوف وحده بيجن مسوية شي من ورأي واني اعلمجن

::- خلصت كلامها وراحت باوعت على غفران الدمعه بطرف عيوني أخذتني للغرفة قفلت الباب اتصلت أكثر من مرة على رحمه ما جاوبتها آخر شي دزت بصمه تغلط عليها

وهجَ:: عوفيها اهلي واضح قافلين!
- قافلين شنو هي مال نعل زواج ماكو
- أعرف ابوي كلامه جان جدي ولو تنگلب دنيا ما يغيره
- لعد شلون ؟
- مادري شسوي نوب عطلة لو دوام اهد الجامعة على راسهم
- احجي وي رحمه ؟
- خليها وي البنات عوفيها
:- ضليت متبسمره بمكاني ماعرف شسوي
محد موجود من اخواني ايان وحمزه وعلي بيت سلمان ايڤار مادري بي أساساً وين وايان
حتى جوائح موجودة بيت ام حمزه
ماكو احد يمي قفلت باب الغرفة ضليت بالغرفة ما طلعت ولا اكلت ايشي دگوا الباب بس ما فتحته الثاني يوم الصبح اندگ بقوة طفرت غفران فتحته دخل ابوي باوعلي وگال

محمد:: لا تعاندين امج اطلعي وياها للسوك ياالله بابا كومي

وهجَ :: ليش ما تفهمني مو بنتك اني؟

- افهمج يابعد عيون ابوج بعدين تعرفين ليش وافقة وهسه كومي أكلي حتى اطلعون.

::- اتقرب باسني براسي التفت يريد يطلع شاف غفران تباوع اله صفح ما عاجبها كلامه كرصها من خدها يضحك على نظراتها وطلع
وخرت الغطه حطيت رجلي بالكاع ردت اوكف بس ماعندي طاقة كومتني غفران غسلت رحت للمطبخ ما حجيت وي احد امي وعمتي زهراء كاعدات يتريكون اخذتلي كوب جاي وطلعت كعدت بالحديقة لحكتني غفران جايبه ريوك كعدت تأكل وتسب بالعالم حسيت شخصيتها متغيرة كلش والافضل هيج تبقى

اخذت نفس افكر حاولت أتقبل الوضع وأرضه بالمقسوم شلنا المواعين بدلنا إني وياها كملنا كلشي طلعنا وي امي وعمتي اتقربت مني أن
غفران تهمس

غفران:: امج من شوكت تسوق ؟
- من زمان ابوي علمها لان تحتاج تروح للدوام وأغلب الأحيان السايق عنده ضرف مايكدر يوصلها

- احب شخصيتها خلي اتخرج واخليهم يجيبولي سياره
- حتى اني هم إذا ما يجيبولي اخزيهم

زهراء:: عفيه ما تسكن عود من تاخذن منعول الوالدين يشتريلجن سيارات

غفران:: عزا شلون سمعتي
نيرمين:: كملن حبيباتي محد يسمع
وهجَ:: اني اذكرجن بالمستقبل تصير عدنا سيارات لان جوائح جانت دكول اتخرج ويصير عندي سياره وقبل لا تتخرج جابلها ابوي سياره هسه اني هم قبل لا اتخرج تجيني واذكركم

::- درت وجهي عنهم وهنه يسولفون اخذونا أكثر من محل يختارن فستان وأغراض العقد واني مو راضيه بكلشي حسيت نفسي ضعت بدون اخواني للعصر رجعنا للبيت اتمنيت الگاهم راجعين بس ولا واحد رجع ضليت طول اليوم ابجي غفران تباوعلي ساكته ماكو شي تكدر تسوي للصبح وإني على فد بچيه كمت وي الاذان فرشت سجادتي أصلي وادعي الله يخلصني من هذا الموضوع ورا ما شلت سجادتي سمعت صوت الباب يندك طلعت من الغرفه فتحت الباب صارت بوجهي جوائح حسيت روحي رجعتلي من شفتها شمرت نفسي بحضنها هدتني ارتاحيت وحجيت الها من واجو اهله لحد هذا اليوم رأساً راحت الغرفة اهلي وصوتها مسموع فوك الربع ساعة هي تصيح بالغرفة طلعت رافضة تحجيلي شكالوا خلتني اصعد وي غفران نبدل لان اكو دوام بدلنا ونزلنا لگينها مسويه ريوك كملنا بسرعة وطلعت توصلنا للدوام كل ضني يچي وسام بس ما اجه اتوقعت اشوفه بالدوام بس ما جان موجود هناك هم ولا حتى دكتور هيثم واخته مالهم اثر بنص الدوام اتخربط وضعي كله طلعتني وحده من زميلاتي اتنفس وثانيه راحت القسم غفران ورا شويه اجن ثنينهم تشكرت منهم وراحن

غفران:: كومي خلينا نطلع
- اتصلي على واحد يجي يأخذنا
- عوفج منهم هسه نوگف أي سياره توصلنا

::- وفعلاً طلعتني نتمشى وصلنا للشارع ردات توگف سياره بس اجانا صوت ولد من ورانا

- محتاجين شي خويه

التفتنا صار كدامنا شاب مدنگ بالكاع شكله مو غريب عليه رأسا گلت

وهجَ:: انتَ مو احمد ؟
غفران:: اي شمدريج بي ؟
- شنو شمدريني غير أكثر من مره شفته بيت سيلين

احمد:: صحيح خويه لهذا اجيت أسأل إذا محتاجات شي
- لا سلامتك بس إذا تكدر توگف النا سياره توصلنا

احمد:: إني اوصلكم ماعندي شي

غفران:: ما يحتاج احنا نروح
- لا خويه إني اوصلكم
::- ضلت ترفض غفران لحد ما خابرت ابوها تنطي علم بعدين اقتنعت صعدنا ويا وصلنا البيتنا وراح وقبل لا دخون خلي اكللكم احمد احد ابطال قصة انقطاع5

::- دخلنا للبيت لمحت ايڤار وجَلنار موجودين بس شافنا كام من مكانه فتح حضنه النا يضحك ركضنا اني وغفران حضنا بنفس الوقت وحده منا وثانيه منا

ايڤار:: مشتاقلجن والحسن

غفران:: وين اختفيت انتَ تدري شصار بغيابك ؟
- ادري سوالفة الي امي وللأمانة إني اقتنعت

وهجَ:: اقتنعت ؟
- أي والله اقتنعت
- دروح والله فلا احجي وياك
::- وخرت عنه مشيت للغرفة قبل لا أدخل التفتت على جَلنار

وهجَ:: شلونج جَلنار اعذريني نسيت اسلم عليج من ورا توأمي الغبي

جَلنار:: عادي عادي عيوني
::- ابتسمت إلها فتت للغرفة وغفران تتعارك ويا ورا شويه دخلت محتركة روحها

غفران:: كلهم مقتنعين كون اشوف شمسوي الهم

وهجَ:: هاي هيه لازم اقتنع محد يكدر يسوي شي بعد

::- عفتها دخلت سبحت وصليت طفيت كلشي وكعدت وحدي اسمع صوتهم يحجون ويتفقون بكيفهم واني مغسله طلعت بليل للحديقة كعدت بره تأخذني صفنه وترجعني صفنه حسيت بحركة غريبة مني التفتت خايفة لمحت فرات واكف بعيد عني ايديه بجيوبه ويباوع على الحديقة طفرت من مكاني

وهجَ:: شجابك انتَ؟

فرات:: اجيت اشوف جوائح وأخذ عهد بس مالگيتها
- شسوي بعهد هي وليش ما تعوفها بحالها؟

- عايفها بس اجيت اشوفها قابل ابقى طول العمر يمها هي كم دقيقه واروح

::- سكتت منزعجة منه طلع مفتح منه جيبه وعلبة صغيره اتقرب حطاهم بصفي گال

فرات:: هاي وحده من الامانات الراح تبقى يمج
من تشوفين جوائح انطي الها

- ما انطي شي الها وشقصدك بالامانات ؟
::- ابتسم ابتسامة غريب وهمس بنبرة هادئة

فرات:: متأكد تنطي الها وشغلة ثانية كلشي راح يكون الصالحج استمري بهذا الطريق تنتظرج اشياء حلوة.....

::- كمل كلامه وراح يمشي ضلت عيني على خطواته لحد ما اختفى عني ما فهمت كلامه بس خنكتني العبره دمعت عيوني وإني ما اعرف السبب طلعت اركض ورا بدون ما احس لمحته يباوع على طريق

وهجَ:: اذا تحبها ليش هيج كسرتها ليش هيج خليتها بهذا الموقف

فرات:: الحجي هواي وإذا احجي ماراح يصير خير فوتي لا توكفين هنا

- روح يا فرات لو تموت ما اسامحك لا تجي بعد عوفها كافي دمرتوها

::- باوعلي بنظره أخيرة وصعد بسيارته التفتت أريد ارجع للبيت لمحت غفران واكفه بعيونها دموع ركضت باتجاهه سيارته دكت على جامه ما سمعت شكالت اله بس نزل من سياره وهي حضنته

::- اكره بس گلبي يوجعني عليّ ضيع نفسه وضيعها ويا ابتعدت عنه غفران مسح على رأسها وراح اختفت سيارته من كدامنا رجعت غفران تمشي مهضومة

غفران:: ماكدرت الزم نفسي اني اعتبره اخوي صح السووا مو هين بس مادري شي بداخلي خلاني أروح ورا

وهجَ:: تعالي ندخل جوه
::- فتت سوه كعدنا بالحديقة تحجي

غفران:: والله ما ادفع اله بس هو خطية استشهد ابو وهو صغير وامهم عافتهم وهو صغير تكفل باخوانه وجان قربب من الكل بس شغيره وخلا يسوي هيج مادري

وهجَ:: كلشي يطلع بعدين عوفي هسه
::- مسحت دموعها كانت تجر نفس لان مختنكه اخذت نفس وگالت

غفران:: يكولون باجر عقدج
- شنوو؟
- اي والله مساع كالوا وراها يجيبون المشيه
- شنو الخربطه هاي ؟
-: دخلت جوه فتت للصاله اتقربت من اهلي

وهجَ:: شنو عقد شنو باجر ؟

نيرمين:: ماما كم مره اكلج صوتج حبيبتي باجر نعقد الكم بالكاظم وبعدها المشية مالتكم
وراها بيوم ماكو المشكلة اهم العقد يتم

-: يعجز اللسان عن الكلام كلشي اتفقوا عليٌ بكيفهم ضليت واكفه احجي واعيط شفت ماكو فايده فتت الغرفتي ركعت الباب ورأي من الحركة كمت افور ما خليت كلمه تعتب عليه نص ساعة سمعت صوت هوسه بالبيت ومن بين أصواتهم صوت ايان وحمزه
::- طلعت من غرفتي صاروا بوجهي اخواني او وياهم استبرق او رحمه ركعت الباب وعطت

وهجَ:: وينكمممم انتم هااا وينكم توكم شرفتوا

رحمه:: والعباس توني عرفت محد حجالنا شبيج لا تصيحين

حمزه:: اني أعرف ودخلت بس ابوي حلف اذا ندخل بالموضوع يطيح حضنا شنسوي بعد اقتنعي واسكتي

ايان:: انجب انتَ اني ما راضي شنو هذا الهتلي يأخذها ؟
::- خزرته امي واستبرق تغمز اله التفتت سحبت المزهريه

وهجَ:: هاي شايفنها انومها براسكم وحق علي وأولاده عبالكم اعبرها الكم اصبروا الله كريم

::- حاولوا يسكتوني ويقنعوني وهاي استبرق تضحك فرحانه اجيت اموتها بس كلت بعدين بعد وكت لزمتني رحمه تقنع بيه

رحمه:: صدك جذب عمي دكتور جامعي وما راضيه ؟
- شسوي بي وإذا قندره جامعي
- امداج ما تفتهمين باجر عكبه دكولين الحمدلله اقتنعت
- لو أموت بس خلي اشوفه خلي يطلكني افشخه براسه وعلي

::- غمتني لزمتني هي وغفران واستبرق ترتب حواجبي كل شويه اعيط بيهن لحد ما هدوني للصبح كعدت على صوتهن فوك راسي سحلوني سحل حتى اسبح وبس طلعت من الحمام لزموني يحطولي صخام بوجهي الله يصخم روسهم بس خلصوا لبسوني الفستان بهدوء حتى ما يخرب المكياج رتبولي الحجاب باوعت على نفسي صح طالعه حلوه بس ما عجبني ايشي وهنه فرحانات !!

حتى فشرت بسببهن بس خلصوا كالت رحمه

رحمه:: اني اروح وياج وجوائح هسه تجي
وهجَ:: جوائح هنا ؟
- اي اجت قبل شويه وراحت للغرفة تحظر نفسها

::- اخذت نفس براحه مادام هي موجودة ما اخاف ضليت انتظرها لحد ما دخلت تباوعلي ابتسمت بس شافتني

جوائح:: بسم الله ماشاء الله
وهجَ:: شفتي شلون جبروني؟
رحمه:: اهو هم رجعنا عمي اسكتي بس نرجع للبيت نحجي هسه يلا نروح

::- لزمت ايدي انحت جوائح تلبسني الكعب وكامت طلعنا امي وايان بسياره ورحمه وجوائح وياي محد رايح بعد استغربت الوضع كلشي والخنكه لزمتني ليش هيج سووا ما لكيت جواب طول طريق يسولفون وايان متخبل

ايان:: والله لو مو أبوي شنو انطيها لهذا اخخ إذا الزمه

نيرمين:: ماما اسكت شبيك
::- تسكت بي وتباوعلي بالمراية وصلنا نزلت رفعت أطراف العباية لا تتوصخ وهي بيضه وي كل خطوة اخاف أكثر اتصل ايان وي شخص يدليهم وين موجودين نزلت مقطمة الشال على وجهي بحيث ما اشوف شي غير رجلين بعد

وهجَ:: مو هيج شبيج
رحمه:: ما يقبلون ما يصير

::- نزلته بعد أكثر سمعت صوت سلام ايان وي رجال جبير زاد خوفي أكثر كعدوني بمكان اشوف كلشي الهه وجه العالم حسيت بشخص كعد بصفي لو مو عيب اركعه على راسه
غمضت عيوني أحاول اهدي نفسي اجه بالي وسام وينه ؟ ليش ما ذكرني ولا اهتم!

::- طلعت من صفنتي على ايد لزمت ايدي عرفتها ايد جوائح لزمتها بقوة بهذا الوقت بذات اجه بالي وسام بس!!

جوائح:: ركزي زين هذا اختيار محمدنا الج
::- أثناء كلامها بلش سيد يسمي بإسم الله ويصلي على النبي اخذت نفس استمع الكلامه لحد ما گال

:- ان اكون وكيلكِ بتزويجكِ
من وسام علي على الصداق المعلوم
الذي حاضره خمس طعش مليون دينار عراقي.
وغائبه أربعين مليون دينار عراقي.
اذا قبلتي فقولي نعم انتَ وكيلي

::- لا إرادياً طلعت مني شهگة رفعت ايدي أريد اوخر هذا عن عيوني بس شلته التفتت اباوع على كاعد بصفي توسعت عيوني وإني أشوف وسام كاعد بصفي مدنك بالكاع مبستم التفتت اباوع على امي واخواتي مصدومة خزرتني رأسا دنكت بالكاع رجعت مثل الحبابه من صدمتي ما فكرت بأي شي انسطرت سطرة المطي رجع سألني الشيخ باوعت على جوائح هزتلي راسها بمعنى أي گلت

وهجَ ::نـعـم انـتَ وكـيـلي

::- عقدنا وخلص واني ما مستعوبة شي
هواي عالم واكف تباوع علينا بارك الشيخ النا وكم وحده من نسوان الموجودة هلهلة
وكل اليمر من يمنا يبارك النا قدمت الحلقات النا رحمه همست اله

رحمه:: هاي المرة عمي محمد وكف وياك وانطاك هالفصعونة بس خليها بالك وراها اربع اخوان وخمس اخوات تنزل دمعتها ينزلون دمك وانتَ بكيفك

وسام:: شو تهددين انتِ خلي اتفرغلكم واحد واحد احاسبكم واولهم انتِ

::- التفتت على جوائح
رحمه:: هذا مو جنه يحجي مثلج ؟

جوائح:: مو وكت سوالفك انتبهوا وين احنا
::- استوعبت رحمه هي وين انطته الحلقة ردت اشوف ملامحه زين حتى استوعب هذا وسام رغم كلشي ما مستوعبة بعدني اتقرب مني لزم كف ايدي لا إرادياً قشعر جسمي لبسني الحلقة ردت اسحب ايدي همس

وسام:: دقيقة
::- التفت يباوع ورا صار عندي فضول اشوف منو موجود وكعت عيني على اخته طيبة لازمه تليفونها تصور بينا مبتسمه بس أشر الها سحبت جنطتها طلعت علبه حجمها وسط اخذها منها فتحها طلع منها حلقة ثانية لبسها الي فوك الحلقة الأولى ضل لازم كف ايدي وطلع حلقة الثالثة والرابعة لبسهن كلهم وحده ورا ثانيه عقدت حواجبي مستغربة رفعت عيوني باتجاه اجت عيونه بعيوني انرسمت شبه ابتسامة على ثغره همسلي

وسام:: الـلـه حـلـل اربـعـه وانـتِ اربـعـتـهـن..

وهجَ:: انتَ منين اجيت
::- طلع صوت ضحكة جوائح باوعتله وگالت

جوائح:: هاي لسه مصدومة بعدين تستوعب هسه لبسي حلقته
- اخذت الحلقة مد ايده كل ذكرياتنا سوه اجت برأسي لبسته الحلقة درت وجهي على اخوي مقلص عيونه على وسام گال

ايان:: مبارك اني اعلمك بعدين
::- رفع اصابعه وسام بمعنى انتصرت وايان يفور بمكانه كالت أمي روحوا زوروا سوه او هذا ما صدك گام من مكانه مدلي ايده
اتردد الزم ايده بس جوائح لزمت ايدي حطتها بيده وگالت

جوائح:: حطي ايدج بيده كلي ثقة راح يخليج أسعد انسانه

وسام:: الحمدلله واحد منكم يثق بيه اشكرج ام عهد

::- تغيرت ملامحها بس نطق كلمه ام عهد ابتسمت اله كمت ويا نمشي سوه وهو لازم
ايدي همست

وهجَ:: شجابك انتَ؟
وسام:: رجليه جابتني
- مجاي اشاقه احجي صدك شجابك ؟

- بعدين احجيلج هسه خليني فرحان
::- سكتت عنه وهو مبتسم حسيته فعلاً فرحان
كل ما تجي على حلقة اباوع اله أتأكد هذا حقيقة لحد الآن ما مستوعبة الصار كله هسه يلا فهمت ليش كلهم جانوا مقتنعين وليش جبروني عليّ باوعتله وگالت

وهجَ:: انتَ اختيار ابوي
- خاف ما عاجبج
- ايع شايب شيعجبني بيك
- بسيطة باجر عكبه اعلمج الشايب شسوي
- صدك والله ؟
- والله لو أدري بيك جان رفضة
- لو مسويتها اعلك اخوانج باب بيتكم
- اني اعلمك أذا ما اكللهم الشايب يحجي عليكم اخليهم يموتونك والله
- تبقين بدون رجل اذا اموت
- دقيقه انتَ رجلي ؟
- لا زوجج
- اها مو اكول كلت تبقين بدون رجل وانتَ زوج بس شنو الفرق بينهن ؟
- احجي عدل زوج شنو كولي زوجي
- ايع تزوجتلي شايب صدك جذب
- ام الشايب اسكتي عندي حجي وياج هواي نرجع ويصير خير

::- نمشي ونتعارك زرنا وطلعنا اني ويا اهلي راحوا قبلنا حسب ما فهمت منهم المشية اليوم العصر طلعنا نمشي بنفس الطريق الجيت منه واني مكسور خاطري لان انجبرت اقبل بشي إني ماريده وبدقايق اتغير كلشي صعدت ويا بسياره كعدت بالمقدمة باوعت بالمراية جوائح ورانا

وهجَ:: ما رحتي ؟
- لا ما اعوفج وحدج
:- ابتسمت الها وبداخلي شعور حلو طول الطريق نسولف لحد ما گالت

جوائح:: كتلي ام شنو اني ؟
وسام:: ام عهد
- وسام مستوعب شنو حجيت ؟
- اي مستوعب عهد ابنج ماكو شي يخليني ساكت هسه سلمان جان يهددني باختج إذا احجي ايشي ما يخليني اخذها حلف يكتلني اذا يطلع حرف مني او أخطب وهجَ

جوائح:: عهد ابني ؟
- اي ابنج
- مو اخوك حلف الطفل مات ؟

::- التفتلي يشوف ملامح وجهي هزيتله راسي بمعنى كمل

وسام:: ما جذب فرات فعلاً مات او ماتت چنتي حامل بتوأم الطفلة ماتت ورا ولادتها بدقايق والطفل جانت حالته تعبانه بس ضل عايش خلوا شهرين بالحضانة استقر وضعه

وصار زين بس وروح ابوي ما ادري ليش خلا بعيد عنج وما گالج ومن ردت احجيلكم گال بالحرف الواحد اذا تحجي محد يسلم منهم حتى عهد وقبل يومين حجيت وي سلمان وكتله اخطب بنت عمي محمد گال ما تخطبها كتلك من سنوات اخطبها رفضة هسه ما تأخذها واذا تأخذها تخسر هواي وعاندت وكفت بوجه وفرات هدده يسلم ملفات اعمال الغير قانونية ويشكتي عليهم لهذا سكتوا..

::- هو يحجي واني عيوني على جوائح مركزه وي وسام وتليفونها بيدها عرفتها تسجل صوته سكتت وما نطقة بحرف وهي تتناقش ويا وصلنا للبيت ونزلنا كلنا صار كدامنا فرات واكف بصف سيارته يحجي وي ايان رأساً راح باتجاه وسام يحضنه وهو يطبط على ضهره

فرات:: ألف مبروك حبيبي يوم الاشوف اطفالك وافرح بيك

وسام:: اكيد لازم تشوفهم غير انتَ عمهم وجدهم

ايان:: جدهم شنو شو تمسلت انتَ
وسام:: فرات مو بس اخوي هو ابوي رباني وكبرني وبفضل الله وفضله وصلت لهل مرحلة اني ابويه هو

:- ابتسمله فرات وباوع على جوائح الي لو بيدها تموته بهاي اللحظه أشرت اله بمعنى تعال ورأي ومشت دخلت للحديقة البيت اجه وراها وكف گبالها

جوائح:: وتالي وياك انتَ شلون كدرت تسوي هيج شلون هان عليك تبعد ام عن طفلها وتوهمها هو ميت إسم الله عليّ!

فرات:: ما وهمتج فعلاً مات طفل من اطفالنا
من بداية حملج وإني أتمنى يجينا بنيه تشبهج وما جنا ندري حامل بتوأم بالولادة انصدمت من طلعوهم ثنينهم ما شلت الولد شلتها بيدي هي اول وحده وماتت بيدي ودفنتها بيدي وأخوها ضل موجود ما كلت الأحد بس جنت انتظرج تصحين واحجيلج والتهيت بوضع عهد

طلعج عمي محمد ورفضوا يدلوني بمكانج وكالوا خارج العراق لو حاجي الهم جان أخذوا عهد مني فوك خسارة بنتي وخسارتج اخسر عهد ماكدر .....

::- أثناء كلامه دگ تليفونه رفض المكالمة ورجع يريد يحجي اتصل مره تانيه فتح خط وابتعد عن جوائح يحجي سد المكالمة اتقرب منها يحجي

فرات:: راح اروح وبس ارجع احجيلج كلشي بس اريد وعد منج

جوائح:: وين رايح كمل وروح
- ماكدر لازم أروح هسه ارجعلج واحجيلج لا تخافين بس قبل كلشي

- اسمعك كمل
فرات:: اريد وعد منج تسمعين كلشي ومتأكد بس تسمعيني راح تفهميني

جوائح:: عذرتك هواي بس يا فرات هاي اخر فرصه الك وإذا جنت صادق بوقتها مستعدة انطي فرصة ثانيه العلاقتنا واتغاضه عن كلشي سويته الخاطر عهد بس....

::- ما خلاها تكمل كلامها حضنها الصدره وراسه بركتها استحيت من منضرهم خفت يدخل ايان بس ابتعد عنها يبوسها بكل حزء بوجها

فرات:: ما أتأخر بليل ارجعلج انتظريني وراح اخلي وسام يجيبلج عهد ديري بالج عليّ لا تخلينه يمهم بغيابي

جوائح:: ارجع ونحجي
- ابتسم الها التفت يريد يروح رجع حضنها مره ثانيه باسها بعيونها الإثنين
فرأت:: انتظريني ياثالث عيوني..
::- نهى كلامه وطلع يمشي قبل لا يطلع من باب البيت التفت الها بعيونه فرحة وبعدها كمل طريقة

طلعت ورا لحكتها تباوعله يحضن وسام فرحان ربت على كتفه وراح صعد سيارته ومشى ضلت تراقبه حتى بعد ما اختفى ضلت عيونها على طريق كأنها حست بشي......

::- ضلت بمكانها دخلت للبيت استقبلوني البنات يهلهلون ويطشون الجكليت الكل باركلي فرحان محد حجه شي ثاني لان يجهزون بضيافة المشية أكثر من ساعتين دخلت طيبة اخت وسام بيدها عهد بس شافته جوائح طفرت من مكانها أيدها ترجف اتقربت منها طيبه حطتها بحضنها حضنته الصدره دارت وجها على امي دكللها

جوائح:: شوفي يمه هذا ابني الحرموني منه تحجي وتبجي بصوت عالي تباوع الها وتشهك بدموعها بجه طفل بحضنها أخذته منها طيبه تسكته وبدون سبب ضلت تبجي ما سكتت اجتمعنا كلنا عليها انحاول نكستها بس ضلت مستمره امي كامت تصيح لان وضع جوائح مو طبيعي خفنا عليها على إثر صوتنا دخلوا اخواني وياها ولد عمامي التفتت امي الهم تريد تحجي بس بنفس اللحظه غمضت عيونها فاقدة صرخة امي بأعلى صوتها ضليت ثابته بمكاني ما اكدر انطق بحرف شالوها اخواني بسرعة غطوا شعرها واخذوها كدام عيوني
صوت شهكاتها يرن بأذني وعهد يصرخ يحجي بكلمات ما مفهومة ويبجي لزمتني غفران تهديني واني ابجي بدون صوت
ورا نص ساعة اجت المشية والعالم ترسة الشوارع كلهم التهوا ضليت شايلة ابن اختي بيدي كاعدة يم امي ساعة تجر ساعة ومحد يجاوب لحد المغرب دخل ايڤار باوعتله امي گال

ايڤار:: عدها نزيف داخلي دمها سبعه صاير وهي ما تحجي بسبب النزيف فقدة

::- بعده يحجي وصار صوت عالي بره طلع يشوف شكو ولد عمامي كلهم مجتمعين بصف وسام بعدهم حسيت گلبي راح يوكف من الخوف يحجون كلهم بنفس الوقت محد فاهم شي منهم كام وسام يمشي وكع من طوله مايكدر يوكف سندوا ولد عمامي وطلعوا بسرعة حيلي راح كوه واكفه وشايله عهد محد استوعب شي صاحت امي على راجح گال

راجح:: عمه خابروا وسام كايلين الها اخوك بالمستشفى تعال

نيرمين :: يمه عزه بعيني يا مستشفى شبي
- كالوا اله تعال ما يدري شبي وبنفس المستشفى البيها جوائح وايان...

::- بالحظات انگلب البيت گلاب الوجوه كلها انخطف لونها الي خايف على جوائح والي على فرات والعيون على ابنها ما يرضى يسكت شالته طيبه تهمس

- هسه يرجعون اهلك ما يعوفنك ويرجعلي اخوي ادري بي هو ينتظر نجاحي هسه يجينا ادري بي ما يعوفنا

::- تحجي وعيونها على الباب ما خلت دعوة ما دعتها امي كل ما تجينا مكالمة يوكف گلبنا بالعشرة بليل دخل أخوي علي كوه يحجي

علي:: وين اخت وسام فرات يريد يشوفها
::- بس سمعت كلامه كامت من مكانها ما اهتمت البسها طلعت قبله تركض وتسأل بي اذا أخوها زين وهو يهز براسه باوعلنا وگال

علي:: جوائح فاقدة لحد الآن بس يستقر وضعها تصحى لا يضل بالكم.

::- اخذ طيبه صعدها بسياره خله راجح يوصلها وهو كعد بالكاع ايده على رأسه ما عنده طاقة يكوم كامتله امي تحجي ويا هز راسه يكللها

علي:: ما بيها شي جوائح فرات ضاربينه ابر تسكت كل اعضائه الداخلية حتى عظلة القلب منتهيه مابي روح يردون اخته تشوفه الآخر مره لو تلحك لو ما تلحك

:- لطمت على وجهها امي وعمتي وياها نزلت دموعي ماكدرت اوكف كعدت على قنفة غفران واستبرق وضعهم مو احسن من وضعي حتى جَلنار واخواتها يبجون البيت كله بس صوت البچي ينسمع أقل العشر دقايق دگ تليفون علي غمض عيونه بقلة صبر فتح خط اجا صوت رحمه تحجي بصعوبة

رحمه:: علي لا تجيب طيبة رجعها
::- سد المايك كام طلع بره يحجي وياها كمت من مكاني من دخل عليه وعيونه بلون الدم رجف جسمي من گال.

- مات..
::- لا دكولها!!
نزلت دمعه من عيونه وهو يباوع على الطفل

- مـات فـرات أنا الله وانا وآلية راجعون

ـــــــــــــ⊰ ـــــــــــــ

الفاتحة على روح
مصطفى علي
الإسم الحقيقي...
وبدون أي تجاوز بنات اترحمولة أفضل من أي كلمة ثانيه