جوائح الدهر الفصل الثاني وأربعون 42 - بقلم دعاء رزاق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

ـــــــــــــ⊰ـــــــــــــ

.مات..
::- لا دكولها!
نزلت دمعه من عيونه وهو يباوع على الطفل

- مـات فـرات أنا الله وانا وآلية راجعون

غفران:: مات عليك الله كول لا كول جذب
::- دنگ ساكت صرخة بصوت عالي ما مستوعبة صوت الصريخ والبجي گلب البيت لطمت على صدري

وهجَ:: شلووووون ماات الييومم واكف هنا يضحك ويانا كال ارجع والله كال ارجع

انهد حيلي فرفحة روحي من صريخ حضنت ابنه الصدري

- راح ابوك ياروحي عافك وعاف إخوته عاف ثالث عيونه وراح انتظرنا وما رجعلنا

- شلت خليته بيد جيهان الي واكفه بعيد عنا تبجي بدون صوت استبرق كاعدة على اركبها تبجي وتضرب على رجلها غفران انتهت من صريخ وامي عبالك مات واحد من ولدها تصرخ وتلطم لازمتها عمتي رفعت غفران من الكاع تصرخ

غفران:: حسنيي گلبي والله حسني ياروح اختك اخذتنا رجليه الك لجمني گلبي من رحت
::- لزمنها حاضنته الصدري اباوع عليهن وحده وحده اسكت منو أسند منو واني حيلي انهد شحال اختي لو عرفت وسام طيبه شلون بيهم وهمه ماكو الهم غيره يعتبرونه ابوهم

على صوت صريخ التمن نسوان الجيران دخلن للبيت گابلن امي كومتنا عمتي زهراء تلبسهن اسود للفجر دخل راجح يأشر الهن يسون مجال من بين اصواتهم صوت صريخ طيبه لازمتها رحمه مفرفحة روحها وجها حمر تبجي لازمتها تحجي وياها وهي تصرخ

- ولكم اخوي ما يعوفنييي حاجوا والله يكعد اني ادري بي ما يموت والله ما يعوفننااااا حاجوا عليكم الله حاجوا

:-: وخرتها رحمه عن الباب تحجي وياها دخلوا شايلين التابوت حطوا بنص البيت شمرتها نفسها على تابوت تصرخ دخلوا حمزه وايان ساندين وسام من جهتمين دخل يمشي ويلطم على راسه

- يااااا خووووية ياعزيز عيوني ليش هيج تيتمني مو تدري بيه ماكدر على فراگ هديت حيللي ياخوووووية

::- غوشت عيوني من الدموع النسوان تبجي وتطلم وصوت صريخ وسام وطيبة غطه على صريخهن ملخت روحها تملخ تجر بشعرها تلطم

- حلف ما يعوفنييي شلون يعوفنا ولكم ابوي هذا والله اموتتتتت ماكدر بدونه
بس خلي يحاجيني مو منتظر انجح كوم والله انجح بس كوم لا تعوفني

وسام خلي يكوم حاجي يسمع منك ليش حاطينه هيج يختنك مو تدري بي ما يموتت ولكم اخوي وابوي هذا

::- سحبها ابوي من تابوت يحضنها
- اني ابوج لا تبجين

ايان يباوع على تابوت صافن ولا منطي ردة فعل
والباقين كلهم يبجون ويلطمون زلم لطمت عليّ وأمه ما اجت شالوا التابوت جلبن بي كلهن وعمتي توخر بيهن طلعوا التابوت وغفران طلعت تركض وراهم تلطم باب البيت وتصرخ

غفران:: لا تاخذونا ما ودعته حبيبة عيونه
::- كمت على حيلي وكفت سانده روحي على باب

وهجَ:: حس بروحه يروح وصاها على ابنها وراح اخذته منيته انطاها وعد يرجع الها ورجع بتابوت

::- كعدت بعتبت الباب حيلي مهدود عيوني عمت من البچي شكال الروحه من اجا الموت
صاح علينا حمزه دخلنا جوه وكعت بالكاع طيبة فاقدة التمن نسوان يغسلن الها ورحمه تحير المن تصير استبرق على فد بچيبه من الليل بيوم وليلة خيم الحزن علينا

القهرني دفنوا وما شافته ثالث عيونه راح وهي تنتظره

نصبوا فاتحته والعالم التمت نصبوا جوادر لان هواي ناس اجت عمتي زهراء وبناتها المتزوجات اجن هنه الوكفن بالفاتحه غفران تتخربط وترجع تصحى طيبة أكثر من مره وكعت اخر شي اخذتها رحمه وعلي للمسشفى وضلت يمها ويم جوائح الي ما صحت مر يومين على وفاة فرات وهي فاقدة شربت حليب العهد ونومته مادامي شايلته ابجي حطيته على جرباية غطيته وگلت

وهجَ:: جيهان خليج هنا واقفلي الباب لا تخلين أحد يدخل ابد حتى لو وحده من اقاربنا انتبهي

جيهان:: ما افتح لا تخافين
::- طلعت خليتها تقفل الباب ياالله رحت طببت بنص النسوان دخلت للمطبخ هواي نسوان بي عبرتهن وكفت يم شباك اباوع على العالم اريد المح وسام بس ما شفته عرفته لسه يم كبر فرات هو وايان ايان صديق عمره فرات محد يحس بي غيره والله يساعد گلبه هسه

مسحت دموعي التفتت اباوع على غفران منتجيه على حايط وجها كله أثر اضافر صدرها مزلخ احمر شعرها مكطع تكطع الملاية تقرا وامي تلطم بنص النسوان دخلت بنصهم الطم كامت استبرق وياي حتى غفران كامت ويانا

:- صغار وگبار يبجوني عليّ مر اليوم ثالث والرابع وجوائح فاقدة العالم خفت وكلها بدت تروح انمار جان ملتحق نزل من دوام رايح بملابس الدوام المكبره جايب وسام وايان كلهم مكسورين عليّ اله همه حيلهم مهدود دخلوا البيت جسد بدون روح فات يمشي كعد باب صاله يباوع على اخر مكان جان واكف بي فرات اشرلي ايان كوه يحجي صوته رايح وملابسه وشعره كلهن تراب

ايان:: جيبلي عهد
::- رحت جبته طلعت أمشي شايلته بيدي وهو يضحك يريد ينزل بالكاع شاله ايان حضنه حيل يحجي بشوغه

ايان:: يبعد عمك وحيل عمك يا ابن صاحب عمري

::- ألتفت بكل جسمه وسام يباوعلي نزلت دمعتي على حاله نص وجه كله تراب عيونه لونهم احمر تشيرته مشكوك والتراب على كل ملابسه حجه بصوت ناصي كوه يحجي صوته فد مره رايح

- طيبه وين
وهجَ:: تعبت ورحمه اخذتها للمسشفى لا تخاف والله ما بيها شي .

::- باوعلي بنظره تكسر الگلب نزل عهد ايان خلا بالكاع وكف على طوله يمشي مشى باتجاه وسام يضحك يهمس

عهد:: ابه ابه
::- فتحله ايده وسام يهمس

- يـاروح ابـوك انـتَ عـافـنا ويـتـمـنا ابـوك
حضنه يبوس بي ويشمه بشوغه
ضل حاضنه شويه وابتعد عنه التفتيلي

وسام:: راح اروح يم اختي عهد امانه يمج
وهجَ:: لا يضل بالك بس دير بالك على روحك وبروح عزيز گلبگم لا تسون شي مابينا حيل نخسر واحد منكم اسم الله عليكم

::- وأحد باوع بوجه الثاني مد ايده ايان يستند عليها وسام بس كام حضنه من كتفه يمشون سوه واحد مستند على ثاني
راحوا ثنينهم التفت اريد ادخل سمعت صوت راجح مشيت للجهة ثانيه صدت عيوني على راجح واكف أيده على راسه يلطم كباله حمزه وعلي وايڤار وبصفهم أسامه وثنين من ولد عمامي الباقين

راجح:: شلون غدر صاحبه هذا شلون بس فهموني شنو من گلب عده

اسامه:: صوتك لا يسمعون راجح
علي:: هو ترباية سرحان شنو تتوقع منه
حمزه:: ديروا بالكم ايان او وسام يعرفون ايهاب گتل فرات تصير بيها ثار ويروح واحد منهم

::- بدون ما احس طلعة شهكة مني التفتوا كلهم عليه ركض حمزه باتجاهي يحط ايده على حلگي وعهد صرخ رأساً كام علي أخذه مني وراح يدخل للبيت درت وجهي عليهم احجي

وهجَ:: ما احجي والله بس گلولي السمعته صح ايهاب السبب بموت فرات ؟

حمزه:: اي هو وهجَ اذا طلع هذا الحجي تصير مصيبة

::- حطيت ايدي على وجهي ما مستوعبة كلامهم تمشيت بالحديقة راحه جاية

وهجَ:: ليش بس كلولي ليش گتله وشلون فهموني

اسامه:: السبب اندفن ويا اخر مكالمة بتليفون فرات من ايهاب
وبالكامرات مبين داخل ايهاب للبيت مال فرات ربع ساعة طالع ورا بدقايق طلع فرات من البيت واكع على باب البيت مايكدر يكوم ومحد موجود ويا ضال بالباب شايفينه جيران ناقلينه للمستشفى مضروب أكثر من ابره موگف أعضائه الداخلية كلها

وحمزه:: ومن يومها ايهاب لا بالفاتحه موجودة ولا بيته وبيوم التوفة فرات هو كايل الراجح عندي شغل بدهوك وكاميرات بيت فرات كله ما مشغلة كاميرات جيرانهم مصورته من داخل وطالع

::- نزلت دموعي حسيت غصه بصدري خنكتني باوعت عليهم وگلت

وهجَ:: اذا ما تردون وسام او ايان يسون شي أخذوا حق فرات ما راح يرتاح مادام گتاله عايش حياته وهو جوه تراب

::- دنگوا بالكاع كلهم ما عدا راجح يباوع عليهم
عرفتهم مايكدرون يسون شي لان ايهاب توأم راجح خزرهم وصاح بيهم بحركة

راجح::نزلتوا راسكم شبيكم إذا ما تأخذون حقه اني اخذه وروح امي

حمزه:: اخوك هذا
راجح:: مووووو اخوي اتبره منه وكفل زينب
اليگتل واحد باجر يگتل عشرة اذا ما يتحاسب ما تعرفون فرات شكد يعزه ولكم قبل فترة يگلي لا تعوف اخوك خليك قريب منه كل ما يشوفه تعبان يچي يكلي روح يم اخوك وهسه اخوي گتله يتم ابنه وعائلته والكافل من اليوم اتبره منه واخذ حق فرات بيدي..

حمزه:: انت اطلع منها اني وانمار نتصرف كلكم انتم تبقون بعيدين عن الموضوع هذا ما اكرر كلامي

ايڤار:: اني اعرف معلومات عنه ادخل وبدون نقاش انتَ اسامه تأخذ علي تروحون للمسشفى هناك تبقون

اسامه:: انمار وأخو زياد رجعوا هناك

حمزه:: اوگفو بالفاتحة چا
اسامه:: مو اذا اشوف سلمان ادفنه بيدي
- لا دفنه بعدين مو هسه خلي عيونكم على بيت وأي شي يصير تنطوني علم

راجح:: وياك اروح
حمزه:: لا راجح تبقى هنا انتَ هذولة كلهم يمسلتون انتَ أكبرهم خليك هنا.

::- قنعه بصعوبة خله أسامه يصيح على علي ويروح يوكفون وي الزلم التچي بعدهي حمزه أخذ ايڤار وطلعوا او ولد عمامي البقية واگفين باب البيت خاف يصير شي لا سامح الله

فتت جوه وبراسي حچي هواي شلون الإنسان يكدر يگتل صديق مقرب اله وشنو اليخلي يوصل للگتل ويسلب روح لهل درجة البشر صار حقير..

مشيت اشوف وضع غفران واستبرق وقبل لا أدخل للبيت صارت بوجهي مرة شايلة بيدها شي مغطيته بالعباية طلعت من البيت بسرعة دخلت الغرفة باوعت على جيهان نايمه وبصفها الممية مال عهد بس عهد ماموجود وماكو اله اثر بالبيت كله..........

ـــــــــــــ⊰ ـــــــــــــ

:-: أحياناً الإنسان ينجبر يسوي اشياء تخلي الأشخاص بحياته يبتعدون عنه ويبقى بالهم سؤال واحد ليش سووا هيج وشنو الخلا يتغير
والاصعب كلشي يبقى بداخله ويروح بدون رجعة وهذا الصار وي فرات آخر شخص توقعته يموت بداخلي هواي حچي اله بس ما لحگت اعاتبه راح وترك علامات استفهام ورا

::- غطيتهاو طلعت للغرفة الثانية فتحت الباب اشوفها صحت او لا ومثل ما توقعت لحد الآن فاقدة دخلت وسديت الباب سحبت الكرسي كعدت بصفها مررت اصابعي على وريدها

رحمه:: حس گلبج ما بچيتي على ابنج بچيتي لان حسيتي بي ادري بيج شوكت ناوية تصحين كليلي كومي ابنج ينتظرج

شيلان:: أيدها تتحرك

::- التفتت على صوتها كامت من مكانها تضعط على راسها بيدها باوعت على ايد جوائح
تحرك أيدها اليسره اتقربت مني تهمس

شيلان:: تسمعج تره لهذا حركة أيدها
رحمه:: تعبت واني انتظرها ماضل عندي حيل اتحمل اكثر

- روحي ارتاحي اني يمها
- ماكدر اروح طيبة حالتها مو تمام
- ميخالف اني يمهن وهذا زياد بره يمي مو وحدي
- كال الانمار لو لا ؟
- اي گال اله البارحة بليل هو اتصل عليٌ يكله
ليش محد يچاوبي حتى فرات مايرد وزياد حچاله كلشي والصبح خابره يكله اني بالنجف

::- دنگت حاطه راسي على ايد جوائح دموعي تنزل على أيدها شلون بيهم شلون يگملون بدونه غمضت عيوني واني أتذكر موقف الهم..

فلاش باك

- طلعت من دوام كلهم شايلين جنطهم ينتظروني باب مدرستي ركضت نزعت جنطتي وگلت

رحمه:: اليوم دور منو بيكم ؟

راجح:: البارحة اني شلتها اليوم دور وسام

وسام :: انجب انتَ هاج شوفي صعدت على حايط او وكعت ماكدر اشيلها حتى كتبي فرات شايلهن

::- التفت علينا اتقرب مني مد ايده ياخذه ويگول

فرات:: جيبهن اني اشيلهن
- أخذهم والتفت يحجي وي راجح ركض شال كرتونه جبيره الگاع اجه لزمها من طرف والطرف ثاني لزمه بيده الثانيه فرات سووا مجال جبير بنص گال

فرات:: تعالي ادخلي بنص شمس قوية تهيج الحساسية عندج

::- ركضت دخلت بنصهم والكرتونه مرفوعة تغطي شمس دخل وياي وسام طول ما اني امشي همه يمشون وياي مرينا على مدرسة الثانية لان انمار او ولد عمامي بغير مدرسة وكفنا ننتظرهم يطلعون كلهم طلعوا اله انمار وزياد أتأخرو گال

فرات:: وسام تعال الزم الكرتونه مكاني خلي أدخل أشوف وينهم هذولة خاف بيهم شي

::- لزمها وسام وهو راح يركض شويه وطلعوا فرات لازمهم من اذنهم وهمه يضحكون اتقربوا منه رجع فرات لزم كرتونه دخل وسام وياي جوه

زياد:: بعد بعد حطوها على راسكم
انمار:: احطها على راسك
راجح::فرات شبيك وجهك اصفر
- مابيه شي بس عبالي بيهم شي هالمطاية تالي صاعدين على رحلات

وسام:: لو حاطهم وكاتلهم
فرات:: هم كتلتهم
انمار:: شبينا مثلاً كلشي مابينا لا تخاف بعد

::- التفت يباوعلهم وهمه يمشون ورا كلهم
فرات:: اخواني انتَ شلون ما اخاف عليكم
::- ركض انمار يحضن فرات من كتفه يمشون سوه

- ونعم الأخ بس كون نبقى هيج
راجح:: نبقى نبقى
زياد:: ذولاك ولد سلمان واحد يأكل بثاني

فرات:: لا تفكرون بيهم ولا تخلون تصرفاتهم براسكم خلونا گلب على گلب محد يخربنا
وسام:: وراك نبقى اليحشر روحه بيناتنة ادوس راسه
::- ضحك على كلام وسام مد ايده يخرب شعره بيده يگله

فرات:: تچايتي انتَ

::- والحجيهم هذا ينعاد بكل مره نروح للدوام وبرجعتنا يرجع ينعاد لدرجة حفظته

شيلان:: لا توجعن گلبي كافي
رحمه:: ماكدر ارتاح شيلان بسبب السووا ضلمته وقسيت عليّ

::- انفتح باب الغرفة بسرعة باوعلنا وگال

زياد:: كوميلها كعدت .

::- عرفته يقصد طيبة كمت من مكاني أمشي بسرعة دخلت الغرفتها لمحتها كاعدة على حيلها لازمه بيدها الكانونه والدم ينزل من أيدها والممرضات لازمينها وهي تصرخ
بس شافتني صاحت

طيبة:: تعالي اخذيني طلعيني منا اريد اخوتي

::- سحبتها الصدري امسد على ضهرها أحاول أهديها رفعت أيدها للمرضة ضمت مكان الكانونة حتى ما ينزف وثانيه سحبت الكانونه من أيدها رادن يضربنها ابره أشرت الهن لا

رحمه:: اني اتصرف وياها
::- رفعت راسها من حضني احجي وياها

رحمه:: ليش تحركين گلبج وگلب اخوج كليلي يرضى فرات تبچين وتسوين هيج بنفسج لو لا ؟

طيبة:: ما يقبل
- لعد ليش تبجين مو يحس بيج البچي ما يفيدج ولا يرجع شي افضل شي تسوينه تهديلة ختمات وتتصدقين اله تدعيلة بس هاي الاشياء تخلي مرتاح خليها بالج بس تبچين ما يرتاح اذا تبقين بهذا وضعج

- ما تفهمني انتِ محد يفهمني هذا مو بس اخوي ابويه منو النا بعد ماعدنا غيره وهو كلشي بنسبه النا.

رحمه:: افهمج بس مانكدر نعترض على حكم رب العالمين
::- خلت راسها على كتفي تبچي خليتها تبجي براحتها لحد ما سكتت حطولها گانونة ثانية
جبرتها تاكل شويه انطيتها علاجها ردت اطلع انفتح الباب الغرفة رفعت راسي اشوف منو دخل صدت عيوني على ثنين واگفين واحد ورا ثاني عيونهم من البچي رايحه الوجه من تعب وقلة نوم صايره سوده

رحمه:: وسام ايان!!
::- سدوا الباب مشى وسام باتجاهي ابتعدت عنه بصعوبة سكتت طيبة وبس شافت اخوها نزلت دموعها اتقرب منها اخوها شمرت نفسها بحضنه حضنها يهمسلها

وسام:: عفتج وحدج اسف
طيبة:: وسااام
- اش لا تبچين تحرگين گلبي وگلبه اني يمج ما اعوفنچ وروح الغالي بس لا تبچين

ايان:: شبيكم تبجون اني ابوكم واخوكم وياكم لآخر العمر كافي تبجون
::- اتقرب منهم التفتوا اله ثنينهم أشر ايان الوسام بمعنى عادي احضنكم ثنينكم
هز راسه موافق عرفته استأذن منه خاف ما يقبل يحضن اخته وبس هز راسه سام حضنهم ثنينهم غمضت عيوني حتى لا تنزل دموعي عفتهم طلعت من الغرفة گلها وياريتني ما طلعت سمعت صوت جوائح طالع من الغرفة

فتت للغرفة لمحت شيلان لازمتها تمنعها تتحرك وهي دگللها

جوائح:: عهد وينننن!
شيلان:: بيتكم والله بيتكم بس اثبتي
- وخري عني اريد اكوم
-وين دكومين دشوفي نفسج گوه تحجين

رحمه:: عوفيها شيلان
- باوعتلي مثبته عيونها عليه

جوائح:: ليش شكلكم هيج شبيكم تبجون صاير شي ؟

رحمه:: لا بس خايفين عليج صار اله ست ايام فاقدة
::- فتحت عيونها مصدومة التفت تباوع على الغرفة
جوائح:: محد هنا غيركم ؟
- لا محد بس زياد بره
- اخواني ؟
- عدهم شغل وطلعوا لا تحجين هواي ارجعي نامي
::- صفنت بوجهي ما مقتنعة بكلامي

جوائح:: تليفوني اريده وينه

شيلان:: بالبيت شسوين بي
جوائح:: انطيني تليفونج اريد اتصل على فرات ليش ما موجود شگالي هو مو گال اجيج جيبولي تليفون اريد اكله شنو حلمت بي مو

::- درت وجها شيلان تباوعلي حاولت الزم نفسي واحجي وياها

رحمه:: حلم شنو ؟
- بس انطيني تليفون
- مابي شي بس اشحن انطي الج شنو حلمتي
::- ردات ترفع نفسها ساعدتها تكعد انتجت

جوائح:: شفته بالحلم واگف بحديقة بيتنا لابس دشداشة نفس الي لبسها بصباحية عرسنا
شايل بيده طفل صغير مشيت اريد اروح اله بس كل ما اتقرب منه يبتعد أكثر عني رغم ما يتحرك ثابت بمكانه اريد أوصله ماكدرت وكفت صحت عليّ دار وجه يباوعلي ومبتسم
گلت

جوائح:: تعال يمي لا توكف بعيد
:- ضل ساكت ما يحجي راجعت اركض باتجاه رفع أيده البيها طفل گال

فرات:: ابقي بمكانج عهد ينتظرج
جوائح:: منو البيدك هذا مو عهد ؟
- لا عهد ينتظرج روحيله اني باقي يمها

::- نطق آخر كلمة والتفت يروح صحت ورا ما جاوبني وماكدرت الحگه

::-تحجي النا واحنا وحده صافنه بوجه الثاني
عرفنا شنو معنى الحلم بس الطفل منو خفت على عهد من كلامها باوعت عليها مثبته عيونها على باب الغرفة انداريت شفت ايان واكف عيونها عليها مسح على وجه وگال

ايان:: الحمدلله على سلامتج حبيبة گلبي

جوائح:: شبيك شبي صوتك عيونك ليش هيج ملابسك شبيهن شكو يمعودين شصاير ؟

ايان:: ما نايم وتعبان مابيه شي شلونج انتِ زينه ؟
::- ضل يسأل بيها وهي ترجع تسأل اعرفها مو غبية حست اكو شي ضلت تلح تريد تطلع اجة دكتورة شافت وضعها وحجت وياها شويه وافقة تطلع وهنا روحي راحت خفت من ردة فعلها خفت يصير شي بيها لا سامح الله
كملوا كلشي وصار وقت طلعتها بدلت ملابسها من الي چابتهن شيلان شافت لونهم عقدت حواجبها

- ليش اسود ؟
شيلان:: جنت خايفة اخذتهن بسرعة وطلعت ضل بالي يمج ما اهتميت اللون الملابس

:- سكتت واني ادري بيها ما مقتنعة ابد كملنا كلشي طلعوا طيبة بنفس الوقت وسام وايان راحوا ثنينهم شيلان سندت طيبة واني جوائح طلعتها للسياره ورجعت اساعد شيلان لزمنا طيبة منا ومنا صعدنها بسياره جوائح صافنه عليها تباوع على ملابسها وشگلها دارت وجها
تباوع على ملابسنا

جوائح:: كلكم لابسين اسود وانتِ بالمستشفى

::- سكتت صافنة باوعت على طريق هادئة ساق وصلنا اخو انمار وطول طريق ساكته وطيبة تحاول تخفي دموعها بس

وكفت سيارة كدام البيت التفتت تباوع على السيارات الوكفة والجوادر المنصوبة وصورته المخلينها
بالمقدمة مكتوب الفاتحه لروح المرحوم فرات علي وتاريخ الوفاة ثبتت عيونها على صورة رمشت أكثر من مرة فتحت باب سيارة نزلت تمشي خطوة وتوگف تباوع على صورة ترجع تلتف يمين ويسار تباوع مشت تريد توصل للصورته وقبل لا توصل وكعت بالكاع على ارگبها رگضتلها اريد الزمها رفعت أيدها بوجهي ضلت على كعدتها تباوعله ماكو اي تعابير بوجها بس الصدمة واضحة عليها

::- مشت طيبة رفعت ايدها على صورة فرات مررت أيدها عليها مختنكة ماتكدر تنطق ايشي
نزلت عيوني على جوائح صافنه حاولت دگومها شيلان بس ماكو تدفع بيها وحتى ويايه نفس التصرف

::- اخذت طيبة دخلتها جوه اول ما فتت لمحتهم كلهم مجتمعين والبنات لونهم مخطوف التفتت ادور على عمي محمد ما لگيته موجود

رحمه:: يمه خلي طيبه يمج هسه ارجع

::- حضنتها تحجي وياها أخذتها الوحده من الاغرف باوعت على زهره منزله راسها درت وجهي على ابوي

رحمه:: وين عمي محمد ؟
فارس:: عنده شغل رايده شي ؟
- جوائح ما تقبل تدخل شافت صورة فرات
مادري شصار بيها انصدمت لا حجت ولا تكدر توكف..

::- طفروا البنات يردون يطلعون صاح بيهم

فارس:: لا طلعن بره الزلم بالمضيف
تعالي رحمه
:- طلع كدامي لحگته بسرعة شافها شلون كاعدة مقابيل صورته وتباوع عليها حاطه أيدها على حلگها وعيونها ثابتة
راحلها ابويه كعد كدامها مد ايده يلزم ايديها الاثنين يحجي وياها ما انطت أي ردت فعل سحبها يگومها رفعت نفسها بس بنفس اللحظه وكعت بالكاع

فارس:: كولي ياعلي كومي
- رجليه
- شبيهن حبيبتي
- ما احس بيهن

::- حجة كلمتين وسكتت حط ايده جوه رجليها شالها رافعها الصدره دخلنا للبيت
ما خلاها تبقى بنصهم أخذها الغرفتنا فتحت الباب خلاها على جربايتها عبالي يطلع بس صدمني من كعد بصفها اشرلي واشرلي نطلع إني وشيلان عفتهم وطلعت باوعتلي وگالت

شيلان:: البيت اضلم كله سواد ما بي روح

رحمه:: بس دخلت اله اختنكت
- جوائح ما مستوعبة شي بدون أي مقدمات شافت صورته انصدمت
- خايفه من ردت فعلها بس تستوعب وتطلع من صدمتها .....

:- قطع كلامنا صوتهم الطالع عقدت حواجبي مستغربة بهذا الوضع يتعاركون دخلت عليهم زهره تصيح

- ماكو غيرهن أخذنا المسمومات
انعام:: يمه وين يأخذنا غير مريضات

رحمه:: منو أخذ منو ؟
:-: التفتوا الي باوعتلي وهجَ تبچي

وهجَ:: عفت عهد بس شويه ما لگيته بالبيت ماكو أي أثر اله دورنا بكل مكان

شيلان:: شفتوا الكاميرات ؟
- شفناهم كلهن ما مشغلات من يومين

رحمه:: دقيقة شكد صار اله ما موجود ؟
غفران:: ساعة او اكثر طلعوا اسامه وراجح يدورن عليّ

::- حرت شحجي وياهم كلهم موجودين شلون يأخذونه وهمه موجودين ضليت طول اليوم خايفة يسون اله شي وماكدرت اطلع لان كل شويه اروح اشوف جوائح كلهم خايفين عليّ
حاروا شيسون بليل دخلوا كلهم بدون عهد شافتهم زهره لطمت على وجها

زهره:: اديكم فارغة وين ابن أخيكم رديتوا بدونه ؟

اسامه:: والله ما خلينا مكان ما دورنا بي حتى الكاميرات مال المحل على شارع شفناهم ما يبين شي منها طلعت من البيت دخلت بين البيوت بعد ما طلعت

نيرمين:: عمكم وينه
علي:: ابوي راح البيت يحيى وما لگه اي شي هناك
::- همه يحجون وشيلان تحجي مكالمة وايشي يصير تسمعه وتروح تحجي مكالمة أكثر من مرة تسوي هيج النص الليل ومحد لگه أي أثر اله رحت الغرفة جوائح فاتحه عيونها صافنه على حايط لا تتحرك ولا تحجي عفتها وطلعت صدت عيوني على شيلان واكفه بداية الممر تحجي وي علي

شيلان:: توكف بداية الشارع تنتظر فهمت
علي:: فهميني شسوي انتظر ؟
- روح هسه بعدين افهمك بس روح
:- تحجي وتدفع بي طلع علي وهي راحت فتحت شباك الطابق ثاني تباوع من فوك مشيت وكفت يمها اباوع أقل من عشر دقايق لمحت علي باب البيت شايل بيده عهد التفت الها مصدومة وهي مبتسمة

شيلان:: مثل ما توقعت كدها السيد
رحمه:: شنو كدها شنو سيد ؟
- غلسي تعالي نروح
::- لزمت ايدي تجر بيه طلعنا الصاله دخل علي شايل عهد يبوس بي

زهره:: دخيلج يالزهره ولك عليوي جيبه الي

::- خلا بيدها وهي ما صدكت تبوس وتحضنه وخرته من كام يبجي أخذتها منها عمتي نيرمين شوي شلته بيدي عفتهم يحجون وي علي مشيت الغرفة جوائح دخلت إني وعهد وهو يصيح يريد انزله بالكاع نزلته بالكاع

وكف يباوع الها يسد عين وحده ويباوع بثانية وهي ما التفتت اله أصلاً بس سمعت صوته
صارت عيونها حمر راح الها يمشي اتقرب من جرياية يريد يصعد بس عالية شلته حطيته على جرباية كعد كدامها يباوع على الغرفة ويرجع يباوع عليها

شافها ما تباوعله كام انتچه عليها يوكف وما أحس غير ركعها راجدي صار صوت ضربه قوي لزم ايده يبجي رفع رأسه قوس حلگه يتفل عليها

::- توسعت عيوني بصدمة ما توقعت هالفصعون يطلع منه هيج بس تفل عليها رجع يدفرها ويصيح بس محد يفهم شنو يدردم نزلت عيونها عليّ

جوائح:: وخر عني لا اهفك هناك
::- بس حجت ضحك بوجها كعد كدامها يرردم شافها سكتت رجع تفل عليها مره ثانية مدد على جرياية يرفع رجله يدفرها حار شسوي حتى تحجي استغربت ليش يريدها تحجي وليش بس تحجي يضحك

شفتها بلشت تتحرك وتباوع اله عفته يمها طلعت من الغرفة فتحت باب الغرفة ثانيه غفران وجَلنار واخواتها كاعدات يم طيبة رجعت الغرفة ا

ستبرق مالگيتها نزلت ادور عليها فتحت شباك المطبخ شفتها كاعده يم ايان حاط راسه على كتفها وجسمه يهتز عرفته يبجي

يحاول يبين هو قوي بس بداخله نار وحقه حتى من صارت مشاكل بين جوائح وفرات ما عافه وضل وي فرات ويدافع اله وبرمشة عين راح..

::- سديت شباك درت وجهي اريد اطلع انضربت بشخص رفعت راسي اباوع اله
قبل لا انطق بأي كلمة لزم ايدي وهمس

- تعالي

::- مشيت ويا صعد فوك فات الغرفة الولد محد بيها غيرنا سد الباب قفلة التفتلي يباوعلي بدون اي مقدمات حضنته ضل ثابت حسيت بي مايكدر يحجي رفعت راسي اباوع اله

رحمه:: احجي طلع البداخلك لا تسكت

انمار:: شحچي نار بصدري تحرگني حرگ ليش ما حجيتولي

رحمه:: ملتحق انتَ وحتى لو حجينا الك ما تلحك توصل

::- ابتعد عني كعد بالكاع مرجع ضهره على جرياية گعدت بصفه دنگ بالكاع دموعه توگع على ايدي

- لا تبجي انمار
سحبت راسه الحضني گال بشوغة

انمار:: اخوي هذا شلون ما ابچي عليّ ياهو يخابرني نص الليل يكعدني اصلي واحد واحد يخابرنا يكعدنا نصلي صلاة الصبح ما تغفه عينه اذا ما يحجي ويانا شلون بينا بعده والله البيت ما اضلم
::- رفع رأسه يباوعلي ويحجي

قبل لا ايام يحجي وياي يگلي شوكت ترجع
حتى نروح نزور كلنا سوه هاي اني رجعت بس وينه هو شنو شاف من حياته يهتم بينا ناسي روحه نار بصدري ما تطفه والله ما تطلع

::- يبجي بحركة وأول مرة اشوفه بهاي الحاله ضل يحجي لحد ما سكت خليته ينام طلعت للحمام حطيت ايدي على حلكي خاف يسمعوني ابجي بعدين غسلت وطلعت مرت الايام ويوم عن يوم يبين التعب عليهم ما يتحسنون كل خميس ولد عمامي كلهم

يروحون للمكبره وسام وياهم يباتون هناك والصبح يرجعون منتهين كلهم بجهة وجوائح بجهة لا تبجي ولا تحجي ولا تأكل نحاول نوگلها تشرب ماي والباقي تعوفه

عهد بيد جَلنار واخواتها يخلونه يلعب وكعدن ويا خاف يصير شي عليّ
اما طيبة حالتها تعبانه صايره هيكل عظمي بدون روح من البچي حتى خدودها مشگت

يكسرون الخاطر كلهم عمي محمد وأبوي همه التكفلوا بگلشي ما خلوا سلمان يدخل بشي ومن يوم وفاته لليوم زهره ما رجعت بقت موجودة وحلفت ما تروح اله وتريده يطلگها بعد هذا العمر كله ...

::- طفيت الغساله طلعت اشر ملابس غفران تغسل الطارمه وعهد لازم المساحة عود يغسل وياها شريتهن مريت من يمهم

رحمه:: عهد
::- ألتفت يباوعلي رافعة حاجبه

- ذب الماسحة تعال نگعد جوائح لسه نايمه

::- بس سمع اسمها شمر الماسحة يركض كدامي يصيح

عهد:: ذوذو ( جوجو)
::- مشيت ورا فتحت الباب ردنا نصيح سوه بس ما لگينها بالغرفة ماموجودة وملابسها مطشره طلعت من الغرفة ادور عليها شافتني وهجَ كامت عافت المواعين اجت تركض

وهجَ:: شكو شبيج شبيها اختي؟؟

رحمه:: ما موجودة ولج ما موجودة
::- انخبص البيت يدورن عليها حتى فوك سطح صعدنا ماكو نزلت اركض رجعنا الكاميرات طالعة الفجر من واكفه على شارع وكفتلها سياره صعدت بيها وراحت ركع الباب حمزه يصيح

حمزه:: خرببببب بال**** شطلعها شطلعها راح تجلطني

ايان:: هاي سيارة اختك
::- فتح عيونه بصدمة رجع يتأكد من السيارة وفعلاً نفس سيارة شيلان رجع ركع الباب زمخ بي ايان طلع تليفونه يتصل عليها ما ترد رجع اتصل عليها من رقم ثاني ما تعرفه فتحت خط بس كالت الو گال

حمزه:: اليوم اكسرجن تكسر طالعات نص الليل وبدون علم احد شلووووووون

شيلان:: اهوووو لا تصيح مالي خلك بعدين نحجي باي

::- سدت الخط بوجه خلته يغلط بكل اللغات حدود مكانها هز راسه ايان وگال

- مثل ما توقعت رايحات للنجف اكعد واستجن انتَ همه يرجعن عوفهن

نيرمين:: لا يووم خاف يصير شي بيهن لا سامح الله

::- طفرت عليهم زهره تصيح

زهره:: مالكم دخل اني شفتها من طلعت عوفنها راح تموت لا دمعة لا صخام تموت الفرخة بس تبقى هيج خلنها تفرغ گلبه هناك خلشوفن واحد منكم رايح وراها وجايبها اكسره وانعل ابو اليطلع ورا

انعام:: مثل ما كالت امي هسه كل واحد يرجع المكانه

::- توزعوا على شغلهم طلع ايان وحمزه يشيلون الجوادر وي البقية وسام كاعد كدامهم يباوع على صورة اخو

للعصر وجوائح ما رجعت عهد يفتر ويانا يباوع علينا ويصيح

عهد:: اين ذوذو ( وين جوجو)

استبرق:: شويه وتچي جوجو تعال انطيك حلويات

::- أخذته استبرق طلعت اله حلويات خليته يتابع فلام كرتون وياكل نزلت عيوني على بطنها بارزة بشكل مو طبيعي رغم بعدهي بشهر الرابع شكيت بيها حامل بتوأم لان التوأم وراثة بعائلتنه رجعت الشغلي راجعت الملفات واحد واحد بس خلصتهم طلعت اتفقد الوضع شفتهم كلهم موجودين مابيهم شي سئلت على طيبه كالوا بالحمام تسبح دگيت الباب صحت عليها ما ردت

رحمه:: طيبه دخيلج افتحي الباب والله ماعندي طاقة اتحمل بعد

:- صحت أكثر من مره ماكو جواب على إثر صوتي دخل اجتني امي

زهراء:: ما تفتح الباب ؟
- اي يمه ماتفتح
::- راحت جابت ماشا ضلت تحاول لحد ما انفتح الباب ما خلت اروح اصيح الاحد خاف بيها شي وهي بدون ملابس بس فتحت الباب صارت كدامنا واكعه بالكاع والدم تارس الحمام.........

ـــــــــــــ⊰ ـــــــــــــ

سحبت العباية لبستها فتحت الباب نزلت بهدوء طلعت من يمها گالت

زهره:: لا تروحين وحدج اخذي اخيج وياج
::- ما جاوبتها طلعت من البيت امشي واعثر صارت بوجهي صورته خنگتني العبرة مشيت انتظرتها تجيني صعدت وياها ساكته طول الطريق ادعي يطلع كلشي جذب بس وصلنا نزلت امشي ما داخلة المگبره بحياتي كلها الاول مره أدخلها امشي واباوع على گبور
واني اباوع اجت عيوني على صورة عالية الي يشوفها ما يگول صورة كأنه واكف على طولة مشيت كم خطوة وكفت ماكدر اتحرك التفتت عليها احجي

جوائح:: هاي صورته معلگه بالمگبره حچيهم طلع صدك ولجج يممهه حچيهم صدك
الچان يلحگني من مكان المكان نايم بالتراب

شيلان:: على كيفج وي روحج تعالي انطيني ايدج

::- أخذت بيدي تأخذني اله جسمي يرجف كله
امشي واعثر عيوني على صورته وكفتني كدام گبر نزلت عيوني على اسمه سحبت أيدي منها

جوائح:: يييييمهه ولج ييمممه كبره هذا يايمه گلبي راح

شيلان:: حبيبتي جوائح على گيفج لا يصير بيج شي خطية ابنج

- راح اموت والله ماصدكة كلت يجذبون عليه يوميه انتظرك تجي يوميه أكول هسه يفتح باب الغرفة ويجيني ليش ما اجيتني كوم والله تعبت لا تعبني أكثر كوم بداعة عهد كومممم منو اله غيرك كووم

::- ماكدرت استوعب فكرة موته حتى بعد ما شفت كبره ماكدرت أقتنع ساعات طويلة كاعدة واحجي ويا بس ماكو رد بوقتها عرفت راح هو بس بقت ذكرياته سوالفه كلشي يخصه موجود إلا هو من البچي حركتني دموعي اخذت الماي رشيته داير ما داير مكانه كمت وكفت باوعت على صورته

جوائح:: ما اجيتني انتَ اني اجيتك
شلون اروح واعوفك هنا تبقى وحدك

::- انعاد الحلم الي شفته برأسي مسحت دموعي
- مو وحدك انتَ اجيتني شايلها بيدك كتلي ابقى يمها تذكر من كتلي ردت بنيه وهسه انتَ لحكتها تبقى يمها رايحه اني العــهــد ينتظرني

::- التفتت عليها كاعدة ورأي سدت القران كامت تمشي كدامي راحت الگبر ابوها طلعت أمشي وراها وكل شويه ارجع التفت اباوع على صورته لحد اختفت صعدت بسياره طول الطريق ابجي ماكدر احجي وي احد بس ابجي وصلنا للبيت نزلت أمشي شفت حمزه حاط عهد على رجله كاعدين بالحديقة رفع رأسه يباوعلي

حمزه:: طولتي هواي ليش تسوين هيج بينا ؟
::- قطع كلامه صوت عهد طفر من حضنه يركض باتجاهي حضني من رجليه جمدت بمكاني اخذت نفس مسحت دموعي نحنيت اله

جوائح:: اجـيتـك يـاروح ابــوك

عهد:: اين لوحن ( وين تروحين)

::- شلته حاضنته باوعت على حمزة
جوائح:: وسام وين ؟

حمزه:: مو هنا اخته بيها صاير بيها سكر من وفاة اخوها ومحد يدري صاعد سكرها واكعه على راسها بالحمام مفطورة جمجمتها......

ـــــــــــــ⊰ ـــــــــــــ