جوائح الدهر الفصل التاسع وأربعون 49 - بقلم دعاء رزاق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

ـــــــــــــ⊰ ـــــــــــــ

من غبائي طلعت ركض افتح الباب لان فكرتهم اهلي اجو بس اول ما فتحت الباب شفت آخر شخص أتمنى اشوفه شجابه هذا هنا

فاطمة:: عادل!!!!!

- شلونها بنت أبوها

::- بدون اي تفكير ركعت الباب حيل اريد اقفله بس هو اقوى مني دفعة عليه بقوة اختل توازني سيطرت على نفسي حتى ما اوكع ابتعدت عنه اركض باتجاه الدرج

فاطمة:: شجااااابكككك انتَ روحح منا روحح

عادل:: له له له مامشتاقة الابوج يا*** الغرب

- انعل ابو اليشتاقلك امشي منا وحق علي اخوي يموتك

:- ضحك على كلامي كعد على كرسي يباوع على البيت

- اخوج الفاشل المخليج تلعبين**** براحتج

- ماكو غيرك فاشل يا مجرم يانذل خلصت عمرك بالحرام لك انتَ هم حاسب نفسك على بشر عار على بشر انتَ

:- كام من مكانه يمشي باتجاهي صعدت فوك وكفت ورا المحجر وهو واكف بداية الدرج
ماعرف منين اجتني صلافة هاي شلون وكفت كدامه واحجي واني الجنت من الخوف تجيني نوبات هلع وافقد صوتي

مد ايده بجيبه طلع تليفونه ما اعرف شيسوي بي بنفس اللحظه اجه بالي تليفوني المخليته بالمكان سري طلعته بسرعة وهو يرفع عيونه يباوعلي وتليفون على اذنه كأنه يتصل على
شخص

ركعة رجلي بطرف المحجر دنگ
سويت نفسي اشوف مكان الضربه

بس دخلت على جهات الاتصال اتصلت على زياد اخوي نصيت الصوت وخليته المكالمة مفتوح بس انفتح الخط كمت وكفت على طولي احجي بصوت عالي

فاطمة:: شعندكك جاي كاعد تتصل وتلعب بكيفك اطلعع بره عادددل

- هسه اكلج شعندي

- : بس ذكرت اسمه سكتت وهو مستمر يباوع على ساعة دقيقة او اقل دخل واحد لازم دبات كبار

عادل:: تنزلين تلعبين ويانا بنتي الحلوة
ضاهر ما تردين مو مشكلة شوف شغلك

-: فتحوا وحده من للدبات يمشي ويرش بالبيت ريحة البانزين واضحة توسعت عيوني بصدمة عرفت شنو يريد يسوي

ما حجيت شي من الخوف حتى رجلي خدرت يمشي ويرش رجع فتح الدبه الثانيه رفعها وشمر البانزين على درج ابتعدت أكثر ريحته خنكتني خنك عيوني على عادل طلع جكارة من الباكيت

طلع الشخص الي رش البانزين بره وعادل ابتعد وكف بالباب مال صاله

- نامي زين بنيتي ما تحسين بشي النار تاگلج بسرعة وراها ما تحسين بشي نامي زين بابا

:- طلع جداحته من جيبه عيوني تعلگة على اخوي وابن عمي يمشون بهدوء بس اتقربوا من الباب لزمه من ركبته اخوي وابن عمي لزم ايده لواها أخذ جداحه شمرها بره وعادل نخلس

زياد:: اجيت برجليك سويت فضل

عادل:: ابن.....

:- ما خلوا يكمل طلعوا بره ثنينه وهو يتعارك وياهم يريد يخلص نفسه خفت انزل وراهم من ورا البانزين الي بالبيت صعدت اركض دفعت جربايتي حتى اسوي مجال وافتح باب البلگونه وفعلاً بس فتحته طلعت اباوع الهم.

مو بس اخوي وابن عمي كلهم موجودين ولد عمي رسول واخو سما ما اسمع شنو يحجون ويا دفره زياد بطنه لزم عمي يمعنه التفتت

على جهة ثانية ريحة دخان خنكتني فوك ريحة البانزين دنگت اباوع بصف بيت الجيران مشغلين نار يحركون الزبل حشاكم

والنار كابه خفت بسبب ريحة البانزين اطير على البيتنا وتحركه ضليت كاعدة فوك اباوع الهم اجت سيارت الشرطة ما استغربت لان عمي رسول وابنه الجبير ضباط برتب مختلفه واكيد همه البلغوا

- بس شاف سيارات الشرطة عادل دفع ابن عمي وركض بسرعة مو طبيعية يريد يشرد ويخلص نفسه بس سبحان الله برجله راح الموت

ركض باتجاه بيت الجيران دخل بالمكان الي
بين بيتنا وبيتهم والنار مشتغلة على جهة
كدامي عيوني وعيون الكل كبت النار برجليه من جوه خلته يصرخ بصوت عالي ويركض يريد يطفي النار ما يعرف شيسوي يشمر نفسه بالكاع بتراب والنار تأكل بي اكل يركع بيده على جسمه بس ما فاد شي النار اكلته اكل ومحد كدر يلزمه حتى يطفونه بالبطانية لان يركض بسرعة مو طبيعية

- غمضت عيوني من المنظر الشافته عيوني
رش بيتنا علمود يحركني اني والبيت بس احترك هو البانزين مادة تطير ولان هو جان بنص البيت ونرش طار او طفر على ملابسه من جوه وهذا شي سبب اشتعال النار برجليه من جوه

عادل انسان مشى بكل الطرق قتل زنا تجاره كل انواع الإجرام مشى بي اني اختي اخوي وبقية عمامي او ولد عمامي كلنا بسببه عشنا ايام صعبة ومرينا باشياء ما تخطر على البال

واليوم عيونهم شافت شلون النار تاكلة
ممكن اكون قاسية بس فعلاً ما نقهرت ولا نزلت دمعه مني انقهرت على شي واحد ما تغير ولا رجع الربه وتاب بقى مثل ماهو

ورا الحادث هذا نقلوا للمسشفى بعد ما كدرو يشمرون البطانية عليّ ويطفونه بقى يومين بالمستشفى تسمم جسمه كله ومات بنهاية الله يرحمه .

نهيت الاتصال وي اسامه من خلال صوته
واضح شكد تعبان وما انطاني اي معلومة عن وضع راجح اكتفه بكلمة بخير مابي شي

ماضغطت عليّ لان تعبان رفعت راسي على اثر صوت كعبها لمحتها جايه باتجاهي عيونها بالكاع شكلها ذبلان والفراگ واضح وضوح الشمس عليها تقربت مني أكثر وگالت

غفران:: وين وهجَ؟

فاطمة:: راحت وي استبرق يتمشون والأطفال وياهم علي يدفعهم

- علي روحه بعهد وجهال ايان
- اي انتبهت اله اكلتي لو لا ؟
- لا بس شربت عصير

::- التفتت تباوع على عالم الموجودين بزوارء
وهجَ اقترحت نطلع علمود نغير جو الها بس الكل متونس إلا هي ضلت طول الطلعة ساكته

فاطمة:: تعالي خلينا نروح وراهم ليش كاعدات هنا

غفران:: تمام خلينا نروح

:- لزمت ايدها تمشينا وراهم جهال ايان كل واحد بعربانة مال اطفال ريم يدفعها ابوها وريمي طيبه تدفعها ومجتبى علي يدفعه وعهد كل شويه يكول

عهد:: حليني ادفعه ما يودع
( خليني ادفعه ما يوكع)

علي:: لا خالي بس تكبر نذبهم عليك تتحملهم انتَ
- دلمه اني ( زلمه اني)
- ادري بيك زلمه على خالك

وهجَ:: علي طيبه أخذوا جهال واتمشوا احنا راح نكعد هنا

طيبه:: وريم منو يدفعها ؟

::- كلهم التفتوا يباوعون على حمزه إلي جابوا غصب وياهم وهو مسوي نفسه ما يسمع

ايان:: كوم ادفع بنتي لا تغلس مو عمها انتَ

حمزه:: واذا عمها بنتك ادفعها واسكت

استبرق:: متعودة على شكل ابوها واذا ما تشوفه يمها تبجي وانتَ نسخه منه ما تفرق بينكم خويه بالمستقبل ندفع جهالك

حمزه:: أمري الله
:- كام من مكانه حط تليفون بجيبه اخذ ريم يدفعها وسام يضحك عليّ وهو يخزر بي

غفران:: خلينا نروح وراهم حتى استبرق وايان يبقون سوه و وسام وهجَ سوه

فاطمة:: اي شعدنا باقين وياهم
::- تمشينا وراهم لحد ما صرنا بصفهم تماماً كالت

غفران:: من هسه واضح تصيرنون خوش أباء

علي:: وشرفي اي بس ماكو بيت

غفران:: ليش ماكو بس لا عندك نيه تعزل انتَ هم بيتنا واسع لا تشتري بيت وتطلع حباب

::- ضحكت طيبة بصوت مسموع التفت الها علي مستغرب ضحكتها

علي:: ليش تضحكين ؟
طيبه:: هيج وحدي

::- أشرت النا بمعنى تعالن اتقربنا منها همست

طيبه:: معنى البيت عدهم يعني مره او حبيبه هيج مثلاً اذا وسام هسه من يحجي شي عن وهجَ ما يكول اسمها او زوجتي يكول البيت ما تقبل اطلع.

غفران:: عزززززااا
فاطمة:: صرنا بيوت ؟
- اي ضحكتني فهاوة غفران

- شبيج حتى اني ما فهمت
- ولا يكعدون هذولة شهل اسماء نوب
- خيولون

علي:: تره نسمع نسمع
::- اندرينا عليهم حمزه وعلي واكفين سوه خازرينا

حمزه:: منو الي يولون ؟
غفران:: هاا الزلم يولون
علي:: كدامنا تحجون علينا ؟

- لا دا اقصد الزلم وانتم ولد مو زلم

حمزه:: مو زلممم؟
غفران:: اي اقصد يعني مثلنا انتم

فاطمة:: اسكتي اسكتي جفصتي هواي
خويه اعذرونا دايخه من الهوسه

::- سحبتها من ايدها مشينا قبلهم وطيبة ورانا تمشي بسرعة حتى هي نخلست منه

فاطمة:: شبيج جفصين شلون دكولين الهم مو زلم شنو مثلنا مقتنعة بحجيج أنتِ

غفران:: شمدريني غير انتِ كلتي خيولون سمعج هو واني كلت اتصرف

طيبه:: لو ساكته احسن
فاطمه:: اي والله
غفران:: انجبن

::- شايفين الأم شلون تفتر ورا ابنها هيج وي غفران صايره اني افتر وراها إلى ان اتصلوا علينا علمود نروح للسيارات رجعنا الهم ساكتات عهد وطيبه راحوا وي وسام او وهجَ

وعلي خله الاطفال بسياره ايان ورجع النا صعدنا اني وغفران بسياره حمزه اول ما حرك سياره حمزه كال علي

- شنو اطلع الكم اغاني ؟

غفران:: ماريد لا تشغل شي
حمزه:: عوفنا هيج مانريد شي

::- باوع عليهم ثنينهم يضحك
ما اهتم وشغل اغنية بي سمعتها

التفتت على غفران عيونها على طريق
وحمزه يسوق وهو ساكت حسيت كلمات الاغنية توصف شعورهم.....

ياحبيبي القلب مات والبعد سبب جنونه
شو قيمة ها الحياة وانتَ غيايب عن عيوني
انا قلبي صاير بحضوره مثل الغياب
نسيته بشعوره ذوبته من العذاب
من يوم هواك عني غاب
صارت الدنيا سواد
ياهلاك ياعذاب قلبي لو طال البعد
يوم هواك عني غاب
صارت الدنيا سواد

::- مد ايده حمزه يطفي الأغنية طفاها ونزل من سياره ورث جكارته وغفران حاطه أيدها على خدها ورأسها على جامه مغمضه عيونها

وضع هذولة الاثنين صعب حيل صعب ردت احجي وي علي لان شغل هيج اغاني لكيته نفس وضعهم وأسوأ هم

استغربت وضعه لان اول مره اشوفه هيج بكل مره اروح الهم أشوفه يضحك ويشاقة وي الكل
غريب

::- كمل جكارته واجه صعد وصلني البيتنا وراحوا البيتهم دخلت البيتنا حجيت الاختي عن طلعة وبعدين دخلت الغرفتي اخذت ملابسي سبحت وطلعت نشفت شعري ونزلت اخذت كرزات وببسي فتت الغرفتي قفلت

الباب طفيت الإضاءة شغلة شمعه وكعدت اتصفح بالتليفون حجيت وي غفران وطفيت التليفون ونمت للصبح كعدت على صوت باب الغرفة كلت

فاطمة:: هاااااا

اديان:: تليفونج صار ساعة يدك شبيج
- تمام كعدت

::- سحبت تليفون اباوع على اشعارات
عشرين مكالمة من اسامه ورسالة

طفرت من جرباية كعدت عدل دخلت على رسالة دازلي
فيديو دخلت عليّ بدون ما احس على نفسي عدت الفيديو اكثر من مره ودموعي تنزل بدون صوت شلون بيها لو عرفت.....

ـــــــــــــ⊰ ـــــــــــــ

رحمه :: سمعت كلام غفران ورحت احجي وي امي بس اكلت رزاله معدله ماخلتني ادخل بحجة حامل اكعدي واسكتي خليت الموضوع وراها صح حلته وكدرت تفك العمل بس هذا شي أثر على جوائح بشكل مو طبيعي سبب مرضها المستمر هو أعمالهم القذرة ماكدرو الها وراحوا بهيج طريق حتى يخلصون منها

استبرق:: زين سوت امي لان مو زين وهسه مادام تخلصوا من العمل وسوالها حرز محد يكدر يضرها بعد

- لا استبرق وضعها تعبان حتى لو احنا نشوفها بخير هي مو بخير بس ما تحجي
- بس تجي احجي وياها اني
- شيلان ماخذتها البيت جدها تبقى فتره هناك
- بعد احسن خليها ترتاح وان شاء الله من ترجع نحجي وياها

- باذن الله
- احس وضعنا مو مثل قيل انتِ بيتج وهجَ بيتها غفران بيت اهلي كل وحده بمكان

- ورا الاربعين ترجعين البيتنا ونجتمع هناك كلنا
- على طاري بيتنا اسمعي ورا ولادتي وحده من اهم الشركات باربيل تواصلوا ويا علمود مشروع شغل وهيج شي

- اي؟
- ايان مقتنع بس لازم يبقى باربيل علمود الشغل لان هو مهندس لازم يبقى هناك
وبيتنا هنا بغداد ومسألة يعوفنا ويروح مايكدر

- اذا مقتنع خلي يحجي وي عمي محمد ويشوف شنو يكول

- حجه وي اخوانه وعمتي نيرمين وعمي محمد

- شنو ردهم ؟
- كالوا اشتري بيت او شقه وابقوا هناك
- لعد افضل هيج
- يا افضل اني منتظره الدوام يجي حتى أكمل
واتخرج

- حالياً راح تبلش الامتحانات وراج العطلة بعد فكروا زين انتِ ويا واختاروا الي يناسبكم

:- اكتفت بسكوت وخرت ابنها من حضنها خليته بمكانه والبنات يم عمتي نيرمين وام حمزه خليتها تمدد

طلعت للصاله لمحتهن وحده مگابلة ثانيه يتهامسن بيناتهن وعمي محمد كاعد على جهة مقلص عيونه عليهن إلي يشوفهن ما يصدك هذني ضراير باوعلي وگال

محمد:: بلشت المؤامرات بعد عمج

رحمه:: جاي اشوف عمو

نيرمين:: عليمن هاي ؟
محمد:: على رحمه واستبرق
رحمه:: اي صحيح علينا

ام حمزه:: ابو دروب ولا يكعد راحه

محمد:: منو ابو دروب ؟
- حمزه مو يمك

::- التفتت على الدرج ايان وحمزه كاعدين يباوعون على أهلهم بنظرات غريبة كأنهم يحاولون يستوعبون تصرفات اهلهم

- ضحكة عليهم مشيت للغرفة الثانيه ما شاء الله منو يصير ويا شي يجي هنا فتحت الباب دخلت صدت عيوني عليها نايمه بوضع الجنين
قفلت الباب اتقربت منها وگلت

رحمه:: راح تبقين هيج الى متى كليلي مو دا احجي وياج باوعيلي جَلنار

- اريد انام
- عوفي النوم كومي خلينا نحجي

- ماكدر رحمه
- شنو ما تكدرين هي صعبة تخسرين طفلج بس فكري من الجانب الإيجابي
لو اجه على هاي الدنيا شنو ذنبه يعيش طول عمره وهو طفل غير شرعي شنو ذنبه يكبر ويسمع كلام العالم احجيها الج بصراحة محد مسكت ابوج وجدي غير عمي محمد لازم عليهم لزمات بكد شعر رأسهم ومسكتهم

صدكيني كلشي بي صالح لو مو هذا طفل چان ما نجمعتي وي ايڤار ولا عشتي انتِ واخواتج براحه ومثل ما رب العالمين رزقج بي اخذه منج وراح يعوضج وترزقون بهواي اطفال

بعدج صغيرة كدامج الحياة اوكفي على حيلج وكملي دراستج وحققي احلامج انتِ واخواتج
لا تخلين شي يوكف بطريقج.

::- نهيت كلامي رفعت راسها تباوعلي كعدت بصفها حطت راسها بحضني تبجي صوت بچيها يكسر الگلب تحملت اشياء اكبر من عمرها

حسبي الله ونعم الوكيل على كل شخص يوصل أي بنيه لهيج مرحلة حسبي الله

خليتها تبجي وتسولف بداخلها براحتها
لحد ما نامت عفتها وطلعت من الغرفة سلمت على الكل وطلعت من البيت انتظر انمار يجي ياخذني وي طلعتي دخل ايڤار بس شفاني كال

ايڤار:: راح تروحين ؟
رحمه:: اي
- اوصلج ؟
- لا مشكور انمار بطريق
:- نزلت عيوني على الورد الي مخلفه حتى محد يشوفه بي بسبب حجمه مبين ورد وبيده الثانيه حلويات مو أي حلويات الأنواع الي تحبها جَلنار شافني مركزه ويا انحرج كتله

رحمه:: ادخلهم اني حتى ما تنحرج منهم ؟
- تسوين فضل وعلي

:- ضحكت على ردت فعله اخذتهن منه ودخلت محد سألني لان عبالهم اني موصيه انمار يجيبهن دخلت خليتهم بالغرفة وطلعت بسرعة ولحسن الحظ وصل انمار سلمت على ايڤار ومشيت صعدت بسياره

راساً حضني حيل
انمار:: اخخخ يارحمتي ميت على شوفتج تعبي كله يروح من احضنج

- واني كل يوم انتظر جيتك حتى أشوف لهفتك الي لان هاي اسعد لحظات بنسبه اليه

-: اخذ كف ايدي يبوسه وطول الطريق يحجيلي عن يومه لحظ ما نوصل للبيت نحظر الاكل ونكعد سوه يحجيلي واحجيلة ما يبقى سر مخفي للأمانة

رحمه:: اي كمل
انمار:: اي جان تعبان تحسينه موجود ويانا بس يفكر بشي ثاني متأكد وابصم بالعشرة ايڤار يحبها لان يحاول يحميها بكل الطرق ويخلي اخواتها يمها حتى ما يبقون بعاد عنها

رحمه:: حسيت بي يحبها

- اليحب تفضحه عيونه ولد عمي محمد كلهم يحبون ما عدا علي الغبي

- وحمزه هم ؟
- احس يعني تصرفاته مال واحد مضروب بوري يستاهل خلي مو بس اخته تضرب اخوي بواري معدلة

- هههههههههههه شيلان هم تحب بس تكابر
بعدين شلون عرفت علي ما يحب ؟

- كتلج اليحب تفضحه عيونه وهو مو بس عيونه حتى لسانه دائماً يكول اني اريد اتزوج عن حب وشرط قصتنا تكون مختلفة تماماً واهم شي عنده لازم تكون غريبة

- نعيش ونشوف قصته شلون راح تبلش وشلون تنتهي
- اذا تحملت سوالفه

- صحيح هو شنو يشتغل ؟
:- حسيته توتر وتغيرت ملامحه

انمار:: ما كمل جامعة يريد يقدم على قسم ثاني ويكمل

- اها شنو هذا القسم ؟
- قانون
- اها يريد يصير محامي ربحنا
شوكت يقدم

- احتمال مو بهاي السنه يمكن بسنه الوراها
- ب2024 يعني ؟
- اي

- شنو يشتغل حاليا هو ؟
- يشتغل وي صاحبه يجدون بالشوارع
- لا تشاقه
- شبيج عليمن اتشاقه يلبس ملابس قديمه معقولة ما انتبهي اله دائما يخلي ملابس قديمه بسيارته ؟

- اي أكثر من مره ومره شفته لابس ملابس فد مره قديمه

- اي يجدي بشارع مو كتلج خصوصاً بالبتاوين من يختفي نلگي هناك ومن اريد معلومة عن
العالم المشبوه وغيرها نسأله لان يعرف كلشي

- يجدي يجدي ؟
- اي يجدي اصبري اشوفج صوره اله
::- فتح تليفونه طلع صور العلي وي مجموعة من الشباب وكلهم لبسهم تعبان وصور ثانيه اله بس وي مجموعة من شرطه والضباط
باوعت على انمار يضحك

رحمه:: تضحك عليه انتَ لو شنو

- هههههههه اشاقة علي عميل سري بالاستخبارت عنده هويه وهمية يتخفى وينتحل أكثر من شخصية بوقت واحد يجيب معلومات مانكدر نجيبها بطرق علينة مايحتاج اشرحلج أكثر ومن خلال فترة تدريب مالته عرفوا علي يكدر يغير صوته ويحجي بأصوات ثانيه بدقه ومستحيل أحد يكدر يشك بي

- اخخخخ راسي يمه عليك الله تحجي صدك ؟
- وداعتج احجي صدك ماردت اكلج بس اعرفج ما تحجين لهذا حجيتلج

- تقنعني هذا علي يشتغل هيج شغل خطر ؟
- اي اقنعج
:- رجع طلعلي فيديو العلي يحجي بي وي مجموعة من الأشخاص بس كأنه شخص ثاني يشرح الهم عن وحده من المناطق حركاته مشيته كلشي يختلف ولا كأنه هذا نفسه الماخذ البيت طول بعرض بسوالفه والشقة مالته

طلعلي أكثر من فيديو من كثر الختلاف بشخصياته شكيت بي هذا علي رغم نفس شكل بس الشخصية غيررر

رحمه:: صدك جذب هذا يطلع منه كل هاي الاشياء ؟
- داهيه حبيبتي داهيه بس شخصياته ساتره عليّ

::- بقيت مصدومة وفعلاً مو مجرد صدمة عادية نمت وكعدت وثاني يوم رحت اشوف غفران فتحلي الباب هو

علي:: اهوو هم أنتِ
::- حاول يستفزني مثل كل مره بس ماكدرت اتعصب ولا اتنرفز صرت اشوفه شخص ثاني حتى لو يمسلت عفته ودخلت خليته مصدوم لان سكتت اله صعدت احجي وي اخوات جَلنار لان غفران بدوام وامي رايحه يم استبرق ا
اجه وكف كدامي يحجي

علي:: جاي احجي عليج خلينا نتعارك
رحمه:: لا ماريد
- بروح جدج الشريف
- جدي مو شريف روح منا

::- هز ايده ما عاجبه

علي:: اروح اتغطى وانام اشرفلي

جيهان:: سد الباب وراك
- سدي انتِ واذا ما تسدينا نتعارك
- لا بعدين مو هسه
- هاي هيه راح انتظر بعدين يجي
- : طلع وخلا الباب مفتوح ورا كامت جيهان ركعته بقوة ضحك بصوت عالي رجعت فتحته وركعته بكل قوتها بحيث حتى صوت ضحكته اختفى

جُواهر :: جيهان تخبلتي

جيهان:: اسكتي عني يرفع ضغطي هذا المسودن

رحمه:: عوفنا منه حجيتوا وي اختجن ؟

جُواهر:: اي وضعها احسن

جيهان:: شوكت يجيبوها ؟
- مادري والله من تحجن وياها سألوها
- تمام
- وضع البيت شلونه ؟
- جيهان كتلت......

::- قطع كلامنا صوت صريخ جوه طلعت جيهان قبلي تركض واني وراها بعدنا بداية الدرج شفنا سلمان لازم انعام من شعرها يعت عت بيها وبصفه عمي حسين ابو اسامه طلع السلاح من ملابسه رفعه على انعام.......

ـــــــــــــ⊰ ـــــــــــــ

- اي حددوا لو لا؟
- الطفل ميت بطنها من اسبوع..
غفران:: والله ؟

جيهان:: والله
- عزاا خطيه ياحبيبتي
- صح خطيه بس أفضل هيج الحمدلله ما اجه
لان يعيش طول عمره مذلول

- لا تحجين هيج كدامها جيهان
- اكيد مو غبية راح اجرحها بكلامي إذا احجي هيج
- أنتِ شبيج ؟
- تعبانه اريد انام ما نايمه بليل
- نامي لعد اني انزل جوه
:- طلعت من الغرفة بين هوسة أفكاري نمت
ورا وقت طويل كعدت مختنكة وجسمي نار ورا شويه اخذت ملابسي وفتت للحمام اريد سبحت بماي بارد وطلعت

لا إرادياً نعزلت عن الكل بكل وقت اقرأ من دوام للبيت شهر ورا شهر خلصت فترة التدريب وبعدها كلشي خلص بلشت العطلة او بلشت معاناتي كل ليلة
الافكار تأكل راسي بداخلي خوف غريب فجأة بدون اي مقدمات احس بشي غريب واصير ابجي الوقت طويل

- فراغ بداخلي غريب حتى روحي احسها تعبت مني يوم ورا يوم انتظر رجعته من جان موجود ابتعدت عنه ومن راح ضليت انتظر رجعته شكد متناقضة اني

كمت فتحت الكنتور طلعت الصور القديمة مخليتها بصفحات دفتر مذكراتي.

اخذت وحده من صور كاعدة بحضنه ولازم شعره بيدي وهو مغمض عيونه يضحك

والصوره الثانيه كاعدة بصفه وابجي بوقتها حتى ما امشي بس ازحف من شكلي واضح شكد جنت صغيرة هواي صور موجودة بس وحده من الصور الها معزه خاصه بگلبي

بعرس واحد من عمامي العرسان كاعدين واحنا كدامهم مكعدني بحضنه والصورة من 2004
بوقتها جنت بعمر الست سبع سنوات ويمكن اكبر

الكل يشوفها صوره عادية بس إلا اني جنت اشوف بيها معنى وكل ما اشوفها يصير عندي امل بيوم من الايام ننجمع سوه

::- رجعت الصور مكانها وأخذت الصوره هاي خليتها جوه مخدتي وخليت راسي على مخده
والاول مره بعد اشهر من تعب نمت بسرعة

فزيت على شخص يهز بيه كعدت مخترعة اباوع عليهن يبجن طلعت اركض من البيت شفتهم شايلين تابوت بيدهم نزلوا كدامي اول ما فتحته شفت راجح بداخل التابوت......

ـــــــــــــ⊰ ـــــــــــــ