جوائح الدهر الفصل الحادي وخمسون 51 - بقلم دعاء رزاق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

بعد طول غياب التقت العيون فارتجف القلب فرحًا
وانصهرت السنين في لحظة صمتٍ حملت كل الشوق والحنين
ابتسمت الروح وتنفس الفؤاد راحةً لم يعرفها منذ زمن
وعادا كما كانا وكأن الغياب لم يمس بينهما شيئًا.

ـــــــــــــ⊰ ـــــــــــــ

وهجَ:: كمت ورا سد الباب لزم ايدي باوع الوجهي يشوف ردت فعلي ابتسمت اله كعد على قنفة فتحلي حضنه كعدت على على رجله طوق
خصري بيده مقربني اله حطيت راسي على صدره همس

وسام:: مو من عوايدج احجيلي شبيج
- مابيه شي بس.....
-: قطع كلامي وكال آخر شي توقعته اسمعه

وسام:: اعرف بشنو تفكرين ماردت أفتح الموضوع اني بس المفروض تجين تحجيلي وما تفكرين التفكير يتعبج

وهجَ:: بشنو افكر ؟

- اعرف كلشي ومن زمان من وقت الحادث طول فترة علاجج بالمستشفى جنت موجود
من تنامين ادخل اشوفج واطلع وضعج بوقتها ما يسمح تشوفين احد مو من عائلتج لهذا بقيت اكعد بره وايڤار يمج

- تعرف شنو صار وجنت موجود وياي ؟

- اي مو وياج يعني جنت اجيب علاجج اجيب اكل الج شنو تحتاجين اجيبه اخوج مايكدر يطلع ويعوفج

::- رفعت راسي اباوع بعيونه والصدمه احتلت ملامحي فعلاً ايڤار جان يبقى يمي بالغرفة ومن يندك الباب يكوم يفتح باب الغرفة ياخذ الأكل ويسده سألته أكثر من مره منو هذا وجان دائماً جوابه

ايڤار:: شخص اثق بي أكثر من نفسي
لا تخافين

- فهم سؤالي بدافع الخوف بس ما جنت خايفة بكد ما جان عندي فضول اعرف هو منو
بس ولا مره توقعت هذا شخص نفسه وسام

وهجَ:: يعني انتَ هذاك الشخص

وسام:: اي اني جنتي صغيره ولان انتِ بنت عمي بقيت موجود لحد ما طلعتي من المستشفى رجعتي البيتكم وبين فترة وفترة اسمع اخبارج من توأمج والغريب حاولت ارجع اشوفج أكثر من مره وشفتج

ضليتي بالي عقلي انشغل بيج
وبذاك الوقت طالب سادس اني هملت كلشي ورسبت ونسيت حتى نفسي اهم شي جان عندي هي شوفتج

تقريباً عمرج جان 12 شفتج ومرت السنين كبرتي وصرتي طالبتي واليوم
وانـتِ مـرتـي انـي ما انتظرتج يوم او يومين
حتى اخلي شي من الماضي يأثر على علاقتنا

لا تخلين أي فكرة براسج اني رايدج انتِ
الباقي مو مهم المهم انتِ موجودة

-: حرارتي ارتفعت خدودي وجت نار
ودگات گلبي فضحتني بلعت ريگي متوترة
وما مستوعبة الي سمعته

وهجَ:: تعرف كلشي وراضي ؟
- واني الممنون
- ما راح يصير عدنا اطفال وسام!
- شسوي بالأطفال اهم شي انتِ موجودة

- مقتنع بكلامك جاي اكلك ماراح تصير اب ؟
- ماريد طفل اريدج أنتِ

- مع مرور الأيام كلها تصير عدها اطفال وراح تشوفهم كدام عينك وتروح تتزوج وتخلف اني متأكدة لهذا من هسه خليك واضح تريد تتزوج ما امنعك والله بس خليك
واضح بكلامك وياي

:- الدمعة بطرف عيني ماريد ابجي كدامه
بس هذا الموضوع يأثر بيه
مد ايده محاوط خصري قربني اله أكثر

قرب جبينه على جبيني وعيونه بعيوني
وسام:: ولا مره تصير على ذمتي غيرج
وروح الغالي

كافي وهجَ افهمي
انتظرتج سنوات طـويلـة كـلهـا عـرفـتنـي عـاشـگــج هــاويـــج يـشـهد الله

- بهاي اللحظه ماكدرت اسيطر على نفسي
نزلت دموعي المفروض افرح بكلامه بس بجيت بسبب الكتمان

ضميت راسي بصدره حضني بأيديه الاثنين
بقوة ضل حاضني لحد ما سكتت وحدي مسد على ضهري وكال

وسام:: ارتاحيتي ؟
- اي
- لا تضمين شي بگلبج طول الوقت موجودين سوه احنا احجيلي البداخلج ماريد اشوفج تعبانه متفقين
- لا
- وهجَ
- وسام
- ماريد تكتمين شي بداخلج

:- رفعت راسي امسح دموعي نزلت عيوني على قميصه تبلل شوي من دموعي وأثر حمرتي عليّ

مديت ايدي على دكم القميص فتحت اول
دكمه رفع حاجبه مستغرب تصرفي فتحت الدكمه الثانيه لزم ايدي

وسام:: خافي الله عندج اخوان لا تتحارشين

- اخواني ما يكعدون يم النسوان
اتحمل النتيجة محد كالك اكعدي يمي
- وخري ايدج مرتي طلكني
- مرتك شلون تخليك تطلع هيج خليها تشد كرون
- ميخالف اني اجيب الها باجر

::- ابتسم على ابتسامتي فتحت الدكم كلها
ردت ابتعد عنه حتى افلت كل ما اذكر كلامه وجهي يصخن بس تحركت لزمني من خصري

وسام:: سوالفج اعرفها ما تشردين
وهجَ:: اريد اشوف عهد خاف جوعان شي

- مو جوعان وجبت اكل الهم
- عوفني وسام

- هواي عفتج بس اليوم لا كل ما اخليج براحتج تبتعدين عني أكثر

- ما مبتعده عنك والله
- خايفه مني ؟

::- اندرايت عليّ مصدومه
وهجَ:: اخاف منك شنو يعني انام يمك والزم ايدك اكعد يمك لو اخاف ما اتقرب منك

- تمام ضغطت عليج بالكلام ؟
- لا بالعكس جنت مفكره ما تعرف بوضعي
وخايفه من ردت فعلك هسه احس نفسي مرتاحه

-: سكت مبتسم حسيته عنده حجي بس تردد
يكوله خاف يضغط عليه ابتعدت عنه كام من مكانه نزع القميص فتح للكنتور طلع ملابس

ألتفت اخذت الأغراض الجابهم رتبتهن بإمكانهم وطلعت للصالة صوت ضحك عهد وطيبه عالي فتت للمطبخ خليت الاكل الجابه بالفرن اخذت تليفوني ما اجت بالي غيرها

دائماً احجي الرحمه بس هاي المره راسلت جوائح كتبت

- موجودة ؟

:- ورا أربع دقايق فتحت رسالة كتبت

جوائح:: اي بيج شي ؟
- فارغة ؟
- اي ماعندي شي جاي اكتب احجيلي شبيج
- اتصل عليج ؟
- اتصلي

:- اخذت التليفون وطلعت للحديقة بحجة ارشها ماي اتصلتها عليها وفتحت الماي ارش واحجي

وهجَ:: اكو احد يمج ؟
جوائح :: مخليه السماعة
- اسمعي هاي شسمه
- مادام بيها شسمه يعني سوالف طايح حظها
- اي والله ياختاة شوفي عندي مشكلة
- وهي؟
- علاقتي بوسام
- كملي
- علاقتنا من تزوجنا لحد اليوم مخلية حدود بيها وكل ما احاول أتقبل الوضع اتردد لان عبالي ما يعرف وضعي وانو عندي عقم بس طلع يعرف كلشي حتى موضوع الاعتداء

جوائح:: يعرف ؟
- اي هو كال اعرف كلشي يعني يعرف متعرضة لهذا شي.

حجه هواي اشياء يعني من ضمنها شسمه

- يحبج صح ؟
- شلون عرفتي ؟
- حتى الاثول اذا شاف نظرات وسام الج وأسلوبه وياج راح يعرف يحبج شبيج استغبيتي

- والله مادري هسه اني ما رديت على كلامه وحجينا بغير موضوع بس حسيته تضايق ؟

- حقه اذا يعترف الج وتغيرين الموضوع
شوفي من زمان ملاحظه نظراتج اله وتصرفاتج ويا تحاولين تخفين مشاعرج بس
اني افهمج تحبينه ومن زمان صح ؟

- مادري اذا هو حب بس من ايام ثالث جنت احب اشوفه ومن اشوفه اتجاهله واتعارك ويا
بس من صارت مشاكل من تزوجتي انتِ ردت اخلي يحبني واعوفه غميني عليج علي

- امداج اي والله وسام ماله علاقة بأي شي
ومو حلو هذا تلعبين بمشاعر الناس

- ما سويتها والله بعدين غيرت رأيي
هسه كليلي شسوي عندج نصيحة تفيدني ؟

جوائح:: اول شي تخلين نفسج طبيعية مثل كل يوم عادي لا تتوترين ابدددد لان تخربين الوضع اذا توترتي

بس تروحون الغرفتكم شسوين البسي شي حلو ما تلبسين شي طايح حظه شلحه قصير او شي بسيط اذا تلبسين شي سخيف من اول مره اتبره منج

وهجَ:: اي عفيه رزليني حتى لا اجفص

- اي كتلج شي بسيط وشعرج خلي طبيعي وشوي مكياج طبيعي
- وبعد ؟
- اي اكعدي مثل كل يوم مسلسلج او ترسمين
المهم تكونين طبيعية ومن يجي يكعد اذا نام
عادي مو مشكلة غير يوم احجي ويا واذا بقى كاعد سوي نفسج رايحه جيبين شي تشربينه واسألي اجيب الك شي

اذا كال اي جيبي اله وياج واكعدي مو بصفه لزك خلي مسافه فتح موضوع وياج هو خيراً عل خير

واذا ما فتح افتحي انتِ موضوع وسولفي بشكل عادي بعدين اذا شفتي مركز وياج لا تتردين احجي مشاعرج لان هو حجالج وما تردد لا تخافين من ردت فعله او تفكرين بشي سلبي تمام ؟

- واذا صار شي ؟
- وهجَ لا تجلطيني زوجج تره مو غريب
ليش مخليه علاقتكم هيج امي أنتِ

اتصرفي عدل لا تخلين الماضي يأثر على حياتج انسي الماضي كله

وعيشي حياتج وراح تتعودين صدكيني ومادام هو يعرف وضعج ماراح يسوي شي
غصب عنج

بس أخذي نفس ومشي الوضع بشكل عادي ما راح تحسين بخوف

وهجَ:: تمام راح احاول حبابه ادعيلي دعائج مستجاب أنتِ

جوائح:: ادعيلج حبيبتي اخذي راحتج
وطلعي الأفكار السلبية من راسج

- تمام شكراً على كلامج ياختاة
تصبحين على خير
- حبيبة گلبي أجمعين

::- نهيت الاتصال أخذت نفس افكر بكلامها سديت الماي دخلت جوه طفيت الفرن
توضيت ودخلت للغرفة لكيته ينشف شعره
أخذت الجادر وفرشت السجادة اريد اصلي گال

وسام:: تنتظرين اتوضى ونصلي سوه ؟

وهجَ:: اي اكيد

-: طفه الشسوار وراح جبت السجادة مالته فرشتها اله توضى واجه شاف السجادة أبتسم

- رحمه الله والديج
- والديك برحمه يلا تعال

::- وكفنا نصلي سوه كملنا صلاتنا وهو بقى يقرأ زيارة عاشوراء لاحظت كل يوم ورا ورا صلات المغرب يقراها واذا مشغول وما لحك قبل لا ينام يقراها

مره شفت جوائح تقرأها ورا صلاة صبح هي ودعاء العهد جربت اقراها مثلها لحد ما صارت حزء من يومي

بس خلص كلت

وهجَ:: ليش تقرأها بهذا الوقت ؟
وسام:: زياره عاشوراء ؟
- اي
- اخوي الله يرحمه جان يقرأها وتجيني ايام ما انام بليل يشوفني كاعد ماكدر انام كالي أقرا زياره عاشوراء والاذكار وسويت مثل ما كال الي ونمت من يومها ضليت اقراهن بليل
هو علمني كلشي

:- نطق آخر كلمة بحسره مسح على راسي بيده

- كومي خلينا نطلع

::- هزيت راسي ساكته ماريد احجي شي يضوجه نزعت الجادر سحب السجادة مالتي شالها هو ومالته رتبهن ورجعهن المكانهم أخذ الجادر مني هم رجعه المكانه ابتسمت على تصرفه طلعنا سوه هو راح الغرفة اخته واني طلعت الاكل دا اصب بي دخلوا كلهم وعهد يكمز بيناتنا

رتبت الأكل على ميز طعام كعدوا كلهم اندمجنا وي سوالف عهد حتى طيبة اول مره تضحك هيج بسببه وبس يشوف ضحكهم يضحك

ضلينا الوقت متأخر لان ماكو دوام
تاكدت عهد نام وطيبه هم سديت الباب وطلعت وسام كاعد يحجي وي الولد مكالمة فيديو حتى أسامه صاعد وياهم

- استغليت الفرصة فتت للغرفة اخذت دشداشة قصير او شلحه مو كلش قصير يعني

دخلت للحمام بدلت بسرعة وطلعت خليت مكياج خفيف ما كثرت خليت عطر شعري خليته مفتوح لان دائماً بالبيت اخلي هيج

طفيت الإضاءة ورحت كعدت على قنفة طلعت مسلسل كوري كلش حابه اخر فترة ورا عشر دقايق فتح الباب بس دخل سد الباب ألتفت باوعلي نزلت عيوني مسوية نفسي مركزه وي المسلسل واني احس كلبي راح يوكف

ما حجه ايشي نزع التشيرت مالته سمعت صوت رشات العطر مر من يمي كعد على قنفة الثانيه

- رفعت عيوني عليّ صافن بوجهي هزيت راسي بمعنى شبيك

وسام:: ماكو شي
- متأكد ؟
- اي اي
- راح اجيب عصير الي اجيبلك وياي ؟

- جيبلي تايكر مو عصير
- تمام

::- كمت مكاني أمشي واحس راح اوكع على وجهي رجليه نصها طالعه كدامه جبت العصير وتايكر وكيك دخلت سديت الباب كام أخذهن مني خلاهن على طبله كعدت وهو كعد يمي تماماً ماكو أي شي يفصلنا

- حتى هو باوع على مسلسل لحد ما خلصت الحلقه اندريت بكل جسمي اله رفعت رجلي تربعت اخذت قطعة كيك أكل وهو صاافن كال

وسام:: احب عيونج
- لان تشوف نفسك بعيوني صح ؟

-: ضحك بصوته ناصي لا إرادي ضحكت على ضحكته

وسام:: لا صح احب انعكاسي بعيونج بس
عيونج احبهن مو بس احبهن ميت بسواد عيونج ونظراتج الحاده

- مد ايده على يحرك ابهامه على حواجبي

-: حسيت لازم احجي ما أنتظر أكثر گلبي يدك بقوة اخذت نفس وگالت

وهجَ:: تحبني ؟
- مو بس احبج ميت بيج وروح الغالي
- وسام
- ضـوه عيـونه
- بـكل مـره جنـت اشـوفـك بيـها گـلـبي يدك وضعي كله يتخربط من أشوفك مـاكــدر أشــرح بــس انــت الـسـبـب بـكـل شـعـور حـلـو امــر بـي

- اذا گلبج يدك مره گلبي يدك الف مره
هاويج وميت بيج يشهد الحسين

:- مد ايده يلزم ايدي ضغطت على ايده وكلت

وهجَ:: وجودك صار طمأنينتي وسام
ماعرف شنو البداخلي بضبط بس متأكدة اني احبك فعلاً

-: بنفس اللحظه سحبني الحضنه يضمني بقوة رفعت ايدي محاوطة ركبته

وسام:: لو تعرفين شكد انتظرت هاي الكلمه
يا ضـوه عيوني وحسنة حياتي

- تبقى يمي ؟
- لآخر يوم بعمري يشهد الحسين
- سنوات انتظر هذا اليوم .
- انتَ انتظرت واني ما توقعت يجي

- الماتوقعتي يجي اجه واليوم الانتظرته اجه ماكو شي مستحيل ..

::- ابتعدت عن حضنه نزل عيونه على شفتي بنفس الوقت رفع ايدي يبوسها تردد يبوسني لهذا باس ايدي قربت رأسي منه بسته بخده

صفن بوجهي ثواني عيونه تتنقل على ملامحي بالاخير نزل راسه باسني بطرف شفتي وابتعد

- ضليت مغمضه عيوني ما تحركت حسيت بقربه مني أكثر همس يم اذني بصوت شبه مسموع

- ماريد اجبرج على شي

-: ضليت ساكته ما نطقة بحرف واحد
فعلاً جنت متوترة وخايفه بس جنت رايده اخلي الماضي وراي وابدي حياتي مثل ما كالت جوائح عيشي حياتج

وفعلاً صار الوقت رفع خصلات شعري المتناثرة على اكتافي همس بصوت هادئ

- وهجَ ضـوه عـيونـي

- ماكدرت انطق أي حرف رفعت ايدي على ركبته وهو فهمني ابتعد عني سمعت صوت قفل الباب

تسارعت دگات گلبي خفت اتذكر شي
بس نبرة صوته خلتني مطمئنة

باسني براسي وابتعد عني غمضت عيوني
خجلانه منه

كدرت ابدي بداية جديدة وانسى الماضي
وصرت زوجته قلبًا وقالبًا

ثاني يوم الصبح كعدت على صوت صياح طيبه وعهد كمت غسلت وجهي وطلعت
لمحت عهد لازمها من شعرها وهي لازمه ايده

طيبه:: هددد شعري

عهد:: موو بتيفج( مو بكيفج)

- شعريي
- مااا

وهجَ:: ولك عهد هد شعرها
:: بس سمع صوتي طفر من مكانه

عهد:: وهوذه حوفتيني ( وهوجه خوفتيني)

طيبه:: حل تستاهل هد شعري

عهد:: انسبي ( انجبي)

-: عاف شعرها واجه باتجاهي يمشي حضني من رجلي يبجي جذب

عهد:: تدلبني تيوبه ( تضربني طيوبه)

- جذاب وعلي يريد اعلي صوت افلام كرتون
او وسام كال لا طلعون صوت خلوها نايمه من نصيته ركعني براسي اكله نايمه يكلي ختولي

عهد:: سدابه ليس سدبين أنتِ
( جذابه ليش جذبين انتِ)

::- مقلص عيونه عليها ويصيح رجع باوعلي حضني من رجلي مره ثانيه وكال

عهد:: لوحي نامي حبيبتي (روحي)

وهجَ:: عهد اكعد راحه مشيطن بعد خالتك شنو

-: التفتنا كلنا على صوت الباب دخل وسام متسوك باوعلنا كلنا كال

وسام:: صباح الخير حبيبتي

::- ركض اله عهد يشكي اله من طيبه درت وجهي عنه اجتني لحظة إدراك صفنت على حايط وين اشرد هسه

:- عفتهم وشردت للمطبخ حطيت ايدي على وجهي نار وعلي غميت نفسي وما برد كلبي شلون اباوع بوجه هسه دخيلك ياعلي

وسام:: صح نوم حبيبي

::- جمدت بمكاني من دخل للمطبخ دنكت بالكاع حتى ما أعرف شرد عليّ كال

- بيج شي ؟
- لا مابيه شي خلي امشط شعري واجي
::- ما خلاني أطلع لزم ايدي يباوعلي مصدوم

وسام:: سويت شي ضوجج واني مادري ؟

وهجَ:: لا وسام لا بس شسمه هاي

- اي شسمه شنو دقيقه بس لا مستحيه ؟
::- سكتت ضحك رجعت ملامحه طبيعية

وسام:: عليمن تستحين ضـوه عيوني
والله عبالي بيج شي استغفرالله

- مابيه شي والله لا تخاف
- تمام بس لا تخجلين
- لا هسه شويه ويروح

::- أبتسم ألتفت يريد يطلع رجع باوعلي نزل عيونه على ركبتي كال

- شسمه حطي شي الركبتج

- شبيها ؟
:- حك طرف حاجبه ساكت حسيت نفسي استوعبت شنو قصده توسعت عيوني بصدمة

رحت للغرفة باوعت على ركبتي بالمراية
عضيت اصبعي من الحركة

سحبت الكونسيلر خليت منه على ركبتي ومشطت شعري طلعت حظرت ريوك الهم مادام امشي اخزر بي وهو مدنك وأخيراً خجل
وحس على روحه.

::- وهيج مرت أيامنا الحلوة جانت احلى ايام بنسبة إليه ايام واسابيع واشهر تمر واني اسعد
انسانه

طول هاي الفترة لاحظت اشياء ما جنت مركزة عليها والي هي حنية وسام حنين الى درجة مو طبيعية

يحسب حساب الكل كلمه ينطقها في سبيل ما يحرج احد يعامل اخته كأنها طفلته

وحبه واهتمامه العهد غير بكل مره أنصدم بي
تعامله وي ناس شي ويانا شي
وهذا الي خلاني اتعلق بي

-: طفيت طباخ وطلعت للصالة باوعت على ساعة بعد وگت هواي للغده تمدتت على قنفه

صايره انام هواي وبكل وقت نعسانه اول ما غفيت كعدت على صوت التليفون

كمت بسرعة لزمتني الدوخة ومغصتني بطني
خليت ايدي على بطني اضغط على مكان الوجع شويه وخف رحت شفت رحمه متصله أكثر من مره اتصلت عليها رأسا جاوبتني

رحمه:: وينج انتِ وينج
وهجَ:: جنت اطبخ شبيج خلستيني

- عبالي بيج شي باعي الكل مجتمع بيت عمي محمد تروحين ؟

- شعدهم شو محد كالي ؟
- والله هسه عرفت من انمار محد كالي

- اذا تروحين اروح
- خوش لعد
- صدك ذكرت ما حجيتلي شصار بذاك اليوم بسالفه انعام ؟

- بعدين احجيلج
- لا احجيلي هسه والله ضايجة طيبه بيت جيران هي وعهد راحوا يم البنات واني وحدي هنا

- امري لله بيوم الرحت الهم

سمعنا صوت صريخ جوه طلعت جيهان قبلي تركض واني وراها بعدنا بداية الدرج شفنا سلمان لازم انعام من شعرها يعت عت بيها وبصفه عمي حسين ابو اسامه طلع السلاح من ملابسه رفعه على انعام

رحمه:: شكوو هنااا

::- التفتوا على صوتنا وهي تصيح

انعام:: والله مالي دخل مو اني ما حجيت لأحد

::- بعدهي تحجي دفرها برجله على حلكها صرخت بصوت خله جسمي يرجف والدم نزل على شفايفها

على إثر صرختها نزل علي يركض والسماعة بإذنه بس شاف حسين يحط طلق بالسلاح طفر يركض عليهم بدون لا يخاف حتى سحبها منه وما هد شعرها لزم أيدها بكل قوته لواها حيل يصرخ

علي:: تمددددد ايدك على بنتكككك تستقون على مره ؟
معتبرين نفسكم زلممم وجايه لازمين سلاح على مره

حسين:: انتَ اكل....

-: ما خلا يكمل رفع رجله دفر المسدس برجله وكع منه نزلت جيهان تركض ما لحكنا نلزمها
من خفتها طبت بنصهم شالت السلاح لزمها سلمان

- بنت الجلبب جيبي

جيهان:: تضربها هيج ما تخاف الله
الله ياخذك

::- ركعها بالعگال وانواع الغلط والمسبات سحبها علي ورا نزل دوسه ونص بيهم ومن كل عقلهم يدرون يكتلونها

علي:: مادام اني موجود ما تمد ايدك عليها
والحسن اكسر ايديكم

سلمان:: ك**** انعل ابوك لا ابو الخلاك توكف كدامنا

::- واحد يعرف وثاني يكبس جيهان رفعت انعام من الكاع مشى حسين يريد يروح الهن لزمه علي من ياخة قميصه والأول مره اشوفه هيج

علي:: ضاهر انتَ ما يرهم الحجي وياك

حسين:: لك تمد ايدك عليه ابن ال**
:- ركعه على حلكه هي ركعه وهي دفعه

سلمان ضرب علي على ضهره بس ما اهتم يشيل ويضرب بحسين وبيده الثانيه سحب شماغ وعگال سلمان شمرهن بالكاع سحك عليهن برجله

علي:: شواربكم هاي ازينها بالقندرة
هاااااااي أخرررر مرهه احجيي المره جايه اذبحكم هنا وابو فاضل.

ابويي ما مد ايده على انعام وهي دمرت بنته تجي انتَ الجبير البعير لا ربيت ولا كبرت شامرها وما تعرف شي عنها جاي هسه تكتلها والله والخلقك ادوس على شواربكم

:- بعدهم بصدمتهم من علي دخل ابوي نزلنا دخلنا انعام للغرفة سدينا الباب وصوت عياطهم طالع

ورا وقت دخل عمي محمد ركض على انعام ماتكدر تحجي سنونها مكسرات من كدام

أخذها وطلع علي كاعد بصاله وجه احمر من العصبية وعيونه تخوف شكله كله تغير حتى جيهان خافت منه

وراها رجعت البيتي يومين وسمعت من امي
عمي محمد مطلعها خارج العراق يم عمي فاضل لان على أساس انعام تعرف معلومات عن شغل سلمان وكايلتها الشخص وشغلهم كله مخربينه ويردون يكتلوها لهذا تجنبوا المشاكل وخلوها تروح هناك هم ترتاح وهم احنا نرتاح لان بس تبقى تسوي مشاكل اكبر

وهجَ:: الغسل كل رجوله ماكو عدهم زين سووا بيهم علي بعد أخته

رحمه:: علي يخوف مو أمان بأي لحظة يصير شخص ثاني

- حسب الموقف
- ديلا خلي اكمل شغلي حتى الضهر امر عليج
- تمام

-: طفيت التليفون بطني توجعني حيل
غلست وكمت افتر بالحديقة وسام ما رجع لان مشغول اخذتنا رحمه هي وانمار وصلونا هناك

- بس وصلنا وهم راح كالت

رحمه:: زوجج مشغول وزوجي هم والبقية مختفين شنو الوضع

- يمكن عدهم شغل شبيج
- هم صح أمشي ندخل

- بطنج كبرانه شوكت دخلين بشهر التاسع
- اسبوع بس

- من يمي مغصتني بطني
- مفروض تهديني مو تخوفيني
- يلا بس تغمضين عيونج تفتحيهم تلكين بنوتج بحضنج

-: ضحكت فرحانه لان ثنيهم جانوا يردون بنيه وطلعت حامل ببنيه فعلاً دخلنا جوه سلمنا عليهم وكعدنا ورا ساعة تقريبا اجو الولد كلهم حتى وسام وكلهم تعبانين استغربنا شكلهم

- كعدوا بالحديقة وصوتهم عالي يسولفون
زاد الوجع عندي اكثر حسيت بحرارة والدوخة ثولتني كمت من مكاني بسرعة لزمتني رحمه تباوع على مكاني وتباوع عليه بس شفت

مكاني كله دم جمدت بمكاني مصدومة
ومتفشله أشرت الجَلنار تخلي شي وتكعد بمكاني دخلتني جوه رحمه صعدت على درج بعد ما اشوف كدامي. تشوشت الرؤية عندي
وبعد ما حسيت بشي....

ورا وقت طويل حسيت بشي بارد بجسمي بس صحيت عرفته مغذي لمحت وسام نايم بصفي رجعت اتذكر الصار بس ذكرت وكعت رحمه طفرت بسرعة كعد وسام لزمني

وهجَ:: رحمه رحمه شصار عليها ؟

وسام:' بس انتبهي على نفسج مابيها شي

- أريد اشوفها وسام وكعت من وراي أخذني إلها

:- هز راسه ساكت حسيته بي شي
لزم المغذي بيده وملابسي مغيرها كلها اخذوني الغرفتها بس دخلت رفعت راسها تباوعلي تحركت من مكانها متوجعة كالت

رحمه:: شطلعج ولج

وهجَ:: زينه انتِ بنتج وينها ؟

- زينه والله موجودة بالحضانة لا تخافين

:- تنفست براحه جنت خايفة عليها لزمني وسام كال

- تعالي نرجع
::- رجعني المكاني تمدتت غطاني وغمض عيونه

وهجَ:: شبيه اني ؟
- تعبانه شويه حبيبتي غير تحجيلي شنو يصير وياج

- بس ما صار شي وياي بس وجع بطني
- لو حاجيتلي بس خيرها بغيرها تحجيلي ابسط الاشياء منا ورايح

- متفقين.

::- الثاني يوم تقريبا طلعوني من المستشفى حسب كلامهم عندي خربطه وصار نزيف بس ما اقتنعت عبرتها الهم

ورا فترة شفت طفلة انمار ورحمه
( ملاذ) اسمها

صحتها تمام وهذا شي فرحني
وراها بفترة رجع الدوام

طيبه وجَلنار وجيهان شافوا الهم مدرسة اهليه
خلوهن يدرسن جيهان مداخله الاعداديه لسه وطيبه ومرت ايڤار طالبات سادس

جُواهر مكملة السادس معدلها يسمح الها تدخل القسم إلي بالها بس رفضة تدخل الجامعة الى بعد ما تنجح جَلنار حتى يدرسن سوه ومحد أعترض المهم هنه مرتاحات

اطفال استبرق صاروا يكبرون شويه شويه وعهد يطبك وياهم شدوا روسكم يا كرعان

الكل جان مرتاح ومركز غلى حياته صح تصير مشاكل بس تنحل ويرجع الوضع تمام التمام

جوائح كملت علاجها وطلبت من ابوي تنتقل الغير محافظة وعهد وياها

الصدمة مو هنا الصدمة ابوي وافق حتى هو اختار بيتها الها بس اكيد حمزه وياها يستقر

وسام ما علق على موضوع مادام كل فترة تخلي ياخذ عهد

وفعلاً استقرت بغير محافظة بلشت تعيش حياتها هناك بشكل مختلف وكل اسبوع عهد يبقى يمنا يومين ونرجعه الها اكيد

وهيج مرت الأيام والأشهر دوامنا السنه اني واستبرق وغفران وفاطمة
وطول الدوام غفران جانت أكثر وحده تعبانه
على نفسها حتى تحقق حلمها وهيج...

بدون ما نحس مرت سنه وست أشهر

اي سنه ونص مرت غفران استبرق فاطمه كلهن تخرجن وقرروا يرتاحون الا

غفران:: ورا تخرجها بشهر بلشت بالاجراءات حتى تكدر تشتغل وفعلاً سوتها اكيد ادخل ابوي بس المهم هي تعبت على نفسها

وللأسف اني بقيت اخر سنه وحدي يعني خريجة 2024 راح أكون..

استبرق:: وسام دائماً وياج مو وحدج

غفران:: صحيح وهجَ مو وحدج أنتِ

وهجَ:: فهمت فهمت بس سكتولي هذولة لا اتخبل هسه

::- حطيت ايدي على راسي اباوع عليهن ما مهتمين العياطنا ملتمين يمها كلهم

ريم واختها كاعدات يلعبون وملاذ بنت رحمه تفتر بنصهن

وعهد ومجتبى واحد كاعد بصف ثاني يباوعون على ايباد وكل شويه يطفرون يصرخون باوعت عليهم وگالت

ريم:: افف ماما خنلعب بالحديقة

استبرق:: جو بارد ماكو طلعة

زهره:: شتردين من البنيات انتِ خليهن يلعبن

عهد:: لا زهيره تتمرض يوم يوم ماكو لعب بره

مجتبى:: سسون تلعبون هنات هنانه احثن
( شسون تلعبون هناك هنانه احسن)

::- يتناقشون بيناتهم عود وريمي كل ما تريد تحجي يقاطعونها بس شافت علي دخل للبيت طفرت اله تركض

ريمي:: هبيبي علوسات ( حبيبي علوشات)

علي:: هلا بعزيزة عمها

::- طفروا كلهم اله حتى ملاذ تموت عليّ كل ما تشوفه تنطي خدها بمنعى بوسني

وهو يموت على حركاتها هاي يكعد يبوس بيها
وكل البنات يلقدونها يتجمعون يم علي ويكعدون ابتسمت على منظرهم

استبرق صعدت الغرفتها تنظفها وغفران طلعت الشغلها بس طلعت من البيت طلع تليفونه علي اتصل على شخص سمعته يكول

علي:: طلعت المسعدة
:- نهى المكالمة بضحكة وزهره تتغامز ويا لزمت گلبي وراهم شي هذوله

اخذت شال وكوب حليب ككو حار كعدت على مرجوحه

رغم فرحتنا والكل عايش مرتاح بس بداخلي شعور ما اكتمل ياريت لو اصير ام لحكتني رحمه فاتحه مكالمة وي جوائح حجينا وياها هواي إلى أن نهت المكالمة هي بسبب اتصال اجاها

باوعتلي رحمه بنظرات غريبة بداخلها حجي بس ترددت تحجي كتلها

وهجَ:: دائماً اشوفج تردين تحجين شي وتسكتين احجي شبيج ؟

رحمه:: سمنانه وهجَ وعندج بطن صغيره

- اي عادي لان اكل هواي

- لا بطنج مو مال اكل اكلج شي بس مارييد وسام يعرف كتلج ضم الموضوع عنج حتى ما تبقين عايشه على امل وتفكرين

- بشنو افكر ؟

- تذكرين بيوم ولادة ملاذ صار عندج نزيف ؟
- اي اذكر

- بوقتها جنتي حامل وصار عندج إسقاط

- هههههههههههه تشاقين مو هاي المواضيع مو مال شقه من زمان مسوية تحاليل واعرف عندي عقم ومشاكل

- حتى لو عندج عقم رب العالمين رزقج بطفل صح راح بس بسبب الاسقاط كدروا يعرفون عندج مشكلة برحم وكل العلاج الي تنطي امج الج والابر علمود تتعالج هاي المشكلة

واني واستبرق متأكدين انتِ حامل

- دقيقه رحمه ليش ما ادري اني ؟

- افضل جنتي راح تفكرين بهذا الموضوع والتفكير متعب وسام ما حجالج وطلب مني ابقى ساكته حتى تتعالجين ويتحسن وضعج بدون تفكير زايد

العلاجات الي على أساس تنظم وضعج هي علاج علمود تصيرين ام

::- بهتت بوجها مصدومه شلون مشت عليه وما فكرت بشي ثاني ردت اكوم ادخل طلعت كدامي استبرق بيدها شي مدت أيدها وكالت

استبرق::جربي بالبيت جبت أكثر من واحد علمود نتأكد

وهجَ:: لاا ماكدر والله ماكدر.
رحمه:: لااا تكدرين ليش تخافين وهجَ سباعية انتِ تستاهلين تصيرين ام ورب العالمين راح يرزقج اذا مو اليوم باجر واذا مو باجر بعد المهم تكونين صبوره

-: نزلت دموعي ماكدرت أتمالك نفسي فهمت وسام ليش ما حجالي جان يعرف ما اتحمل واضل افكر هدتني رحمه لحد ما استقر وضعي خلتني اسوي الاختبارات كلهن خليتهن على جه غسلت وجهي

حسيت أطرافي جمدت خفت وتوترت سمعت صوت رحمه من ورا الباب فتحته باوعتلي وگالت

رحمه:: اني متأكدة من النتيجة وهسه تشوفين

::- ضليت امشي وارجع تلفت أعصابي آخر شي دخلت استبرق تشوفهم رفعت ايدي على اذني اسدها بقوة خايفه اسمع شي يكسرني بس

بس دخلت مسمعي صوت صرخت استبرق
تصرخ بصوت عالي ودكول

- حاااااااااااااااااامل والعباس حاااااامل وههجَ حاااااااااااااااااامل.....

ـــــــــــــ⊰ ـــــــــــــ

-: طلعت من البيت امشي بخطوات ثابتة
صعدت بسياره ومثل كل يوم تعود ينزل يجيب كهوة الي وينزل أخذته منه وكلت

غفران:: شكراً
- العفو عمو

::- وصلني للصيدلية بمسافة نزلني وراح
اخذت رشفة من الگهوة وعيوني على العالم الموجودة كل ما اجي للدوام اصفن على نفسي شلون وصلت وكدرت احقق حلمي وحلمه ؟

اخذت نفس براحة مر من يمي الصيدلاني اليشتغل مكان فرات من يوم وفاته حسب الي سمعته يصير صديقه قبل لا يتوفه وكمل بمكانه هو..

سلم عليه وراح يجيب اكل اله لان شافني اجيت التفتت على صوت طفلة

ركضت بأتجاهي الطفلة شايلة بيدها ورده اتقربت مني قدمتها إلي وگالت

- هاي من عمو الج
::- شمرتها وركضت بهتت مصدومة
يا عمو هذا باوعت على صيدلية اكو أشخاص واكفين دخلت بسرعة انطيتهم علاجهم
سحبت الوصفة الطبية ركزت بيها بدون لا ارفع عيوني گلت

- شريط**** خلصت كميته عيوني
ما رد ولا نطق بحرف واحد رفعت راسي اباوع على صاحب الوصفة الطبية بس صدت عيوني بعيونه توسعت عيوني بصدمة من نزع الكمامة مبتسم همس

راجح :: مـر وقــت طـويـل يا دواء الروح

غفران:: راجحح!

روحـه غـفـرانـي روحـه..

::- دگ گلبي بقوة دمعت عيوني بشوفته كدامي بعد هذا الوقت كله اخذتني رجليه اله بدون ما احس فتح ايده الي شمرت نفسي بحضنه ابجي

غفران:: طولت هواي تعبني الانتظار

راجح:: ياروح روحي خلص رجعت اني والغـياب انــتهــى بـشـوفـة عـيـونــج

ـــــــــــــ⊰ ـــــــــــــ