جوائح الدهر الفصل الثالث وخمسون 53 - بقلم دعاء رزاق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

ـــــــــــــ⊰ ـــــــــــــ

وبنفس اللحظه سمعت صوت طفره قوية داخل سياج بيتنا بس التفتت صار كدامي شخص لاف الغتره على وجه كله حتى عيونه مو واضحه بحركة شريعة سحبني ايده
على خشمي كفختني ريحة عطره
رخت أعصابي تسارعت دگات گلبي
قرب راسه وهمس يم أذني

- الـبـدايـات يالــوعـة گلـبـيـي

فاطمه:: اســـامـــه !
- گـلــبـه فــواطــم گـلــبـه

::- التفتت اله تعلگت بركبته طوق خصري بيده وايده الثانيه على ضهري حضني بكل قوته دفنت وجهي بصدره

فاطمه:: گلبي اسامه راح يوگف
- اسم الله فواطم ميت على شوفتج مشتاقلج وابو فاضل تايه بدونج

- والله اني التايهه بدونك والرب
مشتاقتلك

- احلفي
- هههههه مشتاقتلك

سكت لحظه رفعت راسي اباوع اله عيونه تتنقل بوجهي كأنه يحاول يحفظ ملامحي من جديد مد إيده على خدي وهمس

اسامه:: وابو فاضل جنت انتظر اسمع هاي الكلمه منج احتركت روح علي

:-: لزم وجهي بيده وقرب راسه مني يطبع بوسه على شـفـتـي طـوقـت ركبــته بيــدي ودمـوعــي نـزلـت بـدون صوت أبتعد فاتح عــيــونــه مـتـفـاجـئ بـدمــوعــي

اسامه:: لا تبجين لا فواطم شو باوعيلي شبيج حبيبتي

- تعبت ماعندي طاقة بعد
خلصت حياتي انتظر بس محد اجاني غيرك
لا تعوفنـي بـعـد!

- اجيتج ومن اليوم ما اعوفج بس لا تبجين
اني موجود يمج انسيهم ولا تنتظرين أحد بعد زياد اديان واني كلنا يمج لاتبجين

:- سحبني الحضنه يبوس براسي يحاول يهديني طول الأيام الراحت واني كاتمه اشياء بداخلي جنت خايفه ما يرجعلي ويعوفني..

من سنوات واني انتظر رجعتها كل شخص يتمنى يشوف أهله بقربه واني مثلهم دائما جنت اتمنى ينصلح عادل ويحتوينا رغم السووا بينا جنت انتظر وبالاخير مات وهو ما تغير ومرته الي هي امي ما اهتمت الاحد وسافرت وخلتني اني واديان وي شخص مثل عادل

وهي أكثر انسانه تعرفه شنو بس ما همها شي وراحت تعيش حياتها وهم جان عندي أمل تجي واشوفها بيوم من الايام او على أقل تحظر تخرجي بس حتى بهذا اليوم ما اجت واني جنت منتظرته اشوفها

كل الأشخاص إلي انتظرتهم ماتغيروا ولا اجو بنهاية اكتشفت اني شكد غبية كملت دراستي ودرست نفس اختصاصها ورغم متأكدة اخبارنا توصلها بس هم ما هتمت

ومن يوم تخرجي نار بگلبي خفت اسامه
يكسرني مثلهم وكل خوفي اختفى بشوفته كدامي

وتأكدت اليريدك يجيك مهما غاب
يرجع الك...

ضليت بحضنه لحد ما خلصت دموعي رفعت راسي وكلت

فاطمه :: خلصت بعد ماكو دموع

اسامه:: ما احب اشوفج تبجين بس خليتج براحتج بعد ما اريد اشوفج تبجين وصلت راجح واجيت اشوفج الكاج تبجين سوده بوجه علي

- تعال ندخل جوه
::- لزمت ايده دخلنا للبيت سد الباب وشمر نفسه على قنفة فاتح ايديه الاثنين

اسامه:: وأخيراً اخخ وابو فاضل متكسر تكسر

فاطمه:: ارتاح خلي اسويلك اكل اكيد جوعان

- لا لا عوفي الاكل تعالي اريد انام
مادام الحمار زياد مو هنا

- لا تغلط شمدريك مو هنا ؟
- احمد كال
- احمد يدري بيك هنا ؟
- اي يدري
- أيا خبيث كرونه يانوع
- لو مو زوجج اني جان جبت كرون اله بس
عاقدين احنا محد عادي اجي بأي وقت
هسه تعالي خليني انام

- جا ما تنام ؟
- اريد احضنج وانام
- لا والله
- والله تعالي لا اكوملج
- شو تهدد نام واسكت فلا اجيك
- فواااااطمممم
- اساااااامه
- تعالييي اريد انام
- نام وحدك
- ما اعرف انام وحدي تعالي نامي يمي
- اليسمعك يكول يوميه يمي
- وعلي تعبان فواطم

::- اتقربت منه تمدتت يمه لمني بحضنه من تعب بسرعة غفه ضليت كاعدة خاف يندگ الباب تقريباً ربع ساعة او أكثر دگ تليفونه
فز بسرعة فتح خط وهو مغمض عيونه كال

أسامه:: ها عدل ميت
راجح:: عدل وينك انتَ

::- فتح عيونه يباوعلي
- بحضن ف.....

::- ما خليته يكمل كلامه رأساً سحبت التليفون سديت المكالمة باوعت اله فاتحه عيوني مصدومة

فاطمه:: ما تستحي دكله هيج ؟
- خليني انام تعالي

- خالتي راح تجي هنا تبقى يمي
واذا تشوفك تحجيلهم كلهم كوم نام بغرفتي

:- كملت كلامي كام من مكانه وكال

اسامه:: عيد وجابه العباس ابقى بغرفتج
فاطمه:: امشي نام لا اسويك عيد

- ليش ما اسوي ال....

::- قطع كلامه صوت الباب يندگ بقوة وهاي الدگه مو غريبة عليها عرفتها خاله حمديه أشرت اله وگلت

فاطمه:: امشي بسرعة امشي لا تطلع من الغرفة

اسامه:: اوكفي خليني أتأكد خالتج هاي

- ولك لا خالتي والله ادخل

::- طلعت اركض بعد ما دخل الغرفه فتحت الباب دخلت خاله حمديه هي وعكازتها استقبلتها ورحت جبت الها شي تشربه
والتفتت أريد اروح للغرفة گالت

حمديه:: وين رايحه ولج

فاطمه:: هنا ما رايحه
- تعالي اكعد يمي طلعلي باب الحاره
- هم باب الحاره خاله
-: طلعت المسلسل الها وما خلتني اتحرك كاعدة يمها وكل شويه اباوع للغرفة ما أعرف نايم لو كاعد حتى بدون اكل استغفرالله ربي

ضليت كاعدة يمها بس نعست كامت الغرفة اديان نامت بيها بس تمدتت كالت

حمديه:: هاي جربايتج ولج فطيمه
- لا خاله جرباية مرت ابنج هاي

::- كملت كلامي وطفيت الإضاءة مال الغرفة وطلعت ركضت الغرفتي بس فتحت الباب لمحت الثلاجة الصغيرة البغرفتي مفتوحه ونص حلويات بالكاع واسامه كاعد بالكاع منتچي على جرياية منزل الكتب وأيده بثلاجه طلع كاسة ماي باوعلي صفح وگال

اسامه:: تعالي تعالي

فاطمه :: شمسوي بالغرفة ؟

- شنو هذا
::- رفع واحد من الكتب يأشر على اسم وكال

اسامه:: شنو مكتوب ؟
فاطمه:: احببت وغداً شبي ؟
- انتِ وغده
- وغده ؟
- اي شنو جايه هيج كتاب شتقصدين بي
قصدج اني وغد مو ؟

- هههههههه وغد بعينك شبيك مجرد كتاب
بعدين مو كالك احبك اني ؟

- هم عوزج ما تحبيني والعباس اذا ما تحبيني

- ما احبك شنو كوه هيه ؟

- كون العباس يسطرج اذا ماتحبيني

- خلي يسطرني ما احبك
- عليج العباس حبيني شريف اني

::- خليت ايدي على حلكي اكتم صوت ضحكتي خاف تسمعنا خالتي اتقربت منه
كعدت بصفه سحبت الكتاب منه

فاطمه:: الحب مو إجباري
- صحيح
- اسويلك أكل ؟
- لا أكلت ليز وزبادي وشويه حلويات
- شويه بس ؟
- لا يعني شويه هوايه
- عافيات وهسه عوف كلشي ونام عيونك حمر
- انتظرتج تجين
- اجيتك
- وين انام ؟
- نام على جربايتي واني انام على قنفة

::- باوعلي بنظرة ودار وجه عني
هز راسه بمعنى لا

أسامه:: لا أريد انام هنا ارتاح أكثر جبيلي
فراش

فاطمه:: نام على جربايتي ترتاح أكثر

- لا اريد هنا

:- كمت طلعت اله فراش أخذه مني ما خلاني افرشه سحبت الغطه وهم أخذه نام وتغطى وإني واكفه مستغربة حركاته
حتى ما كال شي وهو على أساس يريدني ؟

فاطمه:: شبيك اسامه ؟
- شبيه ؟
- هو دا أسألك شبيك
- مابيه شي بس اريد انام
- مو على اساس جنت منتظرني ؟
- اي بس ماريد اجبرج على شي

::- بس نطق كلامه فهمت قصده شنو
تحركت طفيت الضوه وقفلت الباب تقربت منه سحبت الغطه وهو مغمض عيونه سحبت ايده حطيت راسي عليها ونمت بصفه تماماً بدون خوف
ما تحرك ضل مغمض عيونه رفعت ايديه انتچيت على صدره نرسمت شبه ابتسامة على ثغره تقربت أكثر طبعت بوسه على خده

ابتسم أكثر رجعت طبعت بوسه على خده الثاني ضحك بخفه فتح عيونه سحبني الحضنه وهمس بأذني

اسامه:: دخيل الله شكد احبج
- لا تضوج مني ما أقصد شي بكلامي
اذا اكو شي تريد تسمعه مني أتأكد بس يجي الوقت المناسب راح اكوله الك

- ما اضوج منج حبيبي
- غمض عيونك ونام حتى ترتاح

::- طبع بوسه على جبيني وغمض عيونه
ختلت بحضنه حسيت ثگلت أنفاسه عرفته نام
غمضت عيوني ونمت براحه بعد وقت طويل...

ورا ساعات كعدت على صوت ونين اسامه
نايم بس يتمتم بكلمات مامفهومه سحبت نفسي من حضنه فز عيونه حمر وجسمه نار مع العلم الجو بارد باوعلي وگال

- خـليـج يـمـي مـالـي غـيـرج انـتِ كـل هـلـي

::- لزمت ايده ضغطت عليها وگلت
- يـمـك ما اعوفك صدكني انتَ اعز ناسي
نام لا تفكر بشي
- نامي هنا بمكاني

تحرك من مكانه تمدتت صار فوگي حط رأسه على بطني وطوق خصري من الجهتين شويه وحسيته نام

الأول مره احس أسامه كأنه طفل محتاج حنان او احد يحتوي أخذت نفس دخلت اصابعي بفروة شعره بقينا على هذا الحال الوقت طويل للسبعه ونص كعد رفع رأسه يباوعلي مبتسم أبتعد عني كمت من مكاني متكسره تكسر ضهري يوجعني بس ما كلت اله

فاطمه:: صح نوم راح اشوف خالتي واسوي الك ريوك
اسامه:: احلى صباح وشرفي

::- ابتسمت بوجه كمت رفعت شعري وهو كعد يلبس التشيرت مالته طلعت من الغرفه نزلت لگيت خاله حمديه مشغلة الصوبه وكاعدة
صبحت عليها ورحت غسلت وسويت ريوك الها والاسامه حرت شلون اصعد ريوك الغرفتي وهي موجودة ضليت افتر بالبيت اشغل قران وارتب الكوشات وهي تباوعلي صفح رفعت عكازتها وگالت

حمديه:: أخذي الريوك روحي سوالف الطايح حظها ما تعبر عليّ ولج فطيمه شايفتني طرمه اسمع سوالفكم بنص الليل

- عزااااااااااااااا خاله بداعة المرحوم لا تحجين لأحد يخزيني اخوي وعلي تره جاي تعبان ونام

- مالج شغل محد يعرف تأخذين الريوك وتروحين دكولين اله يهم نفسه حتى تعرسون صارت طويلة

- ماشي خاله ماشي

:- اخذت الريوك مشيت بسرعة دفرت الباب فتحه الي هو أخذ الصينية مني لمحته مشغل الصوبه والغرفة ضلمه ودافيه سديت الباب هو خله صنيه بالكاع يم صوبه وكعد تغطه بالبطانيه سوالي مجال بصفه كعدت غطاني وكال

اسامه:: غرفتج بيها حنيه اكثر من هذيج الوحده

فاطمه:: خليها على صفحه لا تعكر مزاجك من صبح

:- سكت مبتسم اعرفه يقصد امه صب جاي هو واني سويت لفه اله قدمتها إله رفع حاجبه مستغرب

- الي ؟
- اي اكل
- حنونه مو بيدج فواطم

- اكل اسومات

- اسومات؟
- اي اسومات اسوماتي هم
- هههههههه اذا يسمع علي يشهرني

- ما يسمع منين يسمع اكل اسومات
-: سكت بس الضحكه ما فارگت وجه والفرحة طاغية على ملامحه طول الاكل يسولف وياي ويضحك واني ردت هذا شي يهتم بالكل هو بس ما يهتم النفسه صار الوقت اهتم بي
واكون مثل مگال ( أنتِ هلي )

بعد ما خلصنا اكل ردت افتح الموضوع ويا بس سبقني هو وگال

اسامه:: راجح راح يتقدم الغفران اذا تم كلشي على خير ورا عقدهم نسوي عرسنا لهذا من باجر احجي وي اخوج واجيج يوميه نطلع نجهز للعرس سوه واذا تردين احد من عائلتج او بنات عمج عادي

- فاطمه:: لا ماريد احد كلهم مشغولين وماريد اتعبهم وازيد عليهم وأفضل شي نجهز كلشي سوه احس

- اكيد احسن لا تفهمين كلامي بطريقة غلط بس هاي اسعد ايام بنسبه النا ماريد يدخل احد نكمل كلشي سوه

- هاي هيه ما اعترض هاي المره بس احجي وي اخوي والباقي يكمل

:- ما أنتظر واتصل على زياد يحجي ويا توسعت ابتسامته من قبل وما أعترض
نهى مكالمته ويا وألتفت إلي

أسامه:: اكو شي لازم اشوفه واذا كامل اجيج اخذج تشوفينه هسه لازم اطلع علمود أروح وي اخواني ينتظروني

- اخوانك ؟
- ولد عمامي اخواني
- صح صح تمام اسومات روح وانتبه النفسك زين

- گلبه فواطم گلبه

::- حضنته من كتفه وهو مصدوم كل شويه تجي صدمه بعد حديث طويل كام من مكانه
كلته خاله حمديه تدري بيك طلع سلم عليها وكعد يحجي وياها ومثل ما توقعت تعرفه زين لان صديق ابنها اخذت نفس وطلعت ورا وصل الباب السياج ألتفتلي باسني بسرعة وابتعد

لمحت شال مالتي ضامه بستره مالته طلعه يشم عطري البي حسيت نفسي استخفيت ردت ابوسه بس كعدت ارزل نفسي لحد ما راح

:- دخلت للبيت اكمز من الفرح ومشت الايام بنفس الاسبوع عقدوا غفران وراجح رحت قبل العقد بيوم وبقيت يمهم ولاحظت الكل مستقر حسيت براحه نفسيه بشوفتهم هيج

لان كل شخص بهاي العائلة متعوب رتبت المواعين وياهن وطلعت امشي وي غفران شفت حمزه كاعد بصاله وعيونه على جيهان بنت عمه كاعدة قريب منه تحجي اله وهز مركز وياها

اجت بالي نظراته المنى ماعرف ليش من يمي انقهرت شحال لو هي تشوفه يباوع الغيره بنفس النظر!

استبرق:: وين صافنه ؟
فاطمه:: لا هيج ذكرت شي هسه ما كلتلي مو على اساس بعد ما تخلفين شو حامل هسه

استبرق:: رزق رزق دادا
- احلى رزق صدكيني الله يتمم الج على خير

::- ابتسمت على كلامي حجينا شوي وبعدين راحت الجهالها والبنات دا يسون عناية شفت جوائح كاعدة هي وابنها سوه يسولفون سوه وهي كأنها تحجي وي شخص جبير بالعمر

اتقربت منهم وگلت

فاطمه:: اعتذر عن مقاطعة حديثكم بس كزكزت عليكم ممكن اكعد يمكم ؟

جوائح ههههه تعالي حبيبتي اكعدي

::-, كعدت بصفها وعهد يباوعلي كال

عهد:: وينه حبيبج

فاطمه:: حبيبي اني ؟
- اي وينه هو
- شمدريك عندي حبيب؟
- شفتكم من رحت اجيب عصير

جوائح:: اسكت عهد
فاطمه:: هذا انتَ طلعت يافصعون عبالنا واحد من الولد

جوائح:: لا راح يجيب عصير وسامع اسامه يكلج حبيبي وهسه يدور عليّ ما لگاه هنا سألج وين حبيبج

- اها اها هنا الحجي فهمت حبيبي طالع بس يرجع اني أكلك

::- كام من مكانه يمشي راح باتجاه وهجَ الطالعه من الغرفة حط ايده على بطنها يحركها بهدوء ويكللها

عهد:: شوكت تجينا
وهجَ:: بعد أشهر مو هسه حبيبي

- هواي بعد ؟
- اي
- ميخالف حبيبتي ميخالف

::- اتقرب يبوس بطنها وجوائح تضحك على سوالف ابنها رجع يركض شمر نفسه بحضنها باسها وطفر يلعب يركض

وهجَ:: ابنج منتظر ولادتي أكثر مني ومقتنع بنيه مو ولد

جوائح:: صار ساعة اكله ممكن يطلع ولد يكلي لا ماريد

فاطمه:: يمكن تطلع بنيه
- الله ياريت أحب البنوتات
- أن شاء الله تجي بنوته هسه روحي استقري تحوصين بالبيت

وهجَ:: رايحه رايحه

::- دارت وجه ومشت للغرفة فعلاً اشتغلت هواي صح الحركة ما تضر بس لان حملها صعب يخافون عليها

دار حديث طويل بيني وبين جوائح وقطعه صوت عهد يصيح بصوت عالي لازمه
اسامه يبوس بي مكزكز عليّ وهو يريد يخلص نفسه منه باوع على جوائح وكال

عهد:: جوجو يمهه خلي يعوفني يمه

جوائح:: اسامه عوفه لا تضوجه

عهد:: عوفنييي اسومه

اسامه:: خرب بروح خالك لا دكول اسومه ولك

- يمه ما يعوفني
- اسامه تعوفه لو اكوم نزله
::- ضحك أسامه ونزله ركض شمر نفسها بحضنها كعد يباوع الاسامه صفح وكال

عهد:: ألا اكول اسووومههه

اسامه:: وعلي اكتلك
- شوفي جوحو
- مايضربك حبيبي يشاقه وياك
وانتَ اسامه واذا دلعك شبيها يعني

- يدلعني شنو تردون تفضحوني انتِ وابنج

فاطمه:: هو دلع ياعيني شبيك اسومات

::- بس كملت كلامي التفتنا على صوت علي وحمزه يضحكون هز راسه وكال

علي:: دلع عيني دلع دلع روحي دلع
يناسبه الدلع اسومات

حمزه:: زلمه شطولك شعرضك دكلك اسومات؟

اسامه:: خ** بيكم والعباس اطيح حظكم

عهد:: اسومه
علي:: اسومات
حمزه:: صخومات

::- ألتفت اسامه تخوصر يباوعلي صفح
جوائح اخذت عهم وطلعت تضحك تحاول تسكت ابنها بس لان شاف حمزه وعلي يسولفون كدامه طبك وياهم عفتهم وشردت وراهم خليتهم يتعاركون

لحكت جوائح نزل عهد وراح يمهم هزت ايدها وكالت

جوائح:: صلف مادري عليمن طالع

فاطمه:: صحيح صحيح محد يعرف عليمن طالع

- تعالي نكعد هناك
- اي تعالي صدك مرتاحه هناك ؟

- نوعاً ما هدوء ماكو ضغط وفوضه
- الحمدلله المهم استقريتي احسج متغيرة مو مثل جوائح العرفتها أول مره ؟

- من يا ناحية؟
- كل نواحي

- مادري يمكن فعلاً تغيرت ماكو شي مايتغير فاطمه كلشي بهاي الحياة يتغير مع مرور الوقت حتى بدون ما تحس فجأة تلگه نفسك شخص ثاني وحياة ثانيه بوقتها تكتشف شكد الإنسان غبي لدرجة يضيع نص عمره في سبيل
يوصل الشيء يخسره هواي اشياء

- صحيح واكبر دليل أسامه سنوات وهو يدور على شخص وبالاخير طلع موجود كدامه

- مو بس اسامه فرات جان يهتم بالكل ويخاف يأذيهم او يكسرهم شي وبالاخير راح وكسرهم

- الله يرحمه بنهاية مكتوب النا نعيش هيج
وانتِ جوائح عيشي حياتج بعدين راح تتندمين صدكيني

- الله كريم

::- اخذت نفس وكالت

جوائح:: شوفي هذيج المره

::- أشرت من شباك على وحده تباوع علينا
راحت الها جوائح واني وراها طلعنا بره باب البيت وهي اجت النا كعدت يمنا من خلال كلامهم عرفت جوائح تعرفها صفنت عليه المره وگالت

- هاي الحلوة بنت منو

جوائح:: مرت ابن عمي بعد فترة عرسهم

::- ركزت بوجهي كلش بحيث توترت ابتسمت ابتسامه غريبة وگالت

- منتظره شي انتَ حبيبه

فاطمه:: اني
- اي
- لا ما منتظره شي
- لا منتظره شي يجيج بس اصبري
- بس اني ما منتظره شي خاله ؟

::- هزت راسها ودنگت تسبح بسبحتها
طلعن البنات ورانا مدت رأسها رحمه تباوع علينا أشرت بمعنى شكو هنا طالعات التفتت عليها المره تباوع عليها كالت

- تعالن كلجن وراي

- فاتت للبيت كعدت على كرسي والبنات ما مفتهمات شي بس صافنات باوعت على رحمه اول شي صفنت شويه وهمست

- حامل انتَ
رحمه:: لا
- لا حامل بولد هم
استبرق:: بسم الله الرحمن الرحيم
رحمه:: مو حامل والله

- لا تحلفين حبيبة
وانتِ هم حامل

استبرق:: شمدريج ؟
- وحامل بتوأم بنيه ولد

وهجَ:: دخيلك ياعلي خاله تحجين صدك استغفرالله قابل تعلمين الغيب

- استغفري ربج بنيتي جنتي حامل بولد وطرحتي وهسه حامل ببنيه

::- شهگت رحمه وكلهن انصدمن اني ادري صار عدها إسقاط بس هذا الموضوع محد يعرف بي غيرنا

جوائح:: هههههههههههه شبيجن

استبرق:: صدك جذب شلون عرفت ؟
- علمي من علمج

جيهان:: خيرة هاي

:- سكتت تباوع على جيهان واخواتها الإثنين ثبتت عيونها على جَلنار وگالت

- شنو اسمج
- جَلنار خاله
- انتن اخوات
جَلنار:: اي هاي جُواهر اكبرنا وهاي جيهان الصغيرة واني الوسطانية

- متزوجة انتِ
- اي بس عقد قران وعقد محكمة بدون عرس

- لا تهدين الايد الزمتج خليج ورا دائماً

وانتِ جُواهر اسمج ؟
- اي
- اكو شي بين أغراضج شخص منطي الج ذبي لان يضرج هواي

- شنو هو اني ما أخذ شي من احد

جيهان:: الكلاده جُواهر
:- باوعت على اختها مثل إلي استوعبت شغله درت وجهها تريد تروح صاحت وراها

- ذبيها حبيبة ما تفيد تضرج
وانتِ شنو اسمج

- غفران
- راح ترتاحين بحياتج واول بطن الج بنيه

::- كملت كلامها وثبتت عيونها على طيبه وجيهان سوت حركة غربية برأسها ولفت السبحه بيدها وگالت

- انت راح اطفين الشرارة المشتغلة من سنين

جيهان:: ما فهمت

جوائح:: أتوقع تقصد مشكلة او شي ثاني
وتنتهي بسببج

- لا الشرارة بداخل شخص ومحد يطفيها غيرها

::- لزمتني الضحكة على حركات استبرق وهي تقلدها وجيهان صفنت عليها ثواني ونرسمت شبه ابتسامة على ثغرها رفعت شعرها وگالت

جيهان:: البالي صح يعني ؟

- اي بس انتبهي الخطاج ولا تستعجلين
خلي كلشي بوگته.....

::- توسعت ابتسامتها وبعيونها نظره صعب تفسيرها حتى اختها صفنت عليها

جوائح:: وطيبه ؟

- هاي طيبه ؟
- اي

- انتِ راح يدخل حياتج شخص وتتغيرين الأفضل وهذا شخص يجيج من طرف ام عهد

::- مديت ايدها تأشر على جوائح وكملت كلامها

- مو من عائلتها شخص غريب عنكم...

استبرق:: دخت خاله صدك تحجين يعني كلامج صح ؟

- تشوفون بعينكم اذا صح او لا من يصير

جوائح:: دقيقه شلون من طرفي ؟

- بعدين تعرفين شلون أتأخر الوقت اروحن البيتي حبيبات

فاطمه:: وجوائح ؟

- اني كتلها من قبل شي ميحتاج بعد

::- حجت كم كلمه وبعدها راحت البيتها خلتنا وحده تصفن بوجه الثانيه لحد ما كالت

استبرق :: عندي اختبار مال حمل سوي وشوفي حتى نتأكد ؟

رحمه:: أمشي جيبي وتعالي

::- راحت استبرق جابته انطته الرحمه وخلتها تروح تسوي ورا دقايق اجت رحمه لونها مخطوف رفعت الاختبار وگالت

رحمه:: طلعت حامل

::- من الصدمه محد نطق حرف ضحكت جوائح وكالت

- إذن كلامها صح بس لا تخلونه بالكم كملوا حياتكم طبيعي ولا كأنكم سمعتو شي بس أنتِ
جيهان لازم نكعد اني وياج گلبي ممرتاحلج

جيهان:: ارتاحي ارتاحي لا تخليني بالج

::- مو بس جوائح ما مرتاحه الها حتى اني ومادري ليش حسيت حاطه برأسها حمزه وزاد شكي من دخلوا البنات جوه كلهم واني بقيت احجي وي بيت اهلي وقبل لا افوت لمحتها كاعدة بالمرجوحة والبزونه بحضنها

وحمزه يتمشى ويتجادل وياها
وهي ترادد تماماً مثل السان منى تمشيت بأتجاهم باوعلي حمزه وهي ضلت تلعب وي البزونه

فاطمه:: ماعرفتك حمزه صاير تحب تسولف

حمزه:: لا شوكت

- اضاهر ما منتبه النفسك متغير يمكن نسيت
حتى نفسك..

::- عفتهم ومشيت كل ما اذكر منى دمي يفور
صعدت يم البنات ونمت بوقت متأخر ثاني يوم

بتاريخ 2024/4/12
نـعـقـد قـلـب غـفـران بـقـلـب راجــح
فرحتهم بهذا اليوم مستحيل انساها
بعد ما تم عقدهم حضنها كدام الكل
وبس اهتزت أكتافه عرفته بيجي اخذت نفس براحه حسيت هم وانزاح عني جنت أحاول اجمعهم ونجمعوا اخيراً

اتقربت من سما الي كاعدة بصف رحمه ويحجون سوه كل عائلتي وعائلة سيلين موجودين بحفلة العقد كعدت بصفها مالت راسها بأتجاهي وكالت بصوت ناصي

سما:: رحمه نسخه من شهرزاد

فاطمه:: اي يتشابهون بشخصيات
- الاخوات علاقتهم حلوه صح أول مره اشوف مواقف الهن بس واضح شكد حنينات
على بعض

- اي مو بس هنه حتى الولد هيج يذكروني بيت عمو رسول كلهم نفس الشي.

::- ابتسمت الي ورجعت تكمل حديثها
الأطفال كلهم بالبيت وي علي متأكدة راح يسودنهم بس انتهت الحفله طلعت من القاعة
وكعت عيني على اسامه واگف بس شافني اتقدم باتجاهي نزع الستره مالته خلاها على اكتافي وگال

اسامه:: تعالي نرجع للبيت
- لا ما ارجع اخوي منتظرني
- حجيت ويا اريد اخذج تشوفين شي مهم باجر

- شـــتريــد اســومــات
::- مني غـمـزلـي وهــمــس

- ‏مااريـــد منـــن دنـيــا كــلشــي بـس اخــذك ياحــبيـــبي وامــشــي

- يلا نمشي ماريد اخوي ولا اهلي
- هههههه تعالي حبيبي امشينا

- وين نروح باجر ؟
- مو بس احنا الكل يمشي ويانا

- امم يعني شنسوي غير أعرف
- تعرفين باجر محلفيني الولد ما اكول وداعتج

- ولا وحده تعرف ؟
- جوائح تدري وشاركت ويانا
- اني اعلمها ليش ما كالت

- بس والله خوش تمشي الأمور تنظم كلشي
وتسهل الشغل دائماً تصدمنا

- احبها بداية علاقتنا لمحت الي عن أشياء خلتني اصحى على زماني وانتبه

::- طول الطريق نحجي وصلنا للبيت النص الليل طلعتنا جوائح وخلتنا نكعد بالغرفة ثانيه علمود راجح وغفران يبقون سوه

كلهن نامن بس هي ضلت كاعدة تراسل
صار عندي فضول اعرف وي منو تحجي بس خليتها براحتها والثاني يوم كلشي طبيعي لحد ما طلع علي يفتح الباب وصار صوت الرمي هي لحظات والولد كلهم طفروا واسامه يركض ما يشوف دربه بعد

بس سمعت صرخته نغزني گلبي طلعت اباوع بره متجمعين يم علي الي نايم بالكاع والدم ينزل من ايده

ما افتهمنا شي سندوا كلهم وأخذوا
ساعتين وأكثر اتصل وسام على وهجَ
حجالها عن وضعه واحنا نسمه اخذت نفس من كال

وسام:: ماكو شي خطير ما مصاوبية عدل

مدتت رجليه احسهم انشلن من الهبطه
ما خلوا ببقى بالمستشفى بليل طلعوا واول ما اجو سمعنا صوت ضحكهم اشر الهم علي وگال

علي:: أخذوا بيوتكم وراحوا كلكم اني زين واريد أنام ومثل ما حجيت لا تسون شي من وراي اني اتصرف

محمد:: اني وحمزه وزياد موجودين هنا روحوا بابا

نيرمين:: اي حبيبابي كلكم تروحون وانتبهو من طريق

رحمه:: غير افتهم وين نروح

جوائح:: بدون اسئلة هناك تعرفون راحوا ومن ترجعون نرجع اني وحمزه باجر عندي شغل مهم

::- اكتفينا بسكوت والفضول كتلنا كل وحده راحت وي زوجها حتى جَلنار وايڤار وغفران وراجح رحمه وانمار واستبرق وايان أو وهجَ وسام واكيد اني واسوماتي

دخيلك ياعلي شو هواي احنا
باوعت على طريق دخلنا بمنطقة غريبة اول مره ندخل الها وگفت سيارة نزلنا اني ويا والبقيه ورانا نزلوا

اتقدموا كدامنا والتفتوا كلهم طلعوا مفاتيح من جيوبهم رفعوهن كدامنا وگالوا بصوت واحد

- هاي مفاتيح بيوتنا

رحمه:: دقيقه بس لا..

انمار:: مادام اني أكبر واحد بيكم راح احجي

:- هزوا راسهم راضين كال بأبتسامة

انمار:: هاي البيوت الكدامكم النا اتفقنا نكعد بمنطقة وحده والبيوت واحد بصف الثاني حتى نبقى دائماً سوه واكيد ما راح تعترضن صح

رحمه:: دقيقه نعيش هنا ؟
- اي رحمتي ما عجبتج المنطقه ؟
- لا لا عجبتني بس ليش سبع بيوت ؟

ايان:: البيت سابع الاهلنه هم ينتقلون هنا وبعد محد يشيل نستقر

استبرق:: وشغلك ؟
- اهلي اهم منه المهم ابقى قريب منهم

::- ابتسمت فرحانه بكلامه رادت تكمز لزمها يثبتها باوعت على أسامه خله المفتاح بيدي يضحك دمعت عيوني من الفرحه

دخلنا للبيوت سوه كلشي كامل بس يحتاج ترتيب وفهمت شنو قصده من كال جوائح ويانا طلعت هي مختاره الأثاث وياهم

من فرحتي بيتي ماكدرت الزم نفسي حضنت اسامه بكل قوتي وهو يضحك

ورا وقت طويل رجعني البيت اهلي والبقيه رجعوا هم ورا يومين غفران فتحت موضوع العرس وياي واقترحت نسوي عرسنا بيوم واحد وعجبتني الفكرة اتفقنا كل وحده تفتح الموضوع وي زوجها وبالاخير محد أعترض

حظرنا العرسنه سوه خلال أسبوعين كملنا كلشي والاسبوع الثالث رتبنه كلشي بالبيت

واخيرا حددنا يوم العرس مرت الايام
مثل العسل لحد ما اجه يوم العرس

بهذا اليوم ماكدر اوصف شعوري خوف توتر
فرح حب تخربطت مشاعري وغفران مثلي واضرب هم بس لبستني البدله اديان
دمعت عيوني ردت ابجي وهنه يسكتن بيه

بس خلصن باوعت على غفران رافعه بدلتها
وتباوع على نفسها بالمراية اندارت عليه تباوعلي مبتسمه ماكدرت انطق أي حرف وحتى هي من توتر خنسنه

تقريباً ورا ساعة اجه اسامه وراجح وگفت
اله انتظره يدخل ورجليه ترجف هدتني اديان بس ما فاد مجرد دخل لمحني كدامه بفستان العرس ثبت بمكانه يباوعلي مبتسم الدمعه بطرف عينه بس ما نزلت

اتقرب مني باسني براسي عدل البرگع لان راجح دخل وكف يباوع الغفران تمشى خطوتين باتجاهها وهي اتقدمت خطوة لحد ما حضنها كدامنا دار وجه أسامه عنهم رفع ايدي يبوسها وهمس

اسامه:: الــف مــبــروك لــوعــة گــلبــي

لزم ايدي طلعنا من صالون سوه
وراجح وغفران ورانا ساعدتني اختي اديان
واسامه يلا صعدت بسبب حجم البدله سد الباب وألتفت صعد بصفي حرك سياره مد ايده يلزم ايدي يبوسها مره ثانيه ما كال ايشي دار وجه للجهة ثانيه يمسح دموعه

فاطمه:: الله اسامه جنت أتمنى اتزوج شخص يبجي من يشوفني بفستان العرس

أسامه:: ههههه يلا تحققة أمنيتج
- اخذ نفس عميق وهمس

أسامه:: من هاي اللحظه وعد مني أخليج أسعد إنسانة عرفها الوجود..

فاطمه:: بوجودك اني اسعد انسانه اسوماتي..

::- دار حديث خفيف لطيف بيني وبينه خفف التوتر وضحكت الى أن وصلنا للقاعة
نسيت كلشي وعشت هاي اللحظات بكل سعادة وغفران صدمت الكل برگصها بعرسها هي وراجح إلى صار وقت زفه ولان الفندق بعيد طلعنا من وقت واصعب لحظه

من شفت اخوي واكف ينتظرني وعيونه حمر
حضنته ابجي باسني براسي والتفت يحجي وي اسامه يوصي عليه حسيت أسامه يريد
ينصب عليّ بس شافه شلون يبجي سكت

صعدت بسياره ودموعي تنزل عشرة عشرة
حتى غفران بجت هواي حاولوا يسكتوها بس ما كدروا مسحت دموعي باوعت على أسامه يباوعلي وضايج لان ابجي

ماردت اضوجه اكثر لان محد موجود من عائلته لا امه ولا ابو وحتى منى ما خلاها تجي يخاف عليها

فاطمه:: خلصت دموعي كافي

اسامه:: لا تبجين بعد مو اكلج گلبي يوجعني إذا اشوفج تبجين

- جذاب اول مره دكلي
- المهم كتلج هسه عرفتي لا تبجين بعد
والله كل فترة اخذج الهم لا تبجين اضحكي
ضحكتج حلوه..

-: ضحكت من مد ايده يلزم ارنبة خشمي
سحبت التليفون وطلعت أغنيه ثانيه جنت انتظر هذا اليوم حتى أشغلها ومجرد سمعها
باوعلي مركز وياي عليت صوت الاغنيه

يا فارس الاحلام العمر قبل تأتي
يالواقع الي وين ما طال القاه
اقسم بمن جمل فعينك صفاتي
اني احبك ياغلا العمر وهواك

::- فتح عيونه ما مصدك السمعه طفه الاغنيه وگال

اسامه:: عليج العباس عيدي
- ههههه احبك يا فارس احلامي

::- قطع اهم لحظه بحياتنا صوت تليفون راد يقفله بس خليته يرد عليهم حجه وي حمزه ما فهمت شي بسبب الهوسه تغيرت ملامحه اسامه همس بصوت يرجف

- بس فهمني ياحــادث..

ـــــــــــــ⊰ ـــــــــــــ