رواية #جوليت وأسرها.... الفصل الرابع والسبعون 74 - بقلم الكاتبه سمو العراق

البارت الثالث عشر
رواية..جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔💔

اذا تجرد الإنسان من القيم يصبح أخطر من ألف #وحش

.......................................

رجعنه من البيت جانت نوال تسوي اندومي بالمطبخ

واني دخلت فرحانه علئ ماما رضيه بستها بخده وحضنته..ماما واخيرا حستقر ببيت الوحدي

هي حضنتني،بحنانها المعتاد وقربتني الها ...مبروك يمه ان شاء الله بيت العامر

نوال بسرعه باوعت عليه كالت...جاسر راح يطلعج ببيت الوحدج...؟

رديت بغرور...اييي

عاد هي فتحت عيونها بعصبية وحقد وصدمه واني،خليت وطلعت

ابتسمت بفرح جان حلمي يكون الي،بيت الوحدي والحمد لله صار الي بيت خاص

اتذكرته من وكفنه علئ الشباك الطوويل الي يكول عنه شباك ادرامي انوب يكولي نوكف هنا مثل الاتراك والافلام الأجنبيه ونسوي اللازم...

ضحكت حطيت ايدي علئ صدره...اممم لا الزمك واشمرك منه

رد عليه ببراءه...ليش بعد خالج هاي زادها فوك ما مكعدج ببيت الوحدج انوب تردين تشمريني لا ودكولين انتحر مووو

سويته اوك بيدي...هههه عفيه علييك خووش حل حتئ اطلع من التهمه براءه

اوووي،فديتك حتئ علئ،نفسك عندك حل ...

كرص خصري حيييل...ولج شنوو بالله شلون تشمريني جنج فصمه تكدريلي انتي غير لزمج من ياخة ثوبج  وافتح الشباك والزمج بيد وحده واخليج تتللولحيين

يمه تخيلت نفسي خليت ومشيت خطوات سريعه ...اعووذ بالله من غضب الله خلي اروح احسن الي لان انت رحال مجرم ومعلم علئ القتل والمشاكل

نفخ الدخان من بين شفايفه ورد ببرود...احنه اهلها عمي

هزيت ايدي بغرور...اي والله صدك اهل المشاكل

تقرب مني ونفخ الدخان بوجهي حسيت بلعت الدخان ضليت اكح

كال...احنه العراقيين نموت علئ المشاكل ناس شرانين وما ننام علئ،حكنه

شعلان ابو الجون حارب الاجانب ومن لزموا امه كلتله لا دكول موش انه الحاربتكم كوول انه

رد علئ امه برجوله...حطوني بحلكه وكلت انه

ابتسمت ...ونعم منكم بس بحلك منو حطو

رفع حاجب وجر نفس...بحلك المدفع يالخووثه

جاوبته باستيعاب...هاااا ونعم منكم والله سباع العراقيين شكد انطو ضحايا بس ما نكسو راسهم...

تنهد وابتعد كال...اي علئ الحق مو الباطل

بلعت ريكي بتوتر وتكلمت بخوف...بس ترئ انت هم عندك شغلات باطله

باوعلي بهدوء...ومنو كال اني من المعصومين يا حلوه

من شفته هادئ كلت خلي اطووخ...اي صح عندك هوايه أخطاء وعندك اشياء محلوه عندك جانب مظلم وعندك جانب مضيء...

رد بغرور...هووواي كلتي عندك اختصري بعد عمج شتردين توصلين

ابتسمت...مرات حباب ومرات خبيث

ضحك...اشتغل حسب الانواء الجويه مثل مناخ العراق

رفعت اديه بعدم قبول...لااا لاا لا عمي لاا انت مو مثل مناخ العراق مناخ العراق حار جاف صيفا وبارد ممطرا شتاءا

وانت دومك حار وجاف وشويه بارد بس ابد ما تمطر عندك

سحبني من خصري حييل وباسني برگبتي...لا بويه ليش مرات تمطر عندي

ضحكت...انت مثل مطر نيسان لا انت بالصيف ولا انت بالشتاء تجي بوقت غير مناسب

باوع لعيوني بتركيز...بس افجائج مو صح

نزلت عيوني....اي صح 

غمزلي برومانسيه...دزخيها علينه وخلينه نعيش جو رومانسي ممطر

هفيت علئ،وجهي...لا احنه صيف ماكوو مطر حاليا

رفع حاجب ...جااا انزعي اخذي راحتج اخاف محتره البيت بيتج هسه لو تضلين بطرك روحج محد يحاسبج

هزيت راسي بنفي....لااا ما اريد جو ربيع منعش

لزم وجهي...دنعشيني ببوسه يا جكليته لا تطوليها وهي كصيره

رفعت حاجب...اذا تريد انت اخذ اني ما انطي

رد بسخريه...ليش بويه علئ راسج ريشه

اشرت باصابعي ...لا ريشتيين

ابتسم علئ ردي وتقرب مني وباسني بحراره وحضني حييل

هاي ثاني موقف النه بالبيت اول مره كلي جولييت انيي...

وسكت بس شنو من اني ضليت بحيره شنو الي راد يحجي جاسر جنت منتظره منه اعتراف بس للاسف زعاطيطي الملايچه نعلوا ابو السالفه

هسه ليش تدخلون اي ملاعيين خلي نفتهم ابوكم شعنده وشنو يريد يحجي يالله خيرها بغيرها

انتبهت علئ نوال تخاير وتبسبس،خفت منها بصراحه عرفت وراها غايه...

جاسر جان بالاستقبال كاعد ويه امه حتئ يكولها
علئ البيت غاني اخذت اله جاي ورحت

اول ما اخذ رشفه من الجاي مالته وكال راح نستقر ببيت

جان هي نوال دخلت كلتله بغضب وصياح...جااااسر انت شلون تستقر وكتال اهلك بعده يسرح ويمرح

هو عاف الاستكان من ايده وباوع الها بعصبية وجبروت كلها...سدي حلكج لج منو كتال اهلي اليسرح ويمرح

كتال اهلي كتلته ومات وما ضل اله ذكر انت شجايه تحجين

صرخت بصوت عالي ونزعت حجابها وشمرته كلتله....لا ما مات والله ما ماااااااااات جذذذب جذذذب ثار اخووك ثار فلاح بعده

اني احس رجليه ماتت اريد احرك روحي ما اكدر

وجاسر واكف مذهوول من كلامها دنك علئ شالها واخذه من الكاع شمره بوجهها وصاح بيها بصوت غاضب....استررررررررري نفسج لا باااارك الله بييج

هي لبست الشال بحركهه وضحكت....ههههه ضحك عليك جابر وعمك وجولييت

ترئ والله هم الي هربو خارج العراق وهم كلشي سوو هم الي خانووك وانت ما تدري شيلعبوون من وراك

هو تخبل وجهه صار ناااار وعيونه تنطق بالغضب باوعلي تقرب مني وهزني بعصبية....صدك ولج عاصم ما مييت

شهكت بدموووع وريكي جف واديه ترجف هزيت راسي بنفي

هو عاط بيه بصوت عالي...احجي

ثكل لساني والرجفه اعتلت جسمي رديت بخوف...ممم ما ما ادري

فتر بمكانه وهو يخلي ايده علئ راسه...شلوون لا مستحييل والله مستحييل اني متأكد كتلته شنو هل عااار شلووون ما مات

نوال جاوبته بصراخ...البركه بجابر وعمك هم أهل الفضل وهم الي خانوووك

عاد هو ركض للغرفه واني ركضت وراه طلع مسدسه وركض

لزمته ماما رضيه وخالتي ام فلاح واني ابجي ولازمته بس هو دفعني

ودفع ماما رضيه وعاذ بيها...وخري مني وخرررري والله اليوم جابر النذل اله اكتله علئ هل عمله هاااي اني جابر الحيوان هيج يغدر بيه

وينقذ عدووي من ايدي لا والف لاا والله اليوم حصتي جابر

لزمته من صدره واني اتوسل بي ...فدوووه فدووه اكتلني وعووف جابر وعمي

دفعني حييل وكعت علئ الأرض حسيت ظهري انكسر

وهو خله وراح واحنه ضلينه نبجي وخابرنه علئ صلاح يلحكه لا انوب يسوي شئ بجابر ...

عاد نوال شفتها تباوعلي وتبتسم

اني تخبلت الحيوانه تستهزء بيه ومتشفيه بيه والله شكد شايفه حشرات مثل هل حشره ما شايفه

باوعتلها بغضب كلتلها...ارتاحيتي ارتاحيتي ام المشاكل انتي السبب انتي وهويله الجايفه

باوعتلي من فوك ليجوه ...لا والله ضامين المجرم وجايه انوب تغلطين عليه صدك الاستحو ماتو

هزيت راسي بقهر...والله ماكو غيرج وحده عار ونذله وما تستحي

عاد هي تخبلت هجمت عليه رادت تضربني بس اني لزمت ايدها ودا اضربها وماما رضيه فارغتنه اني اخذت منها خمطه وهي كذلك

دفعتني ماما رضيه واني دخلت الغرفتي واتحسب عليهر...حسبي الله ونعم الوكيل عليج يا نوال حسبي الله عليج

حطيت ايدي علئ صدري عزا بعينج نوال عزا العزاني الولد حيتكاتلون من ورايه الله ينتقم منج يا هاله يا زباله

ضليت اشهك من البجي المشاكل ما تجيب غير المصايب

اديه راحت من كد ما افرك بيهن وابجي حسيت اعصابي تجمدت وجسمي رجف بقووه واديه تشنجت كعدت علئ،الارض واني ابجي وانحب

ياربي كل موقف يمر عليه ولا الثاني ومحد يواسيني بالعكس الناس تلوم عليه ...

ياربي رحمتك دخيلك يااارب اريد منك الحفظ والسلامه هك ولد عم خطيه يرحون بالحظة غضب من وره هل زبايل المنافقات....

.....................

وقار....

طلعت من الحمام واني لابسه روب الحمام والمنشفه علئ راسي وجابر جان نايم علئ،الجربايه ويحجي ويه ريهام ريهام جانت خطيه بالمستشفئ

مشطت شعري وجابر لحد الان يحجي،ويه ريهام باوعتله من المرايه وهو غمزلي بحب

ضحكت وضليت اباوعله كتله...سلملي علئ رهوومه

هو رد عليها...رهومه حبيبتي وقار تسلم عليج ؟

عفته وبعدها اخذت ملابس ودا ارووح ابدل لبست ملابسي،وخليت ورجعت وما اسمع اله الصياح والغلط

لزمت كلبي،بيدي اعرفه هذا صوت جاسر يا ستار شصاير شبي،واسمع اسم جابر علئ لسانه

جابر قفل الموبايل وطلع يركض واني اركض وراه...

اول ما طلعنه للصاله واشوفلج جاسر واكف ويتهدد وامي لازمته وعمي وصلاح ...

هو شاف جابر وهو تخبل عبالك شايف عدوه هجم عليه بعنف بس عمي لزمه وهو يتوسل بي...بويه جاسر بويه بروووح مهيوب بروح غزل عليك اهدئ شويه وعوف السلاح

هز راسه بوعيد...والله ما اعوووفه ما اعوووفه لا انتم خووونه انتم مو عمام شلوون هيج تخونوني

جابر تفاجئ...شكووو اني شمسوي

صرخ بوجهه وتهدد علئ،جابر  وعمي وصلاح لازمينه...ما تعرررف شكووو موووو لك خاااين لك انت وعمي مهربين عاصم ومعالجينه

لهل درجه انتم مستهانين بيه وبدم اهلي،عمي

هز راسه بوعييد...بسيطه بسييطه يا جابر البينه انكطع واني متبري منكم اليوم الديين...

خله وطلع واني ركضت وراه ابجي لزمته من ايده وهو لازم اسلاحه

شهكت ببكاء...جاسر فدووه جاسر علئ كيفك لا تسوي بروحك هييج ترئ الله كاتب اله عمر يعني حرام تحاربه بعمره وتقهر نفسك هييج

هز راسه بقهر...مو هييج القاهرني هو عمي وابن عمي غدروني غدرووووني والله ابببد بعد انتهت وياهم جابر لا ابن عمي ولا اخوووي واني اخذ سندي وسيلي عشيرة الوحدي

لزمت ايده بتوسل...لا فدوووه جاسر لا تكول هييج جابر المصلحتك سوه هيج والله

رفعت السلاح مالته وخليته بصدري والدموع ترافق عيوني ...اكتلني جاااسر ولا دكوول هييج لا تخلي بينك وبين جابر فجووه انت اخوو هو محد اله والله محد اله

سحب ايده مني،بقسووه...مستحيييل مستحيييل جابر عدوووي اليوم الدين...

خله وطلع واني كعدت علئ الارض ابجي لا ياربي مراح نرتاح والله منرتاح مدام جاسر وجابر تعاركوا بعد مستحييل نرجع سوه

واني اتخبل من اهلي يعادوون اهل زوجي لان والله المشاكل ما تنراد وخاصه بين اخواني و زوجي

اليوم حسيت بجولي الله يساعدها والله مصيبتها اكبر من هل مصيبه....

دخلت جوه واني مقهوره وصلاح يحجي علئ،عمي،وجابر ومقهور منهم وبعدها خله وطلع زعلان...

جابر جان واكف بحيره من امره وعمي تنهد بضيق كال...الله كريم ان شاء الله تنحل

جابر باوعلي عبالك مثل الفشلان مني وبعدها خله وطلع بره

واني رحت الغرفتي ابجي ياربي هسه ويه منو اصف ويه اخويه لو ويه زوجي والله حيره

...............................

ريهام...

رجعت للمستشفئ اخذت علاج واهلي ممقصرين يجون وحتئ صلاح خطيه ابد ما قصر ...

جانت اكو بنيه يمي مريضه هماتين نفس،المرض مالتي

جنت كووولش احبها ودائما اكعد اسولف وياها مرات مو تضل متاخذ علاج بس حبوب فما يوكع شعرها ويطول

اضل اضحك عليها اكولها ...جنج يوزر سيف من ذبو بالبير

وهي تضحك عليه لان شعرها من يطلع يصير قصير بس هي حييل حلوه وعيونها عسليه وبيضه وبيها شامه بخدها شكد حلوه

خطيه اخر فتره انتكست حالتها الصحية وحتئ المرض استفحل عليها

السرطان اكل اعضاء جسمها ولثة مالتها التهت وحتئ اسنانها تغطت من الورم الي صار بلثتها

وصار عندها مي علئ صدرها والرئه التهبت والكبد يعني خطيه ما ضال بيها شئ صاحي

خطيه جانت نايمه علئ السديه مالتها وتباوعلي ودموعها تنزل بصمت

واني اباوع الها وابجي اني وياها نفس المعاناة ونفس المرض يارب يشافينه

هي ضلت ترفع بنفسها حييل وضل جسمها يرتفع وينزل

امها وابوها اجو يركضون عليها ولزموا ايدها ويبجون عليها جانت طفله كل عمرها 15 سنة

اجه الدكتور عاين حالتها وهز راسه باسف ضلت دقايق وماتت

طلعوها بسرعه والصريخ والعياط صااار

اول مره شخص يموت كدامي انرعب وخفت بصراحه حسيت كلبي طلع من مكانه

وكف علئ رجليه الي ترجف من هوول المشهد يعني عزرائيل جان بينه جان ويانه وقبض روح هل بنيه

ياربي دخييلك ياربي دخيلك

طلعت وراهم واني ارجف نزلت بالمصعد وضليت منتظره بالطوارئ ضلت تقريبا ساعه وطلعوها من الثلاجات بالتابووت واهلها يصرخوون ويبجون ويلطمون

بجيت بصوت عالي وتخيلت نفسي،بمكانها تخيلت هاي،اني الي بالتابوت

وامي وابويه وجابر وكل اهلي يبجون عليه

وصلاح اووف يا صلااح اكيد يموت ورايه هو يحبني حييل ومتعلق بيه

تخيلت صلاح من دوووني مكسور جناحه ومكسور عليه اني

حضنت وجهي،بكفوف اديه وبجيت بقلب،محروق واني ادعي ربي يشافيني ويشافي كل مريض

حسيت بشخص حضني درت وجهي شفته صلاح حضنته واني ابجي وانحب...

صلاح صلاح ياسمين ماتت هاي البنيه الصغيره ماتت المرض موتها

اني هم يمكن هسه امووت وراها السرطان ماكو حل وياه غير المووت

بجيت بانكسار...واني ما شبعت منك والله ما اريد اموت ويدفنوني ما اخاااف والله اني انسانه مصليه وصايمه بس،والله اخاف من ضلمة القبر

حضني وهو يبجي...لا تخافيين يروحي انتي لا تخافين ما تموتين اني يمج اني وياج لا تخافين

همست بشهكات...ماتت ياسمين

مسح الدمعه الحزينه من عيني بحنان...هذا يومها حبيبتي وان شاء الله تعيشين بكد ترابها

اخذني من ايدي وكعدني علئ المصطبات ولزم اديه كعد يهدي بيه ويبوس بيدي وانوب ضل يضحكني

وكال ان شاء الله بس تطلعين اخذج المكان كلش حلوو مفاجئه

ابتسمت...اي ارووح اريد اشوف العالم قبل لا امووت

حط اصبعه علئ شفايفي...اششش ما تموتيين ان شاء الله من عمري علئ عمرج

حطيت راسي علئ كتفه همست...اسم الله

ضل يمسح على ظهري ويسولف ويايه منا لما حسين نفسي هديئت وطاب خاطري

دعيت ربي الله لا يحرمني منه ولا انحرم منه

والله اني حييل احب صلاح وهو انسان قليل امثاله صلاح فعلا يعشقني ورغم اني مريضه وتغيرت بس بعينه اني اجمل وحده ولا فد يوم حسسني مريضه او محلوه

بالعكس مكبرني بعين نفسي....

..........................

شهد...

صار كم يوم من تطلكت اني كلت الابويه تطلكت وهو تخبل ضل يغلط ويسب ويلعن ويفشر

عود عبالكم علئ جعفر يغلط ويسب ويفشر لا يغلط ويفشر عليه

اني محجيت وياه عفته الوحده

بس هو قهرني من كال...اذا جبتي الطفل اشمره عليه ما اخلي عندج والله

اني صدك اتخبلت كووولشي ولا ييتم طفلي مني ليش اني يتيمه انوب ياخذ ابني وييتمه مثلي

ضليت ابحي واصيح وانهرت حييل ...

كلت خلي اخابر صبريه بلكي تحلها اليه لان والله جزعت

اتصلت عليها بس هي مجانت تعرف رقمي اول ما فتحت خذ كالت...منوووو منووو انت ياهووو الداك عليها شتريد احجي وصمخ

انت منوو عمير ابن كاظميه لو ساچت ابن خاجيه

اني جاوبتها بسرعه...اني خاله اني

ردت عليه باستغراب...وانتي ياهوو شتردين مني ليش داكه عليه شعندج وياي

رفعت عيوني بملل...يبووو شيخلصها ويه صبريه جريت نفس...خاله اني شهد مرة جعفر ابن مهيوب

رد عليه...ياااا مرت ابوو العرك شلونج ولج احوالج عبالي مدري ياهوو داك عليه

تنهدت بضيق..لا اني شهد الحمد لله علئ الله بس خاله عندي طلب منج

جاوبتني بلهفه...خيير شعندج احجي يمه احجي،سرج ببير

بلعت ريكي الجاف...خاله جعفر طلكني وابوي يريد بس اجيب الطفل انطي الجعفر واني ما اريد انطي

ردت بعصبية...يااا الدهر فره كووون ولج ليش طلكج خاف شارب وما يدري بروحه مو هو من يشرب يشوفج نويله وهل طلكج

هزيت ايدي...لا خاله وهو صاحي

صبرية بغضب...يااا يااا ما اصدك جذب ولج شلون جعيفر يموت عليج باس رجلي من خطبتج اله

نزلت عيوني باسئ...اي خاله هسه يبوس الرجلين لخاطر نوال هاي وجهه الطاوه سوتله سحر وخلته يكرهني

صبرية...دولاب الطكها كووون ولج اني اروح اشوفلي شيخ شئ واخلي يفك السحر منه هل عركجي هذا

ضحكت ...خاله هو من يسكر يضل يحبني من يصحئ يكرهني شايفه هييج ؟

تنهدت...اي من السحوره هاي جااا شلون بالله هسه نخلي دووم سكران ما يصير هيج

باعي ان شاء الله اسويله وارجعه الاصله جعيفر لو يدري بروحه مطكوك سحر ويحب النويله اله ينتحر باليلة ضلمه

تنحبت بضيق...فدوه خاله ساعديني

جاوبتني بلهفه...خووش يمه ولو اني هل ايام شاحه عندي بس والله لو اعرف ابيع كنوش ابيعه وارجع جعبفر ابو العرك الاصله

تشكرت منها وقفلت الخط اني ما حجيت الماما رضيه وام فلاح لان مو هلكد يامنن بسوالف السحره

وخالتي ام فلاح ما تنطي بنوال اببد ما اعرف شمسويه الها...

ولو اعرف ليش ما اعرف مثل ما خلت جعفر محبس بيدها خلت ام فلاح محبس بيدها....

رحت الجيرانه أخذتني للسونار سويت سونار جان عليه تلث اسهر وطلع بيه بنيه

كووولش،فرحت بيها والله لو جعفر مثل قبل جان مات عليها وفرح ببها بس للاسف نويله ما انطته مجال...

حطيت ايدي علئ بطني وابتسمت...ان شاء الله ادللها وما اخليها بحاجة شخص

والله الحياة ما توكف علئ جعفر بس والله اني تورطت من تزوجت بهل عمر و ويايه طفله هسه

بس السبب من ابويه والله هو السبب ما وفر اليه الشئ الي احتاجه جنت عبالي الرجال الي اتزوجه هو الي راح يوفر كوولشي،جنت اتمنئ

بس للاسف انصدمت بالواقع المر وانصدمت من طلكني جعفر والله قبل جان يحبني وما جان هييج ابد...

.............................

جولييت....

مر يومين علئ معرفة جاسر بالي صار وعن موضوع اخويه

صايره اعصابه نااار وحتئ ما يدخل للبيت وحتئ،من يدخل يدخل متعصب ومحد اله وياه كلام

بس هو ابد ما حجه ويايه واببد ما احتك بيه بس اني عرفته متشدد من ناحيتي

لكن ما حب يأذيني ولا حتئ يحجي ويايه

مرتضئ،ومجتبئ جانوا يلعبووون بالحوووش،رابطين الديج بحبل وياخذو يجيبو مشي وساعه يصعدوا الدرج موتوا خطيه....وساعه يسوو مطي ويصعدون عليه

اخر شئ عافهم وشرد للجيران وضل عند الجيران دخيل عندهم...

وبزونة شهد من وراهم طلبت اقامه بغير بيت من كثر ما يجعصون بيه ويضربون بيها...

اجاني مرتضئ كال...سكيته بابا ليد اتل عمو سابر ..« بابا يريد يكتل عمو جابر »

سايرته بالكلام كتله ...ليش يكتله

كال بتلكئ...لان دلي نعله ابوت روطي «يكولي نعله علئ ابوك روضي »

حطيت ايدي علئ صدري أكذب...يااا عزا ليش هيج يغلط عليك

غمزلي...لا سكيته اني دليت بابا ان عليه اقلط علئ ابو ممش هو عمو سابر دول نعله ابو ممش

لا جكليته اني كلت لبابا مو عليه يغلط علئ ابو مشمش هو عمو جابر يكول نعله ابو مشمش

ضحكت علئ تفكيره عود هو ما يريد مشاكل فخله المشكله براس،مشمش

بسته بخده حيل ومجتبئ اجه دفعه وكعد بحضني انوب هذا زعل شلون دفعه طاح بي وملخ شعره وصار الصريخ والعياط

كوه سكتتهم ونومتهم باوعت عليهم ابتسمت بحزن شلون نايمين بنعالاتهم التك وتك ومرات من ما يلبسون النعال وينامون يضلون لازمينه بيدهم...

طلعت برا لكيت نوال تخابر ضليت مراقبتها سمعتها دكولها...هااا هاله باعي

اني من عرفتها تحجي ويه هاله ركضت جبت الموبايل مال ماما رضيه وسجلتها...

كلتلها...لج والله والله ما كلت الهم سمعت منج شبيج هاله انتي صديقتي وحبيبتي اني ذبيتها براس جولي وجابر اريد احركهم حرك

واردفت بتأكيد...مو دا احلفلج شبيج انتي مستحييل اخونج اي اعرف ابووج ما يقبل تحجين لا يمعوده والله ما كلت انتي شبييج...

ههههههههههه من عرف جاسر عاصم ما ميت تخبل تخبل لج اجت تصير كاتل ومكتول اجه يكتل جابر

بس حرامات والله ما كتله جان انطردت جولييت بس،ولا يهمج هو مبين بعد ما يريدها

لج صلفه ادبسز انوب اجت تعاركني وهجمت عليه والله لو لازمتها اله اذبحها بيدي بس وكفت بينه رضيه عجوز البين

اكتفيت اني بالسجلته وقفلت الموبايل وضميته عندي،كلت حتئ لو تدوره ماما رضيع اببد ما انطي الها هذا التسجيل لازم يوصل للشخص الصح

واني راح اوصله ولازم اوصله

مشيت خطوات صار بوجهي جاسر عيونه تنطق بالغيض والغضب باوعلي،بحده وخله وراح

كلبي رجف من الخوووف حسيته ناووي علئ الشر واكيد يرضني خليت ورحت اركض الغرفتي وقفلتها وطلعت الموبايل وقررت انطي للشخص الصح...

..........................

وقار

طلبت من جابر اروح الاهلي بس اني جنت ضايجه منه هو خطيه ما عارض اصلا ما اله عيين يعارض

اخذتني عمتي ام جابر الأهلي وخلت وراحت ما دخلت من الباب لان جانت خايفه من ردة فعل جاسر

سلمت عليهم وكعدت امي ضلت تحجي عليه وتعاتب بيه شلون هيج انتم وشلون يهربون عاصم ويكولون مات بعد بيت عمج لا نعرفهم واا يعرفونه

واطلكج منهم لو يضل يوم بعمري هيج دم مهيوب رخيص عليكم هيج مستهانين بينه ...

ونوال تعد وتصفط وتصيح خبصت الامه خبص...

دخل جاسر سلمت عليه هو باوعلي كلي...روحي صيحيلي جولييت

اني رحت ما لكيتها بغرفتها ولا هي ولا اطفالها تعجبت دورتها بكل الغرف ماكوو طلعت للحديقه ماكو صعدت فوك ماكووو

نكتت البيت نكت وهي ماكوو

حطيت ايدي علئ كلبي...عزززا مدام الجهال ماكووو جولييت انهزمت

رجعت اركض الجاسر ...جاااسر ماكووو جولي

هو تخبل ضل يصيح يغلط ويدور عليها ومن شاف الاطفال ماكو عرفها انهزمت ...

عض شفته بقهر...اعلنتي عليج الحرب يا بنت ابوج ما اطلع جاسر اذا ما ندمتج علئ هل طلعه هااي

نهاية البارت...يتبع

كونوا انتم كونوا بخير...احبكم💔

نور سمو العراق 😍

لا تنسوا التصويت والمشاركه بكم نكتمل 😘