رواية جريمه مخطط لها (طفلة النقيب) الفصل الخامس 5 - بقلم زينب العلي

لا تكتب حزنك فلن يشعر بھا غيرك،
صنـھا عن طرقات الناس وأعين الماره
وتذوق مقام :
{إنّما أشكوا بثّي وحزني إلى اللھ}

لا تنسون التصويت والتعليق على الفقرات
انتو طلبون مني انشر بس ماكو تفاعل ليش 🥺

_____

#طفلة النقيب

بقلم زينب العلي
_________

من ضليت ارجف اني همه اخذتني مامه حنان

اني وبكر وخابرت على زوجهه اجه اخذنه
وصل ورمش الهه طلعنه اله

وركبنه وراه جنه اني وبكر كاعدي التفت النه وكال

" ها باباتي تونستو

"هزينه راسنه وكال

" اخذكم تتعشون بره واجيبلكم حلويات

" ضلينه نكمز اني وبكر فرحنه حيل
ومامه حنان تكوله لله يسعدك مثل ما سعدتهم

اخذنه عمو وهوه يفر بينه بلسياره
وصلنه مطعم نزلنه اتعشيننه وبعدهي جابالنه حلويات ورجعنه للبيت

حنان" يله امي روحو كلمن بفراشه وراكم دوام

جلنار" رحت بفراشي نمت واني ابجي
وين راح معقوله بعد ما اشوفه
حسيته هوه ابوي واخوي وصديقي معقوله بعد ما اشوفه

مدري شلون غفيت كعدت الصبح على صوت
مامه حنان وهيه تكعد بينه لحته

نروح لمدرسه بدلت الي ومشطتني ولبست حجابي
وراحت تبدل لبكر اجيت للمطبخ لكيد عمو

كاعد على الصيني بلكاعه والجاي حار
وصمون اشر الي لحته اكعد

كعدت واجه بكر ومامه حنان گعدنه نتريك
وخلصنه اخذنه عمو على مدرستنه

وكعدنه نقره قربت امتحانات اخير السنه
مامه حنان گضتنه وكعدت تقري بينه

وهيه تشجعنه واتكول اريدكم اطلعون من الاوائل
كل ما اتذكر امي ومامه حنان

فرق من السمه للكاع فرق بكولشي حته بتقربهه من الله

برغم اني بلثاني بس عمتي وعتني على امور وخلتني اصلي ونستمع محاضرات دينيه اني وبكر

وبفضلهه لبست حجاب مرات اصفن واكول
لو باقيه يم امي متعلمني ولا شي من هذني
لان اشوف اخواتي ما ملتزمات

وحته اختي الجبيه اشوفهه متصلي
جنت صافنه بعمتي فزيت من صفنتي وهيه
تخلي ايدهه على خدي تمسح

دمعتي الي مدري شوكت نزلت وهيه تكول

"اشبيج امي عليمن هل الدمعه ضايجه يمنه

" لا لا ولله مامه بس جنت اكول انتي هديه من ربي
وعوضني عن امي اشكر ربي لان وداج اليه

" لا تكولين هيج ماماتي انتي بنيتي واخاف عليج مثل بكر ولو بيدي اعوفج العمر كوله يمي

" هزيت راسي لان اعرف السعاده مدوملي واكيد يجي يوم ارجع لنفس البيت

رجعنه نقره وبدت الامتحانات صار عمو ياخذنه
ويجيبنه جنه نقره بجهد عالي حته ننجح وافرح مامه حنان بيه بكر جان هم شاطر

يوميه نروح ونجي لحد ما خلصن الامتحانات
كعدنه وعمو ضل يوميه بليل يعوفنه بلسياره مالته ويفر بينه

جانت اسعد ايام حياتي وفعلا حسيتهم عائلتي الحقيقيه
اجه موعد النتائج وراح عمو يجيبهن

دخل علينه وهوه ضايج وعاكد حواجبه

بس شفت هيج وجهه ضليت ابجي
عبالي مناجحه اجه عليه يضحك شالني وهوه يبوس بيه
وشال بكر همه وكال ناجحين

ضلت عمتي تبوس بينه وكالت ناخذكم للحديقه
رحنه اني وبكر ركض نبدل صدك
اخذونه للحديقه وضلينه نلعب بلملاعيب

وطايرين من الفرح اتذكرت بيوم نجحت
ومن الاول امي شنو سوت بيه

ضليت افكر بغضنفر كولت هسه ناجح لو لا همه كليه مو مثلنه لو بعده ما ممتحن صار اليل ومن التعب نمت كبل

ما بالي اي فكره العطله جانت احلا ما يكن
لحد ما بدينه بلثالث

بدينه الدوام وبده الثالث واني كل فتره احس نفسي اكبر
وزعونه كتب اني وبكر ورجعنه

بدينه الدوام وبدينه اندام اني وبكر بس نروح مشي ونرجع مشي عمو جان عنده شغل الصبح

داومنه اول اسبوع وجان كلشي طبيعي
وره الاسبوع بيومين ضبط

كعدنه الصبح جان يوم خميس
بدلت الي مامه حنان ولبستني حجابي
وبدلت لبكر

وطلعنه اني وياه نمشي سويه وهوه مجلب بايدي
وصلنه للمدرسه وبدت الدروس واحد وره الثاني
خلصنه طلعنه

طلعت اني وبكر نمشي سويه تقريبا المدرسه تبعد
عن البيت عشر دقايق

وصلنه قريب عن البيت وحسيت دراجه طبكت علينه باوعت ابوي وعمي عليهه
مشينه سريع اني وبكر نزل ابوي يركض

عليه لزمني من ايدي وعتاني حيل
ركض عليه بكر وهوه يحجي بطفوله ويجر بايدي

" عووف اختي خالو شسوي

" لكك روح عليه بس الزعاطيط

جلنار" دفع بكر حيل وكع بلكاع رجع هجم عليه
بكر ورجع ابوي صطره راجدي
خله حلكه يصب دم

رجع دفعه  بلكاع وخلوني بلدراجه
واخذوني ضليت ارافس واصرخ ماكو فايده

عمي لازمني قوي لحد موصلنه غير منطقه وغير
بيت ما اعرف اول مدخلت حسيت كلبي
انقبض المنطقه تخوف

درابين ضيگه حيل وبيوت مدري اشلونهن
دخلت الدراجه بوحده من الدرابين

ونزلنه يم بيت شبه قديم المنطقه بيوتهه كلهه قديمه
والباب نازل عن الشارع والمنطقه تخنك
فتح ابوي الباب بلمفتاح
ودخل وشمرني جوه وهوه يصيح

" وووينج انتصار جبتلج اياهه حته تساعدج

جلنار"استغربت منو هاي انتصار مسامعه باسمهه
ولامره ضليت اباوع على الباب طلعت

مره من باب المطبخ شوي سمينه وتارسه
حاطه اشكال والوان بوجهه

ولابسه ثوب لون برتقالي وشعرهه اصفر جنهه مهرج
ولابسه نعال لون اخضر
اجت وهيه تعلج بعلجهه

وصلت يمي ولزمتني من حجابي وكفتني كدامهه وهيه
تعلج بعلجهه وتكول

"اي حلوه وشوي جبيره تفيدني تشتغل الي
وتكض الجهال تعبوني

جلنار" لزمت شعري بيدي اني ابجي واصيح
منووو انتيي عوفيني

جاني صوتهه وهيه تعلج

" اني مررت ابوج انتصار

" باوعتلهه بس ولله امي احلا منهه بهواي
هدت حجابي و صاحت بصوت
رحوي لاخوانج يبجون

باوعت عليهه بعناد وكتلهه ما اروح
لزمتني من ايدي قوي ودخلتني للبيت

جوه شمرتني بلغرفه بيهه تلث ولد واحد يجي بصف اول
واحد يجي عمره5سنوات واحد4سنوات

باوعت الهم يعني هسه هذول اخواني
الي عرفت اساميهم الكبير رامي وحسين وحسن

اجيت كعدت يمهم وابجي اجه  اصغر واحد بيهم حضني لي جان عمره ٤ سنوات حسن

ححضنت الطفل حيل عبالك شخص جبير
وابجي بحركه
انفتح علينه الباب واجت ترگض عليه انتصار

دفعتني حيل وهيه تكول

"لللج ادبسز خنكتي الطفل تردين تموتين اخوج
عزززا بعينج ووووللك ابووو ررامي تعال الحك
بتك تريد تموت ابنك

" يمكن دقيقه ودخل علينه ابوي مثل الاعصار
وهيه تبجي كدامه وتكوله بتك تريد تكتل ابنك
ومن كتلهه خنكتي اخوج تكولي هذا مو اخوي

ابوي ميخلف ولد شوف يبو رامي تعيرني بيك وبخلفتك

ضلت تبجي واني ابوعلهه ليمته اني حجيت كل هذا
بعدني دا احجي اجاني راجدي من ابوي فر
وجهي فر لزمت خذي واحسه كب نار

باابه ولله محاجيه هيج ولله بعدني اريد احجي
اجاني الراجدي الثاني

ضل يصيح بيه ويكول

ولج بنت الكلب تعيريني وتعيرين مرتي
ولج تجذبين مرتي ولج اليوم ادفنج جوه الكاع

ضليت ابجي وحاميه وجهي باديه منين متجيني الدفره تجيني منين متجيني الطكه تجيني لحد متعب وطلع
ضليت بمكاني وابجي

اجه بالي عمتي وحنيته حته لو جنت يم امي وتكتلني
ميخالف اااخ يا ربي غضنفر وين صفه بيك الوكت وين
هسه انت اتذكرت من يكولي صيري قويه

لا تخلين احد يكسرج اتذكرت من يكولي الفقير ميعيش بهل الدنيه اتذكرت عمتي من كالت الي كل متضوجين اسمعي محاضره او قران حته ترتاحين

بسيطه اني اعلمج يا انتحار رحت للحمام غسلت
واجيت شفتهه حاطه الغده على النار

شفت التمن منصيته حيل حته يتهدر
رحت ركض عليت النار الي على التمن ورجعت

للغرفه اجه يمي رامي كال درسيني باوعت اله
كتله تعال كعد يمي وبقيت ادرس بيه

لحد مشمينه ريحت حرك تمن
ضحكت بكلبي وهيه اسمعه تصيح

وللللج الفكر ما فادت بيج الكتله والله اله اطيح حضج
يا حقيره

ضحكت بكلبي حل ابقو بدون غده
ابوي ضل يصيح ويكولهه اشلون حركتيه وهيه تكوله
هاي بتك *** حركته اني الهه

كله عوفيهه ستوهه نكتلت كلتله روح جيب اكل من بره
وفعلا راح ابوي يجيب اكل من بره

تذكرت ولا مره ابوي معشينه من بره
جاب ابوي اكل من بره واجت صاحت جهالهه
وراحو تعشو سمعت ابوي كال الهه وين جلنار

ليش مصحتيهه تتعشه
جاوبته بكل عين صلفه

"صحت الهه وكالت ما اريد

" جاوبهه براحتهه ضميلهه عشه

"فتحت عيوني عززا بعينهه شكد جذابه
فتحت الباب وطلعت اركض

شافني ابوي ودنك راسه وكال تعالي اكلي
جاوبت واني مخنوكه من عنده ليش مصحتولي اكل من الريوك ما ماكله اني

باوع على انتحار ورجعت هيه خزرتني
ضحكت بكلبي وكعدت يم ابوي

اني سميتهه انتحار ضليت اكل بشراهه واضحك وهيه ساعه توكل جهالهه وعينهه عليه وكل خزره ولا الثانيه

اخر شي طك كلبهه متحملت صاحت بيه عود تشاقه

" شنووو مجاعه عوفيلنه شوي الجهال ما اكلو شي

"باوعت عليه وهيه تخزر بيه وتتبسم
ضحكت وكتله عاد ولله جوعانه ضليت كاعده على الصينيه لحد ما خلص كلشي

وكمت للغرفه دخلت للغرفه يمكن مرت دقايق
واني اتكلب بفراشي وما احس اله

انسحلت من شعري قوي ردت اصرخ ايد نحطت على
حلكي

احس شعري تهلس وايد على حلكي
عرفتهه هاي انتحار من قربت حلكهه يم
اذني وصارت تهمس بفحيح مثل الحيه

اسسمعي ولج مو بعدج بطول اانعال وما اكدر الج
تره اراويج شي عمرج مشفتيه
صدكي اندمج مو عبالج طفله واكول خطيه سمممعتي

دفعتني قوي على الحايط ورادت تطلع
حجيت واني اباوع الهه

عمه عود مره ثانيه من تخلصين اكل فرجي اسنونج
لعبت نفسي وضحكت هيه تخبلت

صارت هجمه مرتده ما اعرف منين تجيني الضربه بس بقيت ساكته مطاحت دمعه من اعيوني
وهيه مستمره تغلط علين طايحت الحض هيج

هيج من اهلج وابوج بس جانت تحجي بصوت
ناصي بس لحته ما يسمعهه ابوي
تعبت اخر شي غمتني وطلعت

رحت للمغسله غسلت وجهي من اثار الضرب
حطيت ايدي على الكلاده مالته
ضليت لازمته بيدي ودموعي تصب

رجعته جوه هدومي ورحت للغرفه
نمت لميت رجليه لبطني صرت مثل الجنين

اجه حسن حضني وهوه حجيه ما مفهوم شنو يكول
بس الي فهمته من حط ايده على وجهي
ومسح ادموع معناته لا تبجين

حضنت الطفل ونمت كعدت على صوت رامي
وهوه يكعد بيه

جنو جنو بابه يريدج

فزيت من نومي طلعت اركض شنو شيريد ابوي
وصلت لباب الصاله وتنفست براحه من
سمعت صوت عمتي

فرحت حيل كلت يمكن بابه حيقتنع وارجع وياهه
فتحت الباب ودخلت اركض
على عمتي وابجي

ضليت تبوس بيه وحاضنتني بعدتني عنهه
شويه وضلت فاتحه عيونهه وحلكهه بصدمه
باوعت لابوي وحجت بعتاب

" تصدك تجذب خويه هاي شمسوين بلطفله
شنو هاي وجهه هسه اعتبروهه ضيفه عدكم

هم هيج تسوون بيه اذا هيج ضاربهه المن خذتهه
ما خليتهه يمي بشنو مضايقتك
تره هاي بنتك يا خويه والرسول كال رفقا بلقوارير

"شنو الي تردينه بنتي واني حر بيهه اعرف اشلون اربيهه
واذا ضربتهه او لا هذا الشي ميخصج

" اني اختك الجبيره احترم اشوي وللبنيه اذا مو كد مسؤليتهه ارجعهه وياي

" انتي لا تدخلين بيه وبنتي اني معندي اخت سمعتي
وبنتي تنسينهه بعد متشوفيهه

"هاي تاليتهه يخوي  النسوان تلعب بعقلك بس اكولك
تذكر وراك حساب وكتاب لا تنسه
راح تتحاسب على هل البنيه

" لا تدخلين عود من اموت اتحاسب مو انتي الي تحاسبيني وبنتي بعد متشوفيه سمعتي وبيتي يتعذرج

جلنار " جنت ابجي بحضن عمتي سحبني ابوي من ايدي قوي وشمرني على انتصار

عمتي اخذهه رجلهه وطلعو وهوه يكولهه

حته بجنازتي ما اريدج توصلين
ضليت ابجي يعني حته عمتي بعد ما اشوفهه
قبل ما تطلع كلههه ودي هدومهه واغراضهه

طلعت عمتي وهيه عينهه عليه
جنت اتمنه تاخذني وياهه بس الامنيات غالبن ما تتحقق
لزمتني انتصار من ايدي

وسبحتني للغرفه شمرتني بيهه وسدت الباب
كل بالي مدرستي اشلون راح اقنع ابوي
لو  انتحار اداوم واذا اضل ما اداوم يفصلوني

ما بيدي حل غير انو اسايسهه واسوي الي تريده حته
اتخليني اداوم فكرت هواي ونمت

كعدت الصبح كلت اجرب حضي
قريت الفاتحه لام البنين طلعت من الغرفه لكيت
انتحار وابوي وجهالهم ملتمين ويتريكون

اجيت وكعدت على الصينيه صحت لحسن
يجي يمي حته اوكله ضليت اوكل بيه وهوه يضحك
ضلت اكلت لكمه  خلصو شلت الصينيه

وحطيت الطبله غسلت اماعين الريوك وهيه اتباوعلي
اجيت كعدت يمهم حجيت

بابه مدرستي اشلون حجت انصار وكالت

انتصار" شنو شلون نجبي واكعدي ماكو دوام

باوعت على بابه وحجيت
بابه فدوه خليني اكمل عمه انتصار انتي غير ترديني اشتغل

ولله اشتغل وادير بالي على الجهال بس
لا تبطلوني خلوني اكمل دراسه الله يوفقج عمه
والله شنو تردين اسوي بس لا تبطلوني

ضليت ابجي والدموع عشره عشره
بعد شلاع قلب كالت وهيه تباوع لابوي

"خوش تكملين داومين بس اذا شفت شي ميعجبني كبل تكعدين بلبيت

" باوعت الهه وهزيت راسي ابوي وافق كلامهه وقررو اكمل
ادرس بلمقابل ما اضوجهه بشي

كمت عزلت الصاله  ودخلت بلغرفه طبعن عمتي من اجت
وطلعت من عدنه زعلانه على ابوي
رجع زوجهه جاب كتبي وهدومي وكلشي يخصني

كعدت اقره بكتبي واني فرحانه اكيد فاتني هواي دروس
طايره من الفرح نمت ثاني يوم الي عرفته انو ابوي ناقلني وكال من باجر تبدين اداومين

طرت من الفرح وضجت من ابوي بنفس الوقت
اشو امي اي شي جانت تكوله يتخبل هسه بعدهي
ما حاجيه وراح يركض

رحت ركض للغرفه اقري رامي اتذكرت غضنفر من يكولي بطه لا تركضين ضحكت وين انت هسه

كعدت رامي يمي وبديت اقري بيه شكد يشلع الكلب
واذا اصيح عليه تجيني تركض
شلع كلبي لحد مخلصت اله قرايه  صارت صلاة

كمت اني اصلي والغريب لا ابوي ولا انتحار يصلون
خلصت اجيت كعدت يم ابوي

" اكول بابه

"كولي

" انت ليش متصلي ما احس بس كفخه على
حلكي وهوه يكول

" بنت الكلب مالج شغل بيه اصلي لا
فههههمتي مرراح دخلين گبري بنت النعال

" بلكوه لازمه دمعتي كمت من يمهم لا تعشيت ولا شي
رحت كبل للفراش ما اريد افكر بشي

متحمسه باجر اروح اداوم المدرسه يعني جانت مو كلش بعيده علينه ضليت اتكلب بلفراش
شي بداخلي اتمنه اشوفه بعد مره

يا ترا هم كبران لو بعده نفس شكله محسيت بس اني نايمه فزيت الصبح ويه الاذان جنت متعلمه يم
عمتي تكعدنه الصبح نصلي

لذالك ضليت يوميه افز ويه الاذان
كمت صليت وضليت اصلي على محمد

كلت خاف انام وتروح علىيه النومه اضل كاعده احسن
كمت بدلت ولميت شعري ولبست حجاب

انتضرت الساعه اتصير ب٧كمت حطيت جنطتي ردت اطلع صاحت عليه انتصار
وصلت يمهه ها عمه شتردين ضليت اكولهه عمه احسن

" اسمعي اي واحد يصيحلج او يحجي وياج لل تختلطين باحد سمعتيني

"ليش عمه

" لا تكثرين اساله واذا شفتج مصادقه بنيه لو حاجيه ويه احد تره اكول لابوج يبطلج

"لا ولله ما احاجي احد

"  عفيه يله هسه روحي ولا تتاخرين من تخلصون كبل للبيت

"تمام عفتهه ومشيت فتحت الباب وطلعت بس ليش حسيته خايفه ما اعرف اول مره اركز بلمنطقه
عدل

بيوت حيل قديمه ومتهالكه الدرابين ضيكه
بحيث تخنك البيوت مدري شبيهه تحسهه منطقه مسكونه

لفت نضري بيت بنهايت الدربونه قبل ما اطلع
يختلف عن البيوت وشكله كلش حلو ومرتب
نفتح الباب وطلع من عنده شاب يجي عمره ٢٩ سنه او اقل

تقريبا هيج شي ضلي يباوعلي ويضحك خفت حيل وضليت امشي سريع

وصلت للمدرسه ودخلت اجيت للمعلمه اخذتني على واحد من الصفوف
والبنات كولهن يباوعن الي  عرفت بسبب شكلي واني

الوحيده البيهن لابسه حجاب دخلت للصف وكعدت باحده الرحلات الي موجوده
بده درس وره درس لحد منتهه الدوام

رجعت للبيت اتمشه رجعت بنفس الشوارع والدرابين الضيكه  لكيت نفسه الشاب واكف بلباب

ضل يباوعلي وهوه يكول

انتي بنت منو هنا اول مره اشوفج....

______

يتبع..

لا تنسون التصويت والتعليقات حته انشر الكم

توقعاتكم..

🥺💕