رواية جريمه مخطط لها (طفلة النقيب) الفصل السادس 6 - بقلم زينب العلي

موصوجهم
صوجي أستحي!
لا والمصيبه شكد جنت
كلش مصدك بيهم!
المفروض أعاملهم مثل
ماغيري منطيهم ضهر
مومال عين انطيهم

مرحبا حبايب لا تنسون التصويت والتعليق على الفقرات
تشجيعكم وتعليقاتكم تخليني استمر

#طفلة النقيب

بقلم زينب العلي

____

جلنار "باوعتله مجاوبته وميشت سريع حسيته يمشي وراي وصلت للبيت بدلت واجيت تغديت وياهم
خلصت سويت الماعين وقريت رامي

واني قريت اخر شي جنت حيل اركز بلمدرسه واذا
عندي كتابه اوشي اكتب بلمدرسه لان اعرف
مراح تخليني اقره براحتي

اجه ابوي وكامت انتصار. تسوي عشه بس
ما ارتاح الهه مدري لويش

خلصنه عشه وبابه باوع عليهه كلهه اليوم رايح
انام هناك اول شي عارضت بعدين كالت اله
روح عادي

ستغربت شعجب قبلت قبل يومين تتعارك وياه لان
راد يروح راح ابوي واني ضليت يمهه

اشو بعدنه كاعدين اني والجهال بلصاله اجت
عليه وهيه تصيح وتكول

"  يله يللله كددامي كلكم للغرفه ونومي اخوانج

"كومتنه كل احنه للغرفه وجرت المفتاح من الباب
وطلعت وسدت الباب سمعت صوت المفتاح

شبيهه هاي عاقله صاحيه عفت مخده لرامي حته ينام
لان عنده مدرسه والباقين من شافو اخوهم نام
هم نامو خطيه

باوعت لساعه الي بلغرفه شفتهه بعدهي ب 8
كمت جبت كتبي وكعدت اريد اكمل قرايه
استوني بديت اقره

سمعت صوت حركه بره استغربت شنو هل الصوت
مثل صوت الهمس ابوي ما موجود
انتصار ويه منو جاي تحجي

عفت كتبي بلكاع والضوه خفيف مالت الغرفه
اجيت تقربت يم الباب وضليت اباوع
من فتحت الباب اريد

اشوف شي ماكو ضلمه البيت بس اني متاكده دا اسمع صوت الرؤيه ما واضحه حيل بس

شفت عبالك شخص دا يخنك شخص مدري هيج حسيت وره تقريبا نص ساعه او اكثر اختفه الصوت

ضليت مستغربه وفكره توديني وفكره تجيبني
شنو هل الاصوات الي سمعتهن

تعوذت من الشيطان وكملت دروسي لحد
الساعه ب 10 تقريبا نمت
فزيت الصبح ويه الصلاة

كمت ردت افتح الباب لكيته مقفول
استغفر الله حركت اليده مالت الباب

بس ماكو مينفتح رجعت لفراشي لحته انام
غفيت فزيت على صوت الباب
وانتصار تقتحم الغرفه وتصيح

كوومو ووجع الساعه راح تصير ب 7 ونص

فزيت من النوم وهيه اخذت ابنهه تبدل اله
واني التهيت ابدل ولميت شعري ولبست حجابي و
طلعت

لكيتهه عايفه صينيه ريوك اجيت اكل كالت

"تاكلين سم ولي يله تاخرتي هاج هاي لفه وديري بالج بلطريق

"  باوعت الهه اخذت الفه من ايدهه وطلعت
الدرابين تخنك والهدوء سيد الموقف والبيبان اغلبهن
مفتوحه واني امشي اباوع للدرابين والبيوات

يا تره وين احنه بيا منطقه لفت نضري نفس
البيت مدري حسيت هل البيت غريب حيل

من يم البيت  بس اسمع صوت صريخ
مره وكانو دا تنكتل او تنضرب

ضلت اذني مشكله يم الباب مالهم اريد اسمع شي بس جنت متاخره مشيت سريع وصلت للمدرسه بدينه درس وره درس
الكتابه اكتبهه بلمدرسه حته يوفر عليه

الوقت خلص الدوام اخذت جنطتي وطلعت
رجعت اتمشه
وشفت نفس الباب مفتوح وصوت صريخ بس هل المره صوت قوي

اخذني رجليه لعند الباب مالهم
بس لحته اعرف شنو صوت هل الصريخ
باوعت بعيون بيهن خوف لداخل البيت واني اشوف

وكفت يم الباب واني اباوع اريد اعرف
شنو صوت الصريخ هذا
شفت نفس الولد وهوه لازم بنيه

ويكتل بيهه بكل وحشيه والي استغربته اكو مره
عجوز كصايبهه حمر ومدكدكه واكفه  وتتفرج
والبنيه الي جوه ايده حسيتهه بس

دفره وحده وينكطع نفسهه دموعي ضلن يصبن وحدهن
حسيته شافني وخرت من يم الباب اركض
كلت هسه يلزمني ويكتلني ويه هل المسكينه

رجعت للبيت الهث وبلكوه اسحب النفس
وكل شوي التفت وراي اكول هسه
يجي وراي خفت حيل ولله

دخلت للبيت حطيت ايدي على الكلاده مالته
وينك هسه ابوي انته مشتاقتلك اريد اشوفك اسولفلك
مو كلت من تحتاجيني تلكيني يمج وينك اختفيت

فززني من تفكيري صوت انتصار وهيه تكول

"وللج وينجج ابوووج اجه من زمان تعالي تغدي.

" مدري احس انتصار مره طيبه بس خبيثه ما ادري تصرفاتهه متناقضه وياي رحت بدلت على

السريع وطلعت لكيت ابوي واخواني كاعدين
وهيه كاعده يم ابوي ولابسه ثوب احمر وشعرهه اصفر

كعدت يمهم بس مالي نفس اكل اي شي
المنضر الي شفته ميروح من بالي ابد
حركت راسي انفي الافكار السوده

عفت الاكل وكمت توضيت ورحت صليت
وقريت صفحه من القران
حطيت راسي على المخده لحته انام  مدري شكد نمت

ما حسيت بس بدفره بخاصرتي عبالي
نفس الشخص اليشفته اليوم كعدت مخروعه
وكفت وكفشتي الي يشوفهه يكول وحده مسودنه

باوعت انتصار كدامي حجت بصيغت امر

" شنووو اني خدامت الخلفوج يله كافي نوم وكدامي
للمطبخ نسوي عشه سمعتي

"حاضر هسه هل جاي طلعت للغرفه رجعت راسي على المخده ودي انام بعد بس هاي حقيره
تمنعني من المدرسه كمت

لميت شعري وطلعت للمطبخ لكيتهه واكفه على الطباخ
تسوي بلعشه طلعت خيار و طماطه سويت زلاطه
وحطيت الصينيه لحد متخلص هيه

رحنه نتعشه كل احنه اني ما اكلت المنضر بعده بالي
مجاي يطلع من بالي قاطع تفكيري صوتهه وهيه تاكل

" من تخلصين تقرين اخوج مو كاضيتهه الي بس نوم

" اي هسه اقريه كمت للغرفه قريته ساعه كامله اريده يحفض ماكو يشلع الكلب واذا هوه ما نجح
اني انكتل

ضليت افهم بيه لحد ما حفض ونام
طلعت كتبي وضليت اني اقره جنت رافعه رداني
مالت القميص صدت بعيني اثر

الحرك الي بيدي ضال مثل الاثر ميروح
مدري ليش طاحت دمعتي
مسحتهه بسرعه واني اخلي راسي بكتاب حته احفض

تقريبا ل12 نمت فزيت الصبح
الباب مفتوح مو مثل البارحه رحت توضيت وصليت
وقريت شوي لحد مصارت ب 7 كمت بدلت وطلعت لدوام

يوميه نفس الدرابين نفس الخنكه نفس البيوت
الانسان يريد بس يتقيء من بشاعت هل المنطقه

ابوي كل يومين لو 3 ايروح لامي وكل يومين لو 3 الباب ينقفل علينه ما نعرف ليش
قربت متحانات اخر السنه وامتحنه جانت حيل صعبه عليه

بين اقري رامي وبين اقري نفسي الحمد لله
كضيناهه وخلصت من الثالث
رامي استلم النتيجه ناج حراح صف ثاني

واني اليوم نتائجي كعدت نشطه وفرحانه
لبست بنطرون وقميص لحد الركبه وحجاب

وطلعت اتمشهه باوعت اليوم بابهم مزدود شعجب
عبرت بيتهم وصلت للمدرسه
انتضرت تقريبا نص ساعه وصاحو باسمي هيه

كالت جلنار لو عبالك كالت راح يعدموني
ضحكت على منضري وخوفتي طمنتني وهيه تكول

لا تخافين مامه نجحتي من الاوائل

اخذت الشهاده ورجعت فرحانه اتذكرت اول
بيوم نجحت ابسرعه اختفت البسمه من وجهي

رجعت بخطوات ثقيله خفت حيل وصلت يم البيت
لكيت سياره شوي عاليه دخلت
باوعت لكيت حذاء تكرمون منو عدنه

طبيت جوه لكيت انتصار تحضر بلجاي
باوعتلي نص عين وهيه اتكولي

" ها خيرانشالله اشوو جهج مكلوب صاقطه مو

" لا لا ناجحه درجات كامله وبعدين يكولون راسبه او مناجحه شنو صاقطه

"اشو انطيني اشوفهه

" انطيتهه الهه شافتهه ورجعتهه الي باستني بخدي

" عفيه يله روحي بدلي ونضفي الصاله

" صراحه مدري ليش فراحت من باستني وشفت فرحه بوجهه انشالله عمه هسه رايحه

" عمه بعينج

"شنو اصيحلج غير عمه؟

" كولي يمه

"ها!

" وجعا

" حاضر استغربت شنو يمه
رحت بدلت ملابسي واجيت عدلت الصاله هنا نجحت لرابع جنت طايره من الفرح

انتصار ودت الضيافه اجاني فضول اعرف منو عدنه يا حذاء هذا لان اول مره اشوف حذاء وسياره بيهه حض بهل المنطقه التعبانه

باوعت من فتحت الباب حطيت ايدي على حلكي
عززا هذا شجابه هنا هذا نفسه المسودن الي يضرب البنيه
ركزت على الطاوله شفت مسدس وشغلات ثانيه

حطيت اذني على الباب واني اسمع
ابوي ايكول

" صباح كتلك الفلوس ما عندي هسه
اشلون ادفعهن الك

"مشكلتك منو كلك ادين افلوس وما تعرف ترجعهن

" بس اصبر عليه سنه لو سنتين

"لو اتضل خمسين سنه مراح تكدر تدفعهن

" شسوي ولله ما عندي افلوس انطيك

جلنار" شفت بابه يتوسل بيه وهل الشخص كاعد
اخذ شي باوعله وكله بابه

"شنو تريد غير الفلوس اني جاهز انطيك

" بعده محاجي جفلت من الايد الي نمدت الي
التفتت لكيته انتصار وهيه خازرتني

"شسوين هنا جاي تسمعين عليهم
لو ابوج ايشوفج يجنزج

" يمه منو هذا ليش ابوي هيج يتوسل بيه

"مالج شغله كدامي طبي للغرفه بسرعه

" عفتهه ودخلت للغرفه افكر بابوي شنو راح ينطيه
ابوي معنده فلوس يدفع يجوز يشتغل يمه ويدفع دينه

تعبت من التفكير بعقلي الي ما يستوعب الاشياء
الي جاي تصير حواليه

اخر شي نمت كعدت الصبح نفس الروتين بين تنضيف وشغل ابد مرحت لهلي الامي واخواتي
ولاهنه سالن عني

على الاقل يكولن لابوي وهوه ياخذني يمهن
بس لا مسألن عليه ابد
هذا الشي خلاني اكره كل فرد بعائلتي

رغم كلشي بس مرت ابوي احسن من امي بهواي
الملم الاغراض هيه تطبخ

والماعين هيه تساعدني بيهن
يعني شي على شي زينه ومرات لا تضوج وتضربني بس هاي كم يوم صايره بس صياح وغلط اذا سويت شي

غلط ما ماده ايدهه عليه  ابوي يومين
يمنه ويوم يم امي

ابوي بس كاعد ميشتغل منين ياكل ويشرب ما ادري
اغلبيه الوقت حاطه ايدي على الكلاده
وافكر وين صار

بيوم جان ابوي رايح لامي طبعن انتصار
ولا مره شفت احد من اقاربهم لوهيه راحت الي عرفته
هيه يمكن من غير محافضه

جانت دنيه العصر جنه كاعدين بلطرمه
وانتصار جانت هم كاعده
باوعت الي وكالت

"جيبي مشط اصفط شعرج

رحت ركض جبت مشط وكعدت يمهه
مستغربه فجئه صارت زينه وياي مو مثل قبل
شنو الي تغير ما اعرف

جنت كاعده وهيه اترتب بشعري الي لونه جنه احمر
اندك الباب واحنه كاعدين باوعت الهه يمه منو معقوله يجي ابوي راح الصبح

انتصار" رااامي روح شوف منو بلباب

جلنار" راح رامي يركض لباب فتح الباب
ودخل ولد يجي تقريبا عمره ب 21هيج شي
شال رامي ويبوس بيه

شافته انتصار وكامت ركضت الهه
واهيه اتكول

" خوويه احمد يمه زارتنه البركه شذكركم عدكم اخت

جلنار" تسلامو سلام حار و اني دخلت ركض لبست حجاب وطلعت اشوفه وهوه يسلم ويبوس بلجهال
جاوبهه

"ولله يا خويه قدمت على الكليات وطلعت كليتي هنا بغداد وكلت مالي غير اختي

" يبعد روحي ان شالله اذا ما شالك البيت تشيلك اعيوني انت مو
بس اخوي انت ابني اني ربيتك

جلنار " وجه اعيونه بتجاهي وهون يتفحصني
ومستغربني

احمد " خويه منو هاي البنيه؟

انتصار"هاي بنت شريجتي اسمهه جلنار

" ها وشعجب يمج مو يم امهه

"امهه متريدهه اصلا هيه جانت يم عمتهه
واني جبتهه يمي تساعدني بلبيت شعليك بيهه
تعال ادخل جوه

جلنار" استهضمت وضجت حيل دخل جوه للبيت واني سديت الباب
ودخلت وراهم صار اليل وسوينه عشه اني ومامه انتصار

وكعدنه كل احنه ناكل
دلته على غرفه اني والجهال بغرفه صرنه
وهوه بغرفه

وابوي وهيه بغرفه خلصنه عشه رحت كبل
نضفت المطبخ ودخلت للغرفه
نامو الجهال واني هم نمت

مرن الايام طبيعيه لحد ما بديت دوام
قبل الدوام باسبوع تقريبا

كعدت الصبح بدلت ولبست حجابي
وطلعت لكيت مامه انتصار كاعده وابوي سلمت عليهم
وكتله بابه راح اروح استلم كتب

" رووحي

"طلعت اتمشه وصلت لراس الدربونه نفس الصريخ
من الصبح بس اليوم الباب مسدود
الله يخلصج منه شكول يعني كل ما امر اسمع صوت هل الصريخ

بس اريد اعرفهل البنيه ما عدهه اهل لو شنو
رحت للمدرسه وصلت اجيت على المدرسه جانت تحبني لان متفوقه وتعرفني بسبب اعيوني الغريبات

اول مدخلت سلمت صاحتني وكالت تعالي وراي
انطتني كتب جديده وكالت حافضي عليهن

تشكرت منهه وطلعت واني راجعه للبيت
وصلت لنفس البيت لكيت البنيه كاعده بلحديقه الي يم البيت يم الباب يعني

تقربت منهه ومبينه مو حيل جبيره يجي عمرهه تقريبا 18 او 19 حجيت بصوت ناصي

هلو ممكن اكعد يمج

" اي تعالي هنا

" تقربت وكعدت بصفهه باوعت الهه اديهه وجهه
كله كدمات مالت الضرب
انتي شنو اسمج

"اسمي ضحى

" اني جلنار

"ليش هيج صاير بيج اهلج وين

" اهلي ميتين وربيت عد بيت عمتي
معندي احد اروحله

" انتي كم عمرج

"19

" ليش متلبسين حجاب

" اني مو محجبه

" صح اني صغيره بس الحجاب واجب علينه
جربي تلبسينه

" يصير مو حلو عليه

" لا حلو جربيهه اني باجر لو من يبدي الدوام اجيبلج واحد

" صدك ولله عندج هواي حجابات

،"اي عندي عمتي جابتلي اياهن ومرت ابوي هم كم مره جابتلي

" يعني معايشه ويه امج وين هيه

"متريدني عايشه يم مرت ابوي

" لله كريم يمكن يجي يوم وتحن عليج
ماكو ام تكرهه ضناهه

"الله كريم اسفه على تدخلي اخاف ازعجتج اني اترخص راح اروح اتاخرت على البيت
وانتي انتبهي لنفسج

" لا عادي يله باي و اني راح اطب جوه

" عفتهه ومشيت حسيت ضحى اختي انقهرت عليهه حيل
هيه معانيهه حيل حلوه
بس اللاسف بسبب الضرب متغير شكلهه

وصلت للبيت ودخلت جوه
كبل بدلت لبست تراك عريض اني ابد ما احب البس ضيك
اجيت ويه مامه انتصار سويت وياهه الغده
اكول مامه

"كولي

" شبيج

"شبيه

" وجهج اصفر مريضه انتي

" ما ادري احس روحي اريد اتمرض

"صارلج كم يوم مو على بعضج خير

" احتمال العصر اروح لدكتور واسوي تحاليل

"اروح وياج عادي

" خير انشالله وين رايحه

" ضوجه ولله صار شكد مطالعه من البيت

" والجهال

" عوفيهم يم احمد الله يخليج وهم اشتري ملابس للمدرسه

" ما ادري الله كريم

"  كملنه الغده على السريع وتغدينه وكالت يله
بدلي رحت ركض بدلت ملابسي طلعنه تقريبا
الساعه ب 1 ونص من البيت

ركبنه تكسي وصفت اله العنوان
ضلينه هواي بلتكسي لحد ما وصلنه
نزلنه واول مره اشوف الناس هيج مجايه لهل المكان

ناس رايحه بغير عالم جنه اول اسم بس استغربت
من قريت شنو اختصاصه الدكتور امراض خبيثه؟......

_____

يتبع...

لهنا وينتهي البارت اتمنه التصويت والتعليقات
شنو رئيكم بلقصه وتوقعاتكم شنو يصير ويه جلنار

تشجيعكم حته استمر

🥺💕