عليمـن جاي تـسال عن الاحـوال
الحمد لله بغيابـك حـيل تـعبان
الحسره البيه ابجي ومحد يشوف
مثل حسرة الصوره ابيت عـميان
___
هلو قلبوشاتي لا تنسون االتصويت والتعليق على الفقرات
تشجيعكم يخليني استمر
# طفلة النقيب
بقلم زينب العلي
_____
ليث " بعدنه بنص الاكل ودك جهاز غضنفر
رفع الجهاز وهوه يحجي تعصب وصار لون وجهه احمر
سد الخط وكام على الاكل
غضنفر " كووم ليث وصلني للبيت بسرعه
ليث " خير شصاير خوفتني
غضنفر "خابرتني عمتي ازهار جايين عليهه اخوتهه ويردون ياخذونهه هيه وااجهال
هيه متريد تروح
ليث" وانت شراح تسوي
غضنفر " دكوم وصلني هسه ويصير خير
طلعنه اني وليث للبيت وصلنه لبيتنه لكيت سيارتين
طابكات بابنه
نزلت وليث راح وكفت بلباب تنهدت بضيق اول مره راح
ادخل للبيت وابوي ما موجود لكيت اخوتهه بلاستقبال
اشرت الي من المطبخ
ازهار" عمه تعال قبل ما تدخل الهم
غضنفر " هلا عمه كولي
ازهار " عمه ما اريدك تتعارك وياهم هذول مشرانيين ويدورون مشاكل
كلشي بلتفاهم عمه
غضنفر " انشالله عمه بس انتي واخواني ماطلعون من هل البيت
ازهار " المرحوم كلي تبقين بلبيت مستحيل اطلع
غضنفر" ولا يهمج عمه مطلعين من هل البيت
هسه سويلنه استكان جاي
ويصيرخير
دخلت للاستقبال لكيت كاعدين اربع
ثنين كبار واحد زين بلعمر واحد تقريبا بكدي
كعدت يمهم
الله بلخير
الجبير ابو سامي "الله بلخير عمي
ابو وسام" الله بلخير
ابو باسم " هلا بيك عمي البقيه بحياتك
غضنفر " حياتك الباقيه عمي
دخلت عمتي ازهار جابت الجاي واخواني يمكن فوك
حجه اصغر واحد الي هوه سامي ابن الجبير
سامي " يله عمه لمي هدومج هم ياله
ورانه طريق طويل
غضنفر " ومنو كلك ازهار راح تطلع من هل البيت
ابو سامي "احنه اختنه وبكيفنه من حقنه ناخذهه واذا على اخوانك اخذهم اختنه بعدهي صغيره ومن حقهه تزوج وتشوف حياتهه
ازهار" صخام الصخمني شتحجون ولكم هذول جهالي ورجلي بعده مطالع لاربعين وانتم هيج تحجون تخبلتو
غضنفر" عود هاي انت الجبير اشلون ترضاهه ام تبتعد عن ولدهه وبيتهه
ابو بسام " مثل مسمعت اختي ناخذهه ويانه
وحصتهه هيه والجهال توصل النه
ازهار " لطمت خدي هسه عرفتو عدكم اخت
صار سنين متزوجه مسالتو عليه تريدوني ابقه بيد نسوانكم لا ولله لو تحركوني هنا ما اطلع من هل البيت
سامي "غصبن ما عليج تكومين وترحين ويانه يله
غضنفر" احترم نفسك احسن الك عمه كومي روحي يم
الجهال وعوفيني اني وياهم وصدكيني ما طلعين من هل البيت
سامي "لللك***شنو احنه بكيفك
غضنفر" هذا كام راد يضربني وضل يخلط
محاجيته صاح ابوه حته يكعد ونتفاهم
ابو وسام"احنه اختنه نريدهه تروح ويانه
غضنفر "اسمعوني كلش زين اول شي
هيه داخله السن القانوني ومسؤله عن اطفال متكدرون تاخذوهه وياكم
ثاني شي تهجم ابنك عليه واني بلجيش اكدر ارفع بيه دعوه وثالث شي تره ملف ابنكم يمي وتعرفون شنو اكدر اسوي جنت ساكت لخاطر ابوي
ورابع شي عمتي متطلع من هل البيت لا هيه ولا اخواني
وان سمعت يوم ماسينهه بكلمه صدكوني اوصل ابنكم
حبل المشنقه واخيرا تفضلو من بيتي بدون مطرود
واذا ما فهمتو اكدرا اعيد الكم كلامي
ضلو ساكتين محجو ولا كلمه اخذو ابنهم وطلعو من البيت ضحكت بكلبي الحمد لله اي ولله
طلعت من الاستقبال لكيتهه. كاعده بلصاله
ها عمه اخواني وين
ازهار" فوك عمه كاعد يدرسون وينهم راحو
غضنفر " عليمن هل الدموع هسه كومي صبيلنه غده وصدكي محد ياخذج منا اذا انتي ما رضيتي اطلعين منا
ازهار" عمه اني شعندي غيركم وين اروح
انتو من ريحت المرحوم
غضنفر " روحي سويلنه اكل وعندي كم كلمه وياج
ازهار" انشالله عمه رايحه
غضنفر " صحت على اخواني يجون وعمتي صبت الغده كعدنه ناكل بس مكان ابوي فارغ
غصيت بلكمتي واني اذكر ابوي
حاول اغير الموضوع ما اريد ابين كدام احد ضعفي
اكلج عمه هذول شبيهم اخوانج مهموشين
ازهار" ههه اخ يمه هذول بس يتسمون اخوان
غضنفر " اني ولا مره سائل ابوي لو سائلج
اشلون اتزوجتي انتي وابوي وشعجب انطوج الي سامعه ما يقبلون يزوجونج
ازهار " ابوي الله يرحمه جان يعرف فاضل صديق ابوك
وجان ابوي يحجيله عن اخواني
اني جنت البنيه الوحيده بس تعذبت من عدهم هواي
ابوي وصه فاضل انو يزوجني لشخص يخاف الله بيه حته اخلص منهم جنت بيد نسوانهم ولدهم مطيحين حضي حشاك
اجه فاضل بيوم وسولف لابوي عن ابوك وكله اني اعرفه صديقي ويخاف الله بس هوه مزوج ومرته ميته وعنده ولد ابوي طلب يشوف ابوك
وابوي من تعرف على ابوك انعجب بيه حيل
وافق عليه اخواني جانو رافضين لان
اني جنت خدامه لزوجاتهم بس من بعد كلمت ابوي
ازوجت والملف الي جنت تحجي عليه قبل شوي جان بيد ابوك لذالك ما كدرو يحجون ابن اخوي واخوي الجبير سوو مصايب واني
اني الي حجيت لابوك كلشي
وهددهم حته ميوصلون الي بعد
وبعد مده اتوفه ابوي واخواني حته عزا ابوي
مخلوني احضر وبعد مده ابوك ضل ياخذني لقبره
وهسه من توفه ابوك بعد كل هل السنين اتذكرو عندهم اخت
غضنفر "لله يساعدج عمه صدكيني مراح طلعين انتي من هل البيت وراح تبقين يم اطفالج
عمه
ازهار" ها عمه
غضنفر" انتي حبيتي ابوي؟
ازهار" اعرف عمه الي صار وياك ويه ابوك مو شويه
ابوك حجالي كلشي بس عمه اصابعك مو كلهن سوه
صدكني اكو هواي نسوان تختلف
واكو الزلم هييه الي تخون والنسوان يموتن بسببهم واكو العكس عمه كلشي اكو بهل الدنيه
اني من اول ما حجه بيه ابوك وابوي كال خوش رجال
دخل كلبي لان كلت راح يخلصني من كلشي
صارلي سنين وياه ما يوم زعلني لو بجاني
علمني على هواي امور والحمد لله هاي الله رزقني منه
2 ولد وبنيه تعرف هوه شكد جان يحب اختك
الله عوضني بعد هل التعب كله بابوك
كل احنه تاليتنه على هل الطريق
الحمد الله على كل حال
غضنفر " ما اعرف شكول عمه بس رغم فارق السن الي بينكم انتي بعدج اصغيره
ازهار" صح من اخذني ابوك عمرري 25 سنه بس
ولا يوم حسيت بفارق العمر لان عوضني بكلشي
الحمد الله
غضنفر " عمه عمرج 34 سنه تقريبا مراح تعوفينه وتعوفين جهالج وتزوجين
ازهار " صدكني مراح اعوفكم لا انت ولا جهالي رغم
ما بيناتنه هواي بلعمر بس احسك ابني
اول مشفتك
غضنفر " عمه ابوي اشلون مات
ازهار" جان كلبه يوجعه ولحيت عليه هواي يروح لدكتور بس مقبل وبيوم الي تخربط بيه خابرتك مجان اكو شبكه يمك خابرت فاضل وهوه اجه نقله للمستشفه
ضربته جلطه وما طول ساعه يمكن وخابرني كلي توفه
وعمك فاضل الله ينطيه الصحه هوه قام بكل الواجب والعزاء لان انت جنت بلمستشفى
ها دقيقه تذكرت ضل هنا هسه اجي
كمت لغرفتي طلعت الورقه ورجعت يمه لكيت اعيونه حمر عرفته باجي ومختنك هاك عمه
غضنفر هاي الورقه انطاني اياهه ابوك قبل كم يوم من وفاته وكال هاي اي شي يصير تنطينهه لغضنفر
غضنفر " استغربت يعني معقوله ابوي جان يديري بروحه مريض من زمان وما حاجي اخذت الورقه من عدهه
وجان مكتوب وصيته وجان بيهه
البيت هذا والبيت الي بلكاضميه والمحلات الي مأجرهن
وكلشي يخصه باسمي استغربت لعدو اخواني ومرته
رفعت راسي الهه
عمه انتي تعرفين ابوي شنو كاتب بلورقه
ازهار" اي اعرف لان اني طلبت منه هيج يكتب
غضنفر " ليش وحقج وحق اولادج ليش خليتيهن باسمي كلهن
ازهار " عمه اني توقعت اخواني من يصير شي راح يجون
واكيد على الورث او حجت اختهم وياخذوني لو ياخذون تعب ابوك
غضنفر " بس متخافين اطردكم بره لو انكر حقكم
ازهار " عمه اني اعرفك شنو انت تربيت ابوك مستحيل تسوي باخوانك هيج وانت راح تكون امن عليهم
ومن يكبرون هذاك الوكت الله كريم
غضنفر " ما اعرف شكول بس نشالله اكون كد المسؤليه
صدك عمه وين ملاك
ازهار"عمه نايمه فوك كل ما تكعد تبجي على ابوهه
شسوي الهه كاضيتهه بجي ونوم
غضنفر" بدلي الهه بعد شوي اخذهه افرهه بلسياره
خليهه اشوي تنسه
" انشالله عمه
"كمت من يمهم وصعدت لغرفتي لبست بنطلون اسود
وبدي اسود ليش يربي حياتي عباره عن لون اسود
حمد لله خليهه هيج ولا غير شي
يمكن ايصير الاسؤء نزلت لكيت عمتي ملبستهه اسود
باوعت الهه
عمه الله يخليج روحي بدلي الهه ما اريدهه تلبس اسود هيه طفله حته اخواني هم
ازهار" انشالله عمه صار
غضنفر " اجت مبدله الهه وملبستهه بدله ورديه شلتهه بوستهه وطلعنه ركبتهه بلسياره وضلت تضحك
ضليت افر بيهه ورجعتهه للبيت
خابرت ليث كال اني بلحديقه رجعنه نفس الروتين والدوام بس دوم بالي يم عمتي والجهال لان وحدهم بلبيت مره وقت طويل واني مرايح لهذاك المكان
شغلت سيارتي ورحت عفتهه بمكان ونزلت
تمشيت لبيتهم جانت دنيه الصبح واعتقد عدهه امتحانات
طلعت من البيت تتمشه احسهه ما تنتمي لهل المنطقه
وصلت يم بيت لنهايت الشارعه ضلت واكفه يمه شوي
وكملت طريقهه للمدرسه
ضليت صافن اني شبيه كل مده واجيت لهل المنطقه التعبانه معقوله بس لحته اشوفهه بس هيه حته مشايفتني وتعرفني اختنكت من هل المنطقه وطلعت
خابرت ليث كتله وين انت جايك كال بلحديقه الي يم البيت
رحت يمه لكيت يمه سيف سلمت عليهم وكعدت و سيف صديق ليث علاقتي بيه طبيعيه جد
حجينه اشوي واجه اتصال لسيف بس فزينه من صوت سيف الي حجه بصوت شبه عالي
سيف " حاضر سيددي جايين هسه هذا يمي....
_____
جلنار "دقايق يمكن والمستشفى انكلبت
محسينه بس الشرطه واثنين ضباط يمكن فوك روسنه
اني جنت واكفه يم الباب وشكلي ابد ما يطمن
وملابسي كلهن دم وبس ادموعي يجرن
وحسينه الي تلعثمت
وضلت تمتت من سالنه واحد منهم
" انتوو جنتو موقع الجريمه
جلنار" فتحت اعيوني على وسعهن يعني شنو جريمه يعني ماتت ضحى صحت بصوت عالي
شنووو تكووول يعععني ماااتت
ردت عليه حسينه
" اي ماتت من جبناهه من البيت ماتت
" ضليت ابجي بصوره مو طبيعي واصرخ لحد ما وكعت بلكاع اني بعدني بهدوم المدرسه
فتحت اعيوني لكيت معلكين الي مغذي واحد واكف يمي بس منكب ما مبين شكله بس عيونه ورموشه جنهن مكناسه ركزت بعيونه صافن لكيته اعيونه ورموشه مبلله
من شافني اباوع اله حجه بصوت خشن
"اذا اتكدرين تمشين كومي تفضلي ويانه
" وين اروح وضحى وينهه
"كومي هسه ويصير خير
" ردت اكوم ما بيه احس رجليه ميتات
لزمني من ايدي قوي واباوع لملابسي الي بيهن دم
يابس واديه همه
ضليت امشي على كيف طلعنه ملكيت لا حسينه ولا اي احد خلاني بلسياره وجان وياه واحد يسوق وهوه
كعد لي كدام
وكفت السياره نزلت اباوع مكتوب مركز***
استغربت كال الي ضلي كاعده هنا
جان المكان مليان زلم وكل واحد بطول الباب
اجه شخص ثاني وكال يله تحركي كدامي
كمت كدامه امشي وصلنه لغرفه
دخلنه بيهه جانت شبهه ضلمه ضوه خفيف
" اسمعي كلش زين لا اريد اتعصب ولا اريد استخدم غير اسلوب كوليلي كلشي صار من كعدتي لحد ما وصلتو للمستشفى
" جنت ابجي مسحت ادموعي وحجيت
الصبح كعدت رحت لدوام وبعدين من رجعت سمعت صوت صريخ ضحى وبعدين سكتت دخلت اركض للبيت
لكيتهه مدده ودمهه بكل مكان يم نهايت الدرج وحسينه
يم الدرج وصباح فوك الدرج
ومن اجيت يمهه اركض وحطيتهه بحضني كالت الي هوه
دفعني وبناتي ما اريدهن يبقن يمه
" تحلفين على هذا كلامج
" اي احلف وتره صباح مو شخص صاحي مره شفته مدري شيخلي بخشمه
" انتي شنو تقربين لضحيه
" اني من فتره اشتغلت عدهم وهيه صديقتي
" ها خير انشالله
" اكدر اطلع هسه
"اي تكدرين طلعين مسحت اعيوني بطرف ايدي النضيفه
طلعت لكيت نفس الشخص واكف بره حجيت بغصه
اشلون اكدر اعرف شنو صار
" بشنو
" بصباح يعني راح تعوفونه متعاقبونه
" ليش تردين تعرفين
" اذا شخص قتل شخص عزيز عليك مراح ترتاح اله
تعرف اشلون اخذ جزاته
اذا كدرت كل فتره راح اجي لهنا حته بس اشوفه داخل السجن حجيت هيج بس فززني صوته
بلرفض
" لاااا تجين لهنا بعد هاج هذا رقمي وشوكت متحبين اتصلي لو واجهتج مشكله هم
" اخذت الرقم وطلعت وصلت يم الشارع اتذكرت اني حته معندي كروه ارجع بيهه
اجاني صوت من وراي بنيه
" هاج هاي فلوس الكروه حته ترجعين
" ما بيدي ارفض لان معندي فلوس ولازم ارجع راح تصير دنيه اغروب
تشكرت من عدهه وركبت تكسي ورجعت لنفس المكان صار دنيه غروب
رجعت ركض بين الدرابين لحدما وصلت للبيت لكيت
مامه انتصار واكفه بلساحه منتضرتني اول مشافتني
هيج ركضت عليه مفزوعه
وكعت بحضنهه ابجي اخذتني للحمام سبحت وخلت ملابسي بعلاكه وذبتهن بعدهه كعدت يمي
وسولفت الهه كلشي صار ضلت تبجي على ضحى
وكالت الي
انتصار " بعد الي صار احنه طلعنه كل احنه
تدرين صباح شنو كال
جلنار" شنو
انتصار" من التمو الجوارين والشرطه اجت اخذته من طلعوه من البيت هوه يصيح ويكول غسلت عارهه
يكول لكيتهه ويه واحد وكتلتهه
جلنار" يمممه شنوو هااي ولله ضحى ماكو منهه
انتصار" اكيد اني اعرف ضحى قبلج مسكينه
حته وهيه ميته مخلصانه منه
جلنار " يمه البنات وين
"البنات يم جدتهن وصباح اخذوه لتحققيق
" كامت من يمي واني مستمره ابجي
لساتني ما مصدكه ضحى وهل العار مطلع عليهه سمعه
بس اكيد محد يصدكه لان كل اهل المنطقه يعرفونه
كمت صليت ركعتين الهه وقريت اشوي قران
حته فاتحه مسوو مرن يومين وهدوء المنطقه
اتذكرت الرقم
اخذت الرقم واخذت جهاز امي كتبت رقمه ودعيت من الله يرد ويكولي اخبار حلوه لو صباح حكموه اعدام
رن اول رنه ثاني رنه انرفع الخط
" الووو تفضل
" الو انته الي انطيتني رقمك
" انتي ام اعيون
" اي صح شنو صار
" بشنو
" بصباح
" ليش يهمج امره
" يا ريت تكولي شنو صار
"جاب واحد على اساس انو لكاهه وياه وصارت قضيت غسل عار وحكموه من 3اشهر الى 6 اشهر
واقاربه راح يدفعون كفاله ويطلعونه
" سمعت هيج حسيت كلبي راد يوكف يعني
مراح يتعاقب وضحى الي ماتت وراهه طفلتين
"بعدج وياي على الخط
" ها اي وهوه هذا القانون الي خابصينه بيه
يعني شخص قاتل ويكبسل ويشرب وراح يطلع من السجن والف شخص بريء داخل السجن
" ما اعرف شنو اكول بس ماكو اي ادله هوه الي قتل
يعني مو غسل عار
" بس هل الشخص مريض نفسي
" دليل
" باي
" شبيج
" ما بيه باي سديت الخط وكعدت ابجي
يعني كل شي هيج راح دم ضحى وحوبت هل البنتين
كعدت اقره قران واتحسب عليه
مر عشر ايام على هل الحادثه اني خلصت امتحانات نصف السنه وانطونه عطله اسبوعين
رحنه اني وامي لسوك واحمد راح لهله ايشوفهم
ارتاحينه من عنده كعدت ويه مامه انتصار كلت ما طول وحدنه احجيلهه على سوالف اخوهه
جانت دنيه العصر واحنه بلساحه حجيت الهه كلشي عن اخوهه ضلت بس صافنه بوجهي
محجت شي بس شكلهه ضاجت وما انطت باخوهه
مر يوم وهيه ما تكلمني
جان دنيه اليل وكل العاده خلصت صلا وقريت شوي قران وبلشت اكتب بلدفتر
حسيت الباب اندك دخلت مامه انتصار وكالت
انتصار " جلنار يمه ابوج هنا
جلنار" ابوي شنو يريد
" ما ادري ولله بس دخل للبيت وكال صيحيلي جلنار
" الله يستر هسه هل الجايه كمت من مكاني وهيه مشت كدامي كعدت وكعدت اني بصفهه
بدون لا سلام ولا كلام حجه بدون مقدمات
" حضري روحج السبوع الجاي عرسج انتي وصباح.....
_____
يتبع...
حبايب لا تنسون التصويت والتعليقات
وبلنسبه للبارت جاي اكتب 3000 لو 2000
وتكولون قصير اذا هيج اكتبهه كله بارت واحد ونختمهه🤣
توقعاتكم شراح يصير 😉
💓🥺
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!