قمة العظمه ان تبتسم وفى
عينيك الف دمعه قمة الصبر ان
تسكت وفى قلبك جرح يتكلم قمة الحب ان يجرحك من تحب وقمة الوفاء
ان تنسى جرح من تحبه💜
هلو حبايب ليش التصويت والتعليقات قليله 🙄
___
#طفلة النقيب
بقلم زينب العلي
_______
جلنار "ناس رايحه بغير عالم جنه اول اسم بس استغربت
من قريت شنو اختصاصه الدكتور امراض خبيثه؟
ضليت كاعده على نار اريد اعرف شكو
معقوله مريضه واحنه ما ندري
نفيت الفكره من راسي مو معقوله مريضه
خلصت التحاليل ورجعت لدكتور
من طلعت من الدكتور وجهه ما يتفسر ابد
خفت حيل اسالهه شنو صار
رجعنه للبيت واني منطقت بولا حرف
خفت من انو اسمع الجواب
اول موصلنه دخلت لغرفتهه ونامت
رحت للمطبخ شربت ماي فززني صوت احمد وراي
" شوكت اجيتن
" مساعه اجينه عفته وطلعت من المطبخ جان هوه واكف
باب المطبخ من عبرت لزمني من ايدي حيل
" شنو كلجن الدكتور
" عتيت ايدي حيل من عنده عوف ايدي لا تلزمني
ما اعرف شنو كال الدكتور روح واسال اختك
عفته ومشيت سريع وكلبي يريد
يطلع من مكانه بسبب الخوف يربي دخليلك
ما مرتاحتله ابد لهذا
قفلت عليه الباب جنت اني والجهال بلغرفه
ضليت لحد اليلي وطلعت من الغرفه لكيت مامه انتصار بعدهي بغرفتهه
دكيت الباب ودخلت لكيتهه مدده على الجربايه وبسابع نومه
اجيت يمهه ضليت اهز بيهه حته تكعد فتحت اعيونهه بتعب
باوعت الي وكالت
" عوفيني نايمه تلكين اكل بلثلاجه حميه واكلي انتي
والجهال
" شبيج ليش وجهج هيج تعبان
" خليني نايمه وباجر من ترحين لدوام
اذا لكيتيني نايمه عوفيني نايمه لا تكعديني
" هزيت راسي لهه لان اعرفهه متريد تحجيلي
طلعت من الغرفه شغلت الطباخ وحميت الاكل
وصحت لخواني يجون ياكلون اجو كلهم كعدو يمي
تعشينه خلصنه غسلت الماعين ورحنه للغرفه كل احنه
قفلت الباب علينه ونمت فزيت الصبح ويه صوت
الاذان صليت وكعدت اكلب بلكتب لحد مصارت ب 7
كعدت رامي بدلت اله واني بدلت الباقين نايمين
وريكنه وطلعنه اني و وياه مدرستي يم مدرسته
طلعنه للمدرسه اني ورامي لكيت ضحى كاعده بلباب
تقربيت من البيت وحجيت بصوت ناصي
صباح الخير
ضحى" صباح النور جنو اشلونج
" زينه وانتي
"الحمدلله رايحه للمدرسه انتي
" اي تردين شي
" هاج هاي فلوس من تجين جيبي وياج حامض وجبس
صار يومين مشتهيتهن
" انطيني اجيبلج وياي اخذت الفلوس منهه
ورحت للمدرسه اني اكتب بلمدرسه واحفض
بسرعه يعني اذا
المعلمه شرحت اركز حيل وياهه حته من ارجع اتفرغ
لاخواني جان درس اخير خلص وطلعت
مريت على المحل اشتريت حامض وجبس
ورجعت اتمشه وصلت لبيتهم ملكيتهه
خفت ادك الباب ويطلعلي هذاك المخبل
كملت طريقي للبيت
اول موصلت ليكت مامه انتصار بلطرمه
اجيت تقربت عليه وسلمت
سلمت عليه وهيه اتكولي
" يله يمه ذبي ملابسج بسرعه وتعالي تغدي
ويه اخوانج
" حاضر هسه اجي رحت بدلت اهدومي اشوي اجه احمد رحت وياهه حطينه الغده ما اعرف بس احسهه حيل تغيرت وحته صارت قليلت كلام
بدينه نتغده وخلصنه حطيت الطبله وغسلت الماعين رحت قريت رامي واجيت بلطرمه كعدت لان
جان دنيه العصر
نفتح باب ودخل احمد بيده علاكه
تقرب يمي وشمرهه بحضني وهوه يكول
" هاج يحلوه هذني الحلويات الج
" بعدتهه من حضني ورجت حطيتهه بايده شكررا ميحتاج امي ما مقصره وياي انت والجهال اكلوهن
ضل يباوع صفح شمرهه عليه وكال
" هاج اكليهه انتي والجهال
" اخذتهه وطبيت جوه انطيتهه لجهال
اني ما حاطه الحلويات بحلكي صار فتره
لان من جنت اكل حلويات لو حلا
ادوخ فما اكل هواي والمصرف الي تنطيني
اياه مامه
انتصار اجمعه يمي
صار اليل واني هم رجعت اقره جنت مدمنه مال قرايه
تعشينه وكلمن طش بغرفته نام
الصبح كلت اطلع من وكت بلكت اشوف ضحى حته
انطيهه الحلويات وخليت وياهن من الحلويات الي جابهن احمد طعلت الصبح ب 7 وربع بدون ما اتريك
باوعت من بعيد هذا الخبل بلباب
ضليت واكفه وره واحد من البيوت منتضرته يروح
هل الشخص سببلي رعب مدري ليش
يمكن مرت عشر دقايق وحركت سيارته ومشه
وضحى جانت واكفه بلباب
رادت تدخل اشرت الهه من بعيد من شافتني ضلت
تضحك فرحت بيه حيل
وصلت يمهه بوستني وكال
" حبيبتي ليش تركضين هيج مو زين شوفي حلكج صار ازرك
"عادي هاج هاي الحلويات
" بس هذني هواي
" اي اكليهن بلعافيه وديري بالج لا يشوفهن هذا الخبل ويكتلج هم
" لا بعد ميكتلني
" شعجب شنو تغير
" البارحه العصر حللت طلعت حامل
وطايرن من الفرح هسه من يتعصب يروح لامه يصيح لو
يبات بره البيت
" دمعت اعيوني حطيت ايدي على بطنهه
يعني راح تجي بنوته حلوه مثلج
" ما اريد تجيني بنيه راح تتعذب
" لا تكولين هيج المهم اني تاخرت حيل بعدين نحجي
" تمام اخذي راحتج
" عفتهه ومشيت سريع شكد خطيه ضحى المعه بعيونهه
ربي يتمم عليه على خير
وصلت للمدرسه هم قرايه وتعب
بدت تمشي الايام لحد ما ضحى صارت بشهر ال 9 وقربت ولادتهه جنه
كاعدين ومامه انتصار اني رحت اشتري من السوبر ماركت الي كبالنه
وشفت ضحى من بعيد مطلعينهه من
البيت وشايلينهه شيول اجيت اركض وشفت رجليهه
كلهن دم حطوهه بلسياره واخذوهه
رجت اركض للبيت واني ابجي وارجف
فتحت الباب واجيت لمامه انتصار شافتني وكفت مرعوبه
انتصار" يمه اسم الله الرحمن اشبيج
ليش هل الرجيف شصاير احد سوالج شي
جلنار "مامه ضحى ضحى مدري شبيهه شفتهه
انتصار" وين شفتيهه
جلنار " مامه من رحت اشتري شفتهه كله دم واخذوهه بلسياره
انتصار" هدي يمه ماكو شي هسه يجيبونهه
يجوز وكعت وصار نزف هسه يجيبونهه
جلنار " رحت غسلت وجهي وكعدت بلطرمه
واني ادعي الهه طبعن احمد صارله يومين راح لهله
واليوم بابه يبات هناك
صار اليل وماكو خبر خفنه حيل وخاصه الاوضاع مطمن ابد صار اليل وطفت الكهرباء
اندكت الباب قوي
باوعت لامي اشرت الي ادخل جوه
دخلت للغرفه بس كلبي ما مرتاح
خفت حيل طلعت من الغرفه بعد مسمعت عياط
باوعت من المطبخ وشفت مامه انتصار واكفه يم الباب
والرجال الي واكف يمهه ما مبين
بس جان حاط ايده على ركبتهه مثل الي خانكهه
وسمعته ايكول الهه
" خلي بالج بس هل السنه وتجي يمي
" دفعته هيه منهه ومدري شنو انطته وراح سدت الباب
وراه قوي وكعت تبجي بلكاع
اجيت الهه اركض كعدت يمهه وامسح بدموعهه
حضنتني قوي وضلت تبجي بقوه
عفتهه براحتهه لحدما سكتت وكمنه اثنينه
باوعت الي وكالت
انتصار " خل ابوج يجي الوضع بعد مينحمل
جلنار "مامه ممكن سؤال
" اي كولي
" ابوي مجان عنده هل الفلوس منين جاب هل الفلوس
والتليفون هم عدنه وقليل الي عدهم
من جنت عايشه هناك معنده هل الفلوس كلهن
" اخخ خليهه سكته يمه خليني اخابره هسه يجي
" مدري شنو السالفه مجاي افهم شي
كامت راحت للتليفون وخابرت عليه
يمكن نص ساعه هيج واجه
اندك الباب راحت هيه فتحت الباب ودخل ابوي
ضايج دخلو للصاله صاحت هيه بيه حته
ادخل للغرفه دخلت للغرفه وضليت اباوع من فتحت
الباب اول مكعدو صاحت امي بيه
انتصار" الى متى ما مليت ولك البنيه جاي تكبر لازم نطلع
من هل المنطقه انت عمرك مخفت عني على الاقل هسه
خاف على بنتك الي بعدهي طفله ولك متخاف الله بيه
خاف الله بنتك اليوم اجه يريد ياخذهه الفلوس وين وديتهن
كافي اصحه على روحك بديت تطغى
عندك ولد وعندك بنات فكر بيهم فكر بتاليتهه شنو
فاضل" اشش انتي مالج غرض وان
سمعت صوتج يويلج مو عبالج اني نفس قبل
وبلنسبه لولدج جاي يليبسون
احسن لبس ويشربون
وياكلون بعد شنوتردين واذا على الديون نطي الجلبه العدنه وتفض كل السالفه
جلنار" ما فهمت شنو يقصد بس من كال هيج
وكفت مامه انتصار ودفعته بكل قوه وكع بلكاع وهيه
تصرخ بوجهه
انتصار" الللك انتتتت تخبللت ولك من لحمك ودمك
ولك معندك غيره شنو من بشر انت حته لو
شفتهم داخلين للبيت و********متهتز رجولتك
وانت وياهم ولك وحق الحق يفاضل اذا
سويت شي الهه لو لولدي راح تشوف شي
عمرك مشفته مني
جلنار" اشد الحديث بينهم ابوي دفعهه وصار راسهه
على الكرويته وخشمهه ضل ينزف دم
تخبلت طلعت اركض عليهه بس ابوي انهزم
ركضت جبت شاش من الاسعافات الاوليه
وحطيتهن على خشمهه وراسهه
تخبلت واني اشوف اعيونهه يتكلبن
يمههه يمههه فدووه اصحي اصححي
ردت اكوف اشوف واحد يساعدنه لزمتني من ايدي
وحجت بصوت متعب
" اشش لا تبجين ضلي ضلي هنا لا طلعين
لو اموت لا طلعين بليل
" حجت هل الكلمتين وغابت عن الوعي
ضليت اصرخ بعلو بصوتي بس محد اجه عبالك المنطقه ميته ولا عبالك بيهه بشر
حطيت الحجاب على راسي ولبست نعالي وفتحت الباب
ما مستعده اخسرهه لان صارت حنينه ودافعلي
وخطيه جهالهه يضيعون لساتهم صغار
عفت الباب مفتوح وطلعت اركض
الدرابين شبه ميته وصوت ونين والدنيه ضلمه بشكل
واكو بعض البيوت بيبانهه مفتحه ركضت على الشارع
حته اشوف سياره يا سياره الي تفوت متوكف
اخر شي وكفت سياره شوي عاليه
فتح الباب ونزل منهه شاب يجي عمره بلعشرينيات
وكف كبالي مستغرب وحجه بصوت غاضب
" اننتتي شسووين هنا تتعررفين اننتي وين
" الله يخليك تعال ساعد امي رااح تموت
" وين بيتكم
" تعال بسرعه شفته ضل واكف ويباوع للدرابين الضلمه
حجيت بصوت خايف الله يخليك بسرعه
لا تخاف هيه بس بليل ضلمه بلنهار حلوه
مشفت وجهه او شلابس بس مدري حسيته مو صحيان
او مو بوعيه
ركضت وهوه مشه وراي شاف امي هيه
مدده لا حس ولا خبر شالاهه وركض بيهه
واني اخذت العبايه وركضت وراهم
حطاهه بلسياره واني صعدت اصلا نسيت عفت اخواني وحدهم
عفت العبايه عليه واني طول الوكت ابجي
عاط بيه بصوت
" كااااااافي عاد صدعتي راسي
" حطيت ايدي على حلكي احاول اسكت روحي
بعدين حجه شنو تقربلج
" امي
" اشلون صار وياهه هيج
" ابوي سووه بيهه هيج
" ليش
" كالت الهه خلينه نشيل من البيت وهوه مقبل
" الضاهر عاجبته ال***
"شنو يعني
" هيج عمو ماكو شي
" خوش سكتت من عنده وشكله هواي يسال
وصلنه للمستشفى صاح على الدكاتره
اجو اخذو امي واني رحت وياهم اركض
دخلوهه اعلكو الهه مغذي وداوو اجروحهه
انطوني ورقه كالو جيبي علاج من الصيدليه
اخذت الورقه واني مثل الثوله
ما اندل شي سالت احد دلاني على الصيدليه
الولد الي وصلني مدري وينه ماكو عافنه يمكن ورجع
اخذت العلاج ورجعت على امي
لكيته صحيانه بستهه بخدهه وانطيت العلاج للدكتور
اخذه مني وصف الامي العلاج كلهه ساعه وتكدرين طلعين طول هل الساعه هيه ساكته
كسرت الصمت وكتله
يمه احنه اشلون راح نرجع وينن نلكه هسه سياره
" الله كريم هسه نلكه سياره يله خلينه نطلع
مناك خوانج وحدهم
" اي يله اخذته وطلعنه اني وياهه
يا سياره نوكفهه
وامي توصفله العنوان ميقبل يوصلنه
اخر شي وكفنه سياره وصفتله امي
قريب يم المنطقه نزلانه قريب واجينه
نتمشه اني وامي والدنيه اليل
دخلنه الدرابين الضلمه واسمع بس ونين واصوات حجت امي وهيه تباوعلي
" حطي ايدج على اذانج
" حطيت ايدي علة اذاني امنع هل الاصوات المزعجه وصلنه للبيت بعد نص ساعه تقريبا
دخلنه للبيت لكينه اخواني بعدهم نايمين
راحت امي لغرفتهه واني رحت يم الجهال
نمت وكعدت الصبح مرن يومين وطلعو ضحى
لحيت على امي حته نروح الهه جانت رافضه رفض قاطع
بس بعد ملحه قبلت كالت حضري روحج العصر نروح
لبست ملابسي وحجابي
وطلعنه نتمشه اني وامي والجهال
جنت متشوقه اشوف النونو
وصلنه دكينه الباب فتحته امهم دخلتنه للبيت
دخلنه عليهه واتفاجء اثنين اطفال
طرت المفرح اجيت حضنتهه وكعدت يمهم
سالتهه بنات ولد
جاوبت عمتهه بغيض وكرهه
" اثنين بنات خلفت
" جاوبتهه امي اي الحمدلله اهمشي اتمام الخلقه
ضلينه كاعدين نص ساعه تقريبا
وكمنا امي انطتهه واجب وطلعنه
هنا اذكر صار السقوط والحصار خلصت رابع
اغلبهم الي بلمنطقه شالو ابوي مقبل انشيل منا
ضلينه بيتنه وخوف ورعب
مرت كم شهر صار الوضع اشوي احسن
بديت بلخامس هنا بديت اشد حيلي وبديت اتوعه اكثر
داومت خامس جنت راجعه من المدرسه وتعبانه
وصلت للبيت كلت لامي راح انام لان تعبانه
رحت نمت ما ادري شكد مر من الوقت
سمعت صوت صياح ابوي هذا شجابه صار هواي مجاي
كمت لميت شعري وطلعت على صياحهم
طبعن ابوي بهل كم سنه تغير حيل
وخاصه اخر سنه حته صار ميجي
وكفت اباوعه وهمه يتكاونون وصياحهم لوين
حجت امي بعصبيه ورفض قاطع
" كلللتلك بننتي مستحيل ترووح لهذاك البيت
انت شبيك بعدهي صغيره وجاي تدرس
" نجببي موووبكيفج سمعتي بنتي وبكيفي عسى ما
اطلعهه *** انتي متدخليني فهمتي
"شهههل الحجي ولك تخبلت مو صارن عندك كم فلس
مدري منين جبتهن وتخبلت علينه
" اششش جلللللناار تعااالي يمي
" اجيت اتقدم يمه وكفت بصف مامه انتصار
حجه بعصبيه
" من باجر ترحين تخدمين بيت صباح
تساعدين ضحى بلجهال
"وين اروح بابه اني عندي دراسه وامي منا والجهال
"مراح تخدمين بلاش راح توفين قسم من ديني
" باباه مااروح شعرف اني
حجيت هيج وحسيت اذاني صوفرت من قوت الراجدي الي اجاني لزمني من شعري وهوه يهدد
" اسمعي ولج اني مو اجيت اخذ رئيج اني جاي
ائمرج ومن باجر ترحين
وبلنسبه لدراستج ترحين الصبح دوام ومن وره الغده ترحين الهم
وترجعين قبل العشه وبليل اقري سمعتي
لو حاجه اعيد ولورفضتي ابطلج وترحين
غصبن عنج سمعتي لج لواعيد
" خلاص اروح بابه بس هد شعري حرام عليك
عوفني دفعني وكعت بحضن مامه انتصار عافنه وطلع
شعري احسه اتگطع بيده
انتصار" اخخ يا يمه ابوج شبيه متفرعن علينه
" ما ادري يمه شلون يعني اني راح اخدم ولله بعدني صغيره ومو مال هيج شغله
" يمه دروحي الج يوم يومين واني اروح على امهم واخليهه تبطلج
"نشالله امي كمت لميت شعري ورحت لغرفتي
نمت ثاني يوم داومت رجعت الضهر اتمشه
وشفت صباح كاعد بلباب
باوعلي من فوك ليجوه وهوه ينفخ الدخان وكال
" اي كبرانه وصايره حلوه
"عفته ومشيت سريع للبيت يربي دخيلك
شكله ابد مو مريح
تغديت وصليت ولبست تراك طويل وحجاب
وطلعت ب 1ونص تقريبا امي توصي بيه
واني اهز براسي وصلت لبيتهم دكيت الباب
طلعت امهم اسمهه حسينه وجهه مجعد
وداكه على اديهه وبحنجهه هم اكو دك وحواجبهه
والدك صايرلونه اخضر
باوعت الي من فوك لي جوه وركزت بوجهي
وهيه تكول
" اندري ابني شبيه صاحي مخبل تمشي ولي
ادخلي جوه عليه الزعاطيط نوب
" حجيت بكلبي الحمد لله شبيهه هاي
دخلت جوه يم ضحى البنوتات كبرانات
ماشالله صايرات يجنن بوستني وبوست البنات
حجت هيه وكالت
" جنو حبيبتي ما اريدمنج تشتغلين لوتعبين نفسج
ضلي كاعده هنا يم البنات وانتبهي الهن
لحد ما اخلص اني واجيج
" تمام خليهن يمي راحت هيه واني سديت الباب
وكعدت يمهن جنهن ملائكه يجنن
مرن 3 ساعات واني كاعده بنفس الغرفه
صار الغروب واجت ضحى كالت كملت كلشي تكدرين ترحين تشكرت من عدهه كلش طيبه وفقيره واحسهه اختي
طلعت من البيت والدنيه غروب. .......
______
يتبع.....
ليش تفاعل قليل سوي تصويت وتعليقات وتابعو حسابي
حته نستمر بلنشر
توقعاتكم....
🥺💕
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!