رواية جريمه مخطط لها (طفلة النقيب) الفصل الثامن 8 - بقلم زينب العلي

‏ما زلتُ بعدَكُم أهذي بذِكركمُ
‏كأنّ ذكركمُ بالقلبِ قد رُصفا

‏أموتُ شوقًا ولا ألقاكمُ أبدًا
‏يا حسرتا ثمّ يا شوْقا ويا أسَفا

_________

قراءه ممتعه اتمنه قبل القراءه التصويت والدعم
والتعليق على كل فقره

بقلم؛ زينب العلي

# طفلة النقيب

__________

طبعن هل المنطقه تخوف بليل بس بلنهار طبيعيه
وصلت للبيت تعشيت وصليت ونمت مدريت بشي
فزيت الساعه ب 3 الفجر اتذكرت اني مقاريه شي

غسلت وجهي وكعدت على حيلي لحته اقره 
سمعت صوت بلصاله تجهالت الصوت وركزت بكتبي
ضليت اقره لحد 7 بدلت ورحت لدوام

من رجعت للبيت لكيت احمد والجهال ومامه انتصار كاعدين على الغده استغربت هذا ليمته رجع
رحت غسلت ورجعت كعدت يمهم اتغده
كال هوه

" اشلونج جنو

"زينه

" كبرانه

" باوعت لمامه انتصار تخزر باخوهه
كلت اله انت ليمته رجعت

"البارحه بليل لان راح ابلش دوام

" ها خوش كملت غده وبدلت ولبست حجابي
ردت اطلع لكيته بلصاله كاعد

" وين رايحه بهل الضهريه

" عفته مجاوبته وطلعت سمعته يصيح
سمعت صوت مامه تحجي وياه
اني طلعت سريع تمشيت لحد ما وصلت

للبيت مالهم شفت سياره ثانيه عاليه
غير سيارت صباح دكيت الباب
فتحته الي ضحى وهيه مستعجله

دخلت يم البنات وسديت الباب مدري شعدهم عزومه
مدري شنو بس شفت رجال يجي عمره بنهايت الثلاثين واحد ب 20 صارت ب 3 تقريبا صار هدوء

حيل اتوقع خلصو عطشت حيل كمت لحته
اشرب ماي اجيت للمطبخ شربت ماي ورجعت
وصلت غرفت البنات بس

جذب مسامعي صوت مثل الونين او شخص يحجي على كيف الصوت جاي الغرفه الاخيره

عفت الباب مسدود ومشيت على كيف لحته اشوف شنو هل الصوت

وصلت للغرفه الاخيره سمعت صوت امهم وهيه
تحجي باسامي غريبه
بس صوت خافت حيل عبالك تحجي ويه اشخاص

ردت افتح الباب بس خفت رجعت سريع لغرفت البنات
سمعت صوت صريخ بس محبوس
جاي من فوك صعدت اركض اشوف شنو

وصلت للغرفه الباب جان شوي مفتوح
ختلت وره الباب وشفت

ضحى محصوره بلركن مالت الغرفه
والولد الي شفته اول ما اجيت حاصرهه بلركن
ويريد يبوسهه وايده على حلكهه

وهيه دفع بيه وتريد تصرخ ومقامه جانت اكو مزهريه
دفعتهه وكعت بلكاع
اثنينهم فزو اني نزلت اركض وهوه طلع من الغرفه

طلعت لساحه اركض اختنكت من المنضر الي شفته
باوعت لسمه يربي اني شسويت بروحي
شنو هل البيت

سمعت صوت البنات يبجن دخلت ركض
سويت مميات وشربتهن ورجعن نامن
ضلت بالي هذيج الغرفه والفضول حته اعرف
شنو بيهه

خلص اليوم رجعت للبيت تعشيت اجيت غسلت الماعين
ويه مامه انتصار اجيت يمهه كتله يمهاريد اجي وياج بموضوع

انتصار" خير يمه كولي شنو هوه

" حجيت الهه كلشي صار وكلشي سمعت
اول شي ضلت فاتحهه عيونهه وهيه تستمع الي بعدين
كالت

" يمه مالج غرض بحد اني بس يجي ابوج احاول
وياه بعد مره بلكت ما يقبل ترحين لا تدخلين باحد اخذي
طريقج ورجعي

" انشالله يمه عفتهه ودخلت للغرفه مجايني نوم
ضليت اتكلب اشوي بلفراش ونمت
كعدت قبل الصلاة قريت شويه وصليت

ورحت للمدرسه من رجعت وردت اروح الهم صاحت عليه امي

" يمه انتبهي مثل ما كتلج خلصي شغلج وارجعي بسرعه

" انشالله يمه رحت الهم كعدت يم البنات وهذولي الي
عدهم البارحه ماكو اول يوم ضليت كاعده بلغرفه
مطلعت منهه رجعت للبيت ثاني يوم

جنت كاعده يم البنات وسمعت صوت مثل الفد شي نكسر
ضحى فوك طلعت اني اشوف شكو
باب حسينه مسدود

وصوت ونين وحجي ما مفهوم
ضليت واكفه يم الباب اريد اسمع شنو تحجي لو منو
يمهه بلغرفه حسيت احد حط ايده على حلكي

ونسحبت بقوه.
نضربت بشي مثل الجسم انسان نسحبت لحد غرفت البنات

دفعني وكعت يم البنات باوعت هذا صباح  شجابه هنا
حجيت بطفوله

"شبيك عمو ليش هيج دفعتني

"  نجبي ولج شتسوين يم غرفت امي لو شايفتج
اله تشمرج وره الشمس اسمعي يحلوه اكعدي بمكانج واسكتي لا تضلين تفرفين بكيفج

" كمت من مكاني وردت اروح يم البنات
لزمني من ايدي قوي سحبني عليه وباسني بخدي قوي

دفعته مني بس وين اني وين هوه
باوعلي وضحك وكال

"يحلو بعد بس سنه وانتي تصيرين هنا

" ما فهمت شنو يعني كعدت يم البنات وضلن دموعي يجرن يربي شنو هذا البيت
وضحى ليش هيج يوميه كل ما اجي

تختفي صارت ساعه ب 6 تقريبا رجعت للبيت
واني اتلفت  سولفت لامي كلشي
صار ضلت تلوم بيه

وتحجي ليش ادخل بشي ميعنيلي
وكالت بس يجي ابوي تكوله حته ابطل
تعشينه وخلصنه وكلمن دخل بغرفته

جنت كاعده اقره لان بالي يم الاصوات
والغرفه شنو بيهه واني صافنه الباب
انفتح باوعت للباب شفته احمد

بدون اي مقدمات اجه وكعد يم الجهال وعود دا يلعب بيهم عفت الغرفه وطلعت بلصاله
ابد ما ارتاحله ضليت خمس دقايق يمكن

ورجع طلع من الغرفه كعد على القنفه وهوه يكول

احمد"  ليش طلعتي من الغرفه

جلنار" ليش محتاج شي

احمد" لا سلامتج

جلنار" تمام عفته وكمت من مكاني رحت للغرفه وقفلتهه عليه نمت فزيت الصبح على
دكت الباب خفيف كمت باوعت من فتحت الباب

ما لكيت احد اتعوذت من الشيطان وكمت
رتبت كتبي وطلعت توضيت وصليت وقريت شوي
وبعدهي طلعت للمدرسه رجعت تعبانه حيل

وجان عندي امتحانات ردت ما اروح بس ابوي يسويلي زفه اذا مرحت لبست حجابي ورحت
وصلت للبيت الغرفه نفسهه مسدوده

وضحى بغرفت البنات رحت يمهن وهيه طلعت
فتحت الباب على كيف شفته صعدت فوك

رحت صعدت وراهه شفتهه جاي تنضف
عفتهه ونزلت يم البنات بدن يكبرن شوي شوي
ما شاء الله سويت الهن حليب ونامن

سمعت الباب الخارجي تندك وسمعت صوت حسينه تكول

حسينه" وسم جااايه

جلنار" فتحت الباب على كيف حته اشوف منو
فتحت الباب الخارجي ودخلن اثنين نسوان
كل رحمه ما بيهن وجووهن اعوذ بالله

وحده كبيره بلعمر وحده صغيره  مو كلش جبيره
دخلتهن كبل للغرفه وقفلت الباب عليهن

رحت تقربت يم الباب حته اسمع شي بس وشوشه
واصوات ما مسموعه اتذكرت اذا افتر من وره البيت

اكو شباج على غرفتهه يمكن اشوف شي
طبعن بيتهم بيه مثل الممر على كد نص متر داير مداير البيت يمكن اذا فتريت اشوف شي

رحت اتاكدت من البنات نايمات ورحت للمطبخ محد بيه
فتحت الباب ودخلت ورجعت

سديت الباب على كيف فتريت لحد موصلت لغرفتهه

بس جانت اكو مثل البرده بس ما مسدوده حيل وجان دنيه العصر اكدر اشوفهن

طلعت تك عين حته اشوفهن شنو يسون
شفت حسينه حاطه مثل البخور
وشغلات ما ركزت بيهن

بس ركزت على البخور مدري شنو
هنه ضلن يحجن بس مفاهمه شي ما اسمعهن
بعدين مدري شنو انطتهن 

فزيت من اجت عين وحده من النسوان
على الشباج احس  كلبي وكع من مكانه
رجعت اركض للمطبخ دخلت وسديت الباب

رحت يم البنات واني من الخوفه وجهي صار اصفر اجتني ضحى كالت

ضحى" ولج وين جنتي يمصخمه

جلنار" وين هنا يم البنات

ضحى " ولج حسينه ادور عليج

جلنار" ها شتريد هنا بلغرفه مطالعه

ضحى " اذا سالتج كليلهه رحت اشتريت
لضحى تمام اني هيج كتلهه

جلنار" تمام اني راح اروح هسه لان باجر عدي امتحان

ضحى " تمام روحي انتبهي لروحج

جلنار " خوش كايمه كمت حته اروح لبست
حجابي ولبست نعالي وطكيته ركضه
للباب

وي ما وصلت للباب انجريت من كتفي قوي
حجيت بكلبي اجاك الموت يا تارك الصلاة
يربي هاي حسينه ماكو غيرهه

التفتت شفتهه واكفه كبالي وعيونهه بلطول والدك بوجهه وحواجبهه مسويتهن خيوط

حسينه" وللج نعااال وووين جننتي قبل شوي
ووين تتجسسين عليه

جلنار" خاله شسالفه شبيج جنت بلمحل
شنو تتبلين عليه

حسينه" اسمعي لج اني شغلتج لخاطر
ابني وسمعي كلش زين تره ادري جنتي وره الشباج

كلشي تسوينه ادري بيج سمعتي
حته من تنامين ادري بيج فهههمتي

جلنار" نفخت بوجهي عبالك حيه اجذب عليكم اذا اكلكم ما خفت من عدهه
رجعت ركض للبيت مالنه دخلت للغرفه

ضليت بس ارجف وابجي
يربي اشلون اني اضل ويه حسينه اخاف منهه
ولله جنت بلغرفه اتكلب بلفراش

اندك الباب ودخلت مامه انتصار

انتصار" اشببج مامه من اجيتي مطلعتي من الغرفه ولا سلمتي عليه دخلتي كبل للغرفه
شصاير وياج اكو شي

جلنار " يمه ما اريد اروح بعد الله يخليج
ولله خايفه من هذاك البيت ما اريد اروح

انتصار "يمه كولي شصار

جلنار"  كعدت حجيت الهه كلشي
يمه ولله هاي حسينه تخوف

انتصار" يمه اني شنو كلتج مو كتلج
لا تدخلين باحد عوفيهن كملي شغلج
ورجعي احاول احاجي ابوج بس يرجع

جلنار" انشالله يمه

انتصار " يله كومي تعشي ويانه
وكومي اقري لا تفكرين اهواي الله كريم تنحل

جلنار" تمام كايمه بس الله يخليج حاجي ابوي
ما اريد اروح بعد

انتصار " هوه بلبدايه خليه يلفينه ونشوفه
بس يجي احاجيه

جلنار " كمت اكلت لكمه ونمت بدون ما اقره اي شي
كعدت الصبح كبل للمدرسه خلصت واجباتي وقرياتي
جان يوم خميس يعني عندي عطله

رجعت للبيت واني اتمشه وصلت قريب على البيت
لكيت الباب مفتوح شويه واخوي الصغير حسين بلباب
شافاني لو عبالك شاف منقذ

اجاني يركض وفحطان وجهه احمر
وهوه يحجي سريع

" جنوو جنوو لحكي بابه كتل مامه

" هذا شبيه ابوي متخبل فد نوب دخلت اركض
يممه يمههه ووينج

" يا ***اجيتي يلدايحه وين جنتي

" جفلت بمكاني من صوت اببوي لكيته واكف بصاله ومتخوصر وامي مدده بلكاع
اجيت اركض عليهه  شمرت الجنطه بلكاع

وي موصلت الهه بعدني مناطقه بولا كلمه
ايد انمدت عليه نرفعت كلياتني من الكاع
حجابي صار بصفحه صحت بصوت

باااابه شببيك عووفني

" نجببي لج اليوم اربيج من جديد
اني اعلمج شنو يعني تردين تبطلين

" شعري نفتح من جر الحجاب لف شعري على ايده حسيته اتكطع بيده سحبني للغرفه
وضل يضرب بكل مكان مجان بيدي اي حل بس ابجي

كل ما ابجي يضرب اكثر واكثر محد جان بلبيت
وامي مغمه عليهه حسيت نفسي راح ينكطع
واموت جوه ايده

وخر عني شوي رجع لف شعري على ايده وهمس باذني

" وهسه شنو هم مقرره تعوفين الشغل
لو لا

" هزيت راسي لا شمرني وطلع من الغرفه
حته اهدومي تشككن من كد التجرجر والضرب
ضليت ازحف ازحوف منكد الوجع

والخوف وشفت هواي دم بلكاع
ضليت ازحف ازحف لحد ما وصلت للاستقبال
وصلت يم امي اكعد بيهه اريدهه تكعد

يمه ولج يمه اكعدي عسى الساني انكص ولا حجيتلج
يمه اكعدي شوفي شسوه بيه
جنت احجي وابجي ودم بكل مكان عبالك

داجيني بسجين بدت تفتح اعيونهه وتباوعلي
فزت مخروعه من شافتني
شافت خط الدم كامت مغروعه للغرفه اجتني تركض

كومتني للحمام غسلت الي وبعدين حجت بخوف

" جنه يمه ابوج سوالج شي

"اي كتلني

" بس كتلج

"اي بس شنو هذا الدم

" اش كافي بجي هسه اجيج اسبحي بمي دافي

" جسمي كله يون عليه اشوي واجت امي
جابت ملابس داخليه وجابت الي تراك
ضلت تحجي وياي بلحمام وتفهمني

انو اني هسه بلغت وصرت بنيه وانتبه لنفسي خجلت حيل منهه ودموعي ضلن يصبن وحدهن
امي العصر راحت الهم كالت الهم مريضه بلكت للاحد واروح

ضليت بغرفتي مطلعت منهه لحد يوم الاحد مرن3 ايام
واني احس جسمي يون عليه وموتني

طبعن مامه انتصار بلسبت العصر راحت اشترت الي ملابس رحت داومت احس نفسي انو الكل تباوعلي
رجعت من المدرسه جسمي بعده يوجعني

تغديت ورتاحيت وصارت تقريبا ب 1 طلعت من البيت
اتمشى لبيتهم وصلت للبيت
دكيت الباب بعدني ما داكه الدكه الثانيه

انفتح الباب وصارت بوجهي حسينه...

____

يتبع...

لا تنسون التصويت وتعليقاتكم الحلوه تفاعلكم يخليني استمر 

متابعه لحسابي بطريقكم

توقعاتكم...

🥺💕