رواية جريمه مخطط لها (طفلة النقيب) الفصل التاسع 9 - بقلم زينب العلي

يوماً ما سيذهبُ جمالُ المرأة
وتذهبُ صحةُ الرجل
سيأتي وقتٌ تكونُ به الأموالُ بلا قيمة
والنجاح بلا قيمة
والمناصب بلا قيمة
وسيبقى الحبُّ هو قيمة كل زمان
لأجلِ هذا اليوم ..
"أحسِنوا الاختيار"

''''

لا تنسون التصويت والتعليقات على الفقرات حته نستمر

#طفلة النقيب

بقلم زينب العلي
______

انفتح الباب وصارت بوجهي حسينه
ضليت تباوعلي وكالت

حسينه" ها ست الحسن صرتي زينه

جلنار" اي الحمدالله اكدر افووت

حسينه " فوتي التهي بشغلج وبس سمعتي

جلنار" اي تمام دخلت كبل للغرفه
بوستني ضحى وكالت مفتقدتني ضليت يم البنات
وهيه راحت تكمل تنضيف وشغل

ضليت كاعده بمكاني متحركت ابد لان خفت من اخر مره صار وياي مرت ساعه ساعه ونص تقريبا
ما تحملت ضليت افتر بلغرفه

اوصل يم الباب وارجع اخاف يصير شي قفلت
الباب عليه حته ما اطلع خلص شغلي
اجت ضحى يم البنات واني طلعت اركض

جته ملتفتت على البيت وصلت للبيت دخلت
لكيت امي جاي تسوي عشه والجهال يلعبون

واحمد كاعد بلاستقبال رحت ويه مامه اساعده بلعشه
كعدنه نتعشه واحمد بس يباوع ما حبيت نضراته الي
خلصنه عشه وغسلت اماعين ورحت للغرفه

قفلتهه عليه اني والجهال قريت رامي شوي
ارتاحيت شوي وهيج خلصت ايامي
اروح للمدرسه الصبح والضهر يم ضحى

تعلقت بلبنات وبضحى حسيتهه وحده من اخواتي
ضليت من اروح الهم اقفل الباب عليه اني والبنات

حته ما اسوي اي شي يوديني بتهلكه
اعتذرت من ضحى كتله اني ما اكدر اجي خلال هل
السبوع لان راح تبدي

امتحاناتي من اخلص ارجع اشتغل وياهه
والزم البنات كالت الي روحي
تقريبا اسبوعين كعدت بلبيت اقره قبل الامتحان بيومين

وبديت بس اقره الاكل يجي يمي اريد بس اقره وانجح
احمد متجنبته هوه هم عنده يمكن امتحانات

رحت امتحنت اول يوم ثاني يوم وهيج لحد مخلصت الامتحانات واستراحيت يوم

امي وضعهه نفس الشي وجهه اصفر ومدري
شنو من علاج تاخذ كل يوم اكعد يمهه واريدهه تسولفلي
جان عندي حب وفرشت بلساحه وصحت عليهه

حته تجي تكعد يمي اجت بس شكلهه تعبان
كعدنه نسولف واول مره اتجرء واسئلهه

اكلج يمه انتي وين شفتي ابوي وتزوجتيه
انتي من غير محافضه

انتصار " يمه سالفه طويله حيل

جلنار"ميخالف يمه سولفيلي

انتصار" اسمعي ابوي جان عنده 3 ولد و3 بنات
احنه عايشين بساتين ومره من المرات ابوج اجه للمحافضه مالتنه وشافني

وهنا شافتني مرت اخوي وسوت عليه مصيبه
وسوتنه حته نايمين سويه الكل صدك بيهه

وابوي واخواني رادو يذبحوني بس بس ابوج اجه
خطبني واهلي تبرو مني وكالو لو انموت ما انريد
انشوفج بعد واجيت ويه ابوج لبغداد

جان تواصلي بس ويه اخوي الصغير احمد
وبس هوه صدكني وها اني كدامج صار الي اكثر من 8 سنوات مشفت اهلي

جلنار " بس بلدايه ابوي يحبج وشنو تكولين يكول اي
شنو الي سواه هيج

انتصار" الطمع حبيبتي جنت اني الي انطيه افلوس وساكت وكلشي الي اكوله يكول اي بس من خلصن افلوسي تغير ورجع لامج

والي اعرفه يمكن امج حبلت وجابت ولد
وابوج متخبل عليهه وناسيني اني وانتم الاربعه
وابوج طافر من هل المنطقه بسبب صباح وديونه

جلنار " ليش صباح يطلب ابوي

انتصار" اي يطلبه فوك ما تتخيلين وكم مره اجانه
هنا للبيت حته ياخذ فلوسه ويهددنه وبعدين يتصالح هوه وابوج واعدهه يوفي ديونه كل مره اديونه تكثر

جلنار" زين ابوي ياخذ كل هل الفلوس وين يوديهن

انتصار" ولله علمي علمج يمه مدري وين يوديهن
يله كومي نامي ورتاحي

جلنار" انشالله امي كايمه كمت من يمهه
واني افكر بكلامهه صباح شكد يطلب ابوي
ثاني يوم رحت اتمشه وصلت لبيتهم

دكيت الباب طلعتلي ضحى سلمت عليهه
ودخلت جوه كعدت يم البنات الحلو بيهن جانن حيل هادئات بس اشبعهن ينامن

ضليت افتر بلغرفه يربي شسوي شسوي
فتحت الباب على كيف وطلعت باوعت البيت هدوء
رحت يم غرفت حسينه حطيت اذني يم الباب

بس ماكو صوت رحت فتريت بلمرر حته اشوفهه
بس هم ماكو البردات مسدودات هاي وين ولت
رجعت للغرفه فتحت الباب بس جانت

مقفوله حاولت ماكو سمعت باب الحوش انسد
رجعت للغرفه اركض ما اريدهه تشوفني

تانيت شوي وطلعت لكيت حسينه بلمطبخ مدري شنو تطبخ دخلت للمطبخ وهيه تباوعلي صفح
وابد ما عاجبهه باوعت الي وكالت

"ولج الصفره ردتي دخلين للغرفه مو

" ها اني

"ليش اكو صفره غيرج اسمعي اذا بعد تقربتي من الغرفه
ولو متر واحد صدكي اخبلج

" شبيج بيبي تره هيه غرفه

"بيبي بعينج دروحي من يمي لا اخبلج ام الوصخ

" باوعت الهه ورحت يم البنات اريد بس اخلص
يربي رجعت للبيت وهيج مرن اسبوعين
اني وحسينه عرك كل متشوفني تعاركني

طلعن نتائجي ورحت اجيبهه وطلعت ناجحه ودرجادتي كولهن ب90 رجعت طايره من الفرح لان نجحت للسادس
اول موصلت للبيت

تذكرت اول مره بلاول بيوم اجيت فرحانه لامي شنو سوت بيه امي عمتي علمتي البيت من ادخله برجلي اليمنه واكول يا الله دخلت

للبيت ركض على مامه انتصار ابشرهه ملكيتهه بلمطبخ
رحت ركض للغرفه لكيتهه نايمه كلت اعوفهه نايمه خطيه

رحت لكيتهه حته ما مسويه غده طلعت الحم خليته على النار ولكيت باميه مجمده طلعتهه وسويت مركه
وسويت تمن وكعدت بلصاله فرحانه

كعدت امي اول مفتحت الباب اجيتهه اركض
حضنتهه وهيه ضلت صافنه واريته الشهاده

نزلت عليه باستني وباركت الي فرحانه
بس وجهه اصفر ابد معاجبتني فرحت لان سويت غده بس

ضلت تحجي لان متريدني اتقرب على النار

كعدنه نتغده اني وياهه والجهال طبعا احمد اني قليل اشوفه لان العصر بلشغل والصبح هوه دوام
وبس بليل واني من اخلص

شغلي اقفل الباب عليه اني والجهال رحت للشغل
اول مفتحتلي ضحى حضنتهه وكتلهه نجحت فرحت الي وضلت تبوس بيه وهيه تكول

ضحى" ولج فرحتيني اريدج دوم هيج تطلعين علامات كامله وصيرين شاطره

جلنار " انشالله اني دراستي لو شنو يصير ما اعوفهه

ضحى" تدرين كلما اشوفج اتذكر طفولتي
يمكن هسه اني جامعه

جلنار" لا تخافين انشالله اني احقق حلمج

ضحى" يله حبيبتي ادخلي جوه والج من هديه

جلنار"شنو هيه

ضحى" ادخلي جوه هسه البنات مشتاقاتلج

جلنار" تدرين حته اني تعودت عليهن

ضحى" حته هنه تعلقن بيج

جلنار "دخلت للبنات لعبتهن وكعدت يمهن طبعن صايره اوكلهن وهنه ما شالله ايحبن ياكلن وصايرات مثل الدببه

جنت كاعده والعب بيهن دخلت ضحى وبيدهه علبه
باوعت الهه اجت كعدت يمي وكالت

ضحى" جنو انتي اختي الي ما ولدتهه امي
تدرين انتي اعزج واحبج مثل اهلي

جلنار"يروحي ربي يحفضج

ضحى" اتمنى تقبلين مني هل الهديه المتواضعه

جلنار" فتحت العلبه وجان بيهه اسوار ذهب ناعم حيل
وبيه عيون زرك شكله كلش حلو وعجبني

كتلهه حبيبتي ما يحتاج هديتي هيه انو انتي والبنات يمي وهاي الهديه غاليه ما اكدر اقبلهه

ضحى" اتمنى تاخذيهه وتخلينهه ذكر مني صدكيني هاي من فلوسي اني مجمعتهن
مو من فلوسهم

جلنار" استحيت منهه مديت ايدي حته تلبسني اياه
بس فززني صوتهه وهيه اتكول

ضحى " عززززا وولج يمصخمه شبيهه ايدج شنو هاي

جلنار" باوعت على ايدي وتذكرت هذاك اليوم
دنكت راسي ودمعتي صارت بطرف عيني
رفعت راسي بيدهه وهيه تباوعلي

ضحى" شبيج حبيبتي منو مسوي بيج هيج
هاي شبيهه ايدج ليش هيج هاي اثر حرك قديم

جلنار " اي صح هاي احتركت واني صغيره

ضحى" بس هاي اثر سجينه

جلنار" اي جانت السجينه على الطباخ واني جنت صغيره
ما اتذكر يمكن طاحت على ايدي

ضحى" وهيه تغير الموضوع ها شوفيه شكد حلو بايدج كل متشوفينه اتذكرينه

جلنار" اني وين رايحه يمج
فززتنه صيحت صباح وهوه يصيح باسمهه راحت تركض
واني ضليت كاعده بمكاني

يمكن مرت نص ساعه او اكثر ما اسمع بس العياط
والصريخ الي يوصل لسابع جار وصوت ضحى وصريخه ترس البيت

طلعت اركض من الغرفه اريد اشوف شبيهه حته حجابي نسيته بعدني على اول درجه ونسحبت من شعري
باوعت هاي حسينه سحبتني من شعري للغرفه

حسينه" ولج الصيفيره وين موليه

جلنار"انتي شنو معندج كلب متسمعين صوت الصريخ

حسينه " نجبي ونجعمي انتي مالج غرض رجال ومرته
انتي شكو صاعده

جلنار" خافي الله يا رجال ومرته متسمعين صوت الصيرخ والبجي

حسينه" الصفره كتلج اسكتي واكعدي بمكانج لو تردينه
يكتلج وياهه

جلنار" عافتني وطلعت والبنات ضلن يبجن
مر عشر دقايق وراح الصوت صار هدوء
ضليت افتر بلغرفه واني اريد اعرف شنو صار

اشوي ونفتح الباب دخلت حسينه عليه وهيه تكول

حسينه" يله خلصتي شغلج روحي للبيت

جلنار" عادي اشوف ضحى قبل ما اروح

حسينه" انتي تنكتلين ياله ترتاحين كتلج روحي للبيت
وبعدين باجر شوفيهه

جلنار" خوش رايحه للبيت ديري بالج على الجهال

حسينه" همزين كتيلي يلصفيره يله روحي

جلنار" الحمد لله هاي اشبيهه عفتهه ومشيت باوعت
على الدرج كلبي ايكلي اصعدي شوفيهه
فززني صوتهه

حسينه" عليمن صافنه لا تفكرين حته بوجهج للبيت

جلنار" اسم الله الرحمن انتي جني بكل مكان اطلعيلي

حسينه" طيح الله حضج اي ولله يله ولي من خلقتي

جلنار" عفتهه ومشيت وصلت للبيت
دخلت لكيت مامه انتصار مسويه عشه ومنتضرتني
اجيت يمهه بست راسهه ورحت صبيت النه عشه

اجه احمد والجهال تعشينه كل احنه وشلت الماعين
غسلتهن واجيت كعدت يم مامه شوي هل الايام حيل

تعبانه حاولت افتح وياهه موضوع حته نروح لدكتور لان
معاجبتني حيل احم اكول مامه

انتصار" كولي يمه

جلنار" مامه ليش مانروح للدكتور وضعج حيل معاجبني حته ضعفانه

انتصار" لا مامه ميحتاج اذا تعبت اروح

احمد" خير شبيج

انتصار " ما بيه شي خويه

احمد " اذا مريضه باجر العصر اخذج للدكتور

انتصار" تسلم بعد اختك ما يحتاج

جلنار " مامه اني راح انوم الجهال وانام محتاجه شي

انتصار " لا ما محتاجه شي سلامتج

جلنار " عفتهم وكمت للغرفه قفلت الباب ونومتهم
طبعن هنا قررت اكتب كلشي يصير وياي
كمت للخانه طلعت الدفتر الي

شتريته بيوم جبت نتيجتي بس بعدني كلشي ما كاتبه بيه ايصير لونه بنفسجي وبيه قفل قررت اليوم اول يوم اكتب بيه

جان يوم 16بشهر ال8 طلعت اول صفحه من الكتاب وبديت اكتب عن هذاك البيت

كتبت بيه اشلون ضحى انكتلت وخوفي من حسينه
وكلت اتسميني الصفيره وكتبت عن مامه انتصار
نهايت الورقه تذكرت غضنفر

كتبت حرف ال غ وكتبت يمه أشتقت لك ايها البعيد
ضليت صافنه رجعتني الذكريات قبل
لزمت الكلاده مالتهه ليش مو راضي يطلع من عقلي

صار اكثر من 4 سنوات يمكن وين هسه انت
حققت حلمك لوبعدك اووف

سديت الدفتر ورجعته جوه هدومي ونمت نومه طويله
كعدت الصبح تنضيف وكذا الضهر بدلت ولبست حجابي ورحت الهم

لكيت الباب مفتوح شوي فتحته ودخلت جوه
رحت على غرفه البنات لكيتهن نايمات

طلعت من الغرفه حته اشوف ضحى وينهه
رحت للمطبخ لكيتهه تنضف بيه جانت مطيتني
ضهرهه احمم ضحى

ضحى" جنو هلا بيج ليمته اجيتي

جلنار" هسه اجيت شبيج اشبيه وجهج

ضحى" هيج قلبي ما بيه شي

جلنار" ضربج مو

ضحى" لا وكعت

جلنار" تره سمعت البارحه صريخج وصياحه

ضحى" تعالي للغرفه نكعد

جلنار" تعالي سولفيلي طلعنن من المطبخ ورحنه للغرفه
دخلنه وسدينه الباب اول مكعدنه كتلهه

اكول عمتج وينهه اشو من اجيت ما شفتهه

"يمكن طالعه للسوك مدري وين اخذي راحتج مجد بلبيت

" اكول ضحى حباب سولفيلي ليش صباح هيج
يضرب بيج شنو السبب

"سالفه طويله

" سولفيلي ما طول محد بلبيت

"بس وعديني كولشي احجيه الج متسولفينه لاحد

" اي سولفيلي وعد ما اكول الاحد

"اسمعي جنو صباح عاشطفوله حيل صعبه
واني اشهد بس هوه انجرف لطريق الغلط

" اشلون يعني

" ابو صباح جان يعذب بيهم كل يوم يكتلهم كتله
ام صباح عانت منه حيل وبسبب الضرب والتعذيب
صباح صار يكرهه ابوه حيل

وكل ميشوف امه تتعذب يزيد خباله
وكبر صباح وصار يتعذب اكثر ضل ياخذ حبوب بلبديه
هنا ابوه تمرض ضل محد راعاه

جانو عايشين بلشقق وشقتهم جانت عاليه حيل
واني شفته بهاي اعيوني جامو هوه وابوه واكفين
على البلكون وابو صباح ضرب صباح راجدي

هما صباح تخبل ودفع ابوه وكع من فوك
وبيومهه اجت الشرطه وحققو وعمتي كالت الهم
محد جان بلبيت وهنا مات ابو صباح

بعد فتره اجتعمتي طلبت ايدي من عمي لان اهلي متوفين وعمتي كلت لعمي نزوجهه وعمي قتنع
وبيومهه رفضت ومن رفضت انكتلت من عمي بحيث

جنزاني وقررت اوافق قبلت على صباح واني بعمر صغير
جابوني عروسه لهذا البيت بس عروسه لمجرم
واول يوم عرسي رفضته وكتله اني شفتك هيج

سويت بابوك هوه كتله هيج لو تخبل
نزل عليه مسبه وضرب وبعدين مدري شنو طلع
من جيب الستره وشتماهه بخشمهه

هنا فقد وضل يهلوس بيومهه جنزني
وضل كلما ياخذ حبوب لو المخدر** يتخبل عليه

وينظل بيه ضرب واهاين وعمتي ساكته متحجي ابد ملتهيه بشغله

"ضحى انتي اشلون اتحملتي كل هذا ليش مشتكيتي عليه سويتيلج حل عمتج شنو تشتغل

" لي كوليلي اني شوكت طالعه من البيت
عمتي تشتغل بلسحر والشعوذه من زمان مو من هسه
صدكي وصلت بيهه مرحله تكفر وتعبد الشيطان

"لا لاا مو معقوله لهل الدرجه

" جنو صدكي شما تحاولين اطلعين من هل البيت افضل الج ما ايدج تبقين بهل البيت راح ياثر عليج هواي

جلنار" يا ريت اكدر اطلع منا بس انتي والبنات
ابوي يذبحني ولله تدرين اني خفت من حسينه

جفلنه اثنينه من الصوت الي فززنه جاي من الباب......

____

يتبع....

ليش تقاعلكم قليل 🥲 محبيتو القصه 🌚

لا تنسون التصويت والتعليقات حته نستمر

توقعاتكم.....