الفصل السادس

رواية جثة مجهولة الجزء السادس 6 بقلم سوزان عبدالله جثة مجهولةرواية جثة مجهولة الحلقة السادسة وقفت عشان اخفي اي حاجة تثبت اني السبب كالعادة بس ، مقدرتش ولقيت الدنيا بتلف بيا كنت بقاوم الدوخة اللي حصلتلي ، سواد حصل قدامي اصوات شوشرة ف وداني واحدة واحدة محستش بنفسي …………. إياد

دخلت بسرعة لقيت ج’ثة متغطية جريت عليها وشيلت الغطا وانا ايدي بترتعش بس المفاجئة اني ملقتش مريم ، اتنهدت بالراحة بس فوقت ع ايد ياسين صاحبي وهو بيطبطب ع كتفي مريم مش القت’يلة ، مريم …اتنهد بحزن ، مريم للاسف هي القا’تلة زقيت أيده بصدمة وانا شايفها واقعة ع الأرض وبيحاولوا يسعفوها جريت عليها اشوف فيها حاجة ولا ايه اللي اذاها وجابها هنا ياسين شدني -فوق ياإياد ، هي المج’رمة محدش اذاها هي اللي كانت بتأذي

انت بتقول ايه ، انت مصدق نفسك ، دي مريم اللي كنت بحكيلك عنها ، كانت بتساعدني دي خطيبتي حب حياتي ، دي هتبقا مراتي كمان شهر وانت جاي تهزر معايا ف الوقت ده مسك ايدي ف زقيته وجريت ع مريم تاني ، وانا بسأل المسعفة بلهفة -هي كويسة؟ في حاجة ف جسمها مأذية هزت راسها ب لا لا يافندم ، هي كويسة، بس ضغطها كان عالي نتيجة عصبية شديدة ف ده اللي خلاها تغمى عليها من شدة الضغط بس هي شوية وهتفوق رد ياسين عليا

لازم تصدقني ، كل حاجة ف المكان بصماتها عليها ، حتى السكينة اللي جنبها ، فوق ياإياد ، امسك نفسك وفوق كده اصلب طولك ، انت دلوقتي المحقق إياد ، لازم تفهم ده هزيت راسي برفض شديد وانا عيني احمرت من شدة الغضب وزقيته وجريت قصدها فضلت مراقبها لحد ماتصحا ، عايز اسمع منها مش هصدق غير كلامها ،اكيد هتقولي كده كانت مخ’طوفة معاه ، والمج’رمين هما اللي عملوا فيهم كده فضلت ابصلها لحد مابدأت تفوق ……………. مريم

معرفش فات قد ايه بس قومت ع صوت دوشة شرطة، صحافة ، وإياد قاعد قصادي بيبصلي بحزن وصدمة ،حاولت استوعب في ايه، بصيت جنبي لقيت جثة طالب عندي ، افتكرت عملت ايه ، أنا مش مذ’نبة دي هي ، دموعي نزلت مقدرتش اتكلم وادافع عن نفسي ، طب إياد ، هيصدقني؟

هو اللي هيسلمني للشرطة ، أنا حبيته بجد ، الشخص الوحيد اللي حبيته ووثقت فيه ، بس هو ازاي هيثق فيا وهيصدقني ، كل حاجة ضدي ، أنا اللي عملت ده ، لا مش انا ده هي ، مين هيصدقك انتِ انا، وانا انتِ فوقي بقا ، صداع ، دوشة ف دماغي ، دوخت ، كنت بتمنى اكون ف حلم ، الدوخة بتزيد حاولت اقوم بس مقدرتش ووقعت تاني ،السواد ظهر تاني صوت إياد وهو بيندهلي ، دموعي اللي ع خدي كل حاجة وقفت واغما عليا تاني … …………

صحيت ف اوضة غريبة لونها ابيض حسيت بقبضة ف قلبي بصيت لقيت إياد قاعد ف جنب مستنيني أصحا جريت عليه بسرعة. ومسكت ايده ، بس هو شد ايده بهدوء بصتله بصدمة إياد! مردش عليا إياد بصلي ، هتصدقني ؟ أنا مش وحشه ، مش انا اللي عملت كده، هي مش انا بصلي بإستغراب هي مين ؟ مكنش في حد غيرك هناك عارفة ، بس مش انا ، هي والله ، أنا مريم حبيبتك ، تصدق اني اعمل كده ، مش انا صدقني ، هي والله هي مش انا قام بعصبية وزقني بعيد عنه وشد شعره ،

هي مين ، أنا مش فاهم حاجة ، مريم حبيبتي اللي لقيتها جنب طالب مق’تول بطريقة بش’عة ، وكل حاجة تثبت أنها انتِ بصماتك ف كل حتة جس’مه والسكي’نة والعص’اية ، كل حاجة انتِ موجودة فيها ، هي مين قوليلي كان بيزعق ، كنت خايفة منه ، مكنش هيصدقني أنا عندي انفصام ف الشخصية قولتها ، وانا عارفة أنه مش هيصدقني ، محدش هيصدقني بصلي بصدمة انت واعية للي بتقوليه ، مدركة المصيبة اللي أنتِ فيها

لازم تصدقني ، أنا مش وحشه هي اللي وحشه أنا كنت بحاول اسكتها وهي اللي كانت بتجبرني هي مين ، فوقي يامريم مفيش غيرك هنا ، مفيش هي ، انتِ بس لا لا في هي ، شخصيتي التانية ، اقوى مني ، أنا مقدرش اموت صورصار ، هقدر أذي بني ادم بالشكل ده ، صدقني بالله عليك ، أنا مش وحشه هي اللي وحشه ، أنا مريم حبيبتك ، لازم تصدقني ضر’بني بالقلم وزقني بعيد عنه

-انتِ أق’ذر إنسانة قبلتها ، أنتِ يطلع منك كل ده ، انا حبيتك ووثقت فيكِ ، كنت بلجئلك عشان تساعديني اوصل للم’جرم ، وتطلعي انتِ المج’رمة اللي مفيش ف قلبك رحمة ، مكنش حد فيهم بيصعب عليكِ كنت مصدومة وبحاول اتحكم ف شخصيتي التانية عشان متأذيهوش بس انا ضعيفة دموعي بتنزل ، وانا شايفاني بتبدل ، من مريم حبيبته الهادية ، للشي’طانة التانية ، ضربته بالقلم ومسكت أيده وكانت هتكسرها صوتها تخن شوية ، قالتلك صدقها ، مصدقتهاش ليه

كان إياد مصدوم من اللي بيحصل ، شايف واحدة تانية غير مريم اللي يعرفها ، صوت تاني شخصية تانية ، دموع مريم بتنزل منها بس هي ثابتة ، في دموع بس في شر ف نفس الوقت فاق من اللي هو فيه وزقها جامد وضربها ونده ع الظباط اللي برا ، دخلوا مسكوني ، وهي بتعافر وبتشد ف إياد هقت’لك ، لازم تم’وت ، قالتلك صدقها ، مصدقتهاش ليه أنتِ مين ؟

أنا هي وهي أنا ، بس هي ضعيفة أنا قوية عنها ، أنا اللي باخد حقها ، هي مبتقدرش تتصرف ، بس انا بتصرف مكانها ، هي بريئة ، انا شيط’انة ، كان لازم تصدقها ، بس مصدقتهاش ، لازم تم’وت ،كنت بعافر بحاول اتحكم فيها مش عارفة ، إياد هيم”وت ، فوقي، فوقي بقا ، احنا شخص واحد فوقي لازم تفوقي ، لازم تساعديه ، مش مهم يصدقني بس مش لازم يتأذي ، كنت ماسكة دماغي وبزعق جامد لنفسي ، لازم تساعديه ، فوقي ، ابعدي عنه هو مش وحش ، ده بيحبني وانا

بحبه ، الشخص الوحيد اللي بيحبني ومأذنيش ، متأذيهوش ، كنت بصرخ ، كل اللي حواليا بيبصولي بإستغراب وقلق ، إياد حاول يقرب مني ، شخصيتي التانية زقته جامد ، بصيتله بقلق بس مش هينفع اقرب ، لو قربت هتأذيه ، أنا بحاول ابعدها عنه ، دخلوا علينا ممرضين ودكاترة

اصوات كتيرة ، حسيت بشكة إبرة ،واحدة واحدة لقيتني بقع ع الأرض ، اخر حاجة عملتها بصيت ل إياد بصة حزن حركت شفايفي بهدوء أنا اسفة انا