الفصل الرابع

رواية جثة مروة الجزء الرابع 4 بقلم محمود الأمين جثة مروةرواية جثة مروة الحلقة الرابعة

لكن اللي اتقال في المكالمة دي، اكد شكوكي في الشخص اللي ساعد القاتل على ارتكاب الجريمة.. الدكتور صفوت لما تهدد ببنته قال ان هو هياخدها ويسافر البلد ويبعد عن اي مشاكل، والدكتور صفوت اساسا من الشرقية ولكن وهو في الطريق شاف سعيد العريس اللي مراته مروة اتقتلت قاعد مع واحد، وسعيد ده بيديله شنطة فيها فلوس.. حاول يفتكر هو شاف الراجل ده فين قبل كده ووقتها اتصل بيا وبلغني بالكارثة دي

طلبت منه يكمل في سكته ويرجع على الشرقية وميخليش حد يشوفه منهم.. ورجعت بصيت لصاحب المحل الخاص ببيع السكاكين وطلبت منه مراجعة الكاميرات ومن الحاجات اللي عجبتني في المحل ده انه لما بيصدر فاتورة بيكون فيها اليوم والتاريخ والساعة وعشان كده كان سهل عليه يجيب اليوم والتاريخ والساعة عشان نعرف مين الشخص اللي اشترى السكينة

الراجل بدا يراجع فعلاً وانا قاعد جنبه لحد ما وصلنا لليوم والتاريخ والساعة ووقتها الكلام اللي قاله الدكتور صفوت تطابق مع الفيديو اللي قدامي عشان اللي دخل من باب المحل كان سعيد، سعيد هو اللي قتل مراته.. بس ليه عمل فيها كده؟! اخدت نسخه من تسجيلات الكاميرات ورجعت على مكتبي وطلبت من الرائد ادم يجيلي على المكتب.. ومفيش خمس دقايق وكان قاعد قدامي على المكتب، كنت ساكت مش عارف ابدأ كلامي منين؟! .. وساعتها هو اتكلم وقال

_في ايه يا باشا.. حضرتك عاوزني عشان تقعد ساكت كده؟! = ليه يا ادم؟ _ليه ايه يا باشا بس انا مش فاهم حاجة؟!

_لا انت فاهم كل حاجه يا ادم، وانا اللي كنت غبي ومش فاهم محدش غيرك كان يعرف ان الدكتور صفوت بلغني عن الرسايل اللي بتوصله عشان سبحان الله الراجل يتعرض لمحاوله قتل بعدها باقل من نص ساعة وتحاول عربية من غير نمر تخبطه، والحاجة التانية اللي خلتني اتاكدت ان انت، شكوي مدير المستشفى اللي كان بيشتكي من العسكري عشان بيشرب سجاير كتير، ودي النقطه اللي انت عرفتها لشريكك عشان يستغلها ويبعت العسكري يجيب سجاير غاليه لنفسه ويدخل عشان يخلص على مروة بس تصدق انا كنت غبي فعلاً، متحولش تنكر انت متصور صوت وصوره وانت بتاخد المكافأة من سعيد والاحسن ليك دلوقتي تعترف وتقول الحكاية من اولها

= كنت مراهن على ذكائك، وكنت متأكد انك هتكشف كل حاجة وانا هتكلم وهقول كل اللي عندي بس لازم تفهم ان زي ما الدكتور صفوت عنده بنت بيعالجها من الكانسر، انا كمان عندي امي اللى راقدة ما بين الحياه والموت وكان لازم اقبل العرض واستغل الفرصة.. الموضوع بدأ لما قبضت على وليد اخو مروة في قضية تعاطي ولما عملت تحريات عنه عرفت موضوع الميراث وان اخته معاها فلوس زي الجبل، وفي قعده فضفضه مع مخبر كنت زرعه في الحجز وبسبب المخدرات اللي

بيشربها قال ان اخته بتحرمه من الميراث وانه يعرف سر عنها لو اتعرف هتتقتل، وهي انها كانت على علاقه مش كويسة بشريف وهو شافهم مع بعض، ولكن عشان شريف كان ندل رفض يتجوزها بعد عملته، ولكن في الوقت ده سعيد شاف مروة وعجبته ولما عرف الورث اللي ورثاه والفلوس اللي على قلبها قرر انه يتقدملها.. واهو يبقى ينول من الحب جانب، وقتها وليد بلغ سعيد الحقيقة كلها.

وسعيد لما عرف الحقيقية فكر انه يلعب اللعبة دي وانه يخلص على مروة واللي يلبس الموضوع شريف، اللي اكيد زعلان ان اخوه اتجوزها وكمان بسبب محاوله الاعتداء عليها.. وبكده سعيد يقدر يستحوذ على الورث.. كل الكلام ده بعبع بيه وليد في الحجز وهو مش في وعيه

وده اللي انا استغليته وكلمت سعيد ولما اتاكد اني عارف اللي بيدور في دماغه اتفقنا ان هو يخلص على مروة وانا اساعده وابعد الشبهه عنه.. كل حاجه كانت متخططة تمام ولكن استعجال سعيد خلاه ما يركزش في الضربة اللي ضربها لمروة اللي حست ان سعيد عاوز يغدر بيها وضربته على دماغه ورغم انه كان دايخ الا انه قدر يطعنها طعنه واحدة وكانت حجته انها عملت علاقه غير شرعيه مع اخوه وانها كده بني ادمه مش محترمة والحجة دي كانت سبب المواجهة ما

بينهم، وبسبب ان مروة طلعت عايشة الحسابات اتلخبطت واتلعبكت، ولما حاولنا نخلي الدكتور صفوت يخلص عليها بعد ما عرفنا ظروف بنته وقولنا اكيد هيوافق لو اتعرض عليه مبلغ كويس ولكن اتفاجئنا انه ضميره صاحي وبلغك وساعتها حاولنا نخلص منه ولكنه فلت منها

وكل اللي كنا خايفين منه ان مروة تفوق وتتكلم وكده المعبد هيتهد على اصحابه، ولما عرفت ان العسكري حريقه سجاير خليت سعيد دخل المستشفى وضغط عليه عشان يجيب سجاير ليه ولنفسه وطمنوا ان مفيش حاجه هتحصل والعسكري الغلبان سمع كلامه عشان يدخل ويخلص على مروة.. بس اغبى حاجه عملها سعيد هي انه كان عاوز ينتقم من الدكتور صفوت لان هو اللي خلاك تفتح عينيك على القضية ورفض يسمع كلامي

وبعد ما بقي سعيد بره دايره الاتهام، كان ان الاوان اني اخد حسابي، فاخدت منه جزء وقال ان الجزء التاني بعد ما القضية تتقفل ويقدر ياخد الميراث بتاع مراته مروة _الشيطان نفسه ميفكرش في تفكير الابالسة ده.. لا حول ولا قوه الا بالله

قبضنا على سعيد اللي في البدايه انكر كل حاجه قالها الرائد ادم وقال ان عمرهم ما اتقابلوا وان اول مره شافوا يوم محاوله قتل مروة وان كل الكلام ده تخاريف، ولكن الدكتور صفوت كان صورهم مع بعض وهو بيدفعله جزء من الفلوس اللي اتفقوا عليها.. ولما شاف الصورة اعترف بكل حاجة وقال

الفقر وحش وانا عشت طول عمري في غم وقرف وفقر.. ولما الفرصه جات لحد عندي عاوزني اضيعها.. شريف كان هيدفع تمن غلطته هو اللي عمل معاها علاقه غير شرعيه ورفض يتجوزها وكان لازم ابين ان مروة كانت بتتعرض لمحاوله اعتداء وعشان كده اثناء ما انا بتخانق معاها وبضربها قطعت كذا جزء من هدومها ولولا الضربه اللي اخدتها على دماغي منها، كانت ماتت من اول مرة ولكن تقول ايه يا باشا، مكتوبه اننا نتكشف

= انت عارف لو وليد مكنش حكي حاجه في الحجز وهو شارب ومتدهول كان ممكن خطتك تمشي تمام، ولكن تعمل ايه في ربك اللي مش بيرضى بالظلم اخوك يضحك عليها وانت تقتلها وكل ده عشان خاطر الفلوس.. يا اخي حسبي الله ونعم الوكيل اتاخدت عينه دم من سعيد وتطابقت العينه مع عينه الدم اللي تواجدت في الشقه اثناء محاوله القتل الاولى

اتحول سعيد والرائد ادم وكمان شريف للمحاكمة.. سعيد وادم كانوا متهمين في قضية قتل مروة.. وشريف اهل مروة اتهموه انه اعتدى على بنتهم بالغصب يعني قضيه اغتصاب واتحكم على سعيد باحاله اوراقه لفضيلة المفتي، وعلى ادم ب 10 سنين سجن.. وعلى شريف ب 15 سنة ولكن وهما خارجين من المحكمة.. واحد من عمام مروة ضرب نار على شريف وخلص عليه وكان بيقول انت اللي اعتديت على شرفنا وده حقنا منك

مش عارف هتشوفوا النهاية عادلة ولا لا، ولكن القضية دي وضحت الندالة والكره والغل اللي في نفوس البشر.. وكان لازم دي تكون نهاية الظلم. تمت لو عايز الرواية كاملة اضغط على : (رواية جثة مروة)