رواية جيت مابيك تحقرني جيت أبيك تعز شاني الفصل الرابع والتسعون 94 - بقلم r010ee

: طلعت عشان ترجعها بيتك رجعت وأنت منفيها من حياتك بالمرة .......

ماحب نظرة الشماتة سحبها من يدها ومشاها معاه وهو يقول :نخليكم على راحتكم

أول ماطلعت للصالة سحبت يدها من يده وطالعته بتحدي ...

ابتسم على جنب ونزل نفسه وهمس لها:مافي أحد بنفيها من حياتي غيرك وبقناعتي ...وحطي شيء بيألك عبير الظروف حدتنا نفترق وأنا ابيها وهي تبيني وأنتِ أكثر وحده كان شاهده على حياتنا

رفعت حاجب وهي مقهورة من كلامه ورده الوقح بس حاولت تنتصر شوي لكرامتها : لا تنسى أنا اللي سعيت له من البداية

عصب من قلب بس حاول يمسك نفسه
بذات بوجود عمها بالمجلس مايبي صوته يطلع جلس على الكنبة وهز رأسه بآسف : يعني معترفة بوقاحتك

الشموخ عارفة ان كلامها قوي اللي قالته ولهو بمصلحتها ...بس خلاص
تعبت وهي تسكت انسحبت للغرفة وطلعت وهي لابسة العباية وسحبت الشنطه ...وقفت قريب منه وقالت وهي رافعة رأسه بشموخ : أنا جاهزة

طالعها يحس نظرة الشموخ والغرور اللي يكرها
رجعت لها ...معقول كل ذا ..الثقه رجعت لها ليه طلقت عبير ...لا يالشموخ ماهو عناد اللي ترفضيه أنتِ استرخى على الكنبه : وقت ما أقررر نمشي

الشموخ رفعت حاجب مصدومة : تذكر أنك قلت وقت ماصحى نمشي ايش تغير آللحين

عناد ببرود : غيرت رأي ايش عندك

الشموخ ابتسمت بخبث وقربت منه ونزلت نفسها وهمست له :قول ماتقدر ياعناد تنفيني من حياتك أعترف ليه المكابرة وعدم الاعتراف

انتفض من القهر جالسة تستفزه عشان عارفة
بحبه لها وماهو سهل عليه انه يتركها همس بحده :الشموخ لا تحديني على اقصاي بوجود عمك

الشموخ رفعت نفسها وبسخرية :ايش هو اقصاك تمد يدك مثل العادة الحقيرة اللي تسويها عادي متعودة... ولا تسمعني كلام سم مثل كل مرة ...بقولك خلاص شبعت ومعاد يآثر فيني تدري ليه لأني فعلاً بريئه وشريفه

عناد عقد حواجبه مستغرب وش ذي القوة
المفأجاة طلعت عض شفته بقهر :اقلبي وجهك عني اللحين يا أم الشرف و لا تفضحينا بوجود عمك

وسكت وهو يسمع صوت أمه العالي ....

طالع الشموخ بحده يوم قالت :والله ماتستاهل عمي صقر

رفع يده بتهديد :لا تحشري نفسك بالسالفة
وعمك غلط بحق أمي ومهما سوت معذوره

قاطعته بقهر : كلكم ناكرين جميل أنت على أمك
نسيت هو اللي وصلك للي وصلت له حالياً

مافيه يتحمل كلامها أكثر بعصبية : تخسين
وتعقبين وصلت له بتعبي صح ماقصر معي بس ماكنت أخذ ولا ريال منه ولو أخذت ارجعه وهذا هو عندك يقولك

الشموخ تكذب لو ماخافت منه يوم عصب
بس والله ماراح توضح له ...خلاص هي خاربه خاربه بينهم تبرد قلبها لو شوي من اللي سواه فيها
شافت عمها طالع وهو معصب ليه ماتطلع هي
من حياته وهي رافعه رأسها أفضل مايطردها منها مذلوله وتجلس تحت رحمته وقت مايقررر على قوله ينفيها ..صرخت بصوتها كله وهي تركض وتحتمي وراء عمها : طلبتك ياعم ان تأخذني معك
وبسرعة استخبت وراه وهي تطلب فزعته

أبو مصعب عقد حواجبه مستغرب : بسم الله ايش بينكم أنتم بعد

عناد انصدم صدمة عمرة ماتوقع واحد بالمية
تسوي كذا قال بسرعة وهو يحاول يسبحها من وراه : مابينا إلا كل خير أنت توكل اللحين وصدقني بقنع أمي ترجع لبيتك بس سكت يوم صرخت الشموخ منهارة : تكفى ي عم ماتخليني تحت رحمته مابيه مابيه

لا لا ذي زودتها بالمرة تعوذ من إبليس وهو يطالعها بتهديد وتحذير يبيها تفهم ان ماهو بصالحها
لو وصلت لعمها... اللي بينهم بس أبد جالسة تصيح وتتكلم عليه يحسها... فعلاً منهارة ولا هي بعقلها
خاف لا تفضح السالفة... هو يالله قدر يلم السالفة
عند أبوها مافي يقدر يبرر عند عمه صقر ..
قرب صوبها وهمس لها : الشموخ خلاص اهدي وصدقيني مايصير إلا اللي يرضيك وبنفسي بوصلك وعد ... مد يده بيمسكها بس صرخت معترضه

: لا تقرب لا تقرب فاهم لا تقرب مابيك والله مابيك ومسكت بعمها تكفى خله يطلقني وصلني أنت لأبوي مابيه هو يوصلني

أبو مصعب أشر لعناد مايقرب و ضمها وهو يحاول يهدي عليها وهي ترجف بيده : بسم الله عليك يبه خلاص هدي هدي والله مايصير لك اللي تبين وطالع عناد بقهر وصرخ عليه : وش مسوي فيها عشان توصل لذي الحالة حسبي الله عليك ماهقيتها منك والله

عناد يحس الموضوع فلت من يده فعلاً
ماقدر يرد او يبرر ..اللي يهمه اللحين الشموخ ماتروح معاه ...

الجوهرة طلعت من المجلس على اصواتهم وهي تشوف الشموخ بحضنه همست بقرف :باقي أنت هنا وبعدين وش ذا الدلع عناد خذ مرتك وخلي عمك صقر يروح ومن اللحين أقولك لا ترجع غير لما تنفذ اللي طلبته وتراه مايجي شيء في اللي سويته معي

الشموخ تمسكت بعمها وهي منهارة حدها : تكفى ياعم لا تخليني عنده هو وأمه والله مافيني عليهم

أبو مصعب بعصبيه وهو يطالع عناد والجوهرة : وش مسوين في البنت

الجوهرة بقهر هذا وقت الشموخ الله يأخذها بتخرب عليها بدلعها الماسخ : وش مسوين فيها يا حسره اقول الله يستر عليك وخلي الدلوعه ذي يربيها عناد
وضربت عناد على كتفه بقهر : خذ مرتك وخلي عمك صقر يتسهل ... لا تعطله

عناد قرب بيسحب الشموخ من عمها بس ماقدر يوم صرخت وهي تندس بحضن عمها انقهر حده يوم صرخ عمه صقر : حدك لا تقرب

عناد بقهر وهو يحاول يمسك نفسه : ياعم لا تكبر الموضوع

الجوهرة مصيبه ذي لو راحت معاه بتخرب عليها كل شيء مخططه له : ايه ياصقر خليها وروح ومالها إلا اللي يرضيها

صقر بعصبية : والله ماهو برجال لو تركتها تحت رحمة ولدك وطالع عناد ياحسافة افتكرتك رجآل
وبتكون لها سند

الجوهرة بقهر : صقر لو سمحت إلا عناد لاتنسى انه كان بار فيك أحسن من ولدك

عناد مافيه يتصرف الوضع تأزم حده ..حقده
على الشموخ زاد ...أبدماتوقع ذا التصرف منها وكان الأمور بيده وشلون فلتت كذا طالع أمه
اللي جالسة تزود السالفة :خليه يأخذها وش تبي فيها ماغير جالسة على سبدك بعد ماتركها ولد عمها وطالعت زوجها ولا ناسي ياصقر ان مصعب رماها بوسط الرجاجيل ولدي انقذكم وانقذ سمعتكم بس ياحيف مين يقدر اللحين جاي تطول لسانك على عناد اللي ماعمره غلط فيك

أبو صقر بقهر وهو يسمع صياح الشموخ زاد همس لها : لا تصحين وأنا عمك وبأخذك معي ولا يهمك
ومسكها بتملك وقال وعينه من عناد :وحنا اليوم نشكره ونقول له ماقصرت وانتهى معروفك هنا وبنت أخوي عندي مدام ماتبيك والله ماتقدر تأخذها ولا تفكر تستقوي عليها مدام أهلها ماهو بالرياض
أنا هنا فاهم أنا هنا وبقدر أخذ حقها منك ماعندنا بنات ينضامون

الجوهرة بسخرية جلست على الكنبه وحطت رجل على رجل : عشتوووو ناسي سوايك في النايفه

أبو مصعب بتوتر من تذكيره بسالفة النايفة : لا تخسريني يالجوهرة أحذرك اطلعي منها

الجوهرة توترت حدها فعلاً مافيه غيرها بيخسر
أفضل شيء تسكت وبعدها بتأخذ حقها منه هالشيايب بس اللحين لازم تصبر عشان تقدر تمشي أمورها حالياً معاه ومتأكده هذي المرة بتكون مفلسه مصعب وأبوه ..

عناد ماحب طريقة كلام عمه صقر توقع يكون أعقل من أمه ومايرد عليه بهذي الطريقة أخذ نفس يهدي نفسه مايبي يغلط مهما كان هذا بمقام أبوه ويعزه ومايرضى انه يقل أدبه عليه :ياعم تعوذ من إبليس وهذا شيطان دخل بيني وبين مرتي والحين مالها إلا اللي يرضها أنت بس اتركها وبعرف احلها بيني وبينها ولو صملت برأيها بنفسي اردها

الشموخ هزت رأسها برفض وهي تتمسك بعمها :
لا ياعم تكفى ماتتركني خذني معك لما أبوي يجي يأخذني

عناد بقهر : خلاص خلي عمي صقر وأنا بوصلك بنفسي قلت علامك ماتفهمي

الشموخ :لا لا لا ضمها عمها صقر وطالع عناد بحده:خلاص يبه تطمني أنا اوصلك بنفسي ولا يهمك
بسرعة الشموخ فكت نفسها من عمها وسحبت الشنطه تحت نظرات عناد اللي تطق شررار
أخذها عمها من يدها ومسك يدها بتملك وطلعوو

عناد
مافيه يمنعها مدام عمه صقر حكم ...عرفت تسويها فيه ذي المره ...آه ذبحته على الآخر بذات وهو يدري انها رايحه لمكان يكون فيه مصعب ..آه ياحرقة قلبه ...وياشماته فيه ..
طالع أمه يوم قالت وهي تضحك :رجعنا عزابيه أنا وأنت يالله فكه من البنت وعمها ...روق ياماما وعلي أخذلك اللي تسواها ..وبخبث اما الشايب ذا بخليه يرجع يطلب رضاي ويوافق على طلباتي كلها
وبرجع للعز... وهي تطالع الشقه بقرف ...

عناد
انسحب وطلع من الشقه وهو مخنوق يحس نفسه بصدمه هو اللي ناوي يردها ...لأهلها ...وبسرعة كل شيء يتغير ...بس يكذب لو يقول ماهو خايف عليها يحسها فعلاً منهارة وفاقده السيطرة على كلامها
فكر يروح ويأخذها بس متأكد ...السالفة بتكبر
أكثر وأكثر بذات مع وجود مصعب هناك
ماهو قادر على استفزازه له ضرب الدركسوون بقهر
وصرخ ببحه وقهر ... ليه ليه الشموخ تسوين فيني كذا .....فكر يدق بس عارف مستحيل ترد عليه
بذات وهي بذي الحالة ..فتح الرسايل وارسل لها
( فكري بعمرك قبل كل شيء قبل تغلطين بأي كلمة
ترى لو حاولت ارقع لك عند أبوك عمك ماقدر ولا تنسي وجود مصعب بنفس البيت اللي رايحه له اللحين وصدقيني اي غلطه منك بيرجع ويقول شوفوا يوم تركتها معي حق ) ارسله لها وهو شوي ويفقد عقله من العصبية والقهررر ...
يالله يحس بعجز ماهو قادر يتصرف ولا هو رجآل
يتركها يوم واحد في بيت عمها ........
قفل عيونه وسند رأسه على المقعدة وهو يصرخ بقهر: وش السوات اللحين لو رآح متأكد
بتكبر السالفة وعمه صقر بيعند أكثر
أفضل شيء يصبر لما بكرة وبنفسه يروح لها
ويأخذها غصب عنها .....

احوس بالمطبخ بقلق حتى العشاء مقدرت احضره ...من بعد ماقالت لي ميري ان عمي صقر رآح للجوهرة وطلب منهم ينظفون غرفتها ..أكيد ناوي يردها يارب ماترجع معه ..افف مابي اضيع وقتي خليني اسوي ..عشاء لمصعب
قبل يعصب علي ... بذات وهو طلبه بنفسه ...

بس فزيت مفزوعه وأنا اسمع صوت صياح يقطع القلب ..جاي من الصالة والصوت بعيد كل البعد عن صوت الجوهرة
رميت الصنية بالفرن .. وطلعت بسرعة .. بس انصدمت صدمة عمري وأنا أشوف عمي ضام بنت ويهدي عليها ... وهي معطيتني ظهرها ماهو واضح لي مين بالضبط ..وأبد لا طول ولا نحف الجوهرة ولا بعد طول سوسو وجسمها المليان هذي متوسط طولها وجسمها ..
معقول ذي بعد من حريمه السريين يالله ياذا الشايب كم على ذمته ...كل يوم شكله بيسحب لنا وحده أكيد فضي له الجوو بعد الحيزبونه طلعت من حياته ... بس عندي فضول أشوف وجها قربت
وطلعت صوت احسسهم بوجودي وأنا خجلانه
بس الفضول ذابحني ...
بس انصدمت أكثر يوم بعدت عن حضنه وطالعتني وهي تمسح دموعها صغرت عيوني أتأكد من الوجه بدون حس صرخت : الشموووخ وقربت منها وضميتها وأنا قلقانه بذات مع صياحها اللي زاد وهي بحضني همست لها : ياعمرررري علامتس تصحين تسذا

بس ماردت علي أبد طالعت عمي يوم قال : خذيها لفوق ودخليها وحده من الغرف وخليها ترتاح وفكيها من الأسئله اللي مالها داعي اللحين

انقهرت من كلامه بس سويت اللي طلبه مني
ومسكتها من عند كتوفها وأنا هدي عليها : ياعمري عليتس وربي سبدي محروق عليتس وعلى صياحتس ذا رقيت فيها الدرج وهمست لها بوديتس غرفتي ترتاحي فيها بس بسرعة ابتعدت وقالت : لااااا غير غرفتك

استغربت من رد فعلها ...طالعت الممر بحيره مافي غير غرفة أم مصعب وهذي السكن فيها صعب والله يالبنت تطلع بدون عقل ... وباقي الغرف بعد مافيها اثاث معاد غرفة عناد رجلها بس أفضل شيء ماقول لها اخاف ترفض بعد يوم تدري انها له ... مشيتها للغرفة أول مادخلت ..الغرفة قلبي دق بخوف تذكرت اللي ...سواه فيني مصعب يومها وحرمت بعدها ادخلها ..بلعت ريقي ومديت يدي وساعدتها تبعد العباية وأشرت للسرير : ارتاحي اللحين ويجيتس العشاء اللي يحبه قلبتس
مسوية مكرونة متعوب عليها

سكت يوم أشرت بيدها ماتبي تمددت بالعباية ولفت رجولها ..وضمت نفسها قدامي وقفلت عيونها يالله منظرها يقطع القلب ..عضيت شفتي بقهر التسلب ذا وش مسوي فيها معقول ضربها طالعت وجها ويدينها مافي اي عنف واضح عليها ...شكله جسمها من داخل عليه اثار الضرب أكيد ما جابها عمي إلا مسوي شيء كبير فيها حسبي الله عليه من رجآل الله ينتقم منه ..توقعته عاقل ..لا وين عاقل إلا لئيم وهو جايب فوقها وحده حقيرة مثل عبير وهي ماتستاهل
طالعتها وأنا اسمي الله عليها فيه حد عنده ذا الجمال ويتبطر عليه صدق رجآل عيونهم فارغة

مشيت بهدوء وطلعت من الغرفة ... ونزلت بسرعة
ودخلت المطبخ وشيكت على المكرونة الحمدلله جهزت بسرعة غرفت له وأخذته واتجهت للمجلس ... وأنا اصيح على ميري تلحقني بعدول ..

مدري ليه عندي خوف من وجود الشموخ يوم يدري فيه مصعب ..خايفه يعصب لأني عارفة بعلاقته مع أبوها ...قربت منه وحطيت الأكل على الطاولة وقلت وأنا اطالع ميري حطي عادل وروحي حبيبتي خلاص نامي ..اليوم تعبتك معي

هزت رأسها بلاااا : أول اشوف شموخ بعدين ينام هذي مثل بيبي وطالعت مصعب أنت وشموخ فيه ربي أنا بس يو اجي هي كان صغيرة أنت كبير شوي

اخخخ ندمت اني كلمتها طالعت مصعب بسرعه بشوف رد فعله بلعت ريقي وأنا ابعد الطاولة بحذر مابيه يرمي اللي عليها بوجهنا انا وحضرة المربيه الفضيله الله يأخذها ورطتنا مع ذا المجنون بس ارتحت شوي يوم قال وهو متسغرب : الشموخ هنا
ليه

ميري هزت رأسها : ايه هنا يالله انا اروح اشوف مسكين يبكي وبعدين فيه يقولك

اصايل وبعد بترجع تقوله ودي اذبحها ذي الميري يعني لازم تخبر مصعب بكل شيء ليت نانوو اعطتها شوي من حكمتها وعقلها ....

طالعت مصعب يوم سأل :تبكي ليه

بسرعة قلت :متهاوشه مع رجلها ورفعت حاجب اكيد كل بيت به مشاكل واللحين قصدت عمها لما ترتاح شوي وترجع بيتها وطالعت ميري ابيها تذلف
بس انصدمت يوم رجع يسألها بغباء :ماعرفتي السبب ياميري

انقهرت وقلت : تقولك من أول ماتعرف علامك ماتفهم

ميري : ايوه بس يعرف اقولك

مصعب طالع اصايل بقهر : تمام اي شيء تعرفيه قوليلي عنه طيب

اصايل حسيت بقهر اللحين مدري ليه توقعت يعصب ماتوقعت يهتم بعد ويسأل قربت منه الأكل وهمست : ماشاءالله مهتم

مصعب رفع حاجب وهو فاهم عليها قال بقهر : والله لو يطلع فعلاً عناد هو سبب زعلها وطاردها مثل ماتقول ميري قسم بالله اذبحه اللليله

اصايل انقهرت من فزعته اللي مالها داعي ضربته على رجله : ايه فيك حيل مره تروح وتذبحه يالمحرول ... أقول بلا هياط بس شوف حالتك تسيف أول وبعدين وش ذا التبلبي متى قالت ميري انها مطروده

عض شفته بقهر من كلامها :والله مايردني لا جبس ولا كسور بس خليني اعرف ايش السبب بالضبط

اصايل صرخت بعصبيه : وش دخلك رجآل ومرته
وعادي تحصل وأنت أكبر مثال ياما زعلتني وليومك ذا اتحمل منك اللي مافي أحد يتحمله اهجد بس ولا تدخل بينهم

مصعب : إلا بدخل وبربيه ولد الجوهرة هو يحصل له يناسبنا وأنتِ احمدي ربك بس وانثبري غيرك يتمنى مكانك بس وش نقول متبطره على النعمه

اصايل رفعت حاجب بقهر : ياسلام من ذي اللي تتمنى ودي اعرف

مصعب بخبث :واجددد

اصايل انقهرت حدي مديت الملعقه له وقلت :اطفح يجعله مايحدر قال ايش متبطره على وشهوو ياحسره

مصعب صغر عيونه : اصوله لايكون غيرانه

اصايل بدون حس : من مين اغار من الشموخ وهي مثل أختي والله اني اعزها ولها غلا بقلبي

مصعب فتح عينه بصدمه : مسرع صارت مثل أختك وانتِ بس شايفتها مرتين

اصايل الله يأخذني وش هببت :من وقت ماجت تزور الجوهرة دخلت قلبي

مصعب بخبث : وأنتِ الصادقه من يوم ماحضرتي زواج رجلها وضحك بصوت مستفز وهو يشوف وجها وشلون انخطف وقلب فجأة كمل بخبث ترى دريت يومها نسيتي ...

اصايل يالله وشلون نسيت انه يدري اني حضرت زواج عناد والتسلب مشى لي كذبتي يوم قلت شفتها يوم زارت الجوهرة قلت بتلعثم : نسيت عن روحتي للزواج خلاص يعني كفرنا افففف

مصعب ابتسم بسخرية : لا مدام مبتليه بصفة الكذب ليت ربي بعد رزقك ذكاء عشان على الأقل ماتنحطي بذا الموقف ... وتقدري تخلصي نفسك بحرفنه غبيه مثلك ماشفت
قال ايش جت تزور الجوهرة ترى مشيتها يومها لك بكيفي وأنا عارف انك كذابه بس مالي مزاج وقتها افشلك ....

اصايل غبيه غبيه صدق ...وشلون نسيت عن سالفة
الزواج انه يومها عرف يالله من كثر المصايب اللي صارت لي من وقت مادخلت ذا البيت معاد صرت اتذكر او بالاصح مابي اتذكر ذا اليوم واللي صار لي فيه قلت بتصريفه : أنت اللحين حاب تعاقبني
بسالفة مضت عليها شهور يالله يالنكد اللي تدوره دواره

مصعب طنشها وقال :الكلب وش مسوي فيها
ودي اعرف الحافي ذا يحصله مثل الشموخ والله يبي مين يفرك خشته بالأرض

اصايل ودي اذبحه يعني مايشوف سواته فيني : لا تنسى أنت تركتها وهي بنت عمك ورخصتها له

مصعب ابتسم بخبث : كنت غبي

اصايل بدون حس صرخت : والله ماغيري غبي في ذا الحياة كلها ..وأخذت ولدها وطلعت وهي تسمع صوت ضحكته وينادي عليها
عشان ترجع بس مجنونه لو تجلس تسمع كلامه
بسرعة رقت الدرج وطالعت الغرفة اللي جالسة فيها الشموخ وتعوذت من إبليس ...هذا خبيث بيوقع بيني وبينها ...البنت مالها ذنب وأنا فعلاً بكون بلا أصل لو فكرت ...فيها بذي الطريقه
فكرت تروح لها بتشوف أكلت من يد ميري ولا رفضت ...قربت من الباب وفتحته بشويش كانت الغرفة ظلام ....رجعت لوراء وقفلت الباب بحذر
بكره وخيررر ... أول مادخلت غرفتي نيمت عدول
على السرير ...وجيت بغير له ملابسه رن جوالي طالعته شفته رقم مصعب ... عصبت لك وجهه تدق تقلع والله مارد عليك ...كملت تبديل الملابس لعادل وجلست على السرير ...وانا للحين معصبه
رجع دق سحبت الجوال وقفلته ...وهمست بقهر خلي الواجد اللي يتمنونك ينفعونك ....فزيت يوم سمعت صوت المطر ينزل بغزاره يالله الجووو اليوم من الصبح يمطر
وقفت قدام الدريشه اللي تطل على الشارع بس انصدمت يوم شفت مصعب طالع وبيده العكاز وبجنبه واحد مسانده ...صرخت بقهر وين رايح هالمجنون
حسيت بندم ليتني رديت عليه وكاد كان عرفت
وين بيروح ...معقول بيروح لرجل الشموخ ...
مستحيل ...يروح له كذا بدون مايعرف شيء ولا البنت تكلمت للحين وعرفنا وش بينهم ...مسكت على قلبي بخوف أجل وراه مصيبه امس طلع والحين طلع ....أول ماضرب رعد قوي حسيت بخوف ...
رديت الستارة بسرعة وابتعدت وجلست على السرير ...يعني مايكفي خوفي من الجوو يقوم يزودها علي مصعب ...و كل مازاد صوت الرعد احس قلبي بيوقف من الخوف ..يالله مستحيل اجلس بلحالي
رفعت جوالي ودقت عليه أول مارد قلت بسرعة : مصعب وينك ارجع بموت من الخوف

بفزع : ايشش صار

قالت بسرعة تطمنه : لا بس خايفه من الجوو

زفر براحه : ابلشتينا ترى بخوفك

: مصعب حرام عليك تدري فيني اخاف والله تكفى ارجع

قاطعها : خلاص كلها ساعة وجاي قفلي اللحين

نزلت الجوال ..وعيني من الدريشه بين كل دقيقه ودقيقه تنور من البرق وبعدها يضرب الرعد سبحان الله رفعت يدي يارب الطف فينا يوم ضرب رعد قوي صرخت بمكاني وأنا اضم ولدي ...
@
@

رايح بطريق المزرعة يحس نفسه مخنوق
طالع جواله يوم وصلته رسالة فرح افتكر منها فتحها بسرعة عصب يوم شاف المرسل والمكتوب ( يالرمة مدام ماهو قدها ليه دقيت الصدر يومها ) شد على الجوال بقهر .... لا لا لا ماهو ناقص مصعب أبد آه قالها بقهر هالمره مارآح يسامحها على سواتها فيه كنت ناوي اريحك وارجعك لأهلك يالشموخ وينتهي كل شيء بس أنتِ اللي حديتني تحملي أجل اللي بيجيك من وراء تهورك ...
@
@
@
شقة عناد
تقلبت على السرير ..بس رفض النوم يجيها
شافت جوالها ينور برقم عزيز بس طنشت ماردت عليه ...كذاب جالس يلعب فيها ..شوي وصلتها رسالة منه ..فتحتها مثل العادة ...كذب بكذب
وهو مايبي منها غير الفلوس ..وكل مره تدفع له
مبلغ وقدره ...لما فلست ...تذكرت جية صقر
ياترى غلطت يوم عصبته وزعلته ...جلست
وهي تفكر ترجع له وتعتذر منه ...وتلعب ليه انها ماتقدر على فراقه ...ايه الحين زعل الشموخ كبر الموضوع
أكثر بينهم ...وياخوفي أخوه بعد يلعب عليه ويخليه يطلقني ...ينتقم لبنته من ولدي ....
عضت شفتها وشلون مافكرت كذا ...الله يأخذك يالشموخ يعني ضروري تلزقي بعمك .ذا الوقت بالذات
وقفت بسرعة وكلمت السواق يجي تعذر بسبة الجووو بس صرخت عليه والمسكين مابيده شيء غير يسمع الكلام رمت الجوال بعصبية ... وبسرعة أخذت اغراضها ...وكلها دقايق والسواق وصل نزلت وطلعت للشارع وهي تركض من قوة المطر ...أول ماوصلت دخلت الصالة كان الجوو هدوء ...راحت لغرفتها فتحت الباب بحذر ...شافته قدامها نايم قربت منه وهمست بدلع : صقر

طالعهاا مفزوع ومصدوم من وجودها رجع قفل عينه و فتحها يتأكد من وجودها بس اللي خلاه يتأكد صوت ضحكتها العاليه :لهالدرجة صقور ماهو مصدق وجودي

صقر عقد حواجبه : الجوهرة

الجوهرة قربت منه ومسكت يده : ايه الجوهرة
آسفه ماقدرت انام وأنت طلعت زعلان مني وبخبث شفت كيف أنت اللي غلطت بحقي وشوف أنا اللي في الأخير رجعت اطلب السماح منك

قال بزعل : بعد وشهوو بعد ماسمعتيني كلام يغث
ولا سوات ولدك في بنت أخوي

الله يأخذك يالشموخ قلت بتخرب علي قالت بسرعة وهي تحاول تقنعه : اسمع حبيبي أنا جيت هنا لأني عرفت اني غلطت بحقك يوم رديتك وتدري انك عندي شيء كبير ..بس سالفة الشموخ وعناد أنا مالي دخل ونزلت رأسها وصاحت بخبث ايش ذنبي بحياتهم رفعت رأسها وطالعته صقر ليت أقدر على فراقك بعد سواتك فيني بس شوف ماقدرت وأنت استغليت هذا الشيء وخنتني أكثر من مره وأنا اصبر وتزوجت علي في الأخير وقفت وهي تمثل لا لا لا صقر احسك فعلاً ماتبيني وشكلي غلطت يوم جيت لك بنفسي بس وش اسوي الله يقلع الحب اللي يرخص ويذل سحبت شنطتها اليد واعطته ظهرها بتطلع
بس ابتسمت بخبث يوم فز وقف بوجهااا : افاااا والله ياجيتك تسوى الدنيا ومافيها وحقك علي
وانا اللي اطلب منك السموحه

ابتسمت بغرور يالله مافي أحد قدها تقدر تلعب فيها على كيفها ميلت بدلع : تبي رضاي نفذ
اللي قلته

صقر عقد حواجبه : قصدك البيت ماقدر اعطيك هوو وأول قلت بكتبه بأسمك بس بعدها عرفت
اني بظلم مصعب

كان تكه وتضمن البيت يكون بأسمها بس مدري ايش اللي خلى ضميره يصحى فجأة وبعد يومها تصرفت بغباء يوم قالت لمصعب انه صاير بأسمها ويومها قلب الدنيا
عليهم وبعدها صقر تراجع ليتها مسكت لسانها
حتى توثق كل شيء رسمي قالت وقلبها محروق :
لا مو البيت

صقر بثقه : أجل تم طلبك من اللحين

الجوهرة بدلع مصطنع وهس ودها تتف بوجهه قهرها البعيد رافض يعطيها البيت : طلاق الخاينه
ورفعت يدها بتهديد والله لو مانفذته من اللحين اسحب روحي ومعاد بخليك تشوف وجهي

صقر بسرعة : اعتبريها مطلقه من هذي الساعة

الجوهرة ضحكت بشماته بصديقتها وفيه بعد
طيب بأخذ حقي منك ومنها والله ماهو الجوهرة
اللي تلعبون من وراها .رفعت يدها وقالت :. قول يارب ربي مايحرمني منك ....

صقر بضيق وهو يتذكر الشموخ : بس والله زعلان حدي على عناد
رفعت يدها وهي تمنعه يتكلم : اوش مالنا فيهم
تكفى طلعهم من حياتنا

صقر بحده : وشلون ناسيه انها بنت أخوي وطلبت حمايتي

الجوهرة افف ماراح نخلص يعني : تأكد أنا ماراح اسكت وبخلي عناد يجي
يراضيها ولا يردها لأهلها إذا فعلاً يعذبها مثل ماتقول
ارتاحت يوم سكت وماعلق اففف اخيراً ابتسمت بخبث : صقور ابي طلب منك قد كذا وهي تأشر بيدها صغير مره

صقر ابتسم مبسوط حريمه كلهم اللي اخذهم مافي أحد فيهم قدرت تأخذ مكانها :تفضلي اطلبي

الجوهرة :ابي سفرية تنسيني كل المشاكل اللي صارت
صقر : ابشري من بكره احجز لك واختاري الدوله اللي تبينها وتم ......

فكت شعرها وميلته على جهة اليمين وهي يقال مستحيه : الله لا يحرمني منك وقفت وهي ترفع يدها : بروح المطبخ تبي شيء
معي اجيبه لك
هز رأسه بلااااااااا
طلعت وهي تضحك ...غبيييييي
انصدمت يوم شافت اصايل نازلة مستعجله وبيدها ولدها قالت بسرعة : وين وين

اصايل انصدمت من وجودها : رجعتي وشلون

الجوهرة قربت منها وميلت بجسمها بستفزاز : ليه ماتبيني ارجع

اصايل كشرت بقرف : تبين الصدق اي والله مابيتس

الجوهرة عصبت من قلب من بقاحتها : على قلبك أنتِ وفاقد الأهليه

اصايل تعصب يوم تقول عن مصعب كذا
ندمت انها نزلت للصالة بس قالت وكاد تحس بقرب الخدم وعمها ومعاد اخاف ..
ماتوقعت واحد بالمية تشوف العقرب ذي قدامها
جلست على الكنب تنتظر مصعب يرجع وفيها حقد على أبو مصعب وشلون يرضى يرجعها وبنت أخوه شايفه الويل منها ومن ولدها ... انقهرت يوم شافتها تتمخطر قدامها بدلع ماسخ رايحه للمطبخ ...
ودها تقوم تعطيها اللي يحبه قلبها بس هي بحالة أبد ماتساعد ...رجعت تستغفر وتدعي الله يجيب مجنونها وتطمن شوي من ذا الخوف ...
طالعت عادل بحضنها حزنت عليه تبهذل ذا الولد معاها ...تحسه يعاني من وقت ماهو في بطنها
ضمته لصدرها وهي تهمس : ياعمـري
أنت بس بدأ يصيح ويتضايق ..رفعت الجوال بترجع تدق عليه أول ماسمعت صوته قالت بقهر : طولت حيل تعال بسرعة

مصعب قفل عيونه بصبر : يابنت الناس جاي بس شوي مشغول

اصايل بغصه : حرام عليك نفسي يوم تحس فيني
وسكتت وهي تشوف الجوهرة طالعه من المطبخ وتضحك بشماته : من جدك اصوله ترتجي منه يحس فيك ي عمري عليك بس ورجعت تضحك بصوت عالي

اصايل انقهرت تحسها ترفع صوتها عشان تعرفه بوجودها ...

قال بقهر وهو يسمع صوتها : رجعت الزفته

اصايل بقهر وهي تطالعها : ايه

الجوهرة بخبث وهي تعطيها ظهرها :سلميلي عليه

اصايل أفضل شيء اقفل قلت بتصريفه : خلاص مصعب انتظرك وقفلت