رواية جيت مابيك تحقرني جيت أبيك تعز شاني الفصل السابع والتسعون 97 - بقلم r010ee

طالع عادل وطالع الباقي يبي توضيح للي يسمعه
صرخ بعصبيه وهو يوجهه كلامه لعادل : اللي يقوله صدق
يحس توازنه اختل بسرعة مد يده وسند على الجدار وهو يتنفس بعصبية وبصدمه بنفس الوقت كثير عليه اللي انقال :عادل تكلم

بسرعة منيف تدخل : يكذب يكذب يامصعب تدري فيه خبيث يبي يتوهك عن موضوع الجوهرة
لاتنسى كلب من كلابها وبيضيعك والله

وطالع عادل يبيه يتكلم تنهد براحه
يوم نطق عادل بس التوتر واضح عليه ومصعب ذكي بيعرف كل شيء : مصعب تصدق هذا ال******
بس انقهر يوم قال عزيز :لاتحاولو تجحدو..... بس ماعطاه فرصه يكمل هجم عليه إلا ذا الشيء صار مايبي مصعب يدري عنه تحمل كل شيء عشان وعده اللي قطعه "لزوجته " ..وبعد يدري بثقل اللي صار ومتأكد خويه.. ماراح يتحمل... بيسوي مصيبه وبتوصل لدم ...
صرخ بجنووون ومعاد فيه .. يمسك اعصابه من استفزاز عزيز : ياكلب لاتكذب وبسرعة خنقه وهو فاقد عقله لا تكذب فاهم

بسرعة منيف مسك عادل ويحاول يبعده عن عزيز : عادل بيروح فيها وتتورط وهمس له انتبه تعصب أكثر ومصعب يصدق حاول تمسك نفسك
بس عادل كان معمي من القهر صرخ منيف وهو يشوف بندر واقف بوجهه مصعب .. صالح تعال سوي شيء ننقذ الرجال من يده

صالح قرب وهو متوتر عشان يفك عزيز من يد عادل

مصعب وهو يشوف عادل يضرب بعزيز يحس نفسه بحلم... ويتمنى هالشي.. ماصار ولا وصلوا لزوجتة إلا ذا الشيء مايقدر يسامح فيه ... طالع بندر اللي واقف بينه وبينهم وصرخ بحرقه: هذي الأوله يابندر هذي الأوله

بندر بسرعة قال وهو مرتبك : لا تصدقه يامصعب هذا خبيث وش فيك كذا أي أحد يقول شيء تصدقه على طول

مصعب صرخ بعصبيه : وشلون ماصدقه وشلون
لا تكذبون علي وتخدعوني أكثر

بندر بتوتر : أنت تدري أكثر واحد له مصلحه انه يوقع بينك وبين زوجتك وسكتتت يخاف يقول شيء ثاني ....يشك زيادة والأوله اللي اقصدها خدمتي لك بالتصوير اللي صورته لك وبعدها اعطيتك السي دي وضيعته

مصعب يحس موقفه صعب حيل ...طالع عادل وشلون دافع عن ...زوجته وبأي منظر كانت .. ماهو قادر ولا يتخيل ...شكل اصايل ...حس بقلبه بيوقف
أبد هذي... المره ماهو قد اللي ..صار ويحس فعلاً الجوهرة انتصرت عليه حيل وضربته ضربه موجعه ... طالع بندر يوم
حط يده على كتفه وقال: مصعب فكر بعقل لو مره اترك عنك عصبيتك الحين وحكم عقلك هالمره بس وخلي كل شي اللحين وروح وتخلص
من الحيه اللي في بيتكم لأني ماضمن لو تآخرت ساعة اي كلب من كلابها ينقذها والسي دي ذا يطير مثل كل مره انصحك هذي وجودها خطر بينكم وشوف كلام الزفت ذا وهو يأشر على عزيز
مدام قال انهم كان بيخطفون مرتك فهو في بالهم هذا الشي وبعد يمكن يتطور الوضع ويخطفون ولدك بسرعة الحق لا ينفذون اللي ناوين عليه
بس سكت
يوم صرخ مصعب : يخسوووون يوصلون
لأهلي وبسرعة ضغط على رجله وحاول يمشي ويقرب من عزيز بيموته اليوم وبعدها يذبح ال******* اللي هناك .. بندر استوعب كلامه وقال بسرعه وهو يوقف بوجهه ويحاول يبعده مايبي عزيز يحط بيده : مصعب هدي شوي أبد ماهو زين على صحتك صدقني

صرخ وهو يدفه : اي صحه ابعد عني

بندر بسرعة اختل توازنه وطاح بس منيف بسرعة وقف بوجهه مصعب وهو يقول : تكفى وأنا أخوك لا توسخ يدك فيه تراه مايستاهل

بندر وقف وقرب من مصعب وهو يحاول يمسكه مع منيف قال وهو يحاول يقنعه : أنت الحين روح
وبعدها تعال تفاهم مع هذا ال***** و صدقني بينحبس هنا حتى ترجع وبرد قلبك فيه هذا إذا ماخلص عليه عادل قبل تجي لانه كلامه اللي قاله يستاهل عليه ذبح

مصعب صرخ والغصه وضحت بصوته : لا تحاولون تنكرون الي صار

بندر عرف ان مصعب ماهو بعقله وموقفه صعب حيل والله يلوم اللي يلومه وبسرعة صرخ : صالح وصل مصعب
ونزل نفسه من عادل اللي للحين طايح طق بعزيز وفاقد علقه أكثر من مصعب ..همس له يبيه يستوعب : ياغبي هدي نفسك ولا تثبت الكلام اللي يقوله وبسرعة مد يده ورفعه وهو يصرخ يبي مصعب يسمع : من جدك عادل محروق دمك من كلام الحقير ذا تف عليه وهو يقول بسرعة قلعوه للمستودع حتى خوينا يرجع يصفي حسابه معاه كلامه كبير ويستاهل ذبح عليه وأشر لعادل عشان يقرب من مصعب ويهديه حتى يقدرون يبعدون عزيز مصيبه لو يوصل له وهو بذي الحالة بيصير جثه لو طاح بيده مافي قوه تمنعه وبعد كسر رجله بعد له دور ساعدهم يقدورن يبعدونه عنه
ويقدرن يتغلبون عليه إلا لو هو بصحته والله مافي حد يقدر يمنعه فيهم

عزيز صرخ : ماهو اتفاقنا كذا وهو يطالع مصعب

رفسه بندر خلاه ينخرس وصرخ : اي اتفاق بعد اللي قلته

عزيز بسرعة قال وهو ندمان ليته ماتسرع وانتقم منه اللحين يحس نفسه وقع بمصيبه ثانية :ايه أنا أكذب مصعب تراي كذاب لا تصدقني بس حبيت انتقم من الضرب اللي جاني وماقلت كذا إلا عندي أمر من الجوهرة تبيني أخطف زوجتك بس رفضت لا تنسى بينا قرابه وقالت بتقول لزيد يقوم بالمهمه والله هذا اللي صار وحاولت امنعهم والحمدلله قدرت
وعشان كذا قلت لك ... يقال بحرق دمك إلا زوجتك لا تعرضت لخطف ولاشيء وربي مقد صار بس مجرد خطه كان وماتنفذت ...أنا وقفت اهم

مصعب ودمه يغلي ..تف عليه وهو يصرخ ويحاول يفك نفسه من بندر ومنيف اللي مقيدين حركته ومانعينه مايقرب له : ياحقيررررر ماهو أنت اللي تقدر تمنعهم يوصلون لأهلي لا أنا اللي أقدر احميها منكم وتخسووون فاهم تخسووون توصلون لأهلي ...وأنا موجود بعيد عليكم

عادل وهو يشوفه وشلون منهار قرب منه بحذر وقال : مصعب تطمن مافي أحد يقدر يأذيك او يأذي أهلك اللحين الكورة بملعبك تكفى وأنا أخوك تصرف بذكاء ولا تضيع ذي الفرصه عليك والله بس لو تشك الخبيثه مجرد شك
انها لا تنقذ نفسها باي مصيبه ويروح تعبك هالمده
على الفاضي وأنت تدور على السي دي والكلب ذا والله مايطلع من هنا صفي حسابك مع ال******* وتعال تحصله ينتظرك تصرف بذكاء تكفى

بندر طالع مصعب بيشوف تأثير كلام عادل عليه
حسه شوي هدي ... فعلاً مافي أحد يقدر يهدي عليه غير عادل إلا هالكلام نفسه مكررر قاله هو وقاله منيف بس ولا كأنهم تكلمووا .. قال بتأكيد على كلام عادل : ايه اللحين نقلعه للمستودع لا يكون في بالك أنت الحين تسهل بس

منيف بخوف وتوتر : وش تقولون اي مستودع تبوونه ينخنق ويموت ونروح فيها كلنا ...بس سكت وتطمن يوم بندر غمز له ....

طالع مصعب اللي سحب نفسه من بين يدينهم وتسند على صالح يحسه ماهو بوعيه ...ولا مصعب مايتصرف بذي المواقف كذا
توقع اليوم يموت عزيز بيده ... لأول مره يشفق عليه ...كذا الله يأخذك يالجوهرة فعلاً حطمته على الآخر طالع عادل اللي تحرك بسرعة ومسك بمصعب بس مصعب بسرعة رفع يده يمنعه
عادل بضيق : لا تأخذ بكلامه الحقير تكفى ياخوي

مصعب
يحس الدنيا تلف فيه ...كان بتنخطف ومن مين من الحقيره ورجالها ...وهو وينه...الحين وضعه الصحي مايسمح له أبد انه يقدر يأخذ حقه من عزيز ويدفنه بمكانه ..بس بيعرف ..وشلون بطلقه وحده له وللزفته ولزيد... بيكون أخذ حقه ..وخلص
بس كله منها هي ..اللي عصت ...أمره وراحت بدون ..شوره ..تستاهل مثل مصيرهم وأكثر التفت لعزيز ورفع يده بتهديد : والله العظيم لو عزيز يطلع من هنا قبل ارجع بيصير شيء كلكم ماراح ترضون عنه وعاد أنا حذرتكم جميع ....

بندر : أنت روح وأمن بس وهو مثل ال***** بينحبس لما ترد ....

منيف بعد ماطلع مصعب قال : مستوعبين مصعب اقتنع بذي السهوله ياخوفي ناوي على
شيء كبيرر

بندر : حتى أنا مو مطمن وراه شيء والله

عادل وهو عارف خويه والله ناوي على مصيبه قال بسرعة وهو خايف من العواقب : الزفت ذا اخفوه

عزيز وهو يلهف بوجع : حرام عليكم وراي أهل

بندر بقهر : تبي أهلك انصحك لوجهه الله اختفي من الرياض كلها حتى ديرة أهلك لا تروح لها
والله ماتسلم منه لو الحين تخلصت صدقني بعد ساعة ماضمن لك

عزيز بخوف وهو يرجف : تكفون خلوني اطلع بس والله معاد بيشوف وجهي

منيف بسرعة مد يده وقفه وقال بخوف وتوتر لا يبتلون فيه : تقلع الله يأخذك

عادل بسرعة اعترض : لا وين ناسين الزفت ذا وكاد يطلع من هنا يخبر الجوهرة وماضمن ايش يصير لمصعب لو درت أكيد بتنقذ نفسها ويروح فيها خوينا خلوه ينثبر مكانه لما ادق على ولد خالتي يجي ويقبض عليه حق مصعب ماراح يروح على الفاضي

عزيز بسرعة قال : والله ماقول لمخلوق اقسم بالله ماقول ماهو مجنون بعد اللي صار لي منكم ومن خويكم وشرطه تكفى انا مالي دخل هم اللي كان بيخطفونها وقبل ماتعرف عليهم هالشيء صار وأنت أكثر واحد تعرف

منيف قاطعه : عادل خليه يخبرها وتهج ولا يبتلي فيها مصعب صدقوني ماراح يسلمها للشرطه راح يوديها للقبر

بندر : والله انك صادق يامنيف وطالع عزيز انصحك تهج وبعد تفعل خير لو تخبرها

عادل أبد ماهو عاجبه كلامهم حق خويه مايروح كذا وهو بيعرف يتصرف قرب منه ورفسه وصرخ : لو مسوي نفسك طالع من قضية الخطف ترى لا تنسى سالفة الحادث وبالدليل اعترافك .. وطالع اخوياه بلى غباء نسلمه للشرطه قلت وفعلاً وقتها ننقذ رقبة خوينا

عزيز صرخ معترض : لا لا بينا وعد واللي اعطاني هو مصعب شرطه لاااااااا

عادل صرخ بعصبيه : انثبر

عزيز وهو يمسح الدم من خشمه : كل ذا صار منكم وبعد شرطه سكت يوم صرخ عليه ورجع يهدده يالله على المذله اللي هو فيها ولا فيه قوه يشرد
وهم كذا محاوطينه

عادل بعصبيه أشر عليه : منيف وبندر خذوه من هنا وقفلو عليه بالغرفه لما يجي معتز

وبسرعة دق على ولد خالته وبلغ عن السالفه كلها وقفل شاف بندر متوتر قال : ولا يهمك أنت ماهو وأحد من عصابتها ال**** ولا أحد يدري انك أنت اللي صورت وأكيد علاقتك منقطعه من زمان عنهم وبعد الدليل انك رفضت تقوم بذي المهمه ومذكور
هذا الشيء في السي دي وحط يده على كتفه معتز وعدني أنت ماراح يجي أسمك حتى تطمن
بس خلينا نبلغ وننقذ مصعب لا يبتلي فيهم سالفة تعرضهم لزوجته ماراح تمر كذا ....

بندر بتوتر : مدري خايف لا اتورط

عادل : قلت لك ماراح يجيك شيء تطمن

@
@
@
فزت مفزوعه وهي تشوفها نازله من الدرج وباقي بالعباية وعيونها منفخه من كثر الصياح وخدوها وخشمها أحمر يالله شكلها يحزن حسبي الله عليه شكله حطمها على الآخر : ياعمري عليتس افسخي ذي العباية وخذي راحتس البيت بيتس والحين بقوم اسوي شيء تأكلينه من وقت ماجيتي ماأكلتي شيء

الشموخ هز رأسها : لا مشكوره مابي وخلاص لا تعبي نفسك عناد جاي قالي مسافة الطريق ...

اصايل بصدمه : ايششششش

الشموخ جلست على الكنبه وعينها من الدريشه : الخدم كلهم نايمين ابي وحده منهم كان تنزل لي الشنطه ماقدرت أخذها جنبي يوجعني حيل ..

اصايل ماحبيت اسألها زياده :ياعمري أنا انزلها لتس
بس والله كان ودي تجلسين أكثر

الشموخ وهي تطالع الدريشه الكبيره الي بالصالة : الجوو رافض يعتدل المطر من الصبح ماتوقف ضمت نفسها بالعبايه وهي تحس بالبرد تصدقين ماحب فصل الشتاء البرد أنا وهو مانتفق أبد احسه يتعب عظامي ‏

اصايل اي فصل شتاء اللي ماتحبينه اللحين
احترمت تصريفتها لي وقلت : أنا اخاف من هالجو شوفيني وشلون معسكره هنا مابي اجلس بالغرفه لحالي وارهقت هالطفل معي

الشموخ ابتسمت مجامله :حد يخاف من المطر

اصايل هزت كتوفها :غصب عني خواتي كان يستمتعوا وينبسطوا لو جاء مطر وأنا تلقيني وراء ظهر أمي متخبيه وارجف

الشموخ هز رأسها وسكتتتت تنتظر وصوله وتفكر وشلون تقابله مافيها على كلامه ومعاتبته لها ..

اصايل سكتت يوم حسيتها أبد ماهي معي ولا طايقه اتكلم ...معاها ....

@
@
@

بالسيارة
صالح طالع مصعب بحذر ...يحس برعب
ليت بندر ماورطه وخلى منيف ولا عادل يوصلونه هم يمونون عليه أكثر
ارتجف قلبه يوم قال بصوت مرعب : البيت القديم

طالعه مستغرب بس استوعب يوم قال : ناقصني غرض ضروري بأخذه قبل توصلني

صالح بتوتر : ما ادله

مصعب وهو كاره نفسه ومعصب حده : أنا ادلك سق وأنت ساكت

صالح هز رأسه طيب ماهو أنا ساكت بس مستحيل يقولها بوجهه ..طول الوقت يوصف له ..ارتاح يوم وصل للبيت وده ينزله ويشرد ويفك عمره من المشاكل بس مستحيل يسويها فتح الباب بينزل يساعده
بس وقف يوم قال محذره: لا تلحقني اعرف ادبر نفسي دقايق وراجع لا تتحرك وطالعه مثل اللي يقوله عارفك جبان

هز رأسه وهو يطالع المكان بحذر ..المكان ذا مخيف حاره قديمة ...لأول مره يشوفها... بالرياض
شاف مصعب ..وهو يتسند على العكاز ويمشي بصعوبه همس ياكثر مشاكلك واعدائك بسرعة رفع الجوال يخبر بندر دق بسرعة وعينه من الباب أول ماسمع صوت بندر قال بسرعة وهو متوتر: بندر مصعب ودانا لحارة قديمة والحين دخل في بيت بعد قديم ومتهالك حده مدري وش يبي ومنعني أنزل .....

بندر طالع منيف وعادل وخبرهم
بسرعة عادل صرخ : ناوي نيته والله مصيبه لازم نحذر أبو مصعب قبل يصير شيء للجوهرة

منيف فر بخوف وفزع : قلت لك يابندر ليه توصل له السي دي كان الكلب هذا مافضح كل شيء ولا شيء صار من المصايب اللي صارت وبتصير
ومعتز تأخر ياعادل ماجاء

بندر بندم وقهر بنفس الوقت من كلام منيف : عادل سكت خويك وخليني اسمع صالح وش يقول وفتحه سبيكر عشان يسمعون معاه

صالح بتوتر : بندر ورطتني حرام عليك مصعب ماهو طبيعي والله

منيف صرخ :بسرعة حرك واتركه وخله ينثبر حتى نكلم ابوه يصرف الجوهرة لو ماوصلوا الشرطه وأخذوها قبل يوصل

صالح بصدمه : وشهوو اروح مقدر والله بيزعل مني
وحذرني قبل ينزل ما اروح

منيف صرخ بقهر: وقته الحين تهتم بزعل مصعب تقلع بس واتركه ينثبر بذاك البيت حتى نوصل لأبوه
قلت لك ولا الشرطه تأخذها وننقذ خوينا من جنونه
ماراح البيت القديم إلا بيأخذ سلاحه افهم عاد تحرك بسرعه

صالح بتردد... جا بيحرك بس ماقدر وهو يشوفه طالع من الباب وجاي يمه قال بعجز : معاد ينفع خلاص تصرفووا بسرعة ...قفل ونزل جواله مايبيه ينتبههه
طالعه بحذر يوم ركب وقفل الباب اشر له يتحرك بسرعة حرك قال بتردد:مصعب

رفع يده بتهديد : كلمة وحده ماضمن لك رد فعلي

صالح مسك نفسه لا يعصب ..بيوصله للبيتهم وبعده ماله دخل يصير في اللي يصير

@
@
فزيت مفزوعه وأنا اشوف الخدامة تطق باب عمي
قلت بقلق : ايشش فيه

: مافي يعرف زوج أنا يقول روح صحي بابا كبير صاحب مصعب يبغى ودقت باب عمي اللي طلع مفزوع من الغرفة

صاحب مصعب ...مسكت على قلبي وصرخت يمه
ايش فيه اكيد مصيبه صايره له بسرعة صرخت : الشموخ ...انتبهي لعادل حتى اطلع اجيب عباتي
بروح مع عمي ... وبسرعة رقيت الدرج
ولبست العبايه وأنا اركض ...بس وقفت بوجهي الشموخ وهي تقول : هدي اصايل عمي رجع الغرفه
تطمني مافي شيء

قالت وهي تصيح : بموت بموت لو صار له شيء والله بموت وسكتت وهي تشوف عمها طالع من الغرفه ويعدل بثوبه وهو مستعجل

صرخت بخوف : مصيبه صح قول ايش فيه مصعب

بسرعة قال : مافيه شيء تطمني

اصايل وهي ميته رعب : وش اطمن وأنا مدري عنه بروح معك

أبو مصعب صرخ :وين تروحين معي انا بطلع اشوف صاحبه وش يبي مني بذا الليل

بس هزت رأسها وهي تمسك فيه : لا لا مقدر اكيد مدام جا ذا الوقت مصعب فيه شيء ....

صرخ على الشموخ : امسكي ذي المجنونه انا ناقصها يكفي جنون رجلها
يالله أنا متى برتاح من مشاكل ومصايب مصعب .........