رواية جيت مابيك تحقرني جيت أبيك تعز شاني الفصل التاسع والأربعون 49 - بقلم r010ee

{ جدة }
نقلوها للمستشفى ..والحين لهم حول الساعتين
ينتظرون اي خبر يطمنهم عليها ..
قال بقهر وعينه على الغرفة : يمه اللي سواه فيها أبوي مصيبه البنت فاقده الوعي اكيد الحين بيحققوون بموضوع الضرب صدقيني هالمرة
ماراح تعدي كذا

قالت بهمس : انكتم لاحد يسمع انه أبوك
وبقهر الله يأخذها جت وابتلينا فيها والحين الله يعين نتظرها لما تتقدر تتكلم شوي ونقدر نحذرها لو أحد سألها تقول طاحت ولا اي مصيبه بس تبعد أبوك عن اي شبه ماهو ناقصين

خالد بصدمه : يمه حرام الي يصير فيها من أبوي
وبعد مدام كل مره كذا بنسكت عز الله البنت ..

ام خالد وهي صاكه على سنونها وتكتم فمه : اوش بلى بشكلك دحين بالله الي ماراح يسمع يسمع من الكلام الي تقوله انكتم بس وفكر معي وشلون ننقذ أبوك وندبر شيء يدخل العقل

خالد قال وهن يبعد يدها عنه فمه : يمه
بالله أثار الضرب عليها كيف نقولهم طاحت

ام خالد بقهر : خالد لا تبدأ الحين وأنت أكتر واحد عارف وش سوت خلاص انكتم وفكنا وبكل حقارة كملت عادي نقول طلعت من البيت وفيه ناس
تهجموا عليها واعتدوا عليها وصارت بهالوضع

خالد حط يده على رأسه من قوة الكلام الي تقوله أمه وقال : افف يمه وش ذا الظلم

ام خالد رفعت حاجب وقالت : هي ظلمت نفسها قبل تتحمل عواقب سواتها الصايعه

خالد بعصبيه : يمه حاس انها مظلومة أبد شكلها ماهي حق هالسواليف

ام خالد بحقد:خالد شكلك رجعت للماضي ورفعت يدها بتهديد ياويلك فاهم ياويلك

خالد بتوتر : يمه الحين وقته هالكلام والبنت مرميه داخل ماندري وش وضعها بيكون

ام خالد : ماعليها شيء شوي وتقوم

خالد وعينه على الباب : يارب

ام خالد ضربت على صدرها بقهر: آه سمعت أبوك وش يقول رجلها بيطلقها والله صدق بموت وقتها مقدر اتحملها

خالد قال بسرعه : يطلقها وأنا اتزوجها
وأفكها من عذاب أبوي وأفك أبوي لا يبتلي فيها
وببعدها عنكم كلكم

ام خالد طالعته بصدمه ..الي خايفه منه شكله بيصير قالت بتهديد : اقسم برب العزة لو سمعت هالي اسمعه مرة تانيه أعتبرني ماهوأمك ولا أعرفك

قاطعها خالد وهو يقول :دحين هو بس يطلقها وبعدها يصير خيرررر واعطاها ظهره وابتعد وهو يسمعها تناديه
===========
====
==
=
قال بتوتر وقلق : ياللا اخلصي علي

قالت بقهر وعصبيه : انتظر شوي بس
وخليني أفكر وشلون تقتنع تشرب العصير
وبقهر ماعندك طريقه ثانيه غير المنوم مثلاً نقدر نفقدها وعيها فيه

زيد بقهر :لااااااا وقفل

الجوهرة بقهر طالعت الجوال : ال*** حاجتي
عنده هين بس خليني انتهي من الي ابيه منك
وبعدها اشوف وشلون أخليك تثمن هالحركة
وطالعت اماني وقالت بقهر : وأنتِ بعد
مدري وش فيك هالمرة كذا مبلمه تقلعي شوفيها لها دبره
اماني بخوف : مدري وشلون الله يستر ي الجوهرة
البنت بعد حامل والله لو يدري زيد لا يعصب زود

الجوهرة وهي تلبس الطرحه : انا بروح السياره وشوفي أنتِ شغلك معاها وبتهديد ياويلك لو ماتنفذي الي طلبته منك

=====
==

اصايل
تلفت يمين ويسار أدور الجوهرة بعيوني
ماشفتها ..وين ذي أختفت ..و طفشت وأنا انتظرها ..كل ذا تشيل وتلم بذي الأغراض احس القاعة صايره شبهه فاضيه ... ماغير العاملات
رجعت أقلب بجوالي بطفش ..وأنا بالي بالشموخ يالله الحين شلون وضعها ..ي قلبي وحيدة ومكسوره ..بس صدق وين أهلها عنها ابتسمت بسخريه وكاد أبوها من طقة أبوي ..لفيت بسرعه وبخوف من الي صاحت بأسمي : اصايل صح

رفعت حاجب وأنا مستغربه وش يعرفها في أسمي هزيت رأسي وقلت وأنا بالي بعيد : ايه

قالت وهي متوتره : الجوهرة تنتظرك بالسيارة

اصايل حسيت بقهر الحين أنا لي ساعة هنا
وهي حضرتها طلعت بدون ماتخبرني
قلت بسخريه وانا اطالع البنت الي واقفه فوق رأسي : فيها الخير وهي ماراحت بدوني
حسيت عيونها مشتته وتطالع يمين ويسار بتوتر
طنشتها ومشيت بس مسكت بكتفي وقالت : لا لا لا تطلعي من هنا

اصايل طالعت باب القاعه وقلت : من وين أجل

: من الغرفة اللي طلعت منها العروس عشان السواق ..واقف هناك يم الباب ينتظرنا ..وابتسمت بتوتر ياللا لا نطول عليها وتعصب علينا الجوهرة
مافينا لا فتحت فمها
هزيت رأسي ..وأنا أقول حتى صديقتها متأذيه منها ومشيت وراها ...دخلت الغرفة وعيني على الباب الي قالت لي عنه ..
بس انصدمت من هالبنت وقفت بوجهي
وماسكه كوب عصير بيدها وقالت : تفضلي اعتبريه تعارف
رفعت حاجب صدق انها فاضيه ذا وقت التعارف سويت نقابي وقلبي يدق بسرعه مارتحت لها
واحس بعد بخوف توها تبيني اتحرك بسرعه
والحين تمد لي بعصيرر وتبي تتعرف
اعطيتها ظهري وقلت :مشكورة
وجيت بطلع بس رجعت وقفت بوجهي وهي
تمنعني حسيت بخوف دفيتها وتحركت بسرعه بطلع بس رجعت وقفت بوجهي وهي تمنعني
صرخت بخوف وأنا اشوف .....
======

صرخت بخوف وأنا اشوف الشاب الي دخل
ورجعت طالعت صديقة الجوهرة ..حسيها مصدومه أكثر مني ..بسرعة تراجعت لوراء ..بخوف ...يوم عرفته ..هذا صاحب مصعب ايه صاحبه قد شفته أكثر من مره معاه وبعد صورهم
دايم مع بعض حسيت الدنيا لفت فيني وش يسوي هنا وهذي بعد ..تقول صاحبة الجوهرة ..معقول كذبت علي ..ومتفقه معاه ..معقول يخون مصعب ..ولا يبي ينتقم منه فيني ...صرخت بكل صوتي : الحقوني ورفعت يدي وأنا مرعوبه تكفى تكفى مالي ذنب لو مصعب مسوي لك شيء
بس سكتت يوم قال : لا تخافي أنا اساعدك

رددت كلمته وقلت : تساعدني

عادل بقهر : ايه وتطمني ماراح يقدرون
يسوون فيك شيء وجاي عشان احميك من هذولا وطالع البنت الي واقفه
بسرعه ابتعدت وهي تقول : مالي ذنب الجوهرة هي الي قالت اسوي كذا وطلعت تركض

بلعت ريقي يعني هنا عشان يحميني هزيت رأسي
ماهو فاهمه شيء بذات ..والبنت هذي ركضت وش قصتها .شفت الجوهرة جايه بعد وهي تصرخ عليه
: ايش تبي من زوجة ولدي

بس صرخ عليها وهو يقول :الحين زوجة ولدك ومن توو جحدتي حضورها بعد يال*** ** مخططك ما يفشل

الجوهرة وهي تدعي على زيد وصالح وشلون صار كذا أول مره تصير معاها دايم تخطط وتنجح قالت بتوتر : وش مخططه ذا بعد يالله تقلع وخليني أخذ البنت شوف كيف مرعوبه تعالي حبيبتي ماراح يقدر يأذيك

عادل كور يده بقهر وهو وده يسطرها قال :خايفه عليها الحين ومن شوي تبي ترميها لزيد الحقير لكن هين والله حركتكم الوسخه هذي ماراح تعدي كذا وتذكري كلامي وطالع اصايل ياليت ثاني مره ما تطلعي معاها اي مكان وانا الحين ويالله عشان أوصلك البيت

اصايل وشلون يوصلني البيت ..كيف اركب معه بدون محرم مستحيل بس نقذني من أفكاري يوم قال : بكون أمشي وراء السواق لما توصلين البيت
لا تخافين

اصايل
ارتحت شوي ..بس بعدني مذهوله حدي من الي صار ومن الي سمعته وشفته ..طالعت الجوهرة بقهر كانت ناويه علي ..شفت خوي مصعب يوم ابتعد
وقال :تفضلي اوصلك للسيارة

الجوهرة بعصبيه : تقلع قبل ابلغ عليك الشرطه

عادل طالعها وقال : ايوه هذا الي ابيه يالله بلغي الشرطه وبقهر ليت مصعب موجود كان دفنك مكانك ي ال******** وفيني ادق عليه الحين واقوله بس خايف علي صاحبي مايتساهل يبتلي في وحده حقيرة مثلك

الجوهرة طلعت بسرعة ..وهي معصبه وشلون
دري ذا ..تموت وتعرف عضت شفتها بقهر ورسلت لزيد ( تقلع وأختفي هالفتره تمام ) رسل لها على طول ( ودي اعرف مين خبره )
ردت عليه وهي مقهوره حدها (مدري والحين اختفي فاهم وياويلك لا تقول عني )

اصايل
كنت امشي وراء وأنا مرعوبه .. وخايفه حدي ..يالله وش بيسوون كان فيني حسيت بخوف ..ماقدرت
اطلع مع الجوهرة نفس السيارة ..خايفه تغدر فيني
بعد ..وقفت وطالعت خوي مصعب الي كأنه فهم
قال بسرعه وهو صاد بوجههه:لا تخافين بكون وراء السياره وماتقدر تسوي شيء لا هي ولا الكلاب
الي معاها ..وطالع السواق اي حركة منك ترى على طول ابلغ الشرطه
قال بخوف وهو يطالعه : أنا مافي معلوم ايش فيه
عادل بحده : للبيت بسرعة
السواق طالع زوجته الي مرعوبه مثله وهو يهز رأسه
الجوهرة بقهر : لا تخوف سواقي ومالك كلمة عليه فاهم
عادل بعصبيه :تقلعي ساكته قبل أجرم فيك هنا

الجوهرة بعصبيه وبنفس الوقت بخوف :قلت لك مالي دخل ولا تنسى مصعب مشاكله كثيره مع الكل ويمكن حد يبي ينتقم منه لا تحطها فيني

عادل صرخ عليها : قلت لك مابي اسمع صوتك
والحين مثل ماقلت لك حسك عينك تسوين حركة كذا ولا كذا ترى سيارتي حاده سيارتك ..

الجوهرة بقهر : بثمنك هالحركة ي كلب مصعب

اصايل بموت من بقاحتها ... وقاحتها بعد لها عين ترادد الرجال

طالعت عادل الي تفل عليها وهو يقول :وانتِ وش تكوني ي الحثاله

بس الجوهرة سبته وطلعت السياره وهي تصرخ
على السواق ...يتحرك

ضميت نفسي وأنا اصيح ..وش كان رايح يصير فيني
كله بسبتي ايه بسبتي كم مره حذرني منها مصعب
والحين آه لو يدري وش بيسوي فيني أكيد راح يطلقني ...بذات مع فزعة خويه ذي مستحيل مصعب يسكت ..ويتوقع اني فضحته عند خويه ..آه وأبوي بعد لو يدري طالعت الجوهرة بحقد وكرهه
وقلت :والله ماخلي حقي منك

الجوهرة وهي ترسل بالجوال سب لخويتها الي شردت وخلتها بدون ماتطلعها من السالفة
طالعتها وقالت ببروود مصطنع : ليه وش سويت فيك

اصايل طنشتها وصديت اطالع سيارة خوي مصعب
تطمنت شوي ..أول ماوصلنا نزلت الجوهرة وهي تهدد في عادل ..انها ماراح تسكت ..حسيت بخوف اني ادخل معاها نفس البيت
وبذات عدم وجود مصعب ..يعني ماهو بعيده تسوي شيء فيني ..بس وين اروح بذي الساعة
نزلت وانا متردده بس وقفت
يوم نزل خوي مصعب و قال وهوصاد للجهة الثاني : أختي لو سمحتي لا تقولين لمصعب شيء أبد صدقيني لو دري راح يقتل الجوهرة والي ساعدوها و رقبته بتطير ياليت هذي السالفة تتقفل هنا وصدقيني هذي ماراح تقدر تأذيك تطمني أنا حولك واخوياها الحين خايفين أكثر منها

هزيت رأسي وأنا اتخيل مصعب لويدري دخلت ..البيت وأنا ادورها بعيوني
شفتها واقفه قدامي بتحدي قربت منها وأنا اضربها بالشنطه على وجها واصرخ منهاره : وش كنتي ناويه عليه ي ال***** قولي *** وش تبين تسوين فيني ي ال***** والله لا أخذ حقي منك

صرخت وهي تدفني عنها :والله مالي دخل شوفي رجلك مع مين متعارك غيري وحاب ينتقم
منك وكملت بخبث آه دقيقه دقيقه الحين فهمت لا يكون صاحب مصعب جاي وهو متفق معاك ويوم انفضحتوو بوجودي سويتوو هالفلم علينا آه ي قهري كنت على نيتي انتظرك متى تطلعي من القاعة مادريت بنيتك الوسخه وابتسمت بشماته وينك ي مصعب تجي تشوف مرتك مع مين
وعضت شفتها ي الوقحه بزواج ولدي وأنا أقول
ليه غيرتي رأيك فجأة

حسيت برجولي تهاوت بالأرض ماهو مصدقه الي صار لي وبعد هالكلام تقوله كبيرر صرخت بجنون :الحين قلبتيها علينا ي ال***** خوييي مصعب ربي رسله لي لو لا الله ثم هو كان كملتي حقارتك فيني ولو أموت ماجزيته ..بوقفته معي صدق انه رجآل صحت بقهر وأنا اقول آه ليت مصعب موجود صدق و يشوف وش صار فيني ...منك ويعرف وشلون يربيك

قربت منها بخبث وقالت : ايه الحين تبين مصعب بعد مافضحتك مع صاحبه ماتمشي علي هالحركات
بس والله لا يوصل له ولا مااكون ام عناد

اصايل بقهر فسخت جزمتي ورميتها عليها وأنا اصرخ : ي حقيره ي وسخه أنا انظف منك

الجوهرة ركضت لغرفتها وهي للحين مرعوبه يالله وشلون قدرت تفلت ..بس حدها قلقانه من خويي مصعب .. ..كسرت كل شي قدامها من القهر وشلون ضاعت هالفرصه من يدها ..دقت على زيد مايرد رجعت دقت على صالح رد عليها قالت بقهر :شوف مين الي وصل لعادل ولو طلع زيد الي خبره ليتك تخلص عليه بدون ماتشاورني وكاد قلبي يبرد وقفلت قبل يرد عليها ...

اصايل
قلبي محروق ..منها ..الله العالم وش ناويه عليه والحين اتهمتني بشرفي.. حسبي الله عليها .. طالعت الصاله وأنا احس بضيق تذكرت
اني لحالي بهالبيت بسرعه وقفت وركضت لغرفتي
وقفلت الباب على نفسي ..وأنا اصيح للحين ماهو مصدقه اني بخيرررر بسرعه تخبيت تحت المفرش
وجمسي كله يرجف يالله وش كان بيسوون فيني صرخت بخوف وأنا اضم نفسي ودي ادق على أبوي يجي ويأخذني ... بس عارفة رآح يجحدني ...وبيتحجج مثل العاده
===========
=====
==

عادل
شاف رقم مصعب ينور الشاشه ..رمى الجوال
بقهر ..وش يقول له بالله شرفك كان
بيضيع ..لازم يرتاح شوي عشان يقدر يتكلم معاه ويصرفه ..قفل عيونه وسند رأسه وهو يتذكر
اتصال صالح له : اسمع زوجة مصعب حضرت العرس سوي اي شيء قبل زيد يوصل لها
كنت بدق على مصعب بس عارف انه مسافر وقلت اتصالي مارح يفيد مدام انه بعيد

قال وهو مستغرب : وش تقول أنت وبعدين مستحيل تكون حاضره كان قالي مصعب

قال بتوتر : أقولك الجوهرة داقه علي بنفسها تبيني اتحمل المصيبه الي مدبرينها لها
والحين زيد رايح للقاعة ويبي الكل يروح وبيخدعون البنت مدري كيف باقي خطتهم

قال وهو ماهو مصدقه ويتلفت يمين ويسار يدور سيارته وكاد عرف انه يراقب زيد ويبي يضيعه : صالح لا يكون تلعب علي وتضيعني عشان زيد

: عادل زوجة مصعب هي الي بتضيع لو مالحقت عليها الجوهرة ناويه نيه خبيثه الله العالم ايش هي بالضبط

عادل تأكد من كلامه لأنه فعلاً الجوهرة طلعت مع سواقها وزيد بعد واقف لا قربت منه ولا جت صوبه وكأنه ينتظر غيرها ..قال بسرعة :طيب وشلون اقدر ادخل

قال بسرعة : دبرها من عندك أنا الي علي بلغتك وياويلك تقول عني بروح فيها صدقني بس ماقدرت اسكت وقول لمصعب صالح اعطاك معروف وراح يحتاج ترده بيوم من الايام وقفل

عادا للحين مصدوم وبعد شاك انه كذاب خليه ينزل ويشوف بنفسه
نزل من السيارة ..وتوجهه لسيارة الجوهرة
وفتح الباب وقال بحده : وين زوجة مصعب

الجوهرة : وش تبي وصرخت بصوتها كلها
مين أنت وشلون تتجرأ تفتح الباب كذا

عادل بحده وهو صاك على سنونه : وين زوجة مصعب أقولك

صرخت وهي تطالع السواق بلغ الشرطه بسرعة وهي تصرخ ساعدوني

عادل بعصبيه من صوتها الي واضح عليه الكذب والخوف : زوجة مصعب وين وطالع السواق اذبحك تدق

الجوهرة صرخت : احترم حالك وابعد قبل مابليك الحين
عادل بيرد بس سكت يوم جوالها رن بسرعه مد يده
وسحب الجوال من يدها وهي تصرخ معترضه عشان يرجعه فتح الخط وهو يسمعها تقول بصوت خافت : جوجو الحين بغرفة العروس دقايق وخلي زيد ينزل ... بسرعة مافي وقت البنت بتطلع
رمى عليها الجوال واتجهه للقاعة وهو يسأل الحارس وين بالضبط غرفة العروس ...نشب له الحارس ..شوي بس قدر يكذب عليه ..انه من أهل العروس وجاي يأخذ باقي الاغراض ..للعروس ..ودخل وفعلاً مثل ماقال له صالح ..