رواية جيت مابيك تحقرني جيت أبيك تعز شاني الفصل التاسع والتسعون 99 - بقلم r010ee

من وقت ماطلع من عندها وهو ماسك بالسواق تحقيق عض شفته بقهر وهو يكور يده : ترى لو مانطقت مثل الناس بقوم اكوفنك لا تغرك ذي العكاز متسند عليها

هز رأسه بخوف : أنا مافي يعرف يوم زواج
يركب معي ماما جوهره وبعدها مدام أنت
يركب وهي فيها خوف وتصيح ويجي أنت صديق
وبلع ريقه بخوف اللي أنت اللحين يجي هو موجود ...هو نفس صديق سكت مرعوب من صرخته : ياليل خلاص عرفته صديقي عادل كمل بسرعة

ندم انه اشتغل ...بذا البيت بعد ..ذي الصرخه
جته ليته ماجاء حتى من بلده يوم يوقع مع هذا الشخص اللي بنظره انسان ‏سيئ طول مدة شغله هنا ماعمره تعامل معاه ...
بلع ريقه بتوتر وهو يطالع يمين ويسار بخوف
يبي صقر يجي ويفزع له

مصعب قفل عيونه بصبر وحرك رقبته يمين ويسار وهو يأخذ نفس عميق قال وهو صاك على سنوونه : مابي أخذ ذنبك انطق بسرعة

بسرعة قال يوم شاف حركاته نفس حركات المجرمين : صديق أنت يجي يصارخ على ماما جوهره وبعدين يمشي ورانا بالسياره لما يوصل بيت
وبعدين مدام أنت يروح بيت وهي كل خوف وتصيح
وبعدين مافي يعرف ايش صار أنا هنا مسكين مافي يعرف شيء ....

مصعب
سمع حكيه كله نفس حكي اصايل يعني ماكذبت بشيء ...بسرعة أشر له وقال : خلاص انكتم عرفنا انك مسكين ويالله وصلني الإستراحه

السواق بصدمه هذا اللي مايبيه : أنا فيه يوصل أنت

مصعب لا لا لا هذا اليوم ناوي على عمره
بينضرب يعني بينضرب مسكه من بلوزته وقال وهو يقلد صوته : ايه يوصل أنا وصرخ بقهر فيه اعتراض من حضرة جنابك ونفض يده الحقني بسرعة الله يقلع الحاجه بس وهو يطالع رجله المجبسه بقهر ...عاقته من اشياء كثيرر

بسرعة ابتعد عنه وقال بخوف : طيب فيه يجيب مفتاح بس
وعلى طول تحرك وكلها ثواني ورجع وهو يركض خايف لايكون تآخر عليه وينشب معاه ..وشغل السياره وحرك فيه وهو يطالعه بحذر ..كان يسمعه مره يسب ومره
يتكلم بكلام ماهو فاهمه ...لا لا خلاص قررر انه أخر يوم له هنا مستحيل عاد يشتغل عندهم

طالعه برعب يوم قال:وين مكان الجوهرة الي دايم توصلها فيه

السواق بخوف : بس بيت بابا عناد والسوق وعند ماما سحر

مصعب طالعه بقهر يحسه يكذب عليه بس فعلاً الجوهرة اذكى من انها تروح لمكان يعرفه سواقها
عشان تخاف يضغطون عليه ويقول بمكانها
يالله الحين بيروح للعزيز وبيصفي حسابه معاه
والجوهره ملحوقه وين بتروح يعني ..... ومصيرها تطيح بيده ولا بيد الشرطه بس لا يتمنى تطيح بيده أول للحين صفى حسابه معاها ...ويحس بنتصارها عليه .....
@
@
@
صقر
معصب حده ...وهو يشوف الشرطه ...محاوطه بيته ..انفضح في الحي ..كله بذات يوم نزلوا يفتشون يبوون الجوهرة بعد البلاغ اللي قدمه فيها عادل ...

قال عادل : ياعم تكفى ساعدنا وقول وينها عشان مصعب بس

أبو مصعب بقهر : الله لايردها والله مادري فيها وين روحوا لولدها وكاد يعرف مكانها ...

أما أنا مثل ماقلت لكم بعد مادريت بمصيبتها
معاد عرفت هي وين ولا أبي ولعادها على ذمتي والله يأخذ حق اللي مات منها ...وسكت وهو يتذكر صياحها وبكيها
عليه وتطلع هي الي غدرت فيه وذبحته ماعمره توقع ذا الشيء منها يدري فيها تموت بالفلوس
بس ماتوصل تزهق روح ..يالله قد ايش مخدوع فيها كان ... صدق مصعب يوم قال ....شكل دوري كان بعد الشايب... آه لو يدري بمصايبها ..ماتعلق فيها وتزوجها ودخلها بيته ...طالع المكان كله دوريات وماسكين فيه تحقيق ..هز رأسه بقهر ..يحس شوي ويطيح ماسك نفسه ...بالعافيه أخر عمره يتبهذل كذا ومن مين من الجوهرة اللي فضلها على حريمه كلهن....

عادل بقلق : طيب وينه مصعب ماتدري عنه

أبو مصعب بقهر : مادري عنهولا تسألني عاد لا ولد فيه خير ولا زوجه كلهم نفس بعض

عادل سكت وهو مقدر حالته ....أكيد مصعب رجع للاستراحه يبي عزيز ....دق على أخوياه يطلعون من الاستراحه خلاص مدام انقبض على معتز ..وقبل يوصل لهم مصعب ويعلقون معاه
@
@
@
الديرة
طالعته يوم دخل استغربت لأول مره يطول بالسهره برا لذا الوقت قلت بقلق : قلقتني عليك
وادق عليك ماترد ..

عواد ابتسم وجلس جنبها: ولا يكون طالعه من جناحتس وجالسة بالصالة هنا تحتريني

شمسه رفعت حاجب : ايش شايف

عواد رفع نفسه بغرور : والله شايف وحده شوي وتموت من خوفها علي ....

شمسه ابتسمت على ثقته : عشان مانبي نحطمك يالله بقول انك صادق مهما كان ماتهون علينا

عواد ابتسم بس فجأة ابتسامته اختفت
بضيق : ليه حتى الآيام تعاندني

فتحت عيني مستغربه من كلامه بس كمل وهو يتنهد :احسها كذا تمر بسرعة وبرجع اسافر ويوم اكون هناك احسها كذا تجلس على سبدي

تنهدت بدينا بالآسطوانه اللي اسمعها في اليوم مليون مرة همست له وأنا ناويه استفزه : بالعكس
هالمرة احسك طولت هنا حسيته انصدم من ردي
ابتسمت له : لا اشوفتس تصحين علي ...

شمسه همست له : مين قالك بصيح

عواد أشر على نفسه بستهبال : أنا

شمسه حسيته رايق حده الليله قلت : وين كنت لما الحين

عواد أخذ نفس وقال : آه مع الخبل بسام وقسم بالله ودي اسطره كم كف بس امسك نفسي بالعافية
ودي ذا الأسبوع ينتهي ويتم ذا الزواج ونرتاح

شمسه ابتسمت : ليه

عواد عض شفته : آه بس وش اقولتس عن علومه
فشلنا مع راعي القاعة يقول بيلغي حجزه حصل قاعة اطلق منها ...وسكت وهو يشوف أخته
نازله وهي معصبه وأول ماشافتهم هبت فيهم وهي ترفع يدها بعصبيه : قلت لكم ذا ماهو حق زواج واتجهتتت للمطبخ وهي معصبه

قال بحده وهو يطالع شمسه : والله من اللي تبيني أقوم اذبحها

شمسه طالعته بعتب وهمست له : لا تصدمني فيك احب خوفك وحنانك على خواتك

عواد تعوذ من إبليس وقال : طيب روحي شوفي ايش وراها وأنا بسبقك لفوق ...

شمسه وقفت ورحت المطبخ شفتها تسوي قهوتها المفضله وهي معصبه سحبت كرسي وجلست
وقلت :ممكن ياحلوة تحسبين لي

طالعتها بطفش وهي تأشر على مكنة القهوه :العله هذي قدامتس وقومي سوي لنفستس
ترى حدي مصدعه شموس مافيني على ملاغتس

شمسه عضت شفتها : لا لا هالمرة شكل الزعل كايد بينكم

ابتسام بقهر مدت الجوال : والله بموت ناقصه عمر من سخافة ذا الرجال شوفيه بالله وش مرسل

أخذت الجوال منها طالعت ايش مكتوب وحطيت يدي على فمي وأنا احاول امسك ضحكتي بس والله ماقدرت فكيتها ضحك : ههههههههههههه
عضيت شفتي وأنا اشوفها تطالعني بحقد :بسوم والله مافيني ورجعت اطالع الجوال وأنا أقرا ايش كاتب ( قولي لأخوك أنا ماراح احضر الزواج ولا يفكر يدق علي ويعزمني والله لا افشله وارد عزيمته ولا يتوسط بأبوي افهموا عاد مابي أحضر زواج يخصكم ‏) هزيت رأسي أحاول امنع ضحكتي بس ماقدرت

أبتسام صرخت بقهر وهي تسحب الجوال : والنهايه يعني أنا ناقصه

شمسه بصوت رايح من الضحك :الخبل ذا ناسي انه هو المعرس

ابتسام بقهر : مدري عنه والله جننني كل يوم مطلع سالفه غبيه مثل وجهه بس انه مايحضر هذي مصيبه لحالها

شمسه صراحه مافيني.. رجعت فكيتها.. ضحك وذي المره بصوت عالي ...بس ركضت وانا اضحك يوم رفعت الكوب بتهديد تبي ترميني
بسرعه طلعت للصاله ....كشرت يوم شفت حياة جالسه مع عواد وهو باقي ماطلع لفوق مثل ماقال لا لا هذا اللي مابيه متى طلعت من غرفتها

عضيت شفتي بقهر يوم قالت :على هونتس بس
لا تناقزين تسذا ولا ودتس بورعتس يطيح

حاولت امسك نفسي : تطمني مافي احد بيخاف عليه كثري

بخبث وهي تطالع أخوها : الله العالم شكلتس ماتبين تفرحين أخوي وتجيبن له الولد

شمسه برد عليها بس سكت من صرخة عواد : حياة وش بتوصلين له

حياة بصدمه أشرت على نفسها : أنا ترفع صوتك علي تسذا وعشان مين عشان الي رخصتك

شمسه قلبي وجعني من قوة كلامها هذي بترجع مشاكلنا من أول وجديد ..طالعت عواد بشوف ايش تأثير كلامها عليه بس ارتحت يوم قال : مالتس شغل فاهمه وايه برفع صوتي عليتس وذي المره والله لو ماتحترميها بيجيتس شيء ماترضينه ياحياة وابعدي عن حياتي خليني اعيش مرتاح تكفين

حياة مصدومه حدها الحيه ذي قلبته عليها قالت بعصبيه : بعد احترمها ....

عواد تعوذ من إبليس وطالع شمسه ومسك يدها ومر من جنبها وهو يقول : إلا غصب تنكدين علي الله يسامحتس بس

حياة بسرعة مسكت فيه وقالت وهي تصيح : لا عواد تكفى لا تسوي فيني تسذا ترى ماتحمل منك
أنت بذات وبسرعه رفعت نفسها تسلم فوق رأسه تكفى سامحني والله آسفه ياخوي

عواد طالع شمسه وطالع حياة تنهد بضيق وقلبه يعوره عليها قال :وانتِ لا تحديني اغلط عليتس تكفين ياحياة ..وحياتي لعاد تدخلين فيها
لو تبينا حبايب وسلم فوق رأسها وهمس آسف يعز علي ارفع صوتي عليتس ...

شمسه يوم شفت صياحها بحضنه وهو بعد بدأ يعتذر انسحبت بهدوء لجناحي . ...شفته جاي وراي جلس جنبي وقال بضيق :لا أول مره اشد معاها تسذا ماعمرنا زعلنا بعض

ابتسمت بسخريه :حياتي مره شديت

عواد صرخ بقهر : لا تستفزيني أنتِ بعد خلاص سمعتيني ايش قلت لها وأخذت حقتس كله

شمسه هزيت رأسي وقلت وأنا مابي مشاكل : ماقصرت ...

تمدد على الكنبه وقال بقهر : يعني أم خووييي ماحصلت غيرتس عشان تخطبها وفكتنا من
ذا القهر يعني ضروري تسبب ذي الفتنه

شمسه عرفت والله الخبيثه بكلامها بترجع الماضي كله قلت وأنا مغبونه : والله ماغير أختك سببت ذي الفتنه وأنت برافوو عليك سميع ماشاءالله
وقفت بقوم مريت من جنبه بس مسك يدي

وقال :آسف طيب

رفعت حاجب وسحبت يدي وأنا مقهوره
اتجهت للغرفه بس بسرعة وقف بوجهي وهو يقول : والله أنا حلفت ان شموس معاد بزعلها

عضيت شفتي بقهر عجزت أفهمه :شموس بتذبحك بالآخير

عواد ابتسم : عادي اذبحيني هذيك الساعة اللي تروح روحي تحت يدينتس ياشيخه فدوه لتس

شمسه صرخت وهي تضربه على صدره عشان يبعد عن طريقها : مستفززز

ودخلت الغرفة جلست على السرير وهي تشوفه
جاي يمها قالت بتهديد : والله لو تقول كلمة تعصبني بقوم وبخلي لك الغرفة

عواد هز رأسه بلااااااوقال : ماراح أجي صوبتس بس قوليلي علامها الدلوعه زعلانه

شمسه تذكرت ابتسام ورسايل رجلها ابتسمت بدون شعور ورجعت فكيتها ضحك ...حسيت عواد مستغرب من ضحكي ويطالعني وهو مصدوم
مسكت نفس وقلت بضحكه : لا مافيه شيء بس زعلانه ليه بسام مايبي يحضر الزواج

عواد عقد حواجبه مستغرب : اي زواج

شمسه بضحكه : زواجهم هههههههههه

عواد بصدمه : وشهووو مايبي يحضر زواجه وابتسم بقهر خبل ذا ولا وش قصته قلت لتس ذا مضيع ومنتهي

شمسه تمددت على السرير : والله فله

عواد طالعها ورفع حاجب : ايوه وايش بعد

شمسه ابتسمت بتشفي كويس حرقت دمه :سلامتك وهي تغطي نفسها بالمفرش

عواد سحب المفرش : قومي يا أم الفله بس سوي اي شيء جيعان وطالع شنطته اللي بالزاوية بتحسرر وقلعي هذي الشنطه باي مكان مابي اشوفها

شمسه ابتسمت : بقلعها بس ترى حتى لو قعلتها بتسافر ورفعت حواجبي العب فيها عشان اغيضه

عواد بقهر ويقال يعاقبها : سوي كبسه طيب ولحم بعد

شمسه كبسه الحين بذا اليل وأنا بنام ...مسكت يده بدلع وقلت : قوم أنت اطبخ عواد والله وحشني طبخك وبعد لاتحرمني منه وأنت مسافر وبفقده
وابتسمت بخبث يوم عصب وقال : ضروري طيب تختميها بالسفرررر واللحين يعني ماراح تفقدي إلا طبخي هذا اللي طلع معتس

شمسه عضيت شفتي : آسفه ذكرتك وهزيت رأسي ايه بفقد طبخك ...

عواد رفع يده وقام وهو يمثل العصبيه : يلا بس قومي اطبخي قال ايش بفقد طبخك وطلع من الغرفة وهو يتحلطم ..

شمسه وهي تضحك : امري لله نسوي لك وكاد تذكرنا لا سافرت سوينا حاجه حلوة معاك

سكتت يوم طالعها بقهرررر حطت يدها على فمها تمنع ضحكتها ..........وأشرت له يكمل طريقه للصاله ..وهي تقول كبسه بذا الليل تبطي اسويها نواشف منها صحي ومنها رجيم يالدوب

صرخ بقهر : دوب بعينتس قولي معظل بس أنت وش يفهمتس عاد
@
@
@
أول ماوصل الإسراحه
طالعه وقال : روح لا تنتظرني ....

هز رأسه وهو فرحان ...ماهو مصدق انه انفك منه ....

مصعب
دخل الاستراحه شاف العامل اللي يخدمهم دايم...
جالس ينظف استغرب ذا مايجي إلا لما يمشووون
سأل وهو يتمنى انه مايكون الي في باله صح : وين الشباب

أشر بيده : كله راح مافي أحد هنا

مصعب فقد اعصابه وصرخ بقهر :سويتوها فيني يا عيال ال********
بسرعة دق على عادل هو الرأس.. الكبير باقي حسابه ماانتهى معاه بس مارد ... نزل الجوال وهو يسبه
دق على منيف نفس الحكايه مارد.......
لا لا بينجن مو كذا الاتفاق بينهم ...دق على بندر
لا لا هذا حكاية ثانية ...جواله مقفول مره وحده ...نزل جواله
وهو يتحلف فيهم ..ايه ماعنده إلا صالح دق عليه
أول مافتح الخط صرخ بقهر : وينهم ال******
قفل عيونه بصبر وهو يسمع سبته لهم قال بندم ليته مارد :انا مدري بشيء ...عنهم
تركتهم معاك ...

صرخ بجنون : مابيهم ابي عزيز وينه

صالح بسرعة قال وهو يطالع بندر اللي جالس وهو متوتر حده ... :مدري فيهم دق عليهم
بس الللي أعرفه ان عادل بلغ الشرطه على الجوهرة

لا لا لا هذا اللي مايبيه بعصبيه : ايشش بلغ الشرطه
ليه ليه يبلغ

صالح قفل عيونه بصبر : يارجال قتلت روح وشلون
مايبلغ

مصعب اصحابه بيجيبون اجله دايم تصرفاتهم عكس الي يبي : وشله يبلغ وأنا باقي حسابي مانتهى معاها ...وبعد وش اثابته والسي دي باقي معي

صالح طالع بندر وقال : بندر عنده اكثر من نسخه لا تصدق كلامه يوم يقول
انها اخر نسخه كان يكذب عليك والحين اعطى عادل وهو سلمه للشرطه عشان يكون دليل ويمسكونها

صرخ بجنووون : ليه ليه استعجل يعطيه نسخه من اللي عنده والزفت الثاني ايش دخله يبلغ

صالح بتوتر : يقول جريمة قتل ومايصلح يتستر عليها أكثر من كذا سكت وهو يسأله ويرد علي نفس الكلام طالع بندر ومنيف يبيهم ينقذونه بس جالسين يأشرون له بس ماهو فاهم ايش يقولون

مصعب بقهر :من ذاك الزمان عنده السي دي مقد بلغ وماغير جالس ينسخ فيه ويوزع بس يوم حط بيدي وكشفتها قام ضميره يأنبه ال*******

صالح طالع بندر يوم قرب منه وهمس له قول انه انقبض عليها خلاص وقفل بسرعة ماراح تخلص منه إلا كذا : مصعب أنا مدري بشي
بس اللي اعرفه ان الجوهرة انقبض عليهاااااا الحين وهي بيدهم

صرخ وهو منهار : لاااااااااا بعد انقبض عليها
متأكد من ذا الحكي صالح

صالح اشر لهم بعلامة انجن خلاص شاف بندر يأشر له عشان يقفل قال بسرعة وهو يحس بطبلة اذنه انفقعت من صراخه : ايه متأكد عادل دق علي وخبرني وبعدها مادري بشي والحين اعذرني بقفل
وصلت البيت ...

عض شفته بقهر يوم سمع صرخته :قلعتكككك
وقفل بوجهههه قبل يقفل

قال بقهر وهو ينزل جواله : والله مصعب قليل أدب بقوه بعد

منيف ابتسم بسخريه : ماشاءالله توك حسيت
طالع بندر بفهم ذا المفهي وشلون متحمله

صالح بقهر صغر عيونه بندر حط يده على كتف صالح : ذا ذراعي اليمين ولا تغرك فهاوته تراه مافي مصيبه إلا هو يجيب قرارهاااااااااا ويكفي انه وفي .....
صالح انبسط وهو يسمع مدح بندر له
بس انقهررر يوم قال منيف : بحاول اقتنع بس والله ماشي ياخي شوف كيف احسه ثور كذا يمشي على الأرض مايدري الله وين قاطه ....

صالح بقهر : والله ماأنت بعيد عن خويك نفس الأخلاق أعوذ بالله ياليت تفهمون ان الملافظ سعد

منيف ابتسم وهو يطالع بندر اللي بعالم أخر ...

بندر متوتر وخايف حده ينتظر جية عادل بفارغ الصبر قال :شكلي بقوم اروح اشوف عادل ايش صار معاه متوتر حدي مقدر أنتظر أكثر

منيف : اجلس يارجال عادل طمنك وقال ولد خالته بيبعد اسمك عن التحقيق وبيحاول يصرفك باي شيء تطمن تعرف عادل مدام انه متأكد ماراح يورطك عشان ينقذ مصعب صدقني عادل حكيم ويفهم بذي الأمور ...

بندر بقلق : مدري خايف اروح فيها لاني صورت وساكت طول ذي الفتره وبعدها بنشب بمصعب بعد هو ماراح يسكت

صالح وهن يطمنه : ازهلها عادل ومعتز قدها وبعدين الله معاك يكفي أخذت حق هذاك الرجال المسكين إلا لو ماصورته كان حقه ضاع واندفن معاه .... ومصعب بيحوسنا مثل العادة شوي ويهجد

منيف عض شفته : الله اعلم ايش حالته الحين

صالح: مهما وصلت حالته أفضل مانخلي له عزيز والجوهرة وبعدها صدق حالته ماراح ترضي احد فينا
إلا خليه يكسر ويعصب حتى يطيب اللي برأسه ومصيره يهدى لو ناسي اذكرك تذكر يوم وفاة أمه ايش سوى إلا يذبح الجوهرة وتندفن قبل أمه

وسكت وهو يشوف عادل جاي وبيده أغراض طالع بندر وقال بفرحه : مدام فيه جايب شيء نأكله أمورك في السليم

بندر بقلق سأل : ايشش صار معاكم

عادل جلس وقال بضيق : الزفته شردت ماندري وين ارضها وبعد زيد ماله أثر مختفي بس عزيز اللي مقبوض عليه وأول مايقبضون عليها بيخبرنا معتز

بندر بقلق وخوف : الله يستر بس

صالح : عادل والله ان خويك بينجن على الآخر الحين علمناه انك بلغت
على الجوهرة وبعد كذبنا عليه وقلنا انقبض عليها خلاص خلك نفس كلامنا يوم يدق عليك

هز رأسه بحزن : الله يلوم اللي يلومه المهم حالياً لا أحد يرد عليه منكم ويعرف مكانا .... لما بس الجوهرة وزيد ينقبض عليهم ....

منيف : طيب مدام بنختفي كم يوم ياليت نهج للدمام ولا لي مكان لمدة شهر منها فله ومن ننحاش من ذا المجنون

عادل طالعه بسخريه : صدق فاضي وقت فله اللحين

منيف : لا والله ابي انحاش من مصعب
وقف وهو يقلد حركاته وصوته وهو معصب ليه خنتوني ليه وأنتم اخوياي .. اذبحكم كلكم ولا سأل فيكم ولافيه أحد يردني وبدفنكم مكانكم قولووو ليه سويتم فيني كذا ياخووونه يا****** يا****** وطب على عادل يخنقه

عادا بقهر رفسه : ابعد الله يأخذك تخنقني ليه الحين

منيف وهو يضحك : لانه دايم أول واحد يطب فيه أنت ولا ناسي ....

بندر ابتسم غصب عنه : طيب ضروري تعيش الدور
منيف ابتسم : وش اسوي ورجع يقلد مصعب
وهو يدور بالغرفة ويرفس المساند ايش اسوي فيكم اذبحكم ...وجلس بتعب كذاب من وقت ماعرفناه وهذي كلمته وهو مايقدر يذبح فار
اقلقنا على الفاضي ...

صالح ميت ضحك عليه : والله جبت حركاته نفسها صدق انك موهوب في التقليد

منيف انبسط وضرب على كتفه : اعجبك والله
باقي ماشفت شيء

عادل هز رأسه بقهر : أقول يالموهوب ليته يسمعك بس ويحولك لفار صدق

منيف وهو يسحب كيس الأكل : يخسى يسويها
هذاك المكسح يالله برجل وحده وهوو كذا حايسنا
أجل لو هو بصحته وش يسوي

صالح بضحكه : يكفخك مثل العادة

منيف تلفت يمين ويسار وقال بسخريه : سمعتووو مين ينكت فكوني عليه تكفوووون وعض شفته بقهر ياخي توني احاول استلطفك ليه كذا خربت على نفسك بسرعة ..

عادل بسخرية : خلاص صالح ترى منيف لا قام قام
من الحين احذرك

منيف رفع نفسه بغروو : بالله شفت ذاك اليوم كيف طرحت مصعب

بندر : ذبحك ذا المصعب بالقوه تصير اقوى منه كل بس وأنت ساكت

منيف ضحك على نفسه وقال : امنيتي والله

وبدا يأكل.. شاف عادل قام ولا أكل معاهم يحسه.. قلقان حده على مصعب ...يكذب لو يقول ماهو قلقان هو بعد ... بس هذي أفضل طريقه انهم يبتعدون عنه مده ..لانه صعب مواجهته بذات الليله ...لازم السالفه شوي تركد ...

حتى بندر يحسه قلقان من موضوع السي دي
وخايف لا يروح فيها معاهم مهما حاول يخفي توتره ويضحك واضح عليه .....مافي إلا صالح يأكل صدق ان المفهين عايشين مرتاحين قال : والله اني احسدك

صالح طالعه مستغرب والأكل بفمه :وشهوو

منيف أشر له : كل بس