رواية جيت مابيك تحقرني جيت أبيك تعز شاني الفصل الثاني والخمسون 52 - بقلم r010ee

قلت وأنا اضمها واصيح معاها : ي قلبي عشان عيالتس هدي شوفيهم وشلون حالهم

‏سميرة وهي منهاره : والله مظلوم من ‏أسبوع وهو يقول متورط مع ناس وخايف من رد فعلهم لا يبلونه بمصيبه والحين صار الي خايف منه

شمسه بحزن عليها: ي عمري مدام مظلوم صدقيني ربي بيطلع حقه

سميرة وهي تصيح :يارب بس وشلون أخوه يقول الكميه كبيرره والله لا يأخذ فيها سنوات

شمسه
طالعتها وشلون تصيح بحرقه ..على اللي سواه فيها وافي وصبرها عليه بس ماترضى فيه ..وبتموت عشانه ..نقدت على أخو رجلها ليه يفجعها تسذا همست لها وأنا اضمها لصدري : ي قلبي ماعلتس منه وصدقيني بيطلع وهو مظلوم خلي ثقتس بربي كبيره

سميرة وهي تصيح : والنعم بالله بس خايفه
ي الشموس حدي عليه وشلون بيتحمل هالظلم صاده

شمسه همست لها : ماعليه ي قلبي رجآل ويتحمل بعد ماحستيها هدت شوي قمت وقربت عيالها الي واقفين يطالعونها بخوف احسهم مرعوبين حدهم وقلت بحزن عليهم: تكفين عشانهم هدي عمرتس شوي وطمنيهم عليتس

قلبي تقطع عليها يوم ضمتهم لصدرها وهي تقول
وش بيصير فينا بعده على مصايبه بس مانقدر نعيش دونه

ام سميرة همست لشمسه : تكفين حاولي فيها ‏تاكل لها شيء من امس وهذا حالها
الله يسامح أبوكم شوفي حال سميرة
وبعد حال اصايل الي مدري وشلون عيشتها هناك وكل مره تقول انها بخير وانا عارفة بنتي وش مخبيه
وانتِ بعد وهزت رأسها بحسره آه مافي حد مرتاح
كله وراء ابوتس الله لا يسامحه

قلت بضيق : والله ي حال أبوي بعد يقطع القلب ي خاله ارفقي به لاتزيدي عليه

ام سميرة بحده : بعد وشهوو ولا توه يصحى ويحس فيكم بعد ما أم محمد رمته

شمسه فتحت عيني بصدمه وقلت : وشهوو

أم سميرة بتشفي : طلبت الطلاق منه وقالت حتى ولدك مابيه وعيشتك بعد مابيها وردني لأهلي
والحين ردها ورمى عليها الطلاق ....

كنت أسمعها وأنا مصدومه ..حدي متى صار
ذا كله ..ومعقول طلقها كذا بسرعة ..وش بينهم
صار ..وي قلبي على محمد سألت : وينه حمودي

أم سميرة بحزن : حسبي الله على أمه يقطع القلب
مع خواتس الصغار بالبيت

شمسه وشلون يالله كل ذا يصير فيهم وأنا مدري
عضيت شفتي وأنا بصيح على حال حمودي
أستغفرت ربي ..ورحت للمطبخ حضرت لها عشاء
ومسكت جوالي ورسلت لعواد ( بنام عند أختي
حالتها ماتسر أبد )
شوي وصلني رده ( ماعليه الليله خليتس جنبها إلا طمنيها وقولي لها عواد بيشوف قضيته بنفسه )
ارتحت افتكرت بيعترض رسلت ( ماتقصر ) تذكرت حمودي ..... رجعت رسلت له ( تكفى لو تقدر أبيك تروح تجيب لي حمودي )
ابتسمت يوم شفت رده ( ابشري ولا يهمتس بس ليته المغرور يوافق يجي معي قالب علي مدري ليه دقي عليه وقولي له انتِ الي تبينه مافيني على طول لسانه بعض مرات أمسك نفسي غصب عليه ودي كذا امسكه وفرك خشته بالأرض ) تذكرت تذمر حمودي وطول لسانه عليه رسلت له ( ماغيره يبرد قلبي فيك والحين بدق عليه وأعطيه خبر اني أنا الي رسلتك له )
رفعت حاجب يوم شفت رده ( وش اسوي عيال عمي ولازم علي اتحملكم )
رسلت له ( ماشاءالله طول عمرك تتحمل ورسلت له فيس ساخر ) عضيت شفتي يوم سمعت صوت خالتي تبيني أعجل بالأكل اخخخ نسيت اشغلني الله يشغل العدوو

=============
=====
==
=
بعد يومين
آه للحين مرعوبه ..من الي صار لي وحابسه عمري بهالغرفة خايفه خدي أطلع ..بعدت
المفرش وأنا ابعد الي صار من رأسي بس وشلون أقدر آه طول عمري بدعي لصاحب ..مصعب على الي سواه معي ..مستحيل انسى هالمعروف ..وأكثر شي مريحني اني عارفة انه ..مستحيل يوصله الي صار لانه يخاف عليه أكثر مني بعد ..رميت الخداديه
بقهر ..وشلون سويت بنفسي تسذا ..ليتني مارحت
والي قاهرني أكثر ...الجوهرة وكذبها ..وشلون تحلف ان مالها ذنب ..وبعد لفقت فيني أنا والرجال تهمه وقفت قدام التسريحه وطالعت شكلي ..كان فضيع ..من كثر الصياح
والحالة الي عشت فيها هاليومين ..آه وينك
ي مصعب صراحه وجوده يحسنني بالأمان
بهالبيت الي كله مؤامرات .. ‏مديت يدي وأخذت
جوالي ..كنت اتمنى أحصل له مكالمة ..
بس مثل العاده الأخ مايدري فيني ..عضيت
شفتي وفتحت اسمه (مجنوني) ضغط عليه بدون حس بسمع صوته ...وكاد ارتاح وحالة الخوف الي احس فيها تروح شوي أول مافتح الخط قلت بدون حس وأنا اتخيل الي صار لي :محتاجتلك كثيرر
متى بترجع

عقد حواجبه وقال بقلق : ايش صار لك
ماسمع لها صوت قال بخوف : اصايل معي

قفلت عيوني وأنا اتذكر توصية عادل ..وتخيلت
وشلون ردة فعله بتكون تعوذت من إبليس وقلت
بتمثيل : معاك

سأل مره ثانيه : ايش صار لك

اصايل بلعت ريقي وقلت وأنا اضيع سؤاله : لايكون شايف لك شوفه هاااا اشوفك ناسي عندك مره يالي ماتستحي لو بالغلط دق ياخي

وقف عند الإشارة وأخذ نفس براحه وسند ظهره على المرتبه وابتسم وقال برواق : ايه وش ابي منك حصلت وحده رشيقه وطويله ماهو مثلك دوبه وبالأرض

اصايل صغرت عيوني بقهر وقلت : بعد رشيقه وطويل وشلون تقولها بوجهي تسذا ي رجآل ماسمعت بشيء اسمه( مراعاة للمشاعر)

مصعب ضحك بصوت عالي يكذب لو يقول مافقد
هواشها قال وهو مروق :أنتم ي الحريم ماينعرف لكم لو سوينها بالسر زعلتو وقلتو خيانه ولو صارحناكم قلتو وين مراعاة المشاعر ماينعرف لكم
وترى على فكره شرع الله وشهوله تعترضون

اصايل كنت بموت من القهر هذا وأنا ابي فزعته
الحين بكلامه ذا زاد ضيقتي قلت وأنا احس
ب دموعي نزلت الي من أول ماسمعت صوته وأنا ماسكتها مسحت دموعي بكف يدي وصرخت بقهر : تصدق استاهل كف على وجهي ي المجنون

مصعب عقد حواجبه وقال: افاااا ليه

اصايل بصرخه كلها قهر: لأني داقه عليك وقفلت بوجههه ورميت الجوال .بعصبيه داقه وهي تبي تطلع من الحاله الي عاشتها هالفتره بس الي صار العكس قهرها زود ..
اتجهت للحمام الله يكرمكم ..وأخذت شور
وصلت ...الظهر ..ونزلت وهي ناويه تدور
على الزفته ...بتصفي حسابها معاها باقي قلبها مابرد ..
أول مانزلت من الدرج دورتها بعيونها ..ماحصلتها
اتجهت لغرفة الجلوس الي دايم يجلسون فيها
هي وابو مصعب ..بس يوم دخلت انصدمت
من وجود مصعب ...معاهم ...من نص ساعه تكلمه
ليه ماقال لها انه جاي ...ودها ترجع ..تطلع غرفتها زعلانه حدها منه بس وقفت يوم قال وهو مبتسم : تعالي تعالي
طالعته وأنا مقهوره ...وبنفس الوقت فرحانه انه
موجود ..طالعت الجوهرة الي حسيتها توترت
رفعت حاجب ..مثل الي أقولها فيك خير خططي الحين ..وهو موجود ..صدت عني الخايسه ..قربت من مصعب وجلست جنبه وهمست له
بقهر :ليه رجعت

مصعب رفع حاجب وقال بهمس :أنا رجال
اخاف الله المده الي كنت جالسها عندها الحين
جيت وبجلس عندك نفسها وبعدها نرتب جدول يرضي الطرفين مافيني على هواشكم

اصايل عضيت شفتي وضربت على كتفه
وقلت وأنا صاكه على سنوني:ماشاءالله عليك
في العدل مافي مثلك
مصعب حط يده مكان الضربه وقال بضحكه:الحمدلله يارب وهمس لها بس هالمرة حصلت انثى ماهو مثلك

اصايل عضيت شفتي بقهر ياناس أذبحه طالعت الجوهرة الي عينها منا بس بسرعه صدت وقالت بدلعا الي يدبل السبد : ذوق صقور هالحلاا سويته لك مخصوص

حسيت بقهر منها الخبيثه ...بس قلبي برد
فيها يوم قال مصعب : لا تكثر يبه نخاف على صحتك

الجوهرة بقهر : وش قصدك يعني أنا ماخاف عليه

مصعب رفع حاجب وسند ظهره وتكتف
وقال بستفزاز : ايه قصدي كذا

الجوهرة طالعت زوجها وقالت : صقور شوف شوف توه راجع وبدأ‏ معي للمره المليون قلت لك خذلي بيت لحالي مدام هذولا ماراح يطلعون ولا خلني اروح لولدي عناد

مصعب ميل فمه وابتسم وقال :ايوه الحل الأخير مره يناسب لي صراحه يالله تقلعي لبيت ولدك

ابو مصعب صرخ بعصبيه: مصعب
توك راجع وجاي بمشاكلك .. والله تعبت مانقدر يعني نجلس كذا مثل عائله محترمه نقدر بعض
ونحترم بعض

الجوهرة مسكت على كتف صقر وقالت بخبث : خلاص حبيبتي هدي أخاف السكر صدق يرتفع عليك الحين وطالعت مصعب الي مد يده لاصايل يبيها تقوم معه قالت بحقد والله لا تتغدا فيها :آه ي اصوله لو تدري بصديقاتي كلهن منهبلين عليك ويسألون مين هذي الي شعرها طويل جايه معاك بزواج ولدك الكل بيخطب بس قلت لهم حدكم هذي زوجة ولدي وكملت بتودد خبيث :طبعاً عارفه الحين انك ي مصعب بتعصب علي ليه قلت عنك ولدي وفعلاً أنا معتبرتك ولدي حتى لو أنك رافض هالشيء وش اسوي اي شيء من طرف صقور حبيبي احبه ومسكت بكتف أبو مصعب

ابو مصعب :طول عمرك اصيله الله يعطيك العافية

اصايل شفت يد مصعب الممدوده لي فجأة نزلها ويطالعني بتساؤل .. كنت بحالة صدمه وذهول
شوفوو الخبيثه وشلون حذفت هاالمصيبه ..علي أخر شيء كنت أتوقعه انها تقول ..عشان روحتي
لزواج ولدها توقعتها بتموت رعب من الي صار
وبتحاول تخبي روحتي عن مصعب ويكون الكرت بيدي بس الخبيثه قلبتها علي...بسرعة
طالعت مصعب ..الي واقف فوق رأسي وهو بعد مصدوم ..وبنفس الوقت يطالعني بعصبيه
بلتت شفتي بس ماقدرت أتكلم او ابررر له ..وقفت معه ...ومديت يدي بمسك يده وأنا خايفه من الي ناوي عليه وردة فعله بس الحمدلله
ماكسفني مسك يدي ومشينا
طالعت الجوهرة قبل اطلع وأنا اتحسب عليها..توه راجع الرجال ...امداك ..بس شوي ارتحت وهو مسك اعصابه.. توقعت . يعصب ويهفها
ويهفني بعدها ..أول مابدينا نرقي الدرج فك يده
مني ورقى قبلي رقيت بعده
وأنا اقول : مصعب
بس طنشني وقفل الباب بوجهي قبل اصل له
وقفت وأنا الوم عمري ..استاهل والله ...
ومن حقه يسوي الي يبيه فيني ..رفعت راسي
لفوق وأنا ادعي الله انه يسخره لي ...فكرت أدخل
له وافهمه وأعتذر منه ...بس خايفه حدي منه
يمكن يتهور ويمد يده ولا تجيه حالة جنون
واخسر نفسي والي في بطني .. اتجهت لغرفتي
وأنا مخنوقه ومقهوره ...بس ماقدرت أجلس
والله بروح واشوفه والي فيها فيها ...
طلعت من الغرفة .. ورحت لغرفته.. سميت بالله
وقلبي يدق من الخوف فتحت الباب ..ودخلت
شفته جالس على السرير ..حسيت برعب يوم طالعني احسه مثل الأسد شوي ويقوم على فريسته رفعت يدي وقلت وأنا ابررر: من حقك والله تسوي الي تبي بس اعرف اسبابي أول

زفر ببرود مصطنع وقال :عادي وش فيها زواج وحضرتي ماخربت الدنيا

اصايل فتحت عيني مصدومه .وقلت : وشهوووو
يعني مو زعلان

مصعب رفع كتفه وقال :لا على وشهوو ازعل ويالله بأخذ دش وبنام تعبان حدي ورفع يده يومين ماهو نايم وابتسم عريس ومشغول بعروستي كان وتمدد وقال وهو يطالع السقف آه طيرت النوم من عيني الله يسامحها ورفع جواله يطالعه وهو يقول
اخخخ مادقت تشوف وصلت اولا بزعل منها والله

اصايل الخبيث جالس يلعب بعصابي والله ..أبد
ماتوقعت هذي ردة فعله ..وبعد وشذ الكلام جالس يرميه قلت بقهر : دقيقه دقيقه وش ذي بعد من اليوم وإنت والكلمه الثانية عريس ..وبعد ترمي كلام ماهو فاهمته

مصعب رفع نفسه وتسند على يده وقال وهو يطالعها : ي قلبي مو زعلان منك ترى زعلان منها مادقت تطمن علي يوم وصلت

اصايل بقهر صرخت : مصعب لا تجننني

مصعب ابتسم ببرود وقال : أنا زعلان منها وشهوله تتدخلين شافها بتتكلم قاطعها و قال قلت مو زعلان منك خلاص هوينا واطلعي وخليني ادق عليها الثقيله وطالع الجوال وقال وهو مبتسم بخبث آه مسويه حالك ثقيله على مصعب هين
بخليك تموتي فيني مثل الخبله ذي قدامي
وطالع اصايل وقال تصدقين أموت بثقل البنات ليتها تصير كذا ثقيله على طول ماهو مثلك وين وايش صار معاك ومتى بترجع كأني بزر ..

اصايل قربت منه وجلست وضربته على صدره بقهر : مصعب وش تقول جالس أنت ماهو فاهمه شي

مصعب مسك يدها وقال بوقاحه : تمام تمام هدي شوي وبفهمك وش يعني عريس يعني زواج يعني تزوجت عليك وليه سافرت سافرت عشان أقضي شهرر عسل ي عسل وأشر على راسها فهمتي

اصايل كنت اطالعه بصدمه مسكت وجهه وقلت بهمس وأنا اطالع عيونه : تقولها صادق

مصعب هز رأسه وهو يرفع الجوال بوجهاا
يوريها بالصورة ......
.....