رواية حب الاعشى الفصل الخامس عشر 15 - بقلم xv

مرّت الايام، واقترب موعد الوليمه التي كانت عطوة تنتظرها بشوقٍ شديد، لم يكن لديها ذرةُ صبرٍ حتى يحين ذلك اليوم وتذهب اليها
كانت قد اعدّت كل شيءٍ منذ وقتٍ طويل، من الملابس الى المكياج الى المجوهرات، وحتى تسريحة شعرها، ارادت ان تكون الأجمل في تلك المناسبه

وحين جاء اليوم المنتظر، تجهّزت عطوة بكل عنايه، وكان مظهرها فاتنًا بحق
نزلت إلى الطابق السفلي، وهناك... التقت بضاري

ضاري
"وش هالزين وش هالحلا"

عطوه بغنج
"عجبك شكلي "

ضاري
"حييل ، كل ذا لي "

عطوه
" لا للعزيمه اليوم ما تتخيل كم لي انتظرها "

ضاري
"عزيمه ؟"

عطوه
"اييه ببيت الحضارم "

ضاري
"مافي روحه"

ضحكت عطوه تظن بانه يمزح

ضاري
"لا اتكلن من جدي انا مافي روحه و قفلت الباب و خذيت المفتاح من شطنتس بعد"

عطوه
" وش يعني ؟ "

ضاري
"يعني اليوم بنقعد مع بعض "

عطوه
"طيب اروح العزيمه عقبها نقعد مع بعض"

ضاري
"لا "

طلع ضاري دفتر الارقام و قعد يدور على رقم بيت الحضارم
و طلعه

ضاري
"خذي دقي و اعتذري بانتس مارح تجين"

عطوه
"ضاري تستهبل ؟"

ضاري
"لا والله ما استهبل يلا دقي"

عطوه
"بطلع يعني بطلع"

ضاري
"كلمتي ما تتثنى "

عطوه
"ضارري!"

ضاري
"معليش يا عطوه خلي هالحلاوه لي ما ابي احد يشوفتس بهالزين الا انا"

عطوه
" ضاري افتح الباب و عن ولاغتك ذي"

ضاري
"اول شي صدرتس مفتوح وانا ما ارضى ثاني شي مارح تطلعين و هالعزيمه مارح تحضرينها "

عطوه
" ضاري تكفى!"

ضاري
"هالمره مارح تمشي علي تكفى يلا اقعدي معي"

عطوه
" ضاري لي اسبوعين وانا انتظر بهالعزيمه مارح تحرمني منها بارده مبرده"

ضاري
"تمام يلا اطلعي"

عطوه
"هات المفتاح طيب"

ضاري
"لا"

عطوه
"طيب يا ضاري شكرا"

خذت عطوه الدفتر و دقت على الرقم

عطوه
" هلا خالتي ام سعد"

الرقم
"معتس سعد"

عطوه
"سعد ؟ ، سعد عطيني خالتي"

التفت ضاري يوم نادت بسعد و اشر لها بان تنزل التلفون عن فمها

ضاري
" كان قلتي لي انه سعد كان كلمته انا"

عطوه
"وانا وش دراني انه سعد!"

ام سعد
"هلا مين"

عطوه
"هلا خالتي انا عطوه"

ام سعد
" هلا هلا متى جايه"

عطوه وهي تناظر ضاري
"والله يا خالتي دقيت اعتذر عن العزيمه صار لي ظرف ولا راح اقدر احضر"

ام سعد
" ليش تعالي وش هالظرف ان ما في احد يوصلش انا اخلي سعد يجيبش"

عطوه
" لا لا وش دعوه تجيبين سعد يجيبني لتس والله ظرف صار ولا راح اقدر اجي اعوضتس بالجايات ان شاء الله"

تعمدت عطوه بانها تجيب طاري ان سعد يوصلها عشان ضاري يعصب

ام سعد
" تمنيتش تجين والله بس مرةٍ جايه ، يلا مع السلامة يا بنيتي"

عطوه
" مع السلامة "

و سكرت التلفون

ضحك ضاري وهو يقول
" تبي سعد يوصلتس تحسبتس بتوافقين"

عطوه
" ان كان سببي ان محد يجيبني بوافق"

ضاري
"وشنهو؟"

عطوه
" ما كذبت"

قالتها عطوه و طلعت فوق و مسحت الميكب و غيرت لبسها و فكت تسريحة شعرها و قعدت فوق ما نزلت لضاري

عصب ضاري من ردها و انتظرها تنزل ولا نزلت و طلع لها فوق

ضاري
"وراتس ما نزلتي لي ؟"

عطوه
" وليش بنزل لك؟"

ضاري
" يمكن لاني زوجتس ؟"

عطوه
" اي يصير خير ، اقبض الباب"

ضاري
"تعالي على السرير ابي اكلمتس بموضوع"

عطوه
"كلمني هنا"

ضاري
" لا ابيتس قبالي "

قامت له عطوه و قعدت قدامه على السرير

ضاري
" ابي يكون عندنا هاجد صغير "

عطوه
"ادعي "
قالتها عطوه و جت بتقوم

مسكها ضاري من معصمها بقوه و جلسها

ضاري
" لازم نعمل بالاسباب طيب"

عطوه
"مالي خلق ولاهو وقته خلاص تراك منكد علي يومي "

"ضاري اتركني!"

ضاري
"ماني بتاركتس انا ابي اخذ الي ابيه منك"

عطوه
"و من كان يقول ما يبي اطفال اول سنتين ؟"

ضاري
"طيب صادقه ما قلتي شي كذب "

عطوه
"و انت كل ما بغيت جيت و قلت ابي عيال ! ، يعني حارمني من العزيمه على ذا السبب! مجنون انت ، مو وقت حركاتك يا ضاري "

ضاري
"انتي زوجتي و ذا حقي ولا ؟"

عطوه
" الا صح ذا حقك بس انا مو مستعده اليوم"

جت بتقوم و تطلع راح ضاري و صك الباب بالمفتاح و حطه بجيبه

عطوه
"ضاري مو كل ما بغيت لازم انا ابي تراني اتعب ! "

ضاري
"طيب ذي ابسط حقوقي كزوج لتس"

عطوه
"اذا ذي ابسط حقوقك وش اكبر حقوقك ، من الاخر ما ابي ولا انا مستعده فاهم !"

سحبها ضاري و خذاها لسرير
"لا مو فاهم هنا ابي افهم "

عطوه بعصبيه واضحه مره
" ضاري مني بلعبه عندك كل ما اشتهيت جيتني و غصبتني ! تراك فاهم الزواج غلط ! متخيل اننا بس نتهاوش على هالسبب ! لان شهوتك عاليه تعالج من هالمرض و فكني مو حاله كل ما اشتهيت جيت و غصبتني ترا يضرني يضرني و الحين فك الباب لا اكسره"

انخرش ضاري من كلامها لان اول مره تنفعل عطوه لذي الدرجه

ضاري بعناد
"باب مني بفاكه و طلعه من الغرفه منتي بطالعه انا بقعد منسدح السرير و سوي الي تبينه "

راحت عطوه بتجاه الباب و قعدت ترفسه

تعجب ضاري من إصرارها جاء يبي فتحه لها و كسرته بحكم انه خشب

عطوه
" ان بغيت اكسر عظام شخص كسرته له يا ضاري ترا الموضوع اسهل من ما تتوقع و كلام لا تكلمني و اكل ماني مسويه و غسيل ملابس مني مغسله يا ولد امك "

قالتها عطوه و طلعت من الغرفه متجهه لصاله قعدت و شغلت تلفزيون الا بتلفون البيت يدق

تفحت الخط عطوه على نزول ضاري عشان يشوف من الي داق

عطوه
"الو "

مزنه
"عطوه ! وراتس ما جيتي ؟ وين الي كانت بتطير من الحماس ؟"

عطوه
" اسالي اخوتس ليش ما جيت "

مزنه
" ترا في ولد جاي و سأل عنتس عند ولدي "

عطوه
" من ؟"

مزنه
" واحد يقاله مسعود"

عطوه
"تمزحين "

مزنه
"والله "

عطوه
" وش جيبها ؟"

مزنه
" اقولتس مسعود تقولين وش جيبها"

عطوه
" مزنه بلا دلاخه !"

مزنه
" اذا ضاري جنبتس كحي"

كحت عطوه

ضاري
" صحه "

مزنه
"يلا لا اشغلتس "

عطوه
"لا تكفين اشغليني شكلي محرومه من الطلعه اسبوع "

مزنه
"وانتي خبله ؟ افتحي الباب و اطلعي"

عطوه
" و الباب مقفل يا حظي و ماخذ مفتاحي بعد"

مزنه
" الله يعينتس بس اخوي و اعرفه عنيد "

عطوه
" امييييين الله يعيني و يخليتس رياض"

ضحكت مزنه
" امين امين ، يلا توصين شي ولاش ؟"

عطوه
" ما تقصرين "
و طفت عطوه

ضاري
" من الي تكلمينها "

ما ردت عليه عطوه و حقرته

ضاري
" قدها ؟"

خزته عطوه ولا ردت

١١:٥٧-
قعد ضاري و اخذ الرموت و غير القناة كان متوقع رد من عطوه لكن عطوه ما اعطت اي ردة فعل بالعكس اخذت جريده و قعدت تقراء فيها

لف ضاري عليها
" قد درستي"

ما ردت عطوه

ضاري
" وين درستي"

عطوه
"ما دخلت المدرسه "

ضاري
"اجل شلون عرفتي تقرين"

عطوه
" كانت تعلمني بنت جهم بالدس"

ضاري
" يعني كان في احد يونستس هناك"

عطوه
" كانت تجيني بالدس اقولك ، بعدين وش هالطاري !"

ضاري
"اسف"

قامت عطوه و دخلت المطبخ و سوت لها بيالة شاي و جنبها بسكوت و حطتهم بصنيه خلتهم بالمطبخ وراحت لصاله و خذت جريدتين و حطتهم بالصنيه و طلعت فوق لسطح

طالع ضاري وراها بدون لا تحس

حطت الاغراض و فرشت طرحات بالسطح و قعدت هناك و بدت تقرا

لكن حست بان احد قاعد يناظرها

عطوه بدون لا تلتفت
"ضاري وش مجيبك "

ضاري
"شلون شفتيني"

ما ردت عطوه

التفت عطوه و لمحت شي بالارض ركزت شوي و شافت دخان

قامت عطوه و مسكته

عطوه
"ضاري وش ذا؟"

ضاري
"مب لي "

عطوه
"اجل لي يعني ؟ محد قد طلع السطح غيري انا و انت "

ضاري
"مو حقتي"

عطوه ببرود
" شوف ترا انت المريض مب انا و ترا الي تسويه بنفسك محاسب عليه يوم القايمه

ضاري
" ليش هالبرود ؟ ، وين الي كانت تعصب و تسوي كل شي عشان اوقف دخان ؟"

عطوه
"ولازم اعصب و اعطي ردة فعل عشان توقف ؟ لا طبعا انت بخص بنفسك"

ضاري
" بس نفسي ملك بين يدينتس"

التفتت عطوه على ضاري
" طيب ليش يوم رفضت عصبت علي ؟"

ضاري
"لاني ما طلعت من البيت ضنيت انتس مارح تكسرين بخاطري "

عطوه
" يا دلوعه انتي ما اكسر بخاطرتس "

ضاري
"احشمي نفستس يا عطوه عيب هالحكي"

عطوه
" ضاري فارقني ماابي اشوف وجهك"

ضاري
" وانا ابي اقعد بالسطح عندتس شي ؟"

عطوه
"تدري اقعد بالسطح و سو الي تبيه "

قامت عطوه و خلت اعراضها و نزلت نزل وراها ضاري

ضاري
"هيه وين رايحه ؟"

عطوه
" غرفتي"

ضاري
"غرفتس ؟"

دخلت عطوه الغرفه وراحت لدولاب الفرش و خذت مفرض و خذت مخدة ضاري من السرير و مسكتهم و رمتهم عند الباب

عطوه
" مارح تنام جنبي الليله"

ضاري
"بتقوين ؟"

عطوه
" ايه اقوى يلا اطلع ابي ارقد"

ضاري
" تو الوقت"

عطوه
" ابي انام و بعدين وش تو الوقت و مالك دخل "

ضاري
" وش هالاسلوب "

عطوه
"اكلمك مثل ما ابي يلا اقبض الباب فارقني "

اخذ ضاري الاغراض و طلع راح للغرفه الي جنب غرفتهم و فرش الاغراض و انسدح

غطو ثنينهم بنوم

- ١٠:٣٠
صباحا

قامت عطوه من النوم غسلت و صلت الفجر و غيرت لبسها
نزلت و سوت فطور

بعد نص ساعه

خلصت عطوه الفطور و راحت فرشت لها صفره و حطتها قدام التلفزيون و شغلت و بدت تاكل

نزل ضاري و شاف عطوه

جاء و جلس قبالها
" يوووه عاد انا جوعان من امس ما كليت شي"

عطوه
" ما حسبت حسابك سو لنفسك"

ضاري
" عطووه تكفين بس سوي لي على الاقل بيض"

عطوه
" انا ما اكل بيض ولا احب ريحته سو لنفسك"

ضاري
"تكفين لا ترديني"

عطوه
" الا بردك و سو لنفسك تحمل نتايج فعايلك "

ضاري
" طلع لتس لسان يا قطوه و بالسرير تترجيني افكتس هاه"

عطوه
" كيف النومه على الارض ؟"

ضاري
" كسرت ضلوعي"

عطوه
" شفايفك للحين بها اثر عقب العضه ؟"

مسك ضاري شفته السفليه و نزلها
" شوفي بنفستس "

عطوه
" حلو خلها تذكار"

ضاري
" ابي تذكار بيدي طيب"

عطوه
" اعض يدك لا"

ضاري
" بس شَفِتي عادي ؟ ، وانا ما ابي تعضيني ابيتس تمشخيني بقوه و يقعد اثر للابد"

عطوه
" ايه هات يدك تو اظفري مكسور عاد"

مد ضاري يده و مشخته بقوه و قعد يصب دم

ضاري
" ما توقعتس تسوينها "

عطوه
"هذاني  سويتها"

ضاري
" شوفي يدي تصب دم"

عطوه
" طيب ؟"

ضاري
" طيب ؟، وين الي تخاف علي ؟"

عطوه
"والله لا اكلمك كذا لمدة اسبوع و تشوف "

اتوقع ذا اطول بارت اكتبه

بدون مراجعه

ارائكم تهمني جدا جداااااا