رواية حب الاعشى الفصل الخامس والعشرون 25 - بقلم xv

"يوم تخلصين عدتس برجع و اخذتس ، موافقه؟"

قامت عطوه
" مو وقته يا ضاري انت تعبان "

كان ضاري يحاول يقوم و قعدت الاجهزه تطلع صوت

لفت عطوه عليه
" ضاري! خلك بمكانك"
راحت له و قعدته

ضاري
" لا تشلين يدتس"

عطوه
" ضاري انا مشغوله"

ضاري
" حالي عاجبتس عطوه؟ عاجبتس الي امر به ؟ "

عطوه
" لا "

ضاري
" اجل ليش تسوين كذا فيني حسي فيني شوي عطوه ، عطوه اسمعيني ، اترجاتس ؟ تكفين عطوه تكفين ارجوتس اسمعيني ارجوتس "

عطوه
" ضاري الله يعافيك انا مشغوله "

ضاري
" ان طلعتي والله لا افك كل هالأجهزه "

عطوه
" تكلم"

ضاري
" بعد عدتس بجي اخطبتس موافقه ؟ "

عطوه
" تعال ، بس ماابي عرس"

ضاري
" ابشري"

جت تطلع عطوه لكن فز قلبها من كلمه نطقها ضاري و هي طالعه

" استودعتس الله"

ما وقفت و طلعت

وضحى
"مشينا للمحكمه؟"

عطوه
"مشينا"

نزلو من الدور الثاني لبرا و دخلو مع سواق وضحى

"انتا في معلوم هذا محكمه شرطه كبير"

هز راسه السواق بانعم

"ايوا روح روح"

عطوه
"خالتي لو رفضو ؟"

وضحى
" اخليه يطلقتس"

بعد ربع ساعه وصلو المكان

وضحى
"يلا انزلي يا بنيتي"

نزلت جوري و دخلو للمحكمه

تكلمو و اخذو موعد مع القاضي و جاء متعب لهم

جوري
"خالتي مو كانه واجد؟"

وضحى
"تحملتي السياره مو قادره تصبيرين خمس دقايق و ياصل يا قليبي؟"

"بس اني خايفه"

"مالع داعي الخوف"

متعب
"معليه يا عطوه بتنحل ان شاء الله "

وضحى قرصت متعب و باذنه بدون لا عطوه تلاحظ
" شدخلك انت سوالف حريم"

سكت متعب و نادو رقم الدعوه

دخلو و كان وقتها مسعود واصل

الشيخ
" وش الي صاير بينكم"

مسعود
" تبي الطلاق وانا مو راضي اطلق"

الشيخ
" كم لكم؟"

عطوه
" يوم من العرس ثلاث ايام من الخطوبه"

الشيخ
" وش سبب الافتداء ؟"

عطوه
" مو مرتاحه معه"

الشيخ
" بس هالسبب"

مسعود
" يا شيخنا مو منطقي السبب!"

عطوه
" يا شيخ ما اقدر اتحمل و هو يبي يذلني وانا ما ارضاها على نفسي يطيح الاغراض عشان انحني و اجيبها !"

الشيخ
"صحيح هالكلام "

مسعود
" تحاكي الرجال ولا كانها متزوجه"

عطوه
" لا تكذب امس كان العرس متى امداني اكلم ؟"

الشيخ
" الزوج انت تبي الافتداء يصير ولا؟"

مسعود
" لا "

الشيخ
" الحكم بيطلـــ"

وضحى
" يا شيخنا الزوج الي يطلع حرمته بتالي الليول رجال ؟ ة

الشيخ
" لا مهوب برجال"

وضحى
" انا مب امها لكني بحسبة امها اعرفها اكثر من عوالي يا شيخ الصبي الي قدامك تاركها تجي على رجولها و بنص الليل و جت عندي ما عندها اهل ، اعتبرها وحده من بنياتك بترضاها عليهم ؟"

الشيخ
" لا والله مارح ارضاها "

وضحى
" اجل لا ترضاها على هالبنيه"

الشيخ
" المهر موجود؟"

عطوه
" ايه"

الشيخ
"نص ولا كامل؟"

عطوه
"كامل "

الشيخ
"وش المهر يا مسعود؟"

مسعود
" ثوب"

الشيخ وجه لشرطي بانه ياخد الكيس من عطوه و يعطيه لمسعود
" شفه ذا ولا ؟"

مسعود
"ايه هو"

الشيخ
" الحكم بيتنفذ امضو على هالاوراق"

خذاها الشرطي و عطاهم

مسعود
" بس انا مو موافق"

الشيخ
" الي سمعته كفايه و غير ذالك انت ما انكرت يعني الي صار حقيقه"

امضو على الورقه

الشيخ
" مدة العدة الى ما ينتهي حيضك ان كانت عليك انتظري الين ما تجيك مره ثانيه و ان ما جتك شهر من اليوم"

عطوه
" شكرا لك"

طلعو و كانو كلهم فرحانين و رجعو عطوه لبيتها و عادت لنفس دوامتها قاعده بالبيت

فجاه يدق الباب على عطوه

راحت عطوه للباب
"مين؟"

" انا انا"

فتحت عطوه الباب
"حياتس "

دخلت
" بمرح عندتس و بتجي مزنه بعد"

عطوه
" صدز!"

وضحى
"ايه ايه يلا وين انام انا"

عطوه
" نامي بمكاني "

وضحى
" لا لا بنام بالمجلس مع مزنه"

عطوه
" خالتي نامي بمكاني وانا انام مع مزنه"

وضحى
" اكيد ؟"

عطوه
"اي والله"

وضحى
"ايه زيـــ"

ما كملت كلمتها الا دق الباب

عطوه
" اكيد ذي مزنه"

فتحت عطوه الباب
"هلا مززنه شلونتس"

مزنه
" قالولي الخبر من هنيا جيتس من هنيا"

عطوه
" بتمرحين معي بعد يا حظي"

مزنه
" شلون اخلي اختي؟"

عطوه
" تبين نقعد و عقبها اكلم عزيزه ؟"

مزنه و هي داخله غرفة عطوه
"انا تعباانه ماسكه خط خمس ساعات"
قالتها و هي ترمي نفسها على سرير عطوه

عطوه و هي طالعه
"اجل نامي "

مزنه
" وش نومه ؟ بتقولين لي الي صار تراني مريت ضاري عقبها جيتس"

عطوه لفت عليها
" ايه وش الطاري يعني؟"

مزنه
" لا يغرتس اننا بس نتخانق و كان بيذبحني بس تراه يقولي كل شي"

عطوه
'' وش بيقول يعني "

مزنه
"يمكن انتس خفتي انه يفك الاجهزه ؟ و يمكن الخطبـــ"

عطوه
" اص اص تبين تاكلين فيه اكل ترا"

مزنه
" الصدز ينقال جوعاانه بالحييل "

وضحى مرت
" يويلي ما تاكلين بالشرقيه؟"

مزنه قعدت
"الا يمه بس الطريق خمس ساعات و قعدت مع ضاري ساعه لي ست ساعات ما كليت "

وضحى
" زين انا جايبةٍ معي مرقوق "

مزنه
" احبببه حيل "

وضحى
"فرشت الصفره و الصحون قومو كلو بس"

عطوه
" شبعانه"

وضحى
"ترا حتى فطور ما كليتي كلي ولا يكثر "

عطوه
" والله مسدودةٍ نفسي "

مزنه
"كلي بس"

عطوه
" لقمه عشان خاطركن ولا مني بجوعانه"

وضحى
" لا والله ؟"

عطوه
"خالتي والله مني بيم الاكل"

وضحى
"اجل يم وش ؟"

مزنه
" انا اعرف"

عطوه
" مزنه بالله ابلعي لسانتس"

وضحى
" كاني اشوف منقارتكن انتي و الجازي"

عطوه تكت بالجدار
"الا وين الجازي قالت بتسافر البحرين عقبها ما شفتها صدز سافرت؟"

مزنه
"انتي الاخبار توصلتس متأخر"

وضحى
" مزنه خلي عنتس الهرج الواجد و قومي ساعديني"

مزنه
" يمه انا مفتكه من ازعاج البنيه مخليتها مع رياض عشان اريح"

وضحى
" ذي ضرايب الي يزعج بنيتي "

مزنه
"وانا مب بنيتس ؟"

وضحى
" يصير خير يلا اطمري جيبي اللبن"

عطوه
"خلها انا بجيبه"

راحت عطوه و طلعته و حطته الصفره و قعدت
" مو ناوين تاكلون انتم ؟"

وضحى
"قومي يا مزنه اخلصي"

نزلته عن خاطركم والله تو كتبته حتى السرد ماش

-بدون مراجعه

ارائكم تهمني